Ndoshta ka ardhur koha për disa modifikime :-).

[Elna Durrësi]

Vë re në faqen kryesore të forumit që është shënuar:

Filozofi-psikologji-sociologji (3 duke lexuar)
Gjithcka qe ka te beje me misterin me emrin "Njeri". Ndajini mendimet tuaja me ne pasi te gjithe kemi pyetje dhe po kerkojme pergjigje.

Duke u nisur nga përcaktimi i përbërjes së këtij nënforumi : - “Gjithcka qe ka te beje me misterin me emrin "Njeri “ - më lind pyetja:

Përse nuk janë përmbledhur vërtet të gjitha degët e shkencave që mirren me misterin njeri? Thënë përgjithësisht, pse nuk janë bashkuar të gjitha së bashku degët e shkencave njerëzore njohur Shkencat Sociale, në të njëjtin nënforum. Thënë veçanërisht: Pse edukimi nuk bën pjesë në këtë nënforum?

Edukimi është shkenca e cila mirret me aftësimin e njeriut për përballjen me jetën. Edukimi përgatit njeriun të përshtatet me lëvizjet dhe shndërrimin e përditshëm që ne përjetojmë çdo moment. E mëson si të hyjë në “reaksion” veprues me mjedisin me qëllim që të jetë njeriu që rrotull “rrotën” e jetës dhe jo jeta që rrotullon njeriun.

Edukimi përmbledh artin e mësimdhënies, artin e shoqërimit (pedagogjinë), artin e mënyrës dhe mjeteve të shoqërimit ( didaktikën), si dhe artin e komunikimit. Thënë ndryshe edukimi ndihmon marrëdhëniet e individëve ndërmjet tyre, si dhe marrëdhëniet e individit me mjedisin. Nëse një degë nënforumi do ekzistonte për edukimin apo shkencat e edukimit, të gjithë personat qe mirren me shoqërimin dhe edukimin e fëmijeve, adolëshentëve apo të rriturve, mund të kërkonin apo sillnin aty mendime të çmuara në lidhje me këtë fushë.

Unë mendoj se do ishte një nënforum interesant. Nga ana organizative hap ca punë, ndoshta dhe për riorganizimin e gjithë forumit, por do sillte frytet e saja nga na funksionale e mëpasshme. Do jepte më shumë mundësi shkëmbimi specifike sipas fushave që i përmbledhin.

Nga pikënisja personale, mendoj se mund sillja mjaft elemente apo burime profesionale të dobishme për prindërit por edhe për profesionalet e fushës së edukimit tek ne (sigurisht në funksion te kohës së lire që mund të kem në dispozicion).

Nisem me këtë mendim nga eksperienca personale. Në vitin 2000 fillova punë edukatore këtu në Gjenevë. Nga vështirësia e kuptimit të koncepteve specifikë profesionale fillova të kërkoja material në gjuhën time, për ti përshtatur a kuptuar këto të gjuhës adaptuese. Por, fatkeqësisht përpjekjet e mia për të gjetur material profesional specifik në shqip për fushën edukimit në lidhje me botën e vegjelisë (0-6 vjeçarë) ishin pa rezultat.

Pesonat që kontaktova në Shqipëri,tek ministria e arsimit (filaili për kopështet) apo librashitësit e librabotuesit, nuk më ndihmuan dot. Sipas tyre, nuk kishte në qëndrat e tre material bashkëkohor mbi zhvillimin dhe shoqërimin specifik të fëmijës së kësaj moshe. As në web nuk kishte... Kështu që mendoj se mund të jetë interesant një shkëmbim këndvështrimesh në këtë drejtim. Do ndihmonte vetëpasurimin në këtë fushë të gjithë pjesëmarrësit e saj qofshin prindër apo profesionalë.

Për të mos qenë vetëm ide-ndjellëse dhe jo konkrete, realizova një sugjerim riorganizimi për forumin e “Fushës Sociale” që mund të prezantohej kështu:

Sociologjie - Psikologji


Gjuhësi - Filozofi


Shkencat e Edukimit
(edukim, arsimim, pedagogji,
didaktikë, transmetim)

Histori- Antropologji- Etnologjie


Gjeografi - Arkeologji


Shkenca Politike - Ekonomie

Me shpresën e mirëkuptimit, ju përcjell të gjithëve përshëndetjet e mia respektuese.


