Shërbimet Sekrete Serbe në Kosovë

[Kosovelli]

Fjalimi i studentit nga Prishtina. . .

Sekretariati Krahinor për Punë të Brendshme
Shërbimi i Sigurimit Shtetëror
Drejtori-Gjakovë
Punt. op. Sejfullah Sahatçiu
Më 1. 04. 1985
Raport i bashkëpunëtorit
I
-Burimi: Bashkëpunëtori “Kobra”.
-Shënimet kanë të bëjnë me veprimtarinë e LRSSHJ-së në Zvicër.
-Bashkëpunëtori raportin e vet me shkrim e ka dërguar më datë 29. 03.
1985.
-Në iniciativën e bashkëpunëtorit.
-Shpenzime nuk ka pasur.
-Më 1. 04. 1985.
II
Bashkëpunëtori përcjell veprimtarin e LRSSHJ në Zvicër
III
85
Bashkëpunëtori “Kobra” shkruan: “Më dt. 03. 03. 1985 isha në klubin
“Ganimete Tërbeshi”në Martigny në Lozanë. Këtu u organizuam që me
punëtorët të punësuar nëpër disa qendra të ndryshme të Zvicrës, të
takohemi në ketë klub që të kalojmë disa momente. Me ketë rast një
student nga Prishtina, pjesëtar i LRSHJ, në fjalimin e tij përveç tjerash
tha: “Bota po e përkrah kërkesën tonë “Kosova Republikë” që nga marsi i
vitit 1981. Prej atëherë e deri më tani, shtypi dhe radiotelevizionet e
mbarë botës vazhdojnë të shkruajnë dhe të flasin pa ndërprerë për
ngjarjet në Kosovë, rreth gjendjes së mjerueshme të dy milionë
shqiptarëve që jetojnë në trojet e veta në Kosovë. Papunësia ka arritur në
mbi 100. 000 veta. Grabitja e pasurisë së begatshme nga Kosova,
presionet, torturat, burgosjet e deri tek masakrat që u bëhen nga UDB-ja
famëkeqe jugosllave, duke filluar nga nxënësit e shkollave të mesme,
studentëve, fshatarëve, punëtorëve e deri tek profesorët e Universitetit,
janë tema që mund t'i shohim për çdo ditë në faqet e ndryshme të shtypit
botëror apo t'i dëgjosh nga agjencitë e huaja telegrafike. Këto të dhëna
janë të njohura në opinionin vendës e atë botëror apo t'i dëgjosh nga
agjencitë e huaja telegrafike. Këto të dhëna janë të njohura në opinionin
vendës e atë botëror. Qëllimi ynë është që t'i cekim ca fakte që
vërtetojnë një realitet të pamohueshëm të kërkesës për konstituimin e
Republikës Socialiste Shqiptare në kuadër të federatës e përkrahur ne
disa mënyra: në mënyrë direkte, indirekte dhe në mënyrë të heshtur.
Numri i atyre që e përkrahën kërkesën e shqiptarëve në Jugosllavi në
mënyrë direkte, nuk qe i vogël. Ata e thanë këtë botërisht nëpërmjet
radiotelevizioneve e agjencive të veta telegrafike e deri edhe para
forumeve botërore siç janë OKB dhe Organizatës për të drejtat e njeriut.
Përfaqësuesi i Vlladimir Dejijeri iu deshtë në mënyrë të turpshme të flasë
për të drejtat e njeriut, përderisa në atdheun e tij për një parullë siç
është “Kosova Republikë”shqiptohen dënimet më shumë se 15 vjet
burgim. Përfaqësuesit shtetëror që e përkrahën kërkesën tonë në mënyrë
indirekte, për shkaqe të ndryshme nuk folën, mirëpo shtypi dhe mjetet
tjera të informimit të atyre vendeve, kurrë nuk pushuan së foluri e së
shkruari objektivisht rreth këtyre ngjarjeve.
Nga një numër shtetesh, kërkesa jonë u përkrah në heshtje, nga këto
nuk u dëgjua fjalë në të cilat përkrahet kërkesa jonë, mirëpo nuk u
dëgjuan fjalë as për të kundërtën, sepse është jashtë logjikës të
deklarohesh ndaj një kërkese të tillë.
Kjo e vërtetë u vërtetua edhe nga vetë jugosllavët në mënyrë direkte apo
indirekte.
Në mënyrë direkte u vërtetua se deri më sot, pa marrë parasysh zhurmën
shurdhuese që e bëri e që vazhdoi akoma të bëjë shtypi i shfrenuar dha
radiotelevizioni, nuk arriti të citojë çfarëdo lajmi që e do në favor të tyre,
por iu deshtë të kritikojë shtypin botëror gjoja për të pavërtetat e
ngjarjeve në Kosovë”.

[Kosovelli]

