Haradinaj, Qeveria ime zgjidh problemet

[ARIANI_TB]

Qeveria e re që do të krijohej në vjeshtë do të ketë në gjirin e vet kuadro të thirrura për temat më të ndjeshme që i kemi në vend, tha lideri i AAK-së në Kuvendin e pestë zgjedhor në Ferizaj 9 N�ntor, 2008



Ferizaj, 8 nëntor
Dega e AAK-së në Ferizaj ka mbajtur Kuvendin e pestë zgjedhor, në të cilin, përpos simpatizantëve dhe anëtarëve, merrte pjesë edhe lideri i AAK-së, Ramush Haradinaj, dhe udhëheqës të tjerë të kryesisë së AAK-së. Haradinaj, i cili është pritur gjatë me duartrokitje, tha se në këtë proces do të reflektohen dhe do të zgjidhen kuadrot më të mira që kanë mundur të aderojnë në AAK. Ai tha se partia duhet të jetë më krijuese për të dhënë zgjidhje më të mira në përputhje të plotë me obligimet që janë marrë nga qytetarët e Kosovës.

Politika e jashtme,
kërkohet qasje më ndryshe
Sa i përket politikës së jashtme, Haradinaj tha se kërkohet një qasje shumë ndryshe, më krijuese në mënyrë që Kosova ta prezantojë vetveten. “Shumëçka që lidhet me ne në Kosovë dhe rajon, por edhe më gjerë, ne duhet t’i japim propozimet tona e jo të presim në Prishtinë propozimet që në të shumtën e rasteve, siç është i fundit, burimin e kanë në Beograd”, tha ai. Duke mos qenë krijues dhe duke mos marrë iniciativa, atëherë duhet të japim përgjigje për iniciativën e tjetrit”,ka shtuar Haradinaj. “Ne duhet vazhduar punën mbi dy vendime që i kemi marrë në Kosovë, Shpalljen e pavarësisë së Kosovës dhe hyrjes në fuqi të Kushtetutës së Kosovës nga mesi i qershorit. Ai shtoi se gjithçka që del jashtë këtyre dy vendimeve nuk është progres, por është kthim prapa. Haradinaj tha se duhet të kemi fuqinë që serbët e Kosovës t’i integrojmë dhe kjo nuk do të jetë e lehtë, por të kemi zotësi e të gjejmë zgjidhje edhe për pjesën e mbetur të çështjeve të pazgjidhura.

Qeveri bazuar në zgjedhje
Lidershipi i Kosovës duhet të ketë të qartë se nuk duhet marrë vendime që kthehen mbrapa dy vendimet -pavarësia e Kosovës dhe Kushtetuta e vendit, tha ai. Haradinaj tha se EULEX-i ,UNMIK-u dhe ICO-ja duhet të shkojnë nga Kosova, jo se ne e kemi një rrugë ndryshe nga ata që e kanë ndjekur, por se ne synojmë që t’i takojmë familjes prej së cilës vjen EULEX-i, dëshirojmë të bëhemi anëtar i BE-së ,NATO-s, OKB-së dhe bazuar në këto ne nuk mundemi që të bëhemi anëtar i këtyre mekanizmave, përderisa kemi nevojë për një përkujdesje kaq të veçantë. Haradinaj tha se do të mundohet të krijojë një qeveri në vjeshtën që vjen, bazuar në zgjedhje e jo në bazë të krizave që do të dalin, dhe kjo qeveri do të ketë në gjirin e vetë kuadro të thirrura për temat më të ndjeshme që i kemi në vend, për politikën e jashtme, tranzicionin ,integrimin e serbëve në mënyrë që t’i kthehemi zhvillimit ekonomik. Kreu i degës së AAK-së, Kemajl Ramadani, duke paraqitur para kuvendi raportin dyvjeçar, theksoi se kjo degë aspak nuk është e kënaqur me rezultatin e zgjedhjeve të fundit, edhe pse anëtarësia ka shënuar rritje për 1%, por numri i delegatëve në kuvend ka mbetur po ai që ishte. Ai si shkaqe të mosarritjes së sukseseve të dëshiruara kësaj dege ka numëruar tri gjëra: mosprezencën e liderit Haradinaj në Kosovë, mosangazhimi sa duhet dhe padrejtësitë që janë shfaqur gjatë votimit dhe numrit të votave. ” Kjo nuk na ka ndalur aspak në konsolidimin e brendshëm si degë, duke formuar deri më tani 33 nëndegë dhe duke thithur anëtar të rinj që mbështesin programin e AAK-së.
R.Suma

