Cmimi i naftes arrin kulim historik

[ganoid]

Cmimi i naftes arrin kulim historik, nje fuqi 37 dollare
Cmimi i nje fuqie nafte dje ne tregun nderkombetar ka rritur kulmin me 37 dollare, duke shenuar nivelin me te larte te pakten ne 5 vitet e fundit. Shkak per kete, sipas medjave nderkombetare mesohet te jene efektet qe po shfaqen ne ekonomi prej sulmit te pritshem te SHBA-se mbi Irak. Keshtu per gjashte muaj cmimi i nje barrele nafte eshte rritur me rreth 11 dollare, duke u bere shkak per nje krize globale. Ne Shqiperi kriza nuk eshte shfaqur me te gjithe permasat e saj, porse cmimet e naftes variojne mesatarisht ne 80 leke per liter nga 75 leke qe kane qene ne fillim te janarit. Kjo rritje qe parashikohet te shoqerohet me zhvillime te reja gjate diteve ne vazhdim pritet te ndikoje ne rritjen e pergjithshme te nivelit te cmimeve ne tregje. Ne precedent i tille u verejt ne vitin 2002 ku per shkak te rritjes se cmimit te naftes ne tregjet nderkombetare nje liter nafte ne vendin tone kushtoi me shume se 90 leke.

......

[Dita]

Kam lexuar se ekziston frika qe mund te shkoje si pasoje e luftes qe pritet te filloje deri ne US $ 100

[ganoid]

Dita !
Nuk ma do mendja qe te arrihet ne nje lajthitje te tille deri ne 100 dollare fucia, por mesa di une cmimi do te rritet akoma deri sa te filoje lufta. Per kete, nje pjese e mire e shteteve evropiane qe kundershtonin kete lufte ne takimin e jashtzakonshem se EU te gjithe qe ishin kundra votuan pro cuarjes se NATOs ne Turqi (me perjashtim te Frances). Pra mendoj se ka dy rruge ose te filloje lufta tani shpejt ose te hiqet dore nga lufta sa me pare.
Mendoj se kjo e para ka per te ndodhe, pasi veshtire ta ktheje kush Bushin tani.

Te shpresojme ne sa me pak gjakderdhje dhe dhimbje!

[Dita]

ishte dicka e lexuar ne gazeten franceze Le Figaro, date 15 shkurt.


Linkun per tek artikulli mund ta gjesh si me poshte

http://www.lefigaro.fr/eco_monde/20030214.FIG0081.html



Fragmenti ne fjale:

Saddam Hussein, dit-il, «pourrait recourir à la destruction des puits de pétrole irakiens... et de ce fait les réserves stratégiques seront réduites... Le baril pourrait alors atteindre entre 80 et 100 dollars».

Perkthyer:

Sadam Husein, thote ai (*) "mundet te realizoje shkaterrimin e puseve irakene te naftes...ne kete menyre do te pakesoheshin rezervat strategjike...Cmimi per fuci atehere do te mund te levizte midis 80 dhe 100 dollare".



(*)Keto fjale i thote Ahmed Zaki Yamani, ministri saudit per naften, njekohesisht nje prej bashkethemeluesve te OPEC.

[Estella]

Edhe ne Amerike eshte vene re kjo dukuri, rritja e cmimit por nuk ka ndonje rritje te madhe. $3-4 me shume per mbushjen e makines. Njerzit kane filluar te ankohen dhe ky subjekt eshte dikutuar ne shume gazeta ditore Amerikane.

[Genti^Itali]

Kufizimi i ofertës shkakton rekorde të reja në çmimin e naftës. Priten rritje të mëtejshme të çmimit.

Nafta, rekordi prej afro 52 USD


Florian Papadhimitri

Rekorde të reja ka shënuar gjatë ditës së djeshme çmimi i naftës në tregjet ndërkombëtare duke shkaktuar një shqetësim të madh për ekonominë botërore. Ditën e djeshme rekordin e parë e ka dhënë bursa e Nju Jorkut, ku gjatë orëve të fundit të punës një fuçi naftë u kuotua me mbi 51 dollarë. Informacionet e marra në faqet zyrtare të agjencive të informacionit dhe atë të tregjeve ndërkombëtare bëjnë të ditur se çmimi i një fuçie naftë në Nju Jork dje ishte 51.49 dollarë dhe se ky çmim do të pësojë rritje të mëtejshme në ditët që vijojnë. Rekordi i djeshëm vjen nga ai prej 51.29 dollarësh, që “u vendos” ditën e martë. Përveç rritjes në Nju Jork, çmimi i naftës ka sjellë shqetësime edhe në bursën e Londrës ku një fuçi me naftë bruto kapi rekordin prej 47.15 dollarësh. Një ditë më parë, çmimi i fuçisë në të këtë bursë ishte 46.93 dollarë. Rekordi i Nju jorkut vjen pas 21 vitesh dhe është thyer ditën e martë.
Arsyet e pasojat
Lëvizjet drastike të çmimit të naftës kanë ardhur si pasojë e ndryshimit të ofertës botërore. Kështu, kanë qenë lëvizjet e kërkesës dhe zhvillimeve të fundit (klimaterike) në Gjirin e Meksikës që sollën ndryshimet shqetësuese në tregun e naftës. Specialistët e ekonomisë, në komentet e tyre lidhur me lëvizjet e çmimit të naftës kanë shpjeguar se tani duhet të priten një sërë ndryshimesh që do të kenë karakter makro në ekonomi dhe do të ndihen nga të gjithë konsumatorët. Kështu, lëvizjet e fundit do të rrisin çmimin e naftës së përpunuar dhe hidrokarbureve që prodhohen prej saj. Me rritjen e çmimit të naftës së papërpunuar pritet që të ketë rritje të kostove të transportit dhe kosto më të larta për të gjitha kompanitë. Nëse kostot e kompanive do të kenë rritje të konsiderueshme, atëherë mund të kemi dhe shkurtim të vendeve të punës dhe rritje të çmimeve për konsumatorët. Në pak fjalë, analistët e ekonomisë thonë se “e gjitha kjo do të thotë rënie e ekonomisë botërore”.

