ngushllime familjes se mjer qe humbi du vajzat ne lule te moshes e nana shkret lengon ne spital..
krimineli ben 2 muaj burg e del e vazhdon si ledio ruci te ushtroje sport-automobilizmin..
tm,err..
le te dalin familjaret e viktimave e me kallöash ta bejne drejtesin..
sapo te dali ky miu elbasanit..ta ekzekutojn mu ne der te gjykates..
ska rrug tjeter..
keshtu e do cdo ledio ruc ndryshe nuk kuptojn..
kokra e plumbit i takon gjykatesit qe e nxjer nga meseleja me 2 muaj burg.Postuar më parë nga Brari
Keshilli i larte i drejtesise duhet te nxjerri ligj per cdo gjyqtar qe ul denimet ne menyr te padrejte , te beje pjesen e denimit qe i ka kursyer kriminelit.
E te shohesh ti pastaj si vihet qetesia.
Unë jam njeri i thjeshtë.
Kënaqem me pak.
Më mjafton më e mira.
Si ka ardhur puna ne Shqiperi, duhet jo nje kokerr plumbi, por mijera bresheri plumbash, qe te qerojne kriminele, gjyqtare e politikane. Do ta shohesh se sa te kujdesshem e sa do ta zbatojne ligjin ata tjeret qe do te vijne.
Ministria e Drejtësisë verifikon dosjen e Aldo Hoxhës
TIRANE - Ministria e Drejtësisë do të inspektojë dosjen e Aldo Hoxhës, 20- vjeçarit të arrestuar një ditë më parë nga Policia e Tiranës, si i dyshuar për vrasjen e Fatbardha Tafës, tek ish-Fusha e Aviacionit.
Nëpërmjet një njoftimi për shtyp, ky dikaster bën të ditur se pasi u njoh me faktin se ky shtetas është liruar para një viti nga gjykata për një tjetër çështje, ka urdhëruar inspektimin e menjëhershëm të dosjes së këtij ish të dënuari.
Kjo do të thotë se Ministria do të inspektojë veprimtarinë e gjykatave, prokurorive dhe institucioneve të ekzekutimit të dënimit. Të gjitha rezultatet e inspektimit do t’i bëhen të ditura opinionit publik brenda muajit shtator 2012.
Ministria e Drejtësisë thekson se në mënyrë të përsëritur ka shprehur shqetësimin e saj për politikën e dobët penale që ndiqet nga ana e organeve të drejtësisë, si një tregues i mungesës së përgjegjshmërisë dhe sundimit të ligjit.
Ministria fton qytetarët që të paraqesin para saj çdo rast të devijimit të drejtësisë apo politikës penale, nëpërmjet ankimeve online në portalin: www.justice.gov.al si dhe www.gjykata.gov.al.
(er.nu/BalkanWeb)
a ka nga gostivari ketu?
shiheni kriminelin..
http://www.kohajone.com/
edhe familja e tij duhet arrestuar sepse kan pergatitur alibi fallco per te birin kriminel..
ka qen ne dasem mashtrojn ata policine..
un jam i bindur se ky ka bere mijra grabitje ne tiran durres e kudo..
por si ky jan dhe nja 120 mij te tjere..
Ndryshuar për herë të fundit nga Brari : 12-08-2012 më 14:21
duhen burgosur prinderit e ketij djalit per pa aftesi per te edukuar femijen e vet, moskallezim krimi dhe per nxitje te veprimtarise se tij kriminale.
Kater te vdekur ne dite nga aksidentet rrugore, 3 te vrare nga kriminele ne dite, 7-8 shqiptare te vdekur ne dite. 7*365=2555 te vdekur ne vit. As ne Siri nuk jane vrare kaq pergjate nje viti lufte.
-----
12 Gusht 2012 - 20:17 | Shqiperi
Përgjaket fundjava, 4 të vdekur nga aksidentet në 24 orë
TIRANË-Kjo fundjavë gushti është përgjakur nga aksidentet automobilistike. 4 viktima janë shënuar në më pak se 24 orë, ndërsa numri i të plagosurve disa.
FIER
Dy persona kanë të vdekur dhe tre të plagosur është bilanci i një aksidenti rrugor të ndodhur rreth orës 20:00 në aksin Fier-Ballsh.
