Papandreu: Do punojme per heqjen e vizave me Shqiperine

[Duaje Siveten]

Papandreu fton Berishën e Gruevskin në takim në Prespë

ATHINE-Tre kryeministrat, ai grek, shqiptar dhe maqedonas do të takohen brenda kësaj jave në një takim jozyrtar në Prespë.

Mediat greke raportojnë se ka qënë Kryeministri i Greqisë, George Papandreou, nismëtari i takimit që ka ftuar kryeministrin e Shqipërisë Sali Berisha dhe atë të Maqedonisë, Nikola Gruevski për një takim në Parkun Kombëtar të Liqenit të Prespës.

Tema e takimit do të jetë diskutimi mbi fillimin e mundshëm të një iniciativë të përbashkët për ruajtjen e rajonit të Liqeneve Prespës, e cila zë një territor në Greqi, Shqipëri dhe një në Maqedoni. Nuk dihet ende nëse do të bisedohet cështja e emrit mes Greqisë dhe Maqedonisë, cështje e mbetur pezull pasi asnjë nga palët nuk pranon propozimet e njëra-tjetrës.

Balkanweb

[Albo]

Kryeministri grek Papandreu i jep Kryeministrit Berisha mbështetje të plotë për heqjen e vizave për shqiptarët

Kryeministri Papandreu: Qeveria greke do të bëjë cdo gjë për njohjen e patentave shqiptare për emigrantët shqiptarë në Greqi



Kryeministri Berisha, pas takimit trelateral të zhvilluar në qytezën Pyli të Bashkisë së Prespës, në Greqi, me Kryeministrin grek z. Papandreu dhe Kryeministrin maqedonas z. Gruevski, zhvilloi një takim shumë të përzemërt dhe miqësor dypalësh me Kryeministrin e Greqisë z. Giorgos Papandreu.

Kryeministri Papandreu e uroi Kryeministrin Berisha për festën e Ditës së Pavarësisë së Shqipërisë dhe festën e Kurban Bajramit.

Gjatë takimit, dy kryeministrat diskutuan gjerësisht për marrëdhëniet dypalëshe dhe shprehën vendosmërinë e tyre për provimin e mëtejshëm të tyre,si dhe për thellimin e mëtejshëm të bashkëpunimit në të gjitha fushat. Kryeministri Berisha i shprehu mirënjohjen Kryeministrit Papandreu për mbështetjen dhe solidaritetin e jashtëzakonshëm që Greqia fqinje i tregoi Shqipërisë dhe qeverisë shqiptare, duke mbështetur fuqishëm pranimin e shqyrtimit të kërkesës së Shqipërisë për statusin e vendit kandidat në BE në mbledhjen e 16 nëntorit 2009 të ministrave të Jashtëm të Bashkimin Evropian, ku u vendos të pranohej shqyrtimi i kërkesës së Shqipërisë për marrjen e statusit të vendit kandidat për anëtarësim në BE dhe u ftua Komisioni për hapat e mëtejshëm.

Kryeministri Papandreu i shprehu Kryeministrit Berisha mbështetjen e tij të plotë dhe të qeverisë greke për heqjen e vizave për qytetarët shqiptarë. Dy kryeministrat ranë dakord të punojnë ngushtësisht së bashku për fuqizimin dhe konsolidimin e mëtejshëm të marrëdhënieve të shkëlqyera dhe miqësore që ekzistojnë midis dy vendeve, si dhe për të zgjeruar e thelluar bashkëpunimin dypalësh në të gjitha fushat me interes të përbashkët, në veçanti bashkëpunimin në fushën ekonomike, në fushën e turizmit, në fushën e bujqësisë, nxitjen e investimeve greke në Shqipëri, etj.

Kryeministri Berisha i kërkoi homologut të tij grek, z. Papandreu, që qeveria e Greqisë të njohë Lejet e Drejtimit të Automjetit (patentat) shqiptare për emigrantët shqiptarë që jetojnë dhe punojnë në Greqi, ç’ka do të ishte ndihmesë dhe kontribut i jashtëzakonshëm për të gjithë ata emigrantë shqiptarë që përdorin automjete për transport në jetën e tyre të përditshme në territorin grek.

