Xhamia e Kadrit - Gostivar

[Drini_i_Zi]

Inaugurohet Xhamia e Kadrit në Gostivar
Bashkësia Islame në R.M në kuadër të aktiviteteve të saja të përditshme më 13 Maj në qytetin e Gostivarit bëri hapjen solemne të Xhamisë së Kadrit e cila konsiderohet një nga xhamitë më të bukura në vend dhe më gjërë.
Të pranishëm në këtë manifestim madhështor ishin Kryetari i Bashkësisë Islame në R.M H.Sulejman ef. REXHEPI së bashku me bashkëpunëtorët e tij, përfaqësues të partive politike, të qeverisë, të pushtetit lokal dhe mysafirë të tjerë nga vendi dhe jashtë.


Pas recitimit të tekbireve salavateve dhe verseteve Kur’anore, fjalë mbajti kryetari i këshillit iniciativ për ndërtimin e xhamisë, pastaj, ligjëruesi i kësaj xhamie Dr.Abdulxhemil NESIMI, të cilët mes tjerash shprehën falënderime mysafirëve, të lartë, dhe njoftuan të pranishmit për rrjedhat e punëve në ndërtimin e xhamisë duke shprehur edhe kënaqësinë e tyre dhe duke mos hequr nga mendja të gjithë besimtarët të cilët secili në bazë të mundësive të tyre kishin kontribouar.

Kurse Myftiu i Myftinisë së Gostivarit H.Shaqir ef.FETAHU në fjalën e tij përshëndetëse pasi përshëndeti Reis ul Ulemanë h.Sulejman ef.Rexhepin, përfaqësuesit e bashkësive islame të Shqipërisë, Kosovës, Luginësh së Preshevës, zv.kryetarin e Kuvendit të Maqedonisë z.Besim Dogani, ministrin për arsim dh shkencë z.Sulejman Rushiti, prefektin e Gostivarit z.Nevzat Bejta dhe mysafirët të tjerë, shkurtimisht u ndal në angazhimin e Muftinisë së Gostivarit në drejtim të
avacimit të vlerave të larta islame.

Më pastaj fjalë pati zv. kryetari i Kuvendit të R.së Maqedonisë z.Besim DOGANI i cili uroi besimtarët dhe BIM-in për këtë xhami duke shprehur bindje se xhamia do të jetë një tempull nga ku do të përcillen mesazhet e pastërta fetare islame mbi drejtësinë, bamirësinë, mirëkuptimin, respektimin e të drejtave dhe lirive fetare, duke i argumentuar me ajete kur’anore të cilat i citoi.

Fjalë përshëndetëse kishte edhe prefekti i komunës së Gostivarit i cili përshëndeti të pranishmit dhe theksoi se është i kënaqur që ky qytet u begatua edhe me një tempull madhështor i cili do të kultivon vlera dhe parime për mirëkuptim, paqe dhe tolerancë mes qytetarëve duke shfaqur gatishmeri për bashkëpunim në zhvillimin e infrastukturës së qytetit dhe veprave në interes të qytetarë.


Në këtë manifestim solemn i pranishëm ishte edhe përfaqësuesi i Bashkësia Islame nga Lugina e Preshevës, H.Mumin TAHIRI, përfaqësuesi i Bashkësisë Islame të Kosovës z.Resul REXHEPI si dhe përfaqësuesi i Komunitetit Musliman i Shqipërisë myftiu i Shkodrës Shkëlqim SULEJMANI, të cilët në fjalët e tyre përshëndetëse shprehën kënaqësinë e tyre dhe uruan që me objekte të tilla fetare të vazhdohet edhe në të ardhmen sepse vetëm në këtë mënyrë sigurohet bashkimi kompaktësia dhe respekti mes myslimanëve.

Fjalën e rastit në këtë manifestim e mbajti Kryetari i Bashkësisë Islame në R.M, Reisul Ulema H.Sulejman ef.REXHEPI i cili në emër të BIM-it i përshëndet të pranishmit dhe theksoi se xhamitë i ndërtojnë vetëm ata të cilët besojnë dhe kanë vetëdie të lartë fetare.


Reisul Ulema H.Sulejman ef.REXHEPI deklaroi se Bashkësia Islame në R.Maqedonisë gjithmonë do të punojë për të mirën e myslimanëve të vendit dhe potencoi edhe rolin historik të xhamisë dhe rolin e saj të padiskutueshën në ditët e sotme, duke tërhequr një vërejtje armiqve të xhamive të Allahut xh.sh. dhe duke theksuar se nuri i të Plotfuqishmit nuk mund të shuhet, Ai atë e plotëson, përkundër përpjekjeve të armiqve.


Mes tjerash, Reis ul Ulema u ndal në disa ajete kur’anore dhe hadithe të Muhamedit a.s. duke porositur besimtarët që të marrin mësime prej tyre, duke porositur në angazhim sa më të madh dhe cilësor në të mirë të islamit. Reis ul Ulema, besimtarëve të Gostivarit u premtoi se BIM-i do të bën çmos që sa herë dhe kudo që paraqitet nevoja për të ndërtuar xhami, do ta realizon, duke theksuar se nevoja për ndërtimin e tyre paraqitet nëse shtohet popullata muslimane, shtim me të cilin në botën e ardhshme do të krenohet Muhamedit a.s.


Në fund Reis ULEMA i Bashkëqsisë Islame në R.M, në emër të BIM-it, Muftinisë së Gostivarit ndau disa mirënjohje, dhe disa të tjera i ndau në emër të Këshilli iniciativ të ndërtimit të xhamisë.

[Drini_i_Zi]

Un mendoj se kjo asht xhamia ma e bukur ne Maqedoni .

[Gostivari_usa]

Un mendoj se kjo asht xhamia ma e bukur ne Maqedoni .

http://www.youtube.com/watch?v=WMdSSUueNg8

Doemosdo qe te jete xhamia me e mire ne Maqedoni, folim per Gostivarin neve .
Vetem se shikoj se si do te reagojne keta vellezerit tane qe i perkasin feve tjera sa i perket videos qe ke sjellur .

Ka tju pengoj flamuri i profetit qe valvitet tek minarja e xhamise hahahah.Flamuri me i bukur ne bote per mua.

Ne fakt nese nuk gaboj une punimet e kesaj xhamije kane filluar pra 5 viteve , dhe nese nuk gaboj behet fjale per xhamine e Zdunjes ashtu sic e therasim neve ne Gostivar.
Punimi atristik mbrenda ne xhami ishte fenomenal, i lumte dora atij qe e ka punuar ate punim artistik.

Me Respekt
GV_USA

[Drini_i_Zi]

Kjo xhami me duket u hap nga viti 2007 , se di ku gjindet sakt.
Edhe ajo xhamia ne qender te Gostivarit asht e bukur .
Tash te shofim cka dot ndertojn aty te tregu.