Permbytjet ne Shkoder, nisi verifikimi i demeve

[Kasumi]

Dhashte zoti qe kjo situate te tejkalohet dhe tu dilet ne ndihme ketyre hallegjinjeve dhe per kete duhet te mobilizohemi te gjithe ne qe ndjehemi shqiptar duhet te ndiqet shembulli Podujeves dhe Gjakoves por duhet te organizohet edhe diaspora

[juanito02]

o mehilli a po ndihmoni njata njerez se po vdesin po lene ramen
se njat pune bani dhe ju si puna e tij
aj shan qeverine
ju shani opoziten
po te shkretit njerez kush po i ndihmon

Po kshu po bon kjo qeveria jone humb maksimumumin e energjive duke menu si luftohet Edi Rama dhe duke luftuar deri te breket e tij la 10 mije veta me breke ne dore duke i shkaterru me pasuri e katandi.
Nuk pati kohe te mendonte si te mos ndoshte gjithe kjo. Shkoi dhe ja la gjith importin e energjise nje kompanie sllave prej Cekie qe lun pallen si ti doje ajo duke blere ku i intereson dhe duke lene plot liqenet tone.
Aq te shitur jane sa sja kan vene ne kontrate ketyre cekeve qe po pati keshi energji ka prioritet ta marre nga ai.
E mbaj sala plot liqenet kur i erdhi veza ne culo oburra hapni portat e 3 liqeneve njehersh dhe mjere mytu o nenshkoder.
Qeveri qafire qe te vdes e te thote tu qesh mos ki merak se varrimin do ta boj me gjithe nderet.

[mesuesi_1]

Po kshu po bon kjo qeveria jone humb maksimumumin e energjive duke menu si luftohet Edi Rama dhe duke luftuar deri te breket e tij la 10 mije veta me breke ne dore duke i shkaterru me pasuri e katandi.
Nuk pati kohe te mendonte si te mos ndoshte gjithe kjo. .

mos e ke gje fjalen per qeverine maqedonese zotrote ?????!!!!!

c'faj kane antikomunistat se maqedonesit hapin portat e hidrocentralit, o i mbytur ne ligesire !!!

Hapen portat në Maqedoni, përmbytje në Gjoricë
» Vendosur: 08/01/2010 - 08:54

BULQIZE - Si të mos mjaftonte tërmeti i 6 shtatorit për banorët e fshatrave të Gjoricës në rrethin e Bulqizës, dje situata është rënduar edhe për shkak të prurjeve të lumit Drin. Situata hidrike është njësoj problematike edhe në territorin e Maqedonisë, prej nga rrjedh Drini i Zi, një nga furnizuesit kryesorë të kaskadës së Drinit. Burime pranë shtabit të emergjencave civile të Prefekturës Dibër pohojnë se autoritetet maqedonase kanë hapur gjatë natës së të mërkurës portat e hidrocentralit të Spilesë në Dibër të Madhe, duke rritur nivelin e lumit si asnjëherë tjetër dhe duke vënë seriozisht në rrezik përmbytjeje edhe fshatin Gjoricë, qendër e kësaj komune këtej kufirit. Ekspertë të emergjencave civile, të prefekturës, këshillit të Qarkut, Prefekturës Dibër dhe të komunës Gjoricë po verifikojnë në vend situatën.tp://www.panorama.com.al/index.php?id=36884

[Kavir]

...Mjerimi ka këtë të mirë, që e zë për fyti miletin dhe ia sjell mëntë në kokë me pahir,në qoftë se s`ia nxjerr shpirtin. Dhëntë Zoti që tërmetet e Vlorës e të Korçës t`ia shkundin kokën miletit tonë të fjetur, ta sqojnë nga lethargjia, t`ia çelin sytë e të shikonjë në ç`greminë po baret me kusarët që ka mi kokë si qeveritarë.
....Presim që përmbytja të t`i sqojë energjitë e fjetura e të të bënjë luan siç ke qenë.
Në daç mos u bënj. Po ahere gatitu të vdeç. Shtrihu mi gërmadhat e tërmeteve kombëtare dhe mos u ngrer më e mos e çel gojën, veç për të belbëzuar: "Rroftë Sulltan Kokudhi, Shpëtimtar i Atdheut".

Fan Noli. Boston,26 shkurt 1931.

[gjirfabe]

Prof. Vedat Shehu: Paniku i digave, i panevojshëm.

08 January 2010


Këtu keni një korrespondence të Prof. Dr. Inxh. Vedat Shehu me Prof. Lirim Hoxha. Duke parë interesin e subjektit po ua vëmë në dispoozicion lexuesve të FSH.

Nga Prof. Dr. Eng. Vedat Shehu


Ne nje mesazh interneti me erdhi fjalimi dhe perpjekjet e Berishes ne Dajc te Shkodres per te larguar apo shperngulur familjet nga rreziku qe kanoset nga digat.

Me erdhi per te qeshur me vete per panikun e panevojshem.

Digat jane plotesisht te sigurta, po te zotrohet dhe te zbatohet rregullorja e mirembajtjes dhe regjimit te liqenit.

Cdo dige ka nje mbingritje. Kjo mbingritje eshte kalkuluar per te perballuar prurje ujerash te befasishme maramendese me probabilitet qe te ndodhin nje here ne 3000 vjet (apo aksidentalisht nga ndonje rreshqitje befasuese - jashte mundesise se diktimit nga specialistet- ne fakt e pamundur). Pavaresisht nga mbingritja liqeni i hidrocentralit ka grafikun e regjimit qe nuk duhet te lejoje qe te tejkalohet niveli kritike d.m.th niveli maksimal i lejueshem mbi piken kritike.

