Aspirina pervec dobive shkakton edhe deme

[gloreta]

Personat e shëndetshëm nuk duhet të marrin çdo ditë aspirinë për të parandaluar sulmet në zemër apo tru, pasi që me këtë mund t’i shkaktojnë vetes më shumë dëme se sa dobi, paralajmërojnë shkencëtarët.

Miliona njerëz në gjithë botën marrin aspirinë çdo ditë për të zvogëluar rrezikun nga sulmi në tru apo zemër, por shkencëtarët kanë zbuluar se këto tableta rrisin rrezikun nga gjakderdhja e brendshme.

Aspirina për një kohë të gjatë është konsideruar si një tabletë çudibërëse, e cila mund të ndihmojë në parandalimin e shumë sëmundjeve, siç janë disa lloje të kancereve dhe për mbrojtjen nga sulmi në zemër e tru.

Studimi i shkencëtarëve nga Suedia, i publikuar në revistën “Asociacioni Mjekësor amerikan” tregoi se aspirina ishte e efektshme vetëm tek personat që kishin përjetuar sulm në zemër apo tru.

Në studim kanë marrë pjesë të paktën 30 000 persona të moshës midis 50 dhe 75 vjet, të cilët nuk ishin të diagnostifikuar me sëmundje të zemrës.
Pas studimit të kryer, shkencëtarët përfunduan se personat e shëndetshëm, të cilët marrin çdo ditë aspirinë, mund vetëm të rrisin rrezikun nga gjakderdhja e brendshme.

[ari_med]

Aspirina përbën detyrën e saj si analgjezik (qetësues) për dhimbje të durueshme, si antipiretik (për të reduktuar ethen) dhe si antiinflamator. Ka po ashtu një efekt antikoagulant (kundër mpiksjes së gjakut) dhe fluidifikues mbi gjakun, prandaj përdorimi i saj në doza të vogla ndihmon për të parandaluar për një kohë të gjatë ataket kardiake.
-Në të kaluarën aspirina ka patur një detyrë të madhe në luftimin e simptomave të gripit; ndërsa sot preferohen barna të tjerë, siç është psh: paracetamoli.

-Një dozë e vogël aspirine për një kohë të gjatë bllokon në mënyrë të pakthyeshme formimin e tromboksanit A2 në trombocite, me një efekt frenues mbi grumbullimin e trombociteve që përkthehet në një fluidifikim të gjakut. Kjo veçori e bën të dobishme për të reduktuar incidencën e infarkteve. Aspirina e prodhuar për këtë qëllim zakonisht paketohet në 100 mg; doza të forta aspirine shpesh jepen si recetë menjëherë pas atakeve kardiake akute.

-Efektet e saja anësore më të padëshirueshme, kryesisht në doza të larta, përfshijnë traktin gastrointestinal, nga ku mund të shkaktojë ulçera dhe hemorragji. Mekanizmi i veprimit nënkupton reduktimin e sintezës së substancave që mbrojnë mukozën gastrike. Një efekt tjetër i padëshiruar, në sajë të veçorive të saja antikoagulante, është shtimi i humbjes së gjakut tek gratë gjatë menstruacioneve.

Aspirina është një nga barnat më të përdorshme në trajtimin e dhimbjeve të lehta, që përfshin atë të migrenës dhe ethes. Shpesh kombinohet me qetësues të tjerë. Aspirina është përdorur së bashku me barna të tjerë antiinflamatorë jo steroidë dhe analgjezikë opioidë në trajtimin e dhimbjes shoqëruese të kancerit.

Në doza të larta, aspirina me salicilate të tjerë përdoren në trajtimin e ethes reumatizmale, artritit reumatoid dhe artikulacioneve inflamatore. Në doza më të vogla, aspirina frenon grumbullimin e trombociteve dhe po ashtu ul incidencën e atakeve iskemike të përkohshme dhe anginës së paqëndrueshme tek burrat. Po ashtu përdoret në trajtimin e perikarditit, sëmundjeve te arterieve koronare dhe infarktit akut të miokardit. Doza të vogla të aspirinës janë të rekomandueshme për parandalimin e goditjes dhe të pacientëve me infarkt miokardi. Mendohet se gratë përfitojnë më pak nga aspirina sesa burrat.

