Media ne Shqiperi: Na mireinformon apo na mashtron?

[par]

Mediat e Irfanit/ 400 milione lekë nga institucionet shtetërore

 Feb 25, 2016  Aktualitet, Kryesore

Mediat e Irfanit/ 400 milione lekë nga institucionet shtetërore
Gazeta Panorama, shoqëria mediatike në pronësinë e biznesmenit Irfan Hysenbelliu ka përfituar transferta prej qindra miliona lekë nga institucionet shtetërore. Referuar statistikave të Open Spending Albania, rezulton se përfituesi Panorama Group ka marrë në total 38.019.350 lekë të reja nga buxheti i shtetit, për llogari të institucioneve shtetërore, lidhur me shërbimet që media në fjalë ka ofruar.

Për periudhën e viteve 2012-2013, rezulton se në llogarinë e Gazetës Panorama janë kryer 278 transferta me vlerë totale 23,037,671.00 lekë. Siç shihet në raportet e mëposhtme, shërbimet e kësaj medie janë ofruar për institucione të ndryshme, si për shembull Bashki, Ministri, Agjenci Shtetërore etj. Kryesisht kategoria e shpenzimit lidhet me printime,publikime apo libra.

Ndërkaq, në vitin 2014 rezulton se media e Irfan Hysenbelliut ka përfituar në total plot 12,682,379.00 lek të reja (ose rreth 127 milion lek të vjetra). Për këtë vit, mësohet se janë kryer 89 tranferta, ndërsa rezulton se është përfshirë ndër të tjera edhe kategoria e shpenzimit ‘Posta dhe shërbimi korrier’.

Referuar statistikave të mëposhtme, për periudhën 2015-2016, Panorama Group ka përfituar 2,299,300.00 lek të reja në sajë të shërbimeve të ofruara. Rezulton se janë kryer 51 transferta. Shpenzimet e insitucioneve shtetërore për këtë periudhë varjojnë nga 5500 lekë deri në 507.000 lekë, të tranferuara nga Thesari i shtetit për llogari të Panorama Group. Pra në total, kjo media ka marrë rreth 400 milion lek për vetëm tre vite nga institucionet shtetërore./citynews

[par]

Ndërtimi tek Parku. Meta gjobë kundër Erion Veliaj? Një gazetar ndërmjetës

Publikuar në 18:15, 16 Mars, 2016 nga SYRI.net
ilir meta - veliaj - lefter koka
Ka një debat mbi ndërtimin e një këndi lojrash dhe grand kafe brenda parkut kombëtar. Një pjesë e pakapur e shoqërisë civile po e kundërshton fort ndërtimin në park për dy arsye. E para është kundër ligjit dhe e dyta i hap rrugën shkatërrimit të të vetmit park që i ka mbetur Tiranës.

Por ka dhe një element tjetër që nuk po i jepet shumë rëndësi. Ndoshta një element që nxjerr në pah dhe një përplasje të madhe që po ndodh ndërmjet Edi Ramës dhe një ministri të tij në qeveri. Bëhet fjalë për ministrin e mjedisit Lefter Koka.

Kryeministri Rama prej kohësh po i bën presion të jap lejen mjedisore për këtë ndërtim të filluar tashmë, por po has në rezistencen e pamenduar të ministrit të tij. Ky i fundit mësohet së është në të njëjtin presion nga kryetari i tij i partisë dhe kreu i Kuvendit Ilir Meta. Burime për “SYRI.net” pohojnë se Meta e ka kërcënuar me “djegie politike” Lefter Kokën, në rast se e jep lejen e mjedisit.

Erion Veliaj gjendet në një situatë të vështirë edhe në raport me Prokurorinë. Kjo e fundit e ka në “tavë” në rast se vendos të filloj hetimet për lejen. Rama dhe Veliaj nuk e kishin menduar këtë rezistencë të ministrit Lefter Koka.

Po pse po e pengon Meta, Lefter Kokën të lëshojë lejen e mjedisit? Qëndrim parimor? Vështirë të besohet kur bëhët fjalë për Ilir Meten. Meta dhe parimi janë afër aq sa Nexhmije Hoxha me Gonxhe Bojaxhi.

