Shërbimet Sekrete Serbe në Kosovë

[Kosovelli]

Dhe ju vendosët të pranonit drejtimin e Shërbimit Informativ. Po, a ishit ju
zoti Gazidede në atë kohë një ndër njerëzit besnikë të Presidentit Berisha?
Unë nuk e di se çfarë besimi kishte ai tek unë, sepse ai nuk më njihte
fare. Ai mund të kishte dëgjuar për mua ato që ishin folur, por unë besoj se zoti
Berisha, të gjithë bashkëpunëtorët e tij i ka zgjedhur, duke menduar se janë
njerëz që e bëjnë një punë të caktuar. Kjo nuk mund të krahasohet me atë që
erdhi pas meje në Shërbimin Informativ Kombëtar. Zoti Meidani që e zgjodhi
zotin Klosi si shef të SHIK-ut, e zgjodhi duke u nisur nga shoqëria shumë e
ngushtë që ata kishin gjatë punës në Shkencat e Natyrës. Këtë e di, sepse kam
qenë dhe unë atje.
Ju keni qenë kolegë me zotin Meidani dhe zotin Klosi?
Po, në një fakultet kemi punuar. Zoti Meidani, për shumë kohë ka qenë
dhe dekan i Fakultetit, ku unë kam qenë pedagog.
Zoti Gazidede, doja t‘ju bëja një pyetje që është përfolur shumë në fillim të
viteve ‘90, kur ju erdhët në krye të SHIK-ut. Në atë kohë ju keni qenë një anëtar i
Shoqatës së Intelektualëve Islamikë, nëse s‘gaboj. Të paktën kështu është thënë
nga shtypi. A ka ndikuar ky fakt në emërimin tuaj në krye të SHIK-ut?
Në radhë të parë, dua t‘ju shpjegoj se çfarë ishte kjo shoqatë. Unë kisha
disa miq që kishin njohuri të përgjithshme për fenë myslimane, ashtu siç
mendojnë se kisha dhe unë. Mund të përmend Bardhyl Ficon, mund të
përmend ndjesë pastë doktor Shefqet Ndroqin, mund të përmend kunatin e
Rexhep Meidanit, Doktor Bylykun. Së bashku me ta, me iniciativën e Bardhyl
Ficos krijuam një shoqatë të të ashtuquajturve intelektualë myslimanë. Kjo ka
qenë diku në prag të zgjedhjeve të ‘92. Qëllimi i kësaj shoqate ishte të mos të
lëmë të gjykojnë për fenë myslimane, në atë kohë, më vjen keq që e shpreh këtë
fjalë, injorantët. Në kuptimin që ishin njerëz të pashkolluar, ishin njerëz që
edhe fenë nuk e njihnin tamam. Ndërsa fetë e tjera kishin kuadro të përgatitur,
të shkolluar, myslimanët nuk kishin dhe aq. Kjo ishte ideja themelore. Unë
pastaj e pashë veten në një mbledhje, të parë dhe të fundit që është bërë në
këtë lloj shoqate, i zgjedhur kryetar prej tyre. Zgjedhja u bë pas një debati që u
bë për përfshirjen e fesë në politikë, në atë periudhë. U hodhën zëra që feja nuk
duhet të përzihej në politikë dhe kjo është normale. Por, ideja ime ishte në atë
kohë se feja nuk mund të ishte indiferente ndaj komunizmit, i cili ka qenë
armiku më i egër ndaj fesë. Flas të paktën për në Shqipëri. Dhe mbase një
prononcim i tillë më vuri në krye të asaj shoqate. Por, deklaroj se ishte
mbledhja e parë dhe e fundit që kam mbajtur.
A kishte lidhje mes faktit që ju u zgjodhët në krye të kësaj?
Absolutisht jo, asnjë lloj lidhje. Madje, zoti Berisha dhe mjaft të tjerë, as
mund ta dinin se ekzistonte një shoqatë e tillë.
Zoti Gazidede, në momentin që ju morët në dorë çelësat e zyrës më
misterioze të shtetit shqiptar, ose mund të themi se ishit trashëgimtar i Sigurimit
të Shtetit, çfarë dinit për atë zyrë?
Nuk dija pothuajse asgjë. Kisha një farë antipatie për Sigurimin e Shtetit
në përgjithësi. Gjatë gjithë kohës, nuk kam pasur kontakte dhe shoqëri me
asnjë punonjës të Sigurimit të Shtetit. Për çudinë time nuk më është afruar
ndonjëherë, në ndonjë rast, asnjë prej tyre dhe kështu që nuk kam pasur
ndonjë ide. Por, duke dëgjuar për bëmat e Sigurimit, sigurisht që kisha një lloj
antipatie.
Cila ishte trashëgimia e sigurimit që ju gjetët atje?
Atje gjeta një personel që ishte, mund të them 100% i Sigurimit të Shtetit.
E ashtuquajtura reformë që është bërë në ‘91 kishte nxjerrë vetëm një pjesë
rezervë të këtij personeli prej 200 vetash, të cilët ishin në të njëjtën listë
organike që kishin qenë, vetëm se nuk kishin të drejtë të vinin në zyrë, por e
merrnin rrogën, kryetari për kryetar, shefi për shef, inspektori për inspektor,
por duke qëndruar në shtëpi ose duke bërë çfarë t‘i thoshte partia.

Vijon...

[Kosovelli]

Në momentin që ju morët në dorë Shërbimin Informativ Kombëtar, që do të
thotë se ishin trashëgimtari i parë i drejtpërdrejtë i Sigurimit të Shtetit, a
konstatuat se në vitin 1991-1992, siç pretendonte dhe pasardhësi juaj Fatos
Klosi, kishte asgjësuar dosjet e informatorëve dhe dosjet e tij?
Po, kjo është e vërtetë. Ne u ndeshëm përballë një fakti që një pjesë e
konsiderueshme dosjesh, mund të them një shifër të përafërt, rreth 10 mijë
dosje, qenë asgjësuar në atë periudhë nga Ministria e Brendshme, dhe për sa
kohë ishte dhe Sigurimi brenda Ministrisë së Brendshme, me firmën e zotit
Gramoz Ruçi. Në këtë shifër përfshihet dhe një pjesë e konsiderueshme dosjesh
që ishin djegur nga Irakli Koçollari, në atë kohë shef i SHIK-ut.
A jeni i saktë në këtë shifër? Se ju thatë që ishin eliminuar 10 mijë dosje,
ndërkohë që zoti Klosi tha me shifra të përafërta se Sigurimi i Shtetit gjatë gjithë
kohës ka pasur jo më shumë se 5 mijë dosje?
Kjo është krejtësisht e pasaktë.
Përse është e pasaktë?
Është e pasaktë, sepse do të thotë që Sigurimi i Shtetit gjatë një periudhë
rreth 40-vjeçare ka pasur mbi 120 mijë informatorë.
A jeni i saktë?
Mund të gaboj me 5 mijë.
Pra, mbi 100 mijë informatorë ?
Pra, mbi 120 mijë informatorë dhe, gjykuar se çdo informator të kishte një
dosje do të mendonim se kishte rreth 120 mijë dosje. Por duhet pasur
parasysh, sepse mjaft raste asgjësoheshin dhe pas një periudhe. Ishin dosje që,
pasi mbaronte aktiviteti i informatorit, kishin afat ruajtjeje 10 vjet - 20 vjet deri
në 25 vjet. Pas kësaj periudhe asgjësoheshin. Quhej proces normal asgjësimi.
Duke pasur parasysh këtë proces, mendoj se në kohën kur unë kam qenë
drejtues në SHIK, duke hequr dosjet që ishin asgjësuar, ka pasur mbi 40 mijë
dosje të Sigurimit të Shtetit.
Çfarë dosjesh kishte asgjësuar Sigurimi i Shtetit?
Shiko, ata pretendonin se kishin asgjësuar dosjet për agjitacion e
propagandë dhe për tentativë arratisje. Por, asgjësimi ishte selektiv dhe i
qëllimshëm, për të humbur gjurmët e veprimtarisë që kishin bërë organet e
Sigurimit të Shtetit. Ata pretendonin se meqenëse agjitacioni dhe propaganda u
hoq si figurë krimi, siç e quanin ata dhe tentativa për arratisje u hoq nga
‘tradhti ndaj atdheut‘, ata kishin të drejtë të asgjësojnë këto lloj dosjesh që
ishin bërë në këto dy ‘figura krimi‘. Sigurisht që një gjë e tillë ishte e
paligjshme, sepse ato ishin pjesë e historisë së popullit shqiptar gjatë
periudhës së komunizmit. Nëse këto vërtet u hoqën nga figura krimi, siç i
quajtën, ato mund të arkivoheshin. Ato nuk duhet të ishin më veprimtari në
funksion, tani e mbrapa, por jo të asgjësoheshin. Asgjësimin e kanë bërë në
kundërshtim të plotë më ligjet e asaj kohe. Me ligjet që ata vetë kishin
vendosur, me rregullat dhe rregulloret që vetë kishin vendosur. Për këtë arsye,
unë kam dërguar për ndjekje penale zotin Koçollari dhe disa të tjerë. Zoti
Koçollari, për asgjësim të paligjshëm dokumentacioni u dënua me 6 vjet burg,
pastaj ai ka dalë në 1997 dhe unë nuk di më tej.
Zoti Gazidede, ju thatë se ishte bërë një asgjësim selektiv i dosjeve.
Domethënë kjo që ishin asgjësuar dhe dosje personash të rëndësishëm politikë?
Unë mendoj se po.
Keni ndonjë fakt në këtë drejtim?
Nuk kam ndërmend të përmend fakte, por ka fakte sa të duash për këtë
gjë.
Çdo me thënë ka fakte?
Po, ka fakte. Shiko, në qoftë se ti ke dy bashkëpunëtorë, por le të themi se
të dy janë të përfshirë në politikë, që do të thotë se kanë qenë bashkëpunëtorë
në të njëjtin drejtim. Në qoftë se njëri ka qenë për agjitacion dhe propagandë
dhe ti ia ke dokumentacionin, ia bën dhe publik. Ndërsa tjetrit ia fshihnin
dokumentacionin, ia fsheh, ia djeg, ia zhduk. I lë ndoshta vetëm ndonjë
kartelë. Ky është asgjësim selektiv.

