A jemi ne prag te nje diktature?

[Edvin83]

Mbreme policia arreston disa punetore te pastrimit sepse sipas policise "mendohej dhe dyshohej se plehrat qe ata po mblidhnin do te perdoren kundra kryeministrise se sotme"....
Ky episod te shti friken e te lemeris teksa mendon se ne cdo cast mund te ndalohesh nga policia e shtetit me akuzen se ndoshta po mendon te besh atentat ndaj shtetit, apo ne cdo cast mund te te shperthehet dera e shtepise dhe police te armatosur te te arrestojne ne emer te popullit sepse ndoshta ne forum ke thene qe qeveria nuk po ben pune te mire dhe kjo perben nje paramendim krimi e komploti.

Po me duket sikur po hyjme ne periudha te ngjashme me ato qe pershkruhen ne librin 1984 apo ne filmin Minority Report...

A po synohet te vendoset nje diktature e rrepte autoritariane?

Një ligj i frikshëm sapo është miratua

Një ligj i frikshëm sapo është miratuar nga shumica në pushtet. Sipas tij, çdo qytetar me standart të pajustifikuar jetese, mund të ketë nën hetim pasurinë e tij. Nën hetim do të mund të jetë edhe pasuria e vënë që nga nipërit, mbesat, fëmijët ende të palindur prej tyre e deri dhe tek paratë e pronat e njerkut e njerkës kur ata kanë të tillë. Shënjestër e parë opozita që kryeministri e konsideron "mafioze" publikisht. Reagojnë ekspertë dhe konstitucionalistë. Edhe misionet e huaja kundër. Revista Mapo sjell detajet e një ligji që mban erë diktaturë

Korrik 1997: "Do t´u ngrij në buzë buzëqeshjen socialistëve!" 22 nëntor 2009: "Do t´u shkul dhëmbë e dhëmballë me darën e ligjit bandës punisto-mafioze...!" 2 dhjetor 2009: "Në qoftë se në mandatin e parë, ne ia dolëm t'i gozhdojmë bandat një nga një, nga Aldo Baret tek Dritan Dajti, pa diskutim që ky është mandati i gozhdimit tashmë i Aldo Bareve në pushtet, i Aldo Bareve me pamje xhentëlmeni, i Aldo Bareve që kanë vendosur miliarda euro pasuri krimi". Të tre këto deklarata janë shqiptuar nga Sali Berisha. Janë shqiptuar publikisht dhe ndaj një shënjestre të vetme, kundërshtarëve të tij politikë. "...ligji antimafia është një armë e fuqishme që po jep qeveria në dorë të prokurorëve për të luftuar krimin e organizuar...". Deklarata e fundit vjen nga një jurist, ish-avokat, ish-zëvendësministër i drejtësisë dhe sot deputet i maxhorancës në datën 21 nëntor 2009. I referohej projektligjit të miratuar të enjten në mbrëmje në Kuvend "Për parandalimin dhe goditjen e krimit të organizuar dhe trafikimit nëpërmjet masave parandaluese kundër pasurisë". Fjalori i deputetit rreket të kujtojë në mënyrë direkte fjalorin e përdorur në Shqipërinë e diktaturës, kur në të gjitha tekstet e jurisprudencës apo dhe të shërbimit sekret, ish-sigurimit të shtetit, përdorej togfjalëshi tragjik: "...ky ligj është një armë e fortë në duart e organeve të diktuaturës së proletariatit... në luftë kundër armikut të brendshëm..."!
Plot 20 vjet nga shpallja e pluralizmit, armiku i brendshëm vazhdon të ekzistojë - ai saboton integrimin e vendit, prish imazhin dhe mbi të gjitha, është punisto-mafioz - ndërsa dora që do të përdorë armën e fortë kundër tij, është prokuroria.

Në heshtje
Në kohën kur në Shqipëri bien fort këmbanat, "zilja" projektligjit të miratuar tashmë, ka kaluar shurdhët. Specialistë të jurisprudencës, prokurorë dhe avokatë, kanë ngritur zërin e alarmit, por pakkush ka dëgjuar. Pakkush është njohur me aktin më të rëndë që kaloi edhe legalisht tani në Tiranë: çdo qytetar shqiptar, është një qytetar i dyshuar!
Dhe natyrisht, në kohën kur kryeministri i vendit e konsideron opozitën në tërësi dhe drejtuesit e saj, me gjithë Edi Ramën, si krerët e "mafias më të rrezikshme në Evropë", atëherë edhe objekti i ligjit është direkt i shënjestruar politikisht. Përgjigjet se pse është kështu, i jep vetë ligji që morri votat e shumicës blu.

Objekti i goditjes
Revista MAPO ka mundur të sigurojë paraprakisht draftin e plotë të këtij ligji të ndryshuar disa herë dhe e ka konsultuar atë me specialistë të fushës. Janë pikërisht ata që shpallin dhe alarmin e madh. "Dispozitat e këtij ligji zbatohen për pasuritë e personave, mbi të cilët ekziston një dyshim i arsyeshëm, bazuar në indicije, për...". Neni tre i këtij ligji vazhdon nga pika a., deri në pikën d., duke specifikuar se për çfarë lloj personash bëhet fjalë, që nga ata që janë pjesmarrës në organizata kriminale dhe grupe të strukturuara kriminale e deri në persona që kanë kryer vepra penale të parashikuara në plot 16 nene të Kodit Penal dhe në pjesën e posaçme, kreun VII, të Kodit Penal.
"Lufta kundër mafias është emergjente dhe qeveria do të përdorë të gjithë forcën e ekzekutivit në këtë luftë. Unë garantoj kupolën e mafies se darët e ligjit do të çmontojnë tërësisht perandorinë e tyre të krimit...", deklaroi kryeministri në mbledhjen e qeverisë ditën e enjte para votmit në Kuvend. Por për vetë kryeministrin nuk ka dyshim: mafia është Edi Rama dhe një numër i madh deputetësh të partisë së tij, kurse një nga darët është dhe ligji në fjalë. Përballë darëve janë të gjithë ata për të cilët ka ardhur rradha që të provojnë fatin që ju "garanton vetë kryeministri: ".... ne çmontuam një nga një bandat që bënin ligjin në qytete, rrethet dhe portet e këtij vendit, Nehat Kullat, Aldo Baret, Lul Berishat etj., tani kanë ngelur nehatët e kollarisur, kanë ngelur bosët e mafias".
Ligjërisht, deklarimet e kryeministrit, sipas ligjit, shpjegojnë juristët, mund të jenë indicije për të nisur ndjekjen penale ndaj këtyre personave. Policia do të ketë mundësi të nisë hetimin ndaj tyre - po për emrat që dha vetë kryeministri - dhe pasuritë e këtyre individëve të goditen.
"Dispozitat e këtij ligji zbatohen edhe ndaj pasurive të personave të afërm, bashkëshortit, fëmijëve, të paralindurit, të paslindurit, vëllezërit, motrat, ungjërit, emta, mbesat, fëmijët e vëllezërve dhe të motrave, vjehrri, vjehrra, dhëndri, nusja, kunata, kunati, bashkëjetuesi, thjeshtri, thjeshtra, njerku dhe njerka...", vijon pafund rrethi i njerëzve "rrotull mafias" që do të mund të ndëshkohen sipas ligjit.

