TIRANE- Këngëtari i njohur i muzikës popullore qytetare shkodrane, Xhevdet Hafizi është ndarë nga jeta në moshën 84- vjeçare. Hafizi, që ka mbajtur titullin "Artisti i Merituar", e nisi karrierën në qytetin e tij të lindjes, në Shkodër. Më pas u aktivizua në Ansamblin Shtetëror të Këngëve dhe Valleve. Dueti i tij me këngëtaren Luçie Miloti: "Kur perendon dielli", është në kujtesën e mbarë shqiptarëve. Ai ka kënduar edhe në duete të tjera me Naile Hoxhën e Florinda Gjergjin. Këngë të kënduara prej tij janë: "O bylbyl" apo "Tri vjet që u deshtme bashkë". Xhevdet Hafizi renditet ndër këngëtarët më shembullorë të këngëve qytetare shkodrane. Bashkë me familjen, ai jetoi në Tiranë që nga viti 1945. Ndër këngët e tjera të tij mund të përmendim: "Erdh t'punoj me ne në n'ograja", "Karafili kuq si gjaku", "Këngë për Ali Pashë Tepelenën", "Kur fillon drita me dalë", "Kur perëndon dielli", "Lule malësore", "Moj e vogël tash sa vjet", "Moj e vogla si flori", "O bilbil o i bukuri i shpendëve", "Oh sa e bukur vjen pranvera" dhe "Thotë lulja për lule".
Balkanweb
Krijoni Kontakt