Vijon...

[Kosovelli]

Në kohën që ju keni marrë në dorë SHIK-un, a ka pasur dosje të personave
të rëndësishëm politikë të viteve 1992-1997?
Ka pasur. Jo shumë, por ka pasur.
Persona të rëndësishëm?
Nuk dua të komentoj në këtë drejtim. Unë mund t‘ju them diçka tjetër në
këtë aspekt. Zoti Klosi, në një intervistë që ka bërë me juve është shprehur se
SHIK-u, nën drejtimin tim, ka bërë disa asgjësime selektive, jo me regjistrat, jo
me ku di unë ç‘kishte ai ndërmend të thoshte. Unë ju garantoj se nuk është
absolutisht e vërtetë. Nuk kam asgjësuar asnjë lloj dokumenti gjatë periudhës
që kam drejtuar Shërbimin Informativ Kombëtar. Madje, dhe dokumentet që
janë asgjësuar, janë djegur bashkë me djegien e degëve të SHIK-ut, nuk kanë
sjellë ndonjë pasojë, sepse i gjithë dokumentacioni në kohën tonë ka qenë i
dubluar. Dokumentacioni që ka ekzistuar nëpër degët e rretheve kishte një
kopje në qendër. Përveç kësaj, dua t‘ju them se marrja në dorëzim e
dokumentacionit nga sigurimi në kohën që kam ardhur unë është bërë me
procesverbal, regjistër për regjistër dhe fletë për fletë. Të gjithë rreshtat që ata
kanë fshirë nëpër regjistra, me bojë të bardhë apo të zezë, në një mënyrë apo
në ndonjë mënyrë tjetër janë të dokumentuara në procesverbalet e marra në
dorëzim nga unë.
Pse janë fshirë?
Këtë e dinë ata. Njerëz që nuk deshën t‘i kishim ne në dorë që kanë qenë
njerëz të Sigurimit të Shtetit., kanë qenë spiunë të sigurimit etj.
Zoti Gazidede, ju thatë që një pjesë e dosjeve të bashkëpunëtorëve të
Sigurimit të Shtetit janë eliminuar në vitet 1990-1992, por ndërkohë po thoni se
një regjistër vazhdon të ekzistojë me emrat e bashkëpunëtorëve. Kjo do të thotë
që nëse sot dikush tenton të mësojë emrat e bashkëpunëtorëve, këtë mund ta
bëjë?
Mund ta bëjë.
Edhe në qoftë se dosja është e djegur?
Edhe në qoftë se dosja është e djegur kjo gjë bëhet. Sigurisht, këtu
përgjegjësia është tjetër kund. Nuk mund të gjykosh për shkallën e implikimit
të secilit bashkëpunëtor. Aty mund të kesh një bashkëpunëtor që nuk ka
dhënë asnjë të dhënë. Pra, mund të ketë pranuar të bashkëpunojë me
sigurimin, por s‘ka dhënë asnjë të dhënë që mund të dëmtojë një të tretë.
Mund të jetë një tjetër që ka çuar në burg disa persona.
Ish-ministri i Brendshëm, Luan Rama, është shprehur dy ditë më parë se
dosjet e Sigurimit të Shtetit edhe nëse janë asgjësuar ekzistojnë të fotografuara
në mikrofilma. Është e vërtetë kjo?
Kjo është e vërtetë, por unë kam pasur dyshime që në atë kohë që një
pjesë e mikrofilmave, në mos të gjithë, janë fshehur.
Ju vetë keni disponuar mikrofilma në vitin 1992 kur keni ardhur në krye të
SHIK-ut?
Po, në disa raste kam parë mikrofilma për dosje të veçanta.
Keni parë për dosje të veçanta, por a ekzistonin për të gjitha dosjet?
Për dosjet e asgjësuara thuhej që ishin asgjësuar dhe mikrofilmat. Duke
pasur parasysh që mikrofilmat nuk zinin volum fare, unë dyshoj se nuk janë
asgjësuar, por janë fshehur.
Kush mendon t‘i ketë fshehur?
Unë mendoj për Gramoz Ruçin dhe pasardhësin e tij në Sigurimin e
Shtetit, Irakli Koçollarin.
Ju dyshoni se Gramoz Ruçi dhe Irakli Koçollari mund të kenë mikrofilmat e
dosjeve të Sigurimit të Shtetit, të asgjësuara?
Sigurisht që dyshoj, por dua të shtoj se ky është thjesht dyshim.

Vijon...

[Kosovelli]

Meqenëse iu referuam intervistës së zotit Klosi të dy javëve më parë në
emisionin "Opinion", ku ai është shprehur se ka dyshime që dosjet e
kundërzbulimeve të Shërbimit Shqiptar me UDB-në ishin në dorë të UDB-së

Unë nuk e di se nga i ka nxjerrë këto konkluzione zoti Klosi. Nëse kjo
është e vërtetë, atëherë duhet të kenë ndodhur në kohën e zotit Klosi, sepse në
kohën time nuk kanë ndodhur dhe për këtë jam i sigurt. Nëse do të isha në
dijeni se do të kishte ndodhur kjo që thotë zoti Klosi, unë do ta kisha çuar për
ndjekje penale, pa asnjë lloj hezitimi.
Kur keni qenë në krye të SHIK-ut, a keni pasur dosje të Kundërzbulimit të
UDB-së?

Sigurisht, dhe janë ruajtur me fanatizëm dhe është bërë ajo që nuk ishte
bërë për një kohë të gjatë, janë ruajtur në ambiente me kondicionerë sipas të
gjithë rregullave të arkivave, rregullave bashkëkohore bëhet fjalë, me qëllim që
ai dokumentacion të ishte në ruajtje të përhershme.
Dua t‘ju bëj një pyetje të drejtpërdrejtë dhe dua një përgjigje të
drejtpërdrejtë nga ana juaj. A keni bërë ju, si shef i SHIK-ut, ose persona të
angazhuar nga ju, presionet me dosjet e personave politikë?
Unë nuk kam bërë asnjë presion ndaj asnjë personi dhe nuk kam
autorizuar asnjë person të bëjë presion.
Jeni të sigurt se dosja nuk i është tundur ndonjë politikani për ta bërë atë.
Jam i sigurt. Asnjëherë.
Nuk ua keni bërë as deputetëve të opozitës?
Kurrë.
Gjithsesi, në atë kohë që ishit në krye të SHIK-ut a ishin në dijeni të
personave, politikanëve të rëndësishëm, që ishin me dosje?
Shiko, disa gjëra mësoheshin dhe automatikisht aty. Unë nuk është se
kam bërë ndonjë studim për këtë problem. Ne si shërbim informativ jemi
përfshirë, kam përshtypjen, në prag zgjedhjesh të vitit 1996, për verifikimin e
atyre figurave që do të kandidonin për deputetë të Kuvendit dhe ky ishte një
proces ligjor.
Ç‘model përdorët ju për të ngritur SHIK-un pas Sigurimit të Shtetit?
Ne kemi përdorur modele të shërbimeve perëndimore.
Që do të thotë...
Unë kam pas punuar me mjaft shërbime perëndimore, vende anëtare të
NATO-s kam marrë modele prej tyre dhe jam munduar t‘i aplikoj në ndërtimin
e shërbimit.
Cili ishte objekti kryesor i punës tuaj?
Ishte mbrojtja e Kushtetutës.
Që do të thotë?
Që do të se duhet të mbrohej vendi nga çdo veprim antikushtetues, qoftë i
brendshëm, qoftë që mund ta kërcënonte dhe nga jashtë vendit.

Vijon...

[Kosovelli]