Kundërshtitë
Revista MAPO ka mundur të sigurojë një korrespondencë të gjerë mes ministrisë së drejtësisë dhe aktorëve të ndryshëm të interesit që preken nga ligji. E para është prokuroria e përgjithshme, e cila ka depozituar me shkrim idenë e saj në zyrën e kodifikimit të ministrisë së drejtësisë. Një dokument që godet që në rreshtat e parë: "... projektligji nuk është në harmoni me një sërë aktesh normative...". Por vetëm një rresht më pas, prokuroria e përgjithshme godet edhe shumë më fort, "...është në kundërshtim me kushtetutën". Sipas saj,: "...masat shtrënguese dhe sanksionet që parashikohen në këtë projektligj kufizojnë liritë dhe të drejtat themelore të shtetasve të parashikuara nga Kushtetuta e Republikës së Shqipërisë". Nga momenti i mospërcaktimit të termit "person i dyshuar", përdorur në projektligj, "i lihet në diskrecionin e vetë këtyre organeve - polici, prokurori - për të bërë vlerësime subjektive të këtij koncepti rast pas rasti...". Pra, e thënë më shqip, ndër dy individë në kushte të barabarta, "shteti", njërit mund t´ja ndjekë "penalisht" pasurinë e tij, kurse tjetrit jo. Ky është dhe momenti që në Shqipëri dhe në kushtet shqiptare të zbatimit të ligjit, çdo qytetar, për shkak të pasaktësisë së ligjit, mund të jetë një qytetar i dyshuar. Një praktikë jo vetëm teorike për sistemin e deformuar të së drejtës në diktaturat tipike të së shkuarës dhe të sotmes.
Por ka dhe më shumë. Ka dhe më keq: "Dyshimi i arsyeshëm... mund të bazohet dhe në nivelin ekonomik të një personi i cili zotëron pasuri apo të ardhura që nuk i përgjigjen dukshëm nivelit të të ardhurave, fitimeve apo veprimtarive të ligjshme, të deklaruara dhe që nuk justifikohen prej tyre". Në këtë mënyrë, ligji i jep të drejtën "shtetit" të trokasë në derën e cilitdo qytetar për të kontrolluar pasurinë e tij e më tej akoma, për të vënë dorë në këtë pasuri. Në një ekonomi informale si ekonomia shqiptare, kjo gjë është e mundur për cilindo. Në një vend me ngarkesë të madhe negative të luftës politike, natyrisht, shënjestra e parë janë qytetarët e "dorës së dytë", ata që besojnë tek opozita.

Kundërshtojnë dhe konstitucionalistët
Janë disa konstitucionalistë që bëjnë qortimin e ashpër të projektligjit, por askush nga ta nuk pranon të citohet me emër. Ata ngrenë disa shqetësime të cilat kanë të bëjnë me përputhjen me kushtetutën të draftit të përgatitur nga qeveria. "Ky është një ligj i zakonshëm që kërkon një shumicë të thjeshtë për t´u miratuar, por edhe duke qenë i tillë, ai nuk i shmanget koncepteve të shprehur e të përdorur në kode të cilët janë ligje në hierarki normative më të lartë se ligji i zakonshëm", shprehen ata, duke kujtuar se kodet miratohen me shumicë të cilësuar nga Kuvendi. Po kështu, edhe objekti i punës së prokurorisë, dorës së cilës synohet t´i vihet kjo "armë e fuqishme", nuk është në harmoni me ligjin. Konstitucionalistët afrojnë dhe një shembull: Përmendet përkufizimi "standart i pajustifikuar i jetesës", që jep një shkas për të nisur procedimin ndaj personit që gëzon këtë standart. Por Kodi Penal saktëson se ky standart jetese i pajustifikuar, mund të jetë rrjedhojë edhe i veprave të tjera penale, si për shembull kontrabanda me mallra, shmangia e tatimeve e të tjerë, të cilat nuk përfshihen në veprat penale objekt i këtij projektligji. E po kështu edhe konfondimi i hierarkisë së ligjeve. Gjykimi i objektit të këtij ligji që u miratua vetëm me shumicë të thjeshtë, do të bëhet nga gjykata e krimeve të rënda, funksionimi i të cilës mundësohet me një ligj të miratuar nga një shumicë e cilësuar.

Gafat e pafundme
Ato nisin që me modelin e zgjedhur, atë anglez, ndërkohë që Shqipëria njeh të drejtën kontinentale dhe mbi të gjitha, sistemi i drejtësisë në Shqipëri, nuk afron kurrsesi ato garanci që janë bazike në sistemin gjyqësor anglez të formuar fort mbi bazën e një tradite të pakontestuar pothuaj kurrë. Pyetjet që ngrihen dhe që me të gjitha gjasat nuk do të marrin përgjigje janë të shumta: ato nisin me kërkesën se kush do të japë garanci se ligji do të zbatohet dhe intepretohet drejt dhe se përpara tij të gjithë qytetarët do të kishin të drejtën kushtetuese për t´u konsideruar të barabartë përpara ligjit; vazhdojnë me papërcaktueshmërinë e masës së sekuestrimit të pasurisë, kur ato janë vënë me krime të natyrave të ndryshme; më tej me ambiguitetin për të ndarë rastin kur pasuri të krijuara në mënyrë të ligjshme janë të përzjera me pasuri të paligjshme, e kështu me rradhë. Konstitucionalistët nënvizojnë se një nga problemet më të rënda në projektligj është dhe fakti se drafti nuk siguron raportin përpjestimor midis masës së pasurisë së sekuestruar dhe qëllimit të ligjshëm të ndjekur, rast pas rasti. Ata i referohen në këtë çështje edhe një vendimi të gjykatës së Strazburgut, çështja Riela kundër Italisë, të shtatorit 2001.
"Për ta shprehur më thjeshtë shqetësimin e shpjegojmë me një kasus: një pedagog kapet me 100 euro mitë të marrë nga studenti i tij. Sipas frymës së ligjit, e gjithë pasuria e tij dhe e gjithë njerëzve të tij të afërm, që nga bashkëshortja e deri tek kunetërit, nipërit e mbesat, vjehrri e vjehrra, është një pasuri e dyshuar dhe mund të sekuestrohet", thotë një nga burimet e revistës MAPO. Por nëse në rastin e pedagogut, shembulli ngjan qesharak, në rastin e personave të përfshirë në politikë, të atyre që zakonisht kryeministri i konsideron kupolë mafioze, atëherë zbatimi i ligjit do të ishte dramatik për fatet e demokracisë në vend. Nga Edi Rama e poshtë, pasuritë e tyre mund të jenë objekt i i veprimit agresiv të ligjit.

