Veliaj: Ndërhyrja e Klinton në Kosovë u bë për trafikun e armëve të shqiptarëve dhe jo për genocidin serb
Ekskluzive, cfarë deklaroi Veliaj në Amerikë për ardhjen e Bush në Shqipëri në 2007.
“Në vitin 1996-97, rrëzimi i skemave piramidale në të cilat shqiptarët kishin investuar kursimet e tyre, solli që dhjetëra-mijëra njerëz të humbisnin të gjitha kursimet e tyre. Ato dolën në rrugë duke kërkuar dorëheqjen e tij, por ai nuk e dha dorëheqjen përpara se armët të dilnin në rrugë. Shumë nga këto armë në një farë mënyre gjetën rrugën për të kaluar në Kosovë, duke provokuar një tjetër luftë në ish-Jugosllavi, e cila u detyrua të ndalohet nga 45 miliardat e ndërhyrjes së NATO, e cila ishte pikërisht ajo që SHBA dëshironin të evitonin.”
Ja çfarë antishqiptarizmi i Erion Velisë i cili në mënyrë, më të pacipë dhe të paturp, genocidin e Serbisë kundër shqiptarëve të Kosovës me qëllim spastrimin etnik e konsideron si një luftë të Shtetit ish-Jugosllav të shkaktuar nga trafiku i armëve nga Shqipëria. E njëjta teori e mbrojtjes serbe të Miloshevicit në Gjyqin e Hagës. Nëpërmjet këtij veprimi të Erion Velisë në median më të famshme progreke amerikane “HUFFINGTONPOST.COM” e cila u amplifikuara nga media serbe dhe në mënyrë të veçantë nga serbiana.com, ndërhyrja amerikane dhe e Natos në Kosovë na del si një luftë ku shkaktar ishin shqiptarët e Kosovës dhe të Shqipërisë dhe jo regjimi kriminal serb.
Përcaktimi që Erion Veliaj i bën luftës amerikane në Kosovë është e para herë që bëhet nga një shqiptar në 10 vitet e fundit. Linja antiluftë e shumë rrymave dhe qarqeve antishqiptare që u trumbetua shumë fort në 1999, kurrë nuk gjeti përkrahës shqiptarë. Në vitin 1999, u bë i famshëm në SHBA reagimi i drejtueses se “HUFFINGTONPOST.COM”, grekes Arianna Stassinopoulos Huffington, ku urrejtja antishqiptare dhe mungesa e ndjeshmërisë njerëzore për viktimat e gjenocidit serb u publikuan në të gjithë shtypin amerikan duke e përcaktuar këtë njeri si avokate të krimeve serbe në Kosovë.
Arianna Stassinopoulos Huffington është një ndër personat më të famshëm të lobit grek amerikan, dhe përkrahëse e intreresave serbe, sot drejton një ndër mediat online më të famshme në Amerikë për linjën e saj anti Bush dhe anti Klinton.
Erion Veliaj është i vetmi shqiptar që shkruan në këtë media dhe shkrimi për Bush është shkruar nga Erion Veliaj në Qershor 2007, si një lëpirje tipike e Velisë ndaj armikut të Bush, George Soros.
