Reagim ndaj dy shkrimeve të datës 26 dhe 27 shkurt 2010 në gazetën "Express " lidhur me rastin e xhamisë së fshatit Marinë të komunës së Skenderajt .

Valentina Rama

KUR DUKE LUFTUAR TË KEQËN MBROHET E KEQJA



Të lexosh artikujt e datës 26 dhe 27 shkurt 2010 në gazetën "Express " lidhur me rastin e xhamisë së fshatit Marinë të Skenderajt , shkruar i pari nga Dafina Myrtaj e Jetmira Rexhepi , e tjetri vetëm nga Dafina Myrtaj , e të mos shqetësohesh thellë në shpirt dhe të mos reagosh , është thjeshtë një qyqanllëk dhe nivel i ulët intelektual i njeriut . Artikullshkrueset që në start bijnë në kundërshtim me thenjet e tyre , e atë kur në artikullin e parë thuhet se peticionin e OJQ- së Prehja e kanë nënshkruar mbi pesëmijë qytetarë , e në numrin tjetër thuhet se të njejtin peticion e kanë nënshkruar gjashtëmijë veta , problem ky që na bën të shohim fillimisht një joseriozitet të madh .

Prapseprap ndoshta për njerëzit që nuk kanë njohuri elementare nga matematika , distanca në mes numrit pesëmijë e gjashtëmijë nuk është e madhe , por e pakuptimtë është fjalia fillestare e shkrimit të së shtunës nga Dafina Myrtaj , kur thuhet : " Në minaren e xhamisë së Marinës së Skenderajt nuk do të ngjitet më hoxha i vetëshpallur , Kastriot Duka – Xhemajli ", e më poshtë : "... dyerve të kësaj xhamije t'iu vihet përkoh- ësisht dryni , deri në marrjen e një vendimi tjetër të Bashkësisë Islame lidhur me ketë xhami " . Kurse në artikullin e së premtes në "Express " për të njejtën ngjarje , me shkro- nja të mëdha e të zeza shkruhet me sa vijon : " Nga 716 xhami sa ka Kosova , vetëm ajo e fshatit Marinë të Skenderajt , e udhëhequr nga Xhemajl Duka , nuk përfill Bashkësinë Islame të Kosovës . Për këtë tash e sa ditë mbi pesëmijë qytetarë të Skenderajt kanë nën- shkruar peticionin e OJQ-së Prehja që kërkon largimin e imamit , që BIK – u thotë të jetë ilegal në këtë xhami " . Sinqerisht , juve artikullshkrueseve ua bëjë këtë pyetje : " A keni pyetur në ndonjërin nga institucionet tona shtetërore-duke filluar nga presidenca e tutje , juve si gazetare se çfarë pozicioni juridik ka BIK-u ose thënë më çartë a figuron ky emër në ndonjë dokument zyrtar" . Nese nuk keni pyetur , atëherë shoqërisht iu them të mos pyetni fare , sepse do të lodheni kot e nuk do ta gjeni askund . Andaj , kush iu jep të drejtë juve të bisedoni me njerëzit e BIK-ut e t'i trajtoni ata si të ishin në pozitë ministrash , a në realitet ata vetë veprojnë ilegalisht në Kosovë, duke mos i dhënë logari askujt për asgjë . Pra , këtu kemi të bëjmë me një grup njerëzish ( klan ) që në realitet i japin vetit të drejtë monopoli mbi të gjitha xhamitë e Kosovës , e vet nuk e njohin shtetin e Kosovës .