Kjo është hija e diktaturës
"Pse diktaturat, si rregull, kanë sukses në luftë kundër krimit?", pyet një jurist i konsultuar nga revista MAPO. Dhe po vetë përgjigjet: "Sepse ato nuk mund të lejojnë qendra të tjera pushteti, ato veprojnë me arsyen e shtetit dhe në emër të arsyes së shtetit, mbi arsyen dhe të drejtën e individit, çka nuk ndodh në demokraci. Rasti klasik që përmendet në historinë e të drejtës, është ai italian. Në fillim të viteve ´20 diktatori italian Benito Musolini dërgoi në Palermo, atdheun e mafias, Çezare Morin, të quajtur prefekti i hekurt. Në valën e mbi 8 mijë vrasjeve, shumica dërmuese pa gjyq, ai doli të çlirojë Siçilinë nga pushteti i mafias. Por a ishte kjo rruga që duhej ndjekur, a duhet duartrokitur ky akt, pavarësisht suksesit në luftë kundër krimit?", thotë ai duke bërë të njëjtën paralele me regjimin e Hoxhës në Shqipëri, që gjithashtu vendosi rendin në vend, me zjarr, me hekur, ligj dhe antiligj duke e çliruar vërtet shoqërinë nga krimi i vogël i rrugës, por duke e vënë atë nën thundrën shumë herë më të egër të diktaturës.

Të huajt
Në bastet mes shqiptarëve, shpesh si pikë referimi më e saktë merren të huajt. Dy misionet që mbikqyrin reformën në drejtësi, OPDAT, nga departamenti amerikan i drejtësisë dhe Euralius nga BE-ja, kanë marrë në shqyrtim projektligjin. Burimet tona specifikojnë se, në fund të tetorit, dy misionet e konsiderojnë këtë inisiativë si "... shumë të rëndësishme në luftën kundër krimit të organizuar...". Por në të njëjtën kohë... "....shprehin shqetësime serioze për disa nene të tij...", sidomos për pjesët e pakonsultuara me ta. Burimi i revistës MAPO saktëson se dy misionet kanë kërkuar që teksti të mos miratohet në mënyrën e paraqitur, por të kthehet sërish në ministrinë e drejtësisë për t´u ripunuar dhe konsultuar me institucionet e interesuara shqiptare dhe ekspertë të huaj. Dhe pikërisht ekspertët e huaj të dy misioneve nënvizojnë të njëjtin term: ...."standart i pajustifikuar jetese...", i cili sipas tyre, në mënyrën e shprehur në projektligj, shfaq mundësinë për të dhunuar garancitë kushtetuese të së drejtës së pronës private.
Mbetet të pritet se çfarë do të ndodhë më tej. Po t´i besohet deputetit të PD-së, ish-zëvendësministër i drejtësisë, ligji do të jetë një armë e fortë në dorë të prokurorisë kundër krimit, po t´i besohet kryeministrit se krimi është në simbiozë me opozitën punisto-mafioze, atëherë Rama e të tijtë janë në "telashe" dhe po t´i besohet vetë frymës së ligjit, në Shqipëri është në prag dita kur çdo qytetar, është një qytetar i dyshuar. Një shprehje që kujton jo vetëm hijen e diktaturës.

Marre nga revista MAPO

[INFINITY©]

A jemi ne prag te nje diktature?

Shqiperia nuk ka dale ndonjehere nga diktatura, por thjesht ka nderruar emrat e diktatoreve qe ka pas dhe ka ne krye.

[Edvin83]

Po te shikosh te ligji i ri, permendet "standart i pajustifikuar i jetesës"...Dmth cdo njeri qe ka nje standard ndryshe nga ai standard qe mendon ai qe jep urdhrat mund te arrestohet apo t'i sekuestrohet pasuria...
Medet cfare po na degjojne veshet! Tamam kthim i viteve 40-te kur Enveri sekuestronte cdo gje qe i pelqente.

[INFINITY©]

Edvin, nuk e kuptoj pse habitesh. Ai thjesht po zbaton mesimet e idhullit te tij.

Ne nje teme tjeter pyesin nese do te investonim ne Shqiperi apo jo. Nuk e di se sa do vazhdojne te japin ato pergjigjet pseudo-patriotike me keto qe po ndodhin.

[BlueBaron]

I ka ik petlla bosave te rinj. I ka ik petlla prokuroreve e gjykatesve, mjekeve e pedagogeve, doganiereve e drejtoreve, politikaneve dhe ish-eve, kurVareve dhe narkove.

Nuk trembet populli, nuk trembet ai qe paguan per te punuar, kuruar a mesuar. Nuk trembet ai qe i ka fituar parate me gjakun e djersen e tij, nuk trembet emigranti qe punon 8 ore e me shume, nuk trembet studenti refugjat qe lan pjatat per te jetuar.


Plehrat, kerkonin dhe amnisti fiskale ...

[darwin]

Mbreme policia arreston disa punetore te pastrimit sepse sipas policise "mendohej dhe dyshohej se plehrat qe ata po mblidhnin do te perdoren kundra kryeministrise se sotme"....
Ky episod te shti friken e te lemeris teksa mendon se ne cdo cast mund te ndalohesh nga policia e shtetit me akuzen se ndoshta po mendon te besh atentat ndaj shtetit, apo ne cdo cast mund te te shperthehet dera e shtepise dhe police te armatosur te te arrestojne ne emer te popullit sepse ndoshta ne forum ke thene qe qeveria nuk po ben pune te mire dhe kjo perben nje paramendim krimi e komploti.

Po me duket sikur po hyjme ne periudha te ngjashme me ato qe pershkruhen ne librin 1984 apo ne filmin Minority Report...

