Ku po shkon LDK-ja sot?

[Guri i Kuq]

Kumbara i letrës

Letra e AAK’së drejtuar LDK’së, për prishje të koalicionit me PDK’në dhe zgjedhje të parakohshme, nuk piku nga qielli. Këtij propozimi i ka paraprirë takimi i “fshehtë” mes Eqrem Kryeziut dhe Blerim Shalës e Blerim Kuçit në Prizren. Kryeziu nuk mohon takimet me ta, por thotë se nuk është autor as bashkautor i letrës. Lutfi Haziri thotë se nuk ka ditur gjë për takimet e Kryeziut.

Nga Bekim Greiçevci,"Express", më 26.02.2010 në ora 8:00

Kumbara i letrës së AAK’së, me të cilën propozohej prishja e koalicionit qeveritar dhe mbajtja e zgjedhjeve të parakohshme nacionale, është Eqrem Kryeziu, Nënkryetar i Parë i LDK’së. Kështu së paku mund të kuptohet nga fjalët e zyrtarëve të lartë të Aleancës për Ardhmërinë e Kosovës, megjithëse Kryeziu thotë se nuk është as autor as bashkautor i propozimeve.

Partia e Ramush Haradinajt, e cila ka bërë përpjekje të mëdha që t’i shkurorëzojë partnerët e koalicionit qeveritar PDK-LDK, për t’u rikthyer vetë në pushtet, duket se u josh nga bisedat me Eqrem Kryeziun para se të vendoste t’i shkruante letër presidentit Fatmir Sejdiu.

Konsultimet - nga të cilat u hartua letra - janë mbajtur në javën e fundit të nëntorit dhe në dhjetor, pas disa zhvillimeve që lëkundën themelet e Qeverisë së koalicionit të Kryeministrit Hashim Thaçi.

Zyrtarë të lartë të Aleancës, nënkryetari Blerim Shala dhe sekretari për organizim, Blerim Kuçi, kanë biseduar në Prizren me Eqrem Kryeziun, numrin dy të LDK’së. Këtë e ka konfirmuar për Express Burim Ramadani, sekretar i përgjithshëm i AAK’së.

Ai ka folur për komunikimin mes dy partive nga të cilat rrodhën propozimet e AAK’së.
“Kontaktet e para me zyrtarë të Lidhjes Demokratike të Kosovës kanë filluar menjëherë pas raundit të parë të zgjedhjeve, duke insistuar që bashkë me zotin Eqrem Kryeziu t’i shohim mundësitë e bashkëpunimit të mëtutjeshëm. Kanë ndodhur disa takime mes udhëheqjes sonë dhe zotit Kryeziu në Prizren dhe kemi menduar se ka hapësirë që të japim propozimin tonë në mënyrë të shkruar. Këtë edhe e kemi bërë”, ka thënë Ramadani për Express, të enjten.

“Letra i është dhënë Eqrem Kryeziut më 5 janar, i cili sipas informatave tona, menjëherë e ka dërguar te presidenti Sejdiu”, ka theksuar ai.

Por, Eqrem Kryeziu, megjithëse nuk e mohon se ka pasur takime me zyrtarë të AAK’së, nuk pranon se ka ndërlidhje mes tij dhe përmbajtjes së letrës.

“Ne kemi pas kontakte. Tema ime ka qenë organizmi i zgjedhjeve në Prizren të Lidhjes për Prizrenin, ku në koalicion ka qenë edhe AAK’ja dhe unë kam shkuar për atë qëllim. Por, ndër të tjera, kanë ra edhe mundësi të tjera, biseda se çka mund të bëhet për Kosovën ose për zhvillimet politike në Kosovë. Por, unë nuk jam autori i asaj letre e as koautor. Kush e ka hartuar atë prej Aleancës nuk e di, por autorësia është totalisht e tyre”, ka thënë ai për Express.

Nënkryetari tjetër i LDK’së, Lutfi Haziri, thotë se nuk ka ditur gjë që kolegu i tij partiak ka biseduar me Shalën dhe Kuçin. “Unë nuk kam qenë në dijeni absolutisht. Por, një lloj komunikimi edhe bashkëpunimi me AAK’në ka ekzistuar prej kohës së qeverisjes LDK-AAK. Por, për këtë punë specifikisht nuk kam qenë në dijeni. Për letrën kam kuptuar më vonë te presidenti Sejdiu, para se të publikohet ajo në media”, ka thënë Haziri.

Për letrën e cila po të pranohej do të duhej nënshkruar nga Fatmir Sejdiu, Eqrem Kryeziu dhe Ramush Haradinaj e Blerim Shala, nuk pati përgjigje deri më 23 shkurt, kur liderët e dy partive u takuan në Presidencë. Sejdiu refuzoi tërësisht ofertën politike të Haradinajt.
“Realisht ne i kemi dhënë hapësirë kohore të mjaftueshme LDK’së për të gjetur formën e bashkëpunimit apo për të diskutuar propozimin tonë. Propozimi ynë nuk ka qenë përfundimtar. Ka qenë subjekt i negocimit. Por, fatkeqësisht, elektorati i LDK’së ka një udhëheqje, e cila është vërtet e ngurtë dhe për bindjen time nuk i kupton rrjedhat politike në mënyrën ma të mirë të duhur”, thotë Burim Ramadani.

Ai hedh akuza të rënda ndaj partisë së tij të dikurshme.

“Është fatkeqësi për elektoratin e LDK’së që ka këtë udhëheqje. Është çështje që kryesisht lidhet edhe me pjesën e bizneseve të udhëheqjes së LDK’së me udhëheqjen e PDK’së dhe definitivisht udhëheqja e LDK’së nuk është në gjendje ta ndërpresë këtë keqqeverisje që po ndodh, duke marrë definitivisht përsipër edhe autorësinë e vet në këtë nivel të rëndë të qeverisjes, korrupsionit dhe krimit të organizuar në Kosovë”.

Ramadani paralajmëron intensifikim të rolit opozitar të AAK’së, por tani, jo vetëm ndaj PDK’së, si partneri më i madh i Qeverisë. “Pikësynimi ynë i mëtejshëm do të jetë një opozitë dhe një alternativë e qartë ndaj këtij mentaliteti qeverisës që përbëhet nga PDK dhe LDK. Për ne, udhëheqja e dy partive kanë të njëjtin mentalitet qeverisës. Qeverisja e këtij niveli të ulët i ka adresë PDK’në dhe LDK’në”, ka thënë ai.

[Guri i Kuq]

LDK e gatshme për bashkim me LDD-në?!

Fatbardhë Zeka e Bjondina Juniku

"Bota Sot",Prishtine

Lidhja Demokratike e Dardanisë, një përgjigje zyrtare ende nuk e ka marrë nga LDK-ja, në ofertën e saj, sikurse që nuk ka asgjë të re nga premtimet për riformatizim të qeverisë.
Prishtinë, shkurt – Letra e LDD-së dërguar si ftesë LDK-së për koalicion, të cilës iu desh thuaja një muaj vetëm për t’u hapur, duket se ka filluar të shqyrtohet, nga ‘shtëpia e madhe’. Por, se çfarë vendimi do të dalë prej saj, asnjëra prej subjekteve në fjalë vendimin përfundimtarë nuk e ka vënë në gojë, mirëpo mundësia dhe përfitimi më i mirë për të dyja partitë do të jetë një bashkim, në mënyrë që të kthejnë elektoratin e mëparshëm, e gjithsesi edhe besimin që pas ndarjes si duket e humbën të dyja.

Edhe çështja e riformatizimit të qeverisë duket se po e përjeton të njëjtin fat. Po shkon edhe shkurti, pa u përmbushur premtimi i kryeministri, sikurse që shkoi edhe janari.

Koalicione në letër

Lidhja Demokratike e Kosovës për herë të parë të mërkurën e ka hapur debatin brenda strukturave të partisë për të shqyrtuar mundësinë e koalicionit me LDD-në, ndërsa drejtues të LDK-së vlerësojnë se gjithsesi në interes të saj është dëshira për bashkim.

Por, Lidhja Demokratike e Dardanisë, një përgjigje zyrtare ende nuk e ka marrë nga LDK-ja, pavarësisht hapjes së derës për koalicion, ndërsa çështjen e bashkimit gjithsesi do ta shqyrtojë.

[_MALSORI_]

LDK e gatshme për bashkim me LDD-në?!

Fatbardhë Zeka e Bjondina Juniku

"Bota Sot",Prishtine

Lidhja Demokratike e Dardanisë, një përgjigje zyrtare ende nuk e ka marrë nga LDK-ja, në ofertën e saj, sikurse që nuk ka asgjë të re nga premtimet për riformatizim të qeverisë.
Prishtinë, shkurt – Letra e LDD-së dërguar si ftesë LDK-së për koalicion, të cilës iu desh thuaja një muaj vetëm për t’u hapur, duket se ka filluar të shqyrtohet, nga ‘shtëpia e madhe’. Por, se çfarë vendimi do të dalë prej saj, asnjëra prej subjekteve në fjalë vendimin përfundimtarë nuk e ka vënë në gojë, mirëpo mundësia dhe përfitimi më i mirë për të dyja partitë do të jetë një bashkim, në mënyrë që të kthejnë elektoratin e mëparshëm, e gjithsesi edhe besimin që pas ndarjes si duket e humbën të dyja.

