Disa deputete te parlamentit shqiptar hyjne ne greve urie

[saura]

UNE NUK E DI GJITH KETO PARTI PER 3 MILLION BANOR ,çFARE ELEKTORATI KANE KETO PARTITE E VOGLA ,NGA 5 KATUNAR SECILA PER KOKE .zIHEN ME NJERI TJETRIN KETO PER INTERESAT E TYRE ,NDAU ,KRIJO NJE PARTI,SE TAKSAT I PAGUAJME NEVE ,BUXHETI I SHTETIT. DUHET ME MAJT PARTIT sA DO NJE PARTI PER TU MBAJTUR NE KEMBE SELIA E PARTISE SHOFERAT MAKINAT ,PUNONJESIT E ZYRAVE ,SHERBIME JASHTE SHTETIT ETJ ETJ .KUSH I PAGON TE GJITHA KETO POPULLI.pO TE KISHIM POPULLSINE E KINES NE I BINTE TE KISHIM NJE STADIUM ME DEPUTET.AMON KUR DO SHKRIHEN KETO PARTI ,GJITH AJO AMERIK DHE DY PARTI KA.

[juanito02]

Thjeshte lufte per karrike.
LSI ka plot biznese qe po krijojne miliona dhe po ju hoq suporti politik edhe ato biznese fundosen.
Ja kane kaluar edhe vete Saliut ne demagogji keta te LSI.
Duan te na e shesin sapunin per djathe se po u dhimbset vota e popullit.
Sa te menderosur qe jane . Shume llum politik ka krijuar ky tranzicioni jone.

[Albmaster]

Ka qenë një ditë e zakonshme në qëndrimet e tyre politike, për kryeministrin Sali Berisha dhe kryetaren e Kuvendit, Jozefina Topalli, edhe pse në Kuvend janë ngujuar 10 deputetë, pikërisht për ndryshimet në Kodin e ri Zgjedhor.

Nertila Pupuleku
Merkure, 12 Nentor 2008 08:57:00

Kryeministri Berisha dhe kryetarja e Kuvendit, Topalli, përjashtojnë nga përgjegjësia mazhorancën

TIRANË- Ka qenë një ditë e zakonshme në qëndrimet e tyre politike, për kryeministrin Sali Berisha dhe kryetaren e Kuvendit, Jozefina Topalli, edhe pse në Kuvend janë ngujuar 10 deputetë, pikërisht për ndryshimet në Kodin e ri Zgjedhor. Si Berisha ashtu edhe Topalli kanë qenë në një zë sa i përket grevës së iniciuar nga 10 deputetë të Kuvendit.

Edhe pse në aktivitete krejt të ndryshme, ata janë shprehur se respektojnë vendimin e ndërmarrë nga deputetët në fjalë, por nuk kanë dhënë asnjë përgjigje, pikërisht për kërkesat që çuan në zhvillimin e kësaj greve. Në këtë mënyrë, si Berisha ashtu edhe Topalli, kanë injoruar tërësisht atë çka po ndodh në Kuvend, duke lënë të kuptohet qartë se nuk do të ketë ndryshime të qëndrimeve nga ana e mazhorancës.

Gjatë prononcimit të tij, nga qyteti i Durrësit, kryeministri Sali Berisha e ka konsideruar çështje të brendshme të së majtës konfliktin që ka lindur me disa nga partitë e vogla lidhur me Kodin e ri Zgjedhor, duke e përjashtuar në këtë mënyrë PD-në nga përgjegjësia edhe pse ajo është forca më e madhe dhe njëkohësisht hartuese e këtij kodi.

Duke dashur t’i konsiderojë vetëm si çështje të brendshme të së majtës, Berisha ka injoruar faktin se konflikti, në të vërtetë nuk është brenda së majtës, por me disa nga partitë e vogla, ndër të cilat edhe partia që është në koalicionin qeverisës, PDK-ja.Madje, kryeministri Sali Berisha, ka përjashtuar nga negociatat çdo parti tjetër të vogël nga e majta, duke theksuar se do të negociojë me partinë më të madhe opozitare. “Kryeministri dhe mazhoranca, në mënyrë shumë të prerë, nuk do të hyjë në probleme të brendshme të opozitës.

Pavarësisht nga respekti i përgjithshëm që ushqej për të gjithë opozitën, unë jam i detyruar, në çdo rrethanë, të negocioj, para së gjithash dhe i kushtëzuar, me partinë kryesore të opozitës, sepse ky është rregulli dhe kështu ka qenë edhe kur unë isha në opozitë. Unë respektoj mendimin e çdo njeriu, por personalisht negocioj dhe do të negocioj me partinë kryesore të opozitës. Unë nuk ndërhyj në problemet e tyre të brendshme,”- tha Berisha.

Shekulli

[Duaje Siveten]

ka pas pas pas thon shoki fatos, kur jeshe krieminister, se ato qelsa nuk i merr kush tjeter ne dore, veq ai e sal berisha ...

se si vate puna, tosi ia dorzoi qelsat sales, dhe qetash ne loj ka hyre edvini, qe pret me padurim te marre ne dorezim stafeten ...

salija e din mire skemen - rrotacionon me edvini ...

keta "grevistat" po dashkan me prishe qetesine e rrotacionuar punisto-nomenklaturiste ...

mos i prishin pune vedit, apo ashtu qonka loja ...

[kris3006]

cfare te ben karikja mor aman, edhe pa buke ri per te shkreten.
Po duken qe jane atdhetar te djegur, por aman jane djegur ne vende te gabuara
Ti lene aty deri sa te vdesin , ta shofin edhe ata vdekjen me sy , se na hengren ter keto vite.