Ky rast rreshjesh te jashtezakonshme ka sjell permbytjen e zonave te uleta, pavaresisht nga shkarkimi i tepruar nepermjet portave te digave (?). Mendoj qe permbytja eshte vene nen-kontroll. Liqenet mund te mbajne nivele mbi normen e lejuar pa probleme (Fierza qe eshte dhe Liqeni me i madh nuk duhet te shkarkoje fare ujera sepse ka mbingritjen me te madhe, dhe kushte te favorshme per te ruajtur ne menyre absolute qendrueshmerine.

Komani, besoj se e ke pare, kot quhet liqen. Eshte liqen brenda lugines kanion, me rezerva minimale uji, qe edhe po te shkarkohet nuk sjell ndnje pasoje te dukshme ne liqenin e Vaut te Dejes.

Paniku me duket se behet nga njerez idiote dhe nga njerez qe kerkojne destabilizim.

Keto mund tia çosh ndonje te njohuri, per te qetsuar njerezit me garancira teknike e shkencore .

Berisha eshte trullosurt, me shume akoma rivali i tij.


Perqafime

Vedati.

Best Wishes,

[juanito02]

mos e ke gje fjalen per qeverine maqedonese zotrote ?????!!!!!

c'faj kane antikomunistat se maqedonesit hapin portat e hidrocentralit, o i mbytur ne ligesire !!!

Popo o dopjo plebe i Salise permbytjen na e solli rrethimi imperialisto revizionist.
E gjetet dhe kete radhe armikun e jashtem per te justifikuar deshtimet e brendeshme.

[mesuesi_1]

Popo o dopjo plebe i Salise permbytjen na e solli rrethimi imperialisto revizionist.
E gjetet dhe kete radhe armikun e jashtem per te justifikuar deshtimet e brendeshme.

degjo o i paditur!! kur ata miqte e tu makedonas te hapin 7 porta te hidrocentralit ne Diber pernjeheresh me c'fare do ta presesh ujin ti ?? me garuzhden e gjelles apo me c'fare??!!

edhe malet e kuptojne se kjo strategji eshte per te permbysur jo thjesht qeverine aktuale por per te permbytur pergjithmone shpresat e popullit .... e gjitha kjo ne koincidence me politikat Edveriane

po ti paguhesh mire dhe nuk te intereson ta pranosh

[juanito02]

degjo o i paditur!! kur ata miqte e tu makedonas te hapin 7 porta te hidrocentralit ne Diber pernjeheresh me c'fare do ta presesh ujin ti ?? me garuzhden e gjelles apo me c'fare??!!

edhe malet e kuptojne se kjo strategji eshte per te permbysur jo thjesht qeverine aktuale por per te permbytur pergjithmone shpresat e popullit.

po ti paguhesh mire dhe nuk te intereson ta pranosh

Ja mesoje se ca ka ndodhur dhe mos mbulo diellin me shoshe.
Dhe meqe je mesues mesoja dhe nxenesve.


Katastrofa e ndodhur në Lezhë dhe Shkodër është përgjegjësi direkt e qeverisë së kryeministrit Berisha dhe ministrit të Energjisë, Dritan Prifti. Burime pranë gazetës thonë se këta të fundit kanë qenë në dijeni të situatës që prej fillimit të muajit dhjetor. Pavarësisht kësaj, ata jo vetëm që nuk kanë urdhëruar shkarkimin e ujërave nga Fierza, por kanë vazhduar që të importojnë energji. Gjë që do të thotë se miliona euro të taksapaguesve shqiptarë janë shpërdoruar me vetëdije, për të mos thënë vjedhur, nga ana e qeverisë shqiptare. Këto burime thonë se, në fillim të muajit dhjetor, Fierza ka qenë mbi 17 metër më shumë se se sa një vit më parë, shifër që paralajmëronte për një rrezik të qenësishëm për përmbytje. Edhe pse në këto kuota të larta, KESH nuk ndërmori asnjë masë parandaluese. As nuk rriti prodhimin dhe as tentoi të bënte shkarkimet. Prodhimi në dhjetor ishte mesatarisht 18 deri në 20 milionë kë/orë në ditë, ose 8-10 milionë kë/orë më pak nga kapaciteti maksimal. Është i çuditshëm fakti që OSSH importonte mesatarisht 10 milionë kë/orë energji në ditë, energji që mund të ishte blerë në vend nga KESH-i. Por, një gjë e tillë nuk ka ndodhur. Për pasojë në javën e fundit të dhjetorit situata doli jashtë kontrollit. Në 26 dhjetor Fierza arriti 289.3 metra dhe në datën 27 dhjetor kaloi nivelin e sigurisë së lejuar nga rregullorja e shkarkimit, duke arritur në mbi 290.3 metër. Edhe pse tashmë të dhënat me gjasa të çonin drejt katastrofës së janarit, KESH importonte energji nga Kosova përgjatë shumicës dërrmuese të muajit dhjetor. Sipas të dhënave të konfirmuara nga Koorporata Energjetike e Kosovës, në dhjetor u importuan nga Kosova gati 20 milionë kë/orë, me vlerë mbi 1.2 milionë euro. Para këto të çuara dëm, pasi kaskada u hap, duke shkarkuar rezervat hidrike të tejmbushura. Kur përmbytja kishte nisur në Shkodër dhe Lezhë, qeveria u mundua të justifikohet me prurjet e larta të reshjeve. Por, të dhënat tregojnë se prurjet në vitin 2009 kanë qenë më të ulëta se viti 2008. Specialistët thonë se prurjet e këtij viti janë më të ulëta se sa kur ndodhën përmbytjet në vitet 1995 dhe 1963. Përtej deklaratave qetësuese dhe kërkimit të dënimit të personave që thonë se situata është dramatike, kryeministri Berisha duhet të shprehet publikisht për dijeninë që ka pasur për situatën. Jo më kot ai paralajmëronte katastrofë disa ditë më parë. Ekspertë dhe specialistë ndërkohë thonë se prokuroria duhet të nisë menjëherë hetimet, për shkeljet flagrante të konstatuara. Një gjë e tillë ka pak gjasa të ndodhë, pasi edhe pse ka më shumë se tetët ditë që kanë nisur përmbytjet në Lezhë dhe Shkodër, prokuroria nuk ka marrë asnjë veprim hetimor.