[strange]

Posi thuaj Haradines, te ja u jep 100 mijë serbeve nga 2000 euro, ashtu i zgjedh problemet ti? Pastaj thotë jo, po populli keq e ka kuptuar. Mire boll e kemi kuptuar.
Ky Teletabisi ska dy lidhje me politiken.

[Llapi]

shaka ka ba ramushi per zotin
ai eshte tuj ia ba nji sherbim shume te mire qeveris Thaçi
kur nji lider apo parti politike kritikon pa fije argumenti e pa lidhje vetem sa i ndihmon
partis e qeveris qe eshte ne pushtet
ket ramushi eshte kah e ben per mrekulli
ai qeverin nuk do ta arri te krijoj kurr edhe ateher kurr
me ket pun qe eshte kah e ben qeveria Thaçi
e me ket opozit si ramushi psh do te qeveris se paku edhe 20 vite
garant po e perseris se paku 20 vite

[MIRIAM]

Si nuk po turperohet ky gojeshtremberi ?!
PO qeverisja e tij ka qene alla afrikane.
Mafiozi tenton te mashtroje popullin prape.

[tmk]

Per mendimin tim Ramushi ka bere gabimin me te madh ne momentin qe ka filluar te merret me politike.Pika me e dobet te ai eshte politika.

[Hard_Style]

Per mendimin tim Ramushi ka bere gabimin me te madh ne momentin qe ka filluar te merret me politike.Pika me e dobet te ai eshte politika.

edhe un mendoj kshtu si ti ....

kam ni pershtypje se ky sa her qe kritikon , aq me shum po humb ...

po rri mor burr niher pusho, partia juaj qeverisi per disa vite , te ishit ata qe qeverisni mir , ishit edhe sot duke qeveris .

[beni33]

Si nuk po turperohet ky gojeshtremberi ?!
PO qeverisja e tij ka qene alla afrikane.
Mafiozi tenton te mashtroje popullin prape.

miriam te lutem pa ofendime skeni nevoj te prdorni ofendimet kritika po e ka apo jo gojen e shtermt esht diqka personale ti

[beni33]

as nje parti nuk e ka zeriozisht as ramushio as thaqi si kur qe as ish presidenti rugova te njejt ishin ne politik ishin dhe jan servil ndaj te huajve

per mua ka mbet evetmaj alternativ levizja vetvendosje se pse ajo poj thot gjera hapur dhe doren ne zemer te gjitha te sakta deri me tash
un e mbeshtes levizjen vetvendosje

[Longarus]

Nuk eshte se nuk i besoj RAmushit ne deshirat e tij por akoma nuk e kam te qarte se kur jep deklarata te tilla a mendon ai se me cilet njerez do ti bej ato ndryshime. Ministrat me te koruptuar ishin ata te AAK ne koalicionin e kaluar edhe pse e shfrytezuan mungesen e shefit .Po gabimi me fatal eshte se pas kthimit te tij nga Haga asnjerin nga ata qe ishin ne pushtet para ca kohe nuk i kishte larguar nga partija per deshtimet e tyre dhe hajnit qe i kishin bere .
Cka me bo me i kthy hajdutet edhe niher ne pozite a ? . Dyshoj qe do te bej ndonje gje me ndryshe .
Tek e fundit ne opozite eshte duhet te thote dicka ...........

