Homoseksual, nuk je biri im!

[Beqari002]

Nje sondazh mjaft interesant.Te japim edhe ne mendimin ton lidhur me kete.
Ju falmnderit per mirekuptim.


Sondazh

Vlerat dhe antivlerat. Sa janë shqiptarët pro familjes, miqësive, punës? Për herë të parë përfundimet e këtij sondazhi të “Index Albanias”

Homoseksual, nuk je biri im!

Qëndrimet e shqiptarëve kundër pederastisë dhe lezbizmit, divorcit, ryshfetit, abortit

Belina Budini
TIRANË – Familja, miqtë, puna, feja, politika, sa të rëndësishme konsiderohen këto vlera botërore për shqiptarët? Por edhe çfarë mendojnë shqiptarët për homoseksualitetin, divorcin, mashtrimin e ryshfetin. Një sondazh i “Indeks Albanias” u jep përgjigje këtyre pyetjeve, të cilat bëhen kudo në botë nga njëri vit në tjetrin, në kuadër të një studimi mbarëbotëror mbi vlerat dhe ato që konsiderohen antivlera.
Nga familja tek miqësitë
Sa e rëndësishme është familja për shqiptarët? 95% e shqiptarëve e konsiderojnë familjen shumë të rëndësishme në jetën e tyre. Vetëm 3.1% e të pyeturëve janë shprehur se familja është deri diku e rëndësishme. Ndër një mijë të anketuarit nëpërmjet sondazhit vetëm tetë veta janë përgjigjur se në jetën e tyre familja nuk është edhe aq e rëndësishme. Sa i përket miqësive, sipas shqiptarëve ato nuk janë njëlloj të rëndësishme në jetën e tyre. Vetëm 32% e të pyeturve shprehen se miqësitë janë shumë të rëndësishme në jetë. Rreth 50% thonë se janë deri diku të rëndësishme dhe rreth 15% thonë se nuk janë aq të rëndësishme. Aspak të rëndësishëm konsiderohen miqtë vetëm nga 1,4% e shqiptarëve. Koha e lirë. Kjo nuk është ndonjë kënaqësi e madhe për shqiptarët sipas të dhënave të sondazhit. 35% e të pyeturve e konsiderojnë kohën e lirë jo edhe aq të rëndësishme dhe 38% deri diku të rëndësishme. Rreth 12% e quajnë aspak të rëndësishme, ndërsa 13% thonë se koha e lirë për ta ka shumë rëndësi. Po politika sa e rëndësishme konsiderohet në jetën e shqiptarëve? 35% e të pyeturve thonë se ajo nuk shihet fare me rëndësi për jetën e përditshme. 8% kanë thënë se ajo është shumë e rëndësishme në jetën e tyre të çdo dite. 22% janë shprehur se politika është deri diku e rëndësishme për ta, ndërsa 32% se ajo nuk është edhe aq e rëndësishme. Sa për punën, shqiptarët dalin shumë punëdashës në këtë sondazh. Vetëm 15 ndër 1000 të pyetur janë shprehur se puna nuk është fare e rëndësishme për të jetuar, pra 1,5%. Pjesa më e madhe, 81% e të pyeturve kanë thënë se e shohin si shumë të rëndësishme punën në jetë. 12% shprehen se ajo është deri diku me rëndësi në jetë, ndërsa 3,4% se ajo nuk është edhe aq e rëndësishme.
Feja
Për 28% të të pyeturve nga ky sondazh, feja është shumë e rëndësishme në jetë. Për 31% është deri diku e rëndësishme, ndërsa 25% mendojnë se ajo nuk është aq e rëndësishme, ndërkohë që 14% janë shprehur që feja nuk është aspak e rëndësishme në jetë. “Politikanët që nuk besojnë tek zoti janë të papërshtatshëm për të qenë në pushtet”. Kështu mendojnë më shumë se 30 % e shqiptarëve sipas sondazhit të “Index Albanias” mbi vlerat njerëzore. 20% nuk janë dakord me këtë pohim, ndërsa një pjesë tjetër prej 24% shprehen se as janë dakord, as nuk janë me një pohim të tillë. “Udhëheqësit fetarë nuk duhet të kenë influencë mbi njerëzit që votojnë në zgjedhje”. Kështu mendojnë rreth 70% e shqiptarëve, ndërsa një pjesë e vogël, prej 5,6 % janë të mendimit se ndikimi i udhëheqësve fetarë mbi njerëzit që votojnë është i pranueshëm.
“Antivlerat”
Të përfitosh asistencë sociale edhe kur nuk ke të drejtë ta përfitosh atë, kjo nuk është ndonjë gjë kaq e rëndë për mbi 30% të shqiptarëve. Megjithatë një pjesë prej rreth 60% e shohin si të pajustifikueshëm një veprim të tillë. Mosblerja e një bilete për të udhëtuar në autobus nuk është kaq shqetësuese për më shumë se 50% të shqiptarëve, ndërsa 45,9% mendojnë se një veprim i tillë nuk duhet kryer kurrë. Në shkallë zbritëse nga një në dhjetë, 18,3% mendojnë se është disi e justifikueshme, 12,6% se është pak më shumë e justifikueshme e kështu me radhë. Por vetëm 0,8 për qind thonë hapur se është gjithnjë e justifikueshme.Në paguajnë apo jo për dritat, ujin etj, me këtë merren zyrat e taksave, por pyetjes së sondazhit të “Index Albanias” nëse është e justifikueshme apo jo që të mashtrosh me taksat kur ke mundësi, 57,6 % i përgjigjen se nuk është kurrë e arsyeshme të bëhet një gjë e tillë. Vjen duke u zbutur qëndrimi tek pjesa tjetër e qytetarëve. 18,9 % mendojnë se nuk është kaq e rëndë të mashtrosh shtetin me taksat. 10,4% aq më pak, por prerazi në mbështetje të mashtrimit me taksa janë shprehur vetëm 0,1% ndër 1000 të pyetur.
Pranimi i një ryshfeti për një detyrë të caktuar prej rreth 53 për qind të shqiptarëve nuk është kurrë i justifikueshëm. Qëndrim më të zbutur mbajnë ndaj ryshfeteve pjesa tjetër e të pyeturve.
Nëse nuk janë kaq të ashpër për mashtrimin me taksat apo me biletat e autobusit, shqiptarët janë të prerë në qëndrimin ndaj homoseksualitetit. Rreth 78% e tyre janë kundër kësaj prirje seksuale. Ata përgjithësisht nuk e shohin të justifikueshëm homoseksualitetin. Vetëm dy persona ndër 1000 të pyetur kanë thënë se homoseksualiteti është gjithnjë i justifikueshëm dhe se i kuptojnë djemtë apo vajzat që tërhiqen nga seksi i tyre. Ende më të pajustifikuara janë ato femra që ushtrojnë prostitucionin nga shqiptarët. Rreth 79% e të pyeturve janë përgjigjur se prostitucioni është një “zanat” i pajustifikueshëm, ndërsa rreth 10% janë shprehur me tone më të buta kundër prostitucionit. Vetëm një person ndër 1000 vetë të pyetur është shprehur se prostitucioni është gjithnjë i justifikueshëm. Ndaj abortit mbeten ende tepër të vendosur kundër rreth 26% e shqiptarëve. Por pjesa më e madhe e të pyeturve, kush më shumë e kush më pak janë shprehur tolerant ndaj dështimit të fëmijës së padëshëruar. Megjithatë ndër 1000 të pyetur, vetëm 19 prej tyre janë shprehur hapur pro abortit, duke pohuar se ky veprim i nënës është krejtësisht i justifikueshëm. Qëndrimi ndaj divorcit është edhe më i luhatur ndër shqiptarët. Megjithatë 18% shprehen hapur kundër ndarjes pasmartesore. Pjesa tjetër, mendojnë se në një farë mënyre, disi, hera-herës, në raste të veçanta, shpesh, sipas kushteve, vendimi i dy bashkëshortëve ose njërit prej tyre për t’u ndarë ose për ta braktisur tjetrin bëhet i justifikueshëm. 21 persona ndër 1000 të pyetur janë shprehur se divorci është krejtësisht i tolerueshëm prej tyre si një akt normal ndarje kur nuk ka më dashuri midis dy bashkëshortëve.
Nga eutanazia tek vetëvrasja
Qëndrimi ndaj eutanazisë (vrasja e pacientit që ka pësuar vdekje klinike të zgjatur ose me sëmundje të pashërueshme me metoda lehtësuese mjekësore) është shumë i debatueshëm edhe në vende të tjera të botës, sidomos në Evropë këto vitet e fundit. Ndaj kësaj metode që nga disa konsiderohet vepër shpëtimi e nga një pjesë si e dorës së djallit, shqiptarët në pjesën më të madhe janë shprehur gjithashtu disi të luhatshëm. Megjithatë rreth 45% kanë thënë se ky veprim asnjëherë nuk është i justifikueshëm. Ndër 1000 persona të pyetur vetëm 37 prej tyre thonë se eutanazia është përherë e justifikueshme në rastet e sëmundjeve të pashërueshme ose vdekjeve klinike. Për vetëvrasjen, shqiptarët në masën 67% janë shprehur kundër. Katër ndër 1 mijë të pyetur kanë thënë se vetëvrasja është gjithmonë e justifikueshme. Pak të justifikueshme e kanë konsideruar vetëvrasjen 14% e të pyeturve.