Nga fjalimi i Agim Gashit nga Lipjani

Pas pak kohe foli edhe Agim Gashi, nga Lipjani. Agimi është aktivist i
“Lëvizjes”dhe njihet si këngëtar i mirë. Ndër tjera Agimi tha: Në histori e
kemi lexuar se Partia Komuniste e Shqipërisë mbante një qëndrim
konsekuent internacionalist.
Nuk i lejonte vetës asnjë shfaqje sado të vogël shovinistë. Ndihmonte me
të gjitha forcat zhvillimin e luftës antifashiste në Kosovë dhe ne rrafshin e
Dukagjinit.
Luftonte për vëllazërimin mbi baza marksiste-leniniste të popullit Shqiptar
me popujt e Jugosllavisë.
Lidhur me problemin e Kosovës dhe të krahinave tjera të banuara me
shqiptarë në Jugosllavi, PKSH nuk e kishte pranuar asnjëherë parullën
fashiste “Shqipëria e madhe”, PKSH e shikonte zgjidhjen e drejtë të këtij
problemi me fitoren e revolucionit si në Shqipëri ashtu edhe në Jugosllavi.
PPSH kishte shpallur botërisht se populli Kosovar me fitoren e
revolucionit, në të dy vendet, do të fitojnë të drejtën e vendosjes së fatit
të vet”.
Agim Gashi, nga Lipjani.
IV
Vërejtjet e punëtorit operativ:
Bashkëpunëtori i sigurt, shënimet e pavërtetuara. “Kobrës” do t'i jepet
për detyrë që të identifikoi studentin nga Prishtina.
Me një kopje të këtij raporti është njoftuar DSHSSH-Prishtinë.
V
Vërejtjet, çmimet dhe vendimet e eprorit:
Dërgohet:
2 X SHSSH SKPB
1 X DSHSSH Prishtinë
1 X në lëndë në bank. “Kobra”
1 X Evidencës
Punëtori operativ,
Sejfullah Sahatçiu
T: ‘Durmishat’ shpërndanë trakte dhe organizuan vizitë në varrezat e
heronjve
Sekretariati Krahinor për Punë të Brendshme
Shërbimi i Sigurimit Shtetëror
Drejtori-Gjakovë
87
punt. op. Sejfullah Sahatçiu
Më 29.03.1985
I
Raport i bashkëpunëtorit
Burimi: Bashkëpunëtori ‘Kobra’.
Shënimet kanë të bëjnë me veprimtarinë armiqësore të LRSHJ-së në
Zvicër. Bashkëpunëtori ka dërguar raportin me shkrim më 18.03.1985,
ndërsa në adresë të punëtorit operativ ka arritur më 28.03.1985.
Me iniciativën e bashkëpunëtorit.
Shpenzime nuk ka pasur.
Raporti paraqitet më 29.03.1985.
II
Bashkëpunëtori përcjell veprimtarinë e disa anëtarëve të LRSSHJ-së në
Zvicër.
III
Bashkëpunëtori në raportin e vet të dërguar me shkrim thotë: “Në klubin
‘Shotë Galica’ në Lozanë, në një bisedë me Shaqë N. nga Ferizaj apo
Gjilani përmendi se është aktivist i njohur i ‘Lëvizjes’ dhe se brenda katër
viteve të fundit ka dhënë kontribut të madh LRSSHJ-së. Shaqa është në
moshë afër 48 vjeçar. Ky së bashku me Rrustem Mahmutajn i cili mbante
flamurin në dorë dhe Salih Basha i cili iu ka paraprirë, kanë marrë pjesë
në marshin protestues i cili është organizuar më 26 janar 1986 në
Shtutgart-RFGJ. Në këtë marsh kanë marrë pjesë afër 800 veta nga
vendet e ndryshme si nga Belgjika, Zvicra, Franca, Austria dhe SHBA. Në
mesin e të tjerëve në këtë marsh protestues ishin edhe Salih Basha,
Mehmet Rashiti nga Gjilani, përndryshe anëtar i klubit ‘Shotë Galica’ në
Lozanë dhe korrespodent i ‘Zërit të Kosovës’.
Mehmeti është shok i mire dhe ilaka me Selver Salihun nga Gjilani, i cili
kishte qenë më parë studentë në Kosovë, e tani është sekretar i klubit
‘Shote Galica’ në Lozanë, ku edhe jeton. Selver në Jugosllavi ishte i
dënuar për çështje politike, dhe se me ardhjen e tij në Zvicër luan një rol
të madh e sidomos në klubin ‘Shotë Galica’ në Lozanë i cili ishte abonenti
gazetës ‘Zër i Popullit’ dhe të njëjtat gazeta i sjell në lokalet e këtij klubi.
Në këtë marsh protestues ishte edhe Zahir Zahiri, kushëriri i Zija
Shemsiut, nga fshati Përlepnicë, KK Gjilan, i cili njihet dhe shoqërohet me
Hasan Malën - “Mixhën”. Zahiri ka qenë në koncertin e Ansamblit të
Shqipërisë në Bernë së bashku me bashkëshorten e vet e cila ishte e
veshur me të kuqe dhe si pjesëtarë të këtij ansambli, bashkëshortja e
Zahirit në disa raste, pas mbarimit të këngëve iu ka dhuruar lule.
Gjithashtu kjo ka qenë pjesëmarrëse në demonstratat antijugosllave të
88
organizuara në Bernë, e veshur me rrobat sikurse në kuvertë, por me
këtë rast në qafë mbante një shami të kuqe.
Më dt. 24. 11. 1984, në një sallë të madhe ku ishim tubuar për të
kremtuar ditën e flamurit kombëtar, bashkëshortja e Zahirit ka hapë
programin duke lexuar një material të përgatitur për ketë ceremoni, e që
ky kishte përmbajtje armiqësore, e gjatë leximit ka mbajt grushtin lartë e
që në atë moment publiku prezent ka filluar brohoritjet “Parti Enver, jemi
gati kurdoherë”, “Kosova Republikë” etj.
Fjala hyrëse e kësaj femre, e cila ka qenë bukur e gjatë, është botuar në
“Zërin e Kosovës” nr. 10 Nëntor 1984 në faqen 1, 3 dhe 10. ky tubim
është mbajtë në një vend afër Cyrihut i quajtur Albiesguetli dhe së
bashku me Zahirin dhe bashkëshorten, prezent ishte edhe vajza e tyre
7-8 vjeçare, pastaj Shaqa N. Hajdar Sadrija nga rrethi i Gjakovës, Hasan
Mala dhe Rrustem Mahmutaj. Të gjithë këta kishin siguruar një tavolinë
dhe së bashku ishin ulur.

[Kosovelli]

Kush janë “durmishat”?

Në bisedë me Kadri Avdullahun më tha se “më dt. 19.01.1983, në
Shtutgart “Durmishat” kuptohet tradhtarët e vendit, së bashku me disa
pisa tjerë organizuan dhe shpërndanë disa trakte dhe vizituan varrezat e
heronjve tanë të Jusufit, Kadriut e Bardhoshit, pastaj shpërndanë “Zërin e
Kosovës” të falsifikuar. Këtë grup po e udhëheq Sadik Blakaj nga Ferizaj,
Sabri Novosella, Xhafer Skënderaj-Durmishi, Milaim Zekaj nga Gjilani,
dhe Haxhi Berisha nga Deçani. Milaim Zeka nga Gjilani, ky tradhtar është
paraqit se është patriot revolucionar shqiptar, përkundrazi, duhet ta dini
të gjithë se ai është tradhtar së bashku me të tjerët pasi ata po i paguan
UDB-ja Jugosllave, vetëm e vetëm që ta pengojnë punën dhe
veprimtarinë e lëvizjes.
Për Milaimin është kuptuar edhe më herët, kur ishte Ansambli i Shqipërisë
ne Shtutgart, gjoja ky si atdhetar ansamblit në fjalë iu ka dhuruar lule në
shenjë respekti duke menduar se të tjerët nuk i dinë punët dhe
marifetllëqet e tij.
Gjithashtu, tradhtar është edhe Haxhi Berisha nga Deçani, i cili di diçka
rreth vrasjes së heronjve tanë në Untergrupenbach afër Shtutgartit”.
- SHAQA N. NGA Ferizaj apo Gjilani,
- RRUSTEM MAHMUTAJ, NGA FSH. Lybeniq, KK Pejë,
- Salih Basha
- Mehmet Reshiti nga Gjilani,
- Selver Salihu, nga Gjilani,
- Zahir Zahiri, nga fsh. Pelepnicë, KK Gjilan,
- Hasan Mala, nga Gjilani,
- Bashkëshortja e Zahirit, nga Përlepnica, KK Gjilan,
- Kadri Avdullahu,
89
- Sadik Blakaj, nga Ferizaj,
- Sabri Novosella, nga Prishtina,
- Xhafer Durmishi,
- Milaim Zekaj, nga Gjilani,
- Haxhi Berisha, nga Deçani,

[Kosovelli]

Detyra e ‘Kobrës’ të takohet me Kadri Avdullahun

IV
Vërejtjet e punëtorit operativ:
Bashkëpunëtori i sigurt, shënimet pjesërisht të vërtetuara edhe nga
burimet tjera. Ekziston mundësia që ‘Kobra’ gjatë përpilimit të raportit me
shkrim nuk i ka përshkruar gjerësisht gjerat, gjë që mbetet që në
kontaktin që do të behët në vend apo nëpërmjet formave tjera, rastet
dhe personat do të jenë më të konkretizuar. ‘Kobrës’ i është dhënë për
detyrë që të kontaktojë me Kadri Avdullahun dhe të njoftohet me për së
afërmi me veprimtarinë e tij armiqësore.
Me nga një ekzemplar të këtij raporti është njoftuar DSHSSH-Gjilan,
Ferizaj dhe Pejë.
V
Vërejtjet, çmimet dhe vendimet e eprorit:
Dërgohet:
2 x SHSSH SKPB
1 x DSHSSH-Gjilan
1 x DSHSSH-Ferizaj
1 x DSHSSH-Pejë
1 x Në lëndë të “Kobrës”
1 x Evidencës
Punëtori operativ, Sejfullah Sahatçiu

[Kosovelli]

