Komunizmi triumfoi sërish

[Maars]

Komunizmi triumfoi sërish


Prej ditësh në Shqipëri është hapur një debat në lidhje me ligjin e hapjes së dosjeve në Shqipëri. Në fakt, ky debat duhej hapur prej vitesh, dhe ende s’e di se përse e djathta ndërmerr nisma të tilla pikërisht kur është në fund të mandatit. Po ç’rëndësi ka, më në fund pas afro dy dekadash të rënies së komunizmit dhe shqiptarët u “bënë mbarë” që t’i dënojmë ato krime. Megjithëse duhet të ishim të parët dhe më të ashprit në këtë drejtim, pasi diktatura këtu ishte e pakrahasueshme në formën dhe në aplikimin e saj në krahasim me vend e tjera të Lindjes. Por pyetja që shtrohet nuk ka të bëjë me faktin se kur i dënojmë, por a po i dënojmë ne vërtet këto krime? Sa të ndershëm jemi apo dhe kemi qenë në tërë këto vite në lidhje me këtë çështje? Politika e këtij vendi a është vërtet e gatshme të shkëputet prej asaj të shkuare, e cila na përndjek dhe sot? A është gati klasa e këtij vendi që harton ligjet dhe i zbaton ato të dënojë atë të shkuar që mori aq jetë njerëzish? Shqipëria ishte një burg i madh, e cila brenda saj kishte dhe burgje të tjerë, më të vegjël në formë, por më të egër dhe çnjerëzorë në përmbajtje. Dhe gardiani i këtij sistemi të madh burgu ishte komunizmi, ajo ideologji e mbrujtur dhe mbajtur në këmbë për afro 50 vjet nga fije të dukshme dhe të padukshme. Individë të stërvitur në shkollat e krimit, siç ishte Sigurimi i Shtetit apo të rekrutuar në bazë të devotshmërisë të tyre, të gjithë të doktrinuar, që karrierën e tyre e ngrinin mbi vuajtje, vrasje, dhe privim lirie të shqiptarëve, pikërisht ata që sot kërkojmë t’i dënojmë me anë të një ligji. Pas afro 20 vjetësh.... Më kujtohet një ish-fqinji im, prokuror i kohës së diktaturës, që mburrej se sa shumë kishte vrarë ai me duart e tij... vdiq nga pleqëria. Pashë një ditë Aranit Çelën, krye-persekutorin e komunizmit, i cili akoma ka të drejtën t’i ngërdheshet në fytyrë ish-të persekutuarve, dënimi i tij s’ka më asnjë vlerë. Në këto vite kam parë Ramiz Alinë, i cili kishte moralin të qeshte sikur s’ka ndodhur asgjë, dhe madje thirret dhe në disa stacione televizive, ku i jepet mundësia e shpjegimit dhe ftohet nga presidenti në darkat presidenciale si ish-president. Pashë para do kohe Nexhmije Hoxhën, tek emisioni i Rudina Xhungës, dhe nuk m’u duk aspak e penduar për atë çka u ka bërë shqiptarëve, ajo bashkëpunëtorja më e afërt e diktatorit. E shumë e shumë të tjerë ish-bashkëpunëtorë të Sigurimit, gardianë e xhelatë, të cilën mbanin në këmbë atë makineri vrasëse. Të gjithë këta nuk u dënuan, e shumta u futën në disa dhoma konvaleshence, krahasuar me burgjet që kishin ngritur ata në mesin e viteve ‘90, dhe dolën që andej më të shëndetshëm se sa hynë. Ata sot presin të qetë fundin e jetës, në shtëpitë e tyre komode, në shtratin e tyre të ngrohtë, pa u bezdisur nga askush, pa pasur frikë se mund të ndëshkohen për krimet.... Pra, ia dolën të fitonin sërish. Mazhoranca aktuale u kujtua se duhet të dënojë krimet e komunizmit, në një kohë kur nga ai sistem kanë mbetur disa mbeturina, që sot i prishin punë vetëm qeverisjes aktuale, se në të vërtetë koha i ka spastruar vetë persekutorët e vërtetë. Detyrimin që kishte e djathta në këto vite nuk e ka përmbushur, të paktën në dy drejtime, ku komunizmi goditi më fort. Te shtresa e të persekutuarve dhe ajo e ish-pronarëve. Të persekutuarit sot, për ironi të fatit, po vdesin çdo ditë një e nga një në kotecet që dikur shërbenin si konvikte për kuadrot e partisë, ndërsa persekutorët e tyre po vdesin mbi dafina. Ish-pronarët po vdesin me letra nëpër duar, ku vërtetohet prona që iu është rrëmbyer ndërsa ish-persekutorët dhe bijtë e tyre gëzojnë ato që i rrëmbyen kësaj klase gjashtëdhjetë vjet më parë dhe që nuk ia kthyen kurrë. Por detyrimi nuk është përmbushur dhe në një aspekt tjetër. Në kabinetin qeveritar të zotit Berisha, por edhe në grupin parlamentar të PD, klasa e ish-të përndjekurve politikë është tejet e pandjeshme. Në zgjedhjet e 2005, kjo klasë u harrua, megjithëse përbën ndoshta 20% apo më shumë të votave që merr PD në çdo zgjedhje. Kryeministri preferoi të fuste në kabinetin qeveritar njerëz që s’kanë asnjë lloj lidhjeje me historinë e themelimit të kësaj partie apo dhe të importuar nga forcat e majta për të sajuar një kabinet se sa të merrte parasysh ndonjë kandidaturë nga kjo shtresë shoqërore, e cila të kishte përfaqësuesin e saj atje. Ne sot duam të miratojmë një ligj, pasi u kujtuam që në sistemin tonë të drejtësisë, qenkan nja 15 apo 20 prokurorë e gjykatës, të cilët na paskëshin marrë pjesë në procese politike. Me largimin e tyre nga detyra i lamë gjë duart me krimet e së kaluarës? Ishte e dhimbshme, kur shihje kryeministrin, teksa i thurte lavde Skënder Gjinushit, apo Gramoz Ruçit si zyrtarë të ndershëm të ish-diktaturës. Njëri ish-ministër i Arsimit dhe tjetri ish-ministër i Brendshëm dhe Sekretar i Parë në qeverinë e Ramiz Alisë, ndërsa nga anëtarët e kabinetit të tij, ish-të përndjekurit shihen si “të bezdisur”. Është e dhimbshme, kur kërkohet që me anë të gjakut, vuajtjes dhe dhimbjes të qindra e mijëra njerëzve kërkohet hakmarrje politike, se të rrezikohet pushteti. Ata prokurorë apo gjykatës që janë atje janë e keqja më e vogël. Ata ishin thjesht shërbëtorë, por urdhëruesit janë akoma gjallë, madje janë edhe në politikë. Më e mira që mund të bëjë kjo mazhorancë, është të rikuperojë sa të mundet materialisht ata që e pësuan nga ai regjim. Pra, të paguajë çdo kosto që ish-të përndjekurit të marrin dëmshpërblimin, është një borxh që kjo shoqëri dhe ky vend i ka atyre. Të vërë sadopak në vend drejtësinë që është bërë me pronat në këtë vend. Sa për betejën kundër komunizmit, “e djathta” në pushtet tregoi se ka hequr dorë prej saj.


