Strategjia e ullirit diskutohet në qytetin e Vlorës nga ministri i bujqësisë Jemin Gjana i cili deklaroi në prani të fermerëve dhe drejtuesve të bujqësisë në këtë rreth se do të mbillen rreth 50 milionë rrënjë ulliri.
VLORE- “Do të kemi 50 milionë rrënjë ulliri kryesisht në 25 rrethe të vendit, kjo do të ndodhë së shpejti” Ka qenë kjo deklarata e ministrit të Bujqëisë Jemin Gjana gjatë një takimi me fermerë dhe drejtues të bujqësisë në këtë rreth, lidhur me strategjinë e mbjelljes së ullirit në vend. Por gjatë të gjithë fjalimit të tij entuziast për kultivimin e ullirit në sasi të mëdha, Gjana nuk ka shpjeguar se cilat janë kostot, cilat janë zonat e përcaktuara për këtë projekt të qeverisë dhe as se sa do të jetë kohëzgjatja e një procedure të tillë. Madje Gjana ka përqëndurar vëmendjen vetëm në faktin se aktualisht kemi 5 milionë rrënjë ullir në të gjithë vendin, por se si do të ndodhë që në të ardhmen Shqipëria të ketë 50 milionë rrënjë ulliri, vetë ministri ka refuzuar t’iu përgjigjet pyetjeve të korrepsondentit tonë në Vlorë.
Ministri i Bujqësisë Jemin Gjana e ka mbyllur fjalimin e tij me fjalët “Jemi të vendosur, pavarësisht skeptikëve, të garantojmë suksesin në kultivimin dhe prodhimtarinë e ullirit. Strategjia që kemi përpiluar do të finalizohet së shpejti me një vendim qeverie”. Ndërkohë publiku i gjerë nuk është njohur aspak me detajet e kësaj strategjie. (a.r/news24/balkanweb)
Se Shpejti do kemi me shume rrenje ulliri sesa banore ne Shqiperi. Urraaaaa
Krijoni Kontakt