Kobra vazhdon të dërgojë materiale të shumta në UDB

Sekretariati Krahinor për Punë të Brendshme
Shërbimi i Sigurimit Shtetëror
Drejtori-Gjakovë
punt. op. Sejfullah Sahatçiu
I
Raport i bashkëpunëtorit
Burimi; Bashkëpunëtori ‘KOBRA’
Shënimet kanë të bëjnë me materialin propagandistik nga RPSSH
i cili qarkullon në mesin e disa anëtarëve të LRSSHJ-së në Zvicër
Shpenzime nuk ka pasur
90
Raporti paraqitet më 22. 03. 1985
II
Bashkëpunëtori përcjell veprimtarinë armiqësore të LRSSHJ-së në Zvicër.
III
Bashkëpunëtori ‘KOBRA’ përmes dërguatës postare e në emër të
punëtorit operativ i cili e mban në lidhje ka dërguar 12 copë gazeta “Zëri i
Popullit” Organ i komunitetit qendror të PPSH të datave 22, 23, 24, 26,
27, 28 shkurt dhe 1, 2, 3, 5, 6 dhe 7 mars 1985. Në numrin e datës 23
shkurt 1985 është titulli “Dënime të tjera kundër shqiptarëve në Kosovënë
Pejë 9 veta dënohen gjer në ll vjet”, ndërsa në numrin e datës 27
shkurt 1985, është artikulli “udhëheqësit jugosllavë ndjekin një politikë
konstante antishqiptare”. Në këtë numër të gazetës përveç se bëhet fjalë
edhe për Mehmet Shehun kundër tjera shkruhet: “… Në udhëheqjen
shqiptare mund të futej dikur edhe Mehmet Shehu, agjent i fshehur i
amerikanëve sovjetikë e jugosllavë. Por ai nuk mundi as të deformohet as
të ndryshonte vijën marksiste-leniniste të partisë. Ai u likuidua pse ndeshi
në unitetin e pathyeshëm të partisë në popullin …”
Së bashku më këto gazeta ‘Kobra’ ka dërguar dhe librin “Lidhja Shqiptare
e Pejës – Lëvizja kombëtare 1896-1900”, nga autori.
Kristaq Prifti, e botuar në Tiranë më 1984.
IV
Vërejtjet operativ:
Bashkëpunëtori me iniciativë e vet dërgon material të ngjashëm,
bashkangjitur këtij raporti ju dërgojmë edhe gazetar dhe librin në fjalë.
V
Vërejtjet, çmimoret dhe vendimet e eprorit:
Dërgohet:
2 x SHSSH SKBP
1 x evidencës
1 x në lëndën të bashkëpunëtorit ‘Kobra’

[Kosovelli]

Identifikimi i veprimtarisë së Njazi Mehmetit

Sekretariati Krahinor për Punë të Brendshme
Shërbimi i Sigurimit Shtetëror
Drejtori-Gjakovë
punt. op. Sejfullah Sahatçiu
I
Raport i bashkëpunëtorit
91
Burimi: Bashkëpunëtori “Kobra”.
Shënimet kanë të bëjnë lidhur me LRSSHJ, në Zvicër
Materiali është dërguar me dt. 26. 02. 1985, ndërsa në DSHSSh ka
arritur më 7. 03. 1985,
Me iniciativën e bashkëpunëtorit
Shpenzime nuk ka pasur
Raporti paraqitet më 8.03.1985.
II
Bashkëpunëtori përcjell veprimtarinë armiqësore të disa anëtarëve të
LRSSHJ-së, në Zvicër.
III
Bashkëpunëtori ‘Kobra’ nëpërmjet korrespondencës ka dërguar tri pjesë
të gazetave të cilat bëjnë fjalë për demonstratat antijugosllave të
organizuara në Perëndim. Në njërin prej këtyre artikujve me titull
“Albanische Minderheit Jugoslaëien demonstriert in Bon” shihet Rrustem
Mahmutaj i cili me veshje kombëtare në ballë të kolonës së
demonstratave mban flamurin shqiptar. Në ketë, shihen demonstratat e
organizuara nr. 6. 04. 1982, në Bon të RFGJ.
Rrustem Mahmutaj, nga fshati Lybeniq, KK Pejë, tani i punësuar në Zvicër
në qytetin Bernë, për të edhe më parë është shkruar.
IV
Vërejtjet e punëtorit operativ:
Bashkëpunëtori edhe më parë ka dhënë shënime për Rrustem
Mahmutajn, shënime këto të cilat janë treguar të vërteta. Meqë artikujt
janë në gjuhën gjermane, për përmbajtjen e tyre nuk jemi te njohur
përveç se shihen Rrustemi si pjesëmarrës në këto demonstrata. Nëse e
doni fotografinë dhe një kopje të këtij raporti, ia dërgoni DSHSSH Pejë.
Njihet për veprimtari armiqësore kundër sistemit të RSFJ-së. Kjo
mbledhje përkujtimore është mbajtur në Kursall më dt. 27. 04. 1985,
prej orës 14-18. “
Nijazi Mehmeti, nga fshati Bilinicë, KK Gjilan, tani i punësuar në Bernë-
Zvicër.
IV
Vërejtjet e punëtorit operativ:
Bashkëpunëtori i sigurt, shënimet pjesërisht të vërtetuara. Në bisedën
telefonike me ‘Kobrën’ ka pasur për detyrë që të identifikojë personin nga
Gjilani, i cilin tani bën identifikimin e tij dhe jep emrin e Nijazi Mehmetit.
(Shiko raportin e ‘Kobrës’ nr. 960333/85 të dt. 17. 05. 1985).
bashkëpunëtori do të udhëzohet sipas depeshes suaj nr. 5-664/a-të dt.
92
18. 05. 1985, e cila bën fjalë për takimin e LRSSHJ-së për vdekjen e Zija
Shemsiut si dhe për organizimin e demonstratave në Zvicër.
IV
Vërejtjet çmimet dhe vendimet e eprorit:
Dërgohet:
2 x ShSSh SKPB
2 x këtij Drejtorati
Punëtori operativ, Sejfullah Sahatçiu

[Kosovelli]

Asgjësimi i thirrjeve për katërvjetorin e demonstratave

Sekretariati Krahinor për Punë të Brendshme
Shërbimi i Sigurimit Shtetëror
Drejtori-Gjakovë
punt. op. Sejfullah Sahatçiu
RAPORT i BASHKËPUNËTORIT
I
Burimi: Bashkëpunëtori “Kobra”.
Shënimet kanë të bëjnë me aktivitetin e LRSHJ, në Zvicër, rreth shënimit
të katërvjetorit të demonstratave kundërrevolucionare në Kosovë.
Biseda është zhvilluar përmes telefonit më dt. 25. 03. 1985, në orën 22.
Me iniciativën e bashkëpunëtorit
Shpenzime nuk ka pasur
Raporti paraqitet më 26.03.1985.
II
Bashkëpunëtori përcjell veprimtarinë e LRSSHJ në Zvicër.
III
Më datën 25.03.1985, në orën 22, bashkëpunëtori “Kobra” nëpërmjet
telefonit nga Zvicra lajmëron: “Sot kam marrë afër 30 copë thirrje që ato
t'i shpërndaj bashkëmendimtarëve të LRSSHJ-së, se më dt. 30.03.1985,
do të mbahet një tubim në Gjenevë në shenjë të manifestimit të
katërvjetorit të demonstratave kundërrevolucionare në Kosovë. Ky tubim
mbahet në njërin prej klubeve të LRSSHJ në Gjenevë duke filluar në orën
19. 30minuta. Thirrjet do t'i asgjësojë, ndërsa një ekzemplarë nëpërmjet
korrespodencës do t’ju dërgoi juve. Do të marr pjesë në këtë tubim pasi
sipas të gjitha gjasave ditën në fjalë nuk do të punoi. “
IV
Vërejtjet e punëtorit operativ:
93
Bashkëpunëtori i sigurt për çka edhe mendojmë se shënimet duhet të
jenë të sakta. Meqë bashkëpunëtori do të marrë pjesë në këtë tubim, për
çka ka shpreh edhe gatishmëri, me raportin e vet do të na lajmërohet
rreth vërejtjeve të këtij tubimi. Lidhur me këtë jeni njoftuar edhe me
depeshen tonë nr. 88 të datës 26.03.1985.
V
Vërejtjet, çmimet deh vendimet e eprorit:
Dërgohet:
2 x ShSSh SKPB
1 x në lëndë të bashk. ‘Kobra’
1 x Evidencës
1 x punë. Të vijës së II
Punëtori operativ, Sejfullah Sahatçiu