A quhej mbrojtje e Kushtetutës dhe përgjimi, ndjekja apo qoftë dhe
represioni ndaj opozitës së kohës?
Ne nuk e kemi përgjuar, as e kemi ndjekur dhe as që i kemi bërë
represion ndaj opozitës së asaj kohe. Unë duhet t‘ju them zoti Fevziu, se
opozita e asaj kohe, që ishte një parti pushtetare gati 50-vjeçare, e la pushtetin
në një kohë që mendonte se nuk mund ta mbante më pushtetin. Dhe,
sigurisht, ata kishin një eksperiencë 50-vjeçare në propagandë. Dhe, ata
propagandën nuk e ndalnin për asnjë çast. Sipas meje, qëllimi i atyre për
propagandën ishte të tregonin se demokracia është anarki, në demokraci
gjithkush mund të bëjë çfarë t‘i dojë qejfi, prandaj diktatura nuk është dhe aq e
keqe. Ata përpiqeshin të tregonin se vërtet Enver Hoxha ishte diktator, por çdo
udhëheqës në Shqipëri mund të bëhet diktator, se edhe Sali Berisha ishte
njëfarë diktatori. Ata përpiqeshin të tregonin se vërtet Sigurimi i Shtetit kishte
qenë një organ represiv, por në fund të fundit dhe SHIK-u ishte si Sigurimi i
Shtetit.
Në fakt, po e imitonit ju Sigurimin e Shtetit?
Aspak.
A ishit vënë ju p.sh., në përgjim të numrave të telefonit të pjesëtarëve të
opozitës së asaj kohe? Ka pasur disa denoncime në Parlament...
Ato ishin ose disa fantazi të sëmura, ose pastaj të qëllimshme. Në atë
kohë Shërbimi Informativ Kombëtar nuk përgjonte përveçse, është gabim të
thuhet, disa dhjetëra telefona. Nuk duhet të përmend shifra, por as dhjetëra
nuk ishin mundësitë e SHIK-ut për të përgjuar telefona. Dhe kur dilnin njerëz
që pretendonin se mua më përgjojnë telefonin dhe mua më ndjekin këtej e
andej, mua më vinte për të qeshur ose dëshpërohesha se si ka mundësi që këta
njerëz të shpifnin në mënyrë kaq monstruoze.
Gjithsesi, a ka pasur njerëz të SHIK-ut që ndiqnin nga pas ose sillnin raport
për lëvizjet apo aktivitetin e personave të opozitës?
Të opozitës jo, por persona që mund të ndiqeshin për arsye që i ndiqte
SHIK-u, në përputhje me ligjin që kishte shërbimi, sigurisht që ka pasur.
Po ju sjell një rast. Në një nga intervistat e tij, ku ka rrëfyer për aktivitetin e tij
politik në vitet 1996-1997, zoti Ruçi është shprehur se është ndjekur hap pas
hapi nga punonjësit e SHIK-ut deri në momentin që u largua për në Greqi...
Zoti Ruçi ka qenë në një proces hetimor në atë periudhë, nëse do ta dini ju.
Zoti Ruçi mund të kishte pësuar fatin e zotit Koçollari për asgjësimin e
dokumentacionit në Ministrinë e Brendshme, ai përfitoi nga rasti që ishte me
imunitet dhe sapo i përfundoi imuniteti iku në Greqi. Por ne nuk kishim arsye
ta ndiqnim zotin Ruçi, për sa kohë ishte me imunitet. Ato janë sajesa të zotit
Ruçi.
A keni pasur ju bashkëpunëtorë në radhët e opozitës?
Jo. E them me përgjegjësi.
A kishit ju lidhje ose a kishit ju interferenca me regjimin politik të kohës?
Jo, nuk kishim asnjë lloj interference. Ne e kishim të ndaluar me ligj për
të ndërhyrë në partitë politike dhe me degët e tyre në rrethe.
Si shpjegohej atëherë që media dhe pothuajse e gjithë opozita shqiptare ju
akuzonte vazhdimisht për interferencë?
Po them që ishte qëllimi i tyre të paraqisnin Shërbimin Informativ
Kombëtar të ngjashëm me Sigurimin e Shtetit. Dhe, atë hijen e zezë të
Sigurimit të mund t‘ia jepnin dhe kalonin SHIK-ut.
Ju jeni në dijeni, madje dhe vetë gazetarët ju kanë pyetur lidhur me
zhdukjen e biznesmenit kosovar, Remzi Hoxha, i cili është zhdukur në vitin 1995.
Madje thuhet se është marrë nga dy makina të SHIK-ut. Është deklaruar se ai
është vrarë, ose ka mbetur i vrarë pas torturave të punonjësve të SHIK-ut në
zonën e Lezhës. Si është ky rast dhe ç‘ju thotë ky emër?
Në vitin 1995 kur ka ndodhur zhdukja e këtij biznesmeni ka pasur një
shkrim në "Gazetën Shqiptare" fillimisht, pastaj është akuzuar SHIK që
atëherë. Që në atë rast, kam vënë në lëvizje dy drejtori në SHIK që të ndjekin
këtë problem dhe nëse kishte ndonjë bazë për akuzat që i bëheshin shërbimit.
Nga hetimi që u bë nga ne, për të cilin duhet të ekzistojnë dhe dokumente, në
kundërshtim me atë që thotë zoti Klosi, del se nuk kishte ndonjë përfshirje të
punonjësve të SHIK-ut. Zoti Klosi doli dhe akuzoi publikisht SHIK-un. Ai tha se
unë kisha dijeni që ai kishte dijeni. Tha se ai e dinte që unë e dija, madje ai tha
se e dinte që mund ta dinte dhe zoti Berisha. Ajo që thotë Klosi është një
shpifje e pastër. Nëse prokuroria ka bërë hetime për këtë problem, ka arrestuar
njerëz, të cilët janë lënë të lirë si të pafajshëm. Në një rast të tillë kur përfshihet
drejtësia në një proces nuk ka më vend për komente dhe për përrallat që tregon
zoti Klosi. Unë nuk e kuptoj se si zoti Klosi e thotë, edhe pse nuk ka fakte, që e
ka bërë SHIK-u, megjithëse nuk ka prova ai thotë se e di zoti Gazidede. Nuk
mund të flasë shefi i Shërbimit Sekret në mënyrën siç flet Klosi. Më thanë se në
"Top Channel", vëllai i Remzi Hoxhës kishte thënë se më ka çuar këtu ose atje
zoti Klosi, duke më prezantuar si punonjës të SHIK-ut. Ky është një abuzim i
pastër me detyrën dhe z.Klosi e ka bërë këtë thjesht për arsye politike. Dhe
deklaratat e zotit Klosi janë thjesht politike.

Vijon...

[Kosovelli]

Por ç‘ka ndodhur me biznesmenin Remzi Hoxha?

Sigurisht që po ta dija, do ta kisha zgjidhur që atëherë.
Pra, ju po thoni se SHIK nuk është i përfshirë në eliminimin ose të paktën
në marrjen peng të tij?
Me kaq dijeni sa kam unë, jo.
Është vërtetuar se makinat kanë qenë me targat e SHIK-ut...
Targat për mua nuk tregojnë asgjë. Po ju përmend rastin kur shpërtheu
automjeti pranë VEFA-s në 1996, ne gjetëm targat e kryetarit të një rrethi
verior. Dhe kjo s‘tregon asgjë. Targat prodhoheshin në uzinën metalike të
Gjirokastrës dhe kundrejt një ryshfeti merrje çdo lloj targe atje. Targa nuk
është asnjë lloj treguesi.
Prokuroria e Përgjithshme ka deklaruar se të tre të pandehurit që u morën
për këtë çështje, kanë deklaruar se e kanë rrëmbyer personin, por nuk dinë më
fatin e mëtejshëm të tij.
Unë nuk di nëse ata kanë bërë një deklaratë të tillë. Nëse ata e kanë bërë
një deklaratë të tillë, le ta gjejnë ata.
Zoti Gazidede, a jeni ju i përfshirë në eliminimin dhe zhdukjen e
biznesmenit Remzi Hoxha?
Absolutisht jo.
A keni qenë ju në dijeni të këtij rasti që në vitin 1995?
Kam qenë në dijeni për akuzat që u bënë. Më ka thirrur zyrtarisht zoti
Arbnori për të thënë se çfarë dinim ne për këtë rast. Dhe ne i kemi kthyer
përgjigje zyrtare zotit Pjetër Arbnori për aq sa dinim ne. Përsëri më ka dërguar
letër dhe Ali Spahia. Dhe ai ka marrë përgjigje zyrtare dhe nuk është e vërtetë
që Spahia u ka thënë familjarëve se e ka SHIK-u dhe do t‘jua japë sot do t‘jua
japë nesër, sepse s‘kishte si e thoshte këtë zoti Spahia kur një gjë e tillë nuk
është pohuar nga SHIK. Mua me vjen keq për ata familjarë, ata kanë humbur
vëllain, të dashurin e tyre, babin e tyre, por kjo nuk do të thotë se ata mund të
akuzojnë kë të duan, kë t‘u dalë përpara. Kjo nuk do të thotë se zoti Klosi
duhet të dalë përpara kamerave dhe të shpifë, pasi ai s‘e ka dhe për herë të
parë që shpif.
Mediat kanë përmendur faktin se i fundit që ka pasur kontakte, e ka parë
ose ka biseduar me zotin Remzi Hoxha ka qenë zoti Kumbaro, që aktualisht
ndodhet në Britaninë e Madhe. A keni dijeni se kush është ky person dhe a ka
qenë efektiv i SHIK?
Po, ka qenë efektiv. Ai ka qenë ish-oficer i Sigurimit të Shtetit me një
stazh të gjatë pune ka punuar dhe në SHIK. Pas një fare kohe, ka dalë në lirim,
siç i nxirrnim ne ish-oficerët me një farë rroge për 2 a 3 vjet, një rrogë e
krahasueshme me rrogën e mësuesit të asaj kohe.
Si shpjegohet që zhduket një biznesmen në mes të Tiranës, një person që ka
pasur mjaft interes nga mediat dhe nga familjarët, dhe nuk gjendet asnjë gjurmë
e tij?
Nuk ka qenë ndonjëherë objekt i punës së SHIK-ut të merret me personat
e zhdukur. Këto ishin probleme të policisë dhe nuk kishin pse ishin probleme
të SHIK. Së dyti, gjatë kësaj periudhe nuk është rasti i parë që ndodhi. Gjatë
periudhës që unë s‘kam qenë në Shqipëri janë vrarë në mes të Tiranës
biznesmenë të fuqishëm, janë rrëmbyer në mes të ditës dhe rasti i zotit Hoxha
nuk është rasti i vetëm. Mua më habit fakti se pse për këtë rast bëhet zhurmë
sa herë afrohen zgjedhjet, ose sa herë që ka ndonjë qëllim politik. Kjo më habit.
Është e drejtë e familjarëve të kërkojnë të afërmin e tyre, e drejta e medias të
interesohet, por nuk mund të akuzohen njerëz pa fakte. Këtë të drejtë s‘e ka
askush.
Prokuroria e Krimeve të Rënda ka deklaruar se ka rihapur çështjen dhe se
një nga personat që do të thirret për të dhënë shpjegime do të jeni dhe ju. A jeni i
gatshëm për të dhënë shpjegime?
Unë nuk e di se ç‘ka ndërmend Prokuroria e Krimeve të Rënda. Është
punë e tyre nëse e hapin çështjen ose nuk e hapin, është punë e tyre nëse më
thërrasin ose jo. Unë përderisa jam kthyer në Shqipëri, jam kthyer dhe jam në
gjendje të përballem me çdo lloj akuze që ngrihet ndaj meje.
Nuk keni frikë nga kjo çështje ose çështje tjera që mund të hapen për ju zoti
Gazidede?
Çfarë frike? Unë nuk e ndiej veten të jem i implikuar në asnjë shërbim të
kundërligjshëm. SHIK ka punuar në bazë të një ligji që është i aprovuar në
vitin 1991. Shërbimi nuk punon me direktivat e Byrosë Politike, siç ka punuar
Sigurimi i Shtetit. Çdo njeri që ka punuar në SHIK firmoste se ka qenë person i
depolitizuar, që e njihte ligjin etj., etj. Dikush që e ka shkelur ligjin, ai
raportohej tek eprorët e tij dhe penalizohej me vërejtje apo dhe deri largim nga
puna. Nëse shkelja e ligjit është flagrante, ai mund të ketë marrë dhe dënimin.
A keni pasur lidhje ose raport ju si SHIK me lëvizjet ilegale në Kosovë?
Kë quani ju lëvizje ilegale në Kosovë, a mund të ma sqaroni?
Ka pasur një sërë lëvizjesh brenda Kosovës që nga viti 1992 e në
vazhdim...
Ne nuk kemi pasur asnjë lloj lidhjeje me organizata që kanë pasur ndonjë
veprim me armë. Ne kemi pasur porosi të prerë që nuk duhet të bëheshim
shkas për ndonjë nxitje të ndonjë luftë në Kosovë. Në këtë aspekt, nuk kemi
pasur asnjë veprimtari konkrete.