Nga Armand Maho
Tema

[Erlebnisse]

Si perhere gazetaret tane e ekzagjerojne duke e bere situaten tone komuniste me tragjike se sa ne vendet e tjera te Evropes qender-lindore. Mgjth, nuk mund t'ia veme fajin atyre qe jane ne fuqi mbi mos-denimet apo qendrimet ne liri e ne pleqeri te qeshur te ish drejtuesve komuniste, perderisa vete personat qe drejtojne vendin, ose ata qe perbejne palen demokratike vijne nga fryma komuniste. Fatkeqesisht ne periudhen e trazirave, nuk ekzistonte nje grup i gatshem i ri per te marre direkt pushtetin e u desh qe me emer te rinovuar te futeshin perseri po ata qe qene edhe se kete here me maske e disi me pak te shtrengueshem. Si rrejedhoje e kesaj nuk mund t'i veme faj perse njeri e tjetri e tjetri me rradhe nuk jane ne burg, sepse te gjithe ata qe jane aty jane njollosur ne nje fare menyre me padrejtesite e komunizmit te atehershem e me ato qe kane vazhduar mbrapa, ne te ashtuquajturen "politike demokratike" tonen.
Pastaj sa per ndarjen e pronave, mes te persekutuarish e mes pronaresh te ligjshem. Pike se pari akoma nuk dihet mire se kush ka qene persekutuar tamam e kush jo, perderisa pas demokracise cdo njeri qe kishte mundesi te bente ndonje kerkes e qe kishte ndonje miqesi e qe jepte ndonje rryshfet, na doli i persekutuar. Nuk me duket as ajo e drejte qe t'i jepen pronat e huaja ketyre per fatkeqesite qe kane pasur nga pushteti, sikurse nuk me duket e drejte qe te luhet me jetet e njerezve ne ate menyre... Cdo familje pas asaj kohe doli shume e dermuar e te gjithe kishin nevoje per prona apo per nje pune te pakten, e cfare ndodhi ne demokracine tone: disave iu dhane mundesi shume te medhaja, me pasuri qe ndoshta as qe i perkisnin e disa te tjere mbeten pa pune fare; per mos fol per nje pjese te mire te rinise qe shtegetuan per nje jete me te mire neper vendet fqinje e me larg e nisen vrapin drejt parase se kollajshme, duke shitur me raste edhe vellezer e motra e duke u kthyer ne mostrat me te pashpirtshem qe mund te ekzistojne.
Te gjitha keto na ndodhen pre komunizmit ne, prej qenies per aq vjet mbyllur e prej varferise. Sidoqofte, sot pak e nga pak gjerat po shkojne ne rrjedhen e duhur e jam e bindur qe nuk ka rendesi persekutimi i ish komunisteve, njerez tashme te kaluar qe nuk mund t'i bejne me keq se sa i kane bere Shqiperise e shqipetareve... persona qe tashme jane "te vdekur, por pa hyre ne dhe". U be cu be, sot jemi ne kohen e kapitalizmit e globalizmit, asnje s'te jep asgje pa pasur ne kembim dicka, prandaj pervishni manget e mos ktheni me koken mbrapa, por mundohuni per te ardhmen tuaj

