Jepet me koncesion Aeroporti i Prishtinës

[DYDRINAS]

Jepet me koncesion Aeroporti i Prishtinës

Violeta Hyseni

BBC Prishtinë


Qeveria e Kosovës ka shpallur fituesin e tenderit për koncesionimin e Aeroportit Ndërkombëtar të Prishtinës për 20 vitet e ardhshme.

Në mesin e tri kompanive garuese u përzgjodh konsorciumi turko-francez, Limak-Aeroport de Lyon, që premtoi investimin e 100 milionë eurove për modernizimin e aeroportit.

Sipas kontratës, 23 deri në 55 përqind të fitimit nga të hyrat totale do t’i shkojnë buxhetit të Kosovës.

Ministria e Transportit tha se marrëveshja për investime afatgjate në aeroportin e vetëm komercial me këtë konsorcium ishte bërë për shkak se ai i kishte ofruar qeverisë mesataren më të lartë të të hyrave bruto, përkatësisht rreth 40 përqind.

Nga investitori është kërkuar që të operojë me oferta të zgjeruara të shërbimeve dhe me cilësi të lartë.

Në ceremoninë që u organizua me këtë rast, kryeministri Hashim Thaçi tha se me investimet që do të bëjë konsorciumi fitues, qytetarët e Kosovës do të përfitojnë një terminal të ri dhe hapësirë të zgjeruar në Aeroportin e Prishtinës.

Sipas tij, kjo t’i kontribuojë zhvillimit të mëtejmë të trafikut ajror të Kosovës dhe zhvillimit ekonomik të vendit.

Kryeministri Thaçi e vlerësoi procesin për përzgjedhjen e kompanisë fituese si transparent dhe jo të lehtë. Qeveria tha se edhe pas koncesionimit, do të ruajë 100 përqind pronësinë mbi asetet e aeroportit.

Aeroporti Ndërkombëtar i Prishtinës është ndër më të vegjlit në Ballkan dhe me një numër mbi mesaraten e trafikut të pasagjerëve.

Vitin e kaluar, ai iu shërbeu mbi 1.2 milion udhëtarëve.

Marrëveshja për dhënien me koncesion të Aeroportit shënon kontratën e parë afatgjatë të qeverisë për investime në infrastrukturë dhe shërbime publike.

[FIERI1]

Suksese Aeroportit te Prishtines lajm i shkelqyer.

[The Clown]

Pronarit te Eurokohes - Remzi Ejupit si ka ra ne kaqep asgje dhe ka protestuar per jotransparence te qeverise karshi tenderit.

[Kasumi]

pas pak viteve edhe punetoret e aeroportit do te gjinden para qeverise si ata te llamkosit ,feronikelit ,minatoret ,te fabrikes se gypave, te qimentos dhe shume e shume ndermarjeve tjera ..,

[DYDRINAS]

pas pak viteve edhe punetoret e aeroportit do te gjinden para qeverise si ata te llamkosit ,feronikelit ,minatoret ,te fabrikes se gypave, te qimentos dhe shume e shume ndermarjeve tjera ..,

Ka dek koha e Jugobankes qe borxhet qe i mirrte Titoja ua jipte Bankkosave & Co per te kriju iluzionin se na po kena boll e na ashtu e kshtu.

Ajo isht nji koh e prrallave te Ali Bab Tites, po vitet 1980-1999 e tregun mir se cka ishte Jugobanka e Bankkosi, cka Jugoplastika e Llamkosi!

S'duhet me pas asnji nostalgji per kohen e Ali Bab Tites! Mshileni at liber njiher e pergjithmone!
Lufta u be me i ik Jugobankes! Lufta e mundi u be per nje Kosove tjeter!