Vijon...

[Kosovelli]

A keni futur armë në Kosovë?

Nuk kemi futur asnjëherë armë për aq kohë sa kam qenë unë në krye të
SHIK-ut. Ka tentuar të fusë armë Irakli Koçollari përpara meje dhe janë kapur
nja 70 armë në kufi, bashkë me ato që i kishin armët. Janë gjykuar në Kosovë
nga serbët dhe ne kemi pasur fatin të kemi në dorë deponimet e atyre që ishin
të burgosur për këtë qëllim.
Si u vunë në dispozicion?
Na i sollën kosovarët. Kishin dalë nëpërmjet avokatëve të tyre dhe na i
sollën në Shqipëri. Morëm vesh seç kishin pohuar atje për kohën që kishin
qenë në Shqipëri. Kjo veprimtari e z. Koçollari ka qenë e paligjshme. Sipas
meje, ai kish bërë një veprim pa u konsultuar me qeverinë e asaj kohe.
Mund të quhej një veprim patriotik?
Nëse mund të quhet patriotik, patriotizmin nuk kishte pse e bënte z.
Koçollari pa dijeninë e qeverisë. Ishte atribut i qeverisë në atë kohë, z.Koçollari
ishte pjesë e qeverisë, por s‘mund të bënte veprime të tilla. Unë mendoj se nga
njëra anë ai deshi ta tregonte veten patriot dhe nga ana tjetër deshi të thoshte
se qeveria e PD-së është nacionaliste dhe e rrezikshme.
A keni pasur raporte me UDB-në?
Nëse unë do të isha në një studio dhe nuk do të kuptoja që kjo pyetje
ishte pa ndonjë qëllim të keq, do të nervozohesha. Nuk ka ofendim më të madh
për një shqiptar, aq më tepër për një ish-drejtues të Shërbimit Sekret të ketë
lidhje me serbët, armiqtë tradicionale të shqiptarëve.
Po shërbimi juaj?
Shërbimi ynë nuk mund të ketë asnjë lloj lidhjeje me jugosllavët, sepse
qëllimet tona ishin të kundërta. Nuk kishim asnjë pikë të përbashkët. Është
ndryshe sot gjendja në Ballkan, ndoshta shumë para në Ballkan mendojnë për
paqen. Jugosllavia mendonte në atë kohë për luftë në Ballkan, ndërsa ne nuk
ishim për luftë.
A keni pasur ju një kontakt apo takim të drejtpërdrejtë me njërin nga
personat më famëkeq të paramilitarëve, me Arkanin? Ka një akuzë nga një ishministër
se ju jeni takuar me Arkanin fillimisht në Peshkopi dhe më pas, një
takim i dytë në Tiranë, në hotel "Dajti"...
E kam dëgjuar këtë lloj shpifjeje. E kuptoj që për një opozitar, në vendin
tonë njerëzit nuk janë dashamirës dhe mund të shpifin. Ndoshta quhet
normale shpifja. Por të arrijë shpifja deri atje sa ta cenosh në dinjitetin
kombëtar dikë, më duket monstruoze. Unë kam pasur rastin të takoj në rrugë
zotin Luan Rama, ose më saktë ai deshi të më jepte dorën dhe unë ia thashë
këtë gjë. Megjithëse ai kishte dalë e kish thënë këtë gjë në televizion, mua më
tha se nuk është e vërtetë se e kam thënë unë, e ka thënë z.Klosi. Por, si ai, si
zoti Klosi, duhet të kenë turp të akuzojnë një shqiptar për tilla gjëra.
A është e vërtetë siç kanë shkruar mediat se SHIK ka parandaluar një
atentat ndaj Gligorovit?
Jo, nuk është e vërtetë.
Desha t‘ju bëj disa pyetje me atë që quhet arrestimi i të pestëve. Bëhet fjalë
për arrestimin e pesë minoritarëve në Jug të vendit. A keni ju dijeni për këtë
arrestim dhe a keni qenë ju iniciatori i tij?
Që kam pasur dijeni për arrestimin është një gjë krejt normale. Ata kishin
veprimtari antikushtetuese dhe për një veprimtari antikushtetuese u arrestuan
dhe u dënuan. Këtu gjykohet shpesh për anën politike të problemit, por ana
politike nuk i përket SHIK-ut, por politikanëve. Ne nuk kemi bërë asnjë veprim
të paligjshëm. Arrestimin se kemi bërë ne, por kemi propozuar arrestimin e
tyre. Arrestimi është bërë në bazë të të gjitha normave, madje përveç firmës së
Prokurorisë së Përgjithshme, ne kemi pasur dhe firmën e zotit Brozi për
kontrollin e banesave të atyre personave dhe për kontrollin e zyrave të
OMONIA-s.
Z. Brozi është shprehur publikisht se ju keni bërë presion që këta persona të
dënoheshin, kur gjykata shpalli lirimin e tyre...
Kjo nuk është e vërtetë, sepse nuk kisha asnjë arsye t‘i bëja presion z.
Brozi. Aq më tepër nuk mund të bëja presion, pasi dhe vendimi ishte marrë.
Cilat kanë qenë marrëdhëniet tuaja me zotin Meksi, në atë kohë
Kryeministër?
Mendoj se kam pasur marrëdhënie normale, nuk e di se ç‘ marrëdhënie
ka pasur me mua z.Meksi.
Z.Meksi është shprehur pak kohë pas largimit tuaj se në lëvizjet 1996-1997
ju ushtronit mjaft ndikim mbi zotin Berisha. Është e vërtetë?
Zoti Berisha nuk është një njeri që ndikohet nga një person ose nga një
tjetër. Zoti Berisha ka një mendim krejt të pavarur, ka një veti që dëgjon shumë
vetë dhe bën si di vetë. Unë nuk shquhesha për dhënie këshillash. Mund të
kem dhënë thjesht mendimin tim, kur më është kërkuar.

Vijon...

[Kosovelli]