[Duaje Siveten]

...

... jam e bindur qe nuk ka rendesi persekutimi i ish komunisteve, njerez tashme te kaluar qe nuk mund t'i bejne me keq se sa i kane bere Shqiperise e shqipetareve ... persona qe tashme jane "te vdekur, por pa hyre ne dhe". U be cu be, sot jemi ne kohen e kapitalizmit e globalizmit, asnje s'te jep asgje pa pasur ne kembim dicka, prandaj pervishni manget e mos ktheni me koken mbrapa, por mundohuni per te ardhmen tuaj

ereze,

nuk kerkon kush sot persekutim - kerkohet drejtesi ... pa drejtesi nuk shkojne gjerat ne vend ...

persa i perket

"te vdekur, por pa hyre ne dhe"

kjo nuk eshte aspak e vertete - i ke ende kryeministra, deputeta, drejtora gjithfaresh, gjyqtara, prokurora, ambasadora ...

[Erlebnisse]

persa i perket kjo nuk eshte aspak e vertete - i ke ende kryeministra, deputeta, drejtora gjithfaresh, gjyqtara, prokurora, ambasadora ...

E shpjegova ate punen e ish komunistave qe jane akoma ne pushtet qe ne fillim, e fjalen "te vdekur pa hyre ne dhe" e kisha per njerez si Ramiz Alia apo Nexhmie Hoxha... Keta me teper e me keq seç i kane bere Shqiperise nuk kane me mundesi te bejne

[Duaje Siveten]

Gazeta Shqiptare, Feb 14, 2009

Blerje votash me çdo gjë shqiptare

Nga Bashkim Kopliku

Blerësi më i madh i votave në historinë shqiptare, po rezulton të jetë kryetari i PD-së, Sali Berisha (Ai). Blerja e parë e madhe që realizoi, ishte direkt: ajo me premtimin e faljes së tokës atyre që e kishin grabitur, në këmbim të votës në zgjedhjet e korrikut 2005. Blerja e dytë ka tre vjet që ka nisur, është indirekt: po u shpërndan të huajve çdo pasuri shqiptare të mundshme, që të blejë votat e shqiptarëve (më poshtë do ta shpjegojmë sesi). Ka rëndësi vendimtare për Shqipërinë, sesa nga ata votuesit e “19%-shit” të të pavendosurve që identifikoi ai sondazhi amerikan i Zogby, ai i shpalluri më 10.2.2009, do të arrijë të mashtrojë deri në zgjedhjet e 28 qershorit 2009?!

Blerja direkt

Kemi shkruar shpesh për blerjen e parë të madhe të votave, atë të vitit 2005, atë me tokat tona. Në zgjedhjet e vitit 2005, së paku 20-22% pikë përqindjeje nga 42% të votave që mori berishizmi, i pati nga “grabitësit e tokave”: disa nga të ardhurit rreth qyteteve tona. E thënë më ndryshe, gjysmën e votave e pati nga ata të cilëve u premtoi t’ua falë tokat që kishin grabitur—apo më saktë, u premtoi që t’i bënte pronarë të tokave, duke paguar një shumë simbolike krahasuar me çmimin e tregut.

Në këtë shkrim vetëm po ju kujtojmë se edhe grabitësit e tokës po i mashtron Ai: gjatë këtyre 4 vjetëve nuk ua mbaroi legalizimin e tokës së grabitur, që t’i mbajë varë, që ata t’i japin votën prapë, në zgjedhjet e 28 qershor 2009. Po ua bën siç ua punoi dhe pronarëve të vjetër të tokave, apo edhe ish-të përndjekurve, të cilët i mbajti varur nga 1992 deri në zgjedhjet e vitit 1996, e tani prapë varur i ka.

Blerja indirekt

Këto katër vjet Ai ka filluar blerjen indirekt e votave. Ajo funksionon si vijon. Ai po i blen disa të huaj, duke u dhënë çdo gjë të mundshme shqiptare, fizike a morale, çdo gjë që mund të ketë vlerë për ta. Synon që ata të lobojnë për të, për Atë, pranë qeverive të tyre, që qeveritarët e huaj ta presin dhe përcjellin Atë. Shpreson që t’u rrëmbejë votën disa shqiptarëve që impresionohen nga “dashuria” e madhe” që paskan miqtë tanë të huaj, për udhëheqësin tonë të lavdishëm.