27% e prodhimit ditor prej 1.7 milionë fuçish në ditë është ndërprerë.
Janë dëmtuar mbi 15 milionë fuçi prodhimi, ose rreth 2.5% të prodhimit vjetor të Gjirit të Meksikës.
Çmimi në Londër është rritur me 29 cent dhe ka shkuar në 47.42 USD për fuçi.
Çmimi në Nju Jork ka arritur në 51.49 USD

[Genti^Itali]

Importuesit: “Jemi të detyruar nga tregjet ndërkombëtare, nuk parashikojmë ulje të çmimit”

Nafta, 95 lekë për litër

Kompania “Fisheku” merr vendimin të shesë me 95 lekë naftën e importit dhe 90 atë të vendit

Florian Papadhimitri

TIRANË-Çmimi i naftës në vendin tonë ka pësuar rritje që varion nga 4-6 lekë dhe importuesit shtojnë se për momentin nuk parashikohet ulje e çmimit të naftës. Kështu, një prej importuesve të naftës në vend, ka bërë të ditur dje për “Shekullin” se kompania e tij ka marrë vendimin që nafta e importit të shitet me 95 lekë për litër, ndërsa ajo e vendit me 90 lekë. “Sot morëm vendimin që të rrisim çmimin e naftës”, -tha Lad Fisheku, një prej importuesve të hidrokarbureve në Shqipëri. Duke shpjeguar situatën në të cilën ndodhen importuesit dhe konsumatorët, Fisheku thotë se rritja e çmimit është e detyruar nga furnizuesit botërorë dhe se nuk parashikohet ulje e çmimit. “Në një takim që patëm me importuesit e tjerë, vendosëm që çmimi i naftës të rritet, dhe kjo do të bëhet nga të gjithë ne”, -deklaroi zotëruesi i kompanisë “Fisheku” sh.a. Përveç importuesit, është dhe sekretari i përgjithshëm i shoqatës së importuesve të hidrokarbureve, Viktor Nushi, i cili thotë se tashmë sasitë e naftës që janë blerë me çmimin e vjetër po mbarohen dhe së shpejti priten që të hyjnë anijet me ngarkesat e reja. Nga ana e tij, Lad Fisheku, tha se rezervat e kompanisë së tij janë drejt fundit dhe se çmimi i naftës do të rritet patjetër. “Po e ndjek situatën në tregjet ndërkombëtare, dhe ajo nuk premton asnjë ulje të çmimit”, -përfundon Fisheku. Importuesit e tjerë të pyetur mbrëmë nga “Shekulli”, dhe sekretari i përgjithshëm Nushi mendojnë se çmimi i radhës mund të jetë 97-98 lekë për një litër “D1” dhe 91-93 për “D2.
Kështu, dje është bërë e ditur se çmimi i naftës së cilësisë “D1” mund të pësojë një rritje deri në 97 lekë për litër, ndërsa cilësia “D2” rreth 5 lekë më pak, “por gjithmonë kjo do të jetë në varësi të ecurisë së tregjeve ndërkombëtare” thonë importuesit e naftës në vendin tonë. Aktualisht, që prej lëvizjeve të muajit gusht, çmimet e naftës në vend nuk kanë pësuar rritje. Kështu një litër “D1”, në pikat e shitjes me pakicë të Tiranës mund ta blesh me çmimin që varion nga 90-92 lekë, ndërsa naftën e cilësisë “D2” nga 83-87 lekë për litër.

[bebushe]

Aman kur do mesojne keta njerez te mos shpenzojne me nafte , makina me nafte ka sjellur tere keto probleme ne bote si dhe ndryshimet klimatike te koheve te fundit mother nature is giving us a warning , kur do fillojne te prodhojne makina qe nuk lejojne perdorimin e naftes keta ...

[Genti^Itali]

Petro: “Rezervat aktuale të naftës në vend nuk e kalojnë sasinë prej 6 milionë litra”.

Nafta, rezervat drejt fundit

Prodhimi ditor vendas, rreth 400 ton ndërsa rezervat e prodhimit vendas nuk kalojnë 1 milion litra

