Close
Faqja 3 prej 7 FillimFillim 12345 ... FunditFundit
Duke shfaqur rezultatin 41 deri 60 prej 139
  1. #41
    i/e regjistruar Maska e Dar_di
    Anëtarësuar
    16-08-2008
    Vendndodhja
    Dardani e lashtë (Oeneum), aty ku ajri i freskët më bën të ndihem i relaksuar.
    Postime
    1,968
    BE: Pa premtime për Kosovën për viza, ky është dialog teknik

    Bashkimi Evropian nuk i jep premtime Kosovës për fillimin e dialogut për heqjen e vizave, pasi ky është “dialog teknik”, deklaroi sot në Bruksel, Mikele Çerkone, zëdhënës i Komisionit Evropian. Por, sipas tij, Bashkimi Evropian po e analizon përmbushjen e kritereve nga ana e institucioneve të Kosovës për nisjen e dialogut për heqjen e vizave.
    Nga ana tjetër, duke u shprehur për zgjedhjet në Kosovë, Angela Filote, zëdhënëse e komisionarit për zgjerim, Shtefan Fyle, tha se BE-ja “shpreson se zgjedhjet në Kosovë do të jenë të lira dhe të ndershme”.

    Mëtutje, ajo theksoi se Bashkimi Evropian i inkurajon “të gjithë qytetarët e Kosovës, që me daljen në zgjedhje, ta shfytëzojnë të drejtën e tyre demokratike”, në mënyrë që nëpërmjet të votimeve të realizohet programi evropian.

    Këto komente ajo i bëri e pyetur nga gazetarët lidhur me raportet se Beogradi u ka bërë me dije serbëve në Kosovë se nuk e mbështet daljen e tyre në zgjedhjet e përgjithshme të jashtëzakonshme në Kosovë, më 12 dhjetor. ("Koha ditore")
    "Fet` e besëtë t`i kemi, po të ndarë të mos jemi." Naim Frashëri

  2. #42

    dhe evropa u përgjigj....

    Citim Postuar më parë nga drifilon Lexo Postimin
    Qfare do i thonite evropese sikure te ju vije rasti te ju ndegjoi per mose hekjen e vizave vetem kosoves .

    SHPREHNU IPNE MENDIMIN TUAJE PA DORZA ...
    Hiqni hajnat. Bëni shtet!
    "Projekti 21" nuk i bën reklamë vetes, afirmon të tjerët!

  3. #43
    i/e regjistruar Maska e Dar_di
    Anëtarësuar
    16-08-2008
    Vendndodhja
    Dardani e lashtë (Oeneum), aty ku ajri i freskët më bën të ndihem i relaksuar.
    Postime
    1,968
    Liberalizimi i vizave, prioritet i Kosovës

    Synimet dhe pritjet e Republikës së Kosovës janë që sa më shpejt të fillojë procesi i liberalizimit të vizave. Kështu tha sot Ministri në largim për Integrime Evropiane, Besim Beqaj.

    Këto komente ai i bëri në hapje të takimit tre ditorë të Nënkomitetit për Drejtësi, Liri dhe Siguri në kuadër të Dialogut të Procesit të Stabilizim-Asociimit.

    Ministri i Integrimeve Evropiane, Besim Beqaj tha se gjatë vitit që e lam pas në Kosovë është arritur progres i konsiderueshëm në fushat që i mbulon Nënkomiteti për Drejtësi, Liri dhe Siguri. Ai u përqendrua në masat që janë ndërmarrë në avancimin e kornizës ligjore dhe në politikat e ngritjes institucionale.

    “Me një angazhim maksimial të Ministrisë së Punëve të Brendshme është shënuar progres, sidomos në procesin e ripranimit dhe riintegrimit, përmes kompletimit të kornizës ligjore dhe asaj të politikave dhe forcimit të institucioneve si në nivel qendror ashtu edhe në atë lokal”, tha Beqaj.

    Beqaj tha se Qeveria e Kosovës do t’i intensifikojë edhe më tutje përpjekjet e saj për alokimin e resurseve shtesë për të kryer në kohë obligimet e marra. Ai tha se është obligim i cilësdo Qeveri që vjen që të marr përsipër mbulimin e tërë pjesës financiare për integrimin e personave të kthyer.

    Fushë tjeter prioritare, sipas Beqajt, është siguria e regjistrit civil, menaxhimi i integruar i kufirit, lufta kundër korrupcionit dhe sundimi i ligjit.
    Ndërsa, drejtori Gjeneral për Zgjerim pranë Komisionit Europian, Lukas Holub tha se institucionet e Kosovës duhet angazhohen edhe më tepër në mënyrë që të arrihet progres në fushën e sundimit të ligjit.

    “Në vitin 2010 dialogu për liberalizim të vizave ka ndihmuar Kosovën që të mobilizojë reforma në fushat kyçe të sundimit të ligjit. Dhe, shpresojmë që këtë vit do të arrihen sukse më shumë nga autoritetet kosovare. Duam të theksojmë se arritja e sukseseve të konsiderueshme në këto fusha është thelbsore për Kosovën në rrugën drejt liberalizimit të vizave”, ka thënë Holub.

    Gjatë tre ditëve të ardhshme do të diskutohet për rekomandimet dhe prioritetet për vitin në vijim në fushat më të rëndësishme të sundimit të ligjit.

    (Mejreme Tahirukaj)

    RTK
    "Fet` e besëtë t`i kemi, po të ndarë të mos jemi." Naim Frashëri

  4. #44
    i/e regjistruar Maska e Dar_di
    Anëtarësuar
    16-08-2008
    Vendndodhja
    Dardani e lashtë (Oeneum), aty ku ajri i freskët më bën të ndihem i relaksuar.
    Postime
    1,968
    “Koalicioni për demokraci”: Edhe Kosova është Evropë

    Disa dhjetëra përfaqësues të organizatave joqeveritare, të bashkuara në "Koalicionin për Demokraci", kanë protestuar në qendër të Prishtinës nën moton "Kundër getoizimit të Kosovës". Marshi protestues ka nisur nga shtatorja e Zahir Pajazitit për të përfunduar pranë Teatrit Kombëtar në Prishtinë, duke shprehur indinjatën e thellë ndaj bllokadës tregtare që BE-ja i ka bërë Kosovës dhe ndaj mungesës së lëvizjes së lirë të qytetarëve të Kosovës. Protestuesit mbanin pankarta me mbishkrimet: "Ne jemi Evropë", "Evropa nuk mund të na diskriminojë", "Duam liri të lëvizjes" dhe "Kosova është Evropë". Protesta ka kaluar në mënyrë paqësore ndërsa për sigurinë janë kujdesur forcat e Policisë së Kosovës.

