Koha e Adventit apo e Ardhjes; Krishti troket!

[toni77_toni]

“Lum sytë që shohin çka po shihni ju"!

Koha e Adventit apo e Ardhjes



Advent. Advent (latinisht “adventus”) domethënë mbërritje!

Ardhja! Çka është ardhja? Çka mund të kuptojmë me fjalën ardhja?

Ardhja është një fjalë, që ne veti e ka kuptimin e të ardhurit apo të dëftimit, por në shekuj me radhë përdorej për të treguar Kohën liturgjike në të cilën Kisha përgatitet për të rijetuar Krishtlindjen - Ardhjen e Birit të Hyjit, Jezus Krishtit - Mishërimin e Tij.

Është një periudhë katër javorë që i paraprinë Krishtlindjes.

Kjo Kohë, periudhë katër javorë, është një kohë e pritjes, Dikën po presim, nuk është një kohë që t'mos bëjmë asgjë. Nuk është kohë qe ne duhet të jemi vetëm duke pritur. Ditët e ardhjes nuk simbolizojnë një kohë e ikjes, e larguarjes, e arratisjes, por kjo është një kohë vërtetë pritjeje, pritje e shekujve qe eterit e BV, profetët e paramana këtë Ardhje të Madhe; “shumë profetë e mbretër dëshiruan të shohin”. Prandaj, ne duhet përgatitura me gëzim shtëpinë tone, të gëzohemi sepse në shtëpinë tone po vjen I shumëprituri; ZOTI I GJALLË. Jemi pra duke e pritur Ardhjen e Zotit tone Jezusit. “Lum sytë që shohin çka po shihni ju!” (Lk 10;23)

Kjo kohë pritje na porositë; „rrini – zgjuar dhe mos flini” kjo pritje e jona në këto katër javët e ardhshme duhet të na porositë në thinjen e biblike; „rrini – gati, rrini zgjuar“. Kjo na është drejtuar vetëm neve e askujt tjetër, që jemi në pritjen e Zotit tonë Jezu Krishtit, në heshtje dhe lutje. Secili besimtar, për këtë ngjarje të madhe shëlbimprurëse ka nevojë për heshtje, heshtja, në heshtje, shuajtje e lutje të pandërprera dhe rikthim në një jetë të përshtatshme dhe në pëlqim Zotit.

Në heshtje pra të kujtojmë;
Juve po ju them: shumë profetë e mbretër dëshiruan të shohin çka po shihni ju, por nuk panë; të dëgjojnë çka po dëgjoni ju, por nuk patën fat të dëgjojnë.” (Lk 10; 24)


Në heshtje, të lutemi Zotit:

O Zot Jezus,
të falënderojmë për dhuratën e këtij Viti Liturgjik.

Na ndihmo të angazhohemi me besim dhe guxim në këtë Ardhje:
bëj që të dimë të shohim në lartësi Ty,
që ke ardhur, që vjen dhe që do të vish në fund të kohërave.


Bëj që të dimë të çlirohemi nga shumë komoditete,
nga shumë idhuj dhe nga shumë parajsa të ndërtuara
mbi padrejtësi dhe mbi hipokrizi.

Bëj që besimi në praninë tënde shpëtimtare,
këtu në mes nesh,
të na mbështesë në vështirësitë e këtij Viti të ri Liturgjik. AMEN


vazhdon-->

[toni77_toni]

“Lum sytë që shohin çka po shihni ju"!

Çka është koha e Ardhjes dhe çfarë bëjnë njerëzit në këtë kohë?


PSH Çfarë?
Në ditët e ardhjes është kohë ku shumë besimtar në ato ditë janë të kushtuar në lutje dhe heshtje, pendesë dhe agjërime, duke u penduar për gabimet e njohura dhe ato qe nuk na janë zbuluar por qe te gjithë kemi gabime. Është kohë kthimi, shumë njerëz bëjnë kthim dhe jeta e tyre ndryshon. Pastrim shpirtërorë, lutemi dhe pendohemi, përgatisim ndërgjegjen qe sa më të pastër e presin ardhjen e Krishtit.

Tjetër?
I ndezim katër qirinjtë, duke filluar nga e diela e pare, secilën te diele ndezim nga një qiri, të qe do të thotë katër të diele katër qirinjtë.