Florian Padhimitri

TIRANË-Sasia rezervë e naftës dhe benzinës në vendin tonë është drejt përfundimit dhe nuk premton për një përmirësim apo zbutje të krizës që ka përfshirë tregjet e të gjitha vendeve. Lajmin për përfundimin e rezervave të kompanive importuese dhe atyre të Ballshit e ka dhënë ditën e djeshme kryeinspektori i Inspektoriatit të Naftës Gazit dhe Nënprodukteve, Nako Petro, i cili tha dje për gazetën se shumë shpejt çmimi i një litri naftë do të arrijë afër shumës prej 100 lekë. Nako Petro thotë se nuk është specialist i tregut të hidrokarbureve, por ai shton se e njeh mirë atë dhe gjendjen aktuale të tregut shqiptar. “Duke parë ecurinë e tregjeve ndërkombëtare, dhe gjendjen e importuesve shqiptarë, e të rafinerisë së Ballshit, them se shumë shpejt çmimi i naftës do të arrijë afër 100 lekë”, -thotë Nako Petro. Duke folur për “Shekullin”, kryeinspektori bëri të ditur se rezervat aktuale të naftës në vend nuk e kalojnë sasinë prej 6 milionë litra, sasi kjo shumë e pakët. “Si njohës i tregjeve të naftës dhe kompanive të vendit, dhe nga informacionet që kam marrë, sasitë e rezervave të vendit janë rreth 5 milionë litra, apo diçka më shumë, por gjithmonë duke mos kaluar 6 milionë”, -thotë Petro, duke shtuar “se në këto rezerva përfshihen dhe sasitë e naftës që prodhohen në vend”. Lidhur me rezervat, Nako Petro bën të ditur se, duke marrë parasysh kërkesën e vendit, rezervat nuk premtojnë për ditët në vazhdim. “Rezervat janë një “hiç” dhe shumë shpejt konsumatorët do të përballen me çmimet e reja, të cilat imponohen nga tregjet e huaja”, -sqaron Petro. Lidhur me çmimet që janë deklaruar nga importuesit, kryeinspektori thotë se ato janë të imponuara nga furnizuesit e importuesve. “Mendoj se shumë shpejt një litër naftë D1 do të shitet me një çmim afër 97 lekësh, ndërsa D2 me një çmim prej 90-92 lekë”.
Prodhimi vendas
Prodhimi vendas vazhdon të ketë të njëjtën pjesë të tregut që ka pasur prej vitesh, por kjo është e pamjaftueshme që të shërbejë si një rregullues i tregut. Kështu nafta që prodhohet në rafineritë e Ballshit mbulon rreth 25 për qind të kërkesës së tregut për naftë, ndërsa pjesa tjetër mbulohet nga nafta që ka si prejardhje Detin e zi, Greqinë dhe një pjesë e vogël, Italinë. Kryeinspektori i ISHNGN-së thotë se prodhimi ditor i vendit është rreth 400 ton në ditë, dhe se rezervat me naftë vendi nuk e kalojnë sasinë prej 1 milion litrash. Nako shton më tej se këto parametra nuk mund të ndikojnë në treg për të mbrojtur konsumatorin nga kriza që duket shumë e afërt. “Prodhimi vendas mbulon 20-25 për qind të konsumit vendas, por kjo nuk mjafton që rafineria vendase të marrë pozitë monopol në treg me qëllim që të stabilizojë çmimin”, -ka bërë të ditur Petro. Për më tepër ai sqaron se “prodhimi ditor i naftës në vend është rreth 400 ton në ditë, sasi kjo shumë e vogël për kërkesën”. Përveç kësaj lidhur me rezervat e Ballshit, Petro bën të ditur se “mendoj se rezervat nuk e kalojnë sasinë prej 1 milion litrash, sasi kjo që nuk premton”.
Importi
Nako Petro thotë se çmimi i naftës së importit në rafineritë ku merret nuk është në të njëjtat nivele të bursës së Nju Jorkut apo Londrës, “por edhe në tregjet e Rusisë, çmimi ka pësuar rritje të ndjeshme”. “Në kostot e importuesve përveç çmimit që është rritur, duhet të shtojmë dhe kostot e transportit, të cilat për zonën e Detit të Zi janë rreth 25 dollarë për ton”, -sqaron Petro. Më tej ai shton se nafta në Rusi është më e lirë, por ka kosto për transport. “Nafta që vjen nga Greqia ka kosto transporti rreth 20 dollarë për ton, por çmimi i blerjes është më i lartë”, -përfundon kryeinspektori.

[Genti^Itali]

Brenda disa diteve u rit edhe 1 USD

Mungesa e ofertës, rritja e kërkesës dhe trazirat në Nigeri, shkaktojnë rekordin e çmimit të naftës

SHBA, nafta 53 USD


Shekulli

Kontrata tregtare e lidhur në bursën e Nju Jorkut për naftën e papërpunuar ka arritur për herë të parë në historinë e saj nivelin 53 dollarë për fuçi. Rekordi i ri është regjistruar që në orët e para të ditës së djeshme. Agjencitë e huaja të lajmeve informojnë se çmimi i një fuçie naftë u rrit menjëherë që në minutat e para të hapjes së bursës, ku vetëm pesë minuta pas hapjes, u regjistrua çmimi prej 52.92 dolllarë. Analistët kanë thënë për mediat e huaja se kjo rritje e çmimit të naftës ka ardhur si pasojë e shqetësimeve të konsumatorëve për furnizimet e naftës në stinën e dimrit në Shtetet e Bashkuara të Amerikës. Informacionet që bazohen në raportin javor të nxjerrë nga Departamenti i Energjisë bëjnë të ditur se rezervat tregtare të naftës së SHBA-së, që janë kritike për stinën e dimrit, kanë rënë me 1.2 milionë fuçi në 51.2 milionë. “Shqetësimi është rritur shumë në lidhje me nivelin e rezervave në Shtetet e Bashkuara. Ne jemi afër stinës së dimrit në një kohë kur kërkesa ka pasur rritje të dukshme, veçanërisht për benzinën. Nëse dimri i sivjetshëm do të jetë i ashpër mendoj se furnizimet nuk do të mjaftojnë”, -ka thënë Veronika Smart, që është analiste në Qendrën e Informacionit të Energjisë me bazë në Londër.
Nigeri
Në Nigeri sindikatat e naftës kanë filluar një grevë dyditore mbi planin e riorganizimit. Megjithëse kompania angleze “Shell” ka njoftuar se prodhimi nuk ka ndryshuar, greva ka ndikuar në rritjen e çmimit.
“Ne jemi në një territor të paeksploruar. Nuk ka shumë arsye për shitjen e naftës dhe ka shumë të tjera për ta blerë atë”, -ka deklaruar David Thurtell i Bankës Kombëtare Australiane. Çmimi i naftës ka kapur disa nivele rekord gjatë javëve të fundit, ndërsa furnizimet botërore nuk mjaftojnë për të përballuar kërkesat në rritje të SHBA-së dhe Kinës.

