Papa, Patriarku Dhe Kosova

[Mexhid Yvejsi]

Mexhid YVEJSI, Gjakovë


PAPA, PATRIARKU DHE KOSOVA

Sipas Radio Vatikanit, Papa Racinger i dërgon një mesazh urimi Patriarkut të ri të Kishës Ortodokse Serbe, Irinej, 80 vjeç, i zgjedhur dje (22 Janar 2010) në Beograd nga Sinodi i Shenjtë në udhëheqje të Kishës Ortodokse Serbe. Papa Benedikti XVI në mesazhin e tij drejtuar Patriarkut të ri ortodoks serb i uron:

“Forcën e brendshme për konsolidimin e bashkimit e të rritjes shpirtërore të Kishës Ortodokse Serbe, si edhe ndërtimin e lidhjeve vëllazërore me Kishat tjera e me bashkësitë kishtare..”

Ati i Shenjtë më tej kërkon bekimin e Zotit mbi angazhimin e përbashkët të dy Kishave, në mënyrë që të mund të jenë përsëri të bashkuar në dëshmimin para tërë botës të dashurisë së tij hyjnore shpëtimtare.”


KUSH ËSHTË PATRIARKU IRINEJ?

Patriarku Irinej ka lindur në vitin 1930 në katundin Vidova, afër Çaçakut, në Sërbi. Mësimet fillestare i kreu në vendlindje, kurse gjimnazin në Çaçak. Shkollimin fetar e vazhdoi në Seminarin e Kishës Ortodokse Serbe në Prizren të Kosovës, ndërsa studimet për teologji i ka vazhduar në Beograd. Në vitin 1959, në Manastirin e Rakovicës, pranë Beogradit u bë murg. Një kohë ka qenë profesor në Seminarin e Prizrenit. Në Athinë, Greqi, ka vazhduar studimet pas universitare, gjatë viteve 1962-1963. Në vitin 1974 emërohet peshkop i Nishit, prej këtij posti, si peshkop i Nishit, u zgjodh (me 22 Janar 2010) Patriark i Kishës Ortodokse Serbe.

SI U ZGJODH PATRIARKU IRINEJ?

Zgjedhja e Patrikut të ri të Kishës Ortodokse Serbe u bë sipas procedurave të caktuara, me hedhjen sipas shortit, ndër emra të votuar që kanë numra më të madh të preferuarve. Në tri zarfa, me emrat e Irinejt të Nishit, të peshkopit Irinej të Baçkës e mitropolitit të Malit të Zi, Amfilohije, ky i fundit që nga 15 nëntori 2009 e ka udhëhequr Patriarkanën, kur vdiq Patriarku Pavle në moshën 95 vjeçare...

Personi që zgjodhi, sipas shortit, rastësisht zarfin, me emrin e peshkopit të Nishit, Irinej, 80 vjeçar, ka qenë arkimandriti Gavrili i Manastirit Levapina, në Kroaci. Patriarku i ri i Kishës Ortodokse Serbe, Irinej, konsiderohet si i moderuar....


KOSOVA ËSHTË JERUSALEMI YNË


Patriarku i ri i Kishës Ortodokse Serbe, i konsideruar si i moderuar, në fjalimin e tij të parë, në Beograd, ndër të tjera tha:

“Me Krishtin dhe në Krishtin mundemi gjithçka. Ne kemi shumë obligime, dhe ndoshta kryesorja është ta mbrojmë Kosovën tonë të shenjtë e martire...”
“Kosova është toka jonë e shenjtë, është Jerusalemi ynë. Nëse e harrojmë Kosovën, Kosova do t’na harro neve...”
“Sërbia pa Kosovën dhe vendet e shenjta (kishat e manastirët) në Kosovë nuk është Sërbi...”

Patriarku i ri i Kishës Ortodokse Serbe, Irinej Gavrilloviç, i cilësuar si i moderuar, s’la gjë pa thënë për Kosovën tonë të dashur, por të varfëruar, të sakatuar nga politikuajt e korruptuar...

Mexhid YVEJSI, Gjakovë

[extreme]

Tash shtrohet pytja sa jan te gaqshem shqiptart Musliman per me ngrit zanin e realitetit , qe ato kisha per tcilave mbahet serbija jan apsolutikisht trashigimi kulturore e jona .