Edhe çështja e riformatizimit të qeverisë duket se po e përjeton të njëjtin fat. Po shkon edhe shkurti, pa u përmbushur premtimi i kryeministri, sikurse që shkoi edhe janari.

Koalicione në letër

Lidhja Demokratike e Kosovës për herë të parë të mërkurën e ka hapur debatin brenda strukturave të partisë për të shqyrtuar mundësinë e koalicionit me LDD-në, ndërsa drejtues të LDK-së vlerësojnë se gjithsesi në interes të saj është dëshira për bashkim.

Por, Lidhja Demokratike e Dardanisë, një përgjigje zyrtare ende nuk e ka marrë nga LDK-ja, pavarësisht hapjes së derës për koalicion, ndërsa çështjen e bashkimit gjithsesi do ta shqyrtojë.

deshirojne te kthehen ne vendin qe kishin ldk-ja dhe ata qe iken nga ldk-ja atehere bashkimi i tyre do ti sillte edhe nje here fuqishem ne skenen kosovare.ndryshe as kualicooni e as ndonje forme tjeter nuk do i bente force te fuqishme siq e pati bere presidenti i nderuar ibrahim rugove...ne shqiperi sali berisha i fitoi zgjedhjet se i mblodhi pika-pika te gjitha votat dhe doli fitimtar...socialistet humben se donin te eleminonin ilir meten dhe levizjen socialiste per integrim...po te ishin bashke dhe po te formonte rama nje kualicion te gjere siq e formoi sala do ishte sot ne pushtet...ja pra nje shembull qe duhet marre parasysh nga lidhja demokratike e kosoves....perveq lidhjes demokratike te dardanise ka plot partiza te tjera qe medeomos duhet ti afroje kreu i lidhjes demokratike te kosoves prane gjirit te saj...mundesisht te shkrihen ne nje parti te vetem....

[Guri i Kuq]

deshirojne te kthehen ne vendin qe kishin ldk-ja dhe ata qe iken nga ldk-ja atehere bashkimi i tyre do ti sillte edhe nje here fuqishem ne skenen kosovare.ndryshe as kualicooni e as ndonje forme tjeter nuk do i bente force te fuqishme siq e pati bere presidenti i nderuar ibrahim rugove...ne shqiperi sali berisha i fitoi zgjedhjet se i mblodhi pika-pika te gjitha votat dhe doli fitimtar...socialistet humben se donin te eleminonin ilir meten dhe levizjen socialiste per integrim...po te ishin bashke dhe po te formonte rama nje kualicion te gjere siq e formoi sala do ishte sot ne pushtet...ja pra nje shembull qe duhet marre parasysh nga lidhja demokratike e kosoves....perveq lidhjes demokratike te dardanise ka plot partiza te tjera qe medeomos duhet ti afroje kreu i lidhjes demokratike te kosoves prane gjirit te saj...mundesisht te shkrihen ne nje parti te vetem....

--------------------
Se deri ku çonë lakmia për pushtet,poste e privilegje e pamë dhe e përjetuam në Kuvendin e 6-të, të parin pas vdekjes së Dr. Rugovës.Apsolutisht,përçarja nuk ishte për ide,koncepte ose edhe vizione të ndryshme ne radhët e akterëve kryesor...
Kryekëput,përçarja në mes të vetshpallurve trashigimtarë të vepres së Dr. Rugovës,është lufta e pa principt,tribaliste dhe inatçore ne mes grupit të Eqrem Kryeziut dhe një grupi institucionalishtësh konservator të bashkuar rreth Nexhat Dacit.
Edhe kjo që sot po ndodhë,nuk ka asgjë parimore në brendin e saj.Ka vetëm një luftë mbrenda llojit për mbijetesë politike në mes atyre që janë dhe atyre që duan të jenë në përqafim të "vëllaut të madh"-PDK-së.
Tentimet për gjetje të një rruge të bashkimit dhe propozimet që po dëgjohen nga shumë ane,janë për tu përshëndetur,por nuk janë edhe ato më të nevojshmet dhe më qenësoret për momentin.

LDK-ja nuk ka nevojë për liderë e për emra të “mëdhej”të amputuar,por as për akrobacira e eksperimente të panevojëshme.Natyrisht,emrat janë të mirëseardhur dhe të domosdoshëm për një moment të caktuar,por më shumë se për gjithçka,ajo (LDK), ka nevojë për riformatizim dhe demokratizim të brendshëm në frymen rugoviane, sipas një programi dhe statuti të ri,të përshtatur me kohën dhe nevojat e reja.

Çka dhe si do të duhej bërë kjo ?

E para së parës, LDK ka nevojë urgjente për një program i ri në frymen rugoviane-program post- pavarësisë së Kosovës,i cili do të jipte përgjigjet e nevojëshme për sfidat e reja kah po shkon ky vend.
E këto sfida nuk janë të pakta;
-çfarë shteti mëton të ndërtojë LDK-ja pas perudhës së pavarsisë së mbikqyrur,cila do të jetë strategjia e anëtarësimit në UE dhe raporti me synimin aftgjatë kombetar-bashkimin me shtetin amë,cili është programi për shtetin ligjor që lufton korrupcionin,kleptokracinë,nepotizmin,krimin e organizuar dhe injorancën e plotë që ka kapluar e errësuar këtë vend ?
-Çka dhe si të gjinden rrugët për një zhvillimin ekonomik për sot e nesër,si parakusht i të gjitha ndryshimeve pozitive,sidomos për brezin e ri ?

E dyta,ndryshimi urgjent i Statutit të partisë,me qëllimin parësor-demokratizimin e jetës së brendëshme partiake, kufizimin e mandateve për liderët lokal dhe pamundësimin e posteve të dyfishta e të shumëfishta në parti e pushtet,si dhe futjen e dispozitës statutare për dorëheqje të obligueshme të kreut qendror e e krerëve lokal,në rast të humbjes së zgjedhjeve.
Këto dhe shumë ndryshime tjera strukturore në punën e partisë,sidomos me hapje ndaj rinisë së shkolluar jasht dhe të pakompleksuar nga ndikimet e ideologjisë komuniste,do ishin hapat e parë të nevojëshëm për kapërcimin e ngërçit ku ka rënë LDK-ja dhe LDD-ja.
Ky do ishte edhe fillimi e një fryme të re në radhët e rugovianëve demokrat, natyrisht duke larguar në mënyrë demokratike,me votë e programe konkrete, shumë nga ata që po e mbajnë peng këtë forcë jetëdhënëse për shtetin e demokracinë në R. e Kosovës.
Këto harrnime e bashkime jo parimore,nuk janë ilaç i nevojëshëm.Ato vetëm mund ta zgjassin agonin ku ka sharruar kjo parti,e cila i duhet Kosovës për sot e mot....

[Kosovelli]

Cili është roli i Bujar Bukoshit dhe i Isa Mustafes në profilizimin e ri të LDK-së?

[Guri i Kuq]