[Genti^Itali]

Dje kryetari i Autoritetit të Konkurrencës akuzoi importuesit se po përfitojnë padrejtësisht nga situata botërore

Çmimi i naftës, Preçi: Importuesit po abuzojnë

Preçi: “Fitime abuzive të operatorëve dhe cënohen interesat e qytetarëve e të ardhurat e buxhetit të shtetit”

Florian Papadhimitri

TIRANË-Çmimet e reja të naftës dhe benzinës janë abuzive dhe, importuesit vendas po abuzojnë me lëvizjet e tregjeve ndërkombëtare. Deklaratën dhe “akuzën” ndaj importuesve e ka bërë ditën e djeshme Zef Preçi, kryetari i Autoritetit të Konkurrencës, i cili ka thënë se kompanitë grosiste në Shqipëri po marrin atribute që nuk u takojnë, kjo lidhur me vendosjen e çmimit dhe rolin e rregullatorit në treg. Zef Preçi e ka bazuar deklaratën e tij në faktin se importuesit importojnë naftë të cilësisë së dobët dhe kjo naftë prodhohet nga vende që nuk janë pjesëtare të OPEC. Përveç kësaj, po dje Autoriteti i Konkurrencës ka ftuar Drejtorinë e Përgjithshme të Tatim Taksave dhe atë të Doganave që të ndëshkojnë abuzimet që janë në dëm të konsumatorëve. “Në emër të Autoritetit të Konkurrencës (institucionit të ngarkuar me ligj për ndëshkimin e abuzimit me pozitën dominuese në treg), paralajmëroj seriozisht drejtuesit e shoqatës së importuesve të karburanteve të mos abuzojnë me krizën botërore të naftës, të respektojnë detyrimet e tyre ligjore dhe të mos marrin atributet e rregullatorëve të tregut”, -ka deklaruar pasditen e djeshme Zef Preçi. Në letrën e tij Preçi sqaron se “këto atribute i ka dikasteri përkatës, domethënë Ministria e Industrisë dhe Energjitikës dhe është vetëm qeveria që bën politika sociale dhe mbron interesat e shtresave të ndryshme shoqërore që preken më shumë nga kjo krizë”. Duke folur për spekulimin, kryetari Zef Preçi bëri të ditur se “çdo përpjekje për të shprehur shqetësimin rreth krizës duke përcaktuar a priori çmimin e pritshëm të shitjes së karburantit nuk është gjë tjetër veçse një spekulim me krizën dhe abuzim me pozitën dominuese në këtë treg nga ana e shoqatës në fjalë”. Për të parandaluar abuzimin, Zef Preçi, në emër të institucionit që përfaqëson ka kërkuar ndihmën e autoriteteve doganore dhe tatimore. “Ftoj publikisht Drejtorinë e Përgjithshme të Tatim-Taksave dhe Drejtorinë e Përgjithshme të Doganave që të ndëshkojnë pa hezitim çdo abuzim me interesat e konsumatorëve si dhe të mbajnë parasysh që pjesa më e madhe e naftës që importohet në vendin tonë vjen nga vendet që nuk janë anëtare të OPEC-ut (organizatës ndërkombëtare të naftës) dhe me cilësi tejet të dyshimta”. “Kjo bëhet shkak për fitime abuzive të operatorëve të tregut dhe cënon dukshëm interesat e qytetarëve dhe të ardhurat e buxhetit të shtetit”, -bën të ditur Zef Preçi, duke shtuar se “kërkoj mirëkuptimin e medias audio-vizuale që në emër të informimit të evitojë abuzimin me këtë të fundit dhe shndërrimin e informimit publik në instrument të zbatimit të marrëveshjeve të dënueshme ndërmjet operatorëve për ndarje të tregjeve dhe fiksimin e çmimit të tregtimit të karburanteve”. Në fund të deklaratës së bërë dje, Zef Preçi ka ftuar personat që kanë informacion për abuzime të mundshme të denoncojnë. “Në emër të Autoritetit të Konkurrencës mirëpresim çdo denoncim dhe provë të marrëveshjes së ndaluar midis importuesve për ndarjen eventuale të tregut dhe fiksimin e çmimit, akte këto të dënueshme nga legjislacioni shqiptar për mbrojtjen e konkurrencës në treg”, -përfundon Zef Preçi.

[Genti^Itali]

Në Nigeri ka filluar greva në sektorin e nxjerrjes së naftës. Lindja e Mesme siguron për ulje të çmimit

Europë, nafta 53.4 dollarë


F.Papadhimitri

Çmimi i naftës së papërpunuar ka arritur një nivel të ri të lartë prej 53.42 dollarësh amerikanë në tregun e Europës. Po dje prodhuesit e naftës në Lindjen e Mesme kanë siguruar se do të bëjnë të gjitha përpjekjet për uljen e çmimit, por ndërkohë ka filluar greva në vendin më të madh të Afrikës. Tregtarët kanë shpjeguar se rritja e çmimit ka ardhur si rezultat i shqetësimit të mungesës së furnizimeve nga greva e fundit e zhvilluar në Nigeri, prodhimi i ngadaltë në Gjirin e Meksikës pas uraganeve që goditën rezervat e naftës së SHBA-së. Sekretari amerikan i Thesarit Xhon Snou ka njoftuar se ka marrë premtime nga vendet arabe të prodhimit të naftës se ato do të përpiqen për uljen e çmimit të naftës së papërpunuar duke rritur kërkesën. Organizata e Vendeve Eksportuese të Naftës, që përfshin vendin më të madh të prodhimit të naftës në botë, Arabinë Saudite, dhe eksportues të tjerë të rëndësishëm të Lindjes së Mesme kanë rritur kuotat e prodhimit ditor me 2.5 milionë fuçi në ditë.