[Llapi]

Përçahet dega eAAK-së në Prizren

Në Kuvendin e V zgjedhor të degës së AAK-së në Prizren,
Kadri Kryeziu është rizgjedhur kryetar
Shala: Gjysma e anëtarëve të kryesisë së degës nuk kanë
marrë pjesë në Kuvend


Bashkim Susuri
P R I Z R E N , 9 N Ë N T O R
Kadri Kryeziu prapë është
zgjedhur për kryetar të degës
së AAK-së të dielën në
Kuvendin V zgjedhor. Ai ka
qenë i vetmi kandidat i propozuar
për postin e kryetarit, ndërsa në
Kuvend për të kanë votuar 87 delegatë
prej gjithsejtë 92 delegatëve
të pranishëm në Kuvend. Delegatët
kanë kërkuar sqarime për mungesën
e anëtarëve të kryesisë qendrore
të partisë dhe përfaqësuesve
të degëve tjera, por është provuar
të kalojë heshtazi mungesa e disa
anëtarëve të vetë kryesisë së degës
së AAK-së në Prizren. Mungesat në
fjalë Kryeziu është përpjekur t’i arsyetojë
me aktivitete të tjera edhe
në degë të tjera të partisë.
Kuvendi ka zgjedhur edhe Këshillin
Drejtues të degës prej 30 anëtarësh
i cili së shpejti do ta zgjedhë Kryesinë
e degës prej 15 anëtarësh.
Shala: 13 delegatë kanë bojkotuar
punimet e Kuvendit
Ka kohë që në kuluare fl itet për
përçarjet brenda degës së AAK-së,
përkatësisht për përçarjet ndërmjet
kryetarit të degës Kadri Kryeziu
dhe nënkryetarit të parë të
degës Masar Shala, për të cilin po
ashtu thuhet se ka kaluar në radhët
e PDK-së. Këto thashetheme
duket të jenë pjesërisht të vërteta,
ngase nënkryetari i parë i degës,
Masar Shala, nuk ka marrë pjesë
në Kuvendin V zgjedhor. Burime
të sigurta të “Infopress”-it thonë
se në kohën e mbajtjes së Kuvendit
zgjedhor të degës në Prizren,
nënkryetari Shala ka marrë pjesë
në Kuvendin zgjedhor të degës së
AAK-së në Rahovec. I pyetur për
mospjesëmarrjen e tij në Kuvendin
zgjedhor të Degës, Shala përmes
telefonit ka thënë për “Infopress”
se jo vetëm ai por edhe gjysma e
anëtarëve të kryesisë së degës sikurse
edhe delegatë të 13 nëndegëve
të AAK-së, nuk kanë marrë
pjesë në Kuvend. Ai nuk ka dashur
të fl asë për arsyet e mospjesëmarrjes
së tij dhe të të tjerëve në Kuvend.
“Vetëm pas konsultimeve
që do t’i bëjmë shumë shpejt në
Kryesinë Qendrore do t’i bëj publike
arsyet e mospjesëmarrjes në
Kuvendin zgjedhor”, ka thënë ai.
Ndryshe, Shala ka mohuar të ketë
kaluar në radhët e PDK-së.

[Daja-GONI]

Qeveria e re që do të krijohej në vjeshtë do të ketë në gjirin e vet kuadro të thirrura për temat më të ndjeshme që i kemi në vend, tha lideri i AAK-së në Kuvendin e pestë zgjedhor në Ferizaj 9 N�ntor, 2008



Ferizaj, 8 nëntor
Dega e AAK-së në Ferizaj ka mbajtur Kuvendin e pestë zgjedhor, në të cilin, përpos simpatizantëve dhe anëtarëve, merrte pjesë edhe lideri i AAK-së, Ramush Haradinaj, dhe udhëheqës të tjerë të kryesisë së AAK-së. Haradinaj, i cili është pritur gjatë me duartrokitje, tha se në këtë proces do të reflektohen dhe do të zgjidhen kuadrot më të mira që kanë mundur të aderojnë në AAK. Ai tha se partia duhet të jetë më krijuese për të dhënë zgjidhje më të mira në përputhje të plotë me obligimet që janë marrë nga qytetarët e Kosovës.