Ja çfarë shrkuan Veliaj për ardhjen e Bush:
“Kur Presidenti amerikan George Bush vizitoi Shqipërinë në fillim të këtij muaji, vendi më i vogël që ndodhet në Ballkan bëri titull kryesor në gazetat ndërkombëtare, për herë të parë në një kohë të gjatë dhe nuk është e vështirë që ta kuptojmë përse. Në momentin që popullariteti i presidentit amerikan është në pikën e tij më të ulët ndonjëherë në Amerikë dhe kur zakonisht vizitat e tij jashtë Amerikës priten me protesta, vendi im i cili predominohet nga myslimanët mbushi rrugët me banera që paraqesnin yjet në flamurin amerikan dhe u hodhën me mijëra nëpër rrugë duke e mbushur atë me lëvdata. “
Diku më poshtë Veliaj shkruan për realitetin e Shqipërisë dhe imazhit e Shqipërisë:
Porse ajo që shtypi nuk përcaktoi në raportet e veta, është se: qeveria jonë e udhëhequr nga Kryeministri Sali Berisha, ka abuzuar ne këtë marrëdhënie me Uashingtonin duke i përdorur si mbulesë për të kamufluar atë drejtimin tiranik ne rritje të Shqipërisë. Sot, Shqipëria është vendi më i mbyllur i Europës i ngjashem me atë të Hugo Chavezit, në Venezuelë. Duke abuzuar me mbështetjen e pakondicionueshme ndaj SHBA, Berisha dalëngadalë po shvlerëson respektin për të drejtat e njeriut dhe demokracinë.
Nën maskën e Anti-Berishizmit, Veliaj hedh helm për shqiptarët dhe mbështetjes amerikane ndaj shqiptarëve. Pikërisht për t’i bërë pëlqyer padronit të tij Soros, pjesë e baltës që u hodh në Tiranë ndaj ardhjes së Presidentit Bush në Shqipëri, është investuar shumë nga Soros në Shqipëri. Përhapja e lajmit të sajuar të orës së vjedhur të Bush, dhe goditja e imazhit të mirë të Shqipërisë si një vend i sigurtë përderisa vetë Presidenti Amerikan lëvizte i lirshëm nga nëri qytet në tjetrin në brohoritjet entuziaste të shqiptarëve, ishte një dhuratë që këlyshët e Soros në Tiranë i dhanë padronit të tyre. Është një fakt i njohur në botë armiqësia e Soros ndaj Xhorxh Ë. Bush. Po aq sa edhe preferenca e tij për Obamën dhe jo për Klintonët. Dhe kjo tendencë personale e Soros në Amerikë reflektohet si një lëpirje e njerëzve të tij në Shqipëri e cila është reflektuar hapur në deklaratat e Edi Ramës dhe Lej Fenit Velaij.
Diku më tej në shkrim Veliaj thotë:
“Në Shqipëri nuk kemi McDonalds dhe ClubMeds, jo sepse ne opozojmë globalizmin, në të kundërtën ne e duam atë, por që të bësh biznes këtu është një presion, një shantazh i vazhdueshëm dhe nëse nuk je në favor të qeverisë, atëherë je gjatë gjithë kohës në shantazh dhe nuk ke avantazhe. Rezortet turistike, importuesit e gazit, operatorët telefonikë, prodhuesit e detergjentëve janë nën shtrengimin e presionit te mbylljes së biznesit të tyre dhe nën presionin e politikave financiare. “
Veliaj vazhdimisht ka marrë fonde nga ndërkombëtarët gjoja në emër të përmirësimit të imazhit të Shqipërisë në botë, dhe siç dihet këto para janë përdorur për të prodhuar filma dokumentarë që glorifikojnë Edi Ramën, ish-spiunin Remzi Lani dhe atë vet bashkë me mercenarët e tjerë që e rrethojnë. Por ky shkrim që bëri bujë në 2007 për hir të “së vërtetës” së shqiptarëve ndaj pritjes “euforike” ndaj Bush, është një baltë e jashtëzakonshme kundër mundësisë për të investuar në Shqipëri dhe e gjitha kjo në emër të maskës antiberishiane.
E vërteta e këtij shkrimi është nën maskën antiberishë, u hodh baltë për bombardimet e Administratës Klinton në ish-Jugosllavi dhe ndaj perceptimit pozitiv amerikan të mikpritjes shqiptare ndaj Presidentit Bush. Veliaj nën konsulencën e Remzi Lanit me të cilin Veliaj shoqërohej me paratë e Soros gjatë vizitës që bëri në Amerikë, i bëri kështu qejfin dhe forcoi lidhjet me përfaqësues me emër të lobit grek, fitoi simpatinë serbe të shprehur në shumë media online serbe, por mbi të gjitha “i pëlqeu” dhe lëpirjet e veta padronit të tij Soros. Dhe të gjitha këto kishin si pagesë baltën e hedhur mbi Shqipërinë, Kosovën dhe shqiptarët, pagesë që Veliaj e kryen prej vitesh në mënyrë që të ngjisë shkallët e karrierës në krah të djathtë të Edi Ramës.