Nuk janë pak ato gjërat tona që Ai po u jep përditë të huajve

Po u jep ajrin, ambientin, që të huajt ta ndotin me termocentralet, fabrikat e tyre të ndërtuara këtu tek ne, edhe fare pranë qyteteve tona. Bëhet fjalë për të drejta investimesh që janë aq helmuese, saqë popujt e tyre nuk i lënë t’i ndërtojnë në asnjë cep të humbur të vendeve të tyre.

Po u jep të drejtën për të ndërtuar rrugët tona e investimet e tjera publike tonat, duke u paguar firmave të huaja shumë më shumë se vlera e tregut për kryerjen e atyre punimeve.

Po u jep informacione “miqve” të tij të huaj, që ata të na blejnë tokën lirë në vendin që u tregon Ai, që pastaj t’ua shesin shtrenjtë investitorëve që do të vijnë të investojnë po tek ai vend që u ka caktuar ai.

Po u jep tokën tonë me “1 Euro”, duke na prishur dhe tregun e tokës me këtë dumping (ulje e çmimit të tokës duke futur në treg tokë me çmim shumë të ulët).
Po i lë të qetë ata që kanë grabitur pronat e çamëve dhe të drejtat qytetare të tyre (nënshtetësia etj.). Kryeministri shqiptar nuk këmbëngul që shqiptarëve çamë t’u kthehen ajo që u takon, siç e ka detyrë çdo kryeministër normal.

Po u jep të huajve historinë e popullit shqiptar, duke u dhënë varreza monument në vende që gjithnjë kanë qenë shqiptare, ku ata të huajt kishin shkelur veç si pushtues; po u jep të drejtën të ngrenë flamujt e tyre kudo në vendin tonë, duke lejuar të vënë vula mashtrimesh historike nëpër Jugun e Shqipërisë.

Lista e gjërave që Ai, kryeministri, po jep për të blerë të huajt është pafund: nuk besojmë se në Evropë ka një të dytë. Si rezultat, ka arritur jo pak “suksese”. Disa nga sukseset e tij, edhe po përmenden konkretisht nga masmedia. Por ka shumë blerje të huajsh që nuk shihen direkt, por që u duket qartë tymi—”ku ka za (tym), nuk asht pa gja (zjarr)”.

E tymi i blerjes së të huajve nga Ai, duket për kë do ta shohë. Duket kur një ministre e një vendi të Bashkimit Evropian, premton se do të “monitorojë zbatimin e ligjit antikushtetues të Atij”, në vend që të thotë troç: ligjin e ke antikushtetues, e nuk mund të zbatohet, as me monitorim, prandaj duhet ta shfuqizosh.

Duket tymi i blerjes së të huajve, kur sheh në ekran të rroken e zgërdhihen me atë, me një njeri që ata e dinë mirë se kush është, një që shkeljet e tija të demokracisë i ka pafund: që nga ato të shkeljes së çdo rregulli minimal të demokracisë në partinë e vet, e deri tek shkeljet e Kushtetutës me ligjet e tija.
Por shyqyr që ka mjaft të huaj që nuk po i blen dot Ai: i pamë dy nga ata këto ditë: dy komisionerët e Këshillit të Evropës, ata që ikën të lebetitur nga Shqipëria, më 10.2.2009, duke thënë se me Atë nuk merresh vesh dot.

Ai shpreson se do të rrejë shumë shqiptarë me këto maskaradat e tij me të huajt.

Dilemat dhe shpresat

Por sa do të rrehen votuesit shqiptarë nga propaganda e “sukseseve” të kryeministrit të tyre? Sa do të jetë vota që do të marrë Ai në 2009-n? Derisa do të arrijë ai “30%-i” i tij i sotëm? (E kemi fjalën për të dhënat e sondazhit amerikan të Zogby).

Ai duket se prapë i ka siguruar 20 pikë përqindjeje nga blerja direkt e votave me faljen e tokës së grabitur. I ka siguruar dhe nja 5 a 10 pikë përqindje nga militantët e tij të pandarë. Problemi është sesa do të marrë akoma Ai nga 19% e shqiptarëve që rezultojnë të pavendosur.

E ardhmja Shqipërisë do të varet nga ata “19%” e pavendosur që do të mashtrohen nga pamja e takimeve me të jashtmit, e Atij, kryeministrit. Sa do të jetë e ngulitur “sindroma Zani” tek ata? E kemi fjalën për Zanin, atë kriminelin e Vlorës që shumë qytetarë e respektonin se e takoi “kryeministri i Italisë”, paçka se e dinin mirë se çfarë zullumesh nuk kishte lënë pa bërë në qytetin e tyre?

