Diktatura FIKS FARE dhe Persekutimi i Pusht-etareve

[Duaje Siveten]

Tirana Observer, E Martë , 24 mars 2009

Për Filip Çakulin. Ne me lule, ti me hithra

Shkruar nga Fiqiri Sejdiaj

E gjithë bota njeh Filipin II të Maqedonisë. Po shqiptarët? Shqiptarët njohin Filipin e parë të Dyrmishit, Filip Çakulin, të birin e Koços dhe të Firdullës, lindur më 1955. Filipin tonë e njohin edhe në Greqi, se është minoritar dhe greqishten e ka gjuhën e nënës. Pardje, Këshilli Bashkiak i qytetit të Lushnjës e bëri zotin Çakuli “Qytetar Nderi”. Titullin, në prani të qytetarëve lushnjarë dhe të shumë intelektualëve, miq dhe shokë të Filipit, ia dha kryetari i bashkisë. Ceremonia u zhvillua në pallatin e kulturës “Vaçe Zela”. E për Filipin foli Koço Devole, Virgjil Karaj, Cekja, Agron Llakaj e shumë të tjerë. Natyrisht e lavdëruan. Po ç’ka bërë Filip Çakuli për Lushnjën?! I ka marrë Vasilikën njësoj si Ali Pasha që mori Vasiliqinë.

Filipi ynë na paska shkruar edhe dy libra të tjerë me humor dhe satirë. Bukur fort! Titulli “Qytetar Nderi” që iu dha pardje dhe dy librat e fundit që na paska shkruar janë rasti më i mirë për të shkruar edhe ne nja dy fjalë për të. Do t’i përgjigjemi me të njëjtën monedhë. Do të shkruajmë për të, siç shkruan ai për të tjerët. Do ta vëmë në lojë, do ta shajmë, do ta thumbojmë e do ta telendisim ashtu siç bën edhe ai jo vetëm në dy librat e tij, por edhe në atë “Fiks”-in e “Top”-it, që në fakt nuk është i “Top Channel”, por i Filip Çakulit, sepse në këtë emision ai i bën që të gjitha. Doktori me Sajmirin nuk bëjnë gjë tjetër veçse riprodhojnë ato që u thotë Filipi.

Në dy librat e tij: “Ndërhyrje tek Njutoni” dhe “Kur qeshim me politikanët”, Filipi ua fut të gjithëve, deputetëve e qeveritarëve, Parlamentit e Presidentit, bashkiakëve e komunarëve, kongresmenëve dhe kryetarëve të partisë, sikur të ishin kryetarë kooperativash. Madje ia fut dhe kryeministrit tonë, për të cilin populli këndon: “O Sali, o flori!”. Dy vjet më parë, Berisha e ngriu Filipin.

Mire ia bëri. E ngriu që të rrinte urtë, në paqe e të shikonte hallet e tij, se hallet e Shqipërisë i sheh vetë Doktori. Këtë kuçkë Shqipëri nuk po e rregullon një botë e tërë e jo më Filip Çakuli. Po ku merr vesh Filipi ynë. Ai shkruan libra, e rrokullis rrotën e “Fiks”-it natë për natë. Arrin deri atje sa të vërë çimka në zyrën e kryeministrit e të ministrave, siç ishte rasti më i fundit, ai i Pangos. Ku është parë e dëgjuar një gjë e tillë? Budalla ishte Sefgjini që i çoji tre engjëjt e SHIK-ut para disa vjetësh? E morën Filipin si njeri, e shëtitën me “Benz” nëpër Tiranë dhe pastaj e çuan..., ata e dinë se ku e çuan! Askush nuk vuri dorë mbi të. Bënë muhabet për qejf deri në të gdhirë, kuptohet për të mirën e Filipit e jo të Doktorit.

Mirëpo Filipi përdori dredhi, nuk u tregua i sinqertë, vuri gruan të qajë sa Berishës i erdhi keq dhe e liroi. Mirëpo si grekofon që është, Filipi çështjen e tij e paketoi si “Kalin e Trojës” dhe e çoi në Nju Jork, në sallën qendrore të OKB-së, në OSBE dhe në Helsinki, në një kohë që as Sefgjini, as ShIK-u, as policia nuk kishte cënuar të drejtat e Filipit. Përkundrazi Filipi kishte cënuar jetën private të kryeministrit e të qeveritarëve tanë, siç bëri edhe me Pangon që kërkonte të zbërthente mbërthecka.