A po synohet te vendoset nje diktature e rrepte autoritariane?





Marre nga revista MAPO

A ka fjalë te ky citimi që përmbajnë ndonjë nuancë të vërtete?


Revistës MAPO (Minxhozi po që është model pa-anshmërie) kujtoji që t'i tërheqë vëmendjen oksidentalëve rreth Ligjit të Lustracionit, se mbase skuqen.

[morrison]

Po te shikosh te ligji i ri, permendet "standart i pajustifikuar i jetesës"...Dmth cdo njeri qe ka nje standard ndryshe nga ai standard qe mendon ai qe jep urdhrat mund te arrestohet apo t'i sekuestrohet pasuria...
Medet cfare po na degjojne veshet! Tamam kthim i viteve 40-te kur Enveri sekuestronte cdo gje qe i pelqente.

Ky eshte ligj qe e ka gjith bota, por ka dhe nje sistem specifik per te deklaruar te ardhurat.... tek ne ne shqiperi ska fare, dhe ligji eshte vene ne kuader per te futur kundershtarin ne burg...

[drague]

po ju jap nji shembull aktual .ne gjermani po udhetove me makine pa sigurim te sekuestrohet makina .dhe e merr lesht e currit mbrapsh.

kapni ato kalamojt e lagjes dhe rrejini ka icik.

[tvsh]

po diktatura berishiane tip fashizmi

[Apollyon]

Mbreme policia arreston disa punetore te pastrimit sepse sipas policise "mendohej dhe dyshohej se plehrat qe ata po mblidhnin do te perdoren kundra kryeministrise se sotme".

Sot pashe ne TV kte "skandalin" (nese mund ta quaj te tille), ne beri shum pershtypje, se thashe me vete "cne policia merret me puntoret e komunales"! Pastaj pashe edhe deputetet e PS te cilet kishin vajt atje e ngjreshin duke bertit.. Se mora vesh ne fakt se ca deshen deputetet e PS atje!! Pse pikerisht kishin vajt te rajoni policise, por nuk dolen me ndonje deklarate. Ti do thuash qe ska pas gje poshte qe levizte? Po sikur mos te kishte cne qe kishte vajt e gjith PS-ja te rajoni policise?

Diktature? Me diktature eshte mesuar ky popull, ndryshe sbehemi zap neve!

[Duaje Siveten]

...
Diktature? Me diktature eshte mesuar ky popull, ndryshe sbehemi zap neve!

thuaj pastaj se nuk je nostalgjik diktature ...

duhet shikuar pertej te tashmes ... shpresa ...

[INFINITY©]

Ky eshte ligj qe e ka gjith bota, por ka dhe nje sistem specifik per te deklaruar te ardhurat.... tek ne ne shqiperi ska fare, dhe ligji eshte vene ne kuader per te futur kundershtarin ne burg...

Ke ligj paska gjithe bota?!

[Brari]

sigurisht jemi ne prag diktature..
ne se rrezohet saliu qe do te thote pra.. se behet i super plotfuqishem edvini.. klosi ruci lesko etj.. athere kjo do jet diktature sepse ky klan do i kete median te veten qe e ka dhe tani ne fakt.. prokurorine te veten qe e ka dhe tani ne fakt,, gjykatat te vetat qe i ka dhe tani ne fakt.. shikun qe gjithashtu e ka qe tani te vetin.. PARANE qe gjithashtu e kan.. njesitet me vrases qe gjithashtu i kan.. pra njeriut te thjeshte nuk i mbetet asgje ku mund te mbrohet..
avokater policer gjykates prokurore altiner e aldo dondollaka e klosa jaho e causher.. fidela e dulaka fiksa fare e e artur cana.. ambasadora te huaj e sekretaro perkthysa neper ambasada .. te gjitha do jene per edvinë e gjinush zinë.. per klos e ruc altinë..
pra nje ombrello e celikte e bojatisur bukur nga jashte.. do jete mbi kryet e cdo shqiptari.. shqiptari te mire kuptohet.. e ky vend do behet per 100 dra vjet gulag modern i sojeve staliniste polpotiste miljardere gjakatare..

do beni qef pastaj .. apo jo info..

lum kush do ju zeje te dashura juve..
lol

do u rregullohet biografia..

tmerr..

[Albo]

A po synohet te vendoset nje diktature e rrepte autoritariane?

Nese te luftosh krimin e organizuar ne Shqiperi me forcen e ligjit eshte "diktature", atehere dhe gazetaret e paguar me leket e mafies shqiptare, duhet te mesojne se DEMOKRACI = DIKTATURE E LIGJIT DEMOKRATIK!

Situata ne Shqiperi eshte tensionuar, jo per punen e zgjedhjeve, pasi zgjedhjet jane kapitull i mbyllur. Situata ne Shqiperi eshte tensionuar pasi koalicioni qeverises i Berishes ka shprehur jo vetem vullnetin e vete politik me fjale, por ka perpiluar edhe ligjin ANTIMAFIA ne vend, ligj qe ka per qellim ti japi goditjen perfundimtare krimit te organizuar ne vend, goditjen vdekjeprurese duke e pastruar njehere e mire Shqiperine nga tutela e krimit te organizuar. Kjo nuk eshte vetem ajo qe kerkon koalicioni qeverises i Berishes, kjo eshte ajo qe kerkon cdo qytetar i thjeshte shqiptar qe kerkon mbrojtjen e ligjit, kjo eshte edhe nje nga kushtet e anetaresimit te Shqiperise ne BE.

Ne krahun tjeter, gjen njerezit e mafies e krimit te organizuar ne vend qe kane uzurpuar jo vetem politiken, por kane uzurpuar edhe pronat, edhe bizneset me parate e pista te krimit, edhe mediat e televizionet qe i kane financuar me parate e krimit. Dhe nuk eshte vetem Edvin Rama kryemafiozi shqiptar, pas tij fshihen plot te tjere, me parate e tyre jetojne edhe nje pjese e mire e gazetareve e gazetave qe ti citon me lart. Prandaj ky ligj antimafie per ta eshte diktature, pasi nese Berisha lufton krimin e organizuar dhe i nxjerr me rradhe perpara drejtesise, ne burg nuk do te shkojne ata 10 apo 20 kryeminele, bashke me ta do te marrin fund edhe jetet e atyre qe jetojne me parate e krimit, qe ushqejne femijet e tyre me parate e krimit. Dhe jane po keta njerez ne media, qe kerkojne tu hedhin hi ne sy shqiptareve, duke e etiketuar qeverine shqiptare si "diktatoriale", meqenese ajo po ben vetem detyren dhe ate qe premtoi gjate fushates: luften kunder krimit te organizuar ne vend.