    KOSOVA SOT
    "Fet` e besëtë t`i kemi, po të ndarë të mos jemi." Naim Frashëri

  5. #45
    i/e regjistruar Maska e Dar_di
    Anëtarësuar
    16-08-2008
    Vendndodhja
    Dardani e lashtë (Oeneum), aty ku ajri i freskët më bën të ndihem i relaksuar.
    Postime
    1,968
    Në BE shtohen kundërshtarët e liberalizimit të vizave për Kosovën

    „E kemi humbur momentin që ta përfshijmë edhe Kosovën në procesin e liberalizimit të vizave. Siç ndodh gjithmonë kur humb një rast, rrethanat komplikohen. Gjithçka që ka mundur të shkojë keq për përfshirjen e Kosovës në liberalizimin e vizave, ka shkuar keq“, e fillon bisedën për “Kohën Ditore” një diplomat i lartë i BE-së, duke shprehur shqetësim se Kosova nuk do të mund të llogarisë se do të dalë shpejt nga izolimi. Përderisa në Kosovë protestojnë përfaqësuesit e shoqërisë civile kundër asaj që e quajnë „getoizim të Kosovës“, duke kërkuar liberalizim vizash edhe për shtetasit e shtetit më të ri në botë, që kremton nesër trevjetorin e lindjes, në BE heqja e vizave është gjëja e fundit që u shkon në mend. Madje, krahasuar me disa muaj më parë, është në rritje numri i kundërshtarëve të nisjes së çfarëdo dialogu me Kosovën për liberalizimin e vizave. Burimet diplomatike në BE thonë qartë se lënia anash e Kosovës nga procesi i liberalizimit të vizave nuk është për shkak të mospajtimeve rreth statusit të Kosovës.

    Varianti zyrtar i BE-së është se „Kosova nuk i ka përmbushur kriteret për të marrë dokumentin e Strategjisë së dialogut të vizave“, ndërsa jozyrtarisht thuhet se shumë vende të BE-së nuk duan që në këto rrethana ekzistuese të nisë dialogu edhe me Kosovën. Në mesin e këtyre vendeve janë Franca, Holanda, Gjermania, Suedia dhe Belgjika, ndërsa numri i vendeve që kundërshtojnë nisjen e dialogut me Kosovën është po ashtu në rritje në vend që të ndodhë e kundërta. Diplomatë të BE-së thonë se rrethanat aktuale në BE, situata në Kosovë, akuzat për përfshirje të liderëve kosovarë në krim të organizuar, manipulimet gjatë zgjedhjeve sikur edhe valët e azilkërkuesve nga Kosova, Serbia dhe Maqedonia, janë shkaku pse është rritur kundërshtimi që BE-ja të nisë dialogun e vizave me Kosovën. Disa prej tyre premtimet e mandatarit të Qeverisë së ardhshme, Hashim Thaçit, për „heqje vizash brenda 15 muajsh“ me ironi e quajnë si një „film fantastiko-shkencor“. „Së pari nuk e dimë se kur do të fillojë dialogu. Dhe nëse ai fillon do të zgjasë disa vite me Kosovën“, thotë një diplomat i BE-së. Edhe Ulrike Lunacek, një ndër personat që më së shumti angazhohet për përfshirjen e Kosovës në liberalizim vizash, i kishte quajtur kohë më parë parashikimet e liderit të PDK-së si „joreale“.

    Diplomatët thonë se arsyet pse disa shtete, që janë mike të Kosovës, nuk duan të dëgjojnë tash për përfshirjen e Kosovës në liberalizimin e vizave është numri i madh i azilkërkueseve nga Kosova që vijnë nga këto vende. Kosovarët në disa vende, sipas shifrave mujore, janë azilkërkuesit më të mëdhenj dhe kjo ndikon tek qëndrimet e qeverive të këtyre vendeve. „Duhet të pranojmë se ne që orvatemi të nisim sa më shpejt dialogun me Kosovën për liberalizim vizash jemi viktimë edhe të titujve negativë të gazetave rreth refugjatëve nga Kosova, ndërkaq nuk ndihmojnë as raportet për krimin e organizuar“, pranon një diplomat tjetër. Këta bashkëbisedues të “Kohës Ditore” insistojnë se „dialogu mes Kosovës dhe Serbisë nuk ka lidhje me liberalizimin e vizave“. „Edhe nëse dikush që do të jetë në emër të BE-së i angazhuar për të ndihmuar dialogun premton heqje të shpejtë vizash për Kosovën, ata nuk kanë fuqi që një vendim të tillë ta bëjnë. Vendimet i marrin ministritë e punëve të brendshme të vendeve anëtare dhe ato zakonisht janë shumë më skeptike sesa ministritë e punëve të jashtme“, pranon një diplomat i një vendi të madh të BE-së.

    Zyrtarët në institucione të ndryshme të BE-së që merren me Kosovën, thonë se vazhdojnë përpjekjet e tyre që të bindin vendet anëtare për dobinë që edhe BE-ja do të kishte nga përfshirja e Kosovës në liberalizimin e vizave. „Ata kanë frikë nga vala e azilkërkuesve, por nëse Kosova përfshihet në liberalizim vizash, atëherë ato vende do ta kenë më të lehtë që t'i kthejnë me procedurë të menjëhershme azilkërkuesit e rrejshëm“, thotë ky zyrtar. Tash BE-ja është duke mbledhur të dhëna për numrin e atyre që kanë keqpërdorur heqjen e vizave për vendet e Ballkanit, siç janë Serbia, Maqedonia, Bosnja e Hercegovina, Mali i Zi dhe Shqipëria. Që tani disa vende të BE-së janë alarmuar me rritjen e madhe të numrit të azilkërkuesve nga Serbia dhe Maqedonia, ndonëse thonë se shumica prej tyre janë shqiptarë dhe romë. Kjo, pranojnë diplomatët në BE, po ashtu nuk shkon në favor të Kosovës.

    Edhe nisja e dialogut të vizave me Turqinë, edhe kriza e shkaktuar me refugjatë nga Tunizia janë po ashtu elemente që psikologjikisht ndikojnë në zyrtarë të vendeve të BE-së kur mendojnë për përfshirjen e Kosovës në liberalizim vizash. Prandaj, shumë prej bashkëbiseduesve të gazetës pranojnë se ndoshta ka qenë gabim pse nuk ishte nisur më herët dialogu edhe me Kosovën dhe parashohin sinqerisht se edhe për një kohë, sa i përket liberalizimit të vizave, Kosova do të mbetet vend i vetëm jashtë këtij procesi. Një diplomat tjetër madje shkon edhe më larg, duke dhënë edhe parashikime të zeza: „Ndoshta më parë do të rikthehen vizat për disa vende të Ballkanit, për të cilat i kemi hequr, sesa të hiqen për Kosovën“.

    Në BE ka pasur nisma tashmë nga disa vende anëtare që të thjeshtëzohet procedura e suspendimit eventual të liberalizimit të vizave me vendet e Ballkanit, por nuk ka pasur ndonjë kërkesë zyrtare që vizat vërtet të kthehen.