Elna.

[Pratolini]

Pershendetje Elna !

Po ju pergjigjem si nje prej moderatoreve te nen-forumit te Filozofi-Psikologji-Sociologji , por duke theksuar qe mendimi im nuk perben nje pergjigje perfundimtare pasi kjo e fundit mund te merret vetem prej administratoreve.

Dua t'ju pergezoj mbi te gjitha per vullnetin dhe mbeshtetjen qe ofroni me materiale, por mendoj se nje konfigurim i nen-forumit nuk eshte i nevojshem.
Per sa i perket mesimdhenies, ajo eshte shume e gjere ashtu sikurse eshte shume e ngushte. Cfare dua te them me kete :

Eshte shume e gjere sepse permban ne vetvete shume disiplina ( apo lende, materie, fusha ) te ndryshme, te cilat mua me duket se ne forum jane te perfaqesuara. Keto materiale mund te postohen shume mire ( ne varesi te specifikave ) tek Mentori Akademik, Grupmoshat e komunitetit ( ku eshte nje pjese e dedikuar pikerisht per femijet ) , Letersia Shqiptare, Kulture Demokratike, Elita Shqiptare, Historia Shqiptare etj.

Eshte shume e ngushte sepse perfaqeson nje aspekt te kufizuar ne gjithe lemin e diskutimit apo ndarjes se mendimeve. Pra vete mesimdhenia eshte nje fushe e cila ne vetvete nuk mendoj se mund te jete qellim i nje pjese te forumit, por lenda ( mesimi ) po.

Gjithsesi supermoderatoret apo administratoret do te shprehen dhe ata reth sugjerimit tend.

[Elna Durrësi]

Pra vete mesimdhenia eshte nje fushe e cila ne vetvete nuk mendoj se mund te jete qellim i nje pjese te forumit, por lenda ( mesimi ) po.

Me sa kuptoj nga postimi unë nuk kam paskam nxjerrë thelbin e çështjes. Qëllimi nuk ishte dhe aq tek mesimdhënia, por tek shoqërimi i individit ( pedagogji), në veçanti shoqërimi i femijës në aftësimin e tij, që për mua nënkupton shtrim dhe shkëmbim problematikash.Pra, tek çështja e zhvillimi i global të fëmijës: fiziologjik, intelektual, shoqëror ( social) motorik, emocional, etik. Shembuj:

• Si mund të veprohet me fëmijën nën peshë? Po me fëmijën mbi peshë?
• Cilat janë pasojat e nënpeshës? Po mbipeshës?
• Fëmija që nuk flet ende? Nga se mund të ndodhë? Cilat janë pasojat? Si mund ta shoqëroj ? Si keni vepruar ju në raste të tilla?
• Autizmi dhe individi : - A preken femijët nga ky fenomen?
• Agresiviteti dhe fëmija: - Fëmija shtyn e godet gjithë fëmijët e tjerë rreth e rrotull tij. Si mund të veprohet? Si keni vepruar ju në një rast të tillë?
• Fëmija rrihet ose shahet gjithnjë nga tjerët. Është shumë i pambrojtur. Si mund ta ndohmoj të zhvillojë vetmbrojtjen? Si veproni ju me fëmijët tuaj në të tilla raste?
• Fëmija ecën çuditshëm? Si mund ta ndihmoj të korrigjojë këtë apo atë problematikë motorrike?
• Fëmija është shumë i ndrojtur, i trishtë apo i ndjeshëm. Si ta ndihmoj të përballoë atë apo këtë situatë? Cilat tregime apo lojra të zgjedh?
• Fëmija nuk di ende të përshtasë veprimin me ambientin dhe atmosferën shoqërore. Si ta ndihmoj të mësojë e shtjellojë etikën? Etj,etj, etj…

Ndoshta ç’orientova disi rrjedhën e mbarëvajtjes së forumit me sugjerimin tim, mirëpo thelbi i çështjes ishte më i thellë se thjesht përralla të një nate vere, pra tek “përrallat” e ndërtimit të një jete, të një personaliteti të ardhshëm. Ky ndërtim bëhet nëpërmjet artit të shoqërimit dhe arti i shoqërimit ( pedagogjia) është përbërësi kryesor i edukimit.

