Ndahet nga jeta diplomati Vladimir Prela

[Brari]

Ndahet nga jeta diplomati Vladimir Prela


» Dërguar më: 15/02/2009 - 12:46





Në moshën 59- vjeçare u nda nga jeta dje ambasadori shqiptar në Maqedoni, Vladimir Prela. Vdekja e papritur e Prelës ndodhi paraditen e djeshme, rreth orës 10.00, në banesën e tij në kryeqytet. Ministria e Jashtme, duke i shprehur ngushëllimet e saj familjes Prela për këtë humbje të papritur, bëri të ditur dje, me anë të njoftimi zyrtar, se ambasadorit do i rezervohen homazhet zyrtare që do të zhvillohen në ministrinë në të cilën punoi për aq vite. “Ministria e Punëve të Jashtme njofton se homazhet do të zhvillohen më datë 15 shkurt 2009, duke filluar nga ora 14:00, në ambientet e Ministrisë së Punëve të Jashtme”, - thuhet në njoftimin e ardhur pasdite nga kjo ministri.
Humbja e Prelës ishte e madhe për diplomacinë shqiptare. Ai luajti rol të rëndësishëm gjatë kohës kur ai ishte i ngarkuari me punë në Kosovë, menjëherë pas përfundimit të sulmeve të NATO-s mbi Serbi. Krijoi lidhjet e duhura mes Shqipërisë dhe Kosovës dhe komunitetit ndërkombëtar, që e administroi vendin deri në shpalljen e pavarësisë më 17 shkurt.
Ambasadori ynë në Maqedoni ishte një pikë kyçe për zgjidhjen e konfliktit të para një viti mes Shqipërisë dhe Maqedonisë për çështjen e vizave. Maqedonia në fund të 2007 dhe fillim të 2008, bëri të ditur se qytetarët shqiptarë do të marrin viza për të shkuar në këtë shtet, ashtu siç veprojnë për çdo vend tjetër europian. Ky vendim nuk u prit mirë nga qeveria shqiptare dhe u krijua një grup i përbashkët për të negociuar zgjidhjen e kësaj çështjeje. Gjithashtu, Prela, i mandatuar nga qeveria shqiptare, luajti një rol të rëndësishëm në qetësimin e debateve mes faktorit shqiptar në Maqedoni. Ai ka marrë vlerësimet më të mira si nga Presidenti ashtu dhe nga shefi i diplomacisë maqedonase, Milloshovki. Prela ka kërkuar gjithnjë që palët në Maqedoni të ndjekin rrugët e dialogut politik, bashkëpunim mes palëve. Po këtë ai e ka kërkuar dhe për vazhdimin e marrëdhënieve të mira mes Shqipërisë dhe Maqedonisë, që si vende fqinje luajnë rol paqeje dhe stabiliteti në Ballkanin Perëndimor. Vladimir Prela njihet dhe si publicist dhe opinionist në mediat shqiptare, që kryesisht ka cekur çështjet e politikës rajonale.

gsh

[Guri i Kuq]

Ngushllime familjes,miqeve dhe institucioneve te shtetit shqiptar.

Pune e rende kjo e diplomatit.Me dhimbeset i ri dhe ne kulmin e karieres.
Humbje e madhe per korin diplomatik shqiptar.
Edhe nje here,ngushllime .