Por le të kthehemi tek librat e tij. E ç’libër është “Ndërhyrje tek Njutoni”? Një libër me bordello, ku Filipi porosit pronarët e tyre: Po t’u shkojë puna keq e t’ju bjerë biznesi, mos ndërroni dyshekët e krevatet e vjetër, po ndërroni putanat. Hiqni të vjetrat e merrni të rejat. Imoralitet dhe degjenerim. Këshillon të hiqen gratë e vjetra, duke rritur numrin e papunësisë. Vazhdojmë më tej. Po të lexosh librin “Kur qeshim me politikanët”, sipas Filipit, nuk na paska ndryshuar asgjë gjatë këtyre 18 vjetëve. Shkruaj Filip, shkruaj! Tirr sa të duash, se në këtë të uruar Shqipëri nuk lexon njeri. Jo gjashtë libra, por 116 të shkruash ti, nuk është ndonjë hata e madhe.

Prej tyre politikanëve, qeveritarëve, parlamentareve, kryeministrit nuk i vjen asgjë e keqe. Jo 18 vjet, por 118 vjet rrinë ata në pushtet me librat e tu. Kështu halli ynë nuk janë librat e tu, por “Fiks Fare”. Se vërtet shqiptarët nuk lexojnë libra, mirëpo shohin televizor. Për çudi, këtë “Fiks Fare” e shohin të gjithë. Sondazhet tregojnë se 90% e shqiptarëve shohin “Fiks”-in. Madje e shohin jo vetëm shqiptarët e Shqipërisë, por edhe shqiptarët e Kosovës e të Maqedonisë, ata që ndodhen në Greqi e Itali, në Gjermani e Angli, në Amerikë e Kanada, kudo në botë.

A e dini se kush është Filip Çakuli që drejton “Fiks”-in? E mban veten për drejtor, por në fakt është diktator. Sa vjen në mëngjes zë e bërtet. Sa shumë që bërtet, o burrë! Dridhen korridoret e Piramidës. Deri tek roja, në hyrje të godinës dëgjohet. Çdo ditë kështu bën. Pastaj si për të mbuluar gjithë këtë zhurmë që bën gjatë javës, ditën e shtunë, në orën 10:00, mbledh redaksinë në zyrën e tij dhe i pyet një për një: Çfarë do të marrësh ti, kafe, çaj, kapuçino? Po ti tjetri? Pasi i dëgjon të gjithë, dërgon Elsën për t’i marrë në bufe, se Elsa është më e vogël. Kur vjen Paloma, e ha Paloma! Paloma vjen më vonë se të tjerët dhe rri afër derës. - Ty Paloma, - thotë Filipi, - nuk po ta heq ditën e punës, por shko në bar e merr kaq kafe, kaq çaj, kaq kështu e kaq ashtu.

Të dëgjosh pastaj këshillat që i jep Doktorit e Sajmirit? Nuk harron asnjë emër, asnjë datë, asnjë dokument. Ata ia kanë marrë dorën. Sa shkojnë në studio, gjysmat i harrojnë, gjysmat nuk ia thonë për inat e kështu katandiset kokoshi një thelë. Shyqyr, o Zot, se po t’i thoshin të gjitha ato që u thotë Filipi, kushedi sa njerëz të tjerë do të ishin marrë në qafë. Fiksim ka dokumentet, fletoret zyrtare, tenderat, Kushtetutën, ngjarje konkrete e njerëz konkretë. Ben sikur godet fenomenin, por në qendër vë njeriun. Kështu mund të vazhdojmë gjatë, por pa dobi, Filip Çakullin se vëmë dot në lojë, se ai është gatuar për të vënë të tjerët në lojë. Duam të bëjmë humor me të, por s’bëjmë dot, se nuk kemi as aftësinë dhe as talentin e tij. Filip Çakulli, që ka shkruar humor që në bankat e shkollës, krahas Qamil Buxhelit, Hysk Barabojkës, Niko Nikollës, Dritëro Agollit, Dionis Bubanit etj., etj., është vlerë jo vetëm për një kanal televiziv, por edhe më gjerë. Asnjë emision televiziv në Shqipëri nuk ka rezistuar kaq gjatë dhe me kaq sukses sa “Fiks Fare”.

