Bankat, nën akuzë për pagesat "kriminale" të overdrafteve
Në Kongresin Amerikan po përgatiten kritika të ashpra ndaj bankave që vendosin pagesa të larta për transaksionet dhe overdraftet, pa pyetur apo pa i njoftuar më parë për këtë gjë konsumatorët. Kjo është një shenjë që kriza fi nanciare po zhvendoset nga bankat te kurrizi i konsumatorëve. Bankat që po përpiqen të mbijetojnë kanë fi lluar të mbështeten shumë te pagesat, apo tarifat që këtë vit në Shtetet e Bashkuara do të kapin shifrën e 38.5 miliardë dollarëve. Por, demokratët në Kongres kanë ndërmend të ndërmarrin sulme edhe ndaj pagesave të overdrafteve dhe madje e kanë nisur një fushatë të tillë me cilësime të ashpra si "kriminale" në lidhje me politikat e bankave për vendosjen e pagesave pa paralajmërim, apo pa transparencë ndaj konsumatorit. Kështu pritet të paraqitet një ligj që do t‘u kërkojë bankave që para se të ndryshojnë pagesat të marrin lejen e konsumatorëve. Sigurisht që një ligj i tillë pritet të ketë ndikim edhe te bankat problematike, por e rëndësishme është të mbrohen konsumatorët. Sulmi ndaj pagesave të overdrafteve vjen ndërsa Kongresi po merr në shqyrtim një rishikim të plotë të rregulloreve fi nanciare. Administrata e Obamës ka propozuar krijimin e një agjencie të re, që do të ketë fuqinë e formulimit dhe zbatimit të ligjeve që mbrojnë konsumatorët nga rregullatorët bankarë. Gjithashtu kërkohet edhe krijimi i një agjencie të vetme për të mbikëqyrur shëndetin e bankave.
shqip.
Krijoni Kontakt