Shpresojmë se shumë pak nga ai “19%-shi” do të mashtrohen nga Ai, bile shpresojmë se dhe ai 30% do të ulet më tej, meqë do të kuptohet së fundi nga shumë shqiptarë, se ai i mashtron të gjithë, thjesht për obsesionin (babëzinë) e tij për pushtetin.

[Brari]

Kopuku Koplik ka goj e flet per grabitje tokash..

kulmi..

Ka toka e Toka..

Toka me me vlere qe kishin shqiptaret ishte ai 2-3 kilometershi plazh ur-dajlani-plepa.. ne durres..
aty i ngrati shqiptar i ngrohu mullaqet varferisht por njerezisht ne epoken zogiste dhe enveriste..

Sigurisht qe bashin e atij plazhi.. e gezuan polit- biroja e komitet qendrori me kelisherine e tyre.. por ish nje pjese goxha e plazhit qe ishte i te gjithve.. dhe aty ki popull ju gezua per nja 70 vjet (20 po themi nen zog e 50 nen enver) kumit(reres) detit e ajrit te paster..
kush me kembe kush me biciklet e kush me bus e kush me tren.. ja mbrriti ta shijoje te vetmen mrekulli qe kish shqiperia.. pra plazhin.. me familje a me shoqeri..
Ki plazh ishte i te gjithve nga pak.. e i askujt ne pronesi.. pra nje plazh shteteror a popullor ..ska rendesi..
Rendesi ka qe kush desh vajti e me aq sa mundi e gezoj pak vehten e femijet e vet..
Vjen nje dite.. dhe ki plazh uzurpohet e nuk eshte me i te gjithve.. e i askujt.. por behet eldorado per nje falang gangsteresh e mafiozesh.. dhe ashtu po vazhdon..
E merit ne kte poshtersi kombetare qei behet te varfrit shqiptar kan shum politikan e shtetare por njeri eshte NJESHI ne kte maskarallek..
E ki eshte pikerisht Kryetari i Durresit ne epoken kur filloj e mbaroj kjo menxyre.. pra bashkim kopuk kopliku.. i cili e mbrojti kte uzurpim te felliqur anti popullor.. edhe si kryetar i durresit por dhe si minister i rendit e zv kryeminister..
Pista e famshme e plazhit qe ishte e te gjithve.. u be e bodigardeve te Koplikut e ashtu vazhdon..
Kampi i mirnjohur i puntoreve e hapsirat rreth tij plot gjelberim e drit e ajer e palma qeishin te te gjithve mund te themi u bene e vazhdojn dhe sot te jene prone e bodigardeve te bashkimit.. pra prone e mafiozeve.. te ashtuquajtur vellezrt Hasanaj..
Po ashtu ne duar xhahilesh e vandalesh perfunduan krejt objektet e hapsirat e plazhit popullor.. te dikurshem nen kujdesin e mbrotjen direkte te Kopukut Bashkim..
Dhe masakra mbi vet qytetin 3000 vjecar.. pra mbi durresin e lashte filloj gjithashtu me bekimin e ketij te cmenduri e faqeziu kur ky pis tradhetoj voten e qytetareve te cilet e ben gabimisht kryetar te bashkise....

Tani ky matuf hipokrit ka gjetur "qish te falet" te anekset e ZP-se sikurse shqip e gsh te bollinos..

Prandaj ki pis eshte i pavlere ne cfardo qe shkruan tash kaq vjet ne gazetat mafioze te bollinos se edvinit.. te nexho ramizit..

Po le te shkruaj sepse poplli don te dije se c'thurin e c'kavardisin palacot.. sikurse lloji koplik..

thx josif qe na e solle koplikun.. mikun e sigurimsave enverist..


Per inat te koplikut Sala po ecen perpara..
Ai po nderton e rroga po shton.. per popullin e tij.. nga kukesi ne delvine.. qe i beson dhe e vlereson puntorin e palodhur.. sali Berisha..


--




POLITIKË

Berisha:

Boshti Qendror i Jugut do të jetë projekti më madhor i mandatit të dytë të qeverisë time
14-02-2009 /

Gazeta 55



Ne vijim të turit të përurimeve të disa veprave publike në rrethin e Beratit, Kryeministri Berisha inauguroi sot përfundimin e urës së re të Gorricës investim i qeverisë me vlerë 200 milionë lekë. Ura me gjatësi 220 m dhe gjerësi 22 m, dhe që përbën veprën e parë për Boshtin Qendror të Jugut, është ndërtuar sipas parametrave bashkëkohore, me katër korsi dhe me trotuare. Kryeministri Berisha shprehu kënaqësinë e madhe që ky premtim u shndërrua në realitet brenda një kohe të shkurtër. Duke iu referuar investimeve në rrethin e Beratit, Kryeministri Berisha tha se çdo banor i këtij rrethi kur bën analizën e tij del në përfundimin se “Berati po ndryshon” por theksoi se ndryshimin më të madh ky rreth do ta ketë me ndërtimin e Boshtit Qendror të Jugut. Kryeministri shprehu vendosmërinë dhe angazhimin e qeverisë për nisjen e Boshtit Qendror të Jugut brenda këtij viti, duke e cilësuar atë si projektin më madhor të mandatit të dytë të qeverisë së tij.