A jeni ju në dijeni të faktit që një deputet i opozitës dhe një publicist i njohur
janë goditur publikisht në atë kohë në Tiranë, Ndre Legisi dhe Edi Rama. A keni
qenë ju i përfshirë në goditjen e tyre?
Sigurisht që i kam dëgjuar, sepse unë këtu kam qenë në atë kohë, por më
indinjon fakti se çdo gjë që ndodhte në Shqipëri, dhe për krimin më ordiner,
akuzohej SHIK-u. Ndoshta një nga të metat e mia ka qenë që nuk kam bërë
asnjë dalje publike që të përgënjeshtroj fakte të tilla. Megjithatë, jo çdo akuzë e
kam lënë të kalojë në heshtje. Unë kam çuar për ndjekje penale në atë kohë
shumë shpifje që janë bërë në media. Dhe pothuajse kemi fituar të gjitha
çështjet. Kam pasur raste që eprorët më kanë detyruar të tërheq akuzat për
arsye që i dinë ata.
Kush i ka goditur këta persona shumë të rëndësishëm për kohën?
Sigurisht, unë nuk i di dhe nuk ishte detyra ime ta dija.
A duhet të merreshit me hetimin e kësaj çështjeje?
Jo, nuk besoj. As është marrë dhe as duhej të merrej.
SHIK duket se kishte informacion mjaft të mirë për gjithçka ndodhte në
Shqipëri. A ishte në dijeni të faktit se disa firma piramidale po ngriheshin me
mjaft shpejtësi në vitet 1995-1996?
Sigurisht, që në hapat e parë.
A keni informuar eprorët tuaj?
Kemi denoncuar dhe janë dënuar disa drejtues të një firme që filluan për
herë të parë në Selenicë të Vlorës. Ndoshta e para e kësaj natyre, që mblidhnin
paret e qytetarëve dhe i thoshin se do na vinë ca para nga Nigeria dhe t‘ua
jepnin dy apo trefish. Dy prej tyre kanë qenë dhe kosovarë që në atë kohë
kishin blerë këndin e lojërave në Tiranë. Madje, një gazetë e asaj kohe më ka
akuzuar mua se punoja për UDB-në se ishte arrestuar një deputet i
Parlamentit të Kosovës pa i hequr imunitetin. Ne kemi bërë problem, pothuajse
të gjitha firmat piramidale të asaj kohe, shumë kohë përpara se ato të
agravoheshin.
A u morën masa ndaj tyre kur ju keni informuar për rrezikun që ato
paraqisnin?
Unë këtë nuk e di, sepse nuk i përkisja ekzekutivit. E kam ngritur zërin
dhe besoj se e kam ngritur fort. Unë kam bërë me dijeni të gjitha institucionet e
mundshme që ishin në atë kohë në Shqipëri. Mund të them se kam informuar
dhe drejtorinë e doganave dhe nuk e di pse e kam bërë këtë, kam informuar
tatimet, Ministrinë e Financave dhe atë të Brendshme dhe Prokurorin e
Përgjithshëm, Bankën Kombëtare etj.
Këto ishin piramida të mirëfillta apo proces pastrimi i parave?
Unë mendoj se kanë qenë piramida të mirëfillta. Në periudhën e fundit ka
pasur përpjekje për pastrim parash, por mendoj se ka qenë përpjekje që nuk u
materializua ndonjëherë.
Kush i organizoi këto, sipas jush?
Nuk dua të hyj në hollësira, por është fakt që rreth 70% e personelit që
kanë punuar në këto firma kanë qenë ish-punonjës të Sigurimit të Shtetit dhe
oficerë.
Kush i organizoi?
Se kush i organizoi, kështu legalisht dihet kush janë pronarët, por
mendoj se në këtë mes ka pasur dhe strategji. Unë nuk kam ndërmend të flas
kush e ushqeu këtë strategji.
Ku kanë shkuar paratë e firmave. A keni dijeni?
Po, një pjesë e mirë janë shpërdoruar nga vetë drejtuesit e firmave për jetë
luksoze, për të blerë apartamente, vila, helikopterë etj. Një pjesë kam
përshtypjen se mund t‘i kenë tjetërsuar më persona të tjerë të afërm me lidhje
të ngushta familjare, shoqërore apo miqësore. Megjithatë, mendoj se kur ne
vendosëm t‘i bllokonim firmat, shqiptarët kishin marrë gjysmën e parave të
depozituara. Në disa firma ndoshta dhe më shumë.
Gjatë kësaj kohe që i kishit nën vëzhgim a ka pasur tentativa për lidhje mes
firmave piramidale dhe organizatave kriminale ndërkombëtare?
Mendoj se ka pasur tentativa, por nuk besoj lidhje të ngushta.
A ka pasur politikanë që kanë pasur lidhje financiarisht me këto firma?
Sigurisht. Mjaft ka pasur.
Kush kanë qenë këta?
Nuk kam ndërmend të përmend emra.
Po ju personalisht a keni përfituar?
Jo, asgjë.
Po gjatë kohës që keni qenë shef i SHIK a keni përfituar ekonomikisht?
Unë kam një shtëpi. E gjithë pasuria ime sot është një apartament me një
sipërfaqe 100 m2. Kam dorëzuar një apartament të vjetër dhe mora këtë, duke
shtuar dhe një pjesë parash.
Në media ka qarkulluar vetëm një foto e juaja gjithë këto vite. Pse kaq pak
protagonist në të?
Mendoj se edhe sot atë mendim kam, që shërbimet sekrete përderisa
quhen dhe të tilla nuk kanë pse dalin publikisht dhe flasin çdo javë. Mendoj se
nuk është kjo figura e një shefi shërbimesh. Mendoj se dhe veprimet e
shërbimit duhet të jenë sekrete. Duhet të ketë organizma që t‘i kontrollojnë që
të mos jenë jashtë kontrollit, por nuk mendoj se duhet të jenë publike punët e
shërbimit sekret.

Vijon...

[Kosovelli]

Gjatë kohës që ju keni qenë në krye të SHIK-ut gjatë viteve ‘92-‘97 a ka
pasur aktivitet të terroristëve islamikë në Shqipëri?
Më prekët një çështje që më ka shqetësuar. Akuzat ndaj meje kanë qenë
të pabaza dhe dashakeqëse. Dhe më duket me orkestrimin e mediave të majta
në Shqipëri. Shumë media kanë deformuar tonet e mia siç u ka leverdisur. Nuk
është kjo që më shqetëson. Mua më shqetëson dashakeqësia. Unë kam qenë
kryetar i një shoqate, që unë kam qenë në mbledhjen e themelimit të saj, e cila
ka qenë e para dhe e fundit mbledhje dhe kam qenë me persona të nderuar që
ju përmenda dhe më sipër. Nuk thuhet asnjë fjalë për kunatin e z. Meidani, por
unë akuzohem. Kjo nuk më duket normale. Në Shqipëri ka pasur mjaft shoqata
islamike në ju kujtohet. Por unë dua të tërheq vëmendjen në diçka që mund të
jetë interesante. Në mos 100% mbi 90% e këtyre shoqatave kanë ardhur në
Shqipëri gjatë vitit 1991 kur PD s‘ka qenë në pushtet dhe unë s‘kam qenë në
krye të SHIK-ut. Sot mund të gjeni në Kryeministri një raport 200 faqesh dhe
një analizë të të gjitha shoqatave islamike, që kanë vepruar në Shqipëri me
propozime konkrete.
Kush e ka hartuar raportin?
Shërbimi që kam drejtuar unë.
Në cilin vit?
Në periudhën ‘92-‘96. Ky raport i fillimit të vitit 1996. Me propozime
konkrete. Kjo shoqatë duhet mbyllur, ky duhet përzënë, ky ‘non grata‘ etj.
Ka pasur persona të rrezikshëm islamikë që kanë operuar në territorin
shqiptar?
Po, ka pasur dhe për këtë është bashkëpunuar më shërbime të tjera. Unë
mendoj se këta persona kanë gjetur në Shqipëri një strehë, më tepër t‘u
shmangeshin shërbimeve të vendeve të tyre. Por kjo nuk na ka lënë që ne të
mos merreshim më ta. Dhe unë që paskam qenë mysliman i rrezikshëm,
paskam organizuar një segment shtetëror që merrej me këtë punë dhe që
shkëmbeja informacione me shërbimet sekrete perëndimore për këtë problem.
A i keni informuar ju shërbimet sekrete perëndimore për rrezikshmërinë e
këtyre personave?
Kur them unë se kemi ngritur një sektor të posaçëm për këtë punë, ne
kemi ngritur një sektor në bashkëpunim me një shërbim perëndimor, nuk dua
të përmend emër. Të gjithë personat që kanë punuar aty janë stërvitur prej
tyre, janë mësuar prej tyre dhe informacioni është shkëmbyer me përfaqësues
të vendeve të NATO-s.
Personat që ndodheshin në Shqipëri ishin terroristë të thjeshtë apo ishin
koka të organizatave terroriste?
Nuk besoj se ka pasur koka, të themi në nivelin e Bin Laden, por themi se
ka pasur persona të inkriminuar në veprimtari terroriste në disa vende, edhe të
Evropës. Dhe për këtë qëllim, kanë qenë vënë në dijeni vendet përkatëse.
Ka qenë apo jo Osama Bin Laden në Shqipëri?
Po të kish qenë do të ishte arrestuar, sepse ne e njihnim fare mirë Bin
Ladenin.
Nga e njihnit?
E njihnim nëpërmjet shërbimeve sekrete perëndimore që interesoheshin.
Të cilat ishin në ndjekje të tij?
Sigurisht.
Dhe në Shqipëri nuk është gjendur asnjë gjurmë e Bin Ladenit?
Absolutisht jo. Ne dinim fare mirë, e dinim periudhën kur Bin Laden ka
qenë në Sudan dhe ku ishte Bin Laden. Domethënë kemi qenë të interesuar,
sepse interesoheshim për lidhjet që ai mund të kishte në Shqipëri.
Kishte lidhje në Shqipëri?
Nuk na ka rezultuar ndonjë lidhje e drejtpërdrejtë e tij në Shqipëri.
Mendohej nga disa kolegë që nëpërmjet disa formave të ftohej në Shqipëri dhe
të arrestohej, por sigurisht, ishte një fantazi kjo.
Ka pasur një koment në shtypin e 6 viteve më parë, që shënonte faktin se
Bin Laden ka qenë në Shqipëri dhe se ju jeni takuar me të në një shtëpi pranë
përroit të Zaranikës në Elbasan?
Nuk jam në dijeni as të kësaj akuze, por nuk me çudit fakti, pasi e di që
nuk kanë lënë asgjë pa shpifur dhe do e konsideroj shpifje të radhës.

Vijon...

[Kosovelli]

Ç‘raporte keni pasur ju me Shërbimin Sekret Amerikan?