Loja e dyfishtë e LDK-së ndëshkohet nga elektorati

"Bota Sot",Prishtine,16.3.2010


Disfata e Lidhjes Demokratike të Kosovës edhe në Gjilan, sipas analistëve politikë, është një tagër që LDK-ja po paguan kundrejt elektoratit të saj, për shkak të konfuzionit që kjo parti krijoi në raport me koalicionin qeverisës.Lidhja Demokratike e Kosovës, pas balotazhit të 13 dhjetorit, kërkoi me ngulm përsëritjen e zgjedhjeve në Gjilan, Prizren dhe Lipjan, nën dyshimin se ka pasur keqpërdorime.Të dielën, në Gjilan, sikurse ndodhi më herët në dy komunat tjera, kandidati i LDK-së humbi ndaj kundër-kandidatit të Partisë Demokratike të Kosovës.Për analistin politik, Ilir Deda, rezultati i Gjilanit tregon se LDK-ja ka humbur ‘busullën’ politike.“Elektorati është duke e ndëshkuar LDK-në për të gjitha ato premtime, që dolën të jenë të pavërteta, të cilat i dha nga tetori i vitit 2009. Retorika që LDK-ja po e përdor në fushatë parazgjedhore, është një retorikë e dy skajeve të ndryshme”.“Sa herë që ka kampanjë parazgjedhore, LDK-ja kërcënon se do ta lëshojë koalicionin dhe, pas përfundimit të raundit zgjedhor, ajo mbetet në Qeveri.Në të njëjtën kohë, LDK-ja po konkurron në zgjedhje me figura të shpenzuara politikisht, të cilat edhe nuk kanë përkrahje në elektorat”, thotë për Radion Evropa e Lirë, Ilir Deda.Hovin e LDK-së me fitoren e Isa Mustafës në Prishtinë, më 15 mars, e kanë ndalur humbjet në tri komunat,ku u desh të mbaheshin zgjedhjet për kryetar komune tri herë.Analisti Bardh Hamzaj numëron një sërë arsyesh,që,sipas tij,çuan në disfatën e LDK-së.“Rezultati është i tillë, që mendoj se në një mënyrë e ka përulur LDK-në. Gjilani po tregon se thellimi i përçarjeve, që kanë ekzistuar edhe përpara mes anëtarëve të Kryesisë, vetëm sa është thelluar”.“Kështu që me këto tri humbje, në këto tri komunat ku janë përsëritur zgjedhjet, pozicioni i LDK-së për bindjen time është më i dobët, sesa që ka qenë më 15 nëntor, kur është menduar se po forcohet”, thotë Hamzaj.Një tjetër arsye që çoi në humbjen e Gjilanit, por edhe të Prizrenit e Lipjanit, sipas Ilir Dedës, është mosfreskimi i LDK-së me kuadro të reja.“LDK-ja është në krizë të thellë – parti, e cila ka humbur identitetin e saj, dhe parti, e cila, në njëfarë mënyre, po e paguan çmimin e mosfreskimit të kuadrove të saj që pothuajse 20 vjet”.“Është fakt se njerëzit e kanë lëshuar LDK-në, por nuk kanë sjellë prurje të reja në këtë parti. Kështu që këto janë konsekuencat që kjo parti duhet t’i bartë, derisa t’i mbajë zgjedhjet e saj të brendshme, të cilat, në një mënyrë, do ta determinojnë të ardhmen dhe fatin e LDK-së”, thekson Deda.Zgjedhjet e brendshme të LDK-së priten të mbahen këtë vit. Ato, disa analistë madje i cilësojnë si ngjarje kryesore të vitit. Por, a do t’ia rikthejnë zgjedhjet fuqinë LDK-së, që dikur ishte partia më e madhe në vend? Ilir Deda shpjegon:“Nuk po shihet se ka ndonjë zgjim të anëtarësisë së LDK-së. Edhe më tutje ka një qasje, ku Kryesia e LDK-së është e përçarë. Në Kryesi të LDK-së nuk dihet kush cilit grup realisht i përket dhe Kryesia e LDK-së nuk është forumi ku bëhen politikat partiake”.“Kështu që në zgjedhjet e ardhme të brendshme të LDK-së, ballafaqimi i vetëm në to do të jetë se kah do të shkojë LDK-ja, a do të ketë forcë që ta rizbulojë identitetin e saj, a do të ketë prurje të reja dhe a do të ketë ndëshkime ndaj atyre kryetarëve të degëve që i humbën zgjedhjet”, thotë Deda.Ndërkaq, Hamzaj është skeptik se zgjedhjet e brendshme do të sjellin rikthim të LDK-së në skenën politike kosovare, ani pse, siç thotë ai, kësaj skene i duhet një LDK e fortë.”Unë mendoj se skenari i zgjedhjeve normale është më i pamundshmi në LDK. Ndërkaq, përpos zgjedhjeve të tensionuara, ekziston mundësia që ato të përshkallëzohen, ta zëmë, deri te ndonjë formë e ‘Kuvendit të karrigeve’. S’them që do të ndodhë mu ajo, por eventualisht mund të kemi çarje të reja në LDK”, deklaron Hamzaj.Ndërkohë, para LDK-së është edhe sfida e Istogut.Në këtë komunë do të përsëriten zgjedhjet,meqë kryetari nga radhët e LDK-së, Fadil Ferati, ndërroi jetë pasi që mori mandatin në zgjedhjet e 15 nëntorit.“Sipas të gjitha gjasave, në Istog, LDK-ja do të rrezikohet nga AAK-ja (Aleanca për Ardhmërinë e Kosovës), e cila, deri më tash, e ka mbështetur LDK-në në të gjitha ato komuna, ku ajo ka pasur nevojë për mbështetje”.“Nëse i ka humbur tri komunat nga PDK-ja,një dështim i radhës në Istog,që është edhe vendlindja e presidenti historik të LDK-së,Ibrahim Rugova, mendoj se do ta dërmonte përfundimisht LDK-në”, vlerëson Hamzaj.Analistët mendojnë se LDK-ja, në një formë, po mbetet peng i postit të ngrirë të kryetarit të saj, njëherësh presidentit të vendit,Fatmir Sejdiu.Ata thonë se LDK-së i duhet një kryetar, i cili do të merrej me punët e partisë tërë kohën./rel/

[Guri i Kuq]

Fajtorët e Humbjes në Gjilan

Lutfi Haziri nuk e ka idenë pse humbi LDK në Gjilan. Ai thotë se kjo do të mësohet pas analizave të brendshme. Por, partnerët nga AAK i kanë të qarta shkaqet e dështimit. Ahmet Isufi thotë se Fatmir Rexhepin e bojkotoi LDK’ja. Sipas tij, atyre nuk u ka interesuar fitorja në Gjilan, por ruajtja e koalicionit me PDK’në.


Nga Valmir Klaiqi më 17.03.2010 në ora 7:54,"Express"

Në Lidhjen Demokratike të Kosovës nuk mund të merren ende përgjigjet për humbjen e tretë të kandidatit të tyre për Kryetar të Gjilanit, Fatmir Rexhepi, përballë atij të Partisë Demokratike të Kosovës, Qemajl Mustafa.

Lutfi Haziri, të martën, i ka ngritur supet, kur është pyetur për këtë çështje.

“Ne së bashku me partnerët e koalicionit do ta analizojmë bashkë dhe do ta vlerësojmë se si pasojë e çfarë gjëje ka dalë ky rezultat që është”, deklaroi Nënkryetari i LDK’së, në një prononcim për Express.

Ai ka tentuar ta shpërndajë përgjegjësinë e humbjes.

“Në Gjilan ka qenë një garë mes koalicioneve nga LDK’ja dhe PDK’ja. Natyrisht që koalicioni i PDK’së ka dalë fitues dhe ne e kemi pranuar rezultatin”, ka thënë Haziri, duke shtuar se raundi i tretë nuk është tregues i fuqisë politike.

“LDK’ja dhe PDK’ja bazohen mbi bazë të votës dhe rezultatit në raundin e parë. Ai është determinuesi kryesor i fuqisë së partive politike”.

E, derisa Lutfi Haziri tenton ta shpërndajë përgjegjësinë e humbjes së Komunës së Gjilanit, Nënkryetari i Aleancës për Ardhmërinë e Kosovës, Ahmet Isufi thotë se i di shkaqet e humbjes së Fatmir Rexhepit.

Isufi e drejton gishtin kah LDK’ja.

“Problemi është Lidhja Demokratike e Kosovës”, tha Nënkryetari i AAK’së, partia e të cilit, ashtu sikurse edhe LDD’ja e Nexhat Dacit, u angazhua shumë për fitoren e kandidatit të LDK’së për Kryetar të Gjilanit.

“Unë në këtë garë jam angazhuar për Fatmir Rexhepin, po aq sa jam angazhuar për vete në raundin e parë të zgjedhjeve. Krerët e LDK’së, duke filluar nga Presidenti dhe ministrat e LDK’së, nuk e kanë ndihmuar Rexhepin, për shkak se po i ruajnë pozitat e veta në Qeverinë e Hashim Thaçit”, ka shtuar Isufi.

Ai nuk beson se humbja e Fatmir Rexhepit lidhet me raportin e acaruar mes LDK’së dhe AAK’së, pasi që Presidenti Sejdiu e refuzoi ofertën e Ramush Haradinajt për koalicion parazgjedhor për zgjedhjet e ardhshme nacionale.

LDK’ja humbi për të treten herë në Gjilan. Edhe pse ishte menduar se LDK’së i intereson shumë rikthimi i kësaj komune, javët e fundit zyrtarët e kësaj partie nuk u angazhuan shumë për fitoren e Fatmir Rexhepit.

Madje, spekulohet se Lutfi Hazirit i është premtuar një post ministror në Qeveri, çka ka ndikuar në procesin elektoral të Gjilanit.

Kjo mohohet nga Nënkryetari i LDK’së.

“Absolutisht unë kam qenë shumë aktiv në javën e fundit në procesin zgjedhor në Gjilan. Nuk lidhet asgjë në asnjë formë me emra, për sa i përket riformatizimit të Qeverisë apo angazhimeve konkrete. Ato janë çështje të ndara”, ka deklaruar ai.

Por, Haziri nuk e mohon se koalicioni qendror me LDK’në ka ndikuar në këtë proces.

“Natyrisht që me vetë faktin që LDK’ja dhe PDK’ja janë në qeverisje qendrore, ka pasur impakt në procesin zgjedhor në Gjilan. Ka qenë vështirë për ne ta sqarojmë se jemi në qeverisje në këtë fazë të angazhimeve. Derisa për Kryeministrin dhe ministrat ka qenë shumë e lehtë që të jenë agresivë në Gjilan”, thotë ai.

Por, kush do ta marrë përgjegjësinë e humbjes në LDK?

“Për çdo proces mendoj se përgjegjësia do të vendoset në vend. Ne tani jemi duke e bërë analizën tonë të brendshme në parti për tërë procesin zgjedhor. Raporti i detajuar është i gatshëm me krejt analizën që e përcjell një proces zgjedhor. Besoj se Kryesia e LDK’së në fund të kësaj jave hyn në procesin e vlerësimit të komplet zgjedhjeve lokale”, ka deklaruar Haziri.