Sipas Velisë ndërhyrja e Klinton për çlirimin e Kosovës u shkaktua nga trafiku i armëve
“Uashingtoni nuk duhet të gabohet nga mikpritja euforike që Shqipëria i bëri presidentit Bush”
Nga Erion Veliaj
http://www.huffingtonpost.com/erion-...f_b_53869.html
Kur Presidenti amerikan George Bush vizitoi Shqipërinë në fillim të këtij muaji, vendi më i vogël që ndodhet në Ballkan bëri titull kryesor në gazetat ndërkombëtare, për herë të parë në një kohë të gjatë dhe nuk është e vështirë që ta kuptojmë përse. Në momentin që popullariteti i Presidentit Amerikan është në pikën e tij më të ulët ndonjëherë në Amerikë dhe kur zakonisht vizitat e tij jashtë Amerikës priten me protesta, vendi im i cili predominohet nga myslimanët mbushi rrugët me banera që paraqesnin yjet në flamurin amerikan dhe u hodhën me mijëra nëpër rrugë duke e mbushur atë me lëvdata.
Ka shumë arsye pse kjo “Bush Mania” ndodhi në Shqipëri. Ashtu siç e përcaktoi edhe shtypi i huaj perëndimor këtë vizitë, historia na ka mësuar që presidenti Ëoodroë Ëilson ishte ai që i doli në mbrojtje pavarësisë së Shqipërisë një shekull më parë. Ne vlerësojmë ndihmën e Amerikës që na ndihmoi për të mundur komunizmin. Dhe ndoshta më e rëndësishme nga të gjitha ne i jemi mirënjohës SHBA, sidomos për ndërhyrjen në Kosovë e cila shpëtoi vëllezërit tanë nga fushata e pastrimit etnik të Sllobodan Millosheviçit.
Në vlerësim të të gjitha këtyre që thashë më sipër, shtypi i huaj përcaktoi që shqiptarët kanë bërë çështë e mundur në mënyrë për të pasur mbështetjen e SHBA. Ne jemi pjesëtarë të koalicionit i cili po kontribuon me trupat e tyre duke ndihmuar në misionin që udhëhiqet nga SHBA në të dyja vendet dhe në Irak dhe në Afganistan. Ne kem i nënshkruar një marrëveshje me Uashingtonin duke premtuar se nuk do të ketë asnje përndjekje kundrejt asnjë shtetasi amerikan përpara gjyqit ndërkombëtar. Ne ishim ata që dolëm vullnetar që të strehonim disa të dënuar të Guantanamos, të cilët nuk ishin në gjendje të ktheheshin në vendet e tyre respektive, gjë që asnjë vend tjetër nuk do te binte dakord ta bënte.
Porse ajo që shtypi nuk përcaktoi në raportet e veta, është se: Qeveria jonë e udhëhequr nga Kryeministri Sali Berisha, ka abuzuar në këtë marrëdhënie me Uashingtonin duke i përdorur si mbulesë për të kamufluar atë drejtimin tiranik ne rritje të Shqipërisë. Sot, Shqipëria është vendi më i mbyllur i Europës i ngjashëm me atë të Hugo Chavezit, në Venezuelë. Duke abuzuar me mbështetjen e pakondicionueshme ndaj SHBA, Berisha dalëngadalë po shvlerëson respektin për të drejtat e njeriut dhe demokracinë.