[isLand]

Ishalla mos vdesin aty te gjithe hahaha.... Do te behet Kryeminister dhe ai, keshtu qe ka te drejte

[Brari]

cka po thot prifti dritan q.irifikusi hajduti i keshit..

ka hy ne greve bashk me petron koc.. te cilit i tha vjet.. ti petro ke qen spiun dege me pseudonimin.. korabi..

dhe kryetari i vulnetareve te enverit.. tak braho po grevon..

po ndoka cka po thojke..
po taku va-ngjel a ka hi ne grev-im..

suksese bandes se 97 tshave..


a po i con kush byreka.. me spinak..

[Antimafia]

Shënkoll, të burgosurit në grevë urie

Shënkoll- Dhjetëra të burgosur në Shënkoll janë hedhur në grevë urie në kërkim të të drejtës që ata duhet të përfitojnë sipas ligjit nga vuajtja e 2/3 të dënimit të dhënë nga gjyqësori.

Gjergj Marku
Merkure, 12 Nentor 2008 21:45:00


Shënkoll- Dhjetëra të burgosur në Shënkoll janë hedhur në grevë urie në kërkim të të drejtës që ata duhet të përfitojnë sipas ligjit nga vuajtja e 2/3 të dënimit të dhënë nga gjyqësori. Sipas burimeve nga brenda burgut, në grevë urie janë përfshirë të burgosur të vendosur në dhomat e godinës nr 4 në katin e dytë, të cilët nuk kanë pranuar marrjen e ushqimit duke shpallur grevën e urisë pa limite kohore.

Një listë e tërë firmëtarësh që kanë vendosur të futen në grevë urie, u është drejtuar Ministrit të Drejtësisë, kryeparlamentares Jozefina Topalli, Avokatit të Popullit, Komisionit parlamentar të ligjeve, Zyrës së OSBE-së në Tiranë dhe gjithë mediave.

Në kërkesat e tyre për autoritetet e larta të vendit të burgosurit e ngujuar në grevë urie kërkojnë që të trajtohen nga organet gjyqësore në bazë të ligjit dhe jo në mënyrë arbitrare. “Këtë e kërkojmë në mënyrë ligjore, e jo për t’u mbushur xhepat ndonjë gjyqtari të korruptuar, pasi vihet re se përfitimi i lirimit me kusht nuk është i barabartë për këdo që e përfiton sipas ligjit, dhe jo sipas shumës së parave që mund të vejë në dispozicion të togave të zeza”- thonë ata.

Nuk është vetëm kjo kërkesë e të burgosurve të ngujuar në grevë urie, por dhe pika të tjera që kanë të bëjnë me përfitimet e uljes së dënimit kur nga i burgosuri manifestohet sjellje e mirë, si dhe për aplikimin e lejeve shpërblyese, për të cilat ata u janë drejtuar autoriteteve më të larta të shtetit shqiptar.


------------------------------------------
-----------------------------------------


Ne qofte se greva e urise e deputeteve arrin qellimin e tyre (10% deputet te aprovojne nje ligj qe e kundershtojne 90% deputet), ateher do te ndodh:

- qe ish-te burgosurit politik te kerkojne me grev urie demshperblimin. ( Tani i duam paret dhe vetem CASH)
- ish-Pronaret tokat
- ish-minatoret dhe ish-oficeret pensionet
- ngelesit e gjimnazeve te Tiranes, burse studimi nga Shteti Shqiptar per ne "Harvard"
-...
-...
- Gzim Kulufi te martohet me "gocen e dores vet" Naomi Campbell






.

[JoniShkodran]

Keto lapera t'frym si thi me hi greve urie. E per cfare. Me majt gishtin n'sahan.
E ca asht ma keq! Dalin njerez me i mbeshtete kto lapera.
Kta lapera jan trash shtatit e populli trash mendsh.

[Duaje Siveten]

...
Ne qofte se greva e urise e deputeteve arrin qellimin e tyre (10% deputet te aprovojne nje ligj qe e kundershtojne 90% deputet), ateher do te ndodh:

- qe ish-te burgosurit politik te kerkojne me grev urie demshperblimin. ( Tani i duam paret dhe vetem CASH)
- ish-Pronaret tokat
- ish-minatoret dhe ish-oficeret pensionet
- ngelesit e gjimnazeve te Tiranes, burse studimi nga Shteti Shqiptar per ne "Harvard"
-...
-...
- Gzim Kulufi te martohet me "gocen e dores vet" Naomi Campbell

.

brengosem te shoh e te lexoj te shkruaj kesisoj anti-mafija, per te cilin kam respekt foruminor ... sarkazma eshte arme jo fort e efektshme per "fitimtarin" ...

ne vend qe te jemi gjithe-perfshires, behet e kunderta, perjashtues te atyre qe nuk jane dakord me nje "monopol" (nese ky term ka vertet vend ketu) ...

po le te lexojme edhe ndonje opinion te "papvarur", si ki me poshte ...

TemA

Dy pushtete

Nga Baton Haxhiu

Jam i tunduar të pyes, tani që është mbërritur në një pikë pa kthim situata: Çfarë do të bëjnë Berisha dhe Rama për grevistët? Çfarë do të bëjnë mediat dhe ata që krijojnë opinion në Shqipëri për një situatë të pazakontë dhe goxha dramatike?

Le të bëjmë një vështrim të gjithë asaj që ka ndodhur gjatë kësaj periudhe, që të mund të sqarojmë krizën në të cilën ndodhet politika shqiptare.

Më fjalë të tjera, cila e drejtë ka përparësi? Ajo e shtetit të Berishës apo ajo e pushtetit të Ramës? Ajo e pushtetit qendror apo e pushtetit të Tiranës?

Mendoj se përgjigjja nuk është e vështirë, ndonëse si logjikë politike nuk shkon të sqarohet, për shkak se subordinimi i pushtetit ka logjikën e vet.

Po provojmë të sqarojmë dy pushtetet brenda një logjike shtetërore.