[Kosovelli]

Bujar Bukoshi, Eqrem Kryeziu dhe Isa Mustafa e CO - janë edhe fati i keq i Kosovës

LDK ish dasht të prish koalicionin e vet me PREK-une e Bujar Bukoshit, rreziku për LDK-në dhe koalicionin me PDK qëndron te këta "bisnismenat" që u bënë Bosa me para të 3%-shit dhe me Fondin "ndihmë drenicës" 1998 !! ... Bujar Bukoshi, Eqrem Kryeziu dhe Isa Mustafa e CO - janë rreziku jo vetëm i LDK-së së Fatmir Sejdiut ... por ata janë edhe fati i keq i Kosovës... janë të tmerrshëm ... shiqoni në një të ardhme të shkurtë kur të ja nalin "telefonin" dhe financat "presidentit" !! lojë veq e provuar në vitet 1996-1997 !!

Besoj se Fatmir Sejdiu dhe Hashim Thaçi do të ua tregojnë vendin, ashtu siç ja kanë tregusr vendin Nexhat Dacit e CO .... shkundja e ardhshme në LDK do të pastroj edhe pakësa skenën politike të Kosovës.... gjithkush do ta marr vendin e merituar....

[Guri i Kuq]

Melihate Tërmkolli dha dorëheqje prej anëtares së kryesisë së LDK-së

Njëra prej figurave të njohura të Lidhjes Demokratike të Kosovës(LDK),Melihate Tërmkolli ka dhënë sot dorëheqjen e saj prej anëtares së kryesisë së LDK-së.Tërmkolli nënvizoi dorëheqjen e saj si arsye “humbjen e thellë të kësaj partie dhe koalicionin jo të natyrshëm të LDK-së me PDK-në”.Këto komente Tërmkolli i ka bërë pas takimit të sotëm të kryesisë së Lidhjes Demokratike të Kosovës.Tërmkolli ka kërkuar po ashtu edhe dorëheqjen e komplet kryesisë dhe të kryetarit të LDK-së,Fatmir Sejdiu.Dorëheqja e Tërmkollit e thellon edhe më tepër krizën në LDK.

[_MALSORI_]

me sa duket fatmir sejdiu rol kryesore ka shkaterrimin e lidhjes demokrstike te kosoves...nuk shpjegohet ndryshe qe partia me e madhe ne tere trjojet shqiptare te katandiset ne nje forme te tille siq eshte sot..dhe kjo pa bere as 4 vjet nga vdekja e liderit te saj historik...

duket se hashimja ja ka arrite qellimit me e ble ket njeri dhe tash lun me te si macja me miun...cfare nuk ben shiku i kosoves....

[Guri i Kuq]

Absurdland : NA ISHTE NJË HERË LDK-JA !

6 Prill 2010

Elida BUÇPAPAJ


Në epitafin e kësaj partie mund të shkruhet: “Na ishte një herë LDK-ja”. Sepse LDK-ja ka ndalur së ekzistuari me vdekjen e Rugovës. Pas vdekjes së Rugovës organizmi i LDK-së i ngjante një organizate klanesh dhe bajraqesh, tregtarësh të grupacioneve politike që me Rugovën i kishte lidhur vetëm interesi për të fituar votat e popullit rugovian.

Shkallmimi i LDK-së nga themelet është parë që në krye, sapo vdiq Rugova, me heqjen dhe vendosjen e lidërshipit përmes konspiracioneve, duke marrë pushtetin përmes rrugëve që s’kishin të bënin aspak me demokracinë brenda partisë.

Tragjikomikja është se çdo gjë akrobatët matrapazë xhonglerë e kanë bërë duke mbajtur në gojë emrin e Rugovës, duke e shpërdorur emrin dhe idealet e tij.

LDK-ja nuk është më që kur s’është më Rugova. E kam provuar në lëkurë si gazetare që kam mbështetur Rugovën, kur pas vdekjes së tij jam ndeshur me mizorinë e çinovnikëve të një partie që s’ka më identitet, ku klanet brenda saj nuk njohin asnjë lloj morali, dhe që mund të shesin në treg edhe nënën e babën e tyre.

Kur humbën zgjedhjet e para në Nëntorin e 2007, doli ndonjë zë për reformim të LDK-së, por ky zë menjëherë u shua dhe u shit kur i afruan poste, dhe LDK-ja e thelloi edhe më tutje rrugën për çidentifikimin e mëtejshëm të partisë më të madhe të Kosovës, e cila sa ishte gjallë Rugova ishte partia që fitonte shumicën e votave të popullit të Kosovës.

Një eksponent i PDK-së na shkruante para disa kohësh, nëse ne e kemi kuptuar realitetin. Nuk është është e vështirë për ta kuptuar se çfarë realiteti përbën sot kjo karikaturë partiake që pretendon të jetë LDK-ja e Ibrahim Rugovës, por në fakt është kthyer në një banjë publike për PDK-në.

Këtë realitet dramatiko-burlesk, ku LDK-ja është katandisur në një parti katundi, me katundarë dhe proletarë në krye, të cilët për pushtet janë gati t’i kthehen diktaturës së proletariatit, (çka faleminderit Zotit kjo është vetëm imagjinatë boshe e kokave të tyre të zbrazta ), që besojnë se do të vazhdojnë të qendrojnë në pushtet duke kryer rolin e mercenarëve të paguar nga partia që e ka shumicën.

Edhe sa orë do të qendrojnë në pushtet, ata që e kthyen LDK-në në partinë e intrigantëve dhe intrigave. Tash që kanë larguar edhe Nekibe Kelmendin, një figurë ikonë në politikën e Kosovës, orët e tyre janë kthyer në sekonda.

Nuk ka rëndësi nëse i mban Hashim Thaçi në qeveri apo jo, sepse në zgjedhjet e ardhme ata që e kanë mbajtur sot peng LDK-në duke e kthyer në paren më të zhvleftësuar të krizës së politikës, do të marrin nga sovrani atë që meritojnë, humbjen përfundimtare.

Nëse dikur kemi thënë se ka nevojë të reformohet e majta në Kosovë, tash imperative është reformimi i qendrës së djathtë, që pozita dhe opozita të krijojnë një ekuilibër të fortë dhe të qëndrueshëm. Në themele të shëndosha dhe jo përmes maskaradave politike. Sa për LDK-në. Prej saj ka mbetur vetëm hiri dhe shprehja: “Na ishte një herë LDK-ja”.

[Guri i Kuq]

Liderë apo Mashtrues?

Derisa në botë matjet e para nëse liderët e zgjedhur janë të suksesshëm apo jo, bëhen duke krahasuar veprimet e tyre në raport me premtimet elektorale, te ne, ministrat e rinj po na thonë: Harroni çfarë iu thamë gjatë fushatës! Çka janë këta: Liderë apo Mashtrues?


Nga Bardh Hamzaj më 06.04.2010 në ora 13:08

Kudo në botë, atje ku liderët qeverisës zgjedhen përmes procesit elektoral me standarde demokratike, matjet e para nëse ata janë të suksesshëm apo jo, bëhen duke i krahasuar veprimet e tyre konkrete në raport me premtimet që i bëjnë gjatë fushatës zgjedhore.

Kjo nuk bëhet vetëm për të parë aftësitë menaxheriale dhe profesionale të të zgjedhurve për të qeverisur një vend, që është e rëndësisë së dorës së parë, por edhe për një arsye tjetër, e cila konsiderohet se është parakusht për njerëzit që kërkojnë votën e elektoratit. Kjo arsye është: nëse të zgjedhurit janë njerëz që e mbajnë fjalën. Prandaj, ky krahasim ndodh zakonisht në tre muajt e parë, dhe njihet edhe si “”100 ditëshi qeverisës”, për shkak se premtimet e bëra gjatë fushatave janë akoma të freskëta dhe vlerësimi nëse ato kanë filluar të realizohen është më objektiv, sepse bëhet në situatën kur opinioni nuk është më nën trysninë zgjedhore.

Pra, fjala është për testin “nëse ia ka vlejtur për t’u besuar”, për tashmë të zgjedhurit në krye të piramidës pushtetare. Tek pasi të konstatohet me veprime konkrete nëse të zgjedhurit janë persona që e thonë të vërtetën dhe e mbajnë fjalën, apo janë mashtrues që premtimet elektorale i kanë shfrytëzuar vetëm për të ardhur në pushtet, bëhen vlerësimet për shkallën e suksesit të një qeverie.

Shembulli më i freskët se sa i rëndësishëm është raporti që duhet të mbajnë të sapozgjedhurit ndaj premtimeve të veta elektorale është Reforma në Shëndetësi, të cilën Presidenti i SHBA’ve, Barack Obama, e kishte vënë në qendër të fushatës së vet elektorale të vitit 2008. Tek në muajin e kaluar, pra në vitin e dytë të udhëheqjes me Shtëpinë e Bardhë, dhe pas një lobimi intensiv njëvjeçar, Presidenti Obama arriti ta marrë besimin e mjaftueshëm të ligjvënësve amerikanë për ta realizuar njërin nga premtimet më të mëdha të tij elektorale - Reformimin e Sistemit Shëndetësor amerikan. Edhe atëherë kur dukej se administrata e tashme amerikane nuk po mund ta “shtynte” Projektligjin për Reformën Shëndetësore, sepse pos republikanëve edhe disa demokratë konservativë në Dhomën e Përfaqësuesve të Kongresit ishin kundër, Presidenti Obama nuk përdori arsyetimet se ja, ligjvënësit, madje edhe nga partia e tij, nuk po e duan reformën, për të hequr dorë nga realizimi i një premtimi që ua kishte bërë amerikanëve gjatë fushatës elektorale. Të përkujtojmë, edhe pse projektligji për këtë Reformë në Kongresin amerikan kaloi me vetëm 7 vota diferencë, votimi i tij u quajt historik.