Gjoba? Rasti për një gjobë të madhe ndaj kreut të bashkisë Veliaj ka gjasa të jetë arsyeja e bllokimit. Gjithashtu, ka zëra se gazetarë fqinjë të Ilir Metës dhe Erion Veliajt po ndërmjetësojnë për të shpëtuar Veliajn nga sikleti dhe të “qerasin” Ilir Metën më ndonjë ”nder bashkiak”.

Këto zëra hidhen poshtë ose vertëtohen përfundimisht nga leja ose jo e mjedisit për parkun.

[par]

GËRDECI, 10 FAKTE QË MEDIA NUK I THOTË


Cdo 15 Mars media ofron detaje dhe fakte të përsëritura mbi dosjen ‘Gërdeci’. Fakte të stërthëna apo detaje të përzgjedhura nga dosja që tregojnë diçka, ndonëse kjo dosje fsheh ende disa të panjohura dhe probleme thelbësore, që media nuk preferon asnjëherë t’i eksplorojë.
HashtagAL ofron në vijim 10 fakte dhe ngjarje, të verifikuara, të cilat japin një tjetër këndvështrim, të ndryshëm nga sa jeni mësuar të lexoni mbi çështjen ‘Gërdeci’.


-1. Nuk dihet arsyeja pse shpërtheu ‘Gërdeci’

Pas shpërthimit, prokuroria shqiptare pajtoi agjencinë amerikane ATF për të hetuar shkakun e shpërthimit. Ekspertët amerikanë kryen studimin dhe konkluzioni që ata dhanë në fakt nuk ishte një konkluzion, por një dilemë.

Ekspertët amerikanë dhanë 5 shkaqe hipotetike që mund të kishin shkaktuar shpërthimin. Ndërsa në raport amerikanët shkruanin: “shkaku i pestë mund të jetë ndonjë arsye tjetër që ne nuk e kemi parashikuar në këtë raport”.

Faksimile raporti i ATF
Ekspertiza e ATF

Me pak fjalë hetimi nuk dha asnjë rezultat, por prokuroria shqiptare mori një nga shkaqet hipotetike të shpërthimit dhe e bëri fakt të kryer. Prokuroria tha se ishte karroca e saldimit shkaku, ndonëse ekspertët thoshnin se kjo s’mund të vërtetohej, por thjesht dyshohej.

Ish-kryeprokurorja Ina Rama nuk u pyet asnjëherë nga media se përse ajo zgjodhi arbitrarisht për të konvertuar në akuzë një fakt hipotetik të pavërtetuar me ekspertizë.


-2. Prokuroria përjashtoi nga hetimi njeriun më të rëndësishëm

Fabrika e Gërdecit ishte ligjërisht në pronësi të biznesmenit amerikan Patrick Cornelious Henry III. Biznesmeni shqiptar Mihal Delijorgji, ishte ligjërisht një nënkontraktor i Henryt.

Por prokuroria shqiptare nuk shpalli asnjëherë fletë-arresti për biznesmenin amerikan Patrick Henry, gjatë gjyqit prokuroria kërkoi që Henry të dëshmonte nga SHBA-ja nëpërmjet një video-konference. Prokuroria shqiptare nuk dha asnjëherë arsye se mbi ç’bazë e përjashtoi z.Henry nga hetimet dhe pse ajo i mori të mirëqëna deklarimet e tij se kontrata e dytë mes tij dhe Ministrisë së Mbrojtjes ishte falsifikuar.

Biznesmeni amerikan mori menjëherë imunitet nga prokuroria shqiptare dhe nuk u bë për asnjë moment objekt hetimi. Një rast i rrallë ky ku arrestohet nën/kontraktori dhe lihet i lirë kontraktori që ka përgjegjësinë direkte.



-3. Stafi i Ambasadës Amerikane në Tiranë ishte nën hetim në SHBA

Kongresi në SHBA ngriti një komision hetimor pas artikullit në NYT. Komisioni “Waxman” nisi hetimin e fakteve dhe pjesë e hetimit ishin disa zyrtarë të rëndësishëm të ambasadës amerikane në Tiranë.

Por përtej këtij fakti dhe dyshimeve të bazuara se këta zyrtarë kishin nxitur dhe toleruar këtë biznes, në Tiranë situata paraqitej krejt ndryshe. Ishte ambasada amerikane dhe ky staf që mbikqyrte hetimet dhe që udhëzonte ish-kryeprokuroren Ina Rama mbi mënyrën se si duhej të hetonte.

Ky ishte një nga konfliktet më flagrante të interesit, por askush nuk foli. Askush.



