Kandidati (et) per President?????

[Eni]

"Votat tona, plumb per Nanon"


Erl Murati/

Grupi brenda Partise Socialiste i quajtur "levizja per katharsis" nuk do te propozoje asnje kandidature dhe aq me pak kryetarin socialist Nano per postin e presidentit te Republikes. Kete e pohuan dje per "KJ" deputete te kesaj levizjeje. Sipas "katharsisteve", kryetari i PS-se, Nano nuk do te propozohet prej tyre as ne mbledhjen e KPD-se ku do te vendoset kandidatura dhe as formalisht ne parlament. "Ne nuk kemi ndermend ta propozojme Nanon dhe as ndonje kandidature tjeter. Po te doje ai le te propozohet nga ata qe sulmoi politikisht per disa muaj me rradhe. Pasi te shpallen kandidaturat nga kryesia e partise, atehere ne do te vendosim se cfare qendrimi te mbajme", tha njeri nga deputetet socialiste. Sipas tij, brenda vete "levizjes per katharsis" ka qendrime te ndryshme persa i perket ceshtjes se presidentit, dhe konkretisht kandidimit te Nanos. Disa prej deputeteve mendojne se Nano duhet mbeshtetur me arsyetimin se ai eshte kryetari i partise dhe nje prej figurave kryesore te PS-se, Ndersa pjesa tjeter e "katharsisteve" mendon se "Nano ka deshmuar se nuk di ta mbaje fjalen" dhe prandaj nuk duhet perkrahur. Ish-Nanoistet shprehen se kandidaturat zyrtare per zgjedhjen e presidentit do te votohen ne forumet e PS-se, ne kryesi dhe ne KPD, por emrin e kandidatit do te shqyrtoje edhe grupi parlamentar socialist. "Pasi Komiteti i Pergjithshem Drejtues te shpalle kandidaturen zyrtare, atehere i takon grupit parlamentar qe ta diskutoje ate ne nje mbledhje te vecante dhe te percaktoje qendrimin qe duhet te mbaje ne seance plenare", tha nje nga deputetet socialiste.

Kryetari i PS-se, Nano nuk e ka mohuar objektivin e tij per te kandiduar ne zgjedhjet e ardhshme presidenciale. Ai u shpreh dy dite me pare per mediat ne lidhje me kete ceshtje se ate e mbeshtet opinioni publik shqiptar. Ai "dogji" indirekt kandidaturen e Meidanit per kete post, kur u shpreh se kandidati per president duhet te jete nje perfaqesues i vlerave 10 vjecare ne PS.

Grupimi "levizja per katharsis" e ka shprehur tashme publikisht qendrimin e vet se preferon qe Nano te qendroje ne kreun e partise dhe te mos kandidoje. Nderkohe, kandidatura zyrtare e mazhorances per postin e presidentit do te vendoset nga forumet e PS-se dhe me pas ne konsultimet me partite aleate. Sipas statutit te PS-se, "kandidatet per perfaqesues te partise ne organet e pushtetit ekzekutiv dhe legjislativ, per te gjitha nivelet, zgjidhen me votim te fshehte dhe me disa kandidate". Me pas kandidatura zyrtare qe do te dale nga KPD-ja, do te votohet ne parlament ku nevojiten 84 vota per t'u zgjedhur president. Sekretari i pergjithshem i PS-se, Gramoz Ruci deklaroi pak dite me pare se kjo kandidature do te vendoset ne fund te ketij muaji.

Largimi i PAD-se nga koalicioni qeveritar "Aleanca per Shtetin" do ta veshtiresoje synimin e mazhorances per te zgjedhur nje president jokonsensual, por brenda se majtes. Opozita dhe faktori nderkombetar kane kerkuar me kohe nje president me konsensus te gjere parlametar, i cili sipas tyre do t'i ndihmonte stabilitetit politik te vendit. Disa deputete te PS-se kane deklaruar se shpresojne ne votat e fshehta te opozites per te zgjedhur presidentin e ardhshem te Republikes.