Makina tip benz me targe FR 027 D e drejtuar nga shtetasi Kudret Kalemi ka humbur kontrollin duke u përplasur me një mur pranë një pike karburanti. Mësohet se aksidenti ka ndodhur në vendin e quajtur Qafa e Lalarit, ndërsa si pasojë e tij kanë humbur jetën drejtuesi i mjetit 30 vjecari Kudret Kalemi si edhe kunata e tij 23 vjece, Adela Kalemi.
Si pasojë e përplasjes kanë mbetur të plagosur, bashkëshortja dhe dy fëmijët e viktimës të cilët janë dërguar me urgjence në spitalin e Fierit.
Mësohet se të aksidentuarit ktheheshin nga një dasmë ndërsa paraprakisht mendohet se shkak për aksidentin e rëndë të jetë bërë gjendja e dehur e shoferit.
ELBASAN
Një aksident me bilanc tragjik u shënua rreth mesnatës se te shtunes në unazën jugore të qytetit të Elbasanit. Dy motra kanë humbur jetën, ndërsa nëna e tyre mbeti e plagosur rëndë, pasi u përplasën nga një automjet në afërsi të stacionit hekurudhor.
Sipas policisë, një automjet tip Fiat Punto që drejtohej nga 23-vjeçari me iniciale D.C, ka humbur kontrollin si pasojë e shpejtësisë së madhe, duke dalë nga rruga e duke përplasur nënën dhe dy vajzat e saj, të cilat ishin duke ecur në trotuar.
Për pasojë kanë gjetur vdekjen e menjëhershme motrat Paula dhe Baftjare Hekurani, përkatësisht 17 e 18 vjeçe, ndërsa ka mbetur e plagosur rëndë nëna e tyre Mimoza Hekurani 40 vjeç.
Aktualisht kjo e fundit ndodhet në reanimacionin e spitalit kirurgjik të Elbasanit, ku mjekët deklarojnë se gjendja e saj vazhdon të jetë kritike, si pasojë e dëmtimeve të shumta.
Mësohet se drejtuesi i mjetit u largua menjëherë nga vendngjarja, ndërsa policia po punon për kapjen e tij.
Ndërkohë gjatë paradites një 56-vjecar është aksidentuar për vdekje në aksin Milot-Rrëshen.
(d.b/News24/BalkanWeb)
13 Gusht 2012 - 07:50 | Shqiperi
Përplasen 2 makina në aksin Levan-Vlorë, plagosen 7 persona
VLORE-Shtatë persona kanë mbetur të plagosur në një aksident rrugor në orët e para të mëngjesit të sotëm.
Ngjarja ka ndodhur rreth orës 05.30 në hyrje të autostradës Levan-Vlorë, ndërsa sipas policisë një mjet tip Honda me targa AA 014 CY i cili vinte nga Vlora në drejtim të Fierit dhe që i përkiste një kompanie farmaceutike është përplasur me një tjetër automjet tip Benz me targa të Vlorës 23-68 C, që udhëtonte në kah të kundërt.
Si pasojë është plagosur rëndë drejtuesja e mjetit tip Honda, Irida Majkaj dhe një tjetër person që ndodhej së bashku me të në mjet, ndërsa në automjetin tip benz kanë mbetur të plagosur drejtuesi i mjetit, Dalip Llanaj dhe 4 anëtarët e tjerë të familjes së tij, mes tyre edhe fëmijë, të cilët ktheheshin nga një dasme.
Më serioze paraqitet situata për drejtuesen e mjetit tip Honda, e cila ndodhet në spitalin e Vlorës, ndërsa aksidenti dyshohet se është provokuar pikërisht nga ajo pasi sipas policisë mjeti Honda ka qenë me shpejtësi dhe është futur në krah të kundërt.
Pamjet që jeni duke parë në ekran janë firmuar nga gazetari ynë Enrik Mehmeti, i cili ka qenë personi i parë që ka ndihmuar të plagosurit, duke nxjerrë të plagosurit nga mjetet dhe duke organizuar dërgimin e 5 prej tyre në spitale.
Ndërkohë që policia dhe ambulancë ka mbërritur në vendngjarje vetëm pas rreth 1 orë dhe kanë dhënë ndihmën mjekësore për të plagosurën e fundit të mbetur aty.
