Butrinti: Historia dhe identiteti shqiptar nga R. Hodges

[dodoni]

Butrinti: historia dhe identiteti shqiptar - Prof. Richard Hodges, i fondacionit "Butrinti" shprehet për ATSH-në -


TIRANE, 1 Shkurt/ATSH-Kristi Pinderi/.- Butrinti, qyteti i lashtë në Epir, i vendosur mbi një kodër të Ksamilit (Sarandë) i cili përmendet për herë të parë nga Hekateu, në fund të shek. VI p.e.s., përfaqëson sot historinë dhe identitetin shqiptar. Kështu tha të Shtunën në një intervistë për ATSH-në, Prof. Richard Hodges, drejtor shkencor i fondacionit "Butrinti", i cili është themeluar dhjetë vjet më parë nga lordi Rothschild dhe lordi Sainsbury i Preston Candoverit në Britaninë e Madhe. "Eshtë e rëndësishme të kuptojmë se Butrinti, është mbi të gjitha diçka me të cilën shqiptarët mund të krenohen", tha Hodges. Ai u shtoi se, vetëm pas kësaj ne mund të mendojmë si mund të shfrytëzohet kjo qëndër e rëndësishme, "Trashëgimi Kulturore Botërore", për zhvillimin e turizmit. Ai pohoi se, "fondacioni "Butrinti", po bashkëpunon aktualisht me autoritetet shqiptare jo vetëm për gërmimet arkeologjike në Butrint, por edhe në aspektin ekologjik përreth zonës së Butrintit. "Përreth tij, shtrihet një tërësi gjallesash bimore e të tjera, të cilat duhen ruajtur më mirë", tha Hodges. Në vitin 1992, Shqipërinë e vizitoi lordi Rothschild, i cili mendoi pas kësaj të themelonte një fondacion për të bashkëpunuar për ruajtjen dhe konservimin e Butrintit. "Arkeologjia, ekologjia dhe konservimi, janë tre gjërat më të rëndësishme në Shqipëri", mendonte Hodges. Bashkë me lordin 66 vjeçar Rothschild, i cili njihet në Britani si një biznesmen në fushën bankare, ishte edhe lordi Sainsbury i Preston Candoverit, gjithashtu një nga njerëzit më të pasur në Britani, sipas Prof. Hodges. Fondacioni "Butrinti" u themelua kështu në vitin 1993, si një organizëm jofitimprurës. Këtu nisi edhe bashkëpunimi i Institutit Arkeologjik shqiptar me studiues anglezë. Gjatë këtyre vjetëve, gërmimet arkeologjike në Butrint, kanë qënë të larmishme. Së fundi, ekspedita e përbashkët shqiptaro-angleze, ka kryer gërmime sistematike (fillimisht 'survey': vëzhgim), në disa zona të antikitetit të vonë në Butrint, si në Diaporit, i cili shtrihet në pjesën juglindore të liqenit të Butrintit, në Pallatin e Trikonkës, etj. Drejtori shkencor i fondacionit "Butrinti", i cili ka ndërmjetësuar pranë Unescos, kur ky qytet fitoi statusin "Trashëgimi e Kulturës Botërore", mendonte se një ndër aspektet më të rëndësishme në Butrint, është edhe ruajtja e zonave përreth tij nga ndërtimet e ndryshme për shfrytëzimin e turizmit. Kur Shqipëria mund të jetë anëtare e Bashkimit Evropian, kushdo do të mund ta vizitonte atë lirisht. "Unë mendoj", tha Hodges, "se ata që vizitojnë sot dendur Greqinë, do të dëshironin që po aq dendur të vizitonin Butrintin, ndaj ne duhet të përpiqemi që në këtë fazë kur të gjithë duan të ndërtojnë përreth Butrintit, t'i ndalojmë, për të ruajtur origjinalitetin e tij". Në planin e këtij fondacioni, parashikohet që të zhvillohet turizmi përreth Butrintit, por jo afër tij duke e tjetërsuar. Megjithatë, në aspektin financiar, shpenzimet e fondacionit gjatë këtyre vjetëve (1.150.000 dollarë gjithsej), shkojnë më shumë për Arkeologjinë (rreth 54 përqind), për Konservimin (rreth 16 përqind), arkivimin (rreth 10 përqind) dhe vetëm 3.5 përqind për turizmin. "Në qoftë se ne arrijmë të ruajmë origjinalitetin e Butrintit, si dhe të pasurojmë njohuritë tona historike nëpërmjet gërmimeve të reja arkeologjike, atëherë duhet të mendojmë natyrisht edhe për turizmin, për restorantet, për hotelet, për industrinë e peshkut, etj., të cilat do të zhvilloheshin vetëm nëse kryejmë me sukses aspektin e parë: ruajtjen", tha për ATSH-në, Prof. Hodges. Ai shtoi se një ndër qëllimet e fondacionit, është edhe përgatitja e një brezi të ri arkeologësh shqiptarë. Prej disa vjetësh, studentë shqiptarë të Arkeologjisë, kanë studiuar në Britaninë e Madhe, edhe në studime universitare dhe në ato pasuniversitare. Për këtë, fondacioni ka tërhequr mjaft donatorë të huaj, ku ndër më të rëndësishmit, është instituti "Packard Humanities", i David Packard, një milioner amerikan. "Ne do të vazhdojmë të krijojmë kushtet për specializimin e studentëve shqiptarë edhe në Shqipëri, dhe në Angli", tha Hodges, "edhe pse tashmë kanë ikur 'vitet e arta' '90-të, kur donatorët ishin më bujarë me Shqipërinë". Ndër projektet e rëndësishme të këtij fondacioni, Hodges përmendi publikimin për herë të parë të një dokumentacioni të gjërë të arkeologut italian Ugolini, i cili zhvilloi gërmime para luftës së Dytë Botërore në Butrint, si dhe të një dokumentacioni tjetër, të arkeologut italian Kardini, i cili vizitoi Shqipërinë pas Ugolinit. /f.n/
2003-02-01