Gjatë takimit me banorë të Beratit Kryeministri Berisha u shpreh:

Është një nder i veçantë për mua të ndaj me ju sot gëzimin e inaugurimit të urës së re të Gorricës, të cilën ju qytetarët e Beratit e keni pritur me padurim prej shumë e shumë vitesh. Kam kënaqësi të madhe që këtë premtim e shndërruam në realitet për këtë qytet të mrekullueshëm dhe qytetarët e tij. Dua të falënderoj kompaninë Salillari dhe presidentin e saj për punën me përkushtim që ka bërë për ndërtimin e kësaj vepre jetike për funksionimin e qytetit tuaj si dhe për përfundimin e saj para afatit.

Unë sapo inaugurova fillimin e punimeve për rrugën hyrëse të qytetit investim prej mbi 5 milionë euro ndërsa 2 milionë euro është investimi në këtë urë. Së bashku pak muaj më parë festuam shpalljen e Beratit trashëgimi kulturore botërore. Unë jam i bindur se çdo qytetar i Beratit kur ndalet dhe analizon këto zhvillime në qytetin e tij fjala e parë që i vjen ndërmend është se; “Berati po ndryshon”. Se sot Berati është pasuri e mbarë njerëzimit. Berati po ndryshon dhe do të ketë një hyrje të re moderne , Berati po ndryshon sepse të dy pjesët e tij lidhen me një urë nga më të bukurat, Berati po ndryshon se në komunat e tij po asfaltohen rrugët po ndërtohen shkolla të reja ujësjellës, por Berati është në fillimin e ndryshimit pasi ndryshimet e mëdha Berati do t`i ketë me ndërtimin e Boshtit Qendror të Jugut. Jam këtu sot për t`ju dhënë fjalën se Boshti Qendror i Jugut do të fillojë ndërtimin që këtë vit dhe se ky do të jetë projekti më madhor i mandatit të dytë të qeverisë sime.

Boshti Qendror i Jugut e shndërron Beratin ashtu siç e kanë ndërtuar gjyshërit dhe të parët tuaj, në një nga epiqendrat e fuqishme të zhvillimit të vendit. Boshit Qendror i Jugut afron Beratin, Tepelenën, Sarandën dhe Gjirokastrën rreth 70 km me Tiranën. Ndërtimi i tij do të nisë gjatë vitit 2009, por ne nuk mendojmë vetëm për Beratin dhe qendrën e tij apo autostradat dhe akset kombëtare, ne po mendojmë për çdo rrugë dhe rrugicë të këtij vendi. Tani sapo inaugurova një rrugë në Poshnje dhe shumë rrugë të tjera që janë në ndërtim e sipër në Poshnje, Kutalli, Cukallat, Lapardha dhe së shpejti po këtë vit do të nisë ndërtimin rruga e Bogovës dhe rruga e kanioneve dy rrugë të rëndësishme turistike jo vetëm për Beratin, por për mbarë Shqipërinë. Berati u bë bukuria e mbarë njerëzimit në këtë mënyrë dhe së bashku me Shqipërinë me dinjitet të madh më 3 prill bëhen anëtarë me të drejta të plota në NATO, realizojmë kështu një nga projektet më të mëdha në historinë tonë kombëtare. Berati do të ketë universitetin e tij të merituar.

Një projekt tjetër i madh ku Berati do të jetë një nga qarqet më kryesore është projekti i ullirit. Qeveria ime ka zgjedhur pas Boshtit të Jugut si projektin e dytë më të madh kombëtar mbjelljen e 20 milionë rrënjëve ullinj të reja. Ne do ta bëjmë këtë sepse ne shkojmë drejt integrimit evropian dhe nëse ka një prodhim nevoja për të cilin ndoshta nuk do të plotësohet dhe që do të ketë gjithmonë një treg të madh do të jetë ulliri dhe produktet e tij. Ndaj dhe ne kemi nisur punën. Berati dhe komunat e tij janë një nga epiqendrat kryesore të prodhimit të ullirit dhe ne llogarisim që të jetë epiqendra më kryesore e projektit të madh kombëtar.

Të dashur qytetarë dhe qytetare të Beratit!