Politika e jashtme,
kërkohet qasje më ndryshe
Sa i përket politikës së jashtme, Haradinaj tha se kërkohet një qasje shumë ndryshe, më krijuese në mënyrë që Kosova ta prezantojë vetveten. “Shumëçka që lidhet me ne në Kosovë dhe rajon, por edhe më gjerë, ne duhet t’i japim propozimet tona e jo të presim në Prishtinë propozimet që në të shumtën e rasteve, siç është i fundit, burimin e kanë në Beograd”, tha ai. Duke mos qenë krijues dhe duke mos marrë iniciativa, atëherë duhet të japim përgjigje për iniciativën e tjetrit”,ka shtuar Haradinaj. “Ne duhet vazhduar punën mbi dy vendime që i kemi marrë në Kosovë, Shpalljen e pavarësisë së Kosovës dhe hyrjes në fuqi të Kushtetutës së Kosovës nga mesi i qershorit. Ai shtoi se gjithçka që del jashtë këtyre dy vendimeve nuk është progres, por është kthim prapa. Haradinaj tha se duhet të kemi fuqinë që serbët e Kosovës t’i integrojmë dhe kjo nuk do të jetë e lehtë, por të kemi zotësi e të gjejmë zgjidhje edhe për pjesën e mbetur të çështjeve të pazgjidhura.

Qeveri bazuar në zgjedhje
Lidershipi i Kosovës duhet të ketë të qartë se nuk duhet marrë vendime që kthehen mbrapa dy vendimet -pavarësia e Kosovës dhe Kushtetuta e vendit, tha ai. Haradinaj tha se EULEX-i ,UNMIK-u dhe ICO-ja duhet të shkojnë nga Kosova, jo se ne e kemi një rrugë ndryshe nga ata që e kanë ndjekur, por se ne synojmë që t’i takojmë familjes prej së cilës vjen EULEX-i, dëshirojmë të bëhemi anëtar i BE-së ,NATO-s, OKB-së dhe bazuar në këto ne nuk mundemi që të bëhemi anëtar i këtyre mekanizmave, përderisa kemi nevojë për një përkujdesje kaq të veçantë. Haradinaj tha se do të mundohet të krijojë një qeveri në vjeshtën që vjen, bazuar në zgjedhje e jo në bazë të krizave që do të dalin, dhe kjo qeveri do të ketë në gjirin e vetë kuadro të thirrura për temat më të ndjeshme që i kemi në vend, për politikën e jashtme, tranzicionin ,integrimin e serbëve në mënyrë që t’i kthehemi zhvillimit ekonomik. Kreu i degës së AAK-së, Kemajl Ramadani, duke paraqitur para kuvendi raportin dyvjeçar, theksoi se kjo degë aspak nuk është e kënaqur me rezultatin e zgjedhjeve të fundit, edhe pse anëtarësia ka shënuar rritje për 1%, por numri i delegatëve në kuvend ka mbetur po ai që ishte. Ai si shkaqe të mosarritjes së sukseseve të dëshiruara kësaj dege ka numëruar tri gjëra: mosprezencën e liderit Haradinaj në Kosovë, mosangazhimi sa duhet dhe padrejtësitë që janë shfaqur gjatë votimit dhe numrit të votave. ” Kjo nuk na ka ndalur aspak në konsolidimin e brendshëm si degë, duke formuar deri më tani 33 nëndegë dhe duke thithur anëtar të rinj që mbështesin programin e AAK-së.
R.Suma

Po valla na ka pas knaq sa ishte ne qeveri.E vodhi Kosoven e varfer fund e krye.Ndertoi pallate e kulla(dhe ende vazhdon te ndertoj)thuaja se gjsma e rafinerive te Arabise per te po punonte.
Lideret shqiptare te gjithe te njejtin sistem e kan.Mendojne dy a tri dite per nje rrene te forte,e pastaj dalin dhe e prezantojne ne popull.E perserisin mandej aq shpesh,sa dikure fillojne edhe ti besojne.
Per me i fitu zgjedhjet,duhet ne rend te pare ta kthej ate qe i vodhi shtetit,pastaj te denoncoj hajnat qe vodhen per te,e mandej mund te kandidoj.
Hajnat e poshter gjysemanalfabet.