[njemik]

Kryeministri Berisha lufton kunder permbytjes, kunder forcave te natyres ndaj opozita duhet ta ler te lire te punoj se nuk eshte e lehte te luftosh kunder natyres.



Duke folur për përmbytjen e Lezhës, Berisha tha ne mbledhjen e qeverise se mund te kete ndikuar edhe eklipsi i henes.

"Ulza dhe Shkopeti janë në shkarkim. Këto hidrocentrale vazhdojnë shkarkimin, por, siç keni konstatuar dhe ju, argjinatura ka funksionuar shumë mirë dhe në rrethin e Kurbinit dhe të Lezhës. Nëse përpara nga Drini dhe Mati përmbyteshin me mijëra hektarë, ne kësaj here përmbytje kemi pasur vetëm nga ajo dallgë e fuqishme e detit. Se çfarë qe ajo, nuk u mor vesh qartë. Nuk mund ta them dot, nëse ishte një stuhi e madhe, ngrohje globale apo pati lidhje me eklipsin, pasi pozicioni i hënës ndikon në lëvizjen e ujërave të detit, por ka qenë jashtëzakonisht e madhe. Ka qenë më e fuqishme në Greqi, ku ka krijuar shumë probleme. Ne nuk kemi territore të përmbytura në rrethin e Kurbinit dhe të Lezhës. Kanë funksionuar shumë mirë investimet e bëra", - tha Berisha.

http://keshilliministrave.al/

[OPARI]

K/Ministri urdhëroi mosderdhjen e Fierzës, duhej shitur energji

| 09/01/2010 | Lajm i fundit

Ekspertët: Nëse kryeministri nuk do të kishte urdhëruar mbylljen e turbinave dhe mos hapjen e portave, atëherë situata do të kishte qenë shumë më normale


Kaosi në kaskadën e Drinit dhe përmbytjet në zonën e Shkodrës kanë ardhur si pasojë e veprimeve të papërgjegjshme të kreut të ekzekutivit, i cili ka kërkuar depozitimin e ujit për të pasur një rezervë sa më të mirë energjetike.


Ekspertë të ndryshëm i kanë raportuar situatën kreut të ekzekutivit Sali Berisha, por ky i fundit i ka kërkuar që të ruajnë rezervat hidrike në nivele të larta.


Kjo është pohuar nga një numër i madh punonjësish të KESH-it dhe Ministrisë së Energjetikës, emrat e të cilëve nuk mund të bëhen publikë nga gazeta për faktin se iu rrezikohet vendi i punës.


Ata janë njerëzit që kanë raportuar në mënyrë periodike situatën hidrike në vend, sidomos gjatë muajit dhjetor kur ajo ka parë përkeqësim por kjo gjë është lënë në harresë nga kryeministri, i cili kishte vetëm një qëllim, rritjen e rezervës energjetike.


Edhe ish-kreu i KESH-it, Farudin Hoxha, ka pohuar dy ditë më parë se politika ka ndërhyrë në këtë situatë duke e përkeqësuar por ai nuk ka pranuar që të tregojë emrat e politikanëve që kanë ndikuar.


"Disa shkarkime të bëheshin edhe më parë por ndikimi i tyre nuk është kaq katastrofik. Por ajo që është më e rëndë janë urdhrat që lëshohen nga njerëzit e politikës dhe të ekzekutivit për të ndaluar apo dhe shtuar shkarkimet në kaskadën e Drinit.


Ndërkohë që për shkarkimet në kaskadën e Drinit ka një rregullore dhe në këtë rast duhet të veprohet në përpikëri të lartë të zbatimit të saj. Ndaj dhe apeli im është që tu lihet në dorë specialistëve dhe teknikëve për vendosjen e hapjes apo mbylljes së portave, të cilët ligj të vetëm kanë zbatimin e kësaj rregulloreje",- tha Farudin Hoxha.


Rregullorja për shkarkimin e plotave në HEC-et e Fierzës, Komanit dhe Vaut të Dejës përcakton shumë qartë veprimet që duhen të ndërmerren në këto raste.


Sipas saj, në muajt janar dhe shkurt kuota e HEC-it të Fierzës nuk duhet të kalojë 290 metra; në mars duhet të jetë 292; nga prilli deri në shtator kuota mund të arrijë edhe 296 pasi nuk krijon probleme; në muajt tetor, nëntor dhe dhjetor kuota nuk duhet të kalojë 290 metra.


Ekspertët e institucioneve i kanë raportuar kryeministrit situatën duke i shpjeguar edhe rregulloren por përgjigjja që kanë marrë prej tij është se duhet të ruajnë nivele te larta uji per te prodhuar ne maksimum energji elektrike.


Situata ka qenë alarmante që më datë një dhjetor kur kuota e liqenit të Fierzës ka arritur në 286 metra. Brenda pak ditëve niveli i ujit ka shkuar 290 metra (më 25 dhjetor) për të arritur 293 më 27 dhjetor.


Në këtë pikë qeveria nuk mund të bënte asgjë përveçse të hapte portat dhe të përmbyste mijëra familjet e zonës së nën Shkodrës.


Eshte e qarte edhe per nje joteknik te fushes se nëse nuk do të kishte urdhëruar kryeministri mbylljen e turbinave dhe mos hapjen e portave, atëherë situata do të kishte qenë shumë më normale.


Niveli i Fierzës do ishte mbajtur nën kontroll dhe përmbytjet nuk do të kishin ndodhur. Sipas tyre, gjithçka është bërë për të pasur sa më shumë energji në dispozicion dhe për të kryer eksportin e saj.