Javët e fundit kryetari i Partisë Socialiste ka vendosur prapa shpinës së tij fjalën ndryshim. Dua ta falënderoj, por problemi qëndron se ky ndryshim është ura për Beratin, ndryshim është Berati, trashëgimia botërore, është hyrja madhështore e Beratit që po ndërtohet, ndryshim është Boshti i Jugut. Ndryshim janë shkollat e reja, rrugët që asfaltohen, ujësjellësit që ndërtohen, kanalizimet që sistemohen, nuk janë mashtrimet që kryetari i Partisë Socialiste bën. Ai e ka konceptuar ndryshimin si mashtrim dhe sharje . Nga këtu dua t`i them se ‘ndryshimi i tij’ ka fatin e brymës në gjethen e një peme që e shkrijnë rrezet e para të diellit. Dhe ndryshimi i ynë do ta shkrijnë që në orët e para të mëngjesit ‘ndryshimin e tij’ dhe do ta nxjerrë zotin Rama ashtu siç del ai vetë. Duke e mbyllur këtë fjalë dua t`ju them se sot është një ditë e veçantë, është 14 shkurti, dita e dashurisë së njeriut. Unë shfrytëzoj rastin t`i uroj qytetarët e Beratit dhe të gjithë qytetarët shqiptarë për këtë ditë të virtytit dhe dhuntisë së njeriut që e bën atë dhe shoqërinë më njerëzore, më të bukur, më të fortë, më shpresëdhënëse se të gjitha të tjerat. Ju uroj të gjithëve dashuri për mikun e mikeshën e vet, për bashkëshortin, bashkëshorten, për të dashurin për të dashurën. Uroj këtë vit dashuri për ju dhe për mbarë shqiptarët. Ju falënderoj dhe ju siguroj se premtimet e mia do të realizohen një për një.

[Maars]

Vjen nje dite.. dhe ki plazh uzurpohet e nuk eshte me i te gjithve.. e i askujt.. por behet eldorado per nje falang gangsteresh e mafiozesh.. dhe ashtu po vazhdon..
E merit ne kte poshtersi kombetare qei behet te varfrit shqiptar kan shum politikan e shtetare por njeri eshte NJESHI ne kte maskarallek..
E ki eshte pikerisht Kryetari i Durresit ne epoken kur filloj e mbaroj kjo menxyre.. pra bashkim kopuk kopliku.. i cili e mbrojti kte uzurpim te felliqur anti popullor.. edhe si kryetar i durresit por dhe si minister i rendit e zv kryeminister..
Pista e famshme e plazhit qe ishte e te gjithve.. u be e bodigardeve te Koplikut e ashtu vazhdon..
.

Shume mire Servilo, qenke edhe ti pak lucid per shkaterimet e pakthyeshme qe ju PDet i keni bere dhe po i beni ketij vendi.
Jemi dakort besoj se nqs do te kishim vertete nje qeveri te ndershme qe e lufton korrupsionin, keta tipa si puna e Koplikut nuk do te livadhisnin te lire por do te ishin ne burg tani, apo jo ?

[Kavir]

Ndoshta nuk eshte tema me e pershtatshme po sidoqofte....
Gjithmone tek njeriu krahas ideve egoiste jane zhvilluar idete altruiste. Idete egoiste kane qene pothuajse gjithmone dominante. Megjithate ne periudha te ndryshme kane nxjerre koke idete altruiste. Dhe meqenese idete altruiste kane qellime te kunderta me pushtetin absolut dhe pasurine e pakufishme, atehere keto ide gjithmone jane perbuzur, perbaltur dhe mallkuar nga pushtetmbajtesit.
Ndoshta mund t`ju duket e habitshme, por idete qe me vone do te quheshin "komunizem" i kane fillesat e tyre shume shume heret (kuptohet ne forma shume me te pazhvilluara).

Nje nga rastet psh eshte nje personazh "djallezor" tek Shah Name-ja qe ishte keshilltar i mbretit (shahut) i cili gjate nje zie buke, hap hambaret e mbretit dhe shperndan drith falas.
Per me teper ky keshilltar i jep pak a shume keto keshilla mbretit:

Burimi i gjithe te keqijave te botes eshte zilia dhe lakmia. Atehere shperndaji te gjitha tokat dhe te gjitha pasurite ne menyre te barabarte per te gjithe dhe atehere nuk do kete me zili dhe si rrjedhim te gjithe do jene te lumtur dhe nuk do kete me te keqija.

Kuptohet ide te tilla ne kohen e mbreterve-perendi ishin sakrilegj, keshtuqe ky personazh del nje personazh negativ dhe keqdashes. Biles i vishet edhe ideja qe tek "shperndarja" hynin edhe grate. Ndoshta edhe kjo mund te kete qene ide e tij (fundja edhe lakmia per femren eshte e fuqishme) por ndoshta edhe i eshte ngjitur qellimisht (ashtu sic e njejta gje u tha edhe per komunizmin qe i "do na bashkoje grate ne kooperative"). Dhe ky personazh eshte shume i urryer edhe nga islamiket.

Kemi pastaj edhe rastin e vellezerve Tiber dhe Gaj Grak qe kishin pak a shume ide te ngjashme dhe qe i masakruan dhe i hodhen ne lume.