Të gjithë e dimë që Berisha i ka fituar zgjedhjet në 2005. Humbës i atyre zgjedhjeve ishte Partia Socialiste.

Duke qenë politikisht i tërhequr, Edi Rama qëllimisht iku nga beteja politike që të përfitojë nga humbja e Partisë Socialiste.

Në zgjedhjet lokale përdori Metën që të fitojë zgjedhjet lokale duke u fuqizuar në postin e kryetarit të bashkisë, pozicion ky që i jepte shpresën e qërimit të hesapeve brenda një partie të humbur dhe moralisht të shkatërruar.

Edi Rama nuk u bë kryetar si rezultat i përplasjeve, por duke fituar zemrën e Ilir Metës, ku së bashku me LSI, fitoi betejën për kryetar të Bashkisë së Tiranës. Duke qenë kryetar i Bashkisë së Tiranës, vendosi kritere tjera për anëtarësinë e PS. Vendosi një protektorat mbi anëtarët kryesorë të saj duke i shndërruar ata në njërën anë të përjashtuar dhe të pafuqishëm, për faktin se u shndërruan në njerëz që presin lëmoshën e ndonjë nderi bashkiak.

Duke vendosur pushtetin e lëmoshës mbi anëtarët e tij, vendosi edhe një pushtet të vetin, që në një mënyrë krijoi një geto të vetën politike, thënë ndryshe feudin e tij, që i mundësoi të diktojë ligjin e tij që ishte i veshur me pushtet. Edi Rama e kishte të qartë se, duke qenë i veshur me pushtetin e Tiranës, nuk ishte në opozitë. Ishte po aq i fuqishëm politikisht, sa arriti ta dekompozonte perandorinë socialiste dhe ta krijonte të vërtetën e tij politike. Natyrisht që më nuk i duhej Ilir Meta.

Detyra kryesore e Edit ishte të rifitonte besimin të vetja. Ai e kishte të qartë se, duke kthyer besimin të vetja, nuk dëshironte që kjo t’i ndodhte duke luftuar fort, por energjinë e harxhonte duke eliminuar të kaluarën. Ai e kishte të qartë se me diçka që po bënte nuk dëshironte që e kaluara të kthehej përsëri, e sidomos nuk dëshironte që ajo të kthehej si dikush mund ta priste apo dëshironte. Ai dikush ishte Ilir Meta.

Për fat të keq, njeriu që pretendon të jetë vizionar, u bë ngulfatës i idesë së identitetit të LSI, duke e luftuar partinë e re me burokracinë e ligjeve. Së pari, Kushtetutën, pastaj me ligjin zgjedhor dhe së fundi me Kodin.

Të tria këto janë të bëra në bashkëpunim me pushtetin qendror të Berishës duke vendosur kritere të ashpra kundër opozitarit Meta.

Kjo praktikë vazhdoi edhe pas goditjes përfundimtare, ku Berisha dhe Rama vazhdojnë të emërojnë gjëra që eliminojnë çdo koncept tjetër rregullash që dalin nga interesat e tyre.

Një mënyrë tjetër më e sofistikuar e lojës, që po zhvillohet, e gjetjes së fajtorëve është ajo që Rama kërkon brenda shoqërisë së majtë dhe jo jashtë saj. Në shënjestër vihet Meta dhe më konkretisht ideja e tij që të jetë i vetëm në idenë e tij politike.

Edhe Rama edhe Berisha po bëhen luftëtarë të zellshëm kundër demokracisë në Shqipëri duke ngulfatur çdo ide që pretendon të jetë ndryshe nga dëshirat e tyre.

Ç’i ka bërë Meta - Berishës dhe Ramës?

Iu ka prishur rehatinë e dominimit total. Pra, rehatinë e dy pushteteve, të cilat funksionojnë në mënyrë perfekte.

Nuk guxohet të lejohet që shoqëria shqiptare të vijë deri aty që qeverisja dhe shoqëria të arrijnë deri në atë nivel të tillë të lirisë e të mendimit dhe të shprehjes, që të bëjë të tjerët, qofshin ata të majtë apo të qendrës, apo të djathtë, të largohen nga bindjet e tyre për të kërkuar strehë te Berisha dhe Rama.

E para, është e pamoralshme që të ndërtosh monopol politik me fuqinë e burokracisë së dy pushteteve duke kufizuar gjithçka tjetër.

Berisha dhe Rama duhet të jenë burim frymëzimi e jo burim të ngulfatjes së demokracisë.

Kështu si shkon puna, po krijohet një traditë apo një kulturë politike dhe shoqërore, që të jetë model posaçërisht i Berishës dhe Ramës. Historia politike e Shqipërisë është tepër e largët, ndërkohë që përvoja politike e Ramës tepër e shkurtër, që të mund të shërbejë si kulturë ramiste në politikë.

Ata duket se kanë fshirë secili historinë e tyre të mëparshme, duket sikur duan të mohojnë nga kanë lindur dhe përmes çfarë mundësish janë bërë liderë politikë në vend. Ata kanë vendosur papritur të arkivojnë historinë e tyre politike, historinë e konkurrencës dhe mbijetesës politike dhe ta fillojnë nga e para duke lindur të dy në një ditë. Dhe tashmë më ngjajnë si dy vëllezër siamezë, që po lindin të ngjitur në shpinë të njëri-tjetrit, për të mos lënë askënd mes tyre. Dhe dihet si është i paracaktuar fati i siamezëve. Ata vdesin në një ditë.