[Kosovelli]

Detyrë e ‘Kobrës’: Ta përhapë lajmin se Ibrahim Kelmendi ka
marrë pjesë në vrasjen e vëllezërve Gërvalla e Kadri Zekës

Sekretariati Krahinor për Punë të Brendshme
Shërbimi i Sigurimit Shtetëror
Drejtori-Gjakovë
punt.op. Sejfullah Sahatçiu
Më 24.05.1985.
I
Raport i bashkëpunëtorit
Burimi: Bashkëpunëtori ‘Kobra’.
Shënimet kanë të bëjnë me materialin propagandistik i cili qarkullon në
mesin e disa pjesëtarëve të LRSSHJ-së në Zvicër.
Materiali është dërguar nëpërmjet postës i cili nëpërmjet SHSSH SKPB në
DSHSSH-Gjakovë ka arritur më dt. 23.05.1985.
Me iniciativën e bashkëpunëtorit.
Shpenzime nuk ka pasur.
Raporti paraqitet më 24.05.1985.
II
Bashkëpunëtori përcjell veprimtarinë armiqësore të disa pjesëtarëve të
LRSSHJ-së në Zvicër.
III
Bashkëpunëtori ‘Kobra’ nëpërmjet dërgesës postare e në emër të
punëtorit i cili e mban në lidhje, ka dërguar këto materiale
propagandistike 12 copë gazeta “Zëri i Popullit” organ i Komitetit Qendror
94
të PPSH, 6 copë “komunikata” për rastin e Zija Shemsiut, 4 copë
“komunikata” rreth bashkimit të disa organizatave të LRSSHJ-së, 3 thirrje
e pamfletit “Liria”, 6 fotokopje të “Zërit të Popullit” me artikuj të
ndryshëm rreth ngjarjeve në Kosovë, 1 copë të fjalimit të Enver Hoxhës
në Kongresin e 8 të PPSH, 1 komunikatë rreth vdekjes së Rexhep Malës e
Nuhi Berishës dhe 3 fotografi të pjesëmarrësve në demonstratat e
organizuara në Zvicër. Përveç këtyre materialeve bashkëpunëtori ‘Kobra’
në raportin e vet me shkrim shkruan: “LRSSHJ për ftesën e 1 majit 1095,
ka përgatitë disa trakte në gjuhën gjermane, frënge dhe ato angleze.
Kështu që ne Cyrih, Bazel, Gjenevë dhe në qytete tjera rreth Zvicrës për
këtë festë nga ana e qytetarëve të tyre janë organizuar marshe
protestuese rreth rritjes së të ardhurave, rreth armëve bërthamore, por
këto janë marshe tradicionale e duke e shfrytëzuar këtë, Rrustem
Mahmutaj, Enver Avdullahu dhe Beat Schafer bënin shpërndarjen e
këtyre trakteve me titull “Brot, Arbeit, Freiheit, Republik”.
Rrustem Mahmutaj, nga fsh. Lybeniç KK Pejë,
Enver Avdullahu, i njohur nga shërbimi.
Beat Schafer, librashitës në Biel.
IV
Vërejtjet e punëtorit operativ:
Fotografitë (tri copë) e dërguara nga ‘Kobra’ shihet Rrustem Mahmutaj
dhe disa persona tjerë në njërën prej demonstratave antijugosllave të
organizuara në Zvicër, e që këto fotografi do të ngelin në lëndën e
bashkëpunëtorit me qëllim që me ardhjen e ‘Kobrës’ në vendlindje të bëjë
identifikimin e personave tjerë. Nëse paraqitet nevoja e shërbimit, këto
fotografi mund t'i riprodhojmë dhe të ju dërgojmë. Të gjitha materialet e
përmendura, përveç fotografive, janë pjesë përbërëse e këtij raporti.
V
Vërejtjet, çmimet dhe vendimet e eprorit:
Dërgohet:
2 x SHSSH SKPB
1 x në lëndë të bashk. ‘Kobra’
1 x Evidencës.
Punëtori operativ, Sejfullah Sahatçiu
DREJTORATI i SHSSH, Gjakovë.
Bashkangjitur aktit përcjellës ju dërgojmë materialin i cili në emër të
Sejfullah Sahatçiut ka mbërritur nga Zvicra.
Shtojcë: Plikoja me materiale
SM Kryeshefi i Sektorit II, Enver Prekadinaj

[Kosovelli]

Aksioni ‘Dogma’

Sekretariati Krahinor për Punë të Brendshme
Shërbimi i Sigurimit Shtetëror
Drejtori-Gjakovë
punt.op. Sejfullah Sahatçiu
Më 17.04.1985.
I
Raport i bashkëpunëtorit
Burimi: bashkëpunëtori ‘Kobra’.
Shënimet kanë të bëjnë lidhur me veprimtarinë armiqësore të LRSSHJ-së
në Zvicër lidhur me aksionin ‘Dogma’.
Biseda është zhvilluar nëpërmjet telefonit zyrtarë më 16.04.1985 në
orën19,30.
Me iniciativën e bashkëpunëtorit
Shpenzime nuk ka pasur.
Raporti paraqitet më dt.17.04.1985.
II
Bashkëpunëtori përcjell veprimtarinë armiqësore të disa anëtarëve të
LRSSHJ-së.
III
Në bisedë telefonike me bashkëpunëtorin ‘Kobra’ përveç tjerash
përmendi:
“Në Cyrih, të dielën më dt. 14.04.1985 jam njoftuar se është mbajtur një
mbledhje përkujtimore me rastin e vdekjes së Enver Hoxhës. Unë nuk
kam qenë prezent por një lajm i tillë dëgjohet në mesin e punëtorëve
tanë të punësuar në Zvicër. Gjithashtu deri më tani nuk më është e
njohur që dikush nga LRSSHJ ka shkuar në RPSSH për pjesëmarrje në
varrim të E. Hoxhës.
Në kohën e fundit LRSSHJ i ka dërguar Komitetit Ndërkombëtar për të
drejtat e njeriut një peticion me afro 400 nënshkrime e në të cilën
përmenden padrejtësitë dhe terrori ndaj popullit shqiptar në Kosovë dhe
Jugosllavi.
Ndaj Ibrahim Kelmendit, shumica e anëtarëve të LRSSHJ-së kanë filluar
të largohen duke e çmuar atë si të dyshimtë se ka marrë pjesë apo ka
gisht në vrasjen e Isuf Gërvallës dhe të tjerëve.
Ibrahim Kelmendi, i njohur nga shërbimi.
IV
Vërejtjet e punëtorit operativ:
Shënimet e pavërtetuara por munden me qenë të sakta. ‘Kobra’ ka marrë
detyra të reja rreth sigurimit të peticionit, nëse ka mundësi.
96
V
Vërejtje, çmimet edhe vendimet e eprorit :
Dërgohet
2 X SHSSH SKPB
1 X Evidencës
1 X në lëndë të bashk. ‘Kobra’.
Punëtori operativ, Sejfullah Sahatçiu

[Kosovelli]