Kështu ndodh në botë, por si është puna me ne?

Fatkeqësisht, në Kosovë ndodh e kundërta e shembullit që u përmend më lartë.

Në vitin e tretë të mandatit të saj, thuajse nuk ka fushë në të cilën Qeveria e Kosovës do të mund të krenohej për përmbushjen e premtimeve parazgjedhore. Ajo që është premtuar nuk është realizuar as në politikën e jashtme (kujtojeni premtimin për 100 njohjet e menjëhershme të pavarësisë), as në politikat sociale, as në shëndetësi, as në energjetikë, as në funksionimin e ligjit, as në luftën kundër korrupsionit... Kritikët më të vëmendshëm do të thoshin se nuk ka fare nevojë të numërohet, sepse kjo Qeveri as që ka paraqitur plan pune ndonjëherë.

Se sa të pavlefshme janë fjalët e politikanëve që sot qeverisin me Kosovën, do të jetë edhe më e qartë nëse i kemi parasysh ndërrimet e fundit në Qeverinë e Kosovës.

Së pari, vet Kryeministri ua ka hapur dyert e Qeverisë pikërisht atyre njerëzve që gjatë fushatës zgjedhore të vitit 2007 i kishte quajtur “bartës të korrupsionit, krimit të organizuar dhe keqqeverisjes në përgjithësi”.

Akoma më e pashembullt është ajo që bëri LDK’ja. Pikërisht personalitetet kryesore të fushatës së fundit zgjedhore të LDK’së, të cilët ia “numëronin ditët” kësaj Qeverie dhe Kryeministrit të saj, sot kanë marrë postet ministrore nga i njëjti Kryeministër dhe e njëjta Qeveri. “Armiqtë” e përbetuar “për kohë të caktuar” të Qeverisë së Thaçit, siç janë Lutfi Haziri dhe Bujar Bukoshi, tash as nuk po e fshehin se krejt ajo çfarë kanë thënë gjatë fushatës zgjedhore ka qenë për përdorim të përkohshëm dhe më qëllim të krijimit të përshtypjes se gjoja LDK është e pakënaqur me statusin e saj në koalicion qeverisës.

Shumë shpejt u pa se edhe Luta edhe Bukoshi nuk e paskan pasur hallin për ta forcuar LDK’në dhe luftuar qeverisjen e keqe të Thaçit, por pikërisht për t’iu imponuar atij për t’i bërë ministra në vend të bashkëpartiakëve të tyre. Ata tash po i thonë votuesve të tyre dhe opinionit që t’i harrojnë ato që ua kanë thënë gjatë fushatës, sikur të ishte fjala për ndonjë lojë apo teatër humoristik, e jo për një proces shumë të rëndësishëm zgjedhor.

Kudo në botë kësaj i thonë: dyfytyrësi dhe mashtrim.

“Fore” të njëjta kosovarëve është duke u shitur edhe Presidenti i vendit dhe njëkohësisht Kryetari “i ngrirë” i LDK’së, Fatmir Sejdiu. Ai, pa marre, po thotë se nuk di asgjë për ndryshimet në Qeveri dhe kush po i ndërron ministrat e LDK’së e kush po i emëron të rinjtë, edhe pse nuk është fshehtësi as për fëmijët se të gjitha këto vendime merren në kabinetin e tij. Kështu ai po mundohet të fshihet pas postit të “ngrirë” të Kryetarit të LDK’së për ta kamufluar shkeljen e Kushtetutës që po e bën si President i vendit.

Pa hyrë në analizën nëse kryetari i një vendi mund të sillet kaq “indiferent” ndaj ndryshimeve të gjashtë kabineteve ministrore në Qeveri, duhet konstatuar se Sejdiu me vetëdije po e përligj sjelljen “dje shaj, e sot lëvdo” të një ish-kryeministri (Bukoshit) dhe të një ish-zëvendëskryeministri (Lutës) të LDK-së, të cilët tani u shpërblyen me nga një post ministror. Dikush mund të thotë se këtu nuk ka asgjë për t’u çuditur, sepse ai është kryetar i tyre. Dhe ka të drejtë.

Problemi nuk është më nëse me këtë sjellje të “liderëve” të sotëm qeveritarë mund të humbin LDK’ja dhe PDK’ja. Fundja, kjo është çështje e këtyre dy partive.

Halli është se me këto sjellje, të papara në demokracitë perëndimore, po degradon qeverisja, duke ngurtësuar edhe më shumë izolimin ndërkombëtar të Kosovës, duke i hapur rrugë thellimit të varfërisë, korrupsionit dhe paperspektivës së qytetarëve të vendit në përgjithësi. Po ashtu, sjelljet si kjo e LDK’së në zgjedhjet e fundit dhe pas tyre, mund të sjellin deri tek humbja e besimit të kosovarëve në vet procesin zgjedhor, që automatikisht do të reflektohej edhe në rënien e mëtutjeshme të kredibilitetit të institucioneve.

Derisa udhëheqësit në Presidencë, Kryeministri, Ministri, Parti, etj., të na tregohen me një fytyrë natën e me një tjetër ditën, vërtet, a ka kuptim të flitet nëse të njëjtit mund të na ofrojnë çfarëdo ndryshimi për të mirë?

[ardiana luzha]

LDK-ja po shkon drejte FUNDIT,kane mbet edhe disa fundrrilla!!!

[fattlumi]

Kriza në LDK e ka emrin kryetar

U shkund mali, lindi miu... do të mund të quhej e gjithë hallakama që u quajt riformatim/riformatizim/afirmim, e që në esencë nënkuptoi shkarkimin e nga tre ministrave për partner koalicioni, zëvendësimin e tyre me gjashtë fytyra të tjera dhe themelimin e një ministrie të re.

U dëgjuan shumë reagime për këtë potez politik – se ishte mjet për mbijetesë politike deri në zgjedhjet e ardhshme; se ishte mbyllje e gojëve “problematike”; se ishin ndryshime kot fare; se kryeministri bleu kundërshtarët politikë, etj., etj. Cilado të ketë qenë arsyeja për këto ndryshime në Qeveri, fakti është se ndryshimet shkaktuan ofendimin e gjashtë personave që kishin udhëhequr dikasteret me buxhetet gati nga më të parëndësishmet (sidomos krahasuar me MEF-in, MEM-in, MTTP-në dhe MASHT-in) dhe se në sipërfaqe sollën madje edhe të tillë që nuk i janë fare të njohur opinionit. Ofendim, ngase në pamundësi për të siguruar dorëheqjet nga ta, këta janë shkarkuar, pa iu dhënë asnjë arsyetim i vetëm. Dhe për të qenë ironia më e madhe, janë larguar nga postet duke u lavdëruar publikisht për punën e tyre të deritanishme.

Nuk ka pasur dyshim se posti i ministrit të ri të Integrimeve kishte qenë më atraktivi për së paku tre nga ministrat e rinj (Tahiri, Haziri dhe Rexhepi), të cilët në fund u desh të pajtoheshin me postet të cilat mbase nuk i kishin preferuar, ani që dy nga ta ia dolën ta fshihnin bajagi si mirë zhgënjimin me faktin se tash e mbas duhet të merren me çështje “triviale”, siç janë kultura, siguria apo regjistrimi i popullsisë. Dy nga të përzgjedhurit e tjerë mbase as në ëndërr nuk kanë parë se ndonjë ditë do të zgjidheshin ministra -- njëri ngase politikën nuk e ka pasur orientim deri para tri ditësh, kurse tjetri për shkak se praktikisht ky paraqet vendin e parë serioz të punës për të. Për më tepër, që të dy janë adhurues të sportit -- pra mbase ndonjëri ka mundur të shkonte në MKRS... Në fund, hyrja e Bukoshit në Qeveri do të mund të quhej befasia më e madhe e që do të mund të përkufizohej në dy forma: a) Ose është potez maestral i kryeministrit për t’ia mbyllur gojën rrymës “reaksionare” brenda LDK-së, b) Ose Bukoshi është Kali i Trojës i Sejdiut, nëpërmjet të cilit LDK-ja synon t’ia dobësojë pozicionin PDK-së dhe ta shkatërrojë përfundimisht këtë qeverisje nga brenda.

