Shehrije Mustafa

[Çaushi]

E GJETE ÇELËSIN

Ti e gjete çelësin
që nuk e zbuloi
askush
dhe hyre në zemër
me shumë lule
dhe aromë
dhe me ndjenja
zbulove
sekretin tim
i more erë
dashurisë


*****

[Çaushi]

NËSE MUNDESH

Nëse mundesh
ndale edhe ajrin
dhe diellin
preke edhe yllin
me dorë
udhëto
edhe mbi re
unë
nuk jam larg
pi kafe
në dhomën time


*****

[Çaushi]

MIK I HESHTJES


Sot e fsheh
pikëllimin
prej atyre
që ndjejnë
dhimbje për mua
kam dëshirë
të dukem
më e bukur
se hëna

në udhëkryq
jam
mik i heshtjes


*****

[Çaushi]

BESNIK I NDJENJAVE

Ishe besnik
i ndjenjave
unë të lëndova
kishe frikë
se unë
do të largohem
prej teje

ti më dhurove
buzëqeshje
e unë të humba
nëse të kërkoj
tash është vonë


*****

[Çaushi]

UNË NUK KAM GJUMË

E bukur është sonte
nata pa yje
me borë
dikush udhëton
nëpër ëndrrat
e gjata
e unë nuk kam
gjumë
pres mëngjesin
të takohemi
më duhen sytë e tu

*****

[Çaushi]

JAM E LODHUR


Për çdo ditë
e shoh
si veniten
ëndrrat e mia

kam dëshirë
ta lulëzoj
jetën time

dhe nuk mundem
jam e lodhur
shumë
prej ilaçeve


*****

[Çaushi]

TYMI I DUHANIT


Nata
më duket shekull
e shikoj veten
në pasqyrën
e thyer
në dhomë
mungon drita
e në zemër
dashuria


*****

[Çaushi]

MBI LETRËN E BARDHË

Sa herë
për ty shkruaj
lotët pikojnë
mbi letrën e bardhë

dhimbja i lexon
të gjitha vargjet
edhe nata duket
e mërzitur pa ty

ëndrrat e mia
nuk i lexon
askush
dhe më digjet shpirti


*****

[shehrije]

miq te nderuar duke ju kujtuar se nuk ju kam harruar asnjhere ju pershendes te gjitheve dhe ju falenderohem per fjalet dhe komentet e juaja.uroje lexime te kendeshme vere me shume freski ne shpirtat e juaj artistik.me shume dashuri poetja SH.MUSTAFA