Për të ilistruar konceptimin tim unë kërkova domethënien e fjalës pedagogji. Tek wikipedia në shqip, përkufizimi i fjalës pedaogji nuk mu duk i përshtashëm ndaj u bazova tek : Wikipedia në frëngjisht dhe përktheva.
http://fr.wikipedia.org/wiki/P%C3%A9dagogue

La pédagogie est l'art d'éduquer. Le terme désigne les méthodes et pratiques d'enseignement et d'éducation ainsi que toutes les qualités requises pour transmettre un savoir quelconque. Faire preuve de pédagogie signifie enseigner un savoir ou une expérience par des méthodes adaptées à un individu ou un groupe d'individus .

Pedagogjia është arti i të edukuarit. Termi përshkruan metodat dhe praktikat e mësimdhënies dhe të edukimit, si dhe të gjitha cilësitë e duhura për të transmetuar një dijeni çfarëdoqoftë ajo. Praktimi i pedagogjisë do të thotë mësimi i një dijeje ose i një eksperience nëpërmjet metodave të adaptuara sipas një individi apo një grupi individësh.

Le terme de « pédagogie » dérive du grec παιδαγωγία, de παιδός (/'paɪdɔs/) « l'enfant » et ἄγω (/'a.gɔ/)« conduire, mener, accompagner, élever ». Dans l'antiquité, le pédagogue était un esclave qui accompagnait l'enfant à l'école, lui portait ses affaires, mais aussi lui faisait réciter ses leçons et fairt du XXe siècle, la « science de l'éducation » désignait la pédagogie. Au XXIe siècle, l'expression s'emploie au pluriel : les sciences de l'éducation s'étudient en empruntant à plusieurs disciplines des sciences humaines (sociologie, psychologie, biologie, économie, philosophie, etc.).
e ses devoirs. « Pédagogie » est un mot remontant à 1495 d'après le dictionnaire Le Robert. L'Académie française l'admet depuis 1762.
Au débu
Termi « pedagogji » rrjedh nga greqishtja παιδαγωγία, de παιδός (/'paɪdɔs/) « fëmija » dhe nga ἄγω (/'a.gɔ/) « udhëhequr, dërguar, shoqëruar, rritur ». Në antikitet , pedagogu ishte një skllav që shoqeronte fëmijën në shkollë, i mbante gjërat e tij, pour dhe që e ndihmonte të recitonte mësimet dhe të bënte detyrat. « Pedagogji » është një fjalë që vjen që nga 1495 sipas fjalorit francez « Le Robert ». Akademia franceze e njeh që nga 1762. Në fillim të shekullit të XX, « shkenca Edukimit » përshkruante pedagogjinë. Në shekullin XXI terimi u përdor në shumës : shkencat e edukimit duke huazuar nga shumë disiplina të shkencave njerëzore ( sociologji, psikologji, biologji, ekonomi, filozofi).

Përsa i përket nënforumit ekzistues « Vogëlushëve Shqiptar » nuk më është dukur dhe nuk më duket i përshtatshëm atje ku ndodhet, në atë formë që ndodhet aktualisht. As dedikimi i tij nuk mu duk i përshtatshëm:

Vogëlushët shqiptarë

Ky forum u dedikohet fëmijëve shqiptarë. Të gjithë vizitorët janë të lutur të postojnë përralla, gjëegjëza, tregime për ta në gjuhën shqipe.

Fëmija nuk ka nevojë vetëm për përralla, tregime dhe gjëegjëza, që të rritet. Ka nevojë edhe për prindër apo shoqerëues që dine ti përgjigjen apo që kërkojnë ti përgjigjen rritjes së tyre në të gjitha aspektet.