Dhe përderisa çështja e ndryshimit të Qeverisë është kompetencë ekskluzive e kryeministrit, ai në këtë rast, është evidente, nuk ka mundur të vepronte pa marrëveshje me partnerin e koalicionit. E përfaqësuesi i këtij partneri ka qenë dhe vazhdon të jetë kryetari i ngrirë/i shkrirë, Sejdiu. Pavarësisht që këtë ta ketë mohuar në konferencën për gazetarë të hënën. Në vazhdim është deklarata e plotë të cilën Sejdiu e ka thënë në rrafsh 38 sekonda: Unë s’kam përgjigje, është çështje e partnerëve të koalicionit... ato lista dërgohen në komunikime të tyre, Kushtetuta është shumë e qartë... s’jam i përfshirë, pse unë të jem i përfshirë... faleminderit shumë... jo... nëse do të vie çështja e kompetencave që lidhet me rolin që duhet të ketë presidenti, ajo është gjithmonë e qartë, por në këtë fazë është çështje e partnerëve të koalicionit absolutisht... unë jam i gatshëm atë që e arrijnë partnerët e koalicionit dhe atë që Kryeministri i Republikës e bën në bazë të Kushtetutës, e informon Kuvendin për ndryshimet e bëra dhe është çështje e kryer.

Këtu janë tri gjëra që i thotë kryetari: dy të vërteta dhe një e pavërtetë. E para, se çështja e ndërrimit të Qeverisë është çështje e partnerëve të koalicionit. Ashtu është, por kësaj pune harron t’ia shtojë edhe detajin se nënshkrues i marrëveshjes së këtij koalicioni ka qenë pikërisht ai në emër të LDK-së, pra si i tillë vazhdon ta mbajë përgjegjësinë e njërit nga partnerët e koalicionit. E dyta, se Kushtetuta është shumë e qartë dhe kjo është shumë e vërtetë, ngase thotë se ai nuk do të duhej të mbante post tjetër publik. E treta, se nuk ka qenë i përfshirë në procesin e ndërrimit të ministrave – dhe kjo është e pavërtetë, sepse emrat përfundimtarë i ka përcaktuar ai, në kabinetin e tij, duke i pasur për krah ca ministra dhe, sipas nevojës, edhe disa nga nënkryetarët e partisë së vet. Ka qenë ai, i cili i ka ftuar ministrat që të japin dorëheqjen duke u thënë se “është më mirë për ta po qe se e bëjnë këtë, sepse në të kundërtën do të shkarkohen” dhe ka qenë ai, i cili e ka përdorur gogolin e famshëm për t’ua komunikuar këtë informatë – se kinse kërkesa ka ardhur nga miqtë tanë ndërkombëtarë. Dhe kur e mendon njeriu, është absolutisht irrelevante se çfarë mendojnë miqtë tanë ndërkombëtarë nëse dikush do të duhej apo jo të ishte ministër – relevante për këtë popull është që të zgjidhen përfaqësues të hairit që nuk do të gënjejnë e të bëjnë çfarëdo fizkulturash vetëm sa për t’i mbajtur postet që personalisht u sjellin aq shumë beneficione. Për fat të keq, edhe në rastin e kryetarit të Kosovës duket se Kuvendi ka zgjedhur njeriun e gabuar – njeriun që shkel Kushtetutën dhe që me sjelljen e vet të shkrirë/ngrirë partiake ngadalë po e shkatërron substancën e partisë së tij.

Loja e tij e rrezikshme: jam kryetar, por nuk jam kur duhet dhënë përgjegjësi, ia shkaktoi LDK-së humbjen katastrofale në zgjedhjet e kaluara komunale. Po të ishte kryetar i ndërgjegjshëm, do të jepte dorëheqjen nga ky post menjëherë dhe do ta thërriste Kuvendin e partisë, të cilin edhe ashtu e ka vonuar. Kjo për shkak se fushata e LDK-së në zgjedhjet e shkuara është identifikuar me posterin e tij enorm (krahas fotos së Rugovës) në selinë e LDK-së. Po të ishte gjysmë i ndërgjegjshëm, nuk do të jepte dorëheqjen, por së paku do ta thërriste Kuvendin ku do ta zgjidhte udhëheqjen e re. E cila mbase nuk do ta votonte më për kryetar, natyrisht po të besohej në vërtetësinë e procesit demokratik brendapartiak. Por meqë nuk është i ndërgjegjshëm, kuvendin do të vazhdojë ta shtyjë derisa të mos ia japin sinjalin se duhet shpallur zgjedhjet nacionale. Nëse kjo datë shtyhet shumë, gjasat janë që partia t’i copëtohet sërish dhe të dalë edhe një fraksion, me gjasë i dështuar politik, por duke e dobësuar edhe më shumë partinë, ngase ka shumë pak prurje të reja në formën e fytyrave të pakomprometuara – me gjithë shkrirjen e ORA-s në të.

Kështu do ta arrijë pikën në të cilën edhe ata pak votues që i pati herën e shkuar të mos dalin hiç, ose të votojnë për ndonjë parti tjetër për pikë të inatit, për t’ia mundësuar kështu partnerit aktual të koalicionit t’i fitonte zgjedhjet edhe më bindshëm. Apo që bile-bile të krijonte koalicion me ndonjë parti tjetër, me ç’gjë LDK-ja do të kalonte në opozitë. Atëherë do t’i rrezikohej posti i kryetarit të Kosovës, sepse me 81 vota do mund ta shkarkonin për shkak të shkeljes së Kushtetutës me mbajtjen e posteve të ngrira/shkrira. Ose ndoshta atëherë më nuk do të ketë nevojë për mocionin, sepse do ta kuptonte se shkaku i dobësimit të partisë së tij është ai vetë. Por deri atëherë mund të bëhet pak si vonë për LDK-në.


Nga: Flaka Surroi

[fattlumi]

me sa duket fatmir sejdiu rol kryesore ka shkaterrimin e lidhjes demokrstike te kosoves...nuk shpjegohet ndryshe qe partia me e madhe ne tere trjojet shqiptare te katandiset ne nje forme te tille siq eshte sot..dhe kjo pa bere as 4 vjet nga vdekja e liderit te saj historik...

duket se hashimja ja ka arrite qellimit me e ble ket njeri dhe tash lun me te si macja me miun...cfare nuk ben shiku i kosoves....

E vertete eshte kjo dhe kjo ka ndodhur per dy arsye.
Arsyeja e pare eshte egoja dhe lakmia e Sejdiut per te qene kryetar,qka kjo pune nuk e ka merzitur shume PDK-ne pasiqe ministrite kryesore i udheheq vet dhe arsyeja e dyte mund te jete edhe shantazhimet ne lidhje me djalin e Sejdiut qe punon ne PTK.
Keto jane perralla qe i flet Sejdiu gjoja koalicioni eshte dashur te behet per shkak te rrethanave ne Kosoven e parapavaresise,duke ditur faktin se kur te jep lejen Amerika per te shpallur shtetin e pavarur kete pune do ta bente edhe Haxhi Mergja.
Pra ne pyetje eshte karrierizmi i cili nuk do jete shume i ndritur as per kete e as per kete qeveri pjese e koalicionit dhe nenshkrues i ketij koalicioni eshte edhe Sejdiu.

[Guri i Kuq]

Mustafa: LDK të dalë nga Qeveria

Drilon Zogaj & Jeton Llapashtica | 09-05-2010 11:25 CET


Prishtinë. Isa Mustafa nuk i ka ndryshuar qëndrimet dhe nuk i ndal kritikat e vlerësimet negative për Qeverinë Thaçi. I bindur se Kosova po dëmtohet rëndë nga qeverisja aktuale, ai thotë se zgjidhja më e mirë, e pashmangshme, janë zgjedhjet e parakohshme. Riformatizimin e konsideron harrnim, ndërsa futjen e Lutfi Hazirit dhe Bujar Bukoshit pa efekte për të ndryshuar konceptin ngufatës të Qeverisë. Aksioni i EULEX-it në MTPT, sipas tij, e ka komprometuar qeverisjen dhe tërë imazhin e vendit, duke fajësuar Qeverinë për dështim në luftimin e korrupsionit. Mustafa kërkon përshpejtimin e hapave për zgjedhje brenda LDK-së. Ai, përfundimisht, nuk i heq asnjë presje vlerësimeve negative që ka dhënë për Qeverinë dhe kryeministrin Thaçi, duke thënë se problemet që po paraqiten aktualisht janë pasojë e defekteve në qeverisje, që ai i ka bërë publike gjatë fushatës së fundit zgjedhore.

Zëri: Z. Mustafa, kohë më parë ka ndërruar përbërja e Qeverisë së Kosovës. Si ju duket kabineti i ri i kryeministrit Thaçi?

Mustafa: Jam deklaruar edhe më parë, se zgjidhja më e mirë do të ishte që të bëheshin zgjedhjet e parakohshme në Kosovë, sepse unë mendoj se ky është vetëm një harrnim i Qeverisë, i cili nuk ofron asgjë cilësore në pikëpamje të ndryshimit të metodës dhe përmirësimit të qeverisjes. Nuk është problem këtu ndërrimi i disa ministrave, por është problem koncepti qeverisës. Koncepti nuk ka ndërruar. Po shihet se është i njëjti koncept qeverisës dhe me të unë dyshoj që do të arrihet diçka. Nuk shoh asgjë të mirë në këtë që është bërë dhe mendoj se herët a vonë duhet t’u qasemi zgjedhjeve të parakohshme të përgjithshme.

Zëri: Në përbërjen e re të Qeverisë kemi edhe dy ministra, Lutfi Haziri dhe Bujar Bukoshi që kanë kritikuar në vazhdimësi qeverisjen e deritashme?