[Flora82]

Po valla na ka pas knaq sa ishte ne qeveri.E vodhi Kosoven e varfer fund e krye.Ndertoi pallate e kulla(dhe ende vazhdon te ndertoj)thuaja se gjsma e rafinerive te Arabise per te po punonte.
Lideret shqiptare te gjithe te njejtin sistem e kan.Mendojne dy a tri dite per nje rrene te forte,e pastaj dalin dhe e prezantojne ne popull.E perserisin mandej aq shpesh,sa dikure fillojne edhe ti besojne.
Per me i fitu zgjedhjet,duhet ne rend te pare ta kthej ate qe i vodhi shtetit,pastaj te denoncoj hajnat qe vodhen per te,e mandej mund te kandidoj.
Hajnat e poshter gjysemanalfabet.

Daja i huj Ende se kuptova ne cilen parti ke besim , sepse per sscilen parti qe flitet ti gjune gure mbi tê. AAk eshte parti qe vertet ka qen me e deshtuar .

[tmk]

edhe un mendoj kshtu si ti ....

kam ni pershtypje se ky sa her qe kritikon , aq me shum po humb ...

po rri mor burr niher pusho, partia juaj qeverisi per disa vite , te ishit ata qe qeverisni mir , ishit edhe sot duke qeveris .

Nuk e di kujt i je drejtuar me kete koment.Nese me ke thene mua atehere je shume gabim sepse une nuk merrem me politike prandaj nuk shkoj pas asnje partie.

[beerti]

Nuk eshte se nuk i besoj RAmushit ne deshirat e tij por akoma nuk e kam te qarte se kur jep deklarata te tilla a mendon ai se me cilet njerez do ti bej ato ndryshime. Ministrat me te koruptuar ishin ata te AAK ne koalicionin e kaluar edhe pse e shfrytezuan mungesen e shefit .Po gabimi me fatal eshte se pas kthimit te tij nga Haga asnjerin nga ata qe ishin ne pushtet para ca kohe nuk i kishte larguar nga partija per deshtimet e tyre dhe hajnit qe i kishin bere .
Cka me bo me i kthy hajdutet edhe niher ne pozite a ? . Dyshoj qe do te bej ndonje gje me ndryshe .
Tek e fundit ne opozite eshte duhet te thote dicka ...........

Pajtohem me ty shume , ajo qka ka Bo ky me Qeverisjen ne Kosve dhe partia e tij ka qen Turp ,

Nuk eshte puna qe te Cillsohet qEverisja e tashme e mir , mirpo ka bo aq shume ne krahasim me qeverisjen e Ramushit , dhe hajnat e tij qe kan qen Ministra ,


E nese popolli deshiron qe ata njerz te kthehn perseri ne pushtet ather do jet faji yt per ket pune

[Hard_Style]

Nuk e di kujt i je drejtuar me kete koment.Nese me ke thene mua atehere je shume gabim sepse une nuk merrem me politike prandaj nuk shkoj pas asnje partie.

..jo jo ..un thjesht mbeshteta postimin tuaj , skishte te bej kjo me ty.

[tmk]

..jo jo ..un thjesht mbeshteta postimin tuaj , skishte te bej kjo me ty.

Atehere ne rregull jemi.
Pershendetje.