--------------------------------------------------------------------------------
Copyright © 2001 Albanian Telegraphic Agency! Inc. All rights reserved.

[dodoni]

Merr udhë kontrata për shkollat e verës në Butrint

Profesorë të Sirakuzës vendosin kontaktet e para

SARANDË. Ka startuar dje marrëveshja mes Universitetit më të njohur të Sirakuzës në Neë Jork dhe Parkut Kombtar të Butrintit për shkolat e vreës që do të organizohen sivjet. Përfaqëuesit e këtij Universiteti Prof. Xhon Xhonson dhe Tom Krist kanë vendosur dje kontaktet e para me drejtorin e Parkut Kombtar të Butrintit, Auron Tare, për një project bashkëpunimi, zbatimi I të cilit do të nisë në verën e këtij viti me shkollat e verës. Kjo përfqaëson vizitën e oarë dhe hapin e parë të vendosjes së një marrëveshjeje për të sjellë në Butrint studentë nga Universiteti I Sirakuzës. Pasi të institucionalizohet marrëveshja dypalëshe në dikasterin e kulturës-thotë Tare-projekti do të marrë rrugë”. Ai e konsideroin këtë si pjesë të politikave që Butrintin e bëjnë një pasuri botërore dhe vend të aplikimit të metodave më të përparuyara të kohës për eksplorim, studim e restaurim. Ky –argumenton Tare- është një program disamujor, që përfshin ruajtjen ambientale, histori arti, anbtropologjinë, arkitekturë dhe arkeologji. Në vazhdën e politikave të hapura të Bordit të Butrintit, nën të ditur ai, në project përfshihen edhe universitet të tjera, si ai Teksasit, për arkeologjinë nënujore etj.
Thoma Nika

Përshëndetje
Rrofshin Shqiptarët e Bashkuar dhe Shqipëria e Bashkuar

[gladiator]

Dodon .
Nuk e di nese Hekateu e shpjegon themelimin e Buthrotum prej princit Trojan ( Ilir ) Enea aty rreth viteve 1200 p k .
Kete version e kam marr nga nje autor Latin ,dhe nuk e di nese esht i sakt .
Po di ndonje gje rreth saj ,dhe po mundo bej nje post .
Gj t m .