(d.b/BalkanWeb)
A e degjove o Edvin, me para kishte shkuar TV 24 se Policia dhe Ambulanca
LOL Pas 1 ore kishin vajtur
Lemeri rruget e Shqiperise, nuk ta mban te levizish as me 4X4
Revolution 1848
Po po, e tmerrshme! Ne te gjitha shtetet ka aksidente, por te vriten nga 4-5 ne dite ne nje shtet 3 milionesh eshte e tepruar. Te isha une kryeminister do te beja periudha terrori te keta "drejtues" me aksione te paparashikuara policie, dhe aksione te fshehta personalisht per te pare se si policet zbatojne ligjet rrugore. Se po mbetet Shqiperia rrugeve. Kjo eshte ceshtje e sigurise kombetare!
po per keshillin e larte kush do e nxjerr ligjin, barcaletat i ke te tema tjeter.
QETESIA hahahaha
jeshét prèmè ne aliarèm
jeshèm more jeshèm
po drita skeshèm
13 Gusht 2012 - 17:02 | Shqiperi
Aksident i rëndë në aksin Elbasan-Peqin, 2 të vdekur
ELBASAN- Një aksident i rëndë rrugor, me pasojë dy të vdekur, ka ndodhur pasditen e sotme në rrugën kombëtare që lidh Elbasanin dhe Peqinin.
Burime zyrtare nga policia bëjnë të ditur se një kamion me targa TE 644, me drejtues shtetasin Jasim Avdyli nga Tetova, u përplas me një autoveturë tip Golf me targa FRTG 809 me drejtues shtetasin Qemal Zhguni 55 vjeç, në mjetin e të cilit udhëtonte edhe shtetasi Bardhyl Lunguni 55 vjeç.
Drejtuesi i autoveturës me targa të huaja dhe pasagjeri që udhëtonte me të kanë mbetur të plagosur rëndë dhe janë transportuar me urgjence ne spitalin e Elbasanit, ku kanë humbur jetën për shkak të plagëve të rënda.
Ndërkaq policia po heton shkaqet e aksidentit. Paraprakisht dyshohet se drejtuesit e mjeteve të përfshira në aksident kanë shkelur rregullat e qarkullimit në rrugë, si dhe kanë qenë duke lëvizur me shpejtësi tej normave të lejuara.
Konfirmohet se drejtuesi i kamionit është shoqëruar në komisariatin e Peqinit, për të dhënë shpjegime për rrethanat e këtij aksidenti.
(ma.ar/er.nu/BalkanWeb)
24 Gusht 2012 - 19:00 | Shqiperi
Tiranë, 3 aksidente rrugorë marrin 3 jetë njerëzish
TIRANË- Një ditë e përgjakshme cilësohet dita e sotme në Kryqytetet referuar aksidenteve rrugore që ndodhën brenda pak orëve. Vetëm gjatë pasdites u shënuan 2 aksidente të renda rrugorë që morën jetën e 2 personave, kurse gjatë paradites humbi jetën një kalimtare.
1-Aksidenti i parë ka ndodhur te Ura e Tabakëve në orët e pasdites ku një makinë përplasi për vdekje një kalimtar, i cili u transportua në gjendje të rëndë në Spitalin Ushtarak, ku më pas gjeti edhe vdekjen. Policia bëri të ditur se në këtë aksident hubi jetën shtetasi Novruz Koçi, 73 vjeç.
2-Me pas nje tjeter aksident me pasojë vdekjen e një personi ndodhi tek zona e ‘Stacionit të Trenit “, në kryeqytet.
Mësohet se autobusi i unazës ka përplasur drejtuesin e një motorri, duke shkaktuar edhe plagosjen e rëndë të tij.
Personi, identiteti i të cilit nuk bëhet ende i ditur, u dërgua në gjendjet ë rëndë në Spitalin Ushtarak, ndërkohë bluzat e bardha bënë me dije se gjendja e tij ishte teper e rëndë. Pavaresisht ndihmes se mjekeve, personi vdiq pas 2 oresh ne spital.
Ende nuk dihen shkaqet e aksidentit, ndërkohë policia ka shoqëruar drejtuesin e urbanit si dhe po mbledh dëshmitë e qytetarëve, të cilët udhëtonin në autobus gjatë momentit të aksidentit per zbardhjen e ngjarjes.
3-Ndërkohë gjate paradites, në kthesën e Bathores ka ndodhur një tjetër aksident, ku një automjet tip Volsvagen me targa angleze ka aksidentuar një grua, e cila ka ndërruar jetë menjeherë. Viktima u identifikua si Drane Beka, 46 vjeç.