© Koha Jone 2001 All Rights reserved

[Eni]

Kreu i PD-së tha se, më parë se të dalin kandidaturat për president, duhen konsultime me PS-në


Berisha: Nuk kemi kandidatura për president


"PS, sipas paktit të Korfuzit, ka vendosur të shtyjë pa afat vendimin e Abdiut"


TIRANË - Partia Demokratike nuk do të paraqesë kandidat për zgjedhjet e afërta presidenciale. Këtë bëri të ditur dje kryetari i PD-së Sali Berisha, i cili shtoi se: "Opozita është shprehur dhe do t'i qëndrojë vendimit të saj për një president konsensual. Ne nuk kemi kandidatura për president, e rëndësishme është që ne duhet të ulemi me Partinë Socialiste të biem dakord për presidentin konsensual dhe, më pas, të flasim për kandidatura",- u shpreh ai dje. Deri tani nga opozita kanë dalë si kandidatura të mundshme për president, Pjetër Arbnori nga PD-ja dhe Sabri Godo nga PR-ja. I pari ka deklaruar se do të kandidonte për këtë post, nëse do ta propozonte partia e tij. Godo është shprehur se pranon të kandidojë për president për të bërë të mundur shmangien e krizës institucionale. Por vetë kryetari i PD-së asnjëherë nuk ka folur për emra që mund të dalin nga radhët e opozitës, si kandidatë për president. Berisha gjithnjë është shprehur për zgjedhjen e një presidenti konsensual, siç u propozua në takimin e 24 janarit në Bruksel nga Parlamenti Evropian. Ky propozim u bë nga Bashkimi Evropian për të gjetur një zgjidhje politike në vend, si pasojë e parregullsive të shumta që u vunë re gjatë procesit zgjedhor ku PS-ja arriti të marrë votat që i duhen për të zgjedhur president nga radhët e saj. Berisha e ka përjashtuar veten nga një kandidim për president, këtë ka kërkuar ta bëjë edhe kundërshtari i vjetër politik, Fatos Nano. Por Nano nuk është tërhequr, por ka vendosur të kandidojë për këtë post. Kryetari i PD-së u shpreh dje se kandidati për president mund të dalë nga partitë e vogla apo nga rrethet akademike. Ky propozim nuk është pranuar nga socialistët, të cilët kanë nxjerrë deri tani, jozyrtarisht, tre kandidatura: Meidani, Dokle dhe Nano që priten të përforcohen në ditët e ardhshme
Kushtetuesja
"Aktualisht, nuk kemi Parlament",- deklaroi dje Berisha, dy ditë pas hyrjes në fuqi të vendimit të Gjykatës Kushtetuese për çështjen "Rakipi". Sipas tij, Parlamenti e ka humbur funksionin e tij dhe ka humbur maxhorancën drejtuese. Ai reagoi ashpër ndaj Parlamentit dhe kryetarit të tij, Servet Pëllumbi, i cili nëse nuk e kalon për shqyrtim në Parlament vendimin e Gjykatës Kushtetuese, atëherë do të detyrojë PD-në të marrë vendime të rënda dhe të prera. "Qëndrimi ynë do të jetë i prerë, do të reagojmë me të gjithë potencialin që kemi ne dhe do të përdorim të gjitha mjetet demokratike kundër këtij regjimi. Hapat do të jenë parlamentare dhe joparlamentare",- tha dje Berisha. Sipas kreut demokrat, kërkesa e vetme e opozitës është që kjo çështje të kalohet me urgjencë në rendin e ditës së Kuvendit, në të kundërt, ai do t'i sugjerojë grupit parlamentar vendimet që duhet të ndërmarrin më pas."Por e përsëris se vendimet dhe qëndrimet do të jenë më të prerat dhe më të rëndat",-tha ai. Gjithashtu, ai tha se: "Në rast se ne nuk e bëmë këtë me votëbesimin e Majkos, i cili është i vemti kryeministër pa votëbesim, për këtë çështje nuk do të kemi asnjë tolerancë ndaj kësaj që po ndodh",- u shpreh dje ai. Fshehja e faktit të botimit të vendimit, sipas Berishës, është një masë e marrë nga takimi Nano-Meta në Korfuz. "Deputetët tanë kanë kërkuar në Parlament shtrimin e kësaj çështjeje për diskutim, kurse Pëllumbi, në përputhje me protokollin apo marrëveshjen e Korfuzit, nuk e paraqet çështjen në Parlament duke e shndërruar në një karnaval të vërtetë Parlamentin",- tha kryetari i PD-së. Sipas Berishës, socialistët kanë rënë dakord mes njëri-tjetrit që të mos e kalojnë në Parlament dhe një gjë e tillë të arrihet të shtyhet, pa ndonjë afat të caktuar. Por, për të, shtyrja e shqyrtimit të vendimit, do të jetë me pasoja të rënda për ata deputetë apo drejtues të maxxhorancës që e realizojnë një veprim të tillë.
Gilmana Bushati

Copyright 2002 Shekulli

[Eni]