Pra ka ardhur koha qe cdo shqiptar te zgjedhi: ose anen e ligjit demokratik e shtetit, ose anen e ligjit te rruges dhe mafies ne vend?

Une per vete zgjedh ligjin dhe shtetin dhe qeveria Berisha gezon mbeshtetjen time te plote ne rrugen e nisur. Bile une do te thosha, qe kete beteje me krimin e organizuar, duhet ta kish nisur me pare, nuk duhej pritur deri sot.

Albo

[INFINITY©]

Bile une do te thosha, qe kete beteje me krimin e organizuar, duhet ta kish nisur me pare, nuk duhej pritur deri sot.

Albo

Ishte pak i zene duke bere krimet e tij te radhes, megjithate delet i ka nga mbrapa dhe gjerat e tij i ka vene ne terezi tani, keshtu qe synimi i tij eshte te heqi qafe gjithe kundershtaret. Ke te kujton kjo mqs hiqesh si keshilltar i Sales, ndoshta idhullin e tij, Enver Hoxhen?!

[Edvin83]

Nese te luftosh krimin e organizuar ne Shqiperi me forcen e ligjit eshte "diktature", atehere dhe gazetaret e paguar me leket e mafies shqiptare, duhet te mesojne se DEMOKRACI = DIKTATURE E LIGJIT DEMOKRATIK!

Albo

Krimi te luftoje krimin? Vetveten? Mua ky ligj me duket me teper si nje arme e fuqishme per te burgosur kedo qe te nuk te pelqen. Ndoshta kusheriri yt i 3-te albo ben dicka te paligjshme, dhe ti arrestohesh sapo hyn ne territorin shqiptar pasi je dyshuar edhe ti!

Pse nuk e filloi luften kundra mafies e krimit qe ne 2005 por pret qe ta filloje tani ne 2009? Pas kater vjetesh!
Kush vendos se kush do te arrestohet e kapet nga ky ligj?

[nestorp]

Mendoj se Ligji antimafia eshte i vonuar.Ai ligj duhet te ishte miratuar vite me pare.Vendi jone eshte i mbushur me pare te pista.Kriminele e mafioze te ndryshem jane si cibane aneembane qyteteve te Shqiperise.Bregdeti eshte i mbushur me hotele e prona te cila vijne ere gjak e droge.Ketyre kriminelve ju duhet sekuestruar gjithcka.Ju duhet bere llogaria se si i kane vene ato pasuri.Me cfare aktiviteti jane marre.Kush ka mizen ne koke i kruhet koka ne kete rast.Nqse saliu mendon se do te xbertheje mafien duhet ta filloj nga ata qe ka rreth e rrotull e gjer tek ata qe cirren rrugve te Tiranes e Shqiperise mbare.E keni pare juve qe i thoni diktature ligjit antimafie se si Anastas Angjeli ish minister socialist ka hapur nje universitet privat.Ku i gjeti paret ky jevg i poshter?Me rrogen 100 mij lek te ministrit te asaj kohe.Ku i gjeti paret qe ndertoi nje fabrike vaji etj.Ky eshte njeri prej tyre,por ata jane me dhjetra.Uroj qe Saliu mos ta beje per te trembur mafjen ne gjirin e opozites,por per te miren e vendit.
Cdo shqiptar i ndershem e perkrah kete ligj.Ata qe jane te mpleksur me mafien jo!

[ASrock4u2]

AMENDAMENTET QE PO TRONDISIN STABILITETIN


Andrea Stefani

Në prill të vitit të kaluar, dy partitë më të mëdha politike, PD dhe PS, të mbështetur edhe nga "ndërkombëtarët", ndërmorën një reformë thelbësore të Kushtetutës së Republikës, në emër të shmangies së krizave të panevojshme politike, forcimin e "stabilitetit" politik në vend. Sot, kur kanë kaluar mbi një vit e gjysmë nga ajo "reformë" e përshëndetur edhe si "konsensusi më i madh" i tranzicionit, stabiliteti nuk po duket gjëkundi dhe vendi ka hyrë në një nga krizat më të thella dhe më të zgjatura politike. Por askujt nuk i shkon ndërmend që të bëjë një lidhje mes krizës së sotme dhe atyre amendamenteve që u shpallën gjithë pompë se do të sillnin më shumë stabilitet në kurriz edhe të lirisë dhe ndarjes së pushteteve. Koha po provon se mendimi i Kushtetutës qe një akt krejtësisht i gabuar, që po i sjell përfitime vetëm autoritaristit në pushtet, Sali Berisha.

***

Proceset politike në Shqipëri nuk kanë vuajtur, të paktën deri më sot, nga që liderë të dobët janë ndodhur para presioneve demokratike të masave. Shkaku i krizave ka qenë, përgjithësisht, krejt e kundërta. Ato janë nxitur nga liderë arrogantë jo vetëm të pakundërshtuar por edhe të mbështetur fuqimisht nga masa fanatike. Kjo ka qenë dhe mbetet veçoria e Shqipërisë pra, jo lidershipi nën presionin e masave por masat nën tutelën e lidershipit. Kjo lloj analize të jep mundësi të kuptosh sesa i gabuar është zbatimi strikt në Shqipëri - gabim që mjerisht e kanë bërë dhe këmbëngulin ta bëjnë "ndërkombëtarët" - i recetave për zbutjen e ekseseve të demokracisë në vende të tjera në tranzicion. Sepse ndërsa atje zbatimi i atyre recetave shpie në fuqizimin e liderëve apo qeverive të dobësuara përballë presionit të fuqishëm të demokracisë, në truallin politik shqiptar ato kanë fuqizuar edhe më shumë liderë me prirje autokratike si Sali Berisha përballë një demokracie të dobët dhe pa presionin e duhur. Dhe liderë gjithnjë e më të fuqishëm, përballë masave të nënshtruara që tradicionalisht rrinë squk para pushtetit, e kanë shumë lehtë që, aq më tepër në kushtet e mungesës së balancave korrektuese institucionale, ta degjenerojnë demokracinë në demokraturë.

