Online me pagesë?

[Apolloni31]

Yinka Adegoke / "Reuters"

Rupert Murdoch, i cili zotëron kompaninë mediatike "News Corp", që ka një nga të paktat gazeta amerikane, për të cilën që të shohësh lajmet online duhet të paguash, u ka bërë thirrje të tjerëve të fillojnë të bëjnë të njëjtën gjë, nëse duan të mbijetojnë

Murdoch, i cili ka blerë në 2007-ën, "Wall Street Journal" dhe kompaninë prej së cilës ajo ka lindur, "Dow Jones & Co", ka thënë që publiciteti online, tek e cila besojnë shumë botues për të vënë në kundërpeshë uljen e prurjeve të reklamave në versionin print, nuk do të mjaftojë për të mbuluar shpenzimet. "Njerëzit i lexojnë lajmet falas në internet, kjo duhet të ndryshojë",- ka thënë Murdoch, duke folur në "Cable Show", një event i përvitshëm i industrisë së televizionit kabllor në Uashington, DC.

Murdoch ka marrë si shembull rivalin më të madh të "Wall Street Journal" në SHBA, gazetën "New York Times".

Kjo e fundit ka një nga ueb-saitet më të famshme mes të përditshmeve amerikane, por pavarësisht kësaj, nuk arrin të mbulojë kostot me publicitetin online, ka shpjeguar ai.

Perandoria e të përditshmeve të Murdoch, përfshin: "New York Post", gazetën "Times" në Londër dhe gazeta të tjera në Britaninë e Madhe dhe në Australi, të cilat mund të lexohen deri më sot falas online. (Gazeta "Journal" online është bërë me pagesë vite më parë se "News" ta blinte).

Komentet e Murdoch vijnë në një moment kur "Times" po mbështet një debat gjysmë publicitar mbi mundësinë për të vënë me pagesë leximin e disa artikujve, ose të gjithë artikujve në saitin online të gazetës. Vendimi i "Journal", për t'i bërë lexuesit të paguanin për të lexuar artikujt, është përkufizuar nga Murdoch, "jo një minierë ari, por as ndonjë gjë e keqe".

Kur bleu gazetën, drejtuesit e "News Corp" dhe "Dow Jones", kishin menduar që të lejonin hyrjen në faqen online të gazetës falas, por më pas vendosën të vazhdonin me pagesë për pjesën më të madhe të përmbajtjes dhe pse jo, për të gjitha.

Në një moment, në të cilin fitimet e ardhura nga reklamat bien, botuesit janë të detyruar të pyesin veten, nëse mund t'i vënë me pagesë ueb-saitet e tyre, pa rrezikuar largimin e lexuesve.

Murdoch u ka thënë gjithashtu pjesëmarrësve në "Cable Show", që "News Corp" po investon me partnerët e saj për një laptop të ri, për t'ua bërë njerëzve më të lehtë leximin e versionit elektronik të gazetës.

Ai ka shtuar se, motorët e kërkimit në Google dhe Yahoo, ndihmojnë përdoruesit t'i gjejnë artikujt, duke u ofruar lidhje me saite dhe blogje të gazetave, por pastaj futin në xhep, pa të drejtë, të ardhurat të cilat vijnë nga reklamat që bëhen në këto saite.

Murdoch është shprehur gjithashtu se është ende "pak pesimist" për sa u përket kushteve ekonomike aktuale të gazetave dhe se nuk mendon që gjërat do të kthehen në nivelet e mëparshme, për të paktën 2 apo 3 vjet.

Shekulli

Interesante por mendoj se ne Shqiperi ndoshta eshte pak heret per te mare te tilla masa.