    KOHA Ditore
    "Fet` e besëtë t`i kemi, po të ndarë të mos jemi." Naim Frashëri

  6. #46
    i/e regjistruar Maska e Renea
    Anëtarësuar
    12-08-2007
    Vendndodhja
    andej-këndej
    Postime
    3,131
    Kosova ka ngel si dele e vetme e zez ne Europ, krejt pa viza po udhtojn , e Kosova jo.
    Shqiperi eshte edhe Cameria

  7. #47
    i/e regjistruar Maska e Dar_di
    Anëtarësuar
    16-08-2008
    Vendndodhja
    Dardani e lashtë (Oeneum), aty ku ajri i freskët më bën të ndihem i relaksuar.
    Postime
    1,968
    Thaçi kërkon ndihmën e Austrisë për viza

    Kryeministri Hashim Thaçi priti sot në takim ministrin e Punëve të Jashtme të Austrisë, Michael Spindelegger, i cili po qëndron për vizitë zyrtare në Kosovë.

    Kryeministri Thaçi ka thënë se vizita e dytë në Kosovë e ministrit Spindelegger brenda një periudhe relativisht të shkurtër është tregues i qartë i përkushtimit dhe avancimit të mëtutjeshëm te bashkëpunimit ne mes dy vendeve tona.

    “Përkrahja e mëtutjeshme për proceset politike e posaçërisht për përafrimin e shtetit tonë me Bashkimin Evropian është shumë e nevojshme”, ka thënë Thaçi.

    “Është moment mjaft i rëndësishëm që Qeveria e Austrisë të ndikojë që sa më parë Kosovës t'i ofrohet udhërrëfyesi për liberalizimin e vizave dhe që Kosovës dhe t’i jepet mundësia të hyjë në marrëdhënie kontraktuale me Bashkimin Evropian, në mënyrë që të përshpejtojmë procesin e Integrimeve”, u shpreh Thaçi.

    Ministri Michael Spindelegger ndërkaq, siç thuhet në një komunikatë të Kryeministrisë, ka përkrahur nisjen e dialogut ndërmjet Republikës së Kosovës dhe Republikës së Serbisë, si dhe ka premtuar mbështetjen e vendit të tij Austrisë në proceset integruese të Kosovës në BE.

    Zëri
    "Fet` e besëtë t`i kemi, po të ndarë të mos jemi." Naim Frashëri

  8. #48
    i/e regjistruar Maska e Dar_di
    Anëtarësuar
    16-08-2008
    Vendndodhja
    Dardani e lashtë (Oeneum), aty ku ajri i freskët më bën të ndihem i relaksuar.
    Postime
    1,968
    Pasaportat biometrike, verës

    Pasaportat biometrike do të fillojnë të lëshohen gjatë verës, ndërsa tash është në fazën e fundit procesi i përzgjedhjes së kompanisë që do të prodhojë pasaportat.

    Edona Baruti, këshilltare e ministrit të Punëve të Brendshme, Bajram Rexhepi ka thënë për Radio Kosovën se procedurat e tenderit që pati shpallur kjo ministri tashmë janë në fazën përfundimtare dhe se kompania fituese që do të prodhojë këto pasaporta do të dihet shumë shpejt.

    Në anën tjetër eksperti i çështjeve të integrimit evropian Avni Mazreku vlerëson se me fillimin e dhënies së pasaportave biometrike, institucionet e vendit përmbushin njërin ndër kriteret kryesore të procesit të liberalizimit të vizave.

    Ministri i Punëve të Brendshme, Bajram Rexhepi, në fund të vitit të kaluar, pati shprehur zhgënjimin e tij në institucionet evropiane pasi ato bënë të ditur se dorëzimi i udhërrëfyesit nuk do të ndodhë në atë kohë.

    Kosova ende nuk e ka marrë udhërrëfyesin për liberalizimin e vizave nga Komisioni Evropian. Megjithatë institucionet e vendit po përmbushin një plan të njëanshëm të kritereve për liberalizimin e vizave.

    ZËRI
    "Fet` e besëtë t`i kemi, po të ndarë të mos jemi." Naim Frashëri

  9. #49
    i/e regjistruar Maska e Dar_di
    Anëtarësuar
    16-08-2008
    Vendndodhja
    Dardani e lashtë (Oeneum), aty ku ajri i freskët më bën të ndihem i relaksuar.
    Postime
    1,968
    Dita e Evropës, studentët kërkojnë liberalizim

    Përfaqësues të Parlamentit Studentor të Universitetit të Prishtinës, me rastin e 9 Majit - Ditës së Evropës, para selisë së Komisionit Evropian kanë vendosur një objekt simbolik, me anë të të cilit shprehen pakënaqësinë me procesin e liberalizimit të vizave duke kërkuar nga institucionet ndërkombëtare e vendore, që të përshpejtohet ky proces.

    Objekti i vendosur të cilin e vendosën përfaqësues të kësaj organizate studentore, kishte hartën e vendeve të rajonit dhe të drejtën e tyre për lëvizje të lirë, ndërkaq në mesin e vendeve të rajonit, vetëm Kosova nuk e ka një mundësi të tillë.

    Kryetari i Parlamentit Studentor, Selim Daku tha se ky objekt, të cilën e kanë sjellë para selisë së Komisionit Evropian, paraqet gjendjen e shtetit të Kosovës, të cilit i pamundësohet lëvizja e lirë.

    “Ne me këtë akt paraqesim pakënaqësinë tonë për mos lëvizje të lirë dhe kërkojmë nga instancat evropiane, Komisioni Evropian, por edhe nga qeveria jonë, që të përshpejtojnë procedurat e liberalizimit të vizave edhe për ne studentët edhe për qytetarët e Kosovës, në mënyrë që të mundësohet lëvizja e lirë e studentëve, të zhvillohen hulumtime në vende tjera, ku tani është e pa mundur”, ka thënë Daku.

    Ai tha se marr në krahasim gjendjen e shtetit të Kosovës me shtetet në rajon, “nuk jemi edhe aq larg”, bile sipas tij, në disa aspekte në krahasim me shtet tjera “jemi shumë më larg se ta”. Daku tha se për këtë arsye është e pa drejtë që nuk u mundësohet lëvizja e lirë vetëm qytetarëve të Kosovës.

    ZËRI
    "Fet` e besëtë t`i kemi, po të ndarë të mos jemi." Naim Frashëri

  10. #50
    i/e regjistruar Maska e Dar_di
    Anëtarësuar
    16-08-2008
    Vendndodhja
    Dardani e lashtë (Oeneum), aty ku ajri i freskët më bën të ndihem i relaksuar.
    Postime
    1,968
    Kosova - në Evropë dhe jashtë saj

    Shkruan: Besnik Tahiri


    Sot, më 9 Maj, në ditën kur vendet e Bashkimit Evropian festojnë arritjet më të mëdha historike të kontinentit të vjetër, Republika e Kosovës është vetëm gjeografikisht pjesë e saj. Për këtë nuk ka faj qytetari i Kosovës, por fajtorë janë të zgjedhurit, ata që e morën votën dhe premtuan të na shpijnë atje.

    Përderisa dje, synimi ynë strategjik ka qenë pavarësia e vendit, sot, synim afatgjatë strategjik duhet të jetë anëtarësimi i plotë i Republikës së Kosovës në familjen e madhe të Bashkimit Evropian. Fatkeqësisht, po sot vendi ynë, si pjesë e përbërëse e kontinentit të vjetër, më shumë se kurdoherë mbetet prapa arritjeve evropiane, duke mos mundur të përfitojë nga destinacioni i saj historik.