Paraqitja e Naim Malës në skenë

Sekretariati Krahinor për Punë të Brendshme
Shërbimi i Sigurimit Shtetëror
Drejtori-Gjakovë
punt.op. Sejfullah Sahatçiu
Më 16.04.1985.
I
Raport i bashkëpunëtorit
Burimi: Bashkëpunëtori ‘Kobra’.
Shënimet kanë të bëjnë me veprimtarinë armiqësore të LRSSHJ në
Zvicër.
Bashkëpunëtori nëpërmjet dërgesës postare të dërguar më 10.04.1985.
paraqet edhe raportin
Me iniciativën e bashkëpunëtorit.
Shpenzime nuk ka pasur.
Raporti paraqitet më dt. 16.04.1985.
II
Bashkëpunëtori përcjell veprimtarinë e disa anëtarëve të LRSSHJ-së në
Zvicër.
III
Bashkëpunëtori nëpërmjet korrespodencës, ka dërguar librin doracak
pamfletist “TITISTËT” e klubit të punëtorëve shqiptarë “Igballe Prishtina”
të Gjenevës për pjesëmarrje në katërvjetorin e shpërthimit të
demonstratave në Kosovë si dhe një “Memorandum” në gjuhën
frëngjishte të cilën e ka botuar LRSSHJ, në Biel-Bienne. Pastaj
bashkëpunëtori shkurtimisht lajmëron se: “Në mbrëmjen e 30.03.1985 e
cila u organizua në Gjenevë, në një sallë të madhe , djali i Hasan Malës
ka lexuar dhe mbajtur fjalën e mbrëmjes përkujtimore”.
N. MALA, djali i Hasan Malës, i cili tani gjendet në Zvicër.
IV
97
Vërejtjet e punëtorit operativ:
Bashkëpunëtori i sigurt, shënimet e vërtetuara pasi flasin materialet e
dërguara. Sipas bashkëpunëtorit, për ketë rast ka dërguar raportin i cili
ende nuk ka arritur. Lidhur me takimin që është mbajtur më 30.03.1985,
jeni njoftuar me depeshen tonë nr. 88 të dt. 26.03.1985.
V
Vërejtjet, çmimet dhe vendimet e eprorit:
Dërgohet:
2 x SHSSH SKPB
1 x Evidencës
1 x në lëndë të bashk. ‘Kobra’.
Punëtori operativ, Sejfullah Sahatçiu
MST: Informimi i opinionit për vrasjen e Zija Shemsiut në burgun e
Beogradit
Sekretariati Krahinor për Punë të Brendshme
Shërbimi i Sigurimit Shtetëror
Drejtori-Gjakovë
Punt.op. Sejfullah Sahatçiu
Më 11.05.1985
I
Raport i bashkëpunëtorit
Burimi: Bashkëpunëtori ‘Kobra’.
Shënimet kanë të bëjnë me LRSSHJ në Zvicër.
Biseda është zhvilluar me 09.05.1985, përmes telefonit zyrtar, prej orës
13,40 minuta.
Më iniciativën e punëtorit operativ.
Shpenzime nuk ka pasur.
Raporti paraqitet me 11.05.1985.
II
Bashkëpunëtori përcjellë veprimtarinë armiqësore të disa anëtarëve të
LRSSHJ-së, në Zvicër.
III
Bashkëpunëtori ‘Kobra’ përmes telefonit lajmëron: “Nëpër shumë qytete
të Zvicrës e ashtu edhe në Bernë janë shpërndarë kumtesa në të cilat
shkruhet për vrasjen e Zija Shemsiut. Në kumtesa përveç tjerash
shkruhet: “Lajmërojmë se më dt. 04.05.1985 është vrarë vëllai ynë Zija
Shemsiu në burgun e Beogradit nga ana e UDB-së Jugosllave”. Këso
kumtesa kam vërejtur nëpër shumë vende dhe sasi të mëdha.
98
Janë duke u bërë përgatitjet për mbledhjet përkujtimore kushtuar
vdekjes së Enver Hoxhës. Këto mbledhje gjerë në momentin e fundit nuk
do të publikohen nga frika se a mos ndodhë sikurse me atë në Bernë kur
pronari i restorantit nga frika se do t'i hedhin bombë, nuk iu ka lejuar
lokalin-restorantin dhe gati dështoi kjo mbledhje përkujtimore (shiko
raportin e bashk. ‘Kobra’ të dt. 06.05.1985, nr. 960276/85, vr. e
punt.op.). Sipas disa të dhënave, këto mbledhje do të mbahen në pjesën
e dytë të muajit maj 1985, duke filluar së pari në Lozanë e pastaj me
radhë edhe në qytetet tjera të Zvicrës”.

[Kosovelli]

Detyra e Kobrës…

IV
Vërejtjet e punëtorit operativ:
Bashkëpunëtori i sigurt shënimet pjesërisht të vërtetuara. Lidhur me këtë
jeni njoftuar me depeshen tonë nr. 188/09.05.1985. në bisedë me
bashkëpunëtorin i janë dhënë detyrë që në mesin e punëtorëve tanë të
punësuar në Zvicër-Bernë dhe qytete tjera të përhap lajmin dezinformues
gjoja se Ibrahim Kelmendi është ai njeri që ka marrë pjesë në vrasjen e
vëllezërve Gërvalla, se si gjatë kohës sa ka qenë në Kosovë është
shoqëruar me organet e sigurimit dhe se Ibrahim Kelmendin do ta vrasin
vëllezërit tjerë Gërvalla apo dikush tjetër nga LRSSHJ. Këto detyra i janë
dhënë ‘Kobrës’ me sugjerimin e kryeshefit të sektorit të II të SKPB –
SHSSH, Enver Prekadinaj.
V
Vërejtjet, çmimet dhe vendimet e eprorit:
Dërgohet:
2 x SHSSH SKPB
1 x Evidencës
1 x në lëndë të bashk. ‘Kobra’.
Punëtori operativ, Sejfullah Sahatçiu

[Kosovelli]

Mendimi i Sekretariatit Federativ për ‘Kobrën’ dhe ‘Hiltonin’

12.03.1985, Prishtinë
Dega e SHSSH-sektori V, Gjakovë
Në mbështetje të aktit po ua japim letërkëmbimin e fotokopjuar të SHSPB
faqe deri nr. 270/60 datë 19.02.1985 e cila ka të bëjë me analizën e
bashkëpunëtorëve “Kobra” dhe “Hilton”.
Kryeshefi i Sektorit të II
Enver Prekadinaj
Sekretariati Federativ për Punë të Brendshme
99
Sekretariati Republikan për Punë të Brendshme
.................................................. ........................?
.................................................. ........................?
Beograd
SRPB RS e Serbisë-SHSSH sektori I - Kryeshefit Beograd
SKPB KSA Kosovë - SHSSH sektori II - Kryeshefit Prishtinë
LËNDA: Pozicioni operativ i ‘Kobrës’ dhe ‘Hiltonit’, të dhënat që kthehen.
Duke u nisur nga detyrat me prioritet të programit të këtij viti e ky është
puna me rrjetin e bashkëpunëtorëve dhe zbatimin e komunikimit operativ
për ndërtimin e pozicionit për ta luftuar emigracionin armiqësor shqiptar
posaçërisht LPRSHJ-së, në këtë rast po japim analizën tonë lidhur me
bashkëpunëtorit ‘Kobra’ dhe ‘Hilton’.