***

Tashmë shikohet qartë se për të forcuar stabilitetin është përdorur medikamenti i gabuar, duke fuqizuar pikërisht ata që janë zembereku i palodhshëm i krizave, liderët autoritaristë. Një ilaç i tillë ishin dhe amendamentet e Kushtetutës veçanërisht, ai që ka të bëjë me zgjedhjen e Presidenti të Republikës. Rrjedhimisht edhe pse më pak i votuar se në vitin 2005, Berisha u rikonfirmua në krye të një pushteti edhe absolut se më parë. Ndonëse u mbajt në pushtet nga votat e një partie të majtë si LSI, Kryeministri Berisha refuzoi kategorikisht kërkesën e opozitës për hapjen e kutive të votimit dhe rinumërim të votave në disa zona elektorale. Arroganca e Berishës shpërtheu me një fjalor të egër, banal dhe sharjesh personale ndaj liderit të opozitës Edi Rama, veçanërisht pas një proteste madhështore (ndoshta më e madhja deri atëherë në 20 vitet e tranzicionit shqiptar) të organizuar nga PS. Kryeministri refuzon të hapë kutitë, edhe pse është e qartë se ato mbahen mbyllur në dhunim të ligjit nga një gjykatë e kapur prej Berishës. Pamja është krejtësisht groteske! Një Berishë që ka nëpërkëmbur sa ka mundur gjykatat dhe gjykatësit mbrohet sot duke "shenjtëruar" një vendim gjykate. Nga buron forca e kësaj arrogance? Përgjigjja është e thjeshtë: Tek amendimi i Kushtetutës, që i jep mundësi ta zgjedhë Presidentin e Republikës edhe me 71 vota dhe pra, jo domosdoshmërisht në konsensus me opozitën. Si asnjë Kryeministër tjetër më parë Berisha, i rikonfirmuar në pushtet me paterica, nuk ka më prapa shpatullave kërcënimin e zgjedhjeve të parakohshme pas dy vjetësh. Gjërat do të shfaqeshin krejt ndryshe nëse në fuqi do të ishte ende neni i Kushtetutës, që detyronte zgjedhjen e Presidentit me 3/5-tat ose ndryshe, vendi duhej të kalonte në zgjedhje të parakohshme. Do të kishim një Berishë më të prirur për t‘u marrë vesh me opozitën. Pushteti i një Kryeministri kufizohet, bashkë me të edhe arroganca e tij, edhe nëpërmjet klauzolave kushtetuese si ajo që impononte konsensus me opozitën për zgjedhjen e Presidentit të Republikës. Nëse ai nen i Kushtetutës do të ishte ende në fuqi, jo vetëm që Berisha do të ishte shfaqur më pak arrogant, por edhe opozita nuk do të kish pasur ndoshta nevojë fare të bojkotonte Kuvendin. E sigurt se do të mund ta çonte vendin në zgjedhje të parakohshme pas dy vjetësh, kur të vinte momenti i zgjedhjes së Presidentit, ajo mund të shkonte në Parlament me shanse më të mëdha për të imponuar propozimet e saj. Shkurt mungesa e atij neni që u amendua si një "gjetje" për të shmangur destabilitetin ("destabilitet", kështu e anatemuan vajtjen e vendit në zgjedhje të parakohshme!), është bërë sot shkaku kryesor i rritjes së tensionit politik dhe i thellimit të krizës. Në të kundërt, ekzistenca e detyrimit për të zgjedhur Presidentin me konsensus dhe kërcënimi me zgjedhje të parakohshme, do të ishin sot si një valvul shkarkimi e tensionit që do të shmangte edhe krizën politike. Koha po provon sesa e gabuar ishte ideja, edhe e "ndërkombëtarëve", e forcimit të stabilitetit në Shqipëri, duke absolutizuar pushtetin e Kryeministrit nëpërmjet fshirjes së atyre mekanizmave kushtetues që imponojnë moderimin e këtij pushteti. Krizën e ka thelluar edhe amendimi i neneve për mocionet e besimit dhe mosbesimit të Kryeministrit. Një nga arsyet që opozita refuzon të hyjë në Kuvend është edhe se nuk mund të bëjë presion për çështjen e drejtë të hapjes së kutive me ndonjë mocion mosbesimi, megjithëse është opozita më e madhe që ka pasur ndonjëherë Shqipëria. Por është dhe më e dobët për faj të lidershipit të saj dhe Edi Ramës në radhë të parë. Këto kohë provuan edhe një herë, dhimbshëm, se Berisha është Voldemorti, magjistari i autoritarizmit dhe se ai, nuk mund të mposhtet duke rrokur armët e tij. Por Berisha mund të mposhtet, pa asnjë dyshim, nëse opozita i rikthehet pa rezerva, duke pranuar edhe gabimet me përuljen e fisnike por shpëtimtare që sugjeron arsyeja, opsionit të braktisur të lirisë dhe demokracisë.
DELIGJITIMIMI I OPOZITËS, NDËSHKON POZITËN
Daut Gumeni
Pse gjendemi sot në këtë krizë politike, që po lodh vendin edhe ashtu mjaft të lodhur nga pasojat e krizës ekonomike botërore, së cilës nuk mund t‘i shpëtojmë me gjithë deklaratat e pushtetarëve tanë se qenkemi vendi i vetëm në botë që nuk na qaset dot kriza?
Po t‘i marrim gjërat me radhën e duhur, atëherë do ta kemi më të lehtë të kuptojmë se pse jemi në një krizë politike, që mund të shmangej. Sikurse do ta kemi po aq të lehtë ta kuptojmë edhe pse pushteti aktual ka marrë atë qëndrim ekstrem ndaj kërkesës së opozitës për hapjen e kutive të zgjedhjeve të 28 qershorit 2009.