[Genti^Itali]

Rrapaj: “Fermerët shqiptarë gjenden në pozita të vështira dhe nuk kanë punuar për vitin që vjen”

Nafta po falimenton bujqësinë

Qeveria miraton dhënien e 3 mijë ton naftë të prodhuar në vend me çmimin 52 lekë për litër

Florian Papadhimitri

TIRANË-Fermerët shqiptarë janë drejt falimentimit dhe shkak kryesor për këtë është çmimi i naftës në tregun vendas. Ashtu siç edhe është folur e ishte parashikuar që prej disa muajsh, fermerët shqiptarë gjenden në një situatë kritike për shkak të rritjes së çmimit të naftës. Kështu sipas specialistëve dhe përfaqësuesve të organizatave të fermerëve, shumë prej bujqve shqiptarë nuk kanë kryer aktivitet të rregullt gjatë muajve të kësaj vjeshte, dhe kjo për shkak të shtrenjtimit të naftës së importit dhe asaj vendase. Po dje, kryetari i Këshillit të Agrobiznesit Shqiptar deklaroi se “fermerët shqiptarë janë në një situatë kritike pasi ata nuk kanë pasur mundësi të punojnë gjatë këtij sezoni, dhe kjo do të thotë mungesë prodhimi për vitin që vjen”. Para disa kohësh përfaqësues të fermerëve shqiptarë i kanë kërkuar qeverisë që të krijojë lehtësira për këtë sektor duke paraqitur një projekt pilot që kishte si qëllim diferencimin e çmimit të naftës për makineritë bujqësore. Kështu gjatë gushtit të këtij viti në një konferencë për shtyp, Agim Rrapaj bëri të ditur se çmimet e rritura të naftës janë bërë pengesë serioze për zhvillimin dhe ecurinë normale të bujqësisë shqiptare. Shtrenjtimi i çmimit të naftës vuri në pikëpyetje realizimin e rritjes së parashikuar të këtij sektori dhe Agim Rrapaj bëri të ditur se qeveria duhet të realizojë një kontroll të çmimeve të karburanteve që përdoren nga ana e mekanikës bujqësore. Po gjatë ditëve të fundit të gushtit, përfaqësues të KASH deklaruan se me anë të një rregullimi të çmimeve të karburanteve do të bëhet e mundur që bujqësia vendase të krijojë kapacitetet e nevojshme për të qenë një nga sektorët dinamikë të ekonomisë.
Miratimi
Lidhur me këtë, kryetari i Këshillit të Agrobiznesit Shqiptar, Agim Rrapaj bëri të ditur mbrëmë për “Shekullin” se katër prej ministrave të qeverisë kanë firmosur dhe mbyllur procedurat për projektin pilot që do të vijë në ndihmë të fermerëve. Kështu, Agim Rrapaj ka bërë të ditur se deri në fund të këtij viti fermerët të cilët janë përfshirë në këtë projekt, do të furnizohen me naftën e prodhuar në vend e cila do t’u jepet atyre me çmimin 52 lekë për litër. “Katër ministra të qeverisë firmosën procedurat për lehtësira në sektorin e bujqësisë dhe tashmë disa prej fermerëve shqiptarë do të marrin naftë të prodhuar në vend me 52 lekë për litër”, -tha Rrapaj. Në prononcimn e tij, kryetari i KASH-it bëri të ditur se çmimit prej 58 lekë për litër i hiqet akciza prej 11 lekë dhe më pas, sipas llogaritjeve këtij çmimi i shtohen 5 lekë kostot me të cilat nafta do të arrijë në pikat e shitjes me pakicë. “Sasia e parë do të jetë rreth tre mijë ton, sasi e cila mendohet të mbyllë nevojat e fermerëve për këtë vjeshtë dhe punët deri në fund të këtij viti”, -deklaroi Rrapaj. Lidhur me sasinë e naftës që prodhon ARMO, për të cilën është vendosur se kush do të konsumojë, Agim Rrapaj sqaroi se ajo do të jetë e ngjyrosur dhe se nuk ka mundësi për të abuzuar me të. “Nafta e ARMO do të mbulojë rreth 33 për qind të territorit shqiptar dhe kemi parashikuar prandalimin e çdo abuzimi”, -tha kryetari i KASH-it. I pyetur se si do të veprohet me pjesën tjetër të fermerëve, Agim Rrapaj tha se kjo ngelet për t’u diskutuar gjatë debateve për paketën fiskale të vitit që vjen. “Studimi ishte vetëm për pjesën e sipërpërmendur, por ne do të kërkojmë gjatë debateve për paketën fiskale që të ketë lehtësira të mëtejshme për fermerët dhe sektorin e bujqësisë”, -bëri të ditur Agim Rrapaj. Projekti në fjalë përfshin fermerët e zonave Sarandë, Delvinë, Fushë-Krujë, Lezhë, Fier e Divjakë.

[ganoid]

Bie çmimi, OPEC kërkon rezervat e SHBA-së


F.Papadhimitri

Një raporti i publikuar dje në Shtetet e Bashkuara bën të ditur se çmimi i naftës ka pësuar rënie gjatë javës që po lëmë pas. Çmimi i naftës ka vazhduar të bjerë pas një rritje të paparashikuar të rezervave të naftës së parafineruar në SHBA. Një fuçi nafte është tregtuar me 51.8 dollarë në Nju Jork, ndërsa në Londër çmimi i saj ka qenë 48.7 dollarë. Rënia e çmimit ka ardhur si pasojë e rritjes së rezervave me naftë të parafineruar me katër milionë fuçi në javë. Ndërkohë, Purnomo Yusgiantoro, presidenti i Organizatës së Vendeve Eksportuese të Naftës dhe ministri i Energjisë dhe Minierave të Indonezisë, kanë bërë të ditur se i kanë kërkuar Shtëpisë së Bardhë të përdorë 670 milionë fuçi të Rezervave Strategjike të Naftës për të pasur ndikim në rënien e çmimit të naftës. Purnomo ka bërë të ditur se anëtarët e OPEK-ut kanë kërkuar gjithashtu një rritje të prodhimit për t’u treguar tregtarëve se ata nuk kanë mungesa të furnizimit. Lidhur me kërkesën që i është bërë Shtëpisë së Bardhë, presidenti Xhorxh Bush u shpreh me vendosmëri se Rezerva Strategjike e Naftës nuk do të përdoret për uljen e çmimit të saj.