    Për vite me radhë, edhe pse kemi pasur prezencën civile evropiane e, në veçanti, në periudhën pas shpalljes së pavarësisë së vendit, ne pothuajse jemi duke vendnumëruar në rrugën drejt integrimit në Bashkimin Evropian. Ne nuk e kemi kombinuar si duhet përkrahjen e drejtpërdrejtë të strukturave euro-atlantike në Kosovë me nevojat dhe arritjet konkrete në terren.

    Tri vjet pas shpalljes së pavarësisë, ne kemi rrezikuar dhe po rrezikojë që Kosovën ta paraqesim si një vend joserioz, sikurse që kemi rrezikuar që qytetarëve dhe shoqërisë kosovare padrejtësisht t’u vishet imazhi i të mosqenit të denjë për t’u pranuar në familjen evropiane. Kjo nuk po ndodh as për ‘fajet e as mëkatet’ e tyre, pasi që qytetarët e Kosovës, pas më shumë se dhjetë vitesh prezence ndërkombëtare në vend, e shohin vendin e tyre, me të njëjtat nevoja, me të njëjtat objektiva për t’u arritur dhe, fatkeqësisht, me të njëjtat dështime në terren.

    Sot, ne, pa dallim, kemi nevojë për më shumë optimizëm, sot ne kemi nevojë për kurajo dhe përkushtim, por sot mbase do të dëgjojmë të njëjtën ‘melodi të pështjellur’, melodinë e premtimeve, interpretimeve, shpjegimeve apo vështrimeve që e bën kreu kosovar, prezenca ndërkombëtare, për të ardhmen evropiane të Kosovës. Në të përmbledhur, ata do të thonë se “Kosova në këto vite ka ecur dhe po ec, sikurse ata vazhdojnë të thonë Kosova ka ngecur dhe po ngecë’.

    Në krejt këtë konfuzion, qytetarët e Kosovës më së paku e meritojnë ironinë të tanishme politike dhe cinizmin publik, që është produkt i premtimeve dhe deklaratave, në njërën anë, dhe në anën tjetër, i ngecjeve e dështimeve, që vijnë si rrjedhojë e keqqeverisjes aktuale.

    Të kujtojmë këtu se nuk mund të flitet për arritje evropiane të Kosovës, përderisa mbillet dhe përhapet fara e keqpërdorimit të zgjedhjeve të lira e demokratike. Dhe në krejt këtë mes, ne nuk mundemi dhe as që do të duhej të flasim për të ardhmen evropiane, duke pritur se dikush tjetër, nga jashtë, do të vendosë sundimin e ligjit në Kosovë.

    Për t’u ngritur drejt perspektivës së plotë evropiane, klasa aktuale qeverisëse duhet të nxjerrë mësime nga veprimet konkrete dhe puna e madhe që ish-kryeministri Haradinaj e ndërmori në një periudhë rekorde me zbatimin e standardeve, që faktikisht ishin kritere të Kopenhagës. Ai ishte shembulli i vetëm që detyrat nuk na i kryejnë të tjerët, duke treguar kompetencë dhe pronësi të plotë për veprimet qeverisëse. Në historinë e re institucionale të Kosovës ky momentum ka qenë i pari dhe, fatkeqësisht, i vetmi, kur institucionet kanë marrë përgjegjësi mbi procesin dhe kanë dhënë llogari për të.

    Në një gjuhë tjetër, ky ishte “revolucion” në kulturën dhe mentalitetin qeverisës të pasluftës në Kosovë. Ishte mentaliteti i thyerjes së varësisë nga të tjerët. Ishte vendosja e kulturës politike të vërtetë të shteformimit dhe seriozitetit në prag të hapjes së kapitullit të pavarësisë.

    Vullneti i tij politik për të vepruar, nuk ishte vetëm deklarativ, por pragmatik, praktik dhe zbatues. 100 ditët e arta të qeverisë Haradinaj mobilizuan një administratë të tërë, vetëm e vetëm se u pa qartë, nga të gjithë, se synimi i tij ishte fisnik dhe në funksion të avancimit dhe krijimit e të të ardhmen më të mirë për vendin. Fatkeqësisht, ky ritëm i shpresës u ndal padrejtësisht. Megjithatë, jam i bindur se kthimi i tij do ta rimobilizojë sërish administratën shtetërore dhe shoqërinë, në përgjithësi, për ndryshim dhe zhvillim.

    Të kujtojmë se ne privohemi nga e drejta për lëvizje të papenguar në këtë kontinent. Prandaj, them se shpresën duhet mbajtur, edhe pse optimizmin dhe arritjet e dëshiruara po na i cenojnë në secilën ditë.

    Sot, Evropa feston me dinjitet dhe krenari për arritjet, derisa ne përpiqemi të mbesim krenarë. Ne, si vend dhe shoqëri, duhet të ruajmë dinjitetin dhe të përpiqemi të mbesim krenarë, por të mos shpresojmë së koti se me këtë qeverisje ne do të përceptohemi të tillë. Pavarësisht, në frymën dhe orientimin tonë, ne jemi një komb evropian.

    (Autori është anëtar i kryesisë së AAK-së, njëherësh edhe drejtor i Institutit KLGI)
    "Fet` e besëtë t`i kemi, po të ndarë të mos jemi." Naim Frashëri

  11. #51
    i/e regjistruar Maska e toni karlosi
    Anëtarësuar
    24-10-2005
    Postime
    295
    Citim Postuar më parë nga Dar_di Lexo Postimin
    Dita e Evropës, studentët kërkojnë liberalizim

    Përfaqësues të Parlamentit Studentor të Universitetit të Prishtinës, me rastin e 9 Majit - Ditës së Evropës, para selisë së Komisionit Evropian kanë vendosur një objekt simbolik, me anë të të cilit shprehen pakënaqësinë me procesin e liberalizimit të vizave duke kërkuar nga institucionet ndërkombëtare e vendore, që të përshpejtohet ky proces.

    Objekti i vendosur të cilin e vendosën përfaqësues të kësaj organizate studentore, kishte hartën e vendeve të rajonit dhe të drejtën e tyre për lëvizje të lirë, ndërkaq në mesin e vendeve të rajonit, vetëm Kosova nuk e ka një mundësi të tillë.

    Kryetari i Parlamentit Studentor, Selim Daku tha se ky objekt, të cilën e kanë sjellë para selisë së Komisionit Evropian, paraqet gjendjen e shtetit të Kosovës, të cilit i pamundësohet lëvizja e lirë.

    “Ne me këtë akt paraqesim pakënaqësinë tonë për mos lëvizje të lirë dhe kërkojmë nga instancat evropiane, Komisioni Evropian, por edhe nga qeveria jonë, që të përshpejtojnë procedurat e liberalizimit të vizave edhe për ne studentët edhe për qytetarët e Kosovës, në mënyrë që të mundësohet lëvizja e lirë e studentëve, të zhvillohen hulumtime në vende tjera, ku tani është e pa mundur”, ka thënë Daku.