Kryeministri Papandreou e siguroi Kryeministrin Berisha se do të bëjë çdo përpjekje që sa më shpejtë të hiqen burokracitë dhe të njihen patentat shqiptare për emigrantët që jetojnë në vendin fqinj, në Greqi.

Dy kryeministrat ranë dakord për të punuar ngushtësisht dhe për të forcuar më tej miqësinë dhe bashkëpunimit mes dy popujve. Në këtë kontekst, Kryeministri Berisha e ftoi Kryeministrin Papandeou të vizitojë Shqipërinë, ftesë të cilën Kryeministri Papandreou e pranoi me kënaqësi. Gjatë takimit, Kryeministri Papandreu i shprehu Kryeministrit Berisha mbështetjen e plotë të qeverisë së tij dhe të vendit fqinj, për përpjekjet e Shqipërisë për t’u integruar sa më shpejtë në familjen evropiane.

Në takim u vlerësua lart fakti që investitorët grek zënë vendin e parë për sa i përket investimeve të huaja direkte në Shqipëri dhe të dy Kryeministrat vlerësuan ecurinë dhe suksesin e investimeve të firmave serioze të kompanive të rëndësishme dhe prestigjioze greke në shumë fusha në Shqipëri. Kryeministri Papandreu e siguroi Kryeministrit Berisha se do të bëjë çdo përpjekje për të nxitur investitorët grekë që të vijnë në Shqipëri për të investuar dhe për të zgjeruar investimet e tyre në fusha të rëndësishme si turizmi, bujqësia, etj.

Kryeministria
27/11/2009

[Albo]

Greqia mbështet fuqishëm integrimin Shqipërisë dhe Ballkanit Perëndimor në BE


- Papandreu, Berisha dhe Gruevski angazhohen për shndërrimin e Parkut të Prespës në shembull të suksesit të politikave mjedisore dhe destinacion turistik për mbarë rajonin e më gjerë, si dhe të punojnë së bashku për një zhvillim të qëndrueshëm në përputhje me politikat për ruajtjen e mjedisit

Kryeministri Berisha mori pjesë sot në takimin e tre Kryeministrave, të Shqipërisë, të Greqisë dhe të Maqedonisë, i cili u zhvillua me iniciativën e Kryeministrit grek z. Papandreu në qytezën Pyli, buzë liqenit të Prespës, në Bashkinë e Prespës, në Greqi, takim i cili kishte për qëllim promovimin e përpjekjeve të përbashkëta në fushën e ruajtjes mjedisit për sa i përket Liqenit dhe Parkut të Prespës.

Kryeministri Papandreu, pasi i uroi përzemërsisht mirëseardhjen të dy Kryeministrave, e vlerësoi këtë takim si një ngjarje shumë të rëndësishme, e cila tregon edhe njëherë vendosmërinë e të tre qeverive për çështjet e mbrojtjes së mjedisit dhe të ekosistemit, në një kohë ku sfida e ndryshimeve klimaterike është një çështje mbarë globale. Njëkohësisht, ky takim shërben edhe njëherë si tregues i marrëdhënieve shumë të mira e miqësore dhe i bashkëpunimit të tre vendeve në shërbim të paqes, zhvillimit të qëndrueshëm ekonomik, integrimit të mëtejshëm rajonal dhe integrimit të shpejtë të Shqipërisë dhe Maqedonisë, si dhe vendeve të tjera të Ballkanit Perëndimor në BE, në dobi të së mirës dhe progresit të tre vendeve dhe prosperitetit të qytetarëve të tyre.

Kryeministri Berisha dhe Kryeministri Gruevski e falënderuan përzemërsisht Kryeministrin Papandreu për inicimin e këtij takimi, i cili zhvillohet në 10-të vjetorin e deklaratës së përbashkët të tre kryeministrave në 2 shkurt të vitit 2000 për Parkun e Prespës, si dhe ranë dakord me Kryeinistrin Papandreu se takimi i sotëm i shërben forcimit të marrëdhënieve shumë të mira miqësore mes tre vendeve dhe popujve fqinjë dhe miq, edhe është një kontribut më tepër në shërbim të forcimit të paqes, miqësisë dhe bashkëpunimit mes tre vendeve dhe popujve, por edhe mbarë rajonit.