[Llapi]

Me keta njerz ne Dukagjin ku edhe e ka besimin dhe kontrollin me te madh Ramushi mendon me e ba qeverin a?
-----------------
Në rajonin e policisë së Pejës janë arrestuar 7 pjesëtarë të saj
Pejë, 21 nëntor - Procesi hetimor ka rezultuar se në disa veprime kriminale janë të implikuar edhe pjesëtarë të policisë së Kosovës që deri me tani kanë punuar në rajonin e Pejës. Dje (20 nëntor) rreth orëve të vona të pasdites është arrestuar polici Hysen Nikçi, pjesëtar i Policisë Kufitare, rajoni i perëndimit, në dyshimin për keqpërdorim të detyrës zyrtare dhe armëmbajtje pa leje Po ashtu është arrestuar polici Ragip Alushaj, nën dyshimin për keqpërdorim të detyrës zyrtare dhe ryshfet. Bujar Çuni është arrestuar për sulm fizik dhe vjedhje grabitqare, ndërsa është suspenduar togeri Flamur Frrokaj në Deçan bazuar në një ankesë të një qytetari dhe ndaj tij është ngritë kallëzimi penal. Gjithashtu janë arrestuar edhe dy policë: Alban Tolaj dhe Flamur Rexhaj dhe ndaj tyre është ushtruar kallëzim penal, si dhe është arrestuar Elvir Softiq polic në njësitin e krimeve të rënda në Pejë.

[drenicaku]

Per mendimin tim Ramushi ka bere gabimin me te madh ne momentin qe ka filluar te merret me politike.Pika me e dobet te ai eshte politika.

Do isha pajtu me ty sikur kjo te vlente per te gjith ata qe kan qen ne luft dhe ju kan fut nje profesioni qe lidhje nuk kan me te.
Kete e provuam me te gjith,kape njerin e meshoj tjetrit,dhe nese vazhdojn keshtu popullin do ta marrin ne qaf.

[Llapi]

Ramush 2

Ndryshimi ka ardhur në AAK, por duhet ta shihni. Ka pasur gabime në Qeveri, sa nuk isha unë. Luftën kundër korrupsionit e kemi korruptuar të gjithë. Në të ardhmen, LDK do të vendosë vetë a e ka më mirë me PDK’në a me AAK’në. Qeveria e Thaçit nuk ka plan. Me Qeverinë time, pas zgjedhjeve, të gjithë do të befasohen. Dhe, sërish, disa fjalë për SHIK’un. Ramush Haradinaj flet për Express.
Nga Arlinda Desku / Artan Mustafa më 25.12.2008 8:36 CET

Në ditën kur Blerim Shala do të vendoset në zyrën e tij, në selinë e AAK’së, ndryshimi i parë do të vijë me muzikën rock. Ai do të mund të çojë atje diçka nga Pink Floyd, U2 dhe Peter Gabriel, për shembull. Kështu, në hapësirat e ndërtesës së saj do të fillojnë të fshihen pak tingujt tjerë, ndërsa në skenën politike kosovare do të hyjë një grimë pop-kulturë.

Mirëpo, publicisti kosovar, i cili ka vendosur t’i bashkohet Ramush Haradinajt, shënon të vetmin ndryshim të matshëm në AAK, tash për tash.

Ramush Haradinaj e di këtë.

Kuvendi i AAK’së, i mbajtur javë më parë, nuk solli njerëz të rinj, siç ishte përfolur, e as nuk i dërgoi në shtëpi njerëzit e vjetër, siç ishte menduar.

Haradinaj është përcaktuar për një mes. Me ruajtjen e vazhdimësisë, si dhe me një freskim të vogël, por të llogaritur si të fortë. Kështu disi duket ta ketë konceptuar ai të ardhmen e partisë së tij.

Por, a mund t’i ndihmojë kjo formulë AAK’së? A është e mundur që kjo përbërje t’ia shtojë numrat dhe t’ia plotësojë dëshirën për rikthim në pushtet?

Ramush Haradinaj, i cili lavdërohet për 100 ditët e tij si Kryeministër, ndërsa Qeveria e tij kritikohet për tri vjetët e udhëheqjes së vendit, është i bindur se – po. Ai beson se rruga do ta çojë sërish në vendin e punës prej nga e kishte shkëputur Carla Del Ponte, në marsin e vitit 2005.

Për këtë, ka si argument trendin e matjeve të opinionit.

I rikthyer nga Haga, me një energji të madhe, Komandanti i dikurshëm i UÇK’së për Dukagjin, ka ngjallur pak opozitën e fjetur në vend. Gjuha e tij fillim e mbarim është kritike për Qeverinë e Hashim Thaçit. Dikush e akuzon për fjalor të rëndë dhe për mungesë faktesh. Mirëpo, ai thotë se argument nuk është vetëm dokumenti në formë letre, por është edhe fjala.

Nuk është mirë me Hashim Thaçin, por nuk mund të thuhet se është mirë edhe me Fatmir Sejdiun.

Do të këmbëngul për mbajtjen e zgjedhjeve në vjeshtën e ardhshme, ndërsa sytë i mban kah dashuria e tij e parë e quajtur LDK. Nëse ajo e do sërish, mund t’i kthehen bashkëjetesës. Nëse jo, atëherë Haradinaj thotë se do të vazhdojë të rrijë vetëm. Dhe, qesh me këtë fjali.

Në filma, në fund të pjesës së parë, lihet një çelës për t’u lidhur me pjesën e dytë. Ndoshta, edhe Ramush Haradinaj llogarit 100 ditëshin e tij si diçka të tillë. Si biletë për pjesën e dytë të filmit “Kryeministri”. Ramush 2. Tash për tash, kjo është ëndrra e tij.

Express: Jeni kthyer nga Haga me një energji të jashtëzakonshme për punë dhe me idenë për t’u rikthyer në pushtet, me një reformë në parti. Por, Kuvendi i AAK’së nuk tregoi që e keni ndërmend ta ndryshoni shumë atë. Nuk keni dashur vetë apo nuk keni mundur më shumë?

Ramush Haradinaj: Me t’u kthyer nga Haga, kam dhënë një vlerësim të gjendjes në Kosovë. E kam filluar me mungesën e programit qeverisës dhe me humbjet që po i shkaktohen vendit, kryesisht në integrimin e territorit, tranzicionit pa një vizion tonin, si dhe tek qeverisja që nuk ka pasur politika krijuese për t’u paraprirë temave. Lidhur me këtë, besoj se një qëndrim i tillë ka qenë ndihmesë që të krijojmë një situatë të re në Kosovë - e cila deri atëherë mungonte - ballafaqimin. Demokracia është e bazuar në ballafaqim, të koncepteve, të ideve, të planeve. Në të njëjtën kohë, jemi ballafaquar me vetveten, me Aleancën. AAK ka kaluar periudha jo të lehta, sikurse edhe unë personalisht. Kemi filluar punën. Po ta merrni Këshillin Drejtues të votuar, do të shihni se ka shumë njerëz të rinj, qoftë nga ata që nuk kanë qenë më herët të votuar në një forum të tillë, qoftë nga ata që nuk kanë qenë në parti, ose që kanë ardhur nga partitë tjera. Këshilli Drejtues, pra, ka një zhvillim. Secili mund ta konstatojë këtë. Etapa tjetër është formimi i Kryesisë. Qëllimi im është reforma, por edhe ruajtja e vazhdimësisë dhe kohezionit.

Express: Ka pasur njerëz të rinj në Kuvend, por njerëzit e vjetër, megjithatë, nuk shkuan në shtëpi...

Ramush Haradinaj: Kuvendi është një parlament partiak. Aty votohen shumë njerëz. Në mesin e tyre ka shumë të rinj, të cilët kanë marrë besim të mirë dhe për së pari herë.

Express: Çka e dallon AAK’në e para Kuvendit me AAK’në e pas Kuvendit? Ku janë ndryshimet? Nuk po i shohim ne, apo nuk po i shini ju?

Ramush Haradinaj: Ato ndryshime i shohim edhe ne edhe ju. Është e dukshme një materie më cilësore. Një numër i madh i kuadrit të Aleancës, i cili ka qenë i aftësuar dhe ka pasur ekspertizë, por nuk ka pasur votë të brendshme, e ka fituar votën. Kështu, këta njerëz e kanë edhe mundësinë e politikëbërjes dhe vendimmarrjes. Deri më tash, ata ishin vetëm ekspertizë e partisë. Për këtë, them se ka ndodhur një ndryshim në materie. Ky është realiteti.