(d.b/e.m/BalkanWeb)
22 Shtator 2012 - 13:56 | Shqiperi
Elbasan, makina përplas 4 pjestarë të një familje
ELBASAN-Një aksident i rëndë rrugor ka shkaktuar plagosjen e 4 personave, 2 rëndë për jetën.
Ngjarja u shënua sot në mesditë në pjesën jugore të unazës së qytetit të Elbasanit kur një automjet tip ‘Audi’ me targa italiane ka përplasur 4 këmbësorë.
Policia qarkullimit rrugor të Elbasanit bëri me dije se të 4 këmbësorët ishin pjestarë të së njëjtës familje.
"4 anëtarët e familjes Balliu ishin duke kaluar në anën tjetër të rrugës teksa janë përplasur nga një automjet tip ‘Audi’ me targa italiane, i cili ka humbur kontrollin duke dalë nga rruga. Për pasojë kanë mbetur të plagosur bashkëshortët, Niko dhe Flutura Balliu, 40 vjeç, vajza e tyre, A. Balliu 14 vjeç, si dhe djali 8-vjecar. L. Balliu".
Ata janë dërguar në spital, por konfirmohet se 2 prej tyre janë në gjendje serioze për jetën.
Policia po heton për zbardhjen e plotë të aksidentit. Ndërkohë, policia ka ndaluar drejtuesin e mjetit, Enzo Skënderi, 18 vjeç, i cili po merret në pyetje për të sqaruar edhe rrethanat që kane çuar në këtë aksident.
(d.b/BalkanWeb)
Tiranë, makina përplaset me autobusin, 3 të plagosur
22 Shtator 2012 - 01:23 | Shqiperi
Tiranë, makina përplaset me autobusin, 3 të plagosur
TIRANË – Një aksident automobilistik ka ndodhur në orët e vona të ditës së premte në Tiranë. Një makinë tip ‘Rover’, me targa TR 1010 M, është përplasur me autobusin e linjës së ‘Unazës’, me targa TR 4801 C .
Në aksident mbetën të plagosur tre persona, të cilët po udhëtonin me makinën tip ‘Rover’, ndërsa në autobus nuk kishte pasagjerë. Tre të plagosurit u dërguan menjëherë në Spital Ushtarak, njëri prej tyre ndodhet në gjendje kritike për jetën.
Sipas policisë, e cila u gjend menjëherë në vendngjarje e nisi hetimet, dyshohet se shkak i këtij aksidenti të ketë qenë një parakalim i gabuar i makinës tip ‘Rover’.
(a.k/BalkanWeb)
23 Shtator 2012 - 16:59 | Shqiperi
Aksident tragjik në Gjirokastër, 3 të vdekur, 3 rëndë në Tiranë
GJIROKASTER - Përgjaken rrugët e jugut të vendit mesditën e së dielës. Aksidenti tragjik, me pasojë 3 të vdekur dhe 10 të plagosur, është shënuar sot në aksin rrugor Gjirokastër- Kakavijë, në vendin e quajtur Vanister.
Aksidenti ka ndodhur si pasojë e përplasjes së 3 automjeteve, duke sjellë vdekjen menjëhershme të mjekut të spitalit të Gjirokastrës, Tahir Bitri, 73-vjec dhe 70-vjeçares, Sose Nikolla. Ndërkohe viktima e tretë, Shpetim Çela u shënua rreth orës 15:55, në reanimacion në spitalin e Gjirokastres, duke mos mundur t’i shpëtojë plagëve të marra pavarësisht ndërhyrjes së mjekëve.
Në aksidentin e rëndë, të ndodhur rreth orës 14:00 në aksin rrugor Gjirokastër- Kakavijë, në vendin e quajtur Vanister janë perfshire 13 persona, 3 prej të cilëve janë dërguar në spitalin ushtarak në gjendje të rëndë për jetën, ndërsa 7 të tjerë ndodhen në spitalin rajonal “Omer Nishani”.
9 prej personave të përfshirë në aksident ndodheshin në një furgon pasagjeresh me targa GJ253 A, 3 të tjerë në mjetin Tip Ford, ndërsa i plagosuri tjetër Lefter Aliko ndodhej ne mjetin tip “Reno Clio” me targa të Gjirokastrës 1349 B.