*****************

Kryeministri i vendit dha alarmin per nje mundesi "katastrofe" sic e quajti ai, kater dite me pare, duke perseritur disa here qe "jemi ne prag katastrofe". Por dje, z.Berisha i quajti te "pamoralshem" ata qe kane perhapur keto dite panik. Me poshte eshte nje seance pyetje-pergjigjesh me kreun e egzekutivit:


Zoti Kryeministër, opozita ju akuzon se qeveria po merr përsipër dëmshpërblimet, pasi ajo është fajtore për situatën e krijuar?


Kjo është një qeveri demokratike. Për këtë qeveri, siguria e qytetarëve është e para. Çfarëdo që t'u ndodhë qytetarëve shqiptarë, cilado që të jetë fatkeqësia

[juanito02]

QUOTE
Duke folur për përmbytjen e Lezhës, Berisha tha ne mbledhjen e qeverise se mund te kete ndikuar edhe eklipsi i henes.

"Ulza dhe Shkopeti janë në shkarkim. Këto hidrocentrale vazhdojnë shkarkimin, por, siç keni konstatuar dhe ju, argjinatura ka funksionuar shumë mirë dhe në rrethin e Kurbinit dhe të Lezhës. Nëse përpara nga Drini dhe Mati përmbyteshin me mijëra hektarë, ne kësaj here përmbytje kemi pasur vetëm nga ajo dallgë e fuqishme e detit. Se çfarë qe ajo, nuk u mor vesh qartë. Nuk mund ta them dot, nëse ishte një stuhi e madhe, ngrohje globale apo pati lidhje me eklipsin, pasi pozicioni i hënës ndikon në lëvizjen e ujërave të detit, por ka qenë jashtëzakonisht e madhe. Ka qenë më e fuqishme në Greqi, ku ka krijuar shumë probleme. Ne nuk kemi territore të përmbytura në rrethin e Kurbinit dhe të Lezhës. Kanë funksionuar shumë mirë investimet e bëra", - tha Berisha.
UNQUOTE


Eh medet ju jeni nga i pari te i fundit tralala zura nje gale.
Doli hena prapa malit
qe ti jape uje Sali kalit
Ja kete po thua ti njemik
Pash nje video dje nga nje bisede ne news24 ku perfaqesuesi pd mesues letersie po na tregonte se po te mos ishte argjinatura ne lezhe uji detit do te mbushte ne 2 metra zonen.
Hajde idjot hajde
Uji detit shkoi sa desh aty se e kaperceu argjinaturen 20 cm qe kishte ngelur.
Po te qe per 2 metra do ishte permbytur trecereku botes jo vetem lezha.
Uji i detit eshte problem i madh se eshte rritur 1 cm aktualisht ne bote ky na thote 2 metra.
Ja ca niveli dru me pre jane pushtaret e sotem.
Eh Shqipni e mjera shqipni
Llumin e llumit e ke qeveri.

[davidd]

Kakavijë, 9 janar, NOA – Rreth 40 automjete ushtarake të Aleancës së Atlantikut janë duke mbërritur në pikën kufitare të Kakavijës për t’u futur në territorin shqiptar, me qëllim dhënien e ndihmës ndaj qytetarëve në nevojë në zonat e përmbytura.

Bëhet me dijeni se automjetet në fjalë do të shërbejnë në të njëjtën kohë edhe si mjete ndërhyrëse në kuadrin e përmbytjeve në veri të vendit.

Ndërkohë, që ato përmbajnë edhe materiale ushqimore për t’u ardhur në ndihmë kështu nevojave të të përmbyturve në Shkodër dhe Lezhë.

Automjetet e NATO-s kanë mbërritur pas një ftese të bërë nga autoritetet e qeverisë shqiptare për të dhënë kontributin e tyre në kuadrin e përmbytjeve të mëdha në veri të vendit.

Ndërkaq, ajo u ka bërë thirrje edhe fqinjëve ta ndihmojnë siç është rasti i Maqedonisë, së cilës i ka kërkuar që të mos lejojë më tej derdhjen e ujërave të Drinit.

n.e/NOA

[davidd]

miku njehet ne dite te veshtira

[davidd]

TIRANE- Vendet anëtarë të NATO- s dhe Qendra e Emergjencave Europiane (MIC-ut) kanë nisur dërgimin e ndihmave ushqimore dhe materiale në zonat e përmbytura në veri të Shqipërisë, kryesisht në qarkun e Shkodrës. Mësohet se rreth 40 mjete të NATO-s po futen nga Kakavija ndërkohë që janë parashikuar dhe një sërë ndihmash të tjera logjistike dhe ushqimore.

- Ndihmat erdhën pas apelit të Komitetit Ndërministror nëpërmjet Drejtorisë të Përgjithshme të Emergjencave Civile. Ministria e Brendshme nëpërmjet një informacioni për shtyp njofton se “ Deri sot nga kontaktet me EADRCC dhe ato bilaterale kanë ofruar ndihmë këto vende: Italia – Helikopterë tip ACH 47 me kapacitet transporti 37 trupa. Sllovenia – 13 Gjeneratorë (GNR), Austria – 8 Gjeneratorë (GNR), Greqia – 2 ekipe zjarrfikësish me një personel prej 29 vetë, 4 makina, se bashku me pajisjet, 2 varka me motore, 7 pomps të fuqishme; Italia – 12 autobote, pompa, varka, tenda, gjeneratorë, ushqime, medikamente dhe veshje; Franca – 12 pompa dhe 8 gjeneratore; Moldavia – Ushqime dhe medikamente mjekësore.

Mësohet se po sot do të mbërrijnë nga Italia dy helikopterët me ndihma në medikamente mjekësore. Gjithashtu sot mbërrijnë në pikën kufitare në Kakavijë ekipet greke. Këto mjete do të shoqërohen gjatë gjithë rrugës për në Shkodër nga një ekip zjarrfikësish të stacionit të PMNZSH-së të Gjirokastrës dhe nga një patrullë policisë rrugore.