Raporte normale. Dy shërbime mike. Unë e kam vizituar dhe pas vizitës
time më është kthyer vizita nga drejtori i CIA-s i asaj periudhe. Njëkohësisht,
kam pasur marrëdhënie normale me ta, kemi shkëmbyer informacione dhe
kam marrë dy letra falënderimi nga dy ish-drejtorë të CIA-s për kontributin që
shërbimi ynë ka dhënë në luftën kundër terrorizmit.
Në cilat fusha bashkëpunonit më shumë?
Kryesisht në shërbimin antiterrorist.
A e keni njohur ju Xhorxh Tenet?
Jo, nuk e kam njohur.
A keni qenë në dijeni të aktivitetit të tij në Shqipëri?
Nuk dua të komentoj.
Mendoni se ka pasur dorë në ngjarjet e vitit 1997?
Nuk dua të komentoj. Nuk është rasti.
T‘ju bëj një pyetje që është rihapur dje. Botuesi i "Koha Jonë" ka kërkuar në
prokurori hapjen e dosjes për djegien e "Koha Jonë" më 2 mars 1997, Madje, ai
thotë se e ka bërë këtë kërkesë që nga momenti kur ju jeni kthyer në Shqipëri...
Është e drejta e zotit Lesi të bëjë çfarë deklarate të dojë.
E dini ç‘ka ndodhur më 2 mars 1997 në redaksinë e "Koha Jonë"?
E kam marrë vesh pasi është djegur, por s‘kam ndonjë gjë interesante për
të treguar për këtë, pasi ajo ishte një periudhë kur ne kishim probleme më të
mëdha se kjo.
A është implikuar SHIK në këtë djegie?
Jo. I mohoj kategorikisht.
Ishit në dijeni vjeshtën e vitit 1996, ose të paktën a kishit marrë
informacione që situata ishte në eksplodim e sipër për arsye të mbledhjes së
shumë parave në firmat piramidale?
Po, dhe unë kam informuar. Duhet të dallojmë diçka. Kam dëgjuar mjaft
personazhe që mundohen t‘ia hedhin fajin njëri-tjetrit. Unë mendoj se kam më
pak përgjegjësi, sepse e kam ngritur zërin dhe nuk e shkarkoj veten nga
përgjegjësia, të kisha dalë dhe të kisha dhënë dorëheqjen.
A e besonit se situata do shpërthente?
Jo vetëm e besoja, por edhe e kam shkruar një gjë të tillë.
E keni vënë në dijeni administratën e kohës?
Besoj se po.
A mendonit se në 1996 kishte ende kohë për të marrë masa për ta
parandaluar këtë fenomen?
Po, kishte kohë.
Pse nuk ndodhi?
Nuk dua t‘i hyj kësaj historie. Por kam qenë i vendosur të mbylleshin
firmat dhe në një farë mënyrë për ta dëshmuar këtë qëndrim timin çova për
ndjekje penale firmën "Xhaferri" dhe fitova gjyqin e shkallës së parë. Çështja
shkoi në shkallën e dytë dhe kundrejt një ryshfeti u luajt me dosjet. Gjykata e
Apelit nuk kishte dosje për gjyqin, Gjykata e Shkallës së Parë tha se nuk e
kemi dosjen dhe për çudi në kohën që unë nuk kam qenë në Shqipëri dëgjova
që ishte mbyllur firma "Xhaferri". Për mua ka qenë problemi shumë i qartë që
unë kam bërë më tepër se ç‘më takonte.
Mendoni se këto firma u toleruan për të shuar zhurmën që vinte nga
zgjedhjet e kontestuara të majit 1996?
Edhe mundet. Unë kam pasur një mik timin, gazetar në opozitë dhe me të
diskutonim për firmat. Dhe me shokët kur pyesnin, u thosha paret të shtohen
në xhepin tënd dhe s‘kanë pse shtohen në xhepin e Xhaferrit. Unë i kam thënë
se meqenëse pozita s‘po e bën punën si duhet, bëjeni ju opozita, shkruajeni te
gazeta juaj që firmat janë të rrezikshme. As ata nuk e bënë. Pozita dhe opozita
kanë të njëjtën përgjegjësi. Veç kësaj dhe ata që e quajnë veten profesorë të
ekonomisë dhe ata duhet ta bënin. Pasi ndodhi thanë të gjithë, pse s‘u bë kjo,
pse s‘u bë ajo.

Vijon...

[Kosovelli]

A kishin lidhje politike këto firma piramidale?
Nuk e them dot se ato kishin lidhje, por politika mundohej t‘i shfrytëzonte
për nevojat e veta.
A është përfshirë SHIK në rrahjen e deputetëve të opozitës në 28 maj 96?
Jo, nuk është përfshirë SHIK.
Në shkurt 1997, madje që në janar, në Lushnjë, dhe më pas në Vlorë, filloi
protesta. E kuptonit ju, që në mbrojtje të Kushtetutës, duhet të vinit në dijeni
eprorët se situata mund të agravohej dhe më keq. A i vutë në dijeni eprorët për
këtë?
Po besoj se nuk ishte e vështirë të kuptohej kjo.
U shqetësuat që s‘po merreshin masa për zgjidhjen e problemit?
Nuk them se s‘po merreshin masa, por situata po ikte nga dora dhe
s‘ishte e thjeshtë. Kishte dy mënyra duke shpresuar se mund të rregullohej
kështu dhe ashtu.
Ju personalisht, në cilën pjesë jeni?
Nuk dua të komentoj për këtë.
A ishit ju në favor të vendosjes së gjendjes së jashtëzakonshme që në fillim
të muajit shkurt?
Besoj se po.
Për çfarë arsye?
Për të vendosur rendin dhe qetësinë.
A e ka provokuar SHIK ose pjesëtarë të SHIK të degës së Vlorës grevën e
urisë së studentëve vlonjatë natën e 28 shkurtit 1997?
Absolutisht jo, në asnjë rast, në asnjë moment. Nuk ishte në interesin
tonë ta bënim një gjë të tillë. Ata ishin njerëz të irrituar që dilnin përditë në
miting, që flisnin kundër qeverisë me një urrejtje patologjike. Kuptohej qartë se
nëse do t‘i ngacmoje ata njerëz do kishte pasoja. Thuhej se punonjësit e SHIKut
shkuan i ngacmuan, një furgon i bardhë qarkullonte në atë kohë. Furgonin
e bardhë ata e kishin në dorë ta kapnin, të gjenin targat, të gjenin nga erdhi
nga s‘erdhi. U fol për furgon të bardhë, por nuk u gjet asnjëherë ky furgon i
bardhë. Ato ishin të gjitha të stisura, në mënyrë që të goditej edhe i vetmi
institucion që kishte mbetur akoma në këmbë SHIK. Mund t‘u them diçka
interesante që s‘e kam thënë asnjëherë më parë: kanë qenë nja dy deputetë të
opozitës në kohë, duke vizituar ata të grevës së urisë në Vlorë dhe atje kanë
parë mitralozë 12,7, kallashnikovë, granat-hedhës, se si ishin të armatosur ata
që ruanin grevën e urisë dhe ata ishin të tmerruar se nuk e dinin që grabitja e
armëve kishte filluar shumë kohë më parë.
Po ju a ishit në dijeni të kësaj?
Po.
Pse s‘i kishit marrë masat?
Kjo grabitje duhej të pengohej nga ushtria dhe jo nga SHIK. SHIK në atë
kohë kishte rreth 1300 veta, roje, magazinierë, etj. Pra, një shërbim që
informon dhe jo që të vepronte. S‘mund t‘i mbyllte SHIK-u depot e ushtrisë.
Si e morët informacionin që selia e SHIK-ut po sulmohej dhe atje
ndodheshin brenda 3 punonjës?
Më njoftuan ata që ishin në godinën e SHIK.
Si ishte reagimi juaj?
Nuk dua të komentoj. Ndodhën gjera të tmerrshme.
A keni tentuar ju me ministrin e Mbrojtjes Zhulali t‘u vinit në ndihmë?
Ç‘interes ka të diskutojmë për këtë. Duhet diskutuar fakti që zoti Klosi ka
vrarë dy kryetarë Shërbimi Informativ, kryetarin e Vlorës dhe Lushnjës.
Si i vrau?
Duhet pyetur zoti Klosi. Njëri u vra në shtëpinë e tij në Greqi dhe tjetri në
Lushnjë.
Në ç‘vit janë vrarë?
Menjëherë sa erdhi zoti Klosi kryetar i SHIK.
Është marrë vesh përse janë vrarë?
Sepse kanë qenë kryetarë SHIK-u, për çfarë arsye tjetër!
Pas sulmeve të godinave të SHIK a ishit të informuar se ç‘po ndodhte me
materialin që ishte brenda?
Materialet u grabitën, u vodhën dhe u dogjën.
A kanë pasur dorë shërbimet fqinje në ngjarjet e 1997-ës?
Është mirë të mos komentoj.
Po Shërbimi Informativ Amerikan, CIA?
Ne kemi pasur marrëdhënie normale me CIA-n.
Pse u zgjodhët ju në krye të operacionit gjatë gjendjes së jashtëzakonshme?
Nuk u zgjodha unë, më zgjodhën.
(Marrë nga emisioni "Opinion" i Blendi Fevziut, në Tv Klan)
Fund

[Kosovelli]

Prap amerikanët në skenë CIA ... David Wentz lajmroi se shërbimi i sigurimit të LDK-së bashkpunon me shërbimin informativ Serb !!!

[martini1984]

Prap amerikanët në skenë CIA ... David Wentz lajmroi se shërbimi i sigurimit të LDK-së bashkpunon me shërbimin informativ Serb !!!

Shqiperia eshte e destinuar te ...................v ose r.
Fatkeqesi e kohes.
ph

[Kosovelli]

Nga Dokumentet e "Sigurimit të Atdheut" ; vet dëshmojn për përfshirjen e Oficerve të FARK-ut në tentim Grushtshtetin e 14 shtatorit 1998 në Tiranë !!!