Dhe vijme tek Krishterimi. Perseri ne fillimet e tij ka te njejtat ide. Por vetem ne fillimet ama. Shume shpejt u pa qe ndikimi qe kishte dogma e krishtere tek njerezit ishte e fuqishme. Dhe kur nje dogme behet e fuqishme, eshte e sigurte qe shume shpejt kjo dogme do shfrytezohet nga njerez qe duan pushtet dhe pasuri. Dhe sigurisht qe kjo ndodhi edhe me Krishterimin. Dhe kjo dogme nga frymezuese e lirise, solli bujkroberine, nga frymezuese e paqes solli luften vellavrasese, nga frymezuese e mirekuptimit dhe tolerances u be nje nga me fanatiket dhe me tiraniket. Nga idealizuese e pushtetit shpirteror u dha me mish e me shpirt pas pushtetit me tokesor qe mund te ekzistoje: Pushtetit Perandorak dhe Financiar.

Pak a shume e njejta gje vlen edhe per Islamizmin. Vetem se me nje ndryshim te vogel. Islamizmi e mori pushtetin ne duart e veta kur ishte akoma i "shendetshem" (dmth s`ishte virusuar akoma) si rrjedhim ne fillim solli lulezim te shoqerise, ekonomise, shkencave, filozofise dhe pjeserisht edhe te arteve (them pjeserisht sepse disa fusha arti si piktura dhe sidomos skulptura ishin te ndaluara). Por shume shpejt edhe kjo fe, u shnderrua ne po te njejten forme si feja pararendese.

Me lulezimin e Rilindjes, rilinden serish te njejtat ide, me emrin Humanizem, qe shume shpejt "dha fryme", dhe u rikthyen serish idete e vjetra qe arriten kulminacionin me Inkuizicionin.
Dhe pikerisht ky i fundit i rilindi keto ide me fuqishem dhe me konkrete se kurre me pare me Iluminizmin.
Dhe per here te pare ne Histori, (per arsye te ndryshme) idete altruiste e thyen "rregullin e arte" te "levizjes paqesore" dhe perdoren dhunen kunder dhunes, terrorin kunder terrorit, vrasjen kunder vrasjes. Historia e njeh me emrin Revolucioni Francez. Ky ishte edhe gjyshi i Komunizmit.
Ndonje shekull me vone, lindi Nena e Komunizmit, Komuna e Parisit qe i dha edhe emrin Komunizmit.

Pika kulminante arriti me Marksin, qe mori stilokalemin dhe beri jo vetem analizen e sistemit te kohes, por ndryshe nga idete para-komuniste me ide paksa abstrakte dhe jo fort te qarta, projektoi rrugen dhe metoden qe keto ide te vinin ne pushtet.

Dhe vertet komunizmi erdhi ne pushtet. Komunizmi u be i fuqishem. Dhe ashtu si islamizmi, ne fillimet e tij solli zhvillime shume te shpejta kulturore, shoqerore, ekonomike, shkencore etj etj. Por komunizmi nuk mund t`i shmangej historise. Historia gjithmone njeh perseritje.
Dhe komunizmi ndoqi rrugen e pararendesve te tij. U shnderrua ne anti-komunizem. Dhe ndersa vazhdonte te propagadonte te njejtat vlera, praktikisht realizonte anti-vlera. Dhe kjo eshte pse ka aq vlera thenia e Havelit per "komunistet anti-komuniste".


Ah, po harrova, kemi edhe nje rast tipik qe nga Antikiteti. Demokracine e Athines se Solonit. Dhe ne cfare u shnderrua kjo demokraci? Ne ate lloj sistemi qe denoi Sokratin me vdekje. . Edukatori me i madh, atdhetari i flakte dhe sinonimi i ndershmerise u akuzua dhe u ekzekutua nga hajdutet, matrapazet, tradhetaret, hipokritet dhe te paskrupujt denuan Sokratin per shthurje te rinise dhe sidomos tradhetar te Athines. Njeriun qe preferoi te pinte helmin sesa te largohej pergjithmone nga qyteti i tij.

Tani sigurisht qe lind pyetja: C`lidhje ka kjo me temen?
Ka ate lidhje qe kur Marksi deklaronte "Feja eshte opium per masat", ndoshta duhej te shtonte qe edhe deklaratat e bujshme per "demokraci, barazi, drejtesi" (dhe shpesh edhe deklaratat "patriotike" dhe "nacionaliste") hyjne tej "feja".
Ajo qe Marksi nuk donte ta besonte eshte qe masat gjithmone do e pine me kenaqesi kete opium. Ndoshta ato "zemerohen" kur pine per shume kohe te njejtin opium, po mjafton te nderrojne "mallistin" dhe qetesohen.


Prandaj edhe tema ndoshta duhej titulluar "Pushtetaret triumfuan serish".
Po fundja c`te re na tha?