Presionet mbi mediat janë bërë një rutinë dhe shumica e publikut e ka parë sesi Qeveria po sillet herë pas here duke i goditur kritikët e saj. Ditë përpara vizitës së Bushit në Shqipëri, Qeveria ndërpreu transmetimin e dy stacioneve televizive më të mëdha midis tyre dhe atë televizion që ishte caktuar te bëte intervistën e Bushit para se të vinte në Shqipëri.
Berisha flet shumë mbi progresin e reformave, por këto janë eufemizma për të thyer pavarësinë e sistemit të drejtësisë, rishpërndarjen e pronës private dhe duke forcuar kapjen e tij shërbimet sekrete, shkatërrimin e administratës publike duke e zëvendësuar me përkrahësit më të flaktë të Partisë Demokratike, e cila është në pushtet. Ai gjithashtu ka mësuar të abuzojë mbi atë të ashtuquajturin ligji anti-korrupsionin duke pastruar qeverinë nga opozitaret si dhe një mënyrë kontrolli insitucional sic ishte dhe rasti i Federatës së Futbollit.
Insitucionet shqiptare ashtu si dhe Zyra e Presidentit, Gjykata e Lartë dhe Gjykata Kushtetuese janë nën presionin ei adoptimit me Qeverine si dhe legjislacionit problematik, por deri tani, e vetmja gjë që ai arriti te ngrinte është subjekti i shantazhit dhe kanosjes.
Në Shqipëri nuk kemi McDonalds dhe ClubMeds, jo sepse ne jemi kundër globalizmit, në të kundërtën ne e duam atë, por që të bësh biznes këtu është një presion, një shantazh i vazhdueshëm dhe nëse nuk je në favor të Qeverisë, atëherë je gjatë gjithë kohës nën shantazh dhe nuk ke avantazhe. Resortet turistike, importuesit e gazit, operatorët telefonikë, prodhuesit e detergjentëve janë nën shtrengimin e presionit te mbylljes së biznesit të tyre dhe nën presionin e politikave financiare.
Kjo nuk është hera e parë që Berisha ka vepruar në këtë mënyrë duke dëmtuar themelet e lirisë demokratike në Shqipëri. Në vitin 1990, ai ishte Presidenti ynë kur futi në burg kundërshtarët e tij politikë, mbylli gazeta dhe mbushi shërbimin sekret me besnikë të partisë.
Në atë kohë Uashingtoni ishte shumë kritik ndaj Shqipërisë dhe u mundua që të evitonte konfliktin me ish-Jugosllavinë duke i kërkuar që të ndalonte thyerjen e embargos që të mos kalonin për në Kosovë. Në atë periudhë, Berisha nuk ishte një fan i flakës nacionale dhe Uashingtoni mbylli sytë përpara tendencave të tij autokratike.
“Në vitin 1996-97, rrëzimi i skemave piramidale në të cilat shqiptarët kishin investuar kursimet e tyre, solli që dhjetëra-mijëra njerëz të humbisnin të gjitha kursimet e tyre. Ato dolën në rrugë duke kërkuar dorëheqjen e tij, por ai nuk e dha dorëheqjen përpara se armët të dilnin në rrugë. Shumë nga këto armë në një farë mënyre gjetën rrugën për të kaluar në Kosovë, duke provokuar një tjetër luftë në ish-Jugosllavi, e cila u detyrua të ndalohet nga 45 miliardat e ndërhyrjes së NATO, e cila ishte pikërisht ajo që SHBA dëshironin të evitonin.”
Uashingtoni e mësoi në një mënyrë të vështirë se çdo të thotë të mbyllësh sytë përpara korrupsionit dhe abuzimeve të të drejtave të njeriut. Amerikës i duhen kujtuar gabime të së shkuarës, ne shqiptarët do të ishim shumë mirënjohës nëse Uashingtonit do t’i rikujtoheshin principet dhe vlerat që shumë prej nesh kemi arritur që t’i admirojmë mbi SHBA.
sot
Krijoni Kontakt