Ahmet Aliashani paraqitet në opinion se tani është njeriu i parë te Rugova



Gjeneralnënkoloneli Aleksandër Demitrieviq, gjeneralnënkolonel Mile Babiq, gjeneralnënkolonel Bane Millovanoviq (KOG), dhe shumë të tjerë nga Beogradi dërgohen për në Shqipëri, çka bie ndesh me të gjitha veprimet e të gjithë eprorëve të Shqipërisë, të cilët në atë kohë vetëm sa e kishin braktisur APJ-në mbi 99 për qind kishin kaluar në perëndim (Gjermani, Zvicër, Angli dhe vende të tjera të Evropës dhe kuptohet një numër i është bashkangjitur Armatës Kroate dhe Boshnjake në luftë kundër APJ-së, dhe një numër shumë i vogël, simbolik ishte në Kosovë dhe asnjë oficer shqiptarë që kishte braktisur APJ-në nuk ka kaluar në Shqipëri për të kërkuar vendstrehim, përveç Ahmet Aliashanit.

Mund të ndodhë që ndonjë oficer ka kaluar nëpër Shqipëri për në Itali apo vende tjera të perëndimit, ku më pas në Shqipëri ndodhin shumë gjëra të rëndësishme (në dëm të popullit shqiptar të Shqipërisë, siç janë demonstratat e dhunshme të vitit ’97-98 , ku edhe hartohet një plan nga ish-gjenerali i Armatës Shqiptare, Kiqo Nestaf, me prejardhje greke, i cili ka qëndruar në Greqi dhe ka qenë në kontakt të rregullt me Shërbimin Informativ Grek dhe Jugosllav, ku plani është bërë për ndarjen e Shqipërisë në mes të Greqisë dhe të Serbisë. Vija e ndarjes ka qenë lumi Shkumbin. Çka Ahmet Aliashani duhet të jap sqarime rreth këtij plani).

Vrasja e Ministrit të Mbrojtjes së Kosovës, z. Ahmet Krasniqit, ku gjithashtu Ahmet Aliashani duhet të japë sqarime, ku ka qenë në kontakte dhe lidhjet e tij. Ahmet Aliashani në Qeverinë e Bujar Bukoshit ka qenë i ranguar në postin e lartë, njëherit ushtrues i detyrës të zëdhënësministrit të Mbrojtjes, por asnjëherë nuk ka hyrë në Kosovë gjersa kanë hyrë trupat e NATO-s.

Ahmet Aliashani në Shqipëri është lidhur me Rr. I. nga fshati Tërrnovc, Komuna e Bujanovcit, person i cili i takon grupeve mafioze që janë të organizuar në Itali, Shqipëri dhe Serbi, është person i kyçur në trafikun e organizuar të drogës dhe të prostitucionit si dhe njeri i cili kërcënon me likuidime.

Gjithashtu është i lidhur me personat e rrjetit të organizuar të trafikut të drogës dhe të femrave nga Ukraina, Rusia, Bullgaria dhe Shqipëria për në Kosovë. Në rajonin e Gjilanit dhe të Kamenicës ka një rrjet të kriminelëve, të cilëve u ka paguar rrogë për t’i shërbyer Ahmet Aliashanit dhe Rr.I. si truprojë. Rrogat ua kanë dhënë në vlerë prej 400 marka gjermane.

Gjithashtu në bashkëveprim me një person nga Kamenica, e ka dhunuar një femër. Rr. I. e ka detyruar atë femër t’iu bëjë femra grupit të tyre, ku gjendet edhe Ahmet Aliashani. Këta persona janë: Z. Rr. nga Kamenica, i lindur 1961 apo 62, i afërm me Shërbimin Serb.

Sh. M., A. M. dhe Xh. K. të afërm me Shërbimin Serb. Këtyre personave Rr. u ka paguar rrogë 400 marka gjermane, si truprojë për veti dhe të Ahmetit.

Rr. I. e ka keqpërdorë vajzën N. K. (emri i njohur për redaksinë), dhe tani kjo vajzë ka devijuar psikikisht, pikërisht nga Rr.I. Gjithashtu janë të lidhur me këtë rrjet të organizuar të trafikut të drogës dhe të femrave: S. K nga fshati Dajkovcë, komuna e Kamenicës dhe tani jeton në Ferizaj, F. R nga Kamenica, djali i axhës së S., M. K. ka punuar deri më 12 qershor të ’99, në sigurimin Shtetëror Serb dhe ende punon, tani gjendet në Vranjë dhe kohë pas kohe kalon në Leskovc. S. dajë e ka F. D. punëtor i Sigurimit Shtetëror Serb në Gjilan dhe Kamenicë, ku gjithashtu ka punuar gjer më 12 qershor të ’99, kur edhe janë tërhequr forcat jugosllave nga Kosova. Tani Rr. është i lidhur me këta persona si dhe Ahmet Aliashani. Gjithashtu Ahmeti paraqitet në opinion se tani është njeriu i parë te Rugova dhe urdhëron njerëzit se kush duhet të punësohet në komunën e Kamenicës. Në tërësi kryetari i Kuvendit Komunal të Kamenicës, z. Sh. S., ka rënë nën ndikimin e Ahmet Aliashanit, ku Ahmeti dhe Rr. pa ndërprerë bëjnë presion te strukturat komunale, pikërisht që personat e rrjeti të tyre të punësohen.

15 prill, 2002 Prishtinë, me respekt B- 25 / 130 “Plaku”

[martini1984]

Nga Dokumentet e "Sigurimit të Atdheut" ; vet dëshmojn për përfshirjen e Oficerve të FARK-ut në tentim Grushtshtetin e 14 shtatorit 1998 në Tiranë !!!

Ahmet Aliashani paraqitet në opinion se tani është njeriu i parë te Rugova



Gjeneralnënkoloneli Aleksandër Demitrieviq, gjeneralnënkolonel Mile Babiq, gjeneralnënkolonel Bane Millovanoviq (KOG), dhe shumë të tjerë nga Beogradi dërgohen për në Shqipëri, çka bie ndesh me të gjitha veprimet e të gjithë eprorëve të Shqipërisë, të cilët në atë kohë vetëm sa e kishin braktisur APJ-në mbi 99 për qind kishin kaluar në perëndim (Gjermani, Zvicër, Angli dhe vende të tjera të Evropës dhe kuptohet një numër i është bashkangjitur Armatës Kroate dhe Boshnjake në luftë kundër APJ-së, dhe një numër shumë i vogël, simbolik ishte në Kosovë dhe asnjë oficer shqiptarë që kishte braktisur APJ-në nuk ka kaluar në Shqipëri për të kërkuar vendstrehim, përveç Ahmet Aliashanit.

Mund të ndodhë që ndonjë oficer ka kaluar nëpër Shqipëri për në Itali apo vende tjera të perëndimit, ku më pas në Shqipëri ndodhin shumë gjëra të rëndësishme (në dëm të popullit shqiptar të Shqipërisë, siç janë demonstratat e dhunshme të vitit ’97-98 , ku edhe hartohet një plan nga ish-gjenerali i Armatës Shqiptare, Kiqo Nestaf, me prejardhje greke, i cili ka qëndruar në Greqi dhe ka qenë në kontakt të rregullt me Shërbimin Informativ Grek dhe Jugosllav, ku plani është bërë për ndarjen e Shqipërisë në mes të Greqisë dhe të Serbisë. Vija e ndarjes ka qenë lumi Shkumbin. Çka Ahmet Aliashani duhet të jap sqarime rreth këtij plani).

Vrasja e Ministrit të Mbrojtjes së Kosovës, z. Ahmet Krasniqit, ku gjithashtu Ahmet Aliashani duhet të japë sqarime, ku ka qenë në kontakte dhe lidhjet e tij. Ahmet Aliashani në Qeverinë e Bujar Bukoshit ka qenë i ranguar në postin e lartë, njëherit ushtrues i detyrës të zëdhënësministrit të Mbrojtjes, por asnjëherë nuk ka hyrë në Kosovë gjersa kanë hyrë trupat e NATO-s.

Ahmet Aliashani në Shqipëri është lidhur me Rr. I. nga fshati Tërrnovc, Komuna e Bujanovcit, person i cili i takon grupeve mafioze që janë të organizuar në Itali, Shqipëri dhe Serbi, është person i kyçur në trafikun e organizuar të drogës dhe të prostitucionit si dhe njeri i cili kërcënon me likuidime.

Gjithashtu është i lidhur me personat e rrjetit të organizuar të trafikut të drogës dhe të femrave nga Ukraina, Rusia, Bullgaria dhe Shqipëria për në Kosovë. Në rajonin e Gjilanit dhe të Kamenicës ka një rrjet të kriminelëve, të cilëve u ka paguar rrogë për t’i shërbyer Ahmet Aliashanit dhe Rr.I. si truprojë. Rrogat ua kanë dhënë në vlerë prej 400 marka gjermane.

Gjithashtu në bashkëveprim me një person nga Kamenica, e ka dhunuar një femër. Rr. I. e ka detyruar atë femër t’iu bëjë femra grupit të tyre, ku gjendet edhe Ahmet Aliashani. Këta persona janë: Z. Rr. nga Kamenica, i lindur 1961 apo 62, i afërm me Shërbimin Serb.

Sh. M., A. M. dhe Xh. K. të afërm me Shërbimin Serb. Këtyre personave Rr. u ka paguar rrogë 400 marka gjermane, si truprojë për veti dhe të Ahmetit.