    Ai tha se marr në krahasim gjendjen e shtetit të Kosovës me shtetet në rajon, “nuk jemi edhe aq larg”, bile sipas tij, në disa aspekte në krahasim me shtet tjera “jemi shumë më larg se ta”. Daku tha se për këtë arsye është e pa drejtë që nuk u mundësohet lëvizja e lirë vetëm qytetarëve të Kosovës.

    ZËRI
    ME KETE QEVERI NUK KA LIBERALIZIM VIZASH.
    Moto e qeveritareve tane : merr gjithçka që të ofron jeta! Tash dhe këtu. Tash ose kurrë!”,

  12. #52
    i/e regjistruar Maska e beni33
    Anëtarësuar
    27-04-2008
    Postime
    4,230
    as nje shtet ne europ nuk feston 9 majin kinse dit e europes ne kosove kjo dit festohet apsurt i kohes polulli me i izoluari ne europ dhe fston nje dit kot fare sa qew disa abasada edhe u habiten me ket fest

  13. #53
    i/e regjistruar Maska e Dar_di
    Anëtarësuar
    16-08-2008
    Vendndodhja
    Dardani e lashtë (Oeneum), aty ku ajri i freskët më bën të ndihem i relaksuar.
    Postime
    1,968
    Larg liberalizimit të vizave

    Në mungesë të udhërrëfyesit, i cili nuk i është lëshuar ende nga Brukseli, Kosova vazhdon t’i përmbushë njëanshëm kriteret për liberalizimin e vizave. Derisa në Qeverinë e Kosovës shpresojnë se kriteret teknike do të plotësohen nga fillimi i vitit vijues, në Komisionin Parlamentar për integrime evropiane thonë se përfshirja e Kosovës në këtë proces është ende e largët.

    Bashkimi Evropian nuk ia ka qartësuar ende Kosovës perspektivën e liberalizimit të vizave, thonë zyrtarët në Prishtinë.

    Megjithatë, në Qeverinë e Kosovës besojnë se vendi tashmë është gati për këtë proces. Përderisa në Komisionin për Integrime Evropiane në Parlament ka skepticizëm, si në raport me gatishmërinë e BE-së për të pranuar kosovarët në Evropën pa viza, ashtu edhe në përgatitjet e Kosovës për këtë proces.

    Ministrja e Integrimeve Evropiane, Vlora Çitaku, pret që BE-ja shumë shpejt t'i nisë bisedimet me autoritetet e Kosovës, si për liberalizimin e vizave ashtu edhe për marrëveshjet tjera kontraktuale me Kosovën.

    “Ne do të punojmë njëanshëm në përmbushjen e kritereve dhe shpresojmë që shpejt edhe Komisioni Evropian të vijë me një përgjigje pozitive për lansimin e dialogut për vizat, presim dhe avancimin e marrëdhënieve tregtare, e kështu me radhë”, thekson Çitaku.

    Ndërkohë, kryetari i Komisionit për Integrime Evropiane në Parlamentin e Kosovës, deputeti i Lidhjes Demokratike Kosovës, Lutfi Haziri, thotë se Kosova mbetet getoja evropiane, për shkak të pengesave që po i bëhen asaj, si nga pesë vendet e BE-së që nuk e kanë njohur atë si shtet, apo edhe për faktin se Kosova nuk i ka plotësuar kriteret e parapara.

    Duke iu referuar deklaratave të përsëritura të kryeministrit Hashim Thaçi, i cili para gjysmë viti pati premtuar se brenda 15 muajve Kosova do të përfshihej në liberalizim, deputeti Haziri thotë se nuk ka kurrfarë afati që garanton përfshirjen e Kosovës në këtë proces.

    Përderisa Kosova nuk e ka para vetes as udhërrëfyesin për vizat, nuk mund të ketë afate tjera, thekson Haziri.

    “Mund të them lirisht se edhe 8 muaj kanë mbetur nga premtimi i kryeministrit. Por, absolutisht, nuk guxojmë të shkaktojmë pritje të qytetarëve të Kosovës sa i përket këtij procesi, sepse nuk ka asnjë datë, asnjë orar, as kalendar që Kosovën e çon në këtë proces. Kosova nuk e ka të qartë se kur e merr udhërrëfyesin dhe udhërrëfyesi i jep detyrat, standardet dhe kushtet teknike e politike që duhet të plotësohen në këtë proces”, thotë Haziri.

    Sipas një vendimi të Qeverisë së Kosovës, pasaportat biometrike si një nga kushtet për liberalizim, do të fillojnë të prodhohen nga tetori i këtij viti.

    Ministri i Punëve të Brendshme, Bajram Rexhepi, thotë se Kosova mund t’i plotësojë kushtet teknike qysh në fillim të vitit 2012, por ai nuk e fsheh shqetësimin se sjellja e vendeve tjera të rajonit në procesin e liberalizimit të vizave mund t’i kushtojë me vonesa edhe Kosovës.

    “Në pjesën e parë të vitit 2012 ne i plotësojmë kushtet teknike, mirëpo tash këtu mund të ketë edhe dëme kolaterale. E dini që në muajin qershor do të bëhet një vlerësim për Serbinë dhe Maqedoninë se si ata e kanë përdorur procesin e liberalizimit, a ka pasur keqpërdorime. Kështu që ne nuk mund të jemi të ndarë nga ky proces, por ajo çka duhet të bëjmë ne, është t’i kryejmë punët tona”, shpjegon ministri Rexhepi.

    Në anën tjetër, deputeti Lutfi Haziri e sheh si sfiduese çështjen e riatdhesimit dhe drojës së vendeve të BE-së se me anë të liberalizimit do të nisej një fluks i ri i kosovarëve drejt Evropës, duke shpresuar se do të marrin strehim në vendet e BE-së.

    “Ajo që vërtet është e paqartë, ka të bëjë me procesin e përmbushjes së standardit të riatdhesimit dhe riintegrimit. Është një prej detyrave më sfiduese, të cilën Qeveria e Kosovës nuk ka arritur ta përmbushë. Ka të bëjë me njerëzit e Kosovës që janë azilkërkues, për arsye të caktuara në vende të ndryshme të BE-së. Kosova nuk ka arritur që në mënyrë bilaterale të nënshkruajë marrëveshje me shumë shtete, të cilat kërkojnë që ky standard në Kosovë të vendoset dhe Kosova t’i marrë obligimet e veta”, thekson Haziri.

    Gjatë muajit qershor, pritet që Kosovën ta vizitojë një komisariat për punë të brendshme i BE-së, që do të dërgojë në Kosovë një komision vlerësues, i cili do të nxjerrë përfundime në lidhje me përmbushjen e kritereve të parapara për liberalizimin e vizave nga ana e Kosovës.

    REL
    "Fet` e besëtë t`i kemi, po të ndarë të mos jemi." Naim Frashëri

  14. #54
    i/e regjistruar Maska e Dar_di
    Anëtarësuar
    16-08-2008
    Vendndodhja
    Dardani e lashtë (Oeneum), aty ku ajri i freskët më bën të ndihem i relaksuar.
    Postime
    1,968
    BE: Liberalizimi, s’ka gjasa për Kosovën

    Bashkimi Evropian ua ka tërhequr vërejtjen autoriteteve të Serbisë që të ndërmarrin masa kundër atyre që u rregullojnë vendbanim në Serbi banorëve të Kosovës, vetëm për të marrë pasaporta biometrike që mund të shfrytëzohen për të udhëtuar pa viza në vendet e BE-së. Kjo thuhet në një raport që ekspertët e Komisionit Evropian e kanë përgatitur për afatin gjashtëmujor të këtij viti dhe që u është prezantuar vendeve anëtare të BE-së.