[Brari]

sipas batonit.. spo i lihet hapsire ilir metes.. pra na duhet ti hapim vend ilir metes.. pra te krijojme nje qeveri tjeter krahas asaj te pd-se qe fitoj zgedhjet.. me kryetar liro meten.. ose nje bashki tjater ne tiran me kryetar po ilir meten.. qe te na kenaqet ilir meta..
kjo ska b.th te rrije or bato trendafili..
po dhe une brari nuku kryesoj ndonje qeverri..
mos duhet te bolshevikezoj si meta e ti them parlamentit pirdhu se ketu jam une..
ne asnje menyre..
pra jemi nja 3 meleon shqiptare si une qe nuku qeverrisim as qeveri qendrore as bashki lokale.. edhe nuku merzitemi..
cka ki ilir meta qe patjater duhet te qeverrise.. mo ka ndonje vule ne mollaqe ki te lindur qe na detyron ta veme patjater ne qeverii mbi kryet tona..
dini gje yve mo..

qeveris ai qe fiton voten..
ne bashki te tiranes qeverris edvin hajduti qe edhe me ndihmen e metes u be kryetar..
cdo meta..
je revolucionar i madh.. i ka thene me celular driteroi ilir metes ..

kjo bie ere 97-te..
dhe ahere driteroi u coj selam "djemve te selamit " sic i quajti ai causho vampiret e vlor 97 tes..
parlamenti eshte i shenjte.. eshte tribuna e pluralizmit..
te dhunosh parlamentin do te thote bolshvizem i kulluar.. pra grusht shteti ..kunder institucioneve te shtetit demokratik..

pra ilir meten normalisht duhet ta cojne ne biruce..si armik i rendit ..

do te besh greve.. beje ne zyrat e partis tende..se nuk je pa zyra.. do te protestosh..merre fjalen ne parlament si deputet qe je e fol si deputetet e tjere..
nese nuku realizohet ideja jote do te thote se shumica nuk ta pelqen.. e ti ske te drejte me dhune te behet sic do ti..

pra ilir meta po tregon se asgje ska kuptuar nga demokracia.. se ai vazhdon te jete nje stalin i vogel.. nje enver shkurtabiq..
pa le kur i shan te tjret.. o pinjolle u thot te bllokut apo te ppsh-se..
a thua se bashk puntoret e tije nuku jan kryeenveristet e vlores.. zabiti me shoke e krie enveristet skraparas por qe komandojne dhe enverizmin ne shqiperi te mesme si tako braho.. me shoke..

pse trembet iliri..
ai thote se dhe i vetem do dali e do fitoje zgedhjet e ardhshme..
apo genjeka..

e dim qe genjen sepse ne bucimas.. vjet.. kandidati demokrat i vetem.. i mundi tere sojsezet e ppsh-se te bashkuar.. pra si ilir metistet si edvin brace istet..si zabit gjinush miloistet e bashkuar..

turp te kete driteroi qe ushqen si me 97 te..revolucione kanibalesh..
nuk qenka ngopur ahere ki me mijra kufomat qe ja shkaktuan ketij mileti te shkrete..





..


nje te mire e kan keto kacafytjet edvino metoiste.. se ne nerva e siper mund te nxjerrin sekretet e mafies.. ku ata bejne pjese si antar shtabi..

[TikTak]

o braro daje se rob i nolt qi je vdes per i cik sekrete hahahahahahahahahaha

e di care sekretesh do i qisin njeni tjetrit nai photo ku rama bo amore me nai freshiste hahahahahahahahahah

[Dajti]

JEMI Të GJITHë GREVISTë

Mustafa Nano

Një numër anëtarësh të Kuvendit të Shqipërisë janë futur në një grevë urie. U bënë më shumë se dy ditë që janë të ngujuar në sallën parlamentare, ku rëndom mbahen seancat plenare e ku dy partitë e mëdha janë bërë gati të miratojnë shpejt e shpejt një kod elektoral, që u vjen pas midesë veç atyre e që penalizon në mënyrën më të palogjikshme e më të papranueshme Lëvizjen Socialiste për Integrim. E pikërisht për këtë arsye, kjo e fundit ka ndërmarrë këtë iniciativë spektakolare dhe ekstreme. Ilir Meta e të vetët asistohen në këtë ndërmarrje edhe nga dy a tri deputetë demokristianë.

Në gjithë këtë që po ndodh këto ditë e drejta është në anën e grevistëve. Të kuptohemi, nuk është ndonjë e pabërë ta përjashtosh LSI-në nga diskutimet mbi thelbin e kodit zgjedhor, pasi këto diskutime morën qysh në krye të herës formën e një loje "zero-sum", rrjedhimisht njëra palë do të fitonte atë që humbiste tjetra. Më fjalë më të varfra e më të qarta, për sa kohë që PS-së i ishte mbushur mendja për variantin spanjoll e përsa kohë që LSI-ja veç këtë variant nuk donte, diktati i të parës mbi kurriz të së dytës ishte një gjë e pritshme (për mua, ky diktat ishte dhe i udhës, pasi varianti spanjoll na e thjeshton pakëz skenën politike e na heq qafe ca lojtarë, të cilët nuk i duhen as dreqit. LSI-ja, për shkak të një peshe të madhe elektorale, por jo për shkak të ndonjë roli a funksioni të dëshirueshëm politik, nuk bën pjesë në këtë grup lojtarësh). E vetmja keqardhje ka të bëjë me faktin, që nuk u bë asnjë tentativë për dialog, nëpërmjet të cilit mund të afroheshin apo puqeshin qëndrimet.