-4. Gazeta “New York Times” devijoi investigimin

nyt
Shkrimi i NYT, i përshtatur në variantin shqip

Ndonëse gazeta “New York Times” nuk kishte në epiqendër fabrikën e Gërdecit dhe demontimet, por kishte kontratën e shitjes së fishekëve kinezë, ngjarjet lidheshin nëpërmjet disa personazheve.

Por shkrimi i bujshëm i NYT ofroi një histori rozë me një djalosh që quhej Efraim Diveroli, i cili kishte arritur të fitonte një kontratë të majme në Pentagon për blerjen e fishekëve.

E vërteta është se Efraim Diveroli nuk ka qenë asnjëherë një kontraktor i Pentagonit. Sepse korporata që fitoi kontratën në Pentagon quhej “BETA” dhe është një nga korporatat më të fuqishme në botë në biznesin e armatimit.

Djaloshi Efraim Diveroli, u bë nën/kontraktor i kompanisë “BETA” dhe jo i Pentagonit. Pra ishte kompania “BETA” lojëtari kryesor në këtë histori, por emri i kësaj kompanie thuajse nuk u përmend fare. Me kompaninë “BETA” ishin të lidhur disa drejtues dhe ish-drejtues në dekada të Pentagonit.

“BETA” kishte pajtuar kompaninë e Diverolit për të bërë ‘punët e pista’ me fishekët kinezë. Kjo skemë i vlejti, sepse kur plasi skandali ishte Diveroli ai që u “dogj”, ndërsa reputacioni i kompanisë “BETA” qëndroi i papërlyer.



–5. Prokuroria shqiptare ndërtoi një akuzë absurde

Akuza kryesore që prokuroria shqiptare ngriti ndaj Mihal Delijorgjit, Ylli Pinarit dhe Dritan Minxollit ishte ajo e “vrasjes me dashje dhe paramendim”.

Absurdi i kësaj akuze qëndronte në faktin se kur akuzon dikë për vrasje me paramendim, duhet me doemos të ofrosh dhe motivin pse është orkestruar vrasja. Motivin prokuroria nuk e jepte dhe nuk dinte ta thoshte.

Për cilën arsye një biznesmen duhej të vriste punëtorët e vetë dhe të hidhte në erë një biznes që i sillte miliona dollarë fitime?

Megjithatë prokuroria i qëndroi kësaj akuze deri në fund, ndonëse gjykata ja rrëzoi duke e konsideruar si një akuzë absurde dhe të pabazuar.


-6. Aksidentin e Kosta Trebickës e ‘certifikoi’ një amerikan

Çdo 15 Mars vijnë në media fakte dhe detaje nga dosja “Gërdeci” e bashkë me to nuk mungojnë asnjëherë dhe dyshimet mbi atë që i ndodhi Kosta Trebickës. Vdekja e Trebickës u klasifikua zyrtarisht si një aksident automobilistik, ndonëse perceptimi publik në shumicën e tij e dyshon si një vrasje.

download (2)Por ajo që mediat shqiptare harrojnë përherë që ta thonë është fakti se janë pikërisht amerikanët ata që e klasifikuan dhe e certifikuan si ‘aksident’ këtë vdekje.

Pas vdekjes së Trebickës, prokuroria shqiptare, me ndihmën e ambasadës amerikane pajtoi një ekspert amerikan të quajtur Kevin Teter, ai rezultonte pronar i një ofiçine mekanike në Kaliforni. Teter erdhi në Tiranë bëri ca matje dhe doli në konkluzionin se Trebicka kishte humbur jetën si pasojë e përmbysjes së makinës së tij.

Raporti autoteknik i ekspertit amerikan ishte dhe baza ku u mbështet prokuroria shqiptare për ta quajtur vdekjen e Trebickës si një aksident.


-7. CIA i dha certifikatë mirënjohje Ylli Pinarit në burg

Ndërsa ish-drejtori i kompanisë MEICO, Ylli Pinari, ndodhej në qelitë e burgut 313 i arrestuar dhe nën akuzë, brenda qelive të burgut ndodhi një ngjarje e panjohur për publikun e gjerë.

Përfaqësues të shërbimeve amerikane i dorëzuan atij në burg një certifikatë mirënjohje për disa shërbime që kishte kryer në bashkëpunim me autoritetet e CIA-s.