Ministria e Brendshme bënë të ditur se vazhdojnë kontaktet me vendet e tjera për sigurimin kryesisht të ndihmave në paisje.
(s.g/Balkanweb)

[davidd]

Kuvendi i Shqipërisë duhet të vërë në dispozicion fondin e pagave të deputetëve të opozitës për banorët e goditur nga përmbytjet. Deputeti Alfred Dalipi propozoi dje që i gjithë fondi i grumbulluar rezervë për shkak të bojkotit të deputetëve të Partisë Socialiste të kalojë në ndihmë të atyre që janë në nevojë.

Dalipi
Kryetarja e Kuvendit, Jozefina Topalli, duhet urgjentisht që këtë kontribut ta legalizojë dhe ta çojë atje ku njerëzit kanë nevojë
“Ky të jetë kontributi ynë i parë. Kryetarja e Kuvendit, Jozefina Topalli, duhet urgjentisht që këtë kontribut ta legalizojë dhe ta çojë atje ku njerëzit kanë nevojë”, u shpreh Dalipi. Sipas tij, Topalli duhet të tregojë ku i ka 650 milionë dhe t’ua çojë këtë kontribut atyre që po kalojnë momentet e vështira.

“Ata janë sot atje në mes të fatkeqësisë për shkak të keqqeverisjes”, konstatoi Dalipi. Deputeti socialist shkon më tej teksa thotë se “me këtë që ndodhi, çdo fatkeqësi për faj të keqqeverisjes nuk duhet të paguhet nga taksat e shqiptarëve, por të krijohet një kulturë ku faturën ta marrë fajtori, pra Dritan Prifti dhe Sali Berisha në rastin konkret”. Dalipi tha se Gërdeci, Kalimashi dhe përmbytja e fundit përbëjnë fatura njerëzore dhe të identifikuara.

“Në rastin e parë fajtori mban emrin Fatmir Mediu, në rastin e dytë Olldashi dhe Basha, ndërsa rasti i tretë Prifti dhe Berisha”, nënvizoi Dalipi. Në vlerësimin e tij, një pushtet i paligjshëm mund të prodhojë fatkeqësi njëra pas tjetrës. “Do të vazhdojmë të themi se pushteti i paligjshëm prodhon fatkeqësi”, u shpreh Dalipi. Partia Socialiste numëron 64 deputetë në grupin parlamentar, të gjithë të zgjedhur nga votimet e 28 qershorit 2009.

Këta ligjvënës nuk kanë frekuentuar Parlamentin për asnjë seancë ndryshe nga deputetët e tjerë që kryen ceremoninë e betimit më 7 shtator. Sipas interpretimeve që i janë bërë deri më tani ligjit, është deklaruar se deputetët e PS që nuk janë betuar nuk mund të përfitojnë pagën e tyre. Më 7 janar u bënë plot katër muaj nga fillimi i mandatit të Kuvendit. Po kaq muaj deputetët nuk i kanë tërhequr pagat e tyre, duke krijuar një fond rezervë brenda buxhetit të Kuvendit.
//shqip//

[DYDRINAS]

Pavarësisht kësaj, ata jo vetëm që nuk kanë urdhëruar shkarkimin e ujërave nga Fierza, por kanë vazhduar që të importojnë energji.
...
Prodhimi në dhjetor ishte mesatarisht 18 deri në 20 milionë kë/orë në ditë, ose 8-10 milionë kë/orë më pak nga kapaciteti maksimal. Është i çuditshëm fakti që OSSH importonte mesatarisht 10 milionë kë/orë energji në ditë, energji që mund të ishte blerë në vend nga KESH-i.

...KESH importonte energji nga Kosova përgjatë shumicës dërrmuese të muajit dhjetor. Sipas të dhënave të konfirmuara nga Koorporata Energjetike e Kosovës, në dhjetor u importuan nga Kosova gati 20 milionë kë/orë, me vlerë mbi 1.2 milionë euro. Para këto të çuara dëm, pasi kaskada u hap, duke shkarkuar rezervat hidrike të tejmbushura...

Une nuk e di se cila gazete e ka shkruar kete lajm, por duhet te flitet qarte dhe drejte.

OSSH eshte nje sherbim privat, ai nuk eshte KESH dhe si i tille ai blen energjine dhe nuk eshte KESH dhe qeveria shqiptare qe blejne energji, qe pas privatizimit.
KESH eshte prodhues dhe shites i energjise!
OSSH nga ana tjeter ka te lidhura kontratat me burime te ndryshme furnizimi me energji, nje nder te cilat eshte dhe KESH.

Prandaj une nuk ju besoj kurre gazetave e gazetareve shqiptare!

OSSH eshte privatizuar:

http://www.cez.cz/en/cez-group/media/press-releases/2357.html

[Explorer]

Permbytje eshte nje fatkeqesi natyrore qe mund ti ndodhe çdokujt!

Opozita sataniste me ne krye me satanin Edwin Kristaqos Ramos po e shfrytezojne lirine demokratike te cilen e pru

partia e z.Sali Berishes (PD) qe te flasin e te pellasin sa tu doje pika e qejfit. Sikur te ishte edwin m...ti ne pozite, Sali

Berisha nuk do ta kishte te njejeten liri te shprehjes.

Vampiret e PS-se, ua tejkalojne edhe vampireve. Nuk u fryne me gjakun e popullit. Nuk lane gje pa e politizuar. Po e

politizojne edhe kete fatkeqesi. T'ju them"turp te kene", nuk po ju them sepse turpi eshte njerezor, keta vampire-

sataniste nuk jane njerez.