Mirëpo, punët janë ndryshe me vendimin për ta përjashtuar LSI-në nga e drejta për të pasur anëtarë në komisionet zgjedhore të të gjitha niveleve. Në ndryshim nga diskutimet mbi thelbin e kodit zgjedhor, në të cilat mund të mendohej se çdo kompromis do të denatyronte e bastardizonte variantin gjenuin spanjoll, në diskutimet mbi komisionet zgjedhore çdo kompromis ishte i mundshëm dhe i këshillueshëm. Sa kohë që partitë e mëdha nuk kanë rënë dakord lidhur me kompozimin jo partiak të komisioneve zgjedhore, çfarë do ta gjente demokracinë shqiptare, nëse do të vendosej që komisionet zgjedhore të kishin në përbërje anëtarë të të gjitha partive parlamentare? Do të rritej kostoja e procesit dhe e procedurave? Apo do të bëhej më e vështirë vendimmarrja brenda komisioneve? As njëra, as tjetra; ndryshe, nuk do të binin dakord që në këto komisione të marrin pjesë përfaqësues të PSD-së e të PR-së. Hajde e merre vesh se pse këto dy partitë e fundit, pesha parlamentare e të cilave është fantomatike dhe e stisur, u dashka të jenë të përfaqësuara përpara LSI-së në komisionet zgjedhore të të gjitha rangjeve!

Është e qartë që Ilir Meta ka thjesht hallin e vet në këtë betejë, e në këtë kuptim personalisht nuk impresionohem shumë nga tonet idealiste të protestës së Ilir Metës. Përkundrazi, këto tone idealiste ta shpifin; ta shpifin po aq sa goditja që po i japin pas shpine të tjerët. Ilir Meta as që e vë ujin në zjarr për votën e lirë, për demokracinë, për shtetin e së drejtës. Por kjo s‘do të thotë, se ai s‘ka të drejtë. Ka të drejtë që ç‘ke me të, pasi dy të mëdhenjtë po i provojnë të gjitha me qëllimin për t‘i zvogëluar peshën elektorale. Po përpiqen t‘i minimizojnë ndikimin politik. Po përpiqen ta bëjnë këtë, jo atje ku mund e duhet të bëhet, d.m.th në fushën e mejdanit, por atje ku s‘mund e s‘duhet të bëhet, d.m.th në tavolinën e rregullave të lojës.

E përsëris, nuk është ndonjë hatá që penalizohet Ilir Meta e partia e tij (për këtë them gjithë ditën e ditës se teknikat spanjolle të ndarjes së mandateve parlamentare nuk kanë të sharë); por është hatá amá, që ky penalizim nuk bëhet në emër (apo për shkak) të synimit për të përmirësuar e bërë më eficiente demokracinë shqiptare; përkundrazi, bëhet në emër (apo për shkak) të interesave të një tandem-i, që po bën çdo gjë me mirëkuptim xhambazësh, nën rrogoz e duke na hedhur hi syve ne të tjerëve. Ajo që po ndodh, jo vetëm është shumë e dëmshme, por është dhe shumë e shpifur: gjithë procesi i vendimmarrjes në funksion elektoral, politik, institucional, legjislativ e nacional na është shndërruar në një udhëtim vajtje-ardhje në itinerarin Edi Rama-Frangaj&Fevziu - Sali Berisha. Dëshiron Rama/Berisha të marrë një vendim? Menjëherë merr në telefon dyshen Frangaj&Fevziu, dhe këta të dy marrin menjëherë takim me Berishën/Ramën, me të cilin kopsitin detajet. Më pas vjen vendimi.

Kjo situatë do të meritonte një përgjigje, por jo nga Ilir Meta e jo me Ilir Metën. E dini pse? Meraku i këtij të fundit nuk është ky itinerar me tre stacione që zëvendëson e by-pass-on procesin ligjor e kushtetues të vendimmarrjes në republikën tonë, por fakti që një nga tre stacionet nuk është ai vetë. E megjithatë, në ngjarjen e këtyre ditëve duhet të jemi me Ilir Metën për një numër arsyesh. Së pari, Ilir Meta nuk është në këtë mes viktimë e një gare (unë vetë do doja që ai të mundej për fare në një garë), por është viktimë e një hileje të pistë; së dyti, kjo hile nuk rëndon vetëm mbi të, por po synon të spastrojë fushën prej të gjithë agjentëve "armiqësorë"; e së treti, askush nuk e di se ç‘janë duke përgatitur dy të mëdhenjtë (edhe ata vetë nuk e dinë se si do të jetë fundi i kësaj odiseje elektorale, në të cilën Rama ka bërë atë që ka dashur Berisha dhe Berisha ka bërë po njësoj atë që ka dashur Rama. Kush do të fitojë?).

Ka dhe një pikë të katërt që na hap barkun e që na risjell në mendje regjimin policor të Saliut të parë. Po na shohin sytë gardistë të partisë e të pushtetit që bllokojnë lëvizjen e deputetëve, po na shohin sytë shefin e gardistëve, që më të lehtë e ka të dalë e të na japë shpjegime në televizion (këtë i thotë Berisha), se sa të marrë kontakt me përfaqësuesit e popullit të ngujuar në Kuvend (këtë duhet t‘ia thotë logjika), po na shohin sytë që TVSH-ja dizinformon pa pikë turpi (grevistët duan të fusin ushqime -ky ishte një nga lajmet e dhëna nga ky televizion), po na shohin sytë pajisje të bllokimit apo të zhurmimit të sinjaleve të telefonisë celulare, fikjen apo gradimin në të ftohtë të kondicionerëve në sallën e parlamentit, e provokacione të tjera të kësaj natyre që mund t‘i pjellë veç mendja e atij që nuk la provokacion pa bërë ndaj një populli të tërë në periudhën 1992-1997.

Edi Rama, jo vetëm po e bën sehir këtë gjë, por edhe po bashkëpunon me Sali Berishën; po bashkëpunon me demek për ta mundur në zgjedhjet e vitit të ardhshëm. Po sikur të humbasë (dhe me siguri që do të humbasë në këto rrethana, pasi lojën e kontrollon Berisha)? Kjo është pyetja e parë që ngrihet. Dhe pas kësaj pyetjeje, vjen një arsyetim: edhe sikur të fitonte Edi Rama, i cili me sa duket s‘e ka për gjë të këmbejë një fitore zgjedhjesh me një heshtje totale ndaj korrupsionit të Sali Gërdecit e të familjes së tij, kjo fitore, tok me fituesin, nuk do t‘i duheshin askujt. Do të ishte një fitore e ngritur mbi kompromise të paprincipta, dhe mbi këtë bazë nuk mund të ngrihet gjë tjetër, veçse një pushtet korruptiv e i korruptuar.

Është koha që të kthejë mendje. Është koha që t‘i kthehet komunikimit me pjesën tjetër të opozitës e t‘i bëjë naftën bashkëpunimit me pushtetin. Askujt (as Ramës e të vetëve, as Berishës e të vetëve, as ne të tjerëve) nuk i duhet në këto momente një bashkëpunim në stil e në front të gjerë maxhorancë-opozitë. Nuk ka asnjë urgjencë për një bashkëpunim të tillë. Kanë mbetur tetë muajt e fundit të kësaj legjislature, e për këtë arsye opozita duhet t‘i kërkojë pushtetit thjesht përmbushjen e detyrimeve e premtimeve në funksion të mbarëvajtjes së zgjedhjeve. Vetëm kaq. Por përpara se të bëjë këtë, Edi Rama duhet të bëjë një hap prapa, e t‘i hapë rrugë ridiskutimit të mënyrës së kompozimit të komisioneve zgjedhore, të cilat ose duhet të jenë jo partiake (kjo do të ishte zgjidhja më e mirë), ose duhet të kenë në përbërje edhe përfaqësues të LSI-së. Çdo zgjidhje tjetër është për t‘u refuzuar.

[Borix]

Disa deputete te parlamentit shqiptar hyjne ne greve urie

Po ushqimin ku e blejne?

[Antimafia]

... sarkazma eshte arme jo fort e efektshme per "fitimtarin" ...

ne vend qe te jemi gjithe-perfshires, behet e kunderta, perjashtues te atyre qe nuk jane dakord me nje "monopol" (nese ky term ka vertet vend ketu) ...

Po te shikosh postimet e mia te meperparshme ne kete teme, une e fillova diskutimin shume seriozisht, por meqenese çunat dhe gocat e Forumit vazhduan me gallatë, ateher thash te bej edhe une pak sarkazem (Si tha Jovan Bregu: S’kisha bere ndonjeher nga keto anonimet dhe thashe ta provoj edhe une njeher).

Le të diskutojme tani seriozisht per greven.


Meqenese ka 6 muaj nga dita kur Ilir Meta, Artur Zheji & Co. dolen ne mbrojtje te Kushtetutes, e cila sipas tyre u shkel nga partite e medha, une po sjell vetem nje nen te Kushtetutes (ky nen ka qe ne vitin 1998 ne Kushtetute, d.m.th. eshte votuar me referendum popullor).

Neni 81

1. ...

2. Miratohen me tri të pestat e të gjithë anëtarëve të Kuvendit:

a) …; b)...

c) ligji për zgjedhjet e përgjithshme dhe vendore;

ç) ...; d) ...; dh) ...; e) ...; ë) ...; f) ... .

Pra Kushtetuta e Shqiperise (ashtu si çdo Kushtetue e cilit do vendi demokratik ne planet) e cileson se sa vota duhen per te miratuar nje ligj, ne rastin tone ligji per zgjedhjet.

Une personalisht jam kunder precedenteve, shume shume te rrezikshem, qe Ilir Meta kerkon te vendos. Them precedenteve, sepse ky eshte i dyti.
Heren e pare hypi mbi tavolinat e ministrave dhe desh te rrihte Zhozefinen. Per kete, nga frika apo nga deshira per te bere zgjedhje te pakontestueshme ne 2007, Parlamenti nderhyri ne Kushtetute dhe e beri numrin e antareve te KQZ nga 7 ne 9.

Ne qofte se edhe kete rradhe Ilir Meta nepermjet nje greve urie do realizoj kerkesat e tij, ateher e them me plot gojen:
se Shqiperia nuk e meriton me te quhet as “ Rrepublik Bananesh “ , pasi do ishte nje ulje e reputacionit te ketyre lloj republikave.

Sa per kodin zgjedhor mund te them vetem kaq:
LSI & Co. i ka votua ne kete komision 176 Nene ( jane votuar nga 100% te antareve) nga 181 Nene qe ka Kodi.
Kodi (sipas Erion Velise qe e ka lexuar dhe qe e deklaroi dje ne emisionin “Opinion”) eshte shume i favorshem per partite e vogla.

Me teper nuk ja vlen te debatojme per kodin, sepse kur nje komisioni te posatshem parlamentar ju deshen mbi 6 muaj qe ta bejne kete kod, ne mund te rrime gjith jeten duke shruar ne Forum dhe ne fund (para vdekjes) sejcili prej nesh do mendoj se ai kishte argumetat me te forta, pra kishte te drejte

[GeNi_25]

Meqenese u bene 6 muaj nga dita kur Ilir Meta, Artur Zheji & Co. dolen ne mbrojtje te Kushtetutes, e cila sipas tyre u shkel nga partite e medha, une po sjell vetem nje nen te Kushtetutes (ky nen ka qe ne vitin 1998 ne Kushtetute, d.m.th. eshte votuar me referendum popullor).

Neni 81
1. ...
2. Miratohen me tri të pestat e të gjithë anëtarëve të Kuvendit:
a) ...
c) ligji për zgjedhjet e përgjithshme dhe vendore;
ç) ...; d) ...; dh) ...; e) ...; ë) ...; f) ... .
Pra Kushtetuta e Shqiperise (ashtu si çdo Kushtetue e cilit do vendi demokratik ne planet) e cileson se sa vota duhen per te miratuar nje ligj, ne rastin tone ligji per zgjedhjet.