Arbnori: Unë jam një kandidaturë konsensuale


TIRANË - Pjetër Arbnori e quajti normale deklarimin e Berishës që PD-ja nuk ka një kandidat për president. Sipas deputetit demokrat: "Zoti Berisha ka thënë faktin real, ai nuk paraqiti kandidatin për president". Ish-kryetari i Kuvendit, ka dëgjuar që emri i tij përflitet si kandidaturë e mundshme për president, madje ai vetë kujton një fjalë të kryetarit të PD-së, thënë në një mbledhje të Këshillit Kombëtar muaj më parë: "Zoti Arbnori, nëse do të jetë fjala për ju, asnjë deputet i PD-së nuk voton kundër jush, besoj se edhe e gjithë opozita shqiptare nuk do të votojë kundër". Sipas tij, kjo është një shprehje që thotë diçka dhe PD-ja asnjëherë nuk e ka përjashtuar mundësinë e paraqitjes së kandidaturave për postin e presidentit. "Zoti Berisha nuk ka përjashtuar mundësinë e paraqitjes së një ose disa kandidaturave të mundshme konsensuale, por ai nuk ka passur parasysh në këtë rast anëtarë të lartë të Partisë Socialiste", - tha ai për "Shekullin". Por Arbnori mohon faktin se ai ka marrë mbështetje për postin e presidentit nga zyrtarët e lartë amerikanë gjatë vizitës së tij të fundit në SHBA. Ai vetë nuk ka paraqitur kandidaturë për t'u bërë president dhe bën të ditur se nuk i intereson shumë një gjë e tillë. "Por nëse PD-ja dhe partitë e tjera të opozitës apo të qendrës do të mendojnë se kandidatura e ime është e përshtatshme dhe në të mirë të vendit unë do ta pranoja",- u shpreh Arbnori. Ai flet se ka dëgjuar oponione rreth kandidaturës së tij për postin e presidentit si nga deputetët e opozitës ashtu dhe të majtë, por nuk kërkon ta nxitë këtë fushatë, pasi ai mendon se dy palët, PS-ja dhe PD-ja të bien dakord teorikisht për zgjidhjen e presidentit konsensual dhe më pas të shpallen kandidaturat. Por ai beson se PS-ja, pavarësisht nga këmbëngulja për ta zgjedhur brenda vetes presidentin, do të vijë një ditë që të tërhiqet nga këto vendime. Këtë ai e vërteton me faktin se PS-ja ka kaluar në disa faza, ku në secilën prej tyre ka ndryshuar qëndrim, "njëherë kishte vetëm një kandidat për president, kandidat i pandryshueshëm, tani ka tre të tillë dhe ngul këmbë për zgjedhjen e një kandidature konsensuale brenda vetes, mendoj se ka ndryshime në PS lidhur me kandidatin e ardhshëm për president", - theksoi ai. Arbnori ngul këmbë se, si person, si deputet, pavarësisht nga opinionet, apo qoftë edhe iniciativat në favor të kandidaturës së tij, ai nuk do të bëjë fushatë për të qenë kandidat për president, pasi të gjitha gjërat ia ka lënë në dorë partisë së vet.
G.Bushati



Copyright 2002 Shekulli

[Eni]

PJESA E KATERT: PRESIDENTI I REPUBLIKES


Neni 86

1. Presidenti i Republikes eshte Kryetar i Shtetit dhe perfaqson unitetin e popullit.
2. Presidenti mund te zgjidhet vetem shtetasi shqiptar qe nga lindja, me qendrim jo me pak se 10 vjetet e fundit ne Shqiperi dhe qe ka mbushur moshen 40 vjec.


Neni 87

1. Kandidati per President i propozohet Kuvendit nga nje grup prej jo me pak se 20 deputetesh. Nje deputet nuk lejohet te marre pjese ne me shume se nje grup propozues.
2. Presidenti i Republikes zgjidhet me votim te fshehte dhe pa debat nga Kuvendi me nje shumice prej tri te pestave te te gjithe anetareve te tij.
3. Kur ne votimin e pare nuk arrihet kjo shumice, brenda 7 diteve nga kryerja e votimit te pare behet nje votim i dyte.
4. Ne rast se edhe ne votimin e dyte nuk arrihet kjo shumice, brenda 7 diteve behet nje votim i trete.
5. Kur ka me shume se dy kandidate dhe asnjeri prej tyre nuk ka marre shumicen e kerkuar, brenda 7 diteve behet nje votim i katert ndermjet dy kandidateve qe kane marre numrin numrin me te madh te votave.
6. Ne rast se edhe ne votimin e katert asnjeri prej dy kandidateve nuk ka marre shumicen e kerkuar, behet nje votim i peste.
7. Ne rast se edhe pas votimit te peste asnjeri prej dy kandidateve nuk ka marre shumicen e kerkuar, Kuvendi shperndahet dhe brenda 60 diteve behen zgjedhjet e reja te pergjithshme.
8. Kuvendi i ri zgjedh Presidentin sipas procedures se parashikuar nga paragrafet 1 deri ne 7 te ketij neni. Ne rast se edhe Kuvendi i ri nuk e zgjedh Presidentin, ai shperndahet dhe brenda 60 diteve behen zgjedhje te reja te pergjithshme.
9. Kuvendi pasardhes zgjedh Presidentin e Republikes me shumicen e te gjithe anetareve te tij.