    Raporti përfshin të gjitha vendet e Ballkanit Perëndimor që janë të përfshira tashmë në liberalizimin e vizave dhe vërehet se sidomos në Maqedoni dhe në Serbi ka keqpërdorim të këtij liberalizimi, sepse një numër shumë i madh i shtetasve të këtyre vendeve kanë kërkuar azil në vendet e BE-së.

    Ndërkohë, Bashkimi Evropian është duke shqyrtuar lehtësimin e kthimit të regjimit të vizave për ato vende që e keqpërdorin dhe vërejtjet i janë dhënë sidomos Republikës së Maqedonisë, por edhe Serbisë.

    Sa i përket Serbisë, thuhet se Serbia ka vazhduar të japë pasaporta për banorët e Kosovës, por duke respektuar marrëveshjen me BE-në, pra duke dhënë pasaporta vetëm në zyrën në Beograd, që do të thotë se ata banorë të Kosovës që marrin pasaporta të Serbisë nga kjo zyrë, me to nuk mund të udhëtojnë pa viza në BE.

    Mirëpo, shumë nga Kosova thuhet të kenë shkuar në Serbi për të rregulluar edhe vendbanimin në Republikën e Serbisë, çka u mundëson të marrin pasaporta, me të cilat mund të udhëtojnë pa viza.

    Autoritetet e Serbisë u janë përgjigjur zyrtarëve të BE-së se kanë ndërmarrë masa ndaj të gjithë atyre, të cilët janë duke e keqpërdorur këtë mundësi dhe, madje, janë edhe duke i gjykuar disa policë të përfshirë në këtë.

    Në anën tjetër, sa i përket Kosovës, thuhet se gjasat për të nisur një dialog të shpejtë për liberalizimin e vizave, ende nuk ekzistojnë dhe se pritet që gjatë verës edhe një komision tjetër i BE-së të shkojë në terren në Kosovë për të parë se si po zbatohet marrëveshja e riatdhesimit dhe ri-integrimit të të kthyerve.

    Numri i madh i azilkërkuesve nga Kosova, por edhe i shqiptarëve nga Maqedonia dhe Serbia, sipas zyrtarëve të BE-së, po ndikon që disa shtete të hezitojnë që të niset procesi i liberalizimit të vizave me Kosovën.

    Në raport thuhet se destinacionet më të preferuara të azilkërkuesve nga vendet e ish-Jugosllavisë janë Gjermania Suedia dhe Belgjika, prandaj edhe këto vende janë më të zëshme në kundërshtim që të niset dialogu i shpejtë për liberalizim vizash me Kosovën.


    REL
    "Fet` e besëtë t`i kemi, po të ndarë të mos jemi." Naim Frashëri

  15. #55
    i/e regjistruar Maska e Dar_di
    Anëtarësuar
    16-08-2008
    Vendndodhja
    Dardani e lashtë (Oeneum), aty ku ajri i freskët më bën të ndihem i relaksuar.
    Postime
    1,968
    Austria do t’i prodhojë pasaportat biometrikë për Kosovën



    Ankesa e kompanisë sllovene CETIS, e eliminuar nga gara për prodhimin e pasaportave elektronike, me gjithë çmimin më të lirë, është hedhur poshtë nga Organi Shqyrtues i Prokurimit. Anëtarët e këtij organi kanë vendosur që Ministria e Punëve të Brendshme të ecë me procedura dhe tenderin 14-milionësh për prodhimin e pasaportave biometrike t’ia japë kompanisë austriake Oesterreichische Staatsdruckerei GmbH.

    Ky vendim është marrë të premten dhe do të publikohet sot (e hënë). Hysni Hoxha, kryetar i panelit shqyrtues, të dielën tha se ankesa e kompanisë sllovene ka qenë e pabazuar, ndonëse kompania e lartcekur thotë një të vërtetë tjetër duke ofruar dëshmitë.

    “Është hedhur poshtë ajo ankesë. Paneli ka vlerësuar se ankesa ka qenë e pabazuar dhe ne u kemi dhënë të drejtë autoriteteve kontraktuese për dhënie të kontratës për aktivitetin e prokurimit për ‘Furnizim me pasaporta elektronike’”, tha Hoxha.

    Kompania e eliminuar sllovene CETIS, që ishte më e lirë për rreth 600 mijë euro, ka qenë në garë për prodhimin e pasaportave në Slloveni, ku edhe prodhon pasaporta biometrike për këtë vend të Bashkimit Evropian.

    Në garë për prodhimin e pasaportave elektronike ka qenë edhe kompania gjermane “Giesecke & Devrient”, ndaj së cilës mediet gjermane raportojnë se autoritetet e atjeshme janë duke zhvilluar hetime në lidhje me dhënie të ryshfetit. Por për Organin Shqyrtues kjo kompani ka qenë e përgjegjshme ndaj kanë vlerësuar se tri nga katër kompanitë konkurruese kanë qenë të përgjegjshme dhe tenderi nuk duhet anuluar në tërësi.

    Të kualifikuara për fazën e dytë në këtë tender kanë qenë gjashtë kompani, ndërsa katër prej tyre i kanë dorëzuar ofertat e tyre.

    Kompania sllovene për prodhimin e pasaportave elektronike është eliminuar nga gara edhe pse ishte më e lira.

    “Ne kemi ofruar 7 makina me kapacitet prodhimi prej 40 sekondash për personalizimin e një pasaporte, kjo do të thotë 90 pasaporta në orë. Kapaciteti i prodhimit i 7 makinave është 5.040 copë të pasaportave për 8 orë. Kapaciteti i ofruar i prodhimit nga ne është shumë më i lartë sesa kapacitetet e prodhimit prej 3.500 copë pasaportash i kërkuar në dokumentacionin e tenderit”, thuhet në letrën e kompanisë CETIS, por që është vlerësuar si e pabazë nga OBSH-ja.

    “Ne jemi të bindur se oferta jonë e dorëzuar i plotëson kërkesat në dokumentacionin teknik, dhe me mirësi kërkojmë që ju të shikoni argumentet tona të shkruara më lart”, thuhet në kërkesën e CETIS të dorëzuar edhe në ministri.

    Departamenti i Prokurimit i Ministrisë së Punëve të Brendshme kishte falënderuar ditë më parë pjesëmarrjen në procedurën e prokurimit të lartpërmendur kompaninë sllovene dhe me keqardhje i kishte njoftuar se janë eliminuar nga gara, sepse oferta që ata kishin dorëzuar, sipas ministrisë, nuk është pranuar për disa arsye.