Vetëvrasja
Kurrë e Justifikueshme | 669 | 66.9
| 2 | 146 | 14.6
| 3 | 82 | 8.2
| 4 | 36 | 3.6
| 5 | 19 | 1.9
| 6 | 10 | 1.0
| 7 | 8 | .8
| 8 | 5 | .5
| 9 | 4 | .4
Gjithnjë e Justifikueshme | 4 | .4
| DK | 17 | 1.7
| Total | 1000 | 100.0



Të mos pajisesh me biletë gjatë transportit publik
Kurrë e Justifikueshme| 459 | 45.9
| 2 | 183 | 18.3
| 3 | 126 | 12.6
| 4 | 85 | 8.5
| 5 | 57 | 5.7
| 6 | 22 | 2.2
| 7 | 20 | 2.0
| 8 | 6 | .6
| 9 | 6 | .6
Gjithnjë e Justifikueshme | 8 | .8
| DK | 28 | 2.8
| Total | 1000 | 100.0


Qëndrimi ndaj Homoseksualitetit
Kurrë i Justifikueshëm | 773 | 77.3
| 2 | 75 | 7.5
| 3 | 38 | 3.8
| 4 | 28 | 2.8
| 5 | 18 | 1.8
| 6 | 6 | .6
| 7 | 5 | .5
| 8 | 6 | .6
| 9 | 4 | .4
Gjithnjë i justifik. | 2 | .2
| DK | 45 | 4.5
| Total | 1000 | 100.0

Marre nga Shekulli
------------------------------------
----------------------------------------
Oj sharki e lehte si era , a ka ardhur en Shqiperi rpanvera?