Pinari kishte bashkëpunuar për interes të shërbimeve amerikane në disa misione jashtë Shqipërisë.



-8. Laptopi i Pinarit u bastis dhe materialet i’u dhanë medias

SEANCA PER GERDECIN - Dy prej te akuzuarve per tragjedine e Gerdecit, Ylli Pinari dhe Dritan Minxholli, gjate nje seance gjyqesore ne Gjykaten e Faktit, ku Pinari ka fajesuar Forcat e Komandos se Bashkuar FKB, si pergjegjese per tragjedine e Gerdecit.
Ylli Pinari dhe pas tij Dritan Minxolli

Një nga ngjarjet më pikante të ndodhura me hetimin e Gërdecit, ishte dalja në media e të gjithë dosjes që dispononte prokuroria. Mes dokumenteve të shumta ishin dhe materialet e gjetura në laptopin e Ylli Pinarit, ish-drejtor i MEICO.

Disa prej fotove të gjetura e tregonin Pinarin edhe gjatë një vizite në fabrikat e armëve në Korenë e Veriut. Koreja e Veriut është një vend armiqësor ndaj Shteteve të Bashkuara dhe vizita e Pinarit atje ishte për llogari të shërbimeve amerikane.

Por ndonëse ishte një vizitë tepër sekrete dhe delikate, dokumentet dhe fotot e kësaj vizite rrodhën në media duke sjellë një situatë që mund të ndodhë vetëm në republikat e bananeve.



-9. Amerikanët kërkuan që Ylli Pinari të mos arrestohej

Arrestimi i ish-drejtorit të MEICO-s Ylli Pinari ka ndodhur mes shumë polemikash. Amerikanët e konsideronin atë një partner efikas dhe tepër të besuar, ndërsa i kërkuan autoriteteve shqiptare që të mos e arrestonin.

Këmbënguljen më të madhe që Pinari të arrestohej e kishte ish-Presidenti Bamir Topi.

Përtej sugjerimeve të partnerëve amerikanë që arrestimi i Pinarit ‘duhej menduar mirë’ Topi i dha dritë jeshile ish-kryeprokurores Ina Rama për të ekzekutuar arrestimin.

Shqipëria është i vetmi vend në Evropë ku është arrestuar drejtori i kompanisë shtetërore të shitblerjes së armatimeve.

Drejtorët e këtyre kompanive kanë një valencë të veçantë, ata nuk janë zyrtarë dosido, por janë nyje ku lidhen shërbime inteligjente dhe interesa strategjike. Janë njerëzit e ‘punëve të pista’ që i ka çdo shtet dhe arrestimi i tyre nuk është thjesht një çështje ligjzbatimi.


-10. Dorëheqja e Zamir Shtyllës ende e pazbardhur

zamir shtylla ina rama
Ina Rama dhe Zamir Shtylla

Ish-drejtori i Hetimit në Prokurorinë e Përgjithshme Zamir Shtylla ishte njeriu kyç që drejtoi hetimet mbi Gërdecin. Por Shtylla dha krejt papritur dorëheqjen nga posti ndërsa prokuroria duhej të vendoste se çfarë do të bënte me Rrahman Selmanllarin, i cili njihej si një mik i Shkëlzen Berishës dhe i dilte emri në disa dokumente dhe kontrata në dosje.

Arsyet e dorëheqjes së Zamir Shtyllës nuk u bënë asnjëherë të qarta për publikun dhe ish-kryeprokurorja Ina Rama nuk sqaroi asnjëherë atë që kishte ndodhur, ndonëse prokuroria mori namin sikur po bënte një hetim ‘rigoroz’ duke përballuar presionet politike.

E vetmja gjë e sigurt që dihet mbi z.Shtylla është se porsa erdhi qeveria Rama në pushtet, e emëroi atë nëndrejtor të Përgjithshëm të Doganave.

/HashtagAL/

[pranvera bica]

Po kush i le mediat te shprehen te lirshme...kane frike se e gjejne veten ne rruget e Voskopojes apo ne tunelet e Elbasanit....mjere ne thuaaaj!

[Ciarli]

Po Medja na mashtron me, po ne nagjejne ata me! Mire mire!

[mesia4ever]

Mediat jo vetem ne Shqiperi por edhe ne Kosove mashtrojne. Ata kane perfitimet personale ne rend te pare e pastaj mireinformimin e opinionit. Kjo nul eshte cudi e madhe kur njeriu shet edhe veten per para.

[par]

EKSKLUZIVE – MIMI KODHELI FSHEHU KONTRATAT E ALEKSANDËR FRANGAJT


Kodheli Rama FrangajNjë vendim i Gjykatës Administrative të Apelit, ka zbuluar se si ministrja e Mbrojtjes Mimi Kodheli ka bërë të gjitha përpjekjet për të fshehur kontratat e dyshimta të fituara nga Aleksandër Frangaj me Ministrinë e Mbrojtjes për spotet publicitare.

Bëhet fjalë për kontrata të fituara në vitet 2009-2013 (disa miliona dollarë), pra në kohën e qeverisë Berisha, por që Kodheli nuk donte t’i bënte publike. Gjykata me vendim të formës së prerë më 17 Mars 2016 e ka detyruar Kodhelin t’i zbardhë këto kontrata.

Historia e gjyqit filloi në vitin 2014 kur qendra juridike “ResPublica” hodhi në gjyq Ministrinë e Mbrojtjes, sepse kjo e fundit nuk vinte në dispozicion kontratat e spoteve publicitare të lidhura në vitet 2009-2013.

vendimi i gjyqit1
Vendimi i Gjykatës Administrative të Apelit, 17 Mars 2016

Aktet e vendimit gjyqësor zbulojnë se kërkesës zyrtare të ‘ResPublica’ ministrja as nuk kishte denjuar t’u kthente përgjigje.

Por kur shkoi në gjyq e paditur nga “ResPublica” justifikimi i Kodhelit ka qenë spektakolar. Sipas saj, këto kontrata nuk mund të viheshin në dispozicion për publikun pasi ishte duke u kryer një hetim nga prokuroria dhe dilte sekreti hetimor.

Ishte e vërtetë se prokuroria po kryente një hetim për këto kontrata, por është po kaq e vërtetë se kallëzimin e kishte bërë me bujë vetë Kodheli e cila, 5 muaj pasi bëri kallëzimin, shkoi dhe e tërhoqi mbrapsh.

Aktet gjyqësore zbulojnë se Kodheli ka bërë çdo gjë që këto kontrata të mos publikoheshin, ajo injoroi dhe nuk i ktheu përgjigje fare qendrës ‘ResPublica’, ndërsa kur u hap gjyqi për vënien në dispozicion të kontratave, ministrja nxori si pretekst një hetim të cilin ajo vetë e nxiti dhe vetë u tërhoq.

Po çfarë ka ndodhur me Kodhelin? Pse kjo ministre rilindëse ka mbrojtur me kaq fanatizëm këto kontrata të dyshimta të lidhura nga qeveria Berisha?

Si shpjegohet ky qëndrim i saj, kur ajo vetë, personalisht, kur ishte në opozitë ka dalë në foltoren e PS-së dhe i ka denoncuar këto kontrata të Frangajt me qeverinë Berisha?

Shpjegimin nuk mund ta gjejmë dot tek Kodheli, pasi ajo është marionetë në këtë histori, zbaton urdhrat, shpjegimin e gjejmë pakëz më lart, tek kryeministri i vendit, tek Edi Rama.

Edi Rama i acaroi shumë marrëdhëniet me Frangajn pas vitit 2009, ndërsa TV-Klan dhe Frangaj u shpallën armiq të Partisë Socialiste pas 21 Janarit 2011.

Pas 21 Janarit 2011 shprehja ‘Të fala Sandrit’ u konvertua në ‘Sandri mbron vrasësit’.

Porsa erdhi në pushtet, në Tetor 2013, qeveria Rama nisi verifikimin e kontratave publicitare që kishte marrë Frangaj dhe kompanitë e lidhur me të. Ish-ministri i Punës, Spiro Ksera dhe disa bashkëpunëtorë të tij u hetuan për këto kontrata, ndërsa Kodheli çoi në prokurori kontratat e majme që Frangaj kishte fituar në Ministrinë e Mbrojtjes.

Por në fillim të vitit 2014, ngjarjet morën një tjetër trajektore. Rama bëri paqe me Frangajn dhe gradualisht TV-Klan u shndërrua në një televizion pro-qeverisë rilindëse.

Viti 2014 ishte dhe viti kur partneri kryesor në biznes i z.Frangaj, biznesmeni Samir Mane fitoi nga qeveria Rama dhe të drejtën për ndërtimin e një fshati luksoz turistik në Himarë, ndërsa favorizimi në biznes për Frangajn dhe Manen vijoi njësoj si në kohën e qeverisë Berisha.

Ky ndryshim kursi kapi gafil shumë ministra dhe bashkëpunëtorë të Edi Ramës. Ata deri dje kishin dalë në foltore e kishin shënjestruar fort Frangajn, por tani duhej të lëpinin atje ku kishin pështyrë, sepse kapiteni ishte bërë prapë mik me Frangajn.

Aq fort janë lidhur Frangaj me Ramën sa kur plasi skandali CEZ-DIA në Shtator 2015, e ku dyshimet janë se Rama orkestroi një linçim mediatik në formë presioni ndaj Ilir Metës, studioja ku u shfaq skenari ishte pikërisht në Opinionin e TV-Klan.

Madje pjesë e panelit ishte dhe gazetari Artan Hoxha, i spikatur për rolin në krah të interesit publik më 21 janar 2011, një ngjarje për të cilën dikur Frangaj doli hapur në mbrojtje të qeverisë Berisha dhe televizioni Klan luajti një rol të dorës së parë në relativizimin e ngjarjes.

Dosja CEZ-DIA ishte dhe momenti kur Frangaj shpalli hapur përkatësinë dhe shërbimin e plotë dhe pa kushte ndaj Ramës, ndonëse TV-Klan ndodhej në një konflikt të pastër interesi, sepse Samir Mane, aksionar i këtij televizioni, ishte gjithashtu një nga biznesmenët që kishin mbledhur borxhet e prapambetura shtetërore ndaj CEZ-it.

Mediat dhe portalet pro-qeveritare që dikur nuk linin gjë pa thënë për lidhjet Frangaj-Berisha, sot kanë heshtur të gjitha. Frangaj u tregoi se ata janë ‘de facto’ ushtarë të tij, sepse kryeministri Rama është bërë një partner i afërt i tij.

Njësoj vijon dhe sot kjo marrëdhënie. Kjo është dhe arsyeja pse Mimi Kodheli, dikur si opozitare dilte në foltore e akuzonte pa dorashka Frangajn, ndërsa sot, si ministre, i duhet ta mbrojë atë kokëulur, si një ushtare e bindur e kapitenit. / HashtagAL

[par]

Skandalet e Ilir Beqajt s'kanë fund! I shkruan të moshuarës që kishte vdekur, i biri e masakron me përgjigjet, ja çfarë shkruan për shërbimin në QSUT!



googleplus




Skandalet e Ilir Beqajt s'kanë fund! I shkruan të moshuarës që kishte vdekur, i biri e masakron me përgjigjet, ja çfarë shkruan për shërbimin në QSUT!




Postuar: 22/06/2016 - 16:50




Dhe çudirat nuk kanë të sosur…në vendin tonë. Një klishe e përdorur rëndomtë por që fatkeqësisht nuk ikën nga moda. E çudia e fundit vjen nga shëndetësia, aty ku jemi mësuar të shohim lloj-lloj skenash deri në makabritet. Ministri i Shëndetësisë, Ilir Beqaj së fundmi i ka dërguar mesazh për ta pyetur për shërbimin që kishte marrë në QSUT një të moshuare që kishte ndërruar jetë për fat të keq.



Dhe ai që ia ka kthyer përgjigjen ka qenë i biri, fotografi Felix Bilani. Ai ka publikuar mesazhet që ka shkëmbyer me numrin nga ku shkruan ministri Beqaj dhe ka edhe një përgjigje për shërbimin në QSUT, që sipas tij është Kabul.



Një çudi tjetër që përmend Bilani, është një deklaratë e drejtoreshës që iu thotë kirurgëve se po të lexonte mund të operonte.