    “Ju jeni eliminuar për këto arsye: nuk keni përmbushur kërkesën e specifikimeve të detyrueshme teknike në dosjen e tenderit, sepse ju keni ofruar prodhimin e 100 pasaportave për 100 minuta, me 7 makina prodhuese. Nëse llogaritet sasia e prodhimit për orë, shohim se kapaciteti i prodhimit është 3.360 copë, kurse numri minimal i pasaportave që duhet të prodhohen brenda 8 orëve është 3.500”, thuhej në shkresën e Ministrisë drejtuar kompanisë konkurruese.

    Kjo arsye ishte hedhur poshtë kategorikisht nga ofertuesi slloven, që ishte ankuar menjëherë në Organin Shqyrtues ku kishte ofruar të dhëna shtesë për dosjen e tenderit dhe kapacitetin e tyre prodhues që, sipas tyre, kalon kufirin e përcaktuar duke prodhuar 1.500 copë pasaporta më shumë. Të hënën ata do të marrin vesh edhe zyrtarisht se ankesa e tyre nuk është marrë për bazë as nga Organi Shqyrtues edhe pse ishin më të lirët në konkurrencën e prodhimit të pasaportave që janë pjesë e kushteve për liberalizim të vizave me Bashkimin Evropian.


    KOHA Ditore
    "Fet` e besëtë t`i kemi, po të ndarë të mos jemi." Naim Frashëri

  16. #56
    i/e regjistruar Maska e Llapi
    Anëtarësuar
    08-08-2002
    Postime
    10,979
    prej 1 korrimu 2012 Kosovaret do udhtoin pa viza ne europ
    Do t´i luftoj spiunet dhe tradhtaret e kombit deri ne vdekje.

  17. #57
    i/e regjistruar Maska e Dar_di
    Anëtarësuar
    16-08-2008
    Vendndodhja
    Dardani e lashtë (Oeneum), aty ku ajri i freskët më bën të ndihem i relaksuar.
    Postime
    1,968
    Evropianët e rinj të izoluar

    Shkruan: Rozafa Kelmendi

    Kosova shpalli pavarësinë më 17 shkurt 2008 dhe iu bashkua botës së lirë duke u bërë shteti i 193-të në botë. Rruga e saj e zgjedhur është drejt integrimit evropian, me dëshirën për t'u integruar plotësisht në familjen e demokracive euroatlantike.

    Kosova është shtëpia e popullatës më të re në Evropë, me një moshë mesatare prej 25.9 vjeç. Kjo ishte edhe arsyeja që qeveria e Kosovës filloi një fushatë për Kosovën me moton “Kosovo: The Young Europeans“. Megjithatë, ironia është se këta të rinj nuk janë të lirë për të takuar Evropën, së cilës i përkasin!

    Edhe pse Kosova historikisht, në aspektin kulturor dhe shoqëror është pjesë e Evropës dhe padyshim është një nga vendet më pro-perëndimore në planet, ajo është refuzuar vazhdimisht nga Komisioni Evropian: kur është fjala për lirinë e lëvizjes, qytetarët e Kosovës janë më të izoluarit nga pjesa tjetër e Evropës. Ka një numër pengesash që i mbajnë banorët e Kosovës larg nga pjesa tjetër e Evropës, duke përfshirë faktin që ata përballen me shkallën më të lartë të refuzimit nga të gjitha vendet e Ballkanit, kur aplikojnë për viza Shengen dhe se ata janë i vetmi popull në Ballkanin Perëndimor që kanë nevojë për viza për të udhëtuar brenda rajonit të tyre dhe vendeve të BE-së.

    Për të hyrë në Kosovë nuk nevojiten viza dhe si rezultat gjatë dekadës së fundit qytetarë nga e gjithë bota janë vendosur në vend. Megjithatë lëvizja e lirë pa viza është e mundur për kosovarët në vetëm pesë shtete, që e bën atë vendin me nivelin më të lartë të kufizimeve të vizave të vendosura mbi ndonjë shtet në botë. Kosova është e pasuar nga Afganistani, qytetarët e të cilit mund të udhëtojnë pa viza në 20 vende, pastaj Iraku (23 vende) dhe Somalia (25 vende).

    Regjimi i vizave ka kultivuar një ambient që pengon shkëmbimet kulturore dhe zhvillimin e të rinjve. Lista e zezë ngulfatëse nga zona e Shengenit gjithashtu dekurajon zhvillimin ekonomik dhe ka ndikim negativ në marrëdhëniet e biznesit në Kosovë. Ndërmarrësit përballen me pengesa të mëdha për të hyrë në zonën e Shengenit, ku ata mund të zbulojnë mundësi potenciale të biznesit. Kosova ka numrin më të vogël të kontratave të bashkëpunimit me vendet anëtare të BE-se në drejtim të shkëmbimeve studentore, lëvizjeve të punëtorëve dhe formave të tjera të përvojave jashtë vendit.

    Pa mundësi për të udhëtuar, qytetarët e Kosovës zhvillojnë perceptime të pasakta për botën e jashtme, bazuar në përshtypjet e mediave të njëanshme, gjë që kontribuon në rritjen e ndjenjës së izolimit të Kosovës nga pjesa tjetër e Evropës.

    Duket se kur shtetet e Komisionit Evropian thonë që Ballkani ka perspektivë evropiane, ato nuk i referohen Kosovës. Pak shtete anëtare të BE-së nuk pajtohen për pavarësinë e Kosovës, megjithatë banorët e Kosovës të të gjitha etnive mbesin të izoluar për një vizë. Kjo është, besoj, një problem serioz për interesat e Bashkimit Evropian në Ballkanin Perëndimor. Kosova duhet të ecë së bashku me fqinjët e saj për të shkuar përpara, drejt një të ardhmeje të përbashkët evropiane.

    Është absurde që në shekullin XXI janë dy milionë njerëz që jetojnë të ngujuar, mu në zemër të Evropës. Shpresojmë, në të ardhmen e afërt, muret e ndërtuara rreth Kosovës do të bien, dyert e Evropës do të hapen dhe do mirëpresin këta evropianë të rinj.


    Autorja është anëtare e ekipit të shkrimit të Think Young. (Think Tank që lobon për interesat e të rinjëve evropianë). Ky artikull është publikuar në gjuhën angleze në www.blogactiv.eu

    Telegrafi
    "Fet` e besëtë t`i kemi, po të ndarë të mos jemi." Naim Frashëri

  18. #58
    i/e regjistruar
    Anëtarësuar
    05-06-2009
    Postime
    352
    Evrope hiqni vizat, vonesat ne kete drejtim vetem sa shtojne "talebanet" ne mesin tone. Te rinjte tane duhet te kene mundesine te dalin ne Evrope, ta prekin ate, te shohin vlerat e saj me syte e vet. Perndryshe, duke na e mohuar te drejten qe kjo Evrope te jete e "prekshme" nga te rinjte tane, ata do te mbyllen ne vete, do te shohin ne te gjitha drejtimet tjera pervec atij te Evropes. Koha po ecen, tik tak, tik tak, ... ne po zhytemi ne batakun e injorances dhe izolimit...

