Disa deputete te parlamentit shqiptar hyjne ne greve urie

[Duaje Siveten]

po xhuveli, mor aman, mos eshte futur edhe ai ne greve ...

nuku dua ta besoj, sepse duhet te jete duke u marre me probllemet e mjedisit uriahip klanor zhvator ndyresor dushkor goglor ... bashkekohor!

[Brari]

PS i përgjigjet Metës: Mllefi nuk është alternativë

Nga L.Progni

Duke përdorur një gjuhë që është përdorur edhe gjatë përplasjeve të mëparshme me kryetarin e LSI, Partia Socialiste i është përgjigjur pas shumë ditësh grevës së urisë së deputetëve në lidhje me Kodin Zgjedhor.

Kryetarja e grupit parlamentar të PS, Valentina Leskaj, ka lënë të kuptohet se nuk do ketë ndryshime dhe se PS po synon që zgjedhjet e ardhshme të bëjnë të mundur që vota e çdo qytetari të numërohet. “Ne kemi hyrë në këtë proces për t'u dhënë shqiptarëve shansin e shumëpritur të një votimi të padeformuar, të tjerë duan të nxjerrin nga ky proces kapitale politike, ndërsa të tjerë akoma duan të imponojnë dështimin e procesit.

Le ta mësojnë të gjithë se për ne socialistët kjo nuk është loja politike e radhës për të siguruar karriget e radhës, po angazhimi ynë përpara qytetarëve që na njohin të gjithëve në atë Kuvend dhe meritojnë shumë më shumë se të gjithë ne deputetet.”

“Ne kemi qenë e do të jemi të gatshëm të dialogojmë vijimësisht me të gjithë dhe nuk kemi akuzuar e fyer askënd që ka pikëpamje të ndryshme nga tonat, sepse qëllimi ynë nuk është të imponojmë një qëndrim tonin në dëm të dikujt, po të formulojmë një qëndrim sa më të drejtë në interes të publikut.

Le ta kuptojnë kolegët tanë parlamentarë se mllefi nuk është alternativë, se një qëndrim nuk imponohet me zor, po me argumente, ashtu siç duhet ta kuptojnë edhe kundërshtarët tanë qeveritarë se duke bërë diversion me emrin e Partisë Socialiste, nuk bëjnë tjetër veçse tregojnë atë që dimë të gjithë, primitivizmin e tyre politik”, - tha Leskaj.

“Ne vlerësojmë se është krejt normale që për një reformë kaq të rëndësishme, e cila prek drejtpërdrejt stereotipe të krijuara dhe interesa të caktuara, të ketë kundërshti dhe mospajtime brenda spektrit të përfaqësimit politik.

As në eksperiencat më të mira perëndimore nuk figurojnë raste konsensusesh me 100%, kur është fjala për reformën zgjedhore.

Përkundrazi, kjo reformë për vetë natyrën e saj specifike ngjall kudo - në çdo vend demokratik - kurdoherë që zhvillohet, kundërshti të dukshme dhe mospajtime të konsiderueshme mes partive të mëdha e të vogla.

Në procesin e kësaj reforme ne socialistët kemi mbajtur e do të mbajmë deri në fund parasysh interesin e Shqipërisë e të shqiptarëve, që vota të shkojë aty ku e jep votuesi; që çdo parti të peshohet nga zgjedhësit, jo të rritet apo zvogëlohet artificialisht, siç ka ndodhur 17 vjet me radhë;

që mes zgjedhësve e të zgjedhurve të krijohen kushtet e një kontrate të qartë bazuar mbi programin, ekipin e liderin më të votuar dhe të mos ketë më as xhuvelizëm as informalizëm parlamentar në kurriz të njerëzve e të vendit”, - tha kryetarja e grupit parlamentar të PS.

Ajo tha se argumentet e të gjithëve duhen ballafaquar para qytetarëve.







Të gjithë deputetët e PS mendojnë si Valentina Leskaj




Që sot një javë, asnjë deputet i PS nuk ka shkelur në sallën e Kuvendit për të vizituar deputetët grevistë. Leja e kryetares së Kuvendit për të mundësuar vizitën te grevistët, është dhënë që të premten që shkoi. Asnjëri prej tyre nuk përgjigjet, në qoftë se e pyet se cilat janë arsyet që i pengojnë për të takuar në mënyrë njerëzore dhe jo politike kolegët e tyre deputetë, të cilët janë ngujuar në grevë urie që të hënën e kaluar, tetë ditë më parë. Shumë prej tyre thonë: “Aman mos më pyet mua, merr ndonjë tjetër, ose nuk ka asnjë koment”. Burime pranë grupit parlamentar të PS thonë se ka një urdhër të kryetarit të PS për deputetët e partisë së tij, që jo vetëm që s’duhet të shkojnë në sallën e Kuvendit për të takuar kolegët, por nuk duhet të thonë asnjë gjysmë fjalë për grevën e urisë apo për Kodin Elektoral. Dhe kështu ka ndodhur. E njëjta situatë duket edhe nga e djathta, ku deputetët e PD gjithashtu nuk kanë vizituar kolegët e tyre deputetë të ngujuar në grevën e urisë. Punonjësit e Kuvendit ishin përgatitur për të pritur fluks deputetësh, në momentin kur Jozefina Topalli dha lejen që mundëson vizitat e deputetëve te kolegët e tyre. Në seancën e së martës që shkoi, kur ishte dita e dytë e grevës së urisë, deputetët e PD i takuan kolegët e tyre, publikisht, por një gjë e tillë nuk ndodhi me ata të PS, te të cilët kishte mbërritur urdhri për asnjë kontakt me grevistët dhe asnjë fjalë për grevën.







Mbledhja e grupit parlamentar të PS zgjat tri minuta




Dje, deputetët e PS janë rreshtuar në heshtje pas kryetares së grupit parlamentar, Valentina Leskaj, e cila vetëm dje guxoi të fliste për krizën politike. Guxoi në momentin kur kryetari i PS i kishte dërguar një deklaratë për të lexuar, pa marrë fare parasysh se a është në të njëjtin qëndrim grupi parlamentar, fundja edhe vetë Valentina Leskaj. Është e vërtetë që PS pati një qëndrim për Kodin Zgjedhor përgjatë kohës kur po hartohej ose kur u vendos pikërisht ky Kod. Por situata e re politike pas hyrjes së dhjetë deputetëve në grevë urie, lë vend së paku për të mbledhur grupin parlamentar të PS, partia e dytë politike në vend, e para e opozitës, dhe për të vlerësuar situatën politike në vend. Kjo, sepse bëhet fjalë për një grevë urie të 10 deputetëve, shumica e të cilëve i përkasin pikërisht opozitës së majtë, së dyti, bëhet fjalë për përçarjen e së majtës dhe daljes në zgjedhje të ndarë. Në qoftë se të gjithë deputetët e PS mendojnë njësoj si Valentina Leskaj, atëherë duhet ta pohojnë publikisht këtë, dhe jo të heshtin, me gjithë këmbënguljen e fortë të medieve për të marrë qëndrimin e tyre. Kryetarja e grupit parlamentar të PS, Valentina Leskaj, mblodhi për tri minuta deputetët dhe iu tha që është shtyrë seanca plenare e së hënës për t’u zhvilluar sot. Pa dhënë asnjë sqarim. Pas kësaj ajo del para medieve dhe lexon deklaratën, ku tregon se PS e grupi i saj parlamentar nuk kanë asnjë ndryshim në qëndrimin e tyre për situatën politike të krijuar në vend. Në të njëjtin qëndrim me Leskajn rezulton të jenë edhe deputetët Ben Blushi, Gramoz Ruçi, Namik Dokle, Pandeli Majko, Bashkim Fino, Ylli Bufi, Erion Braçe, Marko Bello, Albert Caci etj. Edhe pse deputetët e pranishëm dje në grup nuk kishin dijeni për deklaratën që do të lexonte Leskaj pak minuta pas mbledhjes. Burime pranë grupit parlamentar të PS thanë dje se deklarata erdhi me urgjencë nga Rama, me destinacion të vetëm publikimin në media dhe jo debatin në grupin parlamentar.