29/10/2004

[Genti^Itali]

Angjeli bëri të ditur se përkohësisht mund të aplikohet akcizë fikse me qëllim rregullimin e tregut

Nafta, Angjeli: “Mund të vendosim akcizë fikse ”

Dje në mbledhjen e Këshillit Konsultativ të Biznesit është diskutuar mbi paketën fiskale 2005

Florian Papadhimitri

TIRANË-Tregu i naftës në vendin tonë mund të përmirësohet përsa i përket rritjes së çmimeve dhe të mos ndikohet shumë nga luhatjet në tregjet ndërkombëtare. Ka qenë ministri i Ekonomisë i cili gjatë mbledhjes së djeshme të Këshillit Konsultaiv të Biznesit ka bërë të ditur se po shikohet mundësia e “ngrirjes” së përkohshme të akcizës për karburantet, ose vjelja në norma fikse e saj. Anastas Angjeli ka bërë të ditur dje se ka pasur kërkesa të shumta gjatë këtij viti nga ana e importuesve të hidrokarbureve, por dhe subjekteve të tjera që të krijohet lehtësi në sistemin fiskal përsa i përket importimit të hidrokarbureve. Gjatë fjalës së tij në mbledhjen e djeshme që kishte si qëllim diskutimet mes përfaqësuesve të biznesit dhe hartuesve të paketës fiskale, ministri Angjeli tha se mund të merret parasysh ndryshimi i përkohshëm i akcizës, pasi kështu është vepruar dhe në vende të ndryshme gjatë muajve të fundit. “Mund të pranojmë aplikimin e politikave dhe propozimeve lidhur me akcizën e karburanteve”, -tha dje ministri i Ekonomisë. Lidhur me ndryshimin e akcizës, Anastas Angjeli tha se kjo mund të jetë e përkohshme, derisa të stabilizohet tregu. “Do të pranojmë një ngrirje apo aplikim të akcizës fikse për karburantet, kjo derisa të krijohet një situatë normale, për këtë kemi dhe shembujt e vendeve të tjera që kanë ndryshuar formën e vjeljes së akcizës”, -deklaroi Angjeli. Gjithsesi propozimi i ministrit të Ekonomisë ngelet thjesht një propozim derisa asgjë konkrete nuk është vendosur në politikat fiskale lidhur me sektorin e prodhimit, importimit dhe tregtimit të hidrokarbureve.
Paketa fiskale


Dje në mbledhjen e parë të Këshillit Konsultativ të Biznesit pas hartimit të draftit të paketës fiskale për vitin që vjen, përfaqësues të biznesit janë shprehur pozitivisht me iniciativat e marra për uljen e disa tatimeve. Kështu, Luan Bregasi është shprehur pozitivisht për vullnetin e paraqitur dhe debatet që janë bërë lidhur me paketën fiskale të vitit 2005. “Kemi kërkesa për ndryshime, por dua të vë në dukje se për herë të parë është vënë re një gjë pozitive, pasi është parë një vullnet i mirë dhe nga ana e hartuesve, ashtu dhe nga përfaqësuesit e biznesit për hartimin e dhe ndryshimin e politikave fiskale”, -tha dje Luan Bregasi. Lidhur me këtë, presidenti i Dhomave të Tregtisë së Shqipërisë ka përmendur faktin që është në paketën fiskale të vitit që vjen është ulur taksa e biznesit të vogël dhe shkallëzimi i taksave të shërbimeve. “Dua të vë në dukje se debati këtë vit ka qenë shumë konstruktiv dhe në ndihmë të biznesit shqiptar”, -tha Bregasi. Një kërkesë që ka pasur Luan Bregasi ka qenë ndryshimi i normës së tatimit mbi të ardhurat personale, pasi në paketën fiskale parashikohet që pagat mbi 40 mijë lekë të tatohen me 30 për qind. Përveç kësaj, kryetari i Dhomës së Tregtisë Tiranë ka kërkuar që të hiqen taksat doganore për lëndët e para që përdoren për prodhimin e mallrave në vend. Ministri i Ekonomisë dhe zëvendësministrja e Financave kanë bërë të ditur se propozime dhe ndryshime në paketën fiskale të 2005 priten derisa ajo të dërgohet për diskutim në komisionet parlamentare dhe Parlament.

[bebushe]

Me vjen keq si gjithmone tek ky forum vetem artikuj lexoj asnje koment

[White_Angel]

Tirane- Çmimi i naftës D2 shënoi dje nje rekord historik në tregun vendës, duke arritur në kuotën e 109 lekëve. ARMO e ofroi dje gazoilin me pakicë 88 lekë/litër; ndërsa me shumicë 85 lekë/litër; Subjektet private e ofruan gazoilin "D2" me 105-109 lekë/litër; "Eurodiezel" me 115-120 lekë/litër; Benzina u ofrua me 115 lekë/litër; ndërsa benzina pa plumb me120 lekë/litër.

Nafta që tregtohet në vendin tonë importohet kryesisht nga vendet përreth Detit të Zi si Bullgaria, Rumania, Rusia, Gjeorgjia dhe një pjesë e vogël vjen nga Greqia. Nafta e tipit Eurodiesel zhdoganohet aktualisht, me 103 lekë për litër në portin e Durrësit, dhe me 105 lekë në doganën e Kapshticës. Në pikat me pakicë kjo lloj nafte tregtohet me një çmim i cili varion nga 115-120 lekë për litër. Shoqata kombëtare e hidrokarbureve dhe drejtoria e Përgjithshme e Tatimeve kanë nënshkruar vitin e kaluar një marrëveshje në bazë të së cilës, pikat me pakicë nuk lejohet të kenë një fitim më të vogël se 5 lekë për litër. D2 zhdoganohet me 97 lekë. Shqipëria është aktualisht i vetmi vend në Europë që lejon tregtimin e naftës D2 për autoveturat. Kjo lloj nafte zhdoganohet aktualisht me 97 lekë për litër, gjë që do të thotë se kjo naftë pritet që të shitet së shpejti në treg me një çmim mesatar prej 105 lekësh për litër.

Sipas drejtorit të Hidrokarbureve në Ministrinë e Industrisë dhe Energjetikës, Miltiadh Mata, në një prononcim për një gazetë, rritja e çmimit në tregun e brendshëm është thjesht rrjedhojë e koniukturës ndërkombëtare dhe është e pranueshme. Në bazë të ligjit, kompanitë e tregtimit të naftës kanë për detyrë të ruajnë rezerva sigurie të përhershme, të cilat mund të përdoren në rastet e rritjes së çmimeve me qëllim që të shmangin efektet negative. Por sipas Matës, "ideja e hedhjes në treg të rezervës së sigurisë nuk mund të zbatohet në këtë rast për shkak se kjo nuk është një situatë që mund të vazhdojë gjatë dhe rrjedhimisht, përdorimi i rezervës nuk do të jepte efekt". Sipas tij, as kompania shtetërore e rafinimit dhe tregtimit të naftës Armo, nuk mund të amortizojë dot rritjen e çmimit në tregun ndërkombëtar. Po dje në bursën botërore nafta shënoi një rritje tjetër. Kështu në Nju Jork u shit me 64.7 USD për fuqi.

Megjithë rritjen e madhe që ka pësuar çmimi i naftës në tregjet ndërkombëtare, importi i naftës në vend vazhdon të rritet. Kështu, sipas të dhënave nga Drejtoria e Përgjithshme e Doganave, gjatë shtatëmujorit të parë të këtij viti kompanitë shqiptare të tregtimit të naftës kanë importuar rreth 155 mijë tonë naftë, nga 147 mijë që kanë importuar në të njëjtën periudhë të një viti më parë. Rritja prej rreth 5 për qind, ose 8 mijë tonë e importit të arit të zi mund të ketë ardhur për shkak të frikës për një rritje të mëtejshme të çmimit. Aktualisht, sipas të dhënave nga disa kompani importuese nafta e tipit eurodiesel blihet në tregjet e huaja me rreth 53 lekë për litër. Nga këto të dhëna del se vetëm gjatë periudhës janar-korrik Shqipëria ka importuar rreth 8,2 miliardë lekë naftë. Sasia më e madhe e naftës është zhdoganuar në doganën e Durrësit me rreth 94 mijë tonë dhe pas saj vijnë dogana e Lezhës dhe Gjirokastrës. Kjo, pasi transporti më i madh i naftës bëhet në rrugë detare me anë të anijeve transportuese. Sipas të dhënave nga doganat, Shqipëria sasinë më të madhe ta naftës e merr nga vendet e ish-Bashkimit Sovjetik, Rusia. Por, një sasi e madhe nafte vjen edhe nga vendi fqinj, Greqia. Gjithashtu, ka pasur edhe shoqëri shqiptare që bënin eksporte nga Kroacia. Këto importe tanimë janë ndërprerë, kjo për shkak të kontrolleve që janë ushtruar ndaj tyre si dhe penalizimeve që u janë bërë atyre subjekteve që blinin naftë nga Kroacia për shkak se nafta e sjellë nga vendi në fjalë ishte jashtë standartit. Afro 27 mijë ton karburante mbërritën gjatë muajit Korrik në portin e Durrësit, duke shënuar një rritje prej 38 përqind krahasuar me të njëjtën periudhe të vitit të kaluar. Sipas të dhënave nga Armo prodhimi i naftës në vend këto muaj ka filluar të rritet. Kjo nuk ka ndikuar aspak në uljen e importit, pasi nafta e preferuar nga konsumatorët vendas është ajo që vjen nga jashtë. Sipas konsumatorëve, nafta e prodhuar në vend nuk i plotëson kushtet për një përdorim efikas.

/Pergatiti.B

Bilanci i pagesave mbyllet me rezultat pozitiv në 3-mujorin e parë 2005



TIRANE- Bilanci i pagesave të Shqipërisë është mbyllur me një rezultat pozitiv gjatë tremujorit të parë të vitit, i shprehur me rritjen e rezervave valutore të Bankës së Shqipërisë. Llogaria korente, gjatë periudhës Janar-Mars të këtij viti, rezultoi me një deficit prej 56.2 milionë USD, duke shënuar një përkeqësim të lehtë ndaj të njëjtës përiudhë të një viti më parë, por një ngushtim të dukshëm të deficitit në krahasim me tremujorin e katërt të vitit 2004. Sipas raportit të fundit të Bankës së Shqipërisë, vëllimi i transaksioneve korente është rritur me rreth 26 për qind në krahasim me tremujorin e parë të vitit të kaluar. Ndërkohë, që ritmet e rritjes së importeve dhe të eksporteve të mallrave kanë qenë të përafërta, vëllimi i madh i importeve ka rezultuar në thellim të deficitit korent. Deficiti tregtar prej 363 milionë USD dhe deficiti prej rreth 40 milionë USD i kategorisë së shërbimeve janë mbuluar në pjesën më të madhe nga flukset hyrëse të transfertave korente, kryesisht private. Flukset neto hyrëse të kapitalit, gjatë tremujorit të parë, shënuan 60 milionë USD dhe kanë qenë të mjaftueshme për të mbuluar deficitin korent. Në të njëjtën kohë, në bilancin tonë të pagesave është regjistruar një rritje e rezervave valutore me rreth 13 milionë USD.