Pse qirinjtë?
Pra siç u tha se çdo të diele ndezët një qiri duke paralajmëruar Dritën e Dritës – Mishërimi I Zotit, Ardhja e Jezusit.
Qirinjtë respektivisht flaka është njëra prej metodave më të vjetra, për të krijuar dritë. Nëpërmjet ndezjes së qirinjve krijohet një gjendje e këndshme dhe e qetë, qirinjtë simbolizojnë DRITEN.

Tjetër?
Qirinjtë janë vetëm simbole, ndërsa kjo kohë është Kohë pendimi dhe kthimi, lutje dhe heshtje, prandaj përgatitemi shpirtnisht ta presim ardhjen e Shëlbuesit tonë Jezus Krishtit i cili vetë ka vendosur të Mishërohet në krahrorin e virgjrës Mari dhe lind në Betlehemin qe ne e kujtojmë me 24 dhjetor - Krishtlindja.

Çka tjetër?
Në këtë kohë katër javore, zakonisht nuk bëhen as fejesa e as martesa dhe secila familje është në përgatitje të ardhjes-Mishërimit të Jezusit – Krishtlindja.

Tjetër?
Gjatë kohës të ardhjes mund të vërejmë se që tani ndërrohen këngët e Kishës dhe se përgatitemi për Krishtlindje.

Pos tjerash; në ditët e ardhjes apo gjatë këtyre ditëve, vërehet se shumica e njerëzve e përjetojnë me ndjenja këtë kohë, dhe disi në atmosferë ndjehet një durim i gëzueshëm për festat që po vijnë. Çdo gjë është e zbukuruar gjatë këtyre ditëve për t'u mahnite, njerëzit mendojnë dhe sigurojnë dhuratat për njëri tjetrin, mendojnë ku do të presim Krishtlindjen. Secili zbukuron Shtëpinë, dyqanin, dhomat dhe vërtetë gjithçka merr një pamje të tjetër. Gjithçka është e ndryshuar dhe e zbukuruar, por mbi të gjitha, përgatitja në zemër është e rëndësishme.


“RRINI ZGJUAR”

Në atë kohë, Jezusi u tha nxënësve të vet: “Rrini me kujdes! Rrini zgjuar, sepse nuk e dini kur do të vijë ai çast. Me të do të ndodhë, si me atë njeri që, duke u nisur për rrugë, e la shtëpinë e vet dhe ua la në kujdes shërbëtorëve: secilit ia caktoi punën e vet e derëtarit i urdhëroi të rrijë zgjuar. Prandaj: rrini zgjuar, sepse nuk e dini kur do të vijë i zoti i shtëpisë: në mbrëmje a në mesnatë, kur këndojnë gjelat apo në mëngjes – që, nëse vjen papritmas, të mos ju gjejë fjetur.
Çka po ju them juve, ua them të gjithëve: rrini zgjuar! (Mk 13, 33-37) ”


vazhdon-->

[toni77_toni]

Çka po ju them juve, ua them të gjithëve: rrini zgjuar! (Mk 13, 33-37) ;

Juve po ju them: shumë profetë e mbretër dëshiruan të shohin çka po shihni ju, por nuk panë; të dëgjojnë çka po dëgjoni ju, por nuk patën fat të dëgjojnë.” (Lk 10; 24)




http://www.youtube.com/watch?feature...v=DPHh3nMMu-I#!

[toni77_toni]

Në heshtje pra të kujtojmë;

Juve po ju them: shumë profetë e mbretër dëshiruan të shohin çka po shihni ju, por nuk panë; të dëgjojnë çka po dëgjoni ju, por nuk patën fat të dëgjojnë.” (Lk 10; 24)

Është e diela e dytë e ardhjes:
Po afrohet kremtimi i Krisht-lind-jes, koha është për zgjim, Krishti dëshiron te vij ne jetën tënde. Kohë kjo e një heshtje - heshtja e mesnatës që sjelli lajmin me të gëzueshëm në historinë e njeriut kur asgjë nuk dëgjohet pos zërit të Engjëllit te Hyjit qe thotë:

“Mos kini frikë! Ja, unë po ju sjell një lajm të mirë: gëzim të madh për mbarë popullin! Sot, në qytetin e Davidit ju lindi Shëlbuesi ‑ Krishti Zot"!

Ky zë le të brohoritë ne heshtjen e zemrës tënde.