-Kundërindikacionet-

*Aspirina duhet të shmanget nga ato persona që janë alergjikë ndaj ibuprofenit dhe naproksenit.
* Kujdes duhet bërë për ato që janë me astmë.
* Në përgjithësi rekomandohet të kërkohet ndihmë mjekësore nëse simptomat nuk përmirësohen pas disa ditë terapie.
* Kujdes duhet bërë në pacientët me sëmudje të veshkave, ulçera peptike, diabet ose gastrite.
* Përdorimi i aspirinës me alkool ose varfarinë i rrit mundësitë për hemorragji gastrointesitnale (gjakrrjedhje te stomakut).
* Fëmijëve nën moshën 12 vjeç nuk u rekomandohet përdorimi i aspirinës në simptomat e të ftohtit ose gripit, sepse kjo ka lidhje me sindromin Reye (dëmtim i qelizave të mëlçisë).
* Pacientët me hemofili ose tendenca të tjera gjakrrjedhjeje nuk duhet të marrin salicilate.
* Disa burime rekomandojnë se pacientët me hipertiroidizëm duhet të shmnagin aspirinën sepse ajo rrit nivelet e T4.
* Aspirina dihet se shkakton anemi hemolitike në personat të cilët kanë sëmundjen gjenetike të mungesës së glukozë-6-fosfat dehidrogjenazës, kryesisht në doza të larta.

-Efektet anësore-

* Ankesa gastrointestinale (çrregullime të stomakut, djegësirë stomaku, humbje të vogla gjaku). Për shmangien e këtyre problemeve, rekomandohet që aspirina të merret në ose pas vakteve ushqimore.
* Ankesa të rënda gastrointestinale (hemorragji të mëdha dhe/ose ulçeracione) që kërkojnë ndërpreje dhe trajtim të menjëhershëm. Pacientë që marrin doza të larta ose që i nënshtrohen trajtimit për një kohë të gjatë duhet të marrin mbrojtësa gastrikë me doza të larta antiacidesh, ranitidinë ose omeprazol.
* Efekte qëndrore (marrje mendsh, humbje dëgjimi, marramendje, shqetësime me të pamit dhe dhimbje koke). Sa më e lartë doza ditore, aq më shumë mundësi ka të shfaqen efektet anësore të sistemit nervor qëndror.
* Djersitje kryesisht në doza të mëdha.
* Trajtimi për një kohë të gjatë me doza të larta (artriti dhe ethja reumatizmale): shpesh shtimi i enzimave të mëlçisë pa simptoma, rrallë dëmtime të kthyeshme të mëlçisë. Në këto raste ndodh sindroma fatale Reye. Kjo sindromë ka të bëjë me shkatërrimin dhjamor të qelizave të mëlçisë. Përfundimisht deri në 30% të atyre që vuajnë do të vdesin. Një trajtim i menjëhershëm spitalor mund të jetë shpëtim për jetën.
* Nefriti kronik me përdorim të gjatë, zakonisht nëse përdoret në kombinim me qetësues të tjerë.
* Rrallë herë mund të shkaktojë reaksione të lëkurës, angioedemë dhe bronkospazëm.
_________

[ari_med]

Mirëpo duhe pasur parasysh se,marrja e aspirinës, si preventivë nga sëmundjet e zemrës tek peronat e shëndetshëm, mund të sjellë pasoja serioze, ka treguar një studim i ri britanik. Edhe pse mbron nga sëmundjet kardiovaskulare, aspirina ka edhe veprim negativ dhe mund të sjellë gjakderdhje të brendshme, nëse përdoret shpesh

[Marya]

thashe ta vrisja veten duke pire aspirina
piva te paren , piva te dyten sikur u ndjeva me miredhe ..............;
nderrova mendje

[Izadora]

Nuk para e perdor aspirinen , me shume paracetamol .
Por cdo tablet ka efekte ansore.Mjafton te lexosh cfare shkruhet tek letra e perdorimit dhe e dozimit dhe te ik mendja.



Marya duhet me i pi te gjitha pernjeher te japi efektin harakiri :-D

[Daja-GONI]

Mirëpo duhe pasur parasysh se,marrja e aspirinës, si preventivë nga sëmundjet e zemrës tek peronat e shëndetshëm, mund të sjellë pasoja serioze, ka treguar një studim i ri britanik. Edhe pse mbron nga sëmundjet kardiovaskulare, aspirina ka edhe veprim negativ dhe mund të sjellë gjakderdhje të brendshme, nëse përdoret shpesh

Per ate shkak aspirina nuk ipet gati se kurre e vetmuar, mirepo gjithmone me "mbrojtje" te lukthit ( omeprazol).

"Cdo gje ne doza te teperta eshte helm"

[Marya]

Marya duhet me i pi te gjitha pernjeher te japi efektin harakiri :-D

flm shpirt qe ma dashke te miren ,