Mustafa: Nuk dëshiroj të jap vlerësime të veçanta, sepse është çështje edhe e vlerësimeve të LDK-së dhe atyre që kanë parë të arsyeshme të hyjnë në Qeveri. Mirëpo, unë jashtë kësaj konsideroj se prapëseprapë konceptin qeverisës nuk mund ta ndryshojnë as dy emra as më shumë, sepse qasja e kësaj qeverisjeje është ajo që nuk e çon Kosovën përpara. Ka shumë të meta, veçmas në sferën e ekonomisë, funksionimit të shtetit ligjor, ngufatjes së shtetit, sepse kjo qeverisje e ka ngufatur funksionimin e shtetit, sa i përket luftës kundër korrupsionit dhe dukurive tjera, të cilat neve na pengojnë që të inkuadrohemi në Evropë, kështu që, duhet të bëhen ndryshime të thella qeverisëse. Me këtë nuk them apriori se një parti apo një koalicion tjetër do të qeveriste më mirë, por Kosova duhet të qeveriset më mirë, të zhvillohet një konkurrencë më e ashpër në qeverisje dhe të zbatohet ligji.

Zëri: A gabuan z. Haziri dhe z. Bukoshi që hynë në këtë Qeveri?

Mustafa: Sigurisht Bukoshi ka vlerësuar se mund të japë kontributin e tij në sferën e shëndetësisë. Nuk mendoj se ai ka hyrë aty që t’i japë krahun Qeverisë Thaçi, mirëpo që ndoshta ka menduar se për atë që është i përkushtuar shumë për shëndetësi mund të ndihmojë. Kjo do të shihet por unë nuk shoh mundësi që mund të bëhet shumë edhe në atë aspekt, sepse nuk varet vetëm prej Bukoshit, por nga politikat e përgjithshme qeveritare që janë të orientuara nga shëndetësia, arsimi dhe kah sferat tjera dhe këto politika po shihet se janë vetëm deklarative dhe për konsum ditor e jo politika që në afat më të gjatë të ofrojnë kushte që të ndryshohet gjendja në këto sfera shumë të ndjeshme aktualisht.

Zëri: A është komprometuar Qeveria e Kosovës, pas bastisjeve të fundit të EULEX-it në zyrat e MTPT-së, dhe a mendoni se pas kësaj ngjarjeje ka arsye që kjo Qeveri të vazhdojë qeverisjen e vendit?

Mustafa: Është komprometuar Kosova në përgjithësi, sepse kjo nuk është dashur të ndodhë. Vetë fakti që e kemi pru punën deri aty sa të na futet EULEX-i pa pyetur dhe pa treguar, në vend që t’i kryejmë vetë ato punë dhe ta luftojmë ne korrupsionin, ne tani të mbrohemi se nuk ka korrupsion dhe të tjerët të na thonë se ka dhe të bëjnë aksione të tilla. Këto janë shumë të rënda. Ky akt jep një pasqyrë shumë të rëndë për Kosovën dhe përbën një komprometim tonin të përgjithshëm dhe mendoj se në rend të parë është komprometim i Qeverisë, e cila në qoftë se punët shkojnë kështu, nuk duhet ta ketë fare të gjatë.

Zëri: Por kryeministri dhe kryeparlamentari po deklarojnë se ndërhyrja e EULEX-it ka qenë e pavend, joprofesionale besa edhe e pacivilizuar?


Mustafa: Ndërhyrja ka ndodhur, dhe për të gjithë ne është mirë që të presim rezultatet e hetimeve. Nuk është mirë që të jepen kualifikime, sepse ato mund të ndikojnë në zhvillimin e përgjithshëm të procedurave dhe të dëmtohet njëra palë apo tjetra. Unë mendoj se do t’i ndihmohet edhe palës sonë por edhe EUELX-it shumë më tepër nëse nuk japim vlerësime dhe nëse e lejojmë që ligji të veprojë. Pastaj, varësisht prej rezultateve që do të arrihen nesër mund të themi që ne kemi pasur të drejtë apo ata, por jo tani përderisa procedurat po zhvillohen.

Zëri: A është dashur të japë dorëheqje ministri Limaj pas bastisjes?

Mustafa: Nuk e kisha lidhur këtë vetëm me ministrin Limaj, sepse është thënë që ka qenë një marrëveshje në Qeveri, se është biseduar në suaza të Qeverisë dhe me faktorin ndërkombëtar. Unë nuk e di çfarë bisedash janë zhvilluar brenda dhe çfarë vlerësimesh politike janë dhënë. Ajo që unë shoh tani është se edhe Qeveria edhe Ministria përkatëse janë sjellë në një situatë shumë të rëndë, që është e rëndë edhe për ministrin konkret edhe për Qeverinë.

Zëri: Shoqëria civile po deklaron se kjo Qeveri është bërë simbol i korrupsionit?

Mustafa: Janë veçmas preokupuese vlerësimet që i kanë dhënë organet evropiane, vlerësimet e dhëna në Raportin e progresit, të cilat e kanë cilësuar edhe Kosovën edhe Qeverinë e saj si mjaft të korruptuar. Nuk janë marrë masa, nuk është parë asnjë masë që është marrë deri tani që ne ta marrim vetë hapin që të luftojmë korrupsionin. Tani, meqenëse Qeveria po hesht sigurisht që ka ardhur në shprehje shoqëria civile dhe të njëjtën gjë që është dashur ta bëjë
Qeveria apo ndonjë institucion tjetër, po e bën shoqëria civile. Unë nuk mund të them se Kosova është kampione e korrupsionit në këtë rajon meqenëse nuk janë hiq më mirë edhe shtetet tjera fqinje. Por, është keq për ne që të krahasohemi me ta, për arsye se ne më shumë se të gjithë kemi nevojë që të luftojmë korrupsionin të inkuadrohemi në Evropë, dhe në një mënyrë të arsyetojmë ndihmën që na ka dhënë komuniteti ndërkombëtar në pavarësinë e Kosovës.

Zëri: A është koha që LDK-ja ta rishikojë qëndrimin në këtë koalicion?

Mustafa: Unë mendoj se po. Unë mendoj që LDK-ja është dashur ta shqyrtojë, ta vlerësojë edhe më tutje, sepse LDK-ja nuk ka kurrfarë nevoje që të jetë bashkëpjesëmarrëse e një qeverisje të tillë. Kjo si kontribuon aspak LDK-së dhe ajo duhet domosdo ta vlerësojë se ku është, se çfarë fiton dhe çfarë humb, e unë mendoj se nuk fiton asgjë me këtë koalicion për arsye se ka shumë vërejtje në këtë qeverisje, dhe ne po bëhemi bashkëpjesëmarrës të një qeverisje të keqe. Prandaj, unë pres që edhe në të ardhmen edhe organet e LDK-së edhe individët brenda saj të japin mendimin e tyre edhe që objektivisht të mos jemi bashkëpjesëmarrës të qeverisjes së tillë.

Zëri: Z. Mustafa, si i ka punët LDK-ja dhe a ka ndonjë progres brenda saj?

Mustafa: Po bëhen përpjekje që t’u qasemi zgjedhjeve në parti dhe shpresoj që nëse bëhen zgjedhje cilësore atëherë partia do të ketë perspektivë, sepse gjatë zgjedhjeve kam parë që njerëzit janë të interesuar t’i bashkëngjiten LDK-së që ka shumë të rinj që e shohin veten, perspektivën e tyre dhe unë konsideroj që LDK-ja është një parti që ofron perspektivë, ofron demokraci të vërtetë dhe do të ishte shumë keq që ajo të mbyllet, të rri e mbyllur ashtu siç ka ndenjur deri tani. Unë shoh arsye që të nguten pak hapat e zgjedhjeve dhe të ndryshimeve në strukturat e partisë, në mënyrë që veçmas njerëzve që janë treguar të suksesshëm gjatë zgjedhjeve të fundit nëpër komuna, sepse kriteri themelor tani duhet të jetë ai i fitoreve apo humbjeve që kanë ndodhur. Sepse më tutje nuk duhet të përsëriten gabimet që janë bërë që humbësve t’iu ofrohen pozita të larta për arsye se njerëzit, aktivistët dekurajohen. Kriteret e vlerës duhet të ndërtohen brenda LDK-së, të cilat do të ndikojnë pastaj që të bashkëngjiten më shumë njerëz dhe të jetë shumë më e fortë dhe serioze në zgjedhjet e ardhshme.

Zëri: A do të pranonit që të jeni kandidat i LDK-së për kryeministër të Kosovës, në zgjedhjet e ardhshme nacionale dhe a iu pëlqen ideja që LDK-ja të përcaktohet paraprakisht për një kandidat për kryeministër në këto zgjedhje?

Mustafa: Unë mendoj që në këto zgjedhje ne duhet të ofrojmë më shumë kandidatë, më shumë njerëz të cilët do të bartnin me sukses edhe pozitën e kryeministrit, sepse do të ishte dështim i madh në qoftë se ne do të lidhemi vetëm me një emër në LDK dhe në partitë tjera. Unë mendoj se ka shumë njerëz në LDK me perspektivë, kanë aftësi dhe mund të bartin pozita me përgjegjësi siç është edhe pozita e kryeministrit, prandaj, për ne është me rëndësi që ne të zgjerohemi, të hapim dyert që të ofrojmë njerëz, të kemi kuadro të mjaftueshme dhe që pastaj në suaza të tyre të zgjedhim.