Arsyeja e do që të mos përpiqemi ta mbulojmë diellin me shoshë. Kriza nisi me shkeljen e një neni të Kodit Zgjedhor, të miratuar në Kuvend me konsensus të plotë, Dhe ai nen përbënte garancinë e opozitës, apo më shkoqur, garancinë e vetë zgjedhjeve të pakontestueshme. Neni në fjalë tashmë e dinë të gjithë që garantonte hapjen e kutive të votimit me kërkesën e dy anëtarëve të KQZ-së. Ky nen i rëndësishëm i Kodit Zgjedhor konsensual u shkel ditën për diell në sytë e së gjithë botës dhe nuk ka pse të bëjnë sikur nuk paska ndodhur ndonjë gjë e madhe as pushtetarët e as ndërkombëtarët, as gazetarët dhe as analistët e rreshtuar në krah të pushtetit me muaj të tërë pas zgjedhjeve. Nuk ka pse e tjerrin aq gjatë në shtyp e nëpër emisione televizive se ka apo nuk ka të drejtë opozita të kushtëzojë hyrjen e saj në Kuvend. Këtu nuk ka vend për asnjë diskutim as nga shqiptarët e as nga ndërkombëtarët. Është shkelur ligji konsensual dhe nuk ka më asnjë kuptim të bëhen ligje të tjera me konsensus që të shkelen prapë sa herë që i teket pushtetit. Ligjet duhen zbatuar edhe në Shqipëri si në Gjermani dhe këtë e dinë mirë edhe zonja e nderuar Pak, që duhet të ishte më pak tifoze e një pale kur bën deklarata në emër të institucioneve të BE-së. Sikurse e di mirë edhe zotëria i nderuar Grosruk, që përsëri duhet të mundohej të tregohej më pak tifoz i një pale kur bën deklarata në emër të institucioneve të OSBE-së. Këta miq të mirë të pushtetit tonë aktual do të qenë shumë më të besueshëm në ato deklaratat e tyre prej tifozësh, po t‘i bënin në emër të partive të tyre e jo në emër të institucioneve europiane apo euroatlantike. Ndryshe duhet dhe të na thonë se si do të bëhemi dhe ne pjesë e BE-së duke shkelur ligjet.
Do ta ndihmonin vërtet afrimin e Shqipërisë me BE-në këta miq të pushtetarëve tanë, po të na thonë edhe si u është dukur ajo mënyrë të foluri nga tribuna e Kuvendit, me të cilën u hap te ne pak ditë më parë një fushatë e re e pozitës për të mohuar kërkesat e opozitës, për të deligjitimuar opozitën dhe vetë demokracinë. Shpresojmë që edhe ata miq të pushtetarëve tanë të mendojnë tok me ne se ajo mënyrë të foluri, jo vetëm që duhet harruar sa më shpejt për fyerjen që i bën qytetarisë së këtij vendi me "qytetarinë" që u dha të gjitha fjalëve tabu, por duhet t‘i kujtojë pozitës aktuale dhe miqve të saj në institucionet e BE-së se përpjekjet për të deligjitimuar opozitën, deligjitimojnë më keq vetë pozitën dhe pushtetin e saj. Duhet t‘u kujtojnë pushtetarëve tanë dhe miqve të tyre në BE se trumbetat për nisjen e fushatës së radhës për të demonizuar e deligjitimuar opozitën, tregojnë jo vetëm harbutërinë e pushtetarit që hyn dhe në institucionet e shtetit si elefanti në një dyqan me qelqurina, por edhe verbërinë që nuk e lë të kuptojë se demonizimi dhe deligjitimimi i opozitës e bën të paligjshëm dhe pushtetin e pozitës dhe kthehet në thelb në një përpjekje për të ndryshuar vetë sistemin e qeverisjes demokratike.
Duhet t‘u kujtojnë të gjithëve se, më tepër se një humbje ekuilibri, ai keqpërdorim i fjalës dëmtoi më shumë qytetarinë e politikës sonë të tranzicionit sesa opozitën që sulmohet vetëm sepse kërkon zbatimin e një ligji konsensual të shkelur nga pushteti. Madje më tepër se opozitën, kundër së cilës nisi fushatën e demonizimit dhe të deligjitimimit, ai shpërthim lluburdirash gjuhësore dëmtoi vetë trumbetarin e sulmit të paprinciptë kundër opozitës. Për të mos zënë ngoje pastaj atë lloj çartosjeje të taborit të pushtetarëve, që shtyheshin e vijojnë të shtyhen ende për të zënë radhën se kush do ta brohoritë më me zjarr atë gojështhurje të padëgjuar e të paimagjinueshme as në kohët kur njeriu ka qenë i veshur me gjethe.
Duke uruar që ajo shfaqje shëmtimi të harrohet sa më shpejt nga të gjithë ata që patën fatkeqësinë ta dëgjojnë, nuk mund të mos vihet re se ai shpërthim i egër nga foltorja e Kuvendit duket se është një strategji e pozitës aktuale për të deligjitimuar jo vetëm kërkesën e opozitës për hapjen e kutive të zgjedhjeve të 28 qershorit 2009. Ai shpërthim primitiv është vetëm veshja skenike, apo më mirë gjuha propagandistike e një fushate që, duke kërkuar me çdo mjet të deligjitimojë opozitën, kërkon në thelb të deligjitimojë vetë sistemin e qeverisjes demokratike.
Pas dy dekadash tranzicioni të rremë, pushtetarët trashëgimtarë të Partisë së Punës kërkojnë këtë herë të nxjerrin jashtë ligjit tok me opozitën edhe vetë sistemin e qeverisjes demokratike. Duket që dështimin e tyre për të bërë dhe demokratin, sikurse bënë dikur komunistin, e quajnë dështim të vetë sistemit demokratik. Ndryshe si mund t‘i quajnë zgjedhjet e pjesshme njëpartiake si "më të lirat e më të ndershmet e zhvilluara ndonjëherë" dhe si "dëshmia më e mirë" se fitorja e tyre më 28 qershor ka qenë më se e merituar?!...
Pas dy dekadash tranzicioni me ekonomi frymëzënë nga mosnjohja e të drejtës së pronës, me një pluralizëm politik të kontrolluar në çdo hap nga mbeturinat e diktaturës, me një klasë politike që kërkon të bëhet pronare jo vetëm e pushtetit por edhe e pasurisë kombëtare, me institucionet themelore të shtetit të komanduara nga pseudonimet e bashkëpunëtorëve të Sigurimit të Shtetit, me një sistem drejtësie të përfshirë nga ethet e pasurimit dhe nga frika e pushtetit, me një sistem shëndetësor që sëmur dhe të shëndoshët në vend që të shërojë të sëmurët, me një sistem arsimor ku bëhen gati çdo vit eksperimente dështakësh, duke filluar qysh nga abetaret me gabime të rënda gjuhësore e deri te tekstet e historisë, të cilat kanë historike vetëm shtrembërimet e historisë, me një bujqësi që ka lënë djerrë tre të katërtat e tokës bujqësore, me një diplomaci që nuk është shkëputur ende nga statusi i dikurshëm si degë e posaçme e Ministrisë së Punëve të Brendshme, me një Ministri të Brendshme që numëron si suksese të saj kapjen e kriminelëve tanë nga policitë e vendeve të tjera dhe harron që ka ende mijëra fëmijë të ngujuar nga frika e gjakmarrjes edhe në shekullin e njëzetenjëtë, me një Ministri