[mesuesi_1]

Deklaron komisari italian për digat, Guercio: Gjendja e digave në HEC-et shqiptare, plotësisht e sigurtë

09-01-2010 / Gazeta 55

Komisari i Italisë për digat, Roberto Guercio, i dërguar në Shqipëri pas situatës kritike të krijuar nga përmbytjet, e konsideron absolutisht të sigurtë gjendjen në digat e hidrocentraleve shqiptare.
Në një intervistë televizive, Guercio theksoi se shkarkimet nga hidroçentrali i Fierzës janë bërë në kohën e duhur e sipas modaliteteve që kërkonte situata e krijuar si rezultat i shkrirjes së dëborës në ditët e fundit të dhjetorit.
“Situata e jashtëzakonshme ka ardhur për shkak të shkrirjes së menjëhreshme të dëborës në fund të dhjetorit. Është bërë gjithçka që mund të bëhej në këtë situatë. Gjendja në diga është absolutisht e sigurtë dhe për fat të mirë në male nuk ka dëborë dhe niveli i ujit është duke rënë dalëngadalë në nivelet normale”, u shpreh Guercio.
Ndërsa theksoi se ka nisur puna për organizimin e një sistemi parashikimi më të mrië të motit për të evituar situata të tilla, komisari italian tha se teknikët shqiptarë kanë qenë në nivelin e situatës dhe kanë treguar profesionaliet të lartë.
Edhe pse përjashtoi kategorikisht çdo rrezik për carje të digave, Guercio tha se digat në hidrocentralet shqiptare kanë nevojë për ndërhyrje, sipas tij jo për efekte sigurie por për përmirësime të nevojshme.
I pyetur për gjendjen e portës 3 të hidroçentralit të Fierzës, e cila nuk është funksionale, komisari italian u shpreh se aktualisht gjendja në Fierzë është nën kontroll, niveli i ujit ka rënë dhe si rezultat nuk është e nevojshme hapja e kësaj porte.
Duke bërë një parashikim të situatës në vazhdim, Guercio tha se do të duhet rreth një muaj kohë që shkodranët ti rikthehen jetës normale.
“Kemi parashikimme rreshjesh edhe për ditët në vazhdim, por ne po organizojmë si për të ndihmjuar popullatën por edhe për të ofruar ndihmë teknike në mënyrë që situata të përballohet. Duhet të hapen kanale për ujërat dhe të ndërtohen hidrovore për largimin e ujit”, theksoi Komisari italian për digat

[juanito02]

Po zoti msus ashtu ka thene.
Po kto fjale tregojne thjesht qe ska carje digash e cunam per njerezit.
Shyqyr qe eshte keshtu.
Po permbytjes si tja bejme ky eshte problemi gjendjes se jashtzakonshme.

[DYDRINAS]

Është administrata ajo që po përmbyt Shqipërinë!

