Ndue Ukaj

[fegi]

Është botuar në Amerikë libri me poezi, “Ithaca of the Word” (Itaka e fjalës), i poetit dhe kritikut të letërsisë Ndue Ukaj, me përkthim të Peter Tases. Poezia e Ukajt është vlerësuar si shenjë identifikuese e poezisë moderne shqipe, ku ndjehet fuqishëm fryma universale e poezisë dhe kërkesat e saj për të qene pjesë e poezisë së përbotshme, duke përcjellë frymën e veçantë dhe tiparet moderne të poezisë shqiptare, tipare dhe karakteristika këto që ndeshen fuqishëm dhe me një mjeshtëri në vargjet e Ndue Ukajt. Ky libër, i vlerësuar për stilin unik nga përkthyesi Peter Tase, karakterizohet për origjinalitetin e tij dhe mund të konsiderohet një ngjarje e rëndësishme për poezinë shqipe dhe përkthimin e saj në gjuhën angleze.

Libri është botuar nën përkujdesjen e Piro Tases, si përfaqësues i autorit (Author representative) në SHBA dhe perëndim, ndërkaq libri, brenda pak ditësh do të jetë në shitje, përveç shtëpisë botuese “Lulu”, edhe në rrjetin e fuqishëm botëror, si Amazona dhe Barnes and Nobles, ku libri do të ketë qasje ndërkombëtare.

Ky libër shfaqet para lexuesit amerikan me

tiparet e veçanta poetike dhe shquhet për një stilistikë moderne, ku ka një përpjekje të thyhen shabllonet e poezisë, madje duke e riaktivizuar edhe një formë të poezisë së gjatë, vlerëson Petrit Palushi. Atë e shquan mendimi i thellë dhe një ndjeshmëri e veçantë, e cila përcillet tek lexuesi amerikan dhe anglishtfolës, me një përkthim të bukur të Peter Tases, i cili, është autor i disa fjalorëve, i shumë përkthimeve dhe autor i teksteve të ndryshme për letërsinë.
Shkrimtari Ndue Ukaj nga kritika letrare është vlerësuar si psalmist modern i poezisë shqipe, ndërkaq poezia e tij shquhet për tematikën e larmishme ku, nëpërmjet një stili origjinal, ndërthuret ajo nacionale dhe universale. Poezia është pasqyrimi më i mirë i shpirtit të një kombi, prandaj botimi i këtij libri në anglisht, është një hap i rëndësishëm për njohjen e poezisë shqipe në botë.

Më 2004, Ukaj ka botuar librin, ”Diskursi biblik në letërsinë shqipe” (AIKD, Prishtinë). Është bashkautor i monografisë “Stublla”, si dhe është i përfshirë në disa antologji të poezisë shqipe. Me 2008 ka botoi librin me poezi "Ujëvarat e metaforave" (botimet M&B) Tiran