BB akordon 22.5 milion lekë për rikonstruksionin e rrugës Elbasan-Cerrik

ELBASAN- Banka Boterore ka akorduar një fond prej 22.5 milion lekësh për rikonstruksionin e rrugës që lidh Elbasanin me Cërrikun si dhe me zona të tjera si Dumreja e Gramshi. "Banka Botërore, nëpërmjet programit "Cards", ka akorduar një fond prej rreth 22.5 milion lekësh për fazën e parë të punimeve të rikonstruksionit të segmentit nga dalja e qytetit deri tek ura e Shkumbinit", tha për ATSH-në nënkryetari i bashkisë së Elbasanit, Albert Shopi. Sipas tij, punimet per rikonstruksionin total të kësaj rruge, parashikohet të nisin pas dy javësh.

Shopi tha se punimet në këtë segment janë parashikuar të realizohen në dy faza, ku do të përfshihen edhe punimet për rrjetin nëntokësor të kanalizimeve dhe sistemin e ndriçimit, investimi për të cilat arrin vleren e rreth 50 milion lekeve.

Segmenti nga shinat e trenit deri tek ura mbi lumin Shkumbin ka një gjatesi prej rreth 450 metra dhe gjendja e tij prej vitesh është tepër e dëmtuar.

[unforgiven II]

Duke marre shkas nga nje lajm i Top-Channel mbi abuzimet me cmimin e naftes ne Shqiperi vendosa te hap kete teme qe prek drejtpersedrejti konsumatorin shqiptar por nuk e kuptoj pse rrihet kaq urte dhe nuk ngrihet zeri nga askush.
As ne forum nuk merret persiper te hapet nje teme e tille. Kush jane monopolet e naftes ne Shqiperi, pse shteti nuk nderhyn per te stabilizuar cmimin e naftes dhe nuk mbron shtetasit e vet, por i le qe te grabiten nga disa gjakpires qe kontrollojne kete biznes. Kush jane te korruptuarit dhe pse nuk kerkon kush drejtesi?

Me poshte lajmi i marre nga Top-Channel.

Cmimi i naftes ne tregun boteror ka shenuar nivelin me te ulet te tre viteve te fundit duke arritur ne 46.5 dollare per fuci. Krahasuar me muajin korrik kur arriti kulmin, cmimi i naftes ka rene ne bursa me me shume se 100 dollare ose 68.5 perqind.

Parashikimet e disa analisteve jane qe cmimi te zbrese shume shpejt poshte nivelit 40 dollare.

Por ndersa konsumatoret europiane po perfitojne nga cmimet e lira te karburanteve, tregu shqiptar vazhdon te mbetet i mbyllur dhe te reflektoje vetem nje pjese minimale te kesaj uljeje.

Ne pikat me pakice te karburanteve ne kryeqytet cmimi i naftes “Diesel”, qe eshte dhe me e konsumuara, varion nga 128 deri ne 132 leke per liter.

Krahasuar me rekordin qe arriti ne korrik cmimi eshte ulur vetem me 35 leke per liter ose rreth 20 perqind.

Tregu i karburanteve ka perjetuar nje situate te ngjashme cmimesh me kete aktualen ne gusht te vitit 2004.

Ne ate kohe nafta ne burse shitej thuajse me te njejtin cmim rreth 47.5 dollare per fuci.

Ne te njeten kohe ne tregun vendas cmimi i naftes “Diesel” ishte 85 leke per liter ose rreth 40 leke me pak nga sa eshte tani, cka hedh dyshime te forta mbi ate nese cmimi ne tregun vendas percaktohet nga kostoja dhe konkurrenca apo eshte rezultat i spekullimeve ne kurriz te konsumatoreve.

Megjithate ekziston edhe nje arsye tjeter qe duhet te merret parasysh. Cmimi i naftes ne tregun boteror po bie per shkak se kriza ekonomike ka sjelle uljen e kerkeses edhe nga ekonomite e medha te botes dhe per shkak te reagimit te konsumatoreve, te cilet ulen kerkeses duke pakesuar blerjet e naftes nga cmimet e larta.

Ne Shqiperi kjo situate nuk eshte vertetuar asnjehere, pasi te dhenat nga dogana tregojne se importi i karburanteve vazhdon te rritet.

Shqiperia ploteson me shume se 75 perqind te kerkeses per karburant nga importi. Ndaj cmimi ne treg diktohet nga shoqerite e medha te importit.

Zyrtarisht qeveria ka licensuar mbi 20 kompani per te importuar karburant nga jashte, por sipas burimeve nga Ministria e Energjetikes, aktualisht jane aktive ne import vetem 4 prej tyre.

[gt2xf]

Pershendetje!

Pasi kerkova ne internet per cmimet aktuale te beznines dhe naftes ne Shqiperi nuk mund ti gjeja dhe mendova te pyes ketu nqs ndonjeri k amundesi te me ndihmoje per kete. Flas per cmimet me pakice. Pashe ne websitet e Tacit, Alpet, Elda apo Kastrati dhe nuk ka tabele cmimesh.
Nqs ndonjeri ka informacion ne real-time per te pakten keto te kater kompani do me ndihmonte shume,