Zëri: Brenda LDK-së ka qarkulluar së fundi ideja që pesë degët e saj në Prishtinë të bashkohen dhe të formohet një degë e vetme, kryetar i së cilës, padyshim, se do të ishit ju?

Mustafa: Gjatë zgjedhjeve të fundit kemi pasur një angazhim shumë të përkushtuar të degëve të LDK-së dhe të gjithë kryetarëve. Ka qenë një angazhim shumë i madh që ka bërë që ne të fitojmë, jo vetëm unë si kandidat, por edhe LDK-ja ka fituar shumicën në Kuvendin e Prishtinës. Ne duhet ta diskutojmë këtë. Ka arsye që flasin se është më mirë që ne ta kemi vetëm një degë, ka arsye që flasin që më mirë të kemi më shumë degë, sepse Prishtina është bërë shumë e madhe dhe është vështirë që LDK-ja të funksionojë si një degë e vetme apo që të bëhet një organizim specifik i degëve në Prishtinë, ku do të kemi 5-6 degë. Por, do ta kemi edhe një ndërlidhje të tyre, që është relativisht obligative, nën një kryesi e cila do t’i koordinonte këto degë të LDK-së, sepse kemi një anëtarësi shumë të madhe dhe kemi degë shumë serioze, prandaj druajmë se nëse ato i shuajmë dhe shndërrohen në një degë, atëherë do të humbet mundësia që të ketë një lidhje më të drejtpërdrejt të degëve me anëtarësinë.

Zëri: Në qarqet politike dhe analitike në vend për një kohë të gjatë jeni përmendur si pasardhësi i vetëm potencial i Fatmir Sejdiut në postin e kryetarit të LDK-së?

Mustafa: Tash për tash të gjithë ne mendojmë se z. Sejdiu duhet të mbetet lider i LDK-së. Është edhe mendim i imi, një bindje e plotë e imja, sepse do të ishte keq që ne ta kemi një kryetar të shtetit i cili do të mbetej pa kurrfarë fuqie politike. Z. Sejdiu gëzon autoritet në LDK po ashtu edhe në popullatë. Është një problem formal kushtetues që ia pamundëson atij që të ushtrojë në mënyrë aktive funksionin e tij të kryetarit, mirëpo mendoj që ai duhet të mbetet lideri i LDK-së, ndërkaq ka vend që ne të tjerët të ulemi dhe në pikëpamje operative t’i udhëheqim punët ditore të LDK-së, pa e ngarkuar me këtë liderin.

Zëri: A do të thotë kjo që ju do të mund të jeni nënkryetari i parë i LDK-së, i cili do ta menaxhonte më pas partinë?

Mustafa: Do të zhvillohen biseda në Këshillin e Përgjithshëm, në Kryesi dhe nëse këto dyja vijnë deri të vlerësimet e caktuara, atëherë për to mund të bisedohet. Sa më përket mua personalisht nuk është shumë tërheqëse kjo sepse kam shumë punë në Komunën e Prishtinës dhe do të ishte një ngarkesë shumë e madhe. Më tepër unë jam për atë që unë t’i ndihmoj LDK-së, të jem në procese shtytëse të LDK-së përpara, por të mos kem shumë obligime organizative dhe operative për arsye se ato vijnë në kundërshtim me detyrat e përditshme që kam si kryetar i Komunës së Prishtinës, sepse është fjala për një Komunë shumë të madhe që kërkon angazhim të veçantë.

Zëri: Z. Mustafa, a vazhdoni të keni të njëjtin mendim kritik që keni shprehur gjatë fushatës elektorale për Qeverinë e Kosovës dhe kryeministrin Thaçi?

Mustafa: Unë e kam plotësisht të njëjtin qëndrim edhe për Qeverinë edhe për kryeministrin, pa marrë parasysh këto zhvillimet e fundit, sepse ato janë pasojë e defekteve që unë i kam përmendur në kuadër të vlerësimeve të mia që kanë pasur të bëjnë me mënyrën e qeverisjes. Unë mendoj se qëndrojnë plotësisht vlerësimet e mia që kam dhënë dhe mbetem plotësisht prapa

[Hard_Style]

...ej more ket LDK-n a e keni qregjistru prej beogradit ! a hala i ka rrenjet atje....???

[Guri i Kuq]

Fond solidariteti për prishje të koalicionit

Besiana Xharra | 18-05-2010 17:22 CET

"Zëri",Prishtinë

Prishtinë. Lidhja Demokratike e Kosovës (LDK) pritet që gjatë kësaj jave të mbledhë Këshillin e Përgjithshëm, në takimin e të cilit do të diskutohen pika të rëndësishme, përfshirë edhe idenë e disa degëve për prishjen e koalicionit me Partinë Demokratike të Kosovës (PDK). Propozimi për prishje të koalicionit, i përcjellur me një ide se si të veprohet, do të vijë nga Dega e Katërt, më e madhja e LDK-së, e njohur si dega e Ibrahim Rugovës në Prishtinë.

Këtë e bëjnë të ditur për "Zërin", burime shumë të sigurta brenda kësaj dege. Propozimi i tyre do të përcillet me idenë për krijimin e një fondi “të solidaritetit”, i cili do të akumulohet nga anëtarësia e partisë, ndërsa nga mjetet e fondit do të paguhen ministrat e zëvendësministrat e LDK-së që ta lëshojnë qeverinë.

“Në Këshillin e Përgjithshëm që do të mbahet nga mesi i kësaj jave në emër të degës së katërt do të kërkohet ndërprerja e koalicionit. Ndërkohë propozimi për këtë do të jetë formimi i një fondi të solidaritetit që me të hollat e mbledhura nga anëtarët e partisë të paguhen ministrat e zëvendësministrat e kësaj partie, pasi që ata do të mbesin pa pagat e tyre pas tërheqjes nga Qeveria”, tha ky burim për "Zërin".

Kjo ide është përkrahur fuqishëm edhe nga udhëheqësi i degës, Sami Hamiti, i cili ishte shumë i zëshëm, shtoi ky burim.

Ideja e kësaj dege, me të cilën shpejt do të njihen të gjithë anëtarët e partisë, për Ali Lajçin nuk bën të pranohet. “Edhe pse unë këtë ide e marr si përfolje, ajo edhe ashtu nuk bën të bjerë në hierarki të partisë. Kjo ide është jashtë programit të LDK-së, jashtë
identitetit partiak”, tha Lajçi për "Zërin".

Për këtë ide ai nuk deshi të flasë më shumë, por shtoi se nga prishja e koalicionit njëherë për njëherë, nuk ka asgjë, pasi siç shprehet ai “çdo gjë është improvizuar, nuk ka strategji, ka vetëm përfolje. Problemi për prishjen e koalicionit është se askush nuk di se çfarë do të ndodhë më pas”.

Ndërkohë zëdhënësi i kësaj partie, Vehbi Miftari, nuk deshi të flasë në veçanti për idenë e kësaj dege. Por, sipas tij, secili propozim i ardhur nga secila degë do të jetë i mirëseardhur për t’u diskutuar. “Nuk mund të them se nuk do të flasim për prishje të koalicionit, si që nuk mund të them që edhe do të flasim. Ne mbështesim secilin debat që do të vijë nga anëtarët e Këshillit që ata e mendojnë të rëndësishme për t’u diskutuar. Më pas këshilli i organit vendimmarrës, i shqyrton ato, i modifikon dhe në fund i vendos”, tha Miftari.

Ndërsa Astrit Haraçia, nga Kryesia e kësaj partie, tha se ajo që është e sigurt që do të diskutohet në këshill është ndërrimi i statutit të partisë, i cili, sipas tij, ka nevojë për ndryshime. “Varet se si do të votohet, por ajo që është e sigurt është se me ndërrimin e statutit do të vendoset që një ministër të mos mbajë më nga dy poste dhe ai që është anëtar i një dege të mos jetë edhe anëtar i Kryesisë. Kjo pasi ne duam të zgjerohemi dhe jo të ngushtohemi”, tha Haraçia. Propozim ky që po ashtu nuk u përjashtua nga zëdhënësi Miftari.

Ai bëri të ditur se partia është në proces të analizimit dhe ngritjes së grupeve punuese të cilat do të ofrojnë propozimet e tyre në këshill dhe nuk përjashtohet mundësia që të formohet edhe grupi për ndërrimin e statutit të LDK-së.

Currently 3.88/512345

[Disa]

LDK-ja do te shuhet siq eshte shuar,Lidhje Komuniste!

[injejti]

...ej more ket LDK-n a e keni qregjistru prej beogradit ! a hala i ka rrenjet atje....???

Pse more ti ja fut kot, pse je kunder LDK pse se thua te verteten,

LDK ekan pas zyren ne Kralev e jo ne Beograd,

ne Beograd ubo vetem lutja , dhe rugova pike raki me slloben,

hhhhhhhhhaaaaaaaaa