Neni 88

1. Presidenti i Republikes, ne cdo rast, zgjidhet per 5 vjet, me te drejte rizgjedhjeje vetem nje here.
2. Procedura per zgjedhjen e Presidentit fillon jo me vone se 30 dite para mbarimit te mandatit presidencial paraardhes.
3. Presidenti fillon ne detyre pasi ben betimin para Kuvendit, por jo me pare se te kete mbaruar mandati i Presidentit qe largohet. Presidenti ben kete betim:
"Betohem se do t'i bindem Kushtetutes dhe ligjeve te vendit, do te respektoj te drejtat dhe lirite e shtetasve, do te mbroj pavaresine e Republikes se Shqiperise dhe do t'i sherbej interesit te pergjithshem dhe perparimit te Popullit Shqiptar." Presidenti mund te shtoje edhe :"Zoti me ndihmofte!"
4. Presidenti qe jep doreheqjen para mbarimit te mandatit te vet, nuk mund te kandidoje ne zgjedhjen presidenciale qe behet pas doreheqjes se tij.


Neni 89

Presidenti i Republikes nuk mund te mbaje asnje detyre tjeter publike, nuk mund te jete anetar partie dhe as te kryeje veprimtari tjeter private.


Neni 90

1. Presidenti i Republikes nuk ka pergjegjesi per aktet e kryera ne ushtrim te detyres se tij.
2. Presidenti i Republikes mund te shkarkohet per shkelje te rende te Kushtetutes dhe per kryerjen e nje krimi te rende. Propozimi per shkarkimin e Presidentit ne keto raste mund te behet nga jo me pak se nje e katerta e anetareve te Kuvendit dhe duhet te mbeshtetet nga jo me pak se dy te tretat e te gjithe anetareve te tij.
3. Vendimi i Kuvendit i dergohet Gjykates Kushtetuese, e cila kur verteton fajesine e Presidentit te Republikes , deklaron shkarkimin e tij nga detyra.

Neni 91

1. Kur Presidenti i Republikes eshte ne pamundesi te perkohshme per te ushtruar funksionet e tij ose kur vendi i tij mbetet vakant, Kryetari i Kuvendit ze vendin dhe ushtron kompetencat e tij.
2. Ne rast se Presidenti nuk mund te ushtroje detyren per me shume se 60 dite, Kuvendi, me dy te tretat e te gjithe anetareve, vendos dergimin e ceshtjes ne Gjykaten Kushtetuese, e cila verteton perfundimisht faktin e pamundesise. Ne rast te vertetimit te pamundesise, vendi i Presidentit mbetet vakant dhe zgjedhja e Presidentit te ri fillon brenda 10 diteve nga dita e vertetimit te pamundesise.


Neni 92

Presidenti ushtron edhe keto kompetenca:
a) i drejton mesazhe Kuvendit;
b) ushtron te drejten e faljes sipas ligjit;
c) jep shtetesine shqiptare dhe lejon lenien e saj sipas ligjit;
ç) jep dekorata e tituj nderi sipas ligjit;
d) jep gradat me te larta ushtarake sipas ligjit;
dh) me propozim te Kryeministrit, emeron dhe liron perfaqesuesit e plotfuqishem te Republikes se Shqiperise ne shtetet e tjera dhe ne organizatat nderkombetare.
e) pranon letrat kredenciale dhe terheqjen e perfaqesuesve diplomatike te shteteve te tjera dhe te organizatave nderkombetare te akredituara ne Republiken e Shqiperise.
e) lidh marreveshje nderkombetare sipas ligjit;
f) me propozim te Kryeministrit, emeron drejtorin e sherbimit informativ te shtetit;
g) emeron Kryetarin e Akademise se Shkencave dhe rektoret e universiteteve sipas ligjit;
gj) cakton daten e zgjedhjeve per Kuvendin, per organet e pushtetit vendor dhe per zhvillimin e referendumeve;
h) kerkon mendim dhe te dhena me shkrim nga drejtuesit e institucioneve shteterore per ceshtje qe kane te bejne me detyrat e tyre.


Neni 93

Presidenti i Republikes, ne zbatim te kompetencave te tij, nxjerr dekrete.


Neni 94

Presidenti i Republikes nuk mund te ushtroje kompetenca te tjera pervec atyre qe i njihen shprehimisht me Kushtetute dhe qe i jepen me ligje te nxjerra ne pajtim me te.

[Brari]

Mendimi im..

Vendi do zgjedhje te reja parlamentare e jo president te ri.
President mumje nuk na duhet. Njeri eshte aty si mumje.

[baobabi]

Kisha nje kritike per ca qe botojne ketu vend e pa vend pjesa te marra nga gazetat
Eshte mire qe te vini ndonje mendimin tuaj dhe te perdorni referimin per te klikuar.
Ne vemi e i lexojme vete gazetat ska nevoje qe te behen dublikime e triplikime apo multiplikime

Per pune te presidentit kam dhene nje shkrim te shkurter

Perkufizimi im per politiken eshte

Politika eshte interpretim i veprimeve dhe fjaleve te personazheve dhe subjekteve politike

Pozicioni im per Xhepin eshte se nuk e ka bere keq punen si president gjate ketyre viteve
Per momentin dhe rrethanat qe u krijuan si pasoje e revolucionait vlonjat te 97
nuk mund te pritesh me shume dhe ne fakt me pervojen e paket politike qe ai kishte them se ka bere shume

Tashme edhe une them se ska cte beje me dhe qe eshte konsumuar

Mund te kishte bere me shume ?

Po cdo njeri ka kapacitetet e veta

Aq dinte aq beri

Nuk mund te pretendosh se problemet nuk u zgjidhen se nuk deshi Xhepi

Influenca a Xhepit tek ata qe levizin shqiperine sipas nje trajektoreje te paperkufizueshme eshte jo e madhe

Ekstremist nuk ishte dhe rrezatoi qetesi ne drejtim

Njeri me llogjike dhe kaq

Tani le te largohet dhe te vije dikush tjeter

Problemi eshte qe ai qe do vije te sjelle permiresim

Emrat e perfolur nuk me mbushin mendjen se aty kane qene dhe po te ishte do e kishin rrezatuar ate qe kerkojne shqiptaret

Mundesite me te medha i ka Nano

Po nuk u zgjodh Nano ka mundesi te kete zhvillime pozitive
sepse normalisht vendi perfundon ne zgjedhje
PAs zgjedhjeve them se do te vendosen ca raporte te tjera ne parlament dhe qe do e bejne matematikisht te deturueshme
konsensusin

Ketu vjen ne ndihme ajo figura e shume kerkuar konsensuale qe te rrezatoje maksimumin

Kush mund te jete

Para pak kohe kisha mendimin se Kadare nuk ishte i pershtatshem sepse ai ne kohen e Momentit te Madh Historik te 92 e braktisi shqiperine dhe iku e pa interesin e vet

Por tani them se kush do e bente me mire rolin e presidentit kete 5 vjecar

Them se Ai do ishte dhe do rrezatonte me mire se kushdo tjeter ne postin e presidentit

Eshte e vertete se ka plot qe e kritikojne madje edhe une kam plot rezerva per vepren e tij

Por mendoj se do te ishte i zoti te mbante disa ekuilibre dhe te perfaqesonte me mire shqiperine

Zgjedhja e nje presidenti per merita partiake nuk do me dukej dhe aq e drejte

Edhe Godon do te miratoja me kenaqesi por them se Kadareja do te ishte me i sukseshem

Figura e presidentit per 5 vjet eshte por them se keto 5 vjet mund te permiresojne pozicionin e presidentit me njerezit e thjeshte dhe nje njeri qe rrezaton besim dhe respekt e permireson kete figure dhe njekohesisht i hap rrugen emancipimit shoqeror

Nuk vihet njeriu president sepse i ka dhene vendit por qe ti sherbeje vendit me kapacitetin e vet

Kadare mund te mos jete i pergatitur per ta bere kete por edhe mund te jete

Nje politike me e ekuilibruar mund ti vinte shqiperise nga zgjedhja e tij qe ne fakt nuk eshte aq i lidhur me kulisat partiake

Edhe ndonje i majte qe tani sme vjen ne mend mund ta bente

Them se pasi te konsumojne Nanon do mendojne te majtet per te nxjerre ndonje qe te kete respektin e shumices se popullit