[Kosovelli]

‘Kobra’ duhet të bie në kontakt me Xhafer Shatrin

Vlerësojmë se ‘Kobra’ ka kushte që edhe më tutje të orientohet
konkretisht në drejtim të udhëheqjes së LPRSHJ-së në Zvicër, dmth. që të
drejtohet në drejtim të Kadri Abdullahut më perspektivë që të afrohet te
Xhafer Shatri. Propozojmë që të shqyrtohet puna e përgjithshme,
rezultatet, kushtet për shfrytëzim të mëtutjeshëm të tij, shkallën e
përkushtimit, me qëllim që puna e ardhshme me ta të organizohet dhe
drejtohet në drejtim të Xhafer Shatrit nëpërmjet Kadri Abdullahut. Në
këtë drejtim duhet të ketë parasysh analiza e vazhdueshme sepse ‘Kobra’
iu është ekspozuar presioneve edhe nga prezenca e shërbimit shqiptar
dhe shërbimeve tjera informative.
-Në punë me të duhet kujdes i madh dhe sjellje e tillë, e cila nuk
përjashton mundësinë e tërheqjes së tij për bashkëpunim nga policia
Zvicerane ose shërbimi shqiptar.
Dëshira jonë është që përjetë të lidhemi – pas punëve të kontraktuara –
në vlerësimin e efikasitetit të tij, punës së mëtutjeshme të organizimit
dhe instruktimit konkret rreth mbajtjes së lidhjeve ...dhe tjetrit, me
qëllim që nga ‘Kobra’ të krijojë një pozicion kualitativ operativ. Në punë
me ‘Kobrën’ duhet të kemi parasysh edhe faktin se ka lidhje me
‘Hiltonin’….
II
Kemi analizuar dhe vlerësuar shumë të dhëna nga ‘Hiltoni’.
Të dhënat nga ju gjashtë muajt e fundit të çojnë në përfundim se rasti i
tij kërkon rishqyrtim përmbajtjesor.
Një pjesë e të dhënave të cilat i ka ofruar janë shumë drastike dhe të
orienton se “ONDSH” e E. Vazlia po përgatiten për të kryer aksione
diversante terroriste , çka askush nga burimet ekzistuese të shërbimeve
të SHSSH-së, dhe shërbimi i punëve të jashtme nuk i ka bazuar. Në anën
tjetër të dhënat e përgjithshme na çojnë se ONDSH - deri sot nuk ka
100
përdorë terrorizmin. Më tutje nuk janë vërtetuar qëllimet e Shemsedin
Kryeziut nga të dhënat e ‘Hiltonit’. Nuk e mban fjalën si në rastin më të ri
lidhur me ONDSH “?” për futjen e 25 automatikeve. Ofron të dhëna, por
asgjë më shumë. Vihet te përfundimi se me ‘Hiltonin’ si “zogistë të vjetur”
, ONDSH dhe Vazliu nuk kanë ndonjë lidhje të besueshme, e gjithashtu
edhe LPRSH dhe nëpërmjet tij ndoshta po na dërgojnë dezinformata, me
qëllim që të lodhemi për verifikimin e tyre. Ndoshta dyshojnë për shkak
të ardhjesh së shpeshtë në vend dhe me qëllim e dezinformojnë.
Të dhënat e mëparshme obligojnë që të rishikohet dhe vlerësohet në
mënyrë operative si në pikëpamjen e besueshmërisë, ashtu edhe në
orientimin e ardhshëm të tij, e po ashtu lidhjet e theksuara me ‘Kobrën’.
Si edhe në rastin e ‘Kobrës’ duam që patjetër të kyçemi për vlerësime të
përbashkëta dhe orientimin e mëtutjeshëm me instruksione konkrete për
këtë bashkëpunëtor.
.................................................. ..................................?
.................................................. ...................................?
Duke u nisur nga të dhënat propozojmë punë operative në bashkëpunim
me SHSSH të SKBP të Kosovës – sektori II lidhur me shfrytëzimin e
mëtutjeshëm të ‘Kobrës’ dhe ‘Hiltonit’.
Konkretisht lidhur me këtë marrëveshje dhe do të merremi vesh në
telefon.
22-AM/SI, Kryeshefi Ivan Llasiq
Më 25.03.1985, Prishtinë
Dega e SHSSH, Gjakovë
Në mbështetje të akteve po ju ofrojmë materialet të cilat janë në emër të
Sejfullah Sahatçiut të ardhura nga Zvicra
Kryeshefi i sektorit II, Enver Prakadinaj
SKPB KSAK-SHSSH
Dega Gjakovë
Punëtori operativ: Mehmet Haskaj
Shënim zyrtar
Datë 24.04.1985
“Nëpërmes Rrustem Mahmutaj jam njoftuar me një punëtor që punon
përkohësisht në Bernë me emrin Mark Prekaj ose Perkaj, i lindur në
Gjakovë ose rrethinë, punon në një restorant në Bernë i cili quhet “Bir
Hubelei”, i cili ka vizën “B”, ka jetuar vetë në Bernë, ndërsa tash ka
marrë edhe vajzën e një emigranti nga Shqipëria i cili jeton në Kosovë.
Në banesën e Mark Prekaj ose Perkaj, kam parë fotografinë e Enver
Hoxhës, gazetën “Zëri i Popullit” dhe “Zëri i Kosovës”. Kam qenë
personalisht në një bankë me Markun, ku Marku pagoi 32 franga belge në
llogari të “Zërit të Kosovës” për parapagim. Ai mua më tha se e
parapaguan për shkak se dikush i ka sjellë një dhuratë nga Shqipëria, por
e kam dëgjuar kur punëtori i bankës, germë për germë, tregoi kujt po Ia
101
dërgon. Nga Mark Prekaj-Perkaj furnizohet me këtë literaturë një punëtor
i rrethit të Gjakovës, që jeton në Pejë me emrin Gjin Alakaj”.
Punëtori operativ
Nënshkrimi
Më 29.04.1985
Prishtinë
Degës së shërbimit të sigurimit shtetëror
Gjakovë në mbështetje të akteve iu ofrojmë shënimet zyrtare të cilat
kanë të bëjnë me njerëzit e rrethit tuaj.
Kopje e vetme.
Kryeshefi i degës SHSSH
Asllan Sllamniku

[Kosovelli]

Letra kërcënuese në emër të shefit të restorantit “Bierxhubeli”

Sekretariati Krahinor për Punë të Brendshme
Shërbimi i Sigurimit Shtetëror
Drejtori-Gjakovë
Punt.op. Sejfullah Sahatçiu
Më 14.05.1985
Raport i bashkëpunëtorit
(Plotësim i raportit nr. 96027685 të dt.06.05.1985)
I
Burimi: Bashkëpunëtori ‘Kobra’.
Shënimet kanë të bëjnë me tubimin e disa anëtarëve të LRSSHJ në Zvicër
në mbledhjen përkujtimore kushtuar vdekjes së Enver Hoxhës.
Raporti ka arritur më 11.05.1985 në adresë të punëtorit operativ.
Me iniciativën e bashkëpunëtorit.
Shpenzime nuk ka pasur.
Raporti paraqitet më 14.05.1985.
II
Bashkëpunëtori përcjell veprimtarinë armiqësore të disa anëtarëve të
LRSSHJ në Zvicër.
III
Bashkëpunëtori “Kobra” përveç bisedës telefonike të zhvilluar më dt.
29.04.1985, tani lidhur me rastin në fjalë bënë zgjerimin dhe plotësimin e
raportit të vet, ku ndër të tjera shkruan: “Letra kërcënuese e dërguar në
emër të shefit të restorantit “Bierxhubeli” që të mos iu lejojë tubimin
anëtarëve të LRSSHJ-së, kishte përafërsisht këtë përmbajtje: “Shqiptarët
në sallën e juaj do të organizojnë një tubim përkujtimor kushtuar Enver
Hoxhës, mirëpo lutemi që tubimi i tillë mos të ju lejohet pasi tubimi ka
102
karakter politik dhe se ata që tubohen aty janë bandë komuniste të cilët
zhvillojnë ideologji të vdekur marksiste-leniniste e staliniste. Ne jemi
kundër ideologjisë së tyre dhe se për punën e tyre është lajmëruar edhe
parlamenti. Prandaj kishte me qenë mirë që në restorantin tuaj të mos
mbahet ky takim se në të kundërtën do të vëmë bombë dhe do ta
asgjësojmë pasurinë tënde e së bashku me të do të kesh dëme edhe në
njerëz”. Letra është shkruar në gjuhën gjermane ndërsa autori anonim.
Nga frika, shefi i këtij restoranti dhe pas konsultimit me mua, ka hequr
dorë nga rezervacioni duke vënë në hyrje të restorantin lajmërimin se
sallën nuk mund ta jap nga frika e ndonjë eksplodimi. Kështu Brenda pak
kohë Hasan Mala, Rrustem Mahmutaj dhe Adem Sadrija kanë rezervuar
një sallë tjetër në vendin e quajtur “KURSALL” afër Bernës, për ç'gjë kanë
paguar 700 franga zvicerane. Në këtë sallë ku ishin tubuar afër 180 veta,
përveç të tjerëve foli edhe Kadri Avdullahu nga Gjeneva, i cili kërkoi nga
të pranishmit që më grusht lart të ngrihemi në këmbë dhe të mbajmë zi.
Pas këtij akti, Kadriu në fjalimin e vet ndër të tjera ceku: “Në ditën e këtij
prilli pushoi së rrahuri zemra e birit të shtrenjtë të popullit shqiptar,
shokut Enver Hoxha, sekretarit të parë të KQ të PPSH, kryetarit të
këshillit të përgjithshëm të Frontit Demokratik të Shqipërisë, komandantit
të përgjithshëm të forcave të armatosura të RPSSH…” përveç Kadriut në
këtë tubim foli edhe bashkëshortja e Kadriut, Sanija e lindur në fsh.
Poliçkë KK Gjilan e cila përveç tjerash tha: “Të përkujtojmë jetën dhe
veprën e pavdekshme të Enver Hoxhës, të ndajmë pikëllimin dhe
dhembjen e madhe që i ka kapluar të gjithë shqiptarët kudo që jetojnë,
për humbjen e birit më të shtrenjtë, themeluesit të partisë, udhëheqësit
të LNÇ-së, ideologut dhe strategut të Shqipërisë. Të gjitha fitoret, të
gjitha sukseset që ka arritur. Shqipëria socialiste, janë meritë e linjës së
drejt të partisë së udhëhequr nga shoku Enver. Veprat e shokut Enver
janë dhe do të mbesin busull, fanar ndriçues për të gjithë revolucionarët.
Sa të drejta dhe të arsyeshëm ishin konkluzionet dhe mendimet e shokut
Enver për Kosovën, të studiuara dhe të ndriçuara nën prizmin e
marksizëm-leninizmit. Andaj shoku Enver jeton dhe do të jetojë për jetë
në zemrat tona. Lavdi e përjetshme veprës së shokut Enver, Rroftë PPSH,
Rroftë populli shqiptar” në çka të pranishmit me zë të lartë kanë brohoritë
“Rroftë”.