të Mbrojtjes që mbron vetëm marrëveshjet që cenojnë integritetin territorial të vendit dhe doemos "dervishët e Malëshovës" që ndërrojnë njëri-tjetrin si ministra të interesuar vetëm për të kthyer ish-pronat ushtarake në fabrika të vdekjes dhe ish-pikat e hapjes në pika të kontrabandës së armatimeve, të atyre armatimeve që janë pasuri e kooperativistëve të uritur dhe jo e pushtetarëve të babëzitur e, më në fund, me një qeveri që i harron dhe të burgosurit e diktaturës në grevë urie, edhe pse detyrë e saj e parë është të zbatojë ligjet e Kuvendit e t‘u japë dhe atyre qytetarëve të drejtën e siguruar me ligj dhe jo të urdhërojë Kuvendin me qarkore partie dhe të festojë përvjetorët e lëvizjeve demokratike, duke lënë të vdesin në grevë urie ata që qenë demokratë kur qe e ndaluar dhe nuk u kthyen nga komunistë në demokratikas kur u tha Partia - me të gjitha këto "mrekullira", pra, një përpjekje për të ndryshuar edhe sistemin e kësaj demokracie gjysmake e për t‘u kthyer aty ku u nisëm dy dekada më parë, është fare pak t‘i thuash humbje kohe. Madje është më tepër se humbje kohe, është humbje e udhës së Zotit nga pushtetarët tanë të tranzicionit.
Ndryshe si t‘i kuptojmë ato thirrje luftarake që lëshojnë pushtetarët tanë aktualë kundër opozitës nga gjysmë-Kuvendi e nga podiumet që vishen ende me parullat e fushatës zgjedhore? Si t‘i kuptojmë pushtetarët tanë kur urojnë nga tribunat publike që opozita të mos vijë kurrë në Kuvend(!) Madje arrijnë dhe të thonë me plot gojë se qenka më mirë pa opozitë jo vetëm Kuvendi po i gjithë vendi(!) Atëherë lind pyetja: Në cilin sistem po përpiqen të na shpien pushtetarët tanë aktualë? Dhe ç‘është gjithë ai tërbim kundër opozitës, vetëm sepse kërkon të zbatohet ligji konsensual i shkelur nga pushteti? Pse qenka aq e rëndë për pushtetarët tanë aktualë që të bëhet transparenca e plotë e zgjedhjeve dhe tek ne e të nisim dhe ne si mbarë bota e qytetëruar të bëjmë zgjedhje të lira e të ndershme, ku transparenca e votës të garantohet me ligj dhe të dalin përpara ligjit të gjithë ata që manipulojnë votat e qytetarëve për hir të pushtetit?
Pastaj, si u kthye në "Mafie" po ajo opozitë me të cilën po këta pushtetarë e bënë Kushtetutën çarçaf brenda një nate? Si u kthye befas në "Mafie" po ajo opozitë që, për hir të pranimit të vendit në NATO, bëri sikur nuk e dëgjoi as shpërthimin vrasës të Gërdecit të korrupsionit të pushtetarëve? Si e "lejoi" pushteti aktual "Mafien" të pushtonte opozitën dhe madje të futej në garë zgjedhore me të? Na thonë se e paska lejuar këtë "Mafie-opozitë" vetëm që të "mos prishte zgjedhjet sikundër bëri me zgjedhjet e vitit 1996"... Këtej del edhe që ato zgjedhje të vitit 1996 i paska prishur opozita e jo ata që i morën kutitë në krahë me parullën: "Bingo!". Me sa duket duhet t‘i ketë ndihmuar ca dhe ambasadorja e nderuar Gllover, që sikur i quajti ato zgjedhje të manipuluara... Këtej del edhe që zgjedhjet e 28 qershorit 2009, ato "më të mirat e zhvilluara në historinë e Shqipërisë", paskan qenë po aq të mira, të lira e të ndershme sa ato të majit të vitit 1996(!)... Këtej del edhe arsyeja përse iu dashka aq shumë tani pushtetit aktual zbulimi i papritur i " Mafies" në krye të opozitës. Prandaj dhe miratoi me urgjencë ligjin përkatës me 74 vota, paçka se për ligje të asaj natyre thuhet që duhen 3/5 e votave të Kuvendit. Tek e fundit, lufta ndaj Mafies nuk pret për formalitete të tepërta. Megjithëse kjo mazhorancë e ka shkulur me rrënjë tashmë krimin e organizuar, paska harruar të luftojë Mafien...
Sikurse paska harruar se, kur gjysma e popullit që qeveris kërkon zbatimin e ligjit për hapjen e kutive, ato kuti duhen hapur faqe gjithë popullit e botës. Ka harruar mazhoranca aktuale se, meqë ka bërë "zgjedhjet më të mira në histori", nuk ka pse trembet nga kutitë e hapura se mund të dalë dhe që ka fituar ca vota më shumë... Kur e dinë pushtetarët tanë se populli i dashka aq fort sa do të fitojnë edhe të gjitha zgjedhjet e ardhshme të këtij shekulli, pse të tërbohen aq shumë sa t‘i thonë këmbës dorë kur populli demonstron për të kërkuar zbatimin e ligjit konsensual për hapjen e kutive të votave? Mos qenka dhe kjo kërkesë e "Mafies". Mos është kërkesë e Mafies edhe të bësh dialog e kompromis me opozitën në dobi të vendit? Mos është kërkesë e Mafies dhe vetë politika e urtë, që i hap udhën zhvillimit të demokracisë e jo tërbimit të pushtetit? Apo mos pushtetarët tanë të tranzicionit e zbulojnë "Mafien" sa herë që u duket se u hyn në punë, si antikomunizmi e si antikorrupsioni?... Sikundër zbulonte dikur "udhëheqësi i Partisë" "grupet armiqësore dhe komplotet kundër pushtetit popullor"?...

...por diktatori nuk eshte pa vegla dhe asgje nuk mund te beje pa to.
Ketu ne kete forum ka individe qe nuhasin ate qe do dhe nuk do diktatori dhe i bejne sherbim. Eshte harruar , kryemafiozi dhe vrasesi dhe kontrabandisti i dikurshem fatos-nano-thanasi sapo sali-ramiz-berisha i dha doren. Si me magji pushoi cdo lloj balte ne drejtim te tosit .

..po Nikolle lehesi i dikurshem..? Sot del hapur qe argita Berisha eshte trashegimtarja e vetme legjitime e drejtimit te PD-s mbasi i Plotefuqishmi te therrase Sali Berishen...

[BlueBaron]

Ke ligj paska gjithe bota?!

Ligjin kunder pareve te pista ...

[mia@]

Bobo do ngelemi pa politikane tani qe u miratua ky ligji.