» Dërguar më: 09/01/2010 - 14:50

Kiço Blushi

Në këto ditë paniku, kur nuk dihet se si do të vejë halli i veriorëve, nëse do të përmbytemi si në një cunam të papërballueshëm apo jo, nëse do të çahen digat apo jo, nëse do të evakuohen njerëzit dhe bagëtitë apo jo, nëse do të ketë dëme të pashmangshme në njerëz apo jo, nëse do të hapen portat e shkarkimit apo jo, nëse do të ketë rreshje të tjera apo jo, nëse do të shpërblehen të dëmtuarit apo jo, nëse do të vijnë specialistë të huaj që të na shpëtojnë apo jo, nëse...nëse...Por askush nuk po e vret mendjen në këto ditë të kijametit të thotë një gjë fare të thjeshtë: kush është fajtori i vërtetë? Është fajtor moti, është “ngrohja globale”, janë shirat dhe dëbora, apo mos është keqadministrimi i vendit, në këtë rast i hidroçentraleve?
Madje edhe opozita, për të mos u “kriminalizuar” del e thotë se hë për hë nuk ka rëndësi se kush është fajtor, por vetëm të “shpëtohen njerëzit”! Ndërkohë jo vetëm Shkodra, po edhe Tropoja u izolua! Tropoja e Berishës u izolua kësaj here nga pjesa tjetër e Shqipërisë jo nga krimet dhe nga përçarjet, por se ura në Fierzë që e lidh atë me Shqipërinë po rrezikohet të shëmbet!...Por edhe Shkodra po izolohet! I tërë veriu ka rënë në një cunam të paparë, të frikshëm e të papashikueshëm! Diku janë bllokuar rrugët, diku janë prishur urat, diku janë shëmbur shtyllat e tensionit të lartë...Vetë fakti që autoritetet e larta të vendit, duke nisur që nga kryeministri e më poshtë po bëjnë orë e çast thirrje për evakuim, për largim, për braktisje sa më të shpejtë të shtëpive e të tokave, pavarësisht nga niveli i shirave, tregon se përmbytjet mbeten një rrezik real e potencial, jo dhe aq nga shirat, po nga “hapja e detyrueshme e portave të digave” të hidroçentraleve!
Përmbytjet pra do të shkaktohen edhe në ditët që do të vijnë nga “shkarkimi i detyrueshëm i ujrave”...”Na vjen keq shumë,- na tha kryeministri, - por ne do të dërgojmë ushqime, do të bëjmë”....do të bëhen madje edhe dëmshpërblime një për një...! Dëmshpërblim po, por përse, për faj të natyrës apo për faj të gabimit njerëzor? Nëse ka faj natyra, nëse nuk është përgjegjëse “ngrohja globale”, pra nëse sivjet kanë rënë më shumë shira se çdo vit (dhe kjo mund të verifikohet kollaj!), atëhere dëmshpërblimi është detyrim i gjithë shoqërisë, por nëse dëmi është shkaktuar nga keqadministrimi, nga një “gabim njerëzor” (si psh në Gërdec), atëhere përse duhet të paguajë shoqëria, pa e “paguar” më së pari ai/ata që e kanë shkaktuar këtë dëm, apo edhe krim të pashëmbullt?
Pikërisht këto ditë Presidenti Obama doli e tha që për kalimin e një terroristi në avion, “përgjegjësia është imja, si president që ka për detyrë sigurinë kombëtare”...A thua se Presidenti duhej të ishte një kontrollor në pikën hyrëse...Kurse tek ne askush nuk merr përgjegjësi, jo vetëm kur hidhet në erë një shtet i tërë, si në vitin 1997, as kur hidhet një krahinë e tërë si në Gërdec, por as edhe kur hapen me urdhër (nga lart) portat e hidroçentraleve dhe përmbyten me mijëra hektarë tokë, mijëra shtëpi e qindra njerëz të pafajshëm!
Por kjo, pra përmbytja nga hapja e portave, në fund të fundit “qënka në të mirë të shqiptarëve!”, kështu doli e na kumtoi solemnisht kryeministri, administratori numur një i vendit! Që po përmbytemi nuk është dhe aq keq, përkundrazi, kjo është në të mirën tonë, se përndryshe mund të na ndodhte ndonjë katastrofë e paparë...!Kjo logjikë po drejton të gjithë administratën dhe propagandën qeveritare! Në fund të fundit “situata po menazhohet me sukses dhe deri tani nuk ka viktima!”...Ky është një sukses tjetër i madh! Por kush ka dhënë urdhër që të mos bëhet shkarkimi i ujrave në kohë e me rregjim dhe pse nuk është zbatuar “bibla” e digave, dmth rregullorja; pra, pse nuk ka funksionuar komiteti për digat, gjë që automatikisht do të shmangte këtë katrahurë?
Askush nuk përgjigjet! E sigurt është që edhe kësaj here “fajtorët do të ikin në drejtim të paditur!” Do të shpërndahen ca ndihma, do të bëhen ca tendera, do të vidhen më vonë edhe ca para, do të shpërndahen ca “projekte”, do të çelen ca fonde nga buxheti, do të “menazhohen ca buxhete shtesë për hidrovore dhe për argjinatura”, do të ndreqen ca rrugë dhe ca ura, dhe...dhe më në fund të gjithë do të mbeten të kënaqur duke marrë nga një kockë! Harresa, ky balsam që e kemi dhuratë që nga koha e dushmanit, do të bëjë atë që ka bërë jetë e mot në këtë shoqëri! Kështu, shkodranët, lezhjanët, matjanët, kuksjanët, njëlloj si gërdecarët do të votojnë përsëri për komandantin, për gjeneralin, për Berishën dhe për Jozefinën!...
Por përmbytjet dhe fatkeqësitë nuk do të zhduken, pasi natyra përsëri do të na japë të tjetra mësim-pësim-ndëshkime të cilat nuk i shmang dot paraprakisht një shtet e aq më pak një shoqëri njerëzore e pavetëdijëshme dhe e papërgjegjshme si kjo e jona!...Duhet ta pranojmë, të paktën në këtë rast, se është një mjerim i vërtetë që ne shqiptarët nuk e paskemi aftësinë të nxjerrim mësime as nga historia e afërt, po as nga ndëshkimet e herë pas hershme që po na jep jo Zoti, po natyra, me të cilën ne jemi sjellë e po sillemi barbarisht! Mesa duket është natyra dhe jo ndërgjegja jonë ajo që po na ndëshkon për votën që dhamë qershorin e vitit të kaluar!
Apo mos kujton kush që të paktën kësaj here do të veprojë Prokuroria e Përgjithshme? Jo, se hetimi detyrimisht do të shkojë sërish në derën e Berishës! Dhe dihet që ky burrë fuqiplotë ka tashmë aq përvojë sa të mos ketë dhënë asnjë urdhër me shkrim, po vetëm me gojë, prandaj me siguri edhe kësaj here, në rast se do ta lypë nevoja të shpëlajë veten, ka për të djegur disa nëpunës të nivelit të mesëm, deri te niveli i drejtorëve, sikundër veproi në rastin e Gërdecit! Edhe këta, sikur të rrasen në burg, nuk do të guxojnë të hapin gojën e të thonë se me shkresa dhe me informacione kanë njoftuar disa herë jo vetëm ministrinë, po edhe kryeministrin!
***
Në këtë zallamahi biblike doli një grua e tha se nuk pranon të ikë nga shtëpia se ajo tashmë “është mësuar me përmbytje të tilla”...Pra, ajo (dhe natyrisht jo vetëm ajo është ambjentuar me fatkeqësitë dhe përmbytjet, të cilat përsëriten vit për vit), shpreson se edhe kjo përmbytje, pavarësisht se është më e rëndë se kurdoherë, do të kalojë...Padashje kjo grua ka shprehur atë që ndjejnë dhe përjetojnë të gjithë qytetarët shqiptarë, kudo që janë: AMBJENTIMIN tonë të kollajshëm me TË KEQEN! Sipas kësaj logjike ne sivjet jemi keq, por në diktaturë ama ishim akoma më keq! Sivjet ne u përmbytëm, por ama nesër do të bëhen diga në Bunë, nesër do të marrim viza, nesër do të dëmshpërblehemi.....nesër ... nesër....do të na vijë Berisha dhe zonja Jozefinë të cilët mund të kenë gabuar, por ama ata janë “demokratë”, sepse nuk shkojnë nëpër kazino e nëpër pabe të Greqisë kur ne përmbytemi, por vijnë dhe na qajnë hallin të veshur madje edhe me çizme!...
Kulmi i kulmeve kur, në këtë atmosferë kataklizmoje, del një korrespondent e raporton në mes të rrugës nacionale, në hyrje të Shkodrës së përmbytur tejembanë që të na bëjë me dije se shkodranët çuditërisht “tërë këtë atmosferë të përmbytjes po e kalojnë me humor!”...Madje, për ilustrim, sa kohë që korrespondenti po na jepte këtë “haber me humor”, u shfaqën të filmuar edhe disa banorë që ndërkohë po hidhnin grepat e peshkimit në Bunë...
Të jetë kjo një tjetër tallje me shkodranët (njëlloj si më 2 Prill) që tregon për të disatën herë se shkodranët me kulturë të lashtë do të mbeten sërish te niveli i barcaletave?!
***
Ndërkohë si një lajm i gëzuar dhe shpresëdhënës erdhi haberi që do të na mbërrijnë disa ekspertë nga Italia, madje edhe një nga Gjermania!...Shyqyr që do të na vijnë ekspertët e huaj që na kanë mësuar deri tash se si “duhet të zihet kosi”! Madje thirrje i qënka bërë për ndihmë edhe NATO-s! Por këta ekspertë, derisa të hapin hartat e të studjojnë projektet, derisa të shohin portat, të masin nivelin e ujërave, derisa të bëjnë parashikimet e motit dhe të prurjeve, pra derisa të na mësojnë se si mund të dalim nga kjo gjëndje katastrofike, me siguri ujërat do të kenë bërë hatanë e do të kenë mbaruar punë me përmbytjet...Pra, thirrja e ekspertëve të huaj, përveçse është pjesë e një propagande tjetër mashtruese, provon një të vërtetë të hidhur që ka dalë këto ditë: mënjanimi dhe përjashtimi në masë nga administrata i ekspertëve dhe specialistëve vendas!
Të gjitha qeveritë në këto njëzet vjet janë sjellë në mënyrë kriminale me administratën dhe sidomos me specialistët! Një punonjës i Kuvendit më tha këto ditë se në Kuvend të Shqipërisë tani flitet vetëm gegnisht, me nëndialektin e Jozefinës! Marrëveshja PD-LSI u bë publike me kusht që kjo parti të merrte 20 % të administratës në nivel vendi! Çdo parti që vjen në pushtet të parën gjë që bën (kjo është arma e tyre e vetme!) ndërron nga themelet administratën, që nga rojet e deri te shoferët! Në të gjitha dikasterët qëndrore dhe Bashkitë kryesore të Shqipërisë mosha mesatare rrezik nuk është më shumë se 25- 30 vjeç...Çupa e djem të rinj që lyejnë flokët me xhel dalin përditë nëpër ekrane si drejtorë të mëdhenj dhe si ekspertë të fjalës së fundit; ata kanë në dorë fatet e administrimit apo keqadministrimit të pasurisë kombëtare e fondeve publike! Të gjithë këta e dijnë një gjë fort mirë: që në atë post janë vënë nga kryetari, dhe jo nga aftësitë, as nga “masterat”...Aq më pak nga përkushtimi ndaj interesave kombëtare...Sa të ndërrojë pushteti, ata e dijnë që do të ikin, ndaj psikologjia e tyre është përkohëshmëria dhe pasiguria, militantizmi i verbër dhe lepepeqëria, ndaj: o burra, rrëmbe ç’të rrëmbesh!
Tashmë u bë mëse e qartë se ekspertët dhe specialistët nuk janë pyetur e nuk pyeten jo vetëm për çështjen e kufijve e të hidroçetraleve, as për çminimin dhe demontimin, as për kulturën dhe trashëgiminë kombëtare (deri aty sa Ministri i Kulturës nuk e di që I.Qemali është varrosur në Vlorë, dhe për më tepër edhe rektori i Vlorës guxon e kërkon heqjen e këtij emri të nderuar nga universiteti)...Niveli i dëshpërueshëm dhe shkatërrimtar i administratës tonë publike duket në gjykatat, në çpyllëzimet, në legalizimet e në kthimin e pronave, në mbrojtjen e lumenjve, në ndërtimet me dhe pa leje, në erozionet e letrat me vlerë, në dëmshpërblimet e të përndjekurve, në ndarjen e pasurisë kombëtare, në urbanizim, kanalizime, hidrovore, etj, pa përmendur nivelin e shkollave, spitaleve dhe ambulancave, që janë në gjëndje mjerane; të gjitha këto tregojnë se ne kemi një administratë publike jo vetëm të paaftë e të papërgjegjshme, por nga keqpërdorimi që i ka bërë dhe po i bën politika, shpesh edhe antikombëtare, pse jo edhe kriminale!...Kriminale jo vetëm që bëhet pjesë e vjedhjes dhe e abuzimeve me tendera dhe me rryshfete, po edhe me mbylljen e syve e të veshëve kur këtij vendi e këtij populli herë pas here i shkaktohen dëme të pallogaritshme, morale, monetare e materiale!
Duket si tepër e rëndë kjo që po them, por të heshtësh e të pajtohesh, dhe aq më keq, të guxosh e të dalësh në publik për të mbrojtur abuzime dhe krime si ai i Gërdecit, si rruga Durrës-Kukës apo edhe si kjo përmbytje e radhës, më e pakta që mund të thuash është: kjo administratë e quajtur “publike” është ajo që ka përmbytur sistematikisht dhe pa ndërprerje fatin e Shqipërisë dhe rrugën e saj drejt demokracisë funksionale! Tek e fundit është kjo administratë e korruptuar e pa pikë dinjiteti profesional, po edhe pa ndërgjegje kombëtare, që ka ngrënë dhe po ha si një lubi fondet e hidrovoreve, të rrugëve, të shkollave e që ka bërë miliona nga blerja dhe nga shitja e energjisë së hidroçentraleve, nga groposja e projekteve....e, më kryesorja, nga djerrëzimi i shpresës sonë për një shtet të së Drejtës!
Kjo i leverdis parisë së Tiranës. Këtë synim djallëzor, i cili e bën më të kollajtë, më jetëgjatë e më të sigurt pushtetërimin, krerët tanë “demokratë” e kanë kryer më së miri, prandaj kanë bërë dhe po bëjnë të pamundurën të largojnë e të përsëndyjnë ekspertët dhe specialistët tanë nga administrimi i pasurisë dhe i vlerave kombëtare! Për këtë mjafton të shihet jo vetëm si u shkrinë institutet shkencore dhe Akademia, por si u trajtua guximi qytetar i një specialisti ushtarak për kufirin tonë detar dhe si u quajt arkitekti i portave të hidroçentraleve nga kryeminstri: një “portjer”...!


gazeta shqiptare