Duke e falënderuar Kryeministrin Papandreu për nismën e qeverisë greke për të vendosur një afat përfundimtar kohor për integrimin e vendeve të Ballkanit Perëndimor në BE deri në 2014, në përputhje me axhendën e Samitit të Selanikut, Kryeministri Berisha dhe Kryeministri Gruevski vlerësuan gjithashtu se takimi i sotëm, si një shembull i ndërveprimit dhe bashkëpunimit të ngushtë rajonal, do të sjellë një kontribut të ri në përshpejtimin e përpjekjeve të përbashkëta për integrimin e këtyre vendeve në BE. Kryeministri Papandreu i siguroi dy Kryeministrat se Greqia do të vazhdojë të mbështesë fuqishëm përpjekjet e dy vendeve fqinjë për integrim sa më të shpejtë në BE.

Në vijim të nismës së ndërmarrë në vitin 2000 për mbrojtjen e ekosistemit të Liqenit dhe Parkut të Prespës, të tre kryeministrat, duke i vlerësuar veçoritë e ekosistemit të Liqenit dhe Parkut të Prespës si unik në rajon, shprehën vendosmërinë e të tre qeverive për të bashkëpunuar ngushtësisht për mbrojtjen e mjedisit dhe vlerave të veçanta të këtij parku, si dhe promovimin e politikave “të gjelbra” miqësore ndaj mjedisit, si prioritet të punës së këtyre tre qeverive.

Për këtë qëllim tre Kryeministrat ranë dakord dhe nënshkruan një deklaratë të përbashkët për mbrojtjen e Parkut të Prespës dhe për zhvillimin e qëndrueshëm të tij, duke u angazhuar njëkohësisht që ta kthejë këtë rajon në një shembull mbarë botëror për bashkëpunimin fushën e mjedisit, por edhe për të bërë çdo përpjekje për të promovuar zhvillimin e zonave që kufizohen nga ky park në të tre vendet dhe nxitjen e turizmit lokal dhe ndërkombëtare për shfrytëzuar potencialet e jashtëzakonshme natyrore që ky park ofron.

Të tre Kryeministrat ranë dakord që një kopje e deklaratës së përbashkët dhe angazhimi i marrë sot prej tyre t’u dërgohet si një gjest simbolik në vigjilje të Samitit mbi Ndryshimet klimaterike të Kopenhagenit, Sekretarit të Përgjithshëm të OKB-së, Z. Ban Ki Mun, Komisionit Evropian dhe Presidencës së radhës së BE-së, si dhe Kryeministrit mikpritës të Danimarkës. Ne deklaratë e tyre të tre Kryeministrat ranë dakord që në shkurtin e ardhshëm, në Ditën Ndërkombëtare të Pasurive Ujore të nënshkruhet Marrëveshja e Përbashkët e të tre vendeve dhe Komisionit Evropian si pale e katërt për “Mbrojtjen dhe zhvillimin e qëndrueshëm të zonës së Parkut të Prespës” për të vënë në jetë objektivat e deklaratës së vitit 2000 dhe kësaj deklarate për parkun natyral të Prespës.

Të tre kryeministrat u angazhuan për të vazhduar bashkëpunimi e ngushtë mes tre vendeve, por edhe më gjerë në rajon, për të zhvilluar edhe më tej bashkëpunimin ekonomik, në infrastrukturë, të energjisë së gjelbër, në bujqësi dhe për të punuar ngushtësisht së bashku për të promovuar edhe më tej integrimin rajonal dhe ecurinë përpara të vendeve të Ballkanit Perëndimor drejt projektit të integrimit evropian në përputhje me frymën dhe objektivat e axhendës së Selanikut.

Gjithashtu, të tre Kryeministrat ranë dakord të bashkëpunojnë për nxitjen e investimeve të ndërsjella dhe tërheqjen e investimeve nga BE, por edhe nga fonde të tjera, në fushën e politikave të ruajtjes së mjedisit dhe projekteve ‘të gjelbra’.

Kryeministria
27/11/2009

[Albo]

Meta: Gati marreveshja per pensionet e emigranteve

E Diele, 06 Dhjetor 2009

Zevendeskryeministri dhe minister i Jashtem i Shqiperise Ilir Meta, ka marre nga kryeministri grek, Jorgos Papandreu, vendosmerine e ketij te fundit, qe te beje realitet premtimet elektorale per integrimin e emigranteve. Pas takimit, ne kuader te Konferences se 17-te te Ministrave te Jashtem te OSBE-se, ne Athine, Meta ka thene se i ka perseritur kryeministrit grek, kerkesen per njohjen e patentave shqiptare te drejtimit te automjetit, si dhe arritjen e nje marreveshjeje per sigurimet shoqerore te emigranteve. I pyetur nga gazeta "Tribuna" per reagimin e kryeministrit grek ndaj ketyre kerkesave, Meta tha se "Jorgos Papandreu ishte shume i vemendshem lidhur me keto kerkesa, ai u shpreh se eshte i vendosur qe t'i mbaje ato premtime qe ka bere edhe para zgjedhjeve per permiresimin e te drejtave te emigranteve".

Zoti Meta, jemi njohur tashme me kerkesat qe i paraqitet kryeministrit grek, lidhur me emigrantet shqiptare, si dhe me premtimet e tij. Ajo qe duam te dime eshte se cfare do te beni konkretisht ju si qeveri, qe keto ceshtje te mbeten ne evidence te marredhenieve greko-shqiptare deri ne zgjidhjen e tyre?

Se pari dua te shpreh kenaqesine per takimin shume te frytshem dhe miqesor qe pata me kryeministrin dhe njeheresh minister i Jashtem i Greqise, zotin Papandreu. Nje teme shume e rendesishme e ketij takimi kishte te bente me plotesimin e disa kerkesave dhe te drejtave te emigranteve shqiptare ne Greqi, te cilat permiresojne levizjen e tyre, por edhe kushtet e jeteses dhe te qendrimit te tyre ne kete vend. Zoti Papandreu me njohu me angazhimin qe do te beje gjithcka per te mbajtur premtimet qe ka dhene per te drejtat e emigranteve.

Une kam bere dy kerkesa konkrete; Njohja e patentave te emigranteve tane, gje qe u kerkua edhe nga kryeministri Berisha ne takimin e Prespes dhe se dyti, nenshkrimin e nje marreveshjeje midis te dy vendeve, per njohjen e sigurimeve shoqerore ne nje te ardhme sa me te afert. Per kete ceshtje ne do te paraqesim edhe nje projektmarreveshje, realizimi i se ciles do te kerkoje kohen dhe negociatat e nevojshme. Por jemi te bindur, pa asnje diskutim se te drejtat dhe kushtet e emigranteve tane do te shenojne progres gjate kesaj periudhe. Dhe per kete, nuk eshte garanci vetem interesimi i vazhdueshem i pales sone, por edhe vizioni i qeverise se re greke lidhur me te drejtat e emigranteve qe jetojne ne Greqi.

Para disa ditesh Gjykata Kushtetuese ka pezulluar ratifikimin e marreveshjes per kufirin detar midis Shqiperise dhe Greqise. A pati ndonje prononcim nga zoti Papandreu per kete ceshtje dhe a i ndikon pezullimi, marredheniet midis dy shteteve?

Ka nje prononcim te qarte publik nga ministri alternativ i Puneve te Jashtme te Greqise, zotin Drutsas, lidhur me kete ceshtje gjate konferences se perbashket per shtyp qe dhane ne Tirane, javen e kaluar e cila ka te beje pikerisht me respektimin e procedurave te secilit shtet. Dhe ne kete drejtim, kjo eshte nje ceshtje qe ndodhet ne proces. Ju e dini qendrimin e qeverise qe kjo eshte jo vetem ne interes te te dy vendeve, por akoma me shume eshte ne interes te Shqiperise, sepse kjo ndihmon integrimin e Shqiperise ne Bashkimin Evropian ndersa Greqia eshte anetare e BE-se prej dekadash tashme. Sigurisht qe ne do t'i respektojme te gjitha procedurat. Por mendojme se kjo ceshtje eshte instrumentalizuar politikisht nga lidershipi i Partise Socialiste dhe personalisht nga zoti Rama, duke kerkuar te krijoje kapital politik permes aplikimit te nje mendesie nacionaliste qe i ka kaluar koha. Pasi ne jemi te bindur qe eshte respektuar ligji shqiptar, eshte respektuar ligji nderkombetar per detin, ku te dy vendet jane pale; dhe cdo gje eshte korrekte dhe ne interes reciprok.

Pavaresisht se raportet tuaja me Edi Ramen nuk jane per t'u lakmuar, a nuk do te kishte vlere nje iniciative e Ilir Metes, nje tentative per zhbllokimin e situates aktuale? A mendoni se ka gjasa qe tensioni te shkallezohet me tej? Shperthimet personale te kryeministrit javen e kaluar, nuk besoj se parathone dicka te mire...?

Une mendoj se eshte koha qe te gjitha energjite te perqendrohen ne ceshtjen e integrimit evropian. Ne presim tashme qe per pak jave te marrim Pyetesorin nga Komisioni Evropian, qe kerkon nje angazhim te jashtezakonshem te gjithe strukturave tona, jo vetem te administrates publike dhe shteterore, por mendoj dhe te gjithe eksperteve me te mire qe ka vendi, si ne sektorin privat, ashtu dhe ne shoqerine civile. Eshte koha qe edhe opozita te marre persiper rolin e saj, sepse ky eshte nje aksion i madh kombetar, nuk eshte nje aksion thjesht qeveritar dhe eshte absolutisht e rendesishme, qe ky kontribut te jepet me pare ne Parlament, ku opozita ka ne dispozicion edhe vendin e kryetarit te Komisionit te Integrimit, ne menyre qe te luaje nje rol te rendesishem ne kete proces.

Sa u perket replikave dhe debateve nuk mendoj se ato jane pozitive, por nga ana tjeter, nuk mendoj se ato jane edhe substanciale. Gjithe konflikti sot qendron ne sjelljen krejtesisht antidemokratike te kryetarit te Partise Socialiste, i cili per arsye krejtesisht personale nuk ka pranuar humbjen, sepse ne rast se do te pranonte humbjen, sipas statutit te partise se tij, duhej te jepte doreheqjen, sikurse iu kerkua edhe nga shume deputete te PS. Ai zgjodhi rrugen me te lehte, te perpiqej te njolloste zgjedhjet, per te mos pranuar rezultatin, ne menyre qe te vazhdonte te mbetej kryetar i partise. Njekohesisht ai kerkon ta mbaje jashte Parlamentit, Partine Socialiste ngaqe nuk eshte vete anetar i Parlamentit dhe deshiron qe dialogu te zhvillohet ne rruge, kur dihet qe gjithe bota demokratike dialogun ne radhe te pare, e zhvillon ne institucione. Ne nuk duam te hyjme ne ceshtjet e brendshme te Partise Socialiste, por jemi te bindur qe politika e bojkotit eshte nje politike pa te ardhme, nje politike e deshtuar dhe nuk do te pengoje dot funksionimin e institucioneve demokratike ne vend.

Megjithate, une insistoj se kontributi juaj per gati dy dekada ne te majten shqiptare, ne PS, ne mos gje tjeter, ju ngarkon me nje obligim moral lidhur me te ardhmen e kesaj te majte...?

Mendoj se per mua dhe per LSI-ne eshte detyre shume e rendesishme ajo qe ka te beje me kontributin e levizjes sone, si force e majte progresiste per integrimin evropian te vendit, dhe ne kontribuojme cdo dite edhe permes pjesemarrjes ne koalicionin qeverises dhe ne gjithe programin e qeverise. Ndersa per sa i takon te ardhmes se Partise Socialiste, ajo duhet te zgjidhet nga vete anetaret dhe simpatizantet e saj. Te cilet besoj se nuk do te lejojne qe te kthehen ne nje segment destruktiv i politikes shqiptare, qe vepron ne kundershtim me interesat e integrimit evropian te Shqiperise dhe qe do te provokoje tensione artificiale. Te cilat nuk kane asnje lidhje me realitetin politik ne vend, por edhe me ato kerkesa, qe kane gjithe qytetaret shqiptare nga politika shqiptare sot, pra qeveria dhe opozita, qe jane pikerisht liberalizimi i vizave, te cilen ne do ta arrijme patjeter gjate vitit te ardhshem, me progresin shume te madh qe kemi bere. Une mora shume garanci edhe nga takimet dypaleshe me shume ministra te Jashtem te vendeve anetare te BE-se ketu ne Athine. E dyta ka te beje me nje standard me te larte te jeteses, problemeve ekonomike dhe sociale dhe Shqiperia eshte nje nga vendet e pakta qe ka arritur te kete nje rritje te qendrueshme ekonomike, nderkohe qe vende te tjera me te fuqishme jo vetem kane pasur recension, por edhe pasoja me te renda sociale. Ne jemi te bindur qe qeveria do ta realizoje programin e saj dhe kjo do t'u sherbeje gjithe qytetareve shqiptare, edhe atyre qe jane ne opozite, pavaresisht se realizimi nuk u sherben interesave te ngushta te kryetarit aktual te partise Socialiste, i cili kudo qe vete, kerkon te mos behet liberalizimi i vizave dhe te bllokohet procesi i integrimit evropian, pasi nuk arrin dot te ngrihet mbi interesat e vogla.

Qe prej 4 korrikut, LSI eshte pjese e koalicionit qeverises. Me dore ne zemer, a e keni pasur te veshtire t'i pergjigjeni fteses se zotit Berisha?

Natyrisht qe jam menduar, por vete rezultati i 28 qershorit nuk linte vend per shume zgjedhje. Ose do te kontribuonim qe ta shpinim vendin ne nje krize, (dhe dihej qe nje bashkepunim PS - LSI sillte vetem krize, sepse nuk sillte dot realizimin e nje mazhorance legjitime qeverisese), ose do te kontribuonim per stabilitet, per normalitet dhe per te vijuar proceset integruese. Cdo dite qe kalon tregon se zgjedhja jone ishte me e drejta, jo vetem sepse vendi pati nje sezon turistik shume te mire, per shkak edhe te zgjidhjes shume shpejt edhe te ceshtjes se ketij koalicioni. Por edhe sepse kerkesa e Shqiperise per statusin e vendit kandidat kaloi nga Keshilli i ministrave te jashtem te BE-se drejt Komisionit Evropian, pas disa javesh vjen Pyetesori; ne nje kohe shume te shkurter eshte bere nje progres i jashtezakonshem per te plotesuar kriteret dhe standardet e liberalizimit te vizave. Perfundimisht jam i bindur se kjo ka qene zgjidhja me e mire, ashtu sikurse veprimet e kryetarit aktual te partise Socialiste na bindin se sa larg jemi ne filozofi, ne pergjegjesine politike dhe atdhetare me lidershipin aktual te kesaj force politike.

Mendoj se levizja jone eshte tregues i nje pjekurie te klases politike ne Shqiperi dhe i nje risie, e cila ne vendet e tjera eshte nje tradite, pavaresisht nga dallimet ideore apo ideologjike.

LSI eshte e kenaqur vetem me faktin e pjesemarrjes ne qeverisje, dhe po harron madje dhe greven e urise se deputeteve, plot nje vit me pare?

Absolutisht jo. Por ceshtja e kodit nuk eshte nje ceshtje emergjente. Nga ana tjeter, ajo eshte nje ceshtje qe kerkon nje konsensus me te gjere, duke perfshire edhe opoziten. Mahoranca e partise demokratike ka shprehur vullnetin per ta korrigjuar kodin dhe ne besojme ne nje kosensus me te gjere...

Rishikimi i kodit zgjedhor mendoj se perben emergjence, aq me teper qe me te lidhet edhe realizimi i objektivit tuaj te kahershem, nje angazhim personal do te thosha, per sanksionimin e te drejtes se votes emigranteve?

Padyshim, kjo eshte nje kerkese e jona e hershme dhe besojme se do te jete nje realitet ne te ardhmen.

Cfare prioriteti ze ne axhenden tuaj ,permiresimi i punes dhe procedurave ne perfaqesite diplomatike dhe konsullore shqiptare, ne vendet ku ka perqendrim te madh te emigracionit shqiptar?

Ky eshte nje prioritet i vecante, duke thjeshtezuar dhe lehtesuar gjithe procedurat, por edhe duke nderhyre njekohesisht tek qeverite e vendeve perkatese, per te bere te njejten gje. Jam i bindur se edhe keto masa qe ne po ndermarrim, liberalizimi i vizave, njohja e patentave dhe shume elemente te tjere konkrete, do te sjellim nje ndryshim rrenjesor te situates shume shpejt.

KJ