[Kosovelli]

Edhe pse jam zviceran, veprat e Enver Hoxhës më kanë pëlqyer

Në vazhdim të kësaj mbledhjeje përkujtimore fjalën e ka marrë Beat
Schafer nga Biella, i cili ndër të tjera tha: “me rastin e së pushuarit të
zemrës së Enver Hoxhës, të gjithë popullin shqiptar e kaploi mërzia sepse
Enver Hoxhën ishte dhe mbetet një ideolog komunist, internacionalist,
marksist-leninist. Unë kam lexuar në gjuhën gjermane shumë vepra të
Enver Hoxhës e ndër to edhe “Titistët”. Edhe pse jam zviceran, veprat e
103
Enver Hoxhës i kam pëlqyer pamasë dhe i kam futur në jetë”. Pastaj
fjalën e mori djali i Hasan Malës, i cili lexoi artikullin nga “Zëri i Popullit”
me titull “Elegji për Enver Hoxhën” e botuar më 20 prill 1985, ndërsa
Kadri Avdullahu u paraqit me dy poezi kushtuar Enver Hoxhës të marra
nga “Zëri i Popullit” të dt. 21 prill 1985. Në këtë tubim ishte edhe Hajdar
Sadrija dhe Adem Sadrija, e ky i dyti së bashku me Kadri Avdullahun dhe
djalin e Hasan Malës përbënin njëfarë komisioni që kishte të bënte me
përgatitjen e vjershave dhe poezive kushtuar këtij tubimi. Përveç të
tjerëve, në këtë tubim është paraqitur edhe një shtetas turk i cili ndër të
tjera tha: “Enver Hoxha nuk është vdekur sepse nuk vdes historia e tij. Ai
vulosi epokën e vet, të gjithë proletareve dhe revolucionareve iu tregoi
rrugën e revolucionit…” i njëjti i takon partisë marksiste-leniniste “TDKP”.
Në këtë tubim ishin edhe Remzi e Shemsi Cakaj nga Kaçaniku, Rrustem
Mahmutaj i cili solli edhe flamurin kombëtar dhe pas mbarimit të këtij
tubimi ai bëri shpërndarjen e “Zërit të Popullit” dhe “Zërin e Kosovës”.
Hasan Mala ishte në shoqëri të Shaqës nga Kaçaniku ndërsa me Shaqën
ishte edhe nëna e tij së bashku me bashkëshorten dhe dy fëmijët. Përveç
tyre ishte edhe Sheremet N., i cili bënte shpërndarjen e materialit
propagandistik, pastaj Ibrahim Kelmendi, Sadri Mulaj nga Kaliçani KK
Pejë. Këtë tubim me kamerë e ka përcjellë një pjesëtar i LRSSHJ-së. Në
fund të këtij “manifestimi” bashkëshortja e Kadri Avdullahut lexoi
telegramin dërguar PPSH dhe organeve tjera. Ky telegram është botuar
në “Zërin e Kosovës” nr.4-1985”.
RRUSTEM MAHMUTAJ, nga fshati Lybeniq, KK Pejë,
HASAN MALA, nga Gjilani,
KADRI AVDULLAHU,
SANIE ZEÇA-ZEKA, bashkëshortja e Kadri Zekës.
BEAT SCHEFER, librashitës nga Biella,
N. MALA; djali i Hasan Malës nga Gjilani,
HAJDAR SADRIJA, nga Ponosheci KK Gjakovë,
ADEM SADRIJA, nga Ponosheci KK Gjakovë,
REMZI CAKAJ, nga Kaçaniku.
SHEMSI CAKAJ, nga Kaçaniku,
SHEREMET N.,
IBRAHIM KELMENDI, i njohur shërbimit.
N. AVDULLAHU, bashkëshortja e Kadri Avdullahut.
IV
Vërejtjet e punëtorit operativ:
Burimi i sigurt, shënimet pjesërisht të vërtetuara. Lidhur me këtë raport
nuk janë njoftuar drejtoratet tjera nga frika që mos të vihet gjerë tek
dekonspirimi i bashkëpunëtorit.
104
V
Vërejtjet, çmimet dhe vendimet e eprorit:
Dërgohet:
2 x SHSSH SKPB
1 x në lëndë të bashk. “Kobra”
1 x në (LPO) të Adem dhe Hajdar Sadriut.
Punëtori operativ,
Sejfullah Sahatçiu

[Kosovelli]

Detyra e Kobrës: Lansimi i dezinformatave

Drejtorati i SHSSH-së, Gjakovë
Bashkangjitur aktit përcjellës ju dërgojmë materialet, të cilat në emër të
Sejfullah Sahatçiut kanë mbërri nga Zvicra.
Shtojcë: Plikoja me materiale
SM
Kryeshefi i sektorit II, Enver Prekadinaj
Drejtorati i SHSSH-së, Gjakovë
Lidhur me raportin e bashkëpunëtorit “Kobra” nr. 276/85 te datës 06. 05.
1985. ju njoftojmë se jemi të mendimit që në të ardhmen bashkëpunëtori
sa më tepër të udhëtohet në lansimin e dezinformimeve të tilla, siç është
ky lidhur me moslejimin e mbajtjes së tubimit në restorantin e
përmendur, por gjithnjë duke pasur kujdes që mos të vijë deri te
dekonspirimi
SM. Shefi i sektorit II, Enver Prekadinaj

[Kosovelli]