Berisha: Kodi mund të ndryshojë, vetëm po pranoi PS




Kryeministri, Sali Berisha, ka ripërsëritur dhe një herë dje gjatë mbledhjes së grupit parlamentar të PD, se zgjidhja e çështjes së Kodit Zgjedhor që mban në grevë disa deputetë mund të vijë vetëm nëpërmjet PS. Burime nga mbledhja e grupit parlamentar të PD shprehen se në lidhje me këtë çështje Berisha është shprehur: “Ne jemi të kushtëzuar të negociojmë vetëm me partinë më të madhe të opozitës, pasi nuk kemi zgjidhje tjetër. Propozimet kanë ardhur nga PS dhe ajo është partia më e madhe e opozitës”.

Kryeministri mësohet të jetë shprehur se do ishte një hap shumë i madh mbrapa, në rast se opozita do të bojkotonte zgjedhjet e vitit 2009. Me opozitë në këtë rast kryeministri ka parasysh sërish Partinë Socialiste. “Unë mendoj se do ishte një kthim i madh mbrapa, në rast se opozita do të bojkotonte zgjedhjet e ardhshme”, - është shprehur kryeministri.

Duket se me këtë deklaratë të kryeministrit mazhoranca edhe një herë ka treguar se nuk do të ulet në bisedime me deputetët grevistë, duke ia lënë këtë pjesë Partisë Socialiste, e cila duket se është dhe propozuesja e ndryshimeve në Kodin Elektoral.

tema

[Duaje Siveten]

persa shkruhet me siper, nuk ka dyshim, eshte absolutisht e qarte, domosdoshmerisht e vertete, sigurisht e pranuar se pakti sigurimso-punist ps-pd behet per interesa vetjake te ed-saliut, ashtu si edhe greva punisto-shtangisto-leshiste ...

eshte nje perpjekje madhore per mbijetese politike, kerkim-zhvatje cope torte ne ushtrim pushteti aktual e ne perspektive, rivalitet i shkelqyer brenda llojit ...

[flory80]

Berisha: Kodi mund të ndryshojë, vetëm po pranoi PS

Do me thënë PD pranon ta ndryshojë kodin ndërsa PS jo!
A do ndreqen ndonjëherë këta këlysh komunistash, a do reformohen ndonjëherë këta bagëti shpirtkatran që hartën e Shqipërisë e konsiderojnë të një madhësie me karrigen e parlamentit
Është turp që në skenën politike Shqiptare të shikojmë fytyrën e Skënder Gjinushit, ministër i Arsimit në Qeverrinë Komuniste. I njëjti ministër që përdori të gjitha mjetet për të shtypur Lëvizjen Studentore të Dhjetorit. Çfar demokracie do të presim nga njerëz të tillë ne?
Ja përse unë mbështes të gjitha nismat e reja dhe idetë e reja për një ndryshim të klasës politike në Shqipëri

[juanito02]

Mbylleni kete teme se mbaroi greva pa urise per para e poste.

[Brari]

nga llafet qe thua ti floriu dukesh si vlonjat..

po mir merri per nje kafe aty ne sazani ata pleqt me komuniste me enveriste me xhahile me hysni kapoiste te vlores.. e pyeti..
ke kini me shume inat ne kete dynja o shokeni.. veterano-cobanë..
e shihi cdo thone..

saliun malokun.. do thone..

pra pse beni komedi me vehten..kur i thoni komunist saliut..
aman sa qesharake beheni..

skini pasqyra te shikoni vehten se si ju benet surrati kur thoni gjera qe mir i dini qe sjan sic i thoni..

te fort ini qe luani hipokritin me vehten..
kulmi..
me ty e kam e me tere ata qe i thon saliut komunist enverist etj etj pallavra..

nejse..

ja cthot gazeta..

--


BalkanWeb.com

URL: http://www.balkanweb.com/index.php?id=29687

Mbyllet greva, Meta: Protesta deri në Washington D.C


(Dërguar më: 18/11/08)

Nga Orjeta Zhupa, Antoneta Rusta
Ilir Meta la pas grevën e tij të urisë. Në orën 18.40 ai doli nga dera e kuvendit të Shqipërisë dhe iu drejtua përkrahësve të tij të shumtë të mbledhur për të protestuar para kuvendit. “Per ty Atdhe”, kënga e famshme e kënduar nga Mentor Xhemali ka shoqëruar ecjen e Metës dhe grevistëve të tjerë teksa ata iu drejtoheshin përkrahësve që brohorisnin. Edhe pse greva mund të konsiderohet një dështim, tingujt e këngës të sillnin në mendje kohe të lavdishme.
WITHERS TAKON POLITIKANE
DULE PER KODIN ZGJEHDOR
META PARA PROTESTUESVE


TIRANE

Brace: Vota këtë vit do numërohet si asnjëherë këto 18 vjet

Ora 21:00 - Me kodin e ri zgjedhor, vota e shqiptarëve do të votohet si asnjëherë këto 18 vjet. Kështu u shpreh në seancën plenare të pasdites së sotme, zv/kryetari i Grupit Parlamentar të PS-së, Erjon Braçe. Ai tha se ky Kod Zgjedhor është një hap i rëndësishëm për të ndryshuar politikën, e cila deri tani është identifikuar me gënjeshtrën dhe mashtrimin.
“Kuvendi i Shqipërisë shihet si oborri publik i shtëpisë së mëkatit dhe sot kemi detyrimin ti japin rrugë ndryshimit të politikes së këtij vendi. Ne nuk jemi kundër partive të vogla por kundër interesave që bëjnë parti në këtë vend. Në grupin e numërimit të votave PS do të ketë vetëm një anëtar, dhe me një anëtar nuk mund të quhet monopol” – tha Braçe.

Islami: Kodi i ri, reforma më serioze në 17 vite

Ora: 20:00 - Kjo seance parlamentare duhet te ishte zhvilluar ndryshe. Kështu e nisi fjalën e tij në seancën plenare të sotme, deputeti i PS-së, Kastriot Islami.
“Procesi për hartimin e te gjithë këtij kodi zgjedhor ka qenë gjithëpërfshirës, sistemi zgjedhor është një nga arritjet që e sjell Shqipërinë më afër NATO-s dhe BE-së”.
Sipas Islamit kjo është reforma më e madhe, më e rëndësishme, më serioze për këto 17 vite.
“Procesi ka qenë krejtësisht transparent në median elektronike dhe të shkruar, është diskutuar gjerësisht reforma zgjedhore”.
Për herë të parë ky proces është kryer nga monitorimi ndërkombëtar si dhe është mbikëqyrur nga ODIRI.
“Ky sistem nuk është pro partive të mëdha, as partive të vogla, por është kundër partive joreale”.
Ky sistem nuk krijon sistem politik me dy parti, ai krijon mazhorancë të qëndrueshme, ruan cilësitë dhe kapacitetet e vërteta, eviton ndarjen politike jug veri- përfundoi Islami


Ndoka para protestuesve

Berisha ka pritur që ne të përdorim dhunë në sallën e parlamentit. Janë përpjekur të provokojnë e të fusin njerëz edhe nëpër mitingjet, por ata kanë kuptuar që misioni jonë është i qartë dhe do ti mposhtim ata vetëm me protesta qytetare. Ne sonte fituam një betejë, betejën më të madhe për votën e lirë. Sonte fillojmë një luftë akoma më të madhe ndaj dy sulltanëve të politikës shqiptare, pasi jemi të motivuar nga mbështetja që patëm nga mijëra e mijëra qytetarë – tha në fjalën e tij kreu i PDK-së, Nard Ndoka.
Ne jemi të vendosur që të gjithë sëbashku ti themi JO votës së vjedhur. Është një kod që do të ketë replika të mëdha nga ndërkombëtarët. Ambasadori i OSBE-së hodhi kritikat më të egra mbi të, si personi më i përzgjedhur për monitorimin e zgjedhjeve në vendin tonë- tha Ndoka.


Meta para protestuesve

Ora: 19:15 - Vazhdojnë protestat jashtë kuvendit të Shqipërisë kundër kodit të ri zgjedhor. Deputetët e partive të vogla kanë kërkuar shtyrje të miratimit të Kodit dhe e kanë kontestuar atë në shumë pika. Ndërkohë deputetët të cilët kishin 8 ditë në grevë urie kundër Kodit Zgjedhor, kanë njoftuar sot se e kanë lënë grevën për t'ju bashkuar protestuesve.

Meta ka marrë më pas një autopalant dhe iu është drejtuar përkrahësve të tij që e brohorisnin duke i falënderuar për mbështetjen e tyre gjatë 8 ditëve me radhë.
Ju doni lirinë dhe nuk mund të zgjidhni nënshtrimin” u shpreh Meta në fillim të fjalës së tij. “Ju jeni këtu sepse ndjeni një rrezik të madh që vjen nga kasta konsensuale Rama -Berisha” tha Meta para protestuesve. Ai e cilësoi si kriminal momentin e miratimit të kodit që legjitimon një kastë kriminale. “Nesër në mëngjes do ta kei zemrën 10 herë më të fortë se sa ditën që hymë në grevën e urisë. Dua së pari tju falënderoj nga zemra për 8 ditë që i dhatë Shqipërisë me këtë pjesëmarrje të jashtëzakonshme qytetare për dhjetëra orë këtu pa pushim” – vazhdoi Meta para protestuesve. “Ju jeni këtu sepse jeni të ndërgjegjshëm se pa mbrojtur lirinë tuaj sot, fëmijët tuaj nuk mund të jetojnë më mirë nesër. Ju jeni këtu sepse ndjeni një rrezik që vjen nga kasa konsensuale Rama- Berisha, dhe të monopoleve pa fund që ata duan të krijojnë në këtë vend”. Ata erdhën deri te ku moment kriminal për të legjitimuar kasën e tyre, - vazhdoi Meta - ashtu sikurse dhunuan kushtetutën tuaj në 21 prill me kartonat e tyre vetëm për tre orë, duke hedhur poshtë vullnetin e 1 milionë shqiptarëve në vitin 2008. Ata kujtojnë se ky popull është kope.
“Ne sot përfundojmë etapën e parë të përpjekjeve tona konstruktive dhe paqësore të sakrificave tona, dhe sidomos të sakrificave tuaja këtu jashtë për 8 ditë e 8 netë me radhë. Nesër fillon një etapë tjetër, një etapë tjetër e cila do ti bëjë të gjithë botës së ditur se dy bosat e kasës Rama dhe Berisha, do të marrin fund.

PDK, Ndoka: Kodi, thikë pas shpine nga Berisha

Ora: 18:50 - Deputeti tjetër i cili ka dalë nga greva e urisë sot, është kreu i PDK-së, Nard Ndoka. Ai është shprehur në fjalën e tij ën seancën plenare se e djathta është tradhtuar nga Berisha, dhe se Kodi i Ri zgjedhor është një thikë mas shpine e tij.
“Kemi më tepër se një jave në grevë urie dhe Topalli është treguar e pamëshirshme duke mos marrë asnjë masë” – tha ai

“Mesnatën e 21 prillit, Berisha firmosi marrëveshje politike me Demokristianët dhe premtoi bashkëpunimin për çdo hap të reformës zgjedhore, por sot ai ka ardhur me një thike me vete të marrë hua nga PS-ha dhe po përpiqet të godasë demokristianët shqiptarë duke u treguar mosmirënjohës dhe i pabesë” –vazhdoi Ndoka.

Sipas tij Berisha po kryen një puç kushtetues, një krim kundër demokracisë.

“Berisha me Partinë Socialiste kanë ardhur për të vendosur mina ndaj procesit zgjedhor të vitit 2009, për të goditur PDK, LZHK, LSI dhe partitë e tjera politike”.

“Me këtë kod ai po i thotë shqiptarëve se Integrim dhe NATO do të thotë të vjedhësh votën e tjetrit”

Në grevën e urisë PDK kishte një deputet qe ka bërë një vit punë për të mbrojtur Berishën dhe ai nuk denjoi as ta vizitojë apo ta dëgjojë. Ky është morali qe mban gjalle këtë mazhorancë për interesa personale – tha Ndoka.

Meta në Kuvend kundër Kodit te ri Zgjedhor

Ora 18:40 - Pas më shumë se 8 ditësh grevë urie, kryetari i LSI-së, Ilir Meta ka dalë sot nga greva e urisë dhe pas një fjalimi në seancën plenare kundër Kodit Zgjedhor ai është bashkuar me protestuesit.
“Shumë i dyshimtë është ky nxitim, për këtë kod që është akti më i rëndësishëm i parlamentit, i cili do të ketë efekt edhe për katër vitet e ardhshme” – tha në fjalën e tij kreu i LSI-së, Ilir Meta. “Kush i pengoi bashkëkryetarët e PD-së dhe PS-së që për një vit nga mbarimi i zgjedhjeve lokale deri në samitin e Bukureshtit të mos bënin reformën zgjedhore siç na e kërkuan dhe ndërkombëtarët” – tha Meta. Sipas tij kjo është penguar nga dy bashkëkryetarët e partive të mëdha, Edi Rama dhe Sali Berisha.
“Interesi ishte për të realizuar atë Puc që është sot shumë evident dhe që synon pushtet absolut, për pasurim të pakufi por dhe për një mbrojtje e cila përjashton kontrollin e qytetarëve të këtij vendi” – tha ai.
Sipas Metës Kodi është shtyrë për 7 muaj pikërisht për të bërë skenarin midis PS-PD-së, sa i përket formulimit dhe administrimit të zgjedhjeve të ardhshme, gjë që është tërësisht në kundërshtim me OSBE, ODHIR. Ato kanë kërkuar evitimin e diskriminimit të partive të vogla dhe kanë kërkuar që të gjitha partitë të jenë të barabarta në zgjedhje dhe të mos dominoheshin nga dy parti siç është realizuar me Kodin e Ri Zgjedhor.
“Dua tu siguroj se ky Kod që po miratoni është një përgjegjësi shumë e madhe. Ju mund të nxirrni dhe deklarata të OSBE-së pa emër, por ky është një kod që do t’ju ngarkojë me përgjegjësi para shqiptarëve” – vazhdoi Meta.
“Ju po manipuloni zgjedhjet, kur dihet që në krye është Sali Berisha i cili kërkon me çdo kusht fitore vitin tjetër, qoftë edhe për ti shpëtuar problemeve me drejtësinë”.
Në fund Meta tha se po lë grevën dhe do të udhëheqë përpjekjet e atyre që duan të jetojnë të lirë, dhe tu garantohet vota e tyre.


PS, Xhafa: Kodi i ri përcakton qartë rregullat e lojës

Ora: 18:20 - Deputeti i Partisë Socialiste, Fatmir Xhafa gjatë fjalës së tij në Seancën Plenare të pasdites është shprehur se: “Kodi i Ri zgjedhor është një kod i bërë me konsensus dhe nuk është negociuar së fundit”. Sipas tij ky projekt përfaqëson diskutimet e gjata të tensionuara brenda dhe jashtë komisionit të posacëm parlamentar.
“Kodi garanton standarde dhe garanton votën e shqiptarëve” – tha Xhafa.

Ai theksoi se kodi zgjedhor i paraqitur për miratim është më i miri për kushtet aktuale, pasi ideale nuk mund të ketë. Miratimi i kodit është një premise që zgjedhjet e 2009-ës të jene më të mirat që janë realizuar deri më sot. Sipas Xhafës opozita nga sot merr një tjetër rol atë të vëzhguesit të rreptë, pasi Kodi i ri përcakton rregullat e lojës” .
“Formula e përzgjedhur paracakton përgjegjësinë politike të dy forcave te mëdha në këto zgjedhje” – përfundoi Xhafa.


Rusmajli: Me Kodin e Ri, PD është tërhequr nga pozicioni mazhoritar

Ora: 18:05 - Ndërkohë bashkëkryetari i Komisionit për Kodin Zgjedhor, Ilir Rusmajli u shpreh se diskutimi që bëhet sot në Kuvend nuk synon të shuajë debatet. Ai tha se deputetët e kanë relacionin shoqërues për Kodin, dhe të gjithë mund të bëjnë analizën. “Jemi përprara një materiali i cili dallon qartësisht dhe dukshëm nga draftet e ngjashme, për nga cilësia dhe është punuar me shumë kujdes, kompetence dhe ekspertizë” – tha Rusmajli. Sipas tij Kodi mbështetet shumë fortë në dokumentat më të rëndësishme evropiane sa i përket praktikave të zgjedhjeve.
“Është material i mbështetur në tërësinë e rekomandimeve që ndërkombëtarët kanë kërkuar për Shqipërinë” - vazhdoi Rusmajli.
Sipas tij kodi ka një karakteristikë të rëndësishme të kompromisit të jashtëzakonshëm politk. “PD ka sakrifikuar në tërësinë e dispozitave të kodit duke u tërhequr nga pozicioni i saj mazhoritar” – përfundoi Rusmajli.

Ngjela: Kërkojmë shtyrje, Kodin nuk kam arritur ende ta lexoj

Ora 17:50 - Shtyrje të miratimit të projektligjit për Kodin Zgjedhor kërkoi edhe deputeti tjetër Spartak Ngjela. “Unë nuk kam arritur të bëj kriticizmin, pasi kodin e kam marrë sot në ora 10:00 dhe kam arritur të lexoj vetëm 43 faqe të tij. Unë si deputet i kësaj salle kam detyrimin të bëj kriticizmin, pasi ai Kod mund të ketë përplasje shoërore e sociale” – tha avokat Ngjela.


Ora: 17:40 - Seanca plenare ka nisur me qëndrime të ashpra kundër Kodit Zgjedhor. I pari e mori fjalën deputeti i PDK-së, Jak Ndoka, i cili ka kërkuar një javë shtyrje me qëllim arritjen e një zgjidhje për Kodin e Ri Zgjedhor.
“Ky draft është produkt i dy forcave të mëdha politike, PS e PD, dhe është hartuar në fshehtësi të plotë dhe në mënyrë jo transparente”- tha Ndoka.
“Ju kërkoj të shtyhet edhe disa ditë miratimi i këtij kodi që të arijmë në një zgjidhje, jo vetëm për ato pika të errëta por për ti thënë Shqiptarëve se vota e tyre do të jetë e lirë”.
“Se kuptojmë këtë nxitim për ta kaluar një orë e më parë. Propozoj një mbledhje të konferencës së kryetarëve për të arritur në një konsensus civil, duke u bazuar në nenin 69 të rregullores së kuvendit, që thotë 2 javë shtyrje. Ne nuk kërkojmë dy javë por vetëm një javë”- tha Ndoka. Ndërkohë kryetarja e kuvendit, Jozefina Topalli tha në përgjigje të tij se: “Projektligji vjen nga qeveria, dhe ka një muaj që është në kalendarin e punës, dhe për më tepër ka 6 muaj që diskutohet”.

Ora: 17:14 - Ka filluar seanca parlamentare e pasdites ku do të diskutohet për Kodin e Ri zgjedhor. Qindra njerëz janë mbledhur përpara kuvendit, duke protestuar kundër Kodit të Ri zgjedhor. Ata kërkojnë shtyrje të seancës, në mbështetje edhe të 9 deputetëve grevistë të cilët ndodhen sot në ditën e 8 të grevës. Vetëm deputeti Ymer Tola u tërhoq nga greva, për shkak të shqetësimeve të mëdha shëndetësore që ai pësoi gjatë këtyre ditëve.

Dule: të shtyhet miratimi i Kodit Zgjedhor

Ora: 16:45 -Kreu i PBDNJ-së Vangjel Dule i bën thirrje kryetares së Kuvendit, Jozefina Topalli të thërrasë urgjent Konferencën e Kryetarëve me qëllim për të shtyrë diskutimet e parashikuara për sot të kodit zgjedhor. Dule kërkoi ndërhyrjen urgjent të presidentit të vendit për të mbledhur tryezën e partive parlamentare e për ti dhënë rrugëzgjidhje këtij ngërçi politik.

Ora: 12:10- Deputetet do të votojne sot pasdite Kodin e Ri zgjedhor. Konferenca e Kryetareve te Grupeve Kuvendore u mblodh sot paradite dhe vendosi te shtyje për sot në orën 17:00 seancën e së hënës. Zyrtarisht është deklaruar që shtyrja është bërë se grupet parlamentare kanë kërkuar më shumë kohë për të parë draftin për kodin zgjedhor. Por nderkohe burime zyrtare brenda Konferences se Kryetareve pohuan se shtyrja eshte bere ne perpjekje per te gjetur nje zgjidhje per situaten politike pas perlasjes mes pative te medha dhe te vogla per kodin e ri zgjedhor.

Në fakt seanca parlamentare ishte parashikuar për dje pasdite, por ajo u shtyp për ditën e sotme me një vendim të djeshëm që mori Konferenca e Kryetarëve të grupeve kuvendore, e mbledhur për të diskutuar lidhur me Kodin e ri Zgjedhor. Synimi për të shtyrë me 24 orë shqyrtimin e miratimin e Kodit në Kuvend ka qenë jo vetëm dhënia e një mundësie që palët të arrijnë një konsensus për miratimin e tij, por edhe shmangia me përballjen e protestës së paralajmëruar nga LSI-ja, PDK-ja e PS-91 para godinës së Parlamentit. Dje, kryetarja e grupit kuvendor socialist, Valentina Leskaj ftoi 10 deputetët grevistë për arritjen e një konsensusi. Por sikundër shtoi ajo në emër të PS, “konsensusi të jetë mbështetur mbi argumente e jo mbi presione”. Por, deputetët grevistë shprehen se nuk do të ndërpresin për asnjë moment grevën deri në plotësimin e kërkesave të tyre. Sot ata kanë hyrë në ditën e nëntë të grevës së urisë në emër të votës së lirë.

(d.b/O.Zh/BalkanWeb)

[flory80]

nga llafet qe thua ti floriu dukesh si vlonjat..

po mir merri per nje kafe aty ne sazani ata pleqt me komuniste me enveriste me xhahile me hysni kapoiste te vlores.. e pyeti..
ke kini me shume inat ne kete dynja o shokeni.. veterano-cobanë..
e shihi cdo thone..

saliun malokun.. do thone..

pra pse beni komedi me vehten..kur i thoni komunist saliut..
aman sa qesharake beheni..

skini pasqyra te shikoni vehten se si ju benet surrati kur thoni gjera qe mir i dini qe sjan sic i thoni..

te fort ini qe luani hipokritin me vehten..
kulmi..
me ty e kam e me tere ata qe i thon saliut komunist enverist etj etj pallavra..

Dëgjo ti shoku Braush!
Si në të gjitha hamëndësitë e tua përsëri jeni i gabuar!
Unë e kam shprehur identitetin tim dhe nuk fshihem pas një nick-u. Po, unë jam nip në Labëri por nuk jam Vlonjat!
Nejse kjo ka pak rëndësi!
Tani ju po e drejtoni gishtin tek Vlonjatët (duke më futur dhe mua aty) me akuzën se i thonë Saliut "Malok" dhe kjo ju shqetëson jash mase ju si përfaqësues dhe mbrojtës i figurës së Saliut në Forumin Shqiptar.
Me qënë se më përfshit dhe mua këtu atëherë po të përgjigjem për veten time së pari:
Unë shokët, miqtë (unë i konsideroj vëllezër) e mi më të mirë i kam nga Veriu, nga B. Curri nga Mirdita nga Kuksi nga Dibra dhe nga gjithë Veriu që të mos të zgjatem shumë me emra dhe unë kam një parim! Në konceptin tim, Malok janë të gjithë ata që janë të pa gdhëndur dhe që nuk hanë pyka pa mar parasysh se nga janë dhe ku jetojnë. Në konceptin tim Malok është dhe një Lushnjar nga Karbunara (shëmbull ky) që kurr nuk ka parë mal me sy por që është i trash dhe i pa civilizuar.

Tani përsa u përket Veteranëve të luftës dhe liderave Komunist të Vlorës përgjigjen e tyre mund ta dini më mirë ju sepse keni jetuar me ta dhe keni ndarë të njëjtat ide në atë kohë, pavarsisht se çfar shkruani tani këtu në Forum.
Përse e ngrini këtë argumentin "Malok" ju zoti brari???
Në cilin vend është përmendur fjala malok në këtë temë sepse me sa duket nuk e paskam parë unë?
Nuk më befason fare kjo, si përfaqësues i Saliut në Forum dihen tendencat e tij për ta ndarë Shqipërinë në Krahina.
Ndoshta jo pa qëllim shënjestroni dhe Vlorën në këtë koment kur e dini shumë mirë raportin e Saliut me popullin e Vlorës. Një "dashuri e çmëndur" që i ka fillimet në vitin 1997 kur Vlora ishte ndezur flakë dhe kërkonte dorheqjen e Saliut nga President dhe ai dërgonte njësitet e shikut për të shuar protestat popullore
Apo qëllimi juaj është të na sillni në kujtesë dërgimin e njësiteve para-ushtarake në Vlorë të përbëra nga hallexhinj nga Veriu, që ju komunikua se do të shkonin të mbronin kufirin nga invazioni i ushtrisë Greke dhe më pas u dërguan në Vlorë të luftonin popullin.
Ky është synimi yt zoti BRARI, të ngacmoni një plagë që të gjithë duam ta harrojmë apo të paktën qëllimisht ta anashkalojmë?
Çfardo qëllimi politik të keni qëndroni në planin politik dhe mos hapni të tilla histori sepse këto i kanë rrënjët shumë të thella dhe sinqerisht që nuk dua ti futem këtij lloj debati. Nuk janë në interesin e askujt, përkundrazi janë histori që vendosin një hendek të madh në mardhënjet ndër Shqiptare

Unë kur e quaj Saliun Komunist nisem nga faktet që thonë se ai ka patur Teserën e Partisë së Punës së Shqipërisë. Sa komunist i mirë ka qënë Saliu në atë kohë unë nuk e di, sepse ai ka qënë doktori i Liderve Komunist dhe nuk shkoi dot më sipër, por ajo që di unë është se ai nuk ka ndryshuar shumë nga Liderët Komunist të asaj kohe dhe kjo është evidente, nuk ka nevoj për ndonjë zgjuarsi të madhe për tu kuptuar
Tani unë kam një pyetje të drejt për drejt për ju!
Ju besoni apo nuk besoni që Sali Berisha ka qënë Komunist përpara 1990 ???

[Duaje Siveten]

cituar prej flory80 ... besoni apo nuk besoni që Sali Berisha ka qënë Komunist përpara 1990 ???

eshte fakt qe saliu ka qene komunist, edhe i thekur biles ...

megjithekete, çeshtja e besimit eshte diçka tjeter ... psh po jap nje perkufizim biblik te besimit, " ... besimi është siguria e gjërave që shpresohen, tregim i gjërave që nuk shihen" (Hebr. 11:1)

nuk duhet aspak besim per te ri-pohuar se saliu ka qene sekretar byroje i spitalit, mjek nomenklaturist, i gjunjezuar para arkivolit te atit te tij shpirtetor, enverit ...

[flory80]

eshte fakt qe saliu ka qene komunist, edhe i thekur biles ...

megjithekete, çeshtja e besimit eshte diçka tjeter ... psh po jap nje perkufizim biblik te besimit, " ... besimi është siguria e gjërave që shpresohen, tregim i gjërave që nuk shihen" (Hebr. 11:1)

nuk duhet aspak besim per te ri-pohuar se saliu ka qene sekretar byroje i spitalit, mjek nomenklaturist, i gjunjezuar para arkivolit te atit te tij shpirtetor, enverit ...

Hëhëhëhëëëëë
Jo pa qëllim e kam formuluar pyetjen, në beson apo nuk beson ai sepse ai ndoshta e di që ka qënë komunist por nuk e beson dot që Saliu ka qënë pjesë e atyre bishave të egra dhe nuk është reformuar aspak!

Unë përsëri pres përgjigjen e Brari!

[beni67]

Tani une nje gje nuk e marr vesh kush eshte i trashe dhe gdhe. Ketu tema eshte per greven e deputeteve dhe ju dilni te Saliu. Dhe kjo per cdo teme cfaredo lloji te jete tema do na dalin ketu ca gdhenj dhe o burra te shajme Saliun. Po boll o njerez se e bete boze. Dhe pastaj me kercejne disa duke me thene se ti mbron Saliun. Sa per temen ato deputete qe hyne ne greve me paturpesine me te madhe dolen nga greva. A kane veshe e sy shqiptaret te shohin se kush jane ato deputete tip ilir meta dhe nard ndoka. Ku shkuan gjithe ato fjale per veteflijim dhe qendrim deri ne vdekje.....?Le te ma shpjegojne talljen e ketyre deputeteve me zgjedhesit e tyre. Se fundi mendoj se njerezit jane lodhur me gjithe keto partiza qe flasin e llapin dhe vetem sa corodisin dhe ngrejne tym. Ore duhet b,,,, te merresh me politike dhe nuk ka vend per lloj lloj ndokash dhe metash

[drenicaku]

Po lereni saliun te lir,po kush jeni ju te gjykoni saliun ai burri i botes punon nat e dite per te miren e shqiperis e ju e shani.
Tani ketu behet fjal per grevistet me sa kuptova keta paskan dal nga greva,por me intereson se sa kile kan humbur apo shtuar.
E kam pas frigen qe mos ilir meta po i qep buzet(si ai i burgosuri qe kishte ra ne grev urie sepse nuk e paskan leshu me shku tek familja)per te mos mund kush ta ushqej ne menyr qe greva te jet sa me origjinale.

[Duaje Siveten]

Shekulli, Premte, 21 Nentor 2008 08:58:00

Minatorë & politikanë

Nga Naim Seferi*

Tirana është vend i vogël, kështu që një grevë urie, apo edhe ngjarje të tjera më pak të bujshme, edhe nëse dëshiron t’i anashkalosh, nuk mundesh. Të dalin përpara.

P.sh., pi një kafe tek bar “Kalaja", dhe pak metra më tutje ke parlamentin me grevistë brenda. Thua me vete, "bah gjynah këta politikanët", ose del lideri nga selia dhe merakoset për të ushqyerit e tyre, ose ose, ish-presidenti del në ballkon dhe vëren situatën për ndonjë rrjedhë të çuditshme të ngjarjes.

Dalin grevistët politikanë dhe me zor i mbajnë gjunjët, janë të kequshqyer, kanë fjetur keq natën, temperaturat zero, po që kanë bërë të vetën, e ashtu të plevitosur e buzët mavi nga kllapia, përshëndeten me të afërmit, e me kolegët. U tregojnë rreziqet, ndjenjën e frikshme të urisë, ndjenjë kjo e paprovuar prej dekadash, fjetja me mjete rrethanore, ndonjë shpoti e qyfyre momentale. (qyfyret mund të kenë ndodhur vetëm në etapat e para, por kur përfaqësuesit e popullit e kanë kuptuar se greva është diçka serioze, atëherë janë limituar vetëm në shkëmbim sms-sh në celular, për të ruajtur energjitë për kohët e këqija).

Pas mallkimeve se natën bën ftohtë, janë ndjerë më solidarë së kurrë. Nën pëshpërimat se çdo ndodhë të nesërmen, cili do të jetë reagimi i ndërkombëtarëve, mbështetja e partisë, turmat e simpatizantëve apo më mirë akoma, militantëve, mund të ketë lindur ndonjë "hapje zemre", ndonjë lidhje interesash, ndryshime këndvështrimesh, unifikime ideologjish, partneritete biznesesh, ti më le këtë e unë atë, fraza absurde këto për egon e tyre, por që në ato momente janë më se të domosdoshme për vetë ata, që t'i japin kuptim qenësisë së njëri – tjetrit, "sa mirë që u caktuam ne për grevën dhe jo ata tjerët, se me atë nuk shkoja mirë", ose "imagjino të flinte me mua ai spurdhjaku nga Lushnja, jo mër vëlla 100 mijë herë ti më mirë", etj. si këto.

Tani i ke hyrë kësaj rruge. Je që je në grevë, nxirr celularin 7mg pixel dhe filmo, regjistro kolegun. Aty ekziston një nivel i lartë kohezioni, shuhen hatër mbetjet, ajri që thithin është më familjar se kurrë, edhe pse ambient i madh, politikanët e kuptojnë që si njerëz, në raport me këtë institucion grotesk, janë të vegjël. Kanë nevojë për përkujdesje.

Duhet edhe një përgatitje shpirtërore. Një poet, profet apo lajmëtar futuristik. Lideri grevist, mjaftohet vetëm me gjeste, sms, mban gjallë bandën e grevistëve, ngre moralin ndër kolegë dhe jep devizat e pasdaljes nga greva:

"Ta shofi bota kur hyn njeriu në grevë, turp për këtë klasë politike që me marrëveshjet e tyre, duan të minojnë sistemin elektoral, përdhunojnë parimet e demokracisë, shtypin minorancën parlamentare, ose kuptuar ndryshe: cenojnë sistemin elektoral, shtypin parimet e demokracisë dhe përdhunojnë minorancën parlamentare.

Ne do t’i tregojmë që askush nuk mund të përdhunojë aspiratat tona për integrimin në strukturat evropiane, institucionet euroatlantike, dëshirat tona si popull për Asocim e Stabilizim dhe futjen në Evropë". Kështu, lideri u bën si përgatitjen e nevojshme morale, edhe atë trupore. Të ngjethet mishi, mornica të shkojnë në trup, sepse jo më kot lideri mbetet lider…

Ndërkohë, pak kohë më parë, disa minatorë kishin zhvilluar një grevë. Një grevë e lajmëruar edhe më parë, një grevë për kushte më të mira pune, jo për kolltukë, tabela, mikrofonë e parime, por një grevë për të shpëtuar jetën gjatë punës. Një grevë të mjerë që as nuk meriton për t’i hedhur sytë andej. Një grevë pa media, një grevë koti që as qurrat s'ja vlen t'i hedhësh.

Ja p.sh., del kryeministri nga shpella e fortifikuar, nga selia dhe nuk di se ku zhvillohet greva, sjell ndërmend ndonjë kronikë mbi të gjatë edicioneve ose gjatë raporteve që i sjellin, por prapëseprapë që s'i kujtohet. Një grevë? Një veprim i çuditshëm, që kur mediton mbi të çuditesh, sepse s'kupton asgjë që, pse bëhet?

Që edhe kur e mendon ndjehesh keq për kohën e humbur. Minatorë? Të irriton fakti se 7 zbythsa rrinë pa ngrënë, atë barktharë janë, nuk do ta marrin vesh kurrë se ç'ndjesi është të kesh një plënc plot. Hë, morrat, se u hutova, parazitë e shoqërisë së të ardhmes, shoqërisë së "internet age", parazitët e shoqërisë së rritjes ekonomike me 12-15-300%.

Ja, kështu është kur i kushton shumë rëndësi, ç'po bënin? Grevë. T'ëmën e s'ëmës. U shton rrogën me 5 përqind, grevë ata, ua shton me 8 përqind, prapë grevë. Vdesin si minj nëpër galeri ku hynë vetë me dëshirën e tyre. Askush nuk i detyron...." e vazhdon hip në makinë tip 'mercedez Amg 6000'.

Një grevë larg qendrës së Tiranës, si të zhvillosh një grevë në një zonë të humbur. Më mirë të humbur do të mendojnë politikanët, u japim një pension pas vdekjes, një dekoratë 10.000 lekëshe, 2 fjalë që bagazhi i njohurive dhe aq. Shyqyr.

Një grevë në temperaturë të ulët, që nuk ndryshon nga qëndrimi në shtëpi. Edhe aty ftohtë, mungesë kushtesh, paga e ulët, spoti publicitar mbi energjinë elektrike është i qartë, "duhet paguar që ta kesh", "punën e sotme mos e lër për nesër", etj. të tilla si këto, që s'bëjnë asgjë tjetër veçse u shtojnë varfërinë shpirtërore këtyre njerëzve.

Këta shtetas e blejnë me jetën e tyre çdo gjë, çdo sekondë e jetës vlen pare për ta. Një orë punë 1, mijë lekë të vjetra, 1000 lekë të vjetra, 1000 metra nën tokë, lagështi, mikrobe, pasiguri, errësirë, të papritura. Jo pak kanë gjetur vdekjen nga këto "surpriza".

Ndërsa deputetët rrezikojnë shumë gjatë grevës, ata nxirren me ambulanca, por prapëseprapë ndryshim i klimës, dalja nga dushi me ujë të nxehtë, mund të sjellë efekt të padëshiruar tek ata, p.sh., mund të ftohen tek nisin e vishen me ngadalë, duke shuar kureshtjet e bashkëshorteve të tyre mbi situatën. Kjo është bela.

Ti nuk mund të komandosh erën – thotë një proverb – por mund të drejtosh velat. Politikanët tanë, kur futen në grevë i drejtojnë mirë velat nga interesat e tyre, kurse minatorët, ata që djersën e kanë të çmuar, nuk dinë se ç'është vela ende. Ata duan të ndryshojnë kursin e jetës së tyre. Të paktën të vdesim në shtëpitë tona dhe jo nga fatkeqësitë, makthet e nga tmerret e njëpasnjëshme.

Deri kur do të vazhdojë ky diferencim, edhe sa do të zgjasë lemeria e këtyre familjeve, kur do ta kthejnë këta politikanë velën... Kambanat bien për ata që kanë veshë, thotë populli, por veshët e politikanëve tanë gjenden gjetkë, nëpër llogari bankare jashtë vendit, në parajsa fiskale, në interesa vetjakë, te shkollimet e fëmijëve.

Veshët e minatorit janë të lodhur nga premtimet. E kur të nesërmen e grevës, politikani i kthehet makinës luksoze, "kafeve" dhe ujdive, minatori i kthehet punës që i rrezikon jetën, i kthehet një të ardhmeje të mjerë. Edhe një llokmë e vogël mishi në gjellë i është kthyer në totem; në totem aq sa kur fëmijët shohin ndonjë reklamë sallami nisin dhe e adhurojnë duke imagjinuar aromën e mirë kur skuqet.

*Autori studion Shkenca Politike

[Brari]

mir duket iliri..?
cthote..
ki djalë.. o do te benet kryeminister o ska..

ka lindur me vule ne mullaqe me thane.. e nje fallxhore i paska thene se je i derguar nga lart..per te qeverisur.. se vula ate tregon..
ja ka mbushur mënjen.. dhe takut brah e ca tjereve se e ka me vert et nje vule qe parathot se ilir metua duhet te jete kryeminister..
mirpo keto nuk i ha edvin rucua..
ata me erionet kan tjera plane..

po per nje gje duhen admiruar..
zihen e grihen metot me edvinet.. po zorret nuku u a tregojne botes.. pra nuku i nxjerrin ne shesh.. ladro-compagno-izmat e dikurshme..

u lumte..

[Borix]

me sa kam degjuar, LSI po shperndan trakte tek popullsia e gjere (masa injorante, ne kuptimin pozitiv) se bankat dytesore jane ne prag falimentimi dhe se masat kane filluar te terheqin te hollat nga bankat. Nese kjo eshte e vertete (dhe keto fjale me vijne nga burime ku vertetesia e tyre veshtire te vihet ne dyshim), atehere LSI nuk eshte me ndryshe nga nje tufe babuinesh, sepse nuk e kuptojne se cfare demi i sjell kjo VENDIT tone.

[flory80]

me sa kam degjuar, LSI po shperndan trakte tek popullsia e gjere (masa injorante, ne kuptimin pozitiv) se bankat dytesore jane ne prag falimentimi dhe se masat kane filluar te terheqin te hollat nga bankat. Nese kjo eshte e vertete (dhe keto fjale me vijne nga burime ku vertetesia e tyre veshtire te vihet ne dyshim), atehere LSI nuk eshte me ndryshe nga nje tufe babuinesh, sepse nuk e kuptojne se cfare demi i sjell kjo VENDIT tone.

Unë nuk kam informacion për traktet, por përsa u përket bankave kjo është më se e vërtetë!
Bankat Greke që kanë filialet e tyre dhe në vendin tonë janë drejt falimentimit!

[Borix]

Bankat Greke që kanë filialet e tyre dhe në vendin tonë janë drejt falimentimit!

Ne fakt, une besoj se kam informacion qendror qe kjo nuk eshte e vertete per sistemin bankar dytesor ne Shqiperi...

[flory80]

Ne fakt, une besoj se kam informacion qendror qe kjo nuk eshte e vertete per sistemin bankar dytesor ne Shqiperi...

Hëhëhëhëëëëë
Unë shpresoj që ai burimi yt i informacionit të jetë më i saktë, edhe pse burimi im është nga aty ku lëvizen ingranaxhet e ekonomisë sonë

[Borix]

Unë shpresoj që ai burimi yt i informacionit të jetë më i saktë, edhe pse burimi im është nga aty ku lëvizen ingranaxhet e ekonomisë sonë

...nga Top of the Rock?

[Duaje Siveten]

Tirana Observer e diel , 23 nëntor 2008

Protesta e paralajmëruar

Shkruar nga Elton Tafaruçi

Pasi lanë pas grevën nëntëditore të urisë, të 10 deputetët nuk vonuan që të anunçonin një protestë të madhe në shesh. Angazhimi ishte maksimal dhe deputetët lanë të kuptohej se nuk kanë për të humbur kohë. Protesta synon të mbledhë të mërkurën të gjithë simpatizantët e partive të vogla dhe të tjerë akoma që presupozohet të bëjnë pjesë në koalicionin anti-Berishë e anti-Rama, paçka se programet politike i largojnë mjaft nga njëri-tjetri.

Me pak fjalë, kjo do të jetë protesta e parë që do t’i shërbejë LSI dhe PS’91 si tur force për t’u afirmuar dhe konfirmuar zërat që ato tashmë de facto janë forca e tretë politike. Ky grupim dhe përqendrim forcash të përbashkët kanë kontestimin e supremacisë së dy partive të mëdha dhe pika e fortë e tyre është të mbledhë rreth vetes sa më shumë të pakënaqur nga qeverisja e PD dhe opozita e PS, atë pjesë të lëkundur që akoma nuk ka vendosur se ku do të pozicionohet. Vetëm disa muaj na ndajnë nga zgjedhjet e ardhshme dhe triada LSI-PDK-PS‘91 po përpiqet me të gjitha mjetet që ka në dispozicion të kontrastojë fuqinë e dy të mëdhenjve, sigurisht me mjetet që ia lejon Kushtetuta.

Në të vërtetë ashtu si ideatori dhe kreu i grevës së urisë, Ilir Meta së bashku me deputetët e tjerë që e ndoqën nga pas, e dinin shumë mirë se me gjithë masën ekstreme që ndërmorën për t’i bërë oponencë Kodit Elektoral prapëseprapë ai do të kalonte. Qëllimi në të vërtetë ishte tërheqja dhe përqendrimi i reflektorëve të opinionit publik, mediatik dhe atij ndërkombëtar ndaj këtij grupimi të rrallë deputetësh ku për herë të parë nuancat e majta arrijnë të shkrihen me ato të djathta.

Paçka se humbi në terma politikë, ky grup i deputetësh arriti të sigurojë një avantazh moral ndaj PD dhe PS, duke i siguruar një rrugë gjithnjë e në ngjitje. Mbështetja që erdhi nga shoqëria civile dhe intelektualë të ndryshëm konfirmoi këtë tezë dhe i dha të drejtë deputetëve grevistë. Pra duke bërë disa ekuacione të thjeshta, sakrifikimi nëntëditor e projektoi Metën më larg se ç’mund të mendohej në fillim dhe i dha të drejtën dhe autorësinë që të vetdeklarohej si guardiani i demokracisë. Por Meta nuk u ndal këtu dhe nuk mjaftua me këtë grevë.

Tashmë shkëmbimet e konferencave për shtyp për veshin e opinionit publik tingëllojnë rutinë dhe nuk rezultojnë aq shumë efikase. Ndaj të zbresësh në shesh është një eksperiencë e provuar më parë nga Berisha, i cili tre vite më parë solli në shtëpi një fitore duke përdorur këtë metodologji.

Kështu që edhe Meta duket se ka përshtatur këtë strategji për të ngritur zërin e tij. Por kjo nuk mund të bëhej pas ndryshimeve kushtetuese, por duhej që të piqeshin kushtet, të cilat do t’i jepnin LSI një pretekst dhe një argument më shumë për të zbritur në shesh. Tashmë nuk ka kthim prapa, dhe Metës së bashku me të tjerët u duhet që në skakierën politike të fillojnë të luajnë në sulm, pasi mbrojtja deri në këto momente nuk ka prodhuar asnjë rezultat.

[Arditi_79]

Me çdo gjallesë krahasohen
K`ta politikanët tanë
Veç me sjelljen njerëzore
Asgjë të përbashkët s’kanë.

Krahasohen lehtë me Gjarprin
Nga mënyra si kafshojnë
Ngjajnë shumë me Gomarin
Nga mënyra si drejtojnë.

Krahasohen me Çakallin
Nga mënyra si sulmojnë
Kur e mbrojnë veten e tyre
Dhe Luanit ia kalojnë.

Nga natyra si kusarë
Në pushtet si pashallarë
Dhe fodullë dhe të shpëlarë
Hem të dhjerë, hem krenarë.

S’nxori një kjo “politikë��?
Që të dijë të thotë “Më fal!��?
Për ato që kanë ndodhur
Me dekada mbi shqiptarë.

Nisur që nga shtet’i parë
E në ditët që jetojmë
Nuk po dimë ndonjë burrë
Ta kujtojmë e ta nderojmë.

Zogu na mori paratë
E nuk tha “Më fal��? qafiri
Ato që s’mori me vete
Erdhi i mori i biri.

Enveri vdiq pa na thënë
Na la pas kët’ klasë-rrumpallë
Që kurrë nuk i bëri goja
Ti thotë popullit “Na fal!��?.

Ramizi është ende gjallë
Bën mirë para se të vdesi
T’i kërkojë popullit ndjesë
Atje ku puna nuk eci.

Berisha nuk kërkon falje
As për lekët, as për votën
As për qindra shqiptarë
Që vazhdon t’u hajë kokën.

Nano falje? Çfarë shakaje…
Një ditë kur t’i dalë rakia
Të jetë esëll të kujtojë
Ditët nga pushtet’i tija.

Racë e ulët, shifni botën
Dalin edhe thonë “Më fal!��?
Për gabime që të tjerët
Bënë dyqind vjet më parë.

Ju u kap me presh në dorë
Por, jo falje nuk kërkoni
“..Rrini mos na hani m…��?
Duket sikur po na thoni.

U dha ky popull pasuri
Që s’e kishit ëndërruar
U duket vetja të mençur
Ju lyrashë të zbukuruar.

Uluni me këmbë në tokë
“O popull, na fal��? të thoni
Nxirreni at’fjalë të shkretë
Që shpirtin ta lehtësoni!

Ndryshe, popull kapi zverkut
Futua kokën në kanal
Mos i ler andej të dalin
Pa thënë njëmijë herë “Më fal!��?.