Në kundërshti me dedikimin, aty kishte shumë çështje që ia vlenin të trajtoheshin si problematikë apo zgjidhje pedagogjike:

• Fëmijët në internet – cila është mosha e duhur?
• Sjellja ndaj fëmijëve përcakton karakterin e tyre
• Në çfarë moshe duhet të fillojë edukata seksuale?
• Fëmijët që rriten me gjyshër, më të dobët!
• Si mësojnë fëmijët të flasin? Etj..etj.

Ky fakt lë të nënkuptohet që nevoja për shkëmbim në lidhje me çështjen e shoqërimit të fëmijës ekziston.
Nisur nga ky konstatim dhe duke qenë se një nga misionet e “Forumit Shqiptar” është të shkëmbimi i shqiptarëve me njëri tetrin, mendoj që

• ashtu siç ka nënforum "Pyesni psikologun" ashtu duhet të ketë dhe nënforum "Pyesni Pedagogun"

...dhe pedagog nuk është vetëm edukatori/rja, apo siç emërohet gabimisht mësimdhënësi. Por,

• Pedagogu i parë dhe më i mirë është ai që ka rritur dhe rrit fëmijë: Prindi!

Ashtu siç eksperienca që mund të sjellë prindi nuk ka të paguar, ashtu edhe ndihma që mund të kërkojë ai apo shoqëruesi i fëmijës së tij, mund të jetë shumë e çmuar.
Gjithashtu, fëmija është një njeri, ose më saktë siç ka thënë “Françoise Dolto”: " Fëmija është një person" dhe si i tillë e ka vendin së bashku me e personat e tjerë tek nënforumi:

Gjithcka qe ka te beje me misterin me emrin "Njeri". Ndajini mendimet tuaja me ne pasi te gjithe kemi pyetje dhe po kerkojme pergjigje.

Gjithsesi ky është dhe mbetet mendimi im!

Falenderime për përgjigjen.

Elna.

[Elna Durrësi]

Sqarim...

Aktualisht, në të gjitha kulturat, këmi trashëguar nga historia e mësimdhënies një emërim të gabuar për mësimdhënësin/sen: Pedagog/e!

Pedagog/e, nuk është as mësuesi/sja e shkollës fillore, as ai/ajo i shkollës së mesme, as ai/ajo i universitetit.

Siç e tregon rrjedha e fjalës, pedagogu shoqeronte fëmijën në shkollë, i mbante gjërat e tij, pour dhe që e ndihmonte të recitonte mësimet dhe të bënte detyrat.

Asnjë nga mësimdhënësit/set që nga fillorja e deri në universitet nuk shoqëronin fëmijën apo studentin në... dhe nuk e ndihmonin të .... Por, transmetonin dhe transmetojnë një paketë dijesh mes të cilave fëmija i shoqëruar nga prindi duhet të gjejë zgjidhje.

Pedagogët e parë janë prindërit, dhe ky emërim u vjen me plot të drejtë nga lashtësia, si dhe shoqëruesit e fëmijëve apo edukatorët të cilët kanë për mision kryesor ndaj fëmijës, vazhdimësinë e shoqërimit deleguar nga prindërit e tyre.

Për informim në lidhje me postimin e mësipërm po bashkangjis dhe përkufizimin nga "Nga Wikipedia, Enciklopedia e Lirë" shqip.

Pedagogjia është shkencë që merret me parimet dhe metodat, sipas të të cilave zhvillohet procesi edukativ-arsimor, përkatësisht është shkencë që merret me edukimin dhe arsimimin në planin më të gjerë (në institucionet arsimore, sportive etj.), si dhe me modat që përdoren për këtë qëllim. Pedagogjia bashkëkohore. Pedagogjia shkollore. Padagogjia sportive.

Lëndë mësimore, përkatësisht libër, tekst që jep njohuritë e përgjithshme apo të veçanta nga pedagogjia, që jep njohuri për metodat dhe parimet e punës pedagogjike.

Nga fjala pedagogji rrjedh emri pedagog/e - njeriu që merret me punë pedagogjike, apo me edukimin dher arsimimin e fëmijëve dhe të rinjve dhe mbiemri pedagogjik/e, që lidhet me pedagogjinë apo me pedagogun.

Marrë nga "http://sq.wikipedia.org/wiki/Pedagogjia"

Elna.