Është fat që edhe tani, pas 6 vjetësh transmetim, “Fiks Fare” ruan të njëjtën freski si ditën e parë. Ai është një nga emisionet më të ndjekur jo vetëm në Shqipëri, por edhe jashtë saj. Asnjë kanal televiziv, nga 72 radiotelevizione që operojnë në Shqipëri, nuk kanë një format që t’i afrohet “Fiks”-it. Është i vetmi, më i miri, më i sakti, prandaj edhe impakti i tij vazhdon të jetë i madh. Prej tij publiku shqiptar ka qeshur dhe ka rënë në mendime.

Prej tij qeveritarët kanë rrudhur buzët, por janë bërë më të mirë, kurse publiku është emancipuar më shumë. Vetëm Filipi mund ta bëjë një gjë të tillë. “Fiks Fare” ka vetëm një emër: Filip Çakuli. Natyrisht në suksesin e këtij emisioni kanë meritë të padiskutueshme Armir Shkurti, Denisa Haxhia, Sajmiri, Doktori, si dhe gjithë gazetarët dhe operatorët që kontribuojnë në të. Mirëpo Filipi ngelet Filip. Vetëm ai mund ta ushqejë me humor dhe satirë këtë format. Vetëm ai mund ta mbajë në këmbë strukturën e këtij emisioni. Vetëm ai mund t’ju rezistojë presioneve që i vijnë nga të gjitha anët. Një tjetër do të ishte thyer që në telefonatën e parë. Filipi, jo!

Filip Çakuli është padyshim humoristi që ka rezistuar më shumë se askush tjetër. E ka filluar karrierën e vet në universitet e ka vazhduar në Lushnjë, më pas në revistën “Hosteni”, duke mbetur rilindësi i fundit në fushën e humorit. Tani me “Fiks Fare” ai renditet i pari, duke qenë kështu më prodhimtari: humorist i epokës dixhitale. Ai gëzon avantazhin e madh se asnjëherë nuk e ka çarë kokën për ata që venë e vijnë në pushtet, ndërkohë që këta të fundit janë preokupuar për të. Krijimtaria e tij është kthyer në ushqim shpirtëror, jo vetëm për mijëra shqiptarë anembanë Shqipërisë, por dhe jashtë saj.

Çdo natë, për 6 vjet Filip Çakuli u ka dhënë shikueseve diçka të re, që i ka befasuar, për të mos thënë që hera-herës i ka shtangur. Në botë ka me dhjetëra shkrimtarë humoristë. Edhe në Shqipëri ka njerëz që bëjnë humor, madje shkruajnë edhe libra. Filip Çakuli i ka mundur të gjithë. Madje edhe kryeministrin. Ai është vetë kryeministër, jo i Shqipërisë, por i humorit shqiptar.
Edhe kur të mos jetë më, për të do themi: Ai ishte më i miri.

[kleantin]

sa mire e ke shkruar por nuk del ndonje gazetare me kamer te fshehte kur u berrtet ose kur i thote se do te heq diten e punes a kur i dergon per kafe

[Brari]

fiqua.. gjithashtu ka bere libra..
ne ato libra cfaqet enveristi i terbuar fiqiri qe urren demokracine e adhuron caushet e arapet e PPSH-se.. qe i gezohet "sukseseve" te falangave caushoiste albert shytoiste ne gjëmën qe ja bejne shtetit shqiptar.. packa se mijra jet njerzish vane .. e miliarda dallers.. vlera materiale u percelluan.. rendesi ka qe fiqua e realizoj endrren e tij.. qe shqiperia te mos kete kurre demokraci por vetem te sundohet nga krokodilet staliniste.. kalemxhi i te cilve ishte fiqua ne te tera kohet..
sejdiu ka vite qe dallohet si armik i betuar i PD-se e nje pathologjik kunder Berishes..
thx josif qe e solle kte shkrim..
jini ne te njejtat ujra me fiqot e lipet..
ska gabuar brari..
boll te luftohet Doktor Berisha se per fiqon.. nuk ka rendesi me cfar mjetesh..
edhe vajzat e vogla 14 vjece mund te perdoren lakuriq ne zbukurimin e banakut te fiksit.. qe sa me shum sy e vesh lumpenesh te mblidhen rreth ekranit te top chanellit.. ku do derdhe vrer anti pd e anti berish lipja i fiqos se nexhit te enver edvin ramizit..
interesant.. se fiqua.. njohesi i vjeter i cimka tartabiqeve.. nuk ben fare cudi se lipja kurre nuk i perdori kto mjete ramizo envero pobratoiste.. kunder pushtave te selis roze..
prandaj fiqua e do lipen.. sepse jan rrota te nje biciklete.. pra vegla te kupoles mafioze..