Izraeli dhe Shtetet e Bashkuara filluan sot një stërvitje të përbashkët ajrore, si pjesë e asaj që radioja shtetërore izraelite e konsideroi si "përgatitje për një përballje me Iranin".
Gjatë manovrave dyjavore, të koduara "Juniper Cobra", afro një mijë trupa amerikane do të përdorin raketa interceptuese tokësore dhe detare si "Aegis", "THAAD" dhe "Patriot", përmes sistemit mbrojtës balistik të Izraelit, "Arrow II", njoftuan burime zyrtare.
Zëdhënësit nga të dyja palët deklaruan se manovrat nuk kishin lidhje me asnjë situatë tjetër në botë, por radioja shtetërore e Izraelit citoi një komandant të paidentifikuar, sipas të cilit "manovrat shërbejnë për t'u përgatitur përballë një Irani bërthamor".
Shtetet e Bashkuara dhe fuqi të tjera botërore po përpiqet të bindin Teheranin të heqë dorë nga teknologjia bërthamore, ndërkohë që Izraeli e vëzhgon situatën në prapavijë.
Izraeli, që mendohet se është i vetmi vend që zotëron armë bërthamore në Lindjen e Mesme, nuk e përjashton mundësinë e përdorimit të forcës kundër Iranit, që sipas tyre kërcënon ekzistencën e shtetit hebre.
Por disa analistë besojnë se kufizimet taktike, dhe dyshimet e SHBA-së në lidhje me sulmet parandaluese, mund ta detyrojë Izraelin që të pranojë një sjellje mbrojtëse me ndihmën e aleatit të tij të madh.
Irani hedh poshtë akuzat se kërkon të ndërtojë bombën bërthamore dhe ka paralajmëruar se do të kundërpërgjigjet ndaj çdo sulmi, duke sulmuar Izraelin me raketa me rreze të shkurtër veprimi.
marre nga: shtypidites.com
Përgjigju Duke Cituar
Postuar më parë nga mltn
Krijoni Kontakt