Port detar apo pallate..

[Brari]

Porti i peshkimit, vendorët: Jo pallate në këtë territor
» Dërguar më: 01/02/2009 - 13:31


Lajme te ngjashme
Raporti Zyrtar, Ja masakrat serbe të 1913 në Dibër
• Datë: Nov 12, 2008


Artur Korriku


DURRES -Porti i ri i peshkimit ka qenë pjesë e një diskutimi ndërmjet pushtetarëve vendorë, hartuesve të projektit si dhe deputetëve të Parlamentit. Objekti i diskutimeve ishte mëdyshja që ekziston për zbatimin pikë për pikë të këtij projekti, për shkak të tendencave për ta ndryshuar atë. Kundërshtitë vijnë nga grupe interesi të biznesit të ndërtimit, të cilët kanë synime në territorin ku sipas projektit kalon rruga që do të lidhë portin me qytetin, pasi kërkojnë të ndërtojnë pallate. Në këto kushte është rishfaqur ditët e fundit ideja e variantit të parë të projektit, sipas të cilit, rrugët lidhëse duhet të kalojnë nga territori i portit ekzistues. Por, nga diskutimet e bëra në takim, u deklarua qartë se porti i peshkimit duhet të jetë një objekt civil, sikurse janë të gjithë portet e peshkimit në Europë.
TAKIMI
Pasditen e së premtes, prefekti i Durrësit, Klodian Pajuni organizoi një takim ku morën pjesë ministri i Mbrojtjes, njëkohësisht edhe deputet i Durrësit, Gazmend Oketa; kryebashkiaku Vangjush Dako; deputetët Genc Juka e Ferdinand Xhaferri si dhe përfaqësues të projektit për ndërtimin e portit të peshkimit. Objekti i takimit ishte diskutimi i projektit mes tyre para se KRRT-ja e Bashkisë së qytetit bregdetar të marrë në shqyrtim lejen e ndërtimit për zbatimin e tij. Ndërmjet dy opsioneve për rrugët lidhëse të qytetit të Durrësit me portin e peshkimit fitoi ai i pasqyruar në projekt. Sipas projektuesve, porti i peshkimit duhet të shkëputet nga porti ekzistues. Ai do të jetë port civil dhe do të lidhet me një rrugë të re, e cila do të shërbejë edhe si shëtitore. Në këtë mënyrë, është hedhur poshtë ideja e ndërtuesve privatë, të cilët kishin sugjeruar rrugët e brendshme të portit detar për këtë qëllim. Kjo ide bie në kundërshtim me atë të një porti civil të sugjeruar nga Banka Botërore vite më parë.
PROJEKTI
Përfaqësues të projektit, bëjnë të ditur se këto ditë pritet përgjigja nga Jedahu i Arabisë Saudite, vend ku ndodhet Banka Islamike, e cila ka dhënë kredinë për ndërtimin e portit të peshkimit. Përgjigjja ka të bëjë me miratimin ose jo nga ana e arabëve të përfundimit të fazës së parë të procedurës së tenderimit, ku janë kualifikuar 12 kompani ndërtimi. Banka Islamike ka dhënë një kredi prej 14 milionë euro për këtë projekt. Kjo kredi është ratifikuar në Parlamentin Shqiptar disa kohë më parë. Ndërkohë që pritet përgjigja, projekti do të kalojë në KRRT-në e Bashkisë së Durrësit, e cila do të rivendosë vendimin e lejes së sheshit të ndërtimit, pasi ajo që ishte miratuar 3 vjet më parë ka skaduar për shkak të kalimit të afateve. Porti i ri i peshkimit mund të nisë së ndërtuari në maj ose në qershor të këtij viti. Ai do të vendoset ngjitur me dallgë-thyesin e portit të madh.

gsh