Të nderuara artikullshkruese , kur e keni intervistuar Sabri Bajgorën , e që ankohet në hoxhën e Marinës se është ilegal , a e keni pyetur se ai vet me çfarë të drejte nga Kushtetuta e Kosovës , i jep vetit pushtet të tillë në të cilin thirret së bashku me klanin e tij . Apo mos rastësisht e keni pyetur se kujt i jep ai llogari për mjetet financiare me të cilat ky grup manipulon . Kur Bajgora shprehet se për rastin e Dukës , kryesia e BIK-ut ka njoftuar të gjitha organet tona kompetente , duke përfshirë edhe MPB-në , e që i akuzon organet e rendit për mos kryerjën e obligimeve të veta ligjore , a e keni pyetur se a duhet së pari MPB të merret me juve për veprimtari ilegale , e që garoni në luks në kurriz të popullit , apo me Kastriot Dukën . Ose rastësisht a e keni pyetur përsonin në fjalë se në bazë të kujt ata ia lejojnë vetëvehtës të shesin pasurinë e patundshme të BI , apo të rrënojnë objekte fetare qindra vjeçare të vjetra , ku në vend të tyre me financim nga bota arabe ndërtohën xhami, nën të cilat lokale me shfrytëzimin e të cilave vetë ata përsonalisht pasurohën . Ose , çka është edhe më keq , shkohet deri aty sa hapet fakulteti për studime islame , i cili sot e kësaj dite vepron ilegalisht , nga ku lëshohën diploma pa kurrfarë mbulese , e askujt nga organet e pushtetit nuk ia prishë rehatinë ky problem .

Të nderuara gazetare të "Express "-it , kur bisedoni me kryetarin Lushtaku dhe ai mburret me atë se e ka nënshkruar edhe vetë përsonalisht peticionin , a iu bie ndërmend ta pyesni se çfarë lidhje ai mbanë me Naim Tërnavën dhe a i hahën me oreks iftaret dhe darkat kur Tërnava ia shtron , ose , kush ia lejon atij që Dukën si ilegal ta luftojë e klanin e Tërnavës , gjithëashtu si ilegalë që nuk e njeh fare shtetin e Kosovës , ta mbrojë .

E nderuara Dafina dhe Jetmira , kur e keni inervistuar Ajnishahe Halimin , e cila e akuzon Dukën për imoralitet dhe e mbronë BIK-un , a e keni pyetur rastësisht se ajo a është në dijeni se në MM "Alauddin " në Prishtinë ka plot raste kur mësimdhënësit e lën- dëve fetare abuzojnë seksualisht nxënëset e veta , e ka të tillë që arrijnë të bëhen edhe drejtor shkolle , e BIK-u i juej të tillëve vetëm ua rrahë krahët duke i siguruar me " hajt mos ta ndien se pas më ke ", ose ka raste kur nxënësi i medresesë rrahet shtazarakisht në prezencë të krejt nxënësve nga Pajazit Tërnava ( djali i vëllaut të Naim Tërnavës ) , e vepra e tillë me një mjeshtri të madhe mbulohet nga klani i BIK-ut . Kur zonja Halimi e akuzon Dukën për keqpërdorime , a e keni pyetur se a i ka përcjellur njerëzit e BIK-ut që ajo i mbronë , kur dalin gjatë muajit të Ramazanit , e me paturpësinë më të madhe rrejnë para popullit duke kërkuar vitrat e mishin e kurbanëve në emër të medresesë , sepse sipas tyre, medreseja mbahet nga ndihmat vullnetare të popullit , a në realitet ajo financohet nga bugjeti i Kosovës , e nxënësve banues të konviktit të shkollës ata dhunshëm ua marrin nga 60 ( gjashtëdhjetë ) € në muej për banim .

Për fund , do të bënit mirë që herave tjera kur të shkruani , duke e nderuar emrin e gazetarit dhe duke e ruajtur etikën gazetareske , përmes shkrimeve tuaja të nxerrni realitetin në shesh , e jo si në rastin e fundit t'a sulmoni një njeri që ka uzurpuar një xhami , e t'a mbroni një grup njerëzish që nuk njeh kurrëfarë norme njerëzore , e që i ka uzurpuar 715 xhamia e sillën me to sikur të ishte plaçkë lufte e tyre .