Rr. I. e ka keqpërdorë vajzën N. K. (emri i njohur për redaksinë), dhe tani kjo vajzë ka devijuar psikikisht, pikërisht nga Rr.I. Gjithashtu janë të lidhur me këtë rrjet të organizuar të trafikut të drogës dhe të femrave: S. K nga fshati Dajkovcë, komuna e Kamenicës dhe tani jeton në Ferizaj, F. R nga Kamenica, djali i axhës së S., M. K. ka punuar deri më 12 qershor të ’99, në sigurimin Shtetëror Serb dhe ende punon, tani gjendet në Vranjë dhe kohë pas kohe kalon në Leskovc. S. dajë e ka F. D. punëtor i Sigurimit Shtetëror Serb në Gjilan dhe Kamenicë, ku gjithashtu ka punuar gjer më 12 qershor të ’99, kur edhe janë tërhequr forcat jugosllave nga Kosova. Tani Rr. është i lidhur me këta persona si dhe Ahmet Aliashani. Gjithashtu Ahmeti paraqitet në opinion se tani është njeriu i parë te Rugova dhe urdhëron njerëzit se kush duhet të punësohet në komunën e Kamenicës. Në tërësi kryetari i Kuvendit Komunal të Kamenicës, z. Sh. S., ka rënë nën ndikimin e Ahmet Aliashanit, ku Ahmeti dhe Rr. pa ndërprerë bëjnë presion te strukturat komunale, pikërisht që personat e rrjeti të tyre të punësohen.

15 prill, 2002 Prishtinë, me respekt B- 25 / 130 “Plaku”

Shkoni mor pjell e Shkjaut se na cat karet....
Gjo te gjalla..

[martini1984]

Ptuhhhhhhhhhhhhhhhh
fare prodhuese..
nrkjb

[Kosovelli]

Iku pa e thënë realitetin-ngordhi njeri ndër udhëheqësit e operacionit vrasës të vëllezërve Gërvalla dhe Kadri Zekës

Pak kush ka pasë karierë të begatshme, si partiake, policore dhe shtetrore si Stane Dollanci.
Në kohërat tjera, lajmi për vdekjen e tij,do të merrte dhenë në mediat e shkruara dhe tv-numërtë madh telegramesh,varrosje me nderime shtetërore dhe pjesëmarrje të shtetarëve ish miq të atëhershëm të asaj Jugosllavie. Pa medyshje do të ngriheshin edhe ceremoni dhe takime rasti për veprat rolin dhe rëndësinë e tij. Por,kjo mbeti e vdekur ashtu;sikur që mbeti e vdekur ideologjija e tij dhe shteti të cilit i shërbeu. Lajmin për vdekjen në Ljubljanë të Stane Dollancit, në moshen 75 vjeare, njerit ndër poletikanët më të njohur slloven dhe ish bashkëpuntorët më të ngusht të J.B. Titos, medijat sllovene e dhanë vetem sa të dihet-siq thotë populli ynë sa për sy e faqe.

[Kosovelli]

Si „Lindi“ Dolanci?

Paraqitja e parë e tij me rëndësi para opinionit ishte suksesi i Basketbollistëve të Jugosllavisë në organizimin e kampionatit botëror me 1970 që u mbajt në Ljubljanë,dhe si sekretar i Komitetit të Ljubljans kur i „qetësoi“ me mjaft sukses protestat studentore me 1968 në Slloveni. Këto dy ngjarje i shërbyen si „dërrasa kërcyse“ në karierën e tij politike, policore dhe shtetërore,që menjiherë i mundësoi zgjedhjen e tij si sekretar i byros politike të kryesisë së KQ të LKJ. Në këtë post mbeti 9 vjet, deri në vdekjen e Kardelit me 1979 kur emërohet anëtarë i Kryesisë së KQ të LKJ. Për shkak të angazhimit politik të pa mohueshëm,bile një kohë si person i pazavendsueshëm; më të madhe u përfol se ky do të jetë zavendësi i mundshëm i Titos pas vdekjes. Ishte njeriu që më së shumti i besoi Tito ku edhe nga Jovanka fitoi besim të madhë. Megjithatë pas vdekjes së Titos nuk u bë ajo,që e mendonte dhe ëndërronte por iu dha „pas shpine“ Policija Sekrete Federative, shef i të cilës u bë që nga 1982 deri me 1984 (kur u zgjodh anëtarë i Kryesisë së RSFJ - së). Një vit para se të shkoi në pension, mori pjesë në mbledhjen sekrete në mes të APJ-së dhe organeve Sllovene në procesin e „katërshes“ (Janez Jansha dhe të tjerët) ku Armata Jugosllave kërkoi ndihmen e tij nëse vie deri te trazirat për këtë proces. Atëkohë Dolanci doli me propozimin,që gjykimi të mbahet në gjuhën sllovene dhe pastaj Kryesija e RSFJ të bëj anestimin e të burgosurve;gjë që edhe ndodhi. Me paraqitjen e „Pranverës sllovene“ dhe fillit të shkatërrimit të Jugosllavisë, Dolanci u pensionua dhe shkoi në harres.. Medijat sllovene, deklaronin hapur se „Dolanci ka shkuar për të mbledhur këpurdha në Gozd Martuljeku“, afër Kranjska Gorës, ku e kishte uikendshtëpinë. Gjat tërë kohës i iku politikës, nuk deshi kurrë të jap intervista nën arsyetimin se pas pensionimit i ka thënë lamtumirë politikës. Mirpo edhe pse i pensionuar Dolancit ju dasht që disa herë të paraqitet para seancave të ndryshme gjyqësore, përshkaqe të rolit të tij, si dhe disa herë në debate para parlamentit slloven. Para se të pësonte nga sëmundja e rëndë, të ciles mezi i shpëtoi (gjakëderdhje në tru), filloi të shkruaj memoare por ishte shumë i shkurtër-për shkaqe shëndetësore. Në shekullin që posa kemi shkelur, shumë kujt do ti interesonte se çka shkroi dhe çka dashur të shkruaj njëri ndër bashkëpuntorët më të ngusht të Titos, është shumë veshtirë për tu thënë. Por ajo që do të ishte më me interes sidomos për shqiptarët, është roli i tijë në policinë federative, aksionet e tyre të kryera jasht vendit(Jugosllavisë) e sidomos edhe një numër i madh likuidimesh. Këto likuidime kishin të bënin kryesisht ndaj mërgatës kroate e posaçërisht asaj shqipëtare.

[Kosovelli]

Dihet se vrasja e vëllezërve Gërvalla dhe Kadri Zekës, është vrasje e përgaditur dhe e kryer deri sa Dollanci ishte shef i asaj policije.

Është e pa mundur,që Dollanci të mos e dinte se kush dhe pse e vrau Isuf Gervallen dhe bashkëpuntorët e tij-Bardhoshin dhe Kadri Zekën.Është dashur që së paku pas shkatrrimit të Jugosllavisë të deklarohet hapur,por përkundrazi ai heshti. Kanë qenë shumë interesante edhe parashikimet e tija për Kosovën kur thoshte se atje kemi të bëjmë me nji problem të brendshem dhe krejt çka ndodhë atje nuk vjen nga jasht. „ Askush nuk mundet ta shkatrroi Jugosllavin nga jashtë por atë do ta shkatërroj vetem nëse deshiron njera nga njësit e saja kushtetuse-apo populli i saj“. Kjo ishte thënja e tij e shpesht. Dy vitet e fundit të jetës së tij Dolanci i kaloi në kurim të pasuksesshëm. Tërë kohën e kaloi i ulur fare pa lëvizje . Nuk mundi të shkruaj e as të thotë atë,që e mendonte. Dolanci më në fund shkoi në harresë, pa ndonji popullaritet i harruar edhe nga bashkëpuntorët e tij politik si dhe nga bashkëmendimtarët më të ngusht. Sa dhe si ka qenë „aftësija“ e tijë politike në ish Jugosllavi do të dëshmohet edhe më në të ardhmën.

[Kosovelli]

Kush ishte Dolanci?

Stane Dollanci lindi me 16 Nëntor 1925 në Hrasnik të Sllovenisë nga nji familje minatorësh. Pas mbarimit të maturës ju bashkangjit aradhave pertizane me 1944. Më 1958 diplomoi në fakultetin e drejtësisë në Lublanë.Që atëherë e deri me 1960 u gjend në disa detyra në APJ si eprorë aktiv. Ishte mësimdhënës në Akademinë e Artilerisë në Zarë. Pastaj kaloi si gjykatës ushtarak në divizionin e Novo Mestos e më vonë edhe zëvendës gjykatësi pranë Korpusit të Ljublanës. Më pas e ndërroi vend punimin dhe kaloi në Zagreb në detyrë të Eprorit të lartë të KOS-it. Në Armaten e Pestë (Armata e Zagrebit). Kur e hoqi uniformën ushtarake,me 1960 si civil,u kyq në formimin e shkollës së lartë për sociologji dhe shkenca politike (më vonë Fakulteti i shkencave politike) në Ljublan ku ishte edhe mësimdhënës dhe profesor i rregullt. Kariera e tij politike shkonte ngadalë por sigurt deri te „maja“, deri te njëri ndër pasardhësit më të mundshëm të Titos. Përpos besnikërisë ndaj partisë dhe Titos ai i mbeti besnik edhe KOS-it si njeri më i miri „zbulues ndër zbulusit“.
P.S.
Me këtë shkrim desha që opinionin shqipëtar jo vetëm ta njoftoi se ka ngordhur një QEN nga ish shteti fantazmë, po edhe t'i bëjë me dije të gjithë ata të cilët,në anën e tij ndoqën, vranë dhe sakatosën,burgjeve të asaj Jugoserbie djalërinë më të mirë shqiptare, se mëkatet e tyre do ti ndjekin edhe po patën edhe shtatë botëra të tjera...(Islam SADIKU Janar 2000)