3 të palgosurit që ndodhen në Spitalin Ushtarak janë identifikuar si Klodjan Shahipi 32-vjec, Ledjona Zeno 28-vjece dhe Anxhela Dedaj 20-vjece. Mësohet se furgoni me pasagjerë, që drejtohej nga shtetasi Xhevair Likaj u përplas fillimisht me mjetin tip Ford, që drejtohej nga Entela Bitri dhe më pas me makinën tjetër tip Reno, në drejtimin së cilës ishte shtetasi Lefter Aliko. Policia mbërriti menjëherë në vendngjarje dhe bëri të mundur transportimin e të gjithë të plagosurve drejt spitalit “Omer Nishani”. Ndërkohë policia vijon hetimet për të zbuluar shkaqet e aksidentit tragjik.
3 persona me helikopter drejt Tiranës
Korrespondetët nga Gjirokastra raportojnë se gjendja e të plagosurve të aksidentit tragjik është rëndëuar për 3 persona, të cilët kërkojnë ndihmë më të specializuar. Kështu, Klodjan Shahipi, Ledjona Zeno dhe Anxhela Dedaj, janë nisur rreth orës 15:55 minuta me helikopter drejt Tiranës.
(er.nu/BalkanWeb)
Per shqiptaret duhet te porositen vetura me shpejtesin maximmale 50 km ne ore. Ndryshe eshte e kot qe te ndalen aksidentet fatale qe po ndodhin.
Tanimë është bërë e zakonshme që çdo ditë të ketë të vdekur nga aksidentet. Aq të zakonshme janë bërë aksidentet, sa tanimë nuk bëjnë përshtypje si lajm.
Tre persona kanë gjetur vdekjen si pasojë e aksidenteve, një në Tiranë dhe një tjetër në Fier.
Në Tiranë brenda një ore janë shënuar tre aksidente të rënda.
Tek rrethrrotullimi i Doganës, një makinë përplasi një 60 vjeçar, të quajtur Mahmut Tafnurja. Ai ndodhet në spital në gjendje të rëndë.
Pak minuta më vonë një makinë përplasi një motor në Paskuqan dhe si pasojë e devijimit, makina hyri në një dyqan. Drejtuesi i makinës, Bardhyl Haxhillari, gjeti vdekjen.
Pa u mbushur mirë ora, tre makina janë përplasur në Kamzë. Aksidenti është shkaktuar nga një i dehur, që ka tentuar të largohet nga vendi i ngjarjes.
Ndërsa pasdite një aksident vdekjeprurës u shënua në Mbyet, në aksin Fier- Patos. Dy makina, një Mitsubishi dhe një Citroen u përplasën dhe si pasojë dy persona gjetën vdekjen dhe një u plagos rëndë. Ende nuk dihen identitetet e viktimave.
Kurse në aksin Gjirokastër- Kakavijë u aksidentuan gjashtë anëtarë të familjes. Një grua është më rëndë, ndërsa mes të plagosurve janë dy fëmijë. Shkak i aksidentit ishte humbja e kontrollit të makinës nga drejtuesi i mjetit.
Tani pyetja që lind është se kur do marrë fund ky makth? E dimë që aksidente do ketë gjithmonë, por kjo shkallë është e frikshme.
Vallaj ke te drejte ore mik, por sa police rrugore ka ne rruget e Shqiperise nuk ka ne gjithe Europen se bashku.
Dhe policet me bllokun e gjobave ne dore nuk ua kursejne denimet shofereve,- te jesh i sigurt.
Por ne kete mes rol negativ luan shtimi i numrit te makinave e sidomos kultura jone teper e munguar ligjore.
Ne jemi nje komb qe nuk kemi respekt per ligjin dhe e shkelim ate pa na u dridhur fare qerpiku. Vendosja e ligjit ne Shqiperi duhet te behet permes sanksioneve te forta ashtu sic eshte bere ne mbare Europen. Gjobat per shkeljet rrugore duhet te jene shume here me te larta e denimet per veprat penale duhet te jene shume here me te rrenda. Vetem keshtu do ruajme jeten e qytetareve shqiptare dhe dinjitetin tone si komb.
Unë jam njeri i thjeshtë.
Kënaqem me pak.
Më mjafton më e mira.
Regullat e Postimit
Përgjigju Duke Cituar
Krijoni Kontakt