  19. #59
    i/e regjistruar Maska e Dar_di
    Anëtarësuar
    16-08-2008
    Vendndodhja
    Dardani e lashtë (Oeneum), aty ku ajri i freskët më bën të ndihem i relaksuar.
    Postime
    1,968
    Të nisë dialogu për liberalizim me Kosovën

    Kryeministri i Hungarisë, vendi i të cilit kishte kryesimin e radhës të BE-së në 6 muajt e parë të këtij viti, Viktor Orban, u ka dërguar një memorandum liderëve të vendeve tjera të Bashkimit Evropian, me të cilin kërkon një riangazhim më të fuqishëm në Ballkanin Perëndimor, ndërsa mbështet nisjen e dialogut për liberalizim të vizave me Kosovën.

    “Nuk mund të mbeten vrima të zeza në hartën e Evropës dhe për këtë kemi nevojë të forcojmë perspektivën evropiane të Kosovës. Ne të gjithë jemi të vetëdijshëm se kjo është posaçërisht e vështirë për arsyen se jo të gjitha vendet anëtare të BE-së e kanë njohur Kosovën. Por, ne mund të bëjmë progres në fushën, siç është adoptimi i një udhërrëfyesi për liberalizimin e vizave”, thuhet në memorandumin e kryeministrit hungarez.

    “Ne besojmë se dialogu ndërmjet Prishtinës dhe Beogradit mund të sjellë rezultate konkrete për qytetarët në një afat të shkurtër, por edhe të ndihmojë në realizimin e qëllimit të bashkëpunimit afatgjatë”.

    “Suksesi i këtij procesi bart më vete edhe rëndësinë për stabilitetin afatgjatë në tërë rajonin”, thuhet në memorandumin që kryeministri i Hungarisë, Viktor Orban, u ka dërguar liderëve të vendeve të BE-së.

    Sipas kryeministrit të vendit që deri më tash kishte kryesimin e radhës të BE-së, pozita gjeografike e vendeve të Ballkanit Perëndimor bën që integrimi i këtyre shteteve në BE të mos jetë vetëm një zgjerim i thjeshtë i Bashkimit Evropian, por më shumë kompletim i një pune të papërfunduar të ribashkimit të Evropës.

    Orban është angazhuar në memorandumin e tij që para fundit të këtij viti të vendoset për nisjen e negociatave të anëtarësimit të Malit të Zi, gjithashtu të bëhet një gjë e tillë edhe me Maqedoninë.

    Për Serbinë, Orban ka thënë se ky shtet është kyç në rajon dhe se pas arrestimit të Mlladiqit tash BE-ja do të duhej të jepte statusin e kandidatit Serbisë, por menjëherë të vendosë edhe për vendimin për nisjen e negociatave.

    Orban ka theksuar se edhe Shqipërisë, deri në fund të vitit, do të duhej t’i jepej statusi i kandidatit, sepse, sipas tij, debatet e tashme politike nuk e kanë rrezikuar funksionimin e demokracisë në Shqipëri.

    Orban ka shprehur shqetësim për situatën në Bosnjë Hercegovinë, por ka propozuar që bashkësia ndërkombëtare të tërhiqet më shumë në aspektin politik dhe t’u lërë më shumë përgjegjësi liderëve vendorë.

    Kryeministri i Hungarisë posaçërisht ka përmendur suksesin që është arritur me Kroacinë, e cila tashmë ka përmbyllur negociatat e anëtarësimit dhe ka kërkuar një rifokusim në procesin e zgjerimit në vendet e Ballkanit Perëndimor, duke nënvizuar se është evidente se në Bashkimin Evropian nuk ka ndonjë vullnet të madh të zgjerimit të BE-së dhe se kjo duhet ndryshuar.

    Polonia, e cila tashmë ka marrë kryesimin e radhës të BE, ka thënë se do të vazhdojë procesin e zgjerimit, si një proces parësor të BE-së, dhe po ashtu do të jetë e fokusuar në aspektin e ndihmës së vendeve të Ballkanit Perëndimor.

    REL
    Ndryshuar për herë të fundit nga Dar_di : 06-07-2011 më 12:58
    "Fet` e besëtë t`i kemi, po të ndarë të mos jemi." Naim Frashëri

  20. #60
    i/e regjistruar Maska e Dar_di
    Anëtarësuar
    16-08-2008
    Vendndodhja
    Dardani e lashtë (Oeneum), aty ku ajri i freskët më bën të ndihem i relaksuar.
    Postime
    1,968
    Heqja e vizave çështje urgjente

    http://www.koerber-stiftung.de/uploa...d004akl_01.jpg

    Gjatë vizitës në Itali, ministri i Punëve të Jashtme i Republikës së Kosovës, Enver Hoxhaj, ka dhënë një intervistë për Agjencinë Mesdhetare të Lajmeve, me seli në Romë, ANSAmed. Hoxhaj ka thënë se midis çështjeve të hapura, urgjente për Kosovën, është objektivi i heqjes së vizave për qytetarët e saj, në mënyrë që t’iu mundësohet lëvizja e lirë në zonën Shengen.

    “Jemi një vend shumë i izoluar” citohet ministri, por duke shprehur besim në mundësinë e marrjes së shpejtë të udhërrëfyesit për liberalizim të vizave, që do të bëjë të mundur arritjen e këtij objektivi në vitin 2012.

    Në këtë aspekt, Hoxhaj ka shfaqur po ashtu bindjen e plotë në mbështetjen italiane më qëllim të avancimit të proceseve integruese evropiane të Kosovës.

    Ministri Hoxhaj ka thënë se në dhjetë vjetët e ardhshëm të gjitha vendet ballkanike duhet të bëhen anëtare të BE-së, me qëllim që edhe vetë projekti i BE-së të kompletohet, por “edhe sepse bëhet fjalë për kombe të reja, që mund të kontribuojnë shumë në ekonominë evropiane”.

    Gjatë intervistës, Ministri i Jashtëm i Kosovës ka folur edhe për gjendjen në Kosovë, me theks të veçantë për ambientin e krijuar për investimet nga jashtë.

    Në këtë kontekst, Hoxhaj ka thënë se Kosova ka një nga ambientet më të mira për të investuar, falë politikave fiskale, profesionalizmit të punëtorëve dhe mundësisë për hyrjen në tregjet e vendeve të tjera ballkanike.

    “Në takimin me Frattinin do të përqendrohemi se si të përforcojmë marrëdhëniet tona politike dhe ekonomike, por edhe se si të promovojmë projektet që kanë për qëllim afrimin e qytetarëve”, citohet ndër të tjera ministri Hoxhaj.

    Vizita e Ministrit të Jashtëm të Kosovës, Enver Hoxhaj në Itali, është raportuar nga mediat dhe agjencitë e ndryshme italiane. Pas përfundimit të vizitës në Itali, të premten, Hoxhaj i është bashkuar kryeministrit të Qeverisë së Republikës së Kosovës, Hashim Thaçi, në Dubrovnik, në Samitin e Kroacisë, ku marrin pjesë përfaqësues të Bashkimit Evropian dhe liderët shtetërorë të vendeve të rajonit.

    Telegrafi
    "Fet` e besëtë t`i kemi, po të ndarë të mos jemi." Naim Frashëri

Faqja 3 prej 7 FillimFillim 12345 ... FunditFundit

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •