Kryetari i Evropës nuk merr pjesë në Bërdo

[ARIANI_TB]

Kryetari i Evropës nuk merr pjesë në Bërdo

Kryetari i Evropës, sipas të gjitha gjasave, ka hequr dorë nga pjesëmarrja në Konferencën e Bërdos në Slloveni, si rezultat i komplikimeve që ndodhën ditëve të fundit, rreth mënyrës së përfaqësimit të delegacioneve shtetërore të ftuara në këtë Samit....
Postuar: 05:09:37 / 19.03.2010


Burimet e afërta me Herman Van Rompaj, kanë konfirmuar se Kryetari i parë evropian është i mendimit se organizatorët nuk i janë qasur si duhet tërë problemit të shkaktuar rreth pjesmarjes së Kosovës dhe Serbisë në këtë takim, dhe duke pasë parasysh se bëhet fjalë për konferencë rajonale, ndoshta, edhe prezenca e nivelit kaq të lartë në Konferencë, nuk është e domosodshme. Disa zyrtarë, në Bruksel, paralajmërojnë se ka mundësi që ky vendim i Van Rompaj të ketë efektin ‘domino’ dhe se si rezultat i kësaj nesër në Bërdo të mos paraqitet as shefi i diplomacisë spanjole, Mihel Angel Moratinos, i cili duhej të përfaqësonte Presidencën e Bashkimit Evropian.

Në këtë mënyrë, ideja e kryeministrave slloven dhe kroat, për organizimin e Samitit, u shndërrua në një konferencë rajonale, ku jo të gjithë liderët nga shtetet e Ballkanit Perënidmor do të jenë prezent. Kjo, për shkak se, Borid Tadiç, nga Serbia, ka konfirmuar se nuk do të marrë pjesë në takim, ku Kosova prezantohet si shtet, e jo me parashtesën UNMIK. Duke qenë e papranueshme për Prishtinën, mënyra e prezantimit, shkaktoi kokëçarje edhe për organizatorët, pasi që të dy shtetet, edhe Sllovenia edhe Kroacia e kanë njohur pavarësinë e Kosovës.

Kryeministri slloven, Borut Pahor, i cili, deri në momentet e fundit, ka tentuar të bindë që të gjithë të ftuarit nga rajoni dhe Bruskeli të marrin pjesë në takim, deklaroi se Konferenca do të mbahet pavarësisht nga ajo se kush vendosë të marrë pjesë në të. Ai, gjithashtu, u shpreh se nuk do e gjykojë askënd, nëse vendos të mos jetë prezent gjatë ditës së nesërme në Bërdo.

(Gjeraqina Tuhina, Bruksel)

[Llapi]

Thaçi udhëton drejt Sllovenisë

Nga Express më 19.03.2010 në ora 17:31
Kryeministri Hashim Thaçi ka udhëtuar sot pasdite për në Lubjanë të Sllovenisë, për të marrë pjesë në Konferencën për Ballkanin Perëndimor, që mbahet në Bërdo.

Në një prononcim për gazetarë, në Aeroportin e Prishtinës, para nisjes, Thaçi deklaroi se Kosova do të përfaqësohet si shtet dhe me të drejta të barabarta, sikurse të gjitha shtetet e tjera pjesëmarrëse në këtë samit.

Ai tha se ka marrë ftesë si kryeministër i Republikës së Kosovës dhe se do të marrë pjesë si i tillë, transmeton KosovaPress.

Ndërsa mediat serbe raportojnë se presidenti i Serbisë, Boris Tadiq, nuk do të marr pjesë në këtë konferencë.

Sipas B92, Tadiq nuk do të jetë të shtunën në Bërdo, për shkak se nuk është respektuar kërkesa e Beogradit që delegacioni kosovar të prezantohet si UNMIK/Kosovo.

Ndërkohë kryeministri i Sllovenisë, Borut Pahor, ka përsëritur se konferenca e Bërdos do të mbahet, nesër, me ose pa pjesëmarrjen e Serbisë.

“Secili që nesër do të vijë në konferencë do t’i kontribuojë dialogut me qëndrimin e vet në lidhje me këtë çështje. Kush nuk vjen, nuk do ta gjykojmë”, ka thënë sot Pahor.

Pjesëmarrjen në samitin e nesërm për të ardhmen evropiane të Ballkanit Perëndimor, deri më tani, e kanë konfirmuar gjashtë kryeministra të rajonit.

Krahas nikoqirit Pahor, pjesëmarrjen e kanë konfirmuar Jadranka Kosor, kryeministre e Kroacisë; ai i Kosovës, Thaçi; kryesuesi i Këshillit të Ministrave të Bosnjës, Nikolla Shpiriq dhe kryeministri maqedonas, Nikolla Gruevski. Malin e Zi pritet ta përfaqësojë kryeministri Milo Gjukanoviq.