Per te bere nje sqarim fillimisht per te mos u keqkuptuar me vone, nuk kam qene ndonjehere simpatizant i "levizjes se Skraparit". As nuk do te jem por e mbeshtes moralish greven sepse per grevat, revolucionet kemi shume nevoje sot!
Por ama kam qene ne pjesen derrmuese per te mos thene gjithmone ne opozit (sepse nje njeri me parime demokratike dhe te drejta gjithmone eshte ne OPOZITE. Eshte ne opozite sepse dihet qe pushtet do te thote abuzim. Le te me thoje ndokush qe si e majta dhe e djathta nuk paskan grabitur me thase?

Tani i nderuar "anti-greva" te gjithe e njohin kushtetuten. Kushtetuta eshte miratuar nga Populli dhe si e tille duhet te ishte votuar ne referendum. Kete nuk e thote qarte kushtetuta sepse keshtu eshte gatuar. Neni 177 pika 4 deklaron qe Parlamenti mund ta çoje kushtetuten e ndryshuar ne Referendum? Shtroj pyetjen se kur mund ta dergoj ne Ref.? [COLOR="Blue"]Ligji i zgjedhjeve qe e ndau Shqiperine ne Kantone, Ligji per Presidentin, qe sipas meje eshte me i rendesishmi, ligji i mocionit te shkarkimt te Qeverise, ligji i shperndarjes se Parlamentit nga Kryeministri qe eshte nje shpikje alla-Shqiptarçe, me tregoni se cili vend e ka keshtu, perfshi dhe vendet afrikane Sipas meje eshte e drejte morale qe nje grup qytetar apo nje parti ta kerkoje me ane te firmave te mbledhura. 20000, 50000 aq sa ç'thote dhe kushtetuta. Apo e kam gabim?!?!

Kushtetuta nuk thote as që:
a) Ligji per zgjedhje miratohet kur nje grup deputetesh arrin te kete numrin me te madh te orëve te "Ramazanit" (agjëno diten dhe ha naten), ne krahasim me deputetët e tjerë

b) Antaret e KQZ zgjidhen nga partia, kryetari i se ciles arrin te kaloj rradhet e gardisteve dhe te hip mbi tavolinen e kryetares se Parlamentit.

Me kete greve urie, ish-kryeministri Shqiptar dhe ish-ministri i shendetesise po provokojne parlamentin, qe te shkel Kushtetuten.
Ne rast se PD dhe PS do e thyhen para kesaj greve dhe do i bejne leshime "agjënusve", ateher do krijojne nje precedent shume shume te rrezikshem per demokracine.

Ka me hajdut se keta qe kane qeverisur 18 vjete ne Shqiperi? Ka me keq se kaq? A mund te vije dikush nga rinia per ta ndryshuar kete gjendje? Keto jane pyetje qe duhet ti pergjigjen njerezit e ndershem apo dhe ata qe etiketohen anti-greve, te me falni anti- mafie?!?!


Une do ti them ketij populli mire jua bejne qe jeni pa drita.
Mire jua bejne qe jeni pa uje?
Mire j'ua bejne qe jeni me rroga qesharake?
Mire jua bejne ata policat greke qe ju fusin shkopin e gomes ne by.?
Mire jua bejne ..... per te gjitha padrejtesite e tjera qe jane aq shume sa do te duheshin dite e net per ti shkruar te gjitha.

Ngrihuni mor katunar ne proteste kur ju ndodh GERDECI!
Ngrihuni mor njerez te humbur ne proteste kur nuk keni drita!
Ngrihuni mor budallenj ne proteste kur politikanet ju vjedhin voten!
Ngrihuni mor popull ne proteste kur nuk keni pune!
Ngrihuni mor popull kur proteston minatori!
Ngrihuni mor popull kur proteston sindikata!

Kete duhet te besh ti o i nderuar antimafje dhe jo ta na mbrosh Edi Ramen, Sal Berishen, Ilir Meten sepse ka kush i mbron keta qeveritar. Jane skuthat si Erjon Veliaj, jane mafi-ot qe ju grabisin çdo dite e etj.

Pas kesaj mua me lind e drejta te shtroj pyetjet:

1) Perse u dashka qe shqiptaret te shkojme ne votime dhe te zgjedhim nje parlament, i cili nuk i aprovon ligjet me shumicen e kerkuar ne Kushtetute?

Shqiptaret duhet te shkojne ne votim per te zhdukur njehere e mire kete kas politike qe nuk jane me teper se kopil komunistash.

Shqiptaret duhet te shkojne ne votime dhe te zgjedhin ate, njeriun e tyre, nga komuniteti i tyre, te zgjedhin njeriun e drejte, artistin e merituar, dhe jo t'ia japin voten x politikani qe nuk mban pergjegjesi per 97, per Gerdecin, per korrupsionin galopant.
Ne duhet te votojme per te nxjerre ne pension kryeministrin qe luan kazino kur mbyten bijte e ndershem te ketij populli te varfer.

2) A nuk do ishte me efikase sikur çdo grup interesi shqiptar, te sterviste disa persona ne mbajtje "Ramazani" dhe me ane te tyre te realizonte venien e ligjeve qe ju interesojne.

Ke te drejte qe tallesh sepse ke qene picirruk ne kohen kur studentet Shqiptar hyne ne greve per rrezimin e Komunizmit.
Tallu me greven e minatoreve se kerkojne pensione dhe rroga me te larta se sa Deputeti. Vazhdo e tallu se te ka magjepsur x apo y politikan.

3) Sa dite greve urie duhen per tu bere Kryeminister i Shqiperise, se ndoshta e kap edhe une normen (jam i sigurte që duroj me shume se ai sozia i Pali Miskes, Ilir Kaptinlodra)?
oks

Greve tende do ta mbeshtes i nderuar por nqs ama hyn per buke, drita, uje, per zgjedhje te ndershme, per protest anti korrupsion etj.

[Antimafia]

... Kushtetuta eshte miratuar nga Populli dhe si e tille duhet te ishte votuar ne referendum. Kete nuk e thote qarte kushtetuta sepse keshtu eshte gatuar. Neni 177 pika 4 deklaron qe Parlamenti mund ta çoje kushtetuten e ndryshuar ne Referendum?
...

Neni 177 i Kushtetutes

1. Nisma për rishikimin e Kushtetutës mund të ndërmerret nga jo më pak se një e pesta e anëtarëve të Kuvendit.

2. Asnjë rishikim i Kushtetutës nuk mund të ndërmerret gjatë kohës kur janë vendosur masat e jashtëzakonshme.

3. Projekti miratohet nga jo më pak se dy të tretat e të gjithë anëtarëve të Kuvendit.

4. Kuvendi mund të vendosë, me dy të tretat e të gjithë anëtarëve të tij, që projektamendamentet kushtetuese të votohen me referendum. Projektligji për rishikimin e Kushtetutës hyn në fuqi pas ratifikimit me referendum, i cili bëhet jo më vonë se 60 ditë nga miratimi i tij në Kuvend.

5. Amendamenti kushtetues i miratuar i nënshtrohet referendumit, kur këtë e kërkon një e pesta e të gjithë anëtarëve të Kuvendit.

6. Presidenti i Republikës nuk ka të drejtë ta kthejë për rishqyrtim ligjin e miratuar nga Kuvendi për rishikimin e Kushtetutës.

7. Ligji i miratuar në referendum shpallet nga Presidenti i Republikës dhe hyn në fuqi në datën e parashikuar në këtë ligj.

8. Rishikimi i Kushtetutës për të njëjtën çështje nuk mund të bëhet përpara se të ketë kaluar një vit nga dita e rrëzimit të projektligjit në Kuvend dhe jo më përpara se të kenë kaluar 3 vjet nga dita e rrëzimit të tij në referendum.


Pra Kushtetuta e thote shume qarte, qe amendamenti kushtetues i miratuar i nënshtrohet referendumit, kur këtë e kërkon një e pesta e të gjithë anëtarëve të Kuvendit.

Ilir Meta & Co. nuk i beri dot 28 firma deputetesh qe ta çonte Kushtetuten e amenduar ne referendum popullor.
Ne se kane te drejte 50 mije shqiptar qe te ndryshojne kushtetuten, kete mund ta gjykoj vetem Gjykata Kushtetuese e Shqiperise.
Po qe se kjo gjykat e lejon referendumin dhe po qe se mblidhen 50 mije firma, ateher une do shfrytezoj te drejten time Kushtetuese per te votuar.
Do votoj pro ndryshimeve te 21 Prillit.

...

Ke te drejte qe tallesh sepse ke qene picirruk ne kohen kur studentet Shqiptar hyne ne greve per rrezimin e Komunizmit.
Tallu me greven e minatoreve se kerkojne pensione dhe rroga me te larta se sa Deputeti. Vazhdo e tallu se te ka magjepsur x apo y politikan.

Une kam qene nje nga antaret e komisionit kryesues te greves se urise te studenteve ne Shkurt 1991.
Ne me greven e urise donin te provokonim diktaturen (sepse vetem 40 dite me vone me 31 Mars 1991, do hynim ne zgjedhje kunder partise komuniste ne pushtet) dhe besoj se ja arritem qellimit. Diten e trete te greves 100 000 shqiptar rrezuan me bustin e diktatorit edhe friken per te votuar kunder PPSH-se.
Pra ne donim sherr dhe konfrontim me shtetin komunist. Jo per qejf, por ngaqe nuk kishim rruge tjeter.


Kete qellim kane deputetet greviste? Te nxisin nje rrevolte popullore kunder shtetit demokratik dhe rendit kushtetues???!!!
Ta nxjerrin ligjvenien dhe vendim-marrjen nga Parlamenti ne rruge????!!!!

"Nuk bete boll qejf " ne 1997, kur popullin nuk e drejtonin te zgjedhurit e tij, por Komitetet e Shpetimit te Zan Çaushit, Nehat Kulles & Co.???????!!!!!!!!

.
.

[Qyfyre]

Jam plotesisht dakort me Antimafian. Une e fillova vetem me shaka kete teme, pasi se besoja se me te vertete do kishte perkrahje kjo greve. Eshte komplet absurde te besh greve urie per gjera te tilla dhe te dalesh kunder shumices se parlamentit qe rrjedhimisht eshte edhe shumica e popullsise.

Kane vjedhur apo jo PS e PD nuk ka lidhje ne kete muhabet fare. Keta grevistet kane plot mundesi te tjera per te bere ndryshime dhe nuk ka nevoje per greva urije. Le ta sensibilizojne me mire popullin ne lidhje me vjedhjet dhe shkeljet qe po bejne partite kryesore dhe mbase e kapin me verte numrin e 50 mije firmave qe duhen per referendum.

Me keto greva urie i bie qe te drejtoje pakica, se sa here su pelqen dicka, vrap ne greve urie dhe shumica duhet te degjoje.

[Qyfyre]

dhe ti kthehemi pak shakave

A ka vdek ndonji nga grevistet apo gjall te gjith?

[white-knight]

Po pse su ngriten rrugacet e LSI-se kur ndodhi Gerdeci por u ngriten tani kur iu prek interesi personal?Kane zene dhe Parlamentin se me c fare te drejte Iliri i Met e di.Duhen nxjerre zvarre perjashta.Nqs duan te bejne greve ta bejne te LSI.Ne Parlament s kane te drejte sepse Parlamenti eshte i te gjithve dhe rrugacet e LSI-se nuk jane shumica.Hajd hajd se do i kapi kodi i ri Ilirin e Met.