Mbledhja e parave për rregullimin e varrit të Zija Shemsiut

Sekretariati Krahinor për Punë të Brendshme
Shërbimi i Sigurimit Shtetëror
Drejtori-Gjakovë, punt. op. Sejfullah Sahatçiu
Më 16. 05. 1985
I
Burimi: Bashkëpunëtori ‘KOBRA’
Shënimet kanë të bëjnë me ndihmat e LRSSHJ-së familjes së ish të
dënuarit politik, tani të vdekurit Yija Shemsiu nga Gjilani.
Biseda është zhvilluar më 16. 05. 1985
Përmes telefonit në ora 14, 00
Shpenzime nuk ka pasur.
Raporti paraqitet me 16. 05. 1985.
II
105
Bashkëpunëtori përcjell veprimtarinë armiqësore të disa pjesëtarëve të
LRSSHJ-së në Zvicër.
III
Më dt. 16. 05. 1985. bashkëpunëtori ‘Kobra’ nëpërmjet telefonit në
mënyrë të shkurtër dhe të shpejtë lajmëron: jamë njoftuar se “LRSSHJ”
në Zvicër ka mbledhur 7000 franka zvicerane të cilat do t'i dërgohen
nënës së Zija Shemsiut si ndihmë për varrosjen dhe rregullimin e varrit të
Zijaut. Personi i cili do ti sjellë këto para për mua është i panjohur pasi që
një gjë e tillë paraqet fshehtësi për LRSSHJ-në. Këto të holla nuk di as
nga kanë mundur t'i mbledhin pasi që deri më tani nuk kam dëgjuar e as
nuk kamë dhënë kurrfarë ndihme në të holla për këto qëllime apo qëllime
tjera.
IV
Vërejtjet e punëtorit operativ:
Bashkëpunëtori i sigurt, shënimet të pavërtetuara. Është mirë që
DSHSSH-Gjilan të marrë masat e duhura rreth vërtetimit të këtij shënimi.
Bashkëpunëtorit iu është dhënë për detyrë që nëse dëgjon për personin i
cili do ti sjellë këto para në Jugosllavi, të dedikuara për ndihmë familjes
së Zija Shemsiut, menjëherë të na lajmërojë. Lidhur me këtë jemi
njoftuar edhe me depeshen tonë 199 të dt. 16. 05. 1985.
V
Vërejtjet, çmimet dhe vendimet e eprorit:
Dërgohet :
2 X SHSSH SKPB
1 X në lënd të bashk. “Kobra”
1 X Evidencës
Punëtori operativ, Sejfullah Sahatqiu

[Kosovelli]

Paralajmërim për demonstrata të reja në Cyrih

Sekretariati Krahinor për Punë të Brendshme
Shërbimi i Sigurimit Shtetëror
Drejtori-Gjakovë, punt. op. Sejfullah Sahatçiu
Më 16. 05. 1985
I
Raport i bashkëpunëtorit
Burimi: Bashkëpunëtori “Kobra”.
Shënimet kanë të bëjnë me organizimin e demonstratave antijugosllave
në Zvicër – Cyrih, nga ana e “LRSSHJ-s”.
Biseda është zhvilluar nëpërmjet telefonit më dt. 14. 05. 1985.
106
Me iniciativën e bashkëpunëtorit.
shpenzime nuk ka pasur.
Raporti paraqitet më 16. 05. 1985.
II
Bashkëpunëtori “KOBRA” përcjell veprimtarinë armiqësore të disa
pjesëtarëve të “LRSSHJ”-s në Zvicër.
III
Nëpërmjet telefonit më dt. 14. 05. 1985 bashkëpunëtori “Kobra”
lajmëron: “Para një jave pjesëtarët e “LRSSHJ”-s në Zvicër kanë bërë
kërkesë organeve policore që t'u lejohen demonstrata të cilat do të
organizoheshin në qytetin Czrih. Demonstratat i kanë paraqitur që të
organizohen brenda muajit maj 1985.
Në Lozanë është mbajtur mbledhja përkujtimore për vdekjen e Enver
Hoxhës. Në këtë mbledhje kanë qenë afër 130 persona, e në mesin e tyre
edhe Hajdar e Adem Sadrija nga Ponosheci, KK Gjakovë, dhe Rrustem
Mahmutaj nga fshati Lybeniq, KK Pejë, në këtë tubim përkujtimor unë
nuk kamë marrë pjesë”.
Hajdar Sadrija, nga fsh. Ponoshec, KK Gjakovë (LPO)
Adem Sadrija, nga fsh. Ponoshec, KK Gjakovë (LPO)
Rrustem Mahmutaj, nga fsh. Lybeniq, KK Pejë tani jeton në Bërnë/Zvicër.

[Kosovelli]

Udhëzime për “Kobrën”

IV
Vërejtjet e punëtorit operativ:
Bashkëpunëtori i sigurt ndërsa shënimet për demonstrata ende të
pavërtetuara. “Kobrës” iu është dhënë për detyrë që nëse njoftohet më
për së afërmi për organizimin e demonstratave, të na njoftojë menjëherë
sa më urgjentisht. Njëherësh bashkëpunëtorit iu është dhënë për detyrë
qe brenda mundësive t'i identifikojë personat që janë angazhuar më tepër
në organizimin e kësaj demonstrate.
Lidhur me këtë shënim jeni njoftuar edhe me depeshen tonë nr. 192 të
dt. 14. 05. 1985. Me një insert të këtij raporti është njoftuar DSHSSH
Pejë.
V
Vërejtjet, çmimet dhe vendimet e eprorit:
Dërgohet: 2 X SHSSH SKPB
1 X Në lëndën e Sadrijajve
1 X në lëndë të bashk. “Kobra”.
1 X insert DSHSSH Pejë.
Punëtori operativ, Sejfullah Sahatçiu

[Kosovelli]

“Kobra” duhet ta identifikojë një veprimtar nga Gjilani

Sekretariati Krahinor për Punë të Brendshme
Shërbimi i Sigurimit Shtetëror
Drejtori-Gjakovë, punt. op. Sejfullah Sahatçiu
Më 17. 05. 1985
Raport i bashkëpunëtorit
I
Burimi: bashkëpunëtori “Kobra”.
Shënimet kanë të bëjnë me materialin propagandistik që lexohet dhe
qarkullon në mesin e pjesëtarëve të LRSSHJ, në Zvicër.
Materiali nëpërmjet SHSSH-SKPB, ka arritur më 16. 05. 1985.
Me iniciativën e bashkëpunëtorit.
Shpenzime nuk ka pasur.
Raporti paraqitet më dt. 07. 05. 1985.
II
Bashkëpunëtori përcjell veprimtarinë armiqësore të disa pjesëtarëve të
LRSSHJ në Zvicër.
III
Bashkëpunëtori “Kobra” nëpërmjet postës, në adresë të punëtorit
operativ që e mban në lidhje, ka dërguar “Zërin e Kosovës” nr. 4IV. 1985.
pastaj “Thirrjen” për tubimin përkujtimor që është mbajtur në Bernë si
dhe 6 numra të “Zërit të Popullit” Organ i Komitetit Qendror të PPSH, të
dt. 20, 21, 23, 24, 25, dhe 26 Prill 1985.
IV
Vërejtjet e punëtorit operativ:
Bashkëpunëtori tepër produktiv dhe deri me tani ka dhënë shënime
interesante dhe të sakta. Ka marrë përsipër që të identifikojë një person
nga apo rrethi i Gjilanit i cili ka filluar të merret me veprimtari
armiqësore. Sipas bisedës telefonike, personin e njeh por ende nuk e ka
identifikuar. Me “Kobrën” mbahen kontaktet e vazhdueshme nëpërmjet
telefonit dhe letërkëmbimit.
V
Vërejtjet, çmimet dhe vendimet e eprorit:
Dërgohet:
2 x SHSSH SKPB
1 x në lëndë të bashk. “Kobra”
108
1 x Evidencës, Punëtori operativ Sejfullah Sahatçiu