Ja çfarë shkruan Felix Bilani në faqen e tij në facebook:

Papërgjegjshmëria e Ilir Beqës në këto lloj dacibaosh është e frikshme……..e para Nena ime ka 2 muaj e gjysmë që ka ndërruar jetë. Dhe këtu ku ardhur ky mesazh është numri im dhe unë quhem Felix Bilani. Me këtë gjë treguat thjesht që jeni bërë zyrë funerali dhe asgjë më tepër. Por meqë je çun trendy po të them nja dy gjera për shërbimin tënd…..1 urgjenca e Tiranës është 0 ndërsa mjeket janë asa…

2. Një drejtoreshë që u thotë kirurgëve në mbledhje që edhe unë po të lexoj operoj tregon sa i përgjegjshëm je

3. Në qendrën që ti e quan spitalore akoma përdoret analginë gjë që është e ndaluar në pothuajse të gjitha vendet e botës

4. Ilaçet që ti tenderon janë të dhj** sepse nuk bëjnë asnjë efekt

4. Veç termit Kabul QSUT nuk ka emër tjetër

5. Mjekët paguajnë çdo ditë parkimin që ti ke dhënë me koncesion

6. Në sallat e operacionit nuk ke as penj dhe as kapëse për të mbyllur plagët dhe kur ne i blejmë vetë histerizmi i njerëzve që ti ke vënë aty e quan korrupsion.

Tani nja dy fjalë të thjeshta… meqë një gafë e tillë për mua është skandal… tani nëse nuk e ke harruar, ti e di që unë kam një karrierë goxha të mirë në media edhe pse nuk punoj më në to. Por të premtoj që do kthehem dhe do merrem vetëm me QSUT dhe Ministrinë e shëndetësisë të premtoj.

Felix Bilani 22.06.2016

[par]

Mediat e kazanit kapen në flagracë/Ja si gënjejnë për shoqërimin e Berishës

Shumica e shtypit të shkruar sot, ashtu si disa media klienteliste në edicionet e lajmeve dje raportonin se “Policia kishte shkuar në shtepinë e Sali Berishës dhe nuk e kishte gjetur. Aty kishte lënë një procesverbal dhe ishte larguar”.

Një shartlatanizëm mediatik i servirur nga Endri Fuga dhe i shpërndarë me devotshmëri nga mediat e kazanit të kryeministrit.

Së pari asnjë gazetë, asnjë portal, asnjë televizion i kazanit nuk ka oftuar foto të policisë që “mësynte” shtëpinë e Sali Berishës. Ska asnjë fakt që e vërteton këtë, megjithëse mediat e kazanit kanë hapur gazetat.

Së dyti nuk tregojnë një procesverbal, të shkruar me dorë nga policët dhe të dorëzuar. Por një letër të printuar, të shkruar me kompjuter. Ku e gjetën policët kompjuterin kur shkuan tek shtepia? Si e printuan dokumentin?

Ai është një dokument i përgatirur në zyrat e Policisë. Duke e ditur që Berisha ishte në zyrë shkuan dhe i dorëzuan gardistit që bën shërbimin tek dera procesverbalin e gatuar nga Saimir Tahiri dhe Endri Fuga. Kaq qesharakë dhe kaq banalë, sa procesverbalin e kishin shkruar dhe vulosur më parë, nuk i lanë inspektorët as të shkonin tek ashensori. “Çoni procesverbalin, dy gisht letër tek Kuvendi se pastaj meret kryeministria me këtë punë”, ky ka qenë urdhëri dhe asgjë më shumë.

Më pas Fuga publikon letrën që komisariati i drejtoi Kuvendit dhe kjo letër tregon se policia “mësyn”, “rrethon”, “rrëmben me forcë”, ish –kryeministrin e vendit. Kaq banale, të pabesueshëm dhe qesharakë sa as bacevani i Ramës në Surel nuk e beson këtë skenar idiotesk të gatuar nga fugat që xhirojnë mediat e kazanit.

Së treti mund të themi se Endri Fuga ka përdorur botuesit për të theksuar se policia është e fortë dhe mund të marë edhe Sali Berishën. Provokimi i fugave me polici duket një veprim i ulet dhe i neveritshëm, ai thjesht kërkon të nxisë tension dhe të tregojë se Berisha u tremb e shkoi nga frika.

Fuga e di mjaft mirë që Berisha më shpejt nxjer Edi Ramën nga zyra sesa shkon ta marë policia, por problemi nuk është thjesht Fuga dhe skemat e tij banale. Problemi janë mediat dhe kryeredaktorët e tyre që e dinë mjaft mirë të vërtetën dhe servirin një show të turpshëm për shqiptarët.

Media që vërtet përdoren kaq keq sa as nuk i neverit dot për cfarë shkruajnë me urdhër nga zyra e Ramës. Nuk i neverit sot sepse i kanë braktisur shqiptarët duke i katandisur të shesin vetëm 10 mijë gazeta të gjithë së bashku./Citynews