Express: Cili është ai ndryshim, përderisa aty vazhdojnë të mbeten lart në listë Bajram Kosumi, Ethem Çeku, Ardian Gjini, e pak më poshtë edhe Bujar Dugolli?

Ramush Haradinaj: Ka një ndryshim në listë, nëse e shikoni radhitjen. Ka ndryshim në pesëshen e parë. Ka ndryshim në pesëshen e dytë. Ka ndryshime në dhjetëshen e dytë, e kështu me radhë. Ka një ri-rangim në subjekt. Nuk e kemi qëllimin e vetëm të japim figurativisht ndryshim, mirëpo një proces i reformës ka filluar. Sikurse e dini, në çdo parti pozicioni i Nënkryetarit të Parë është shumë i rëndësishëm. Ky post tek ne i është besuar një njeriu që ka ardhur atë ditë në parti, z. Blerim Shala.

Express: Pra, Blerim Shala do të jetë krahu juaj i djathtë?

Ramush Haradinaj: Shpresoj që po.

Express: Është thënë se AAK do të freskohet me shumë emra të rinj. Në fakt, përveç z. Shala, nuk ka pasur ndonjë emër tjetër me po aq peshë...

Ramush Haradinaj: Po s’kam faj unë që s’ka Kosova shumë emra me peshë.

Express: Domethënë, është problem shoqëria?

Ramush Haradinaj: Nuk ka problem shoqëria. Por, pozicioni i Blerim Shalës në shoqërinë kosovare është pozicion specifik, një kuadër që ka qenë i vetmi nga Kosova koordinator i ekspertëve, anëtar i Ekipit të Unitetit, pjesëmarrës në zhvillimet e mëhershme e deri tek statusi.

Express: AAK ka pasur një shans në Qeveri. Por, Kryeministrat e AAK’së, pas jush, si dhe Ministrat, kanë dalë me kredibilitet të dobët. Zakonisht, pas kritikave që bëni për Qeverinë e Thaçit, kundërpyetja për ju është - qysh mund t’ju besojë tash elektorati?

Ramush Haradinaj: Unë mund t’u them votuesve dhe qytetarëve të Kosovës se po të kisha vazhduar me punë, gjendja në Kosovë do të ishte më e mirë. Fatmirësisht, Haga nuk ma ka ndaluar ta rimarr atë punë. Dhe, tash unë po e shfrytëzoj atë të drejtë.

Express: Ju keni pranuar se janë bërë gabime, nga AAK në Qeveri, në kohën kur nuk keni qenë këtu...

Ramush Haradinaj: Pajtohem.

Express: A do të ndëshkohen ata njerëz?

Ramush Haradinaj: Besoj që zhvillimet do ta vërtetojnë se do të marrin përgjegjësi ata që mund t’i kryejnë këto punë më së miri.

Express: Që nënkupton se Kryesia nuk do të përbëhet më nga ata njerëz, apo jo?

Ramush Haradinaj: Shumë prej këtyre njerëzve, në rast se marrin besimin, mund të jenë në struktura të partisë.

Express: Besimin do t’ia jepni ju, z. Haradinaj, sepse tash e keni ndërruar statutin e partisë...

Ramush Haradinaj: Pikërisht. Por, po e përsëris, se ka ndodhur votim për Këshillin Drejtues. Aty, në mënyra të ndryshime, kanë marrë votat, dikush më shumë, dikush më pak. Unë do ta seleksionoj një Kryesi dhe me të mendoj të vazhdoj pjesën e ardhshme të punës.

Express: Çka do të thotë kjo?

Ramush Haradinaj: Kjo do të thotë se mund të ndodhë që dikush nga njerëzit e mëhershëm të Kryesisë të jenë pjesë e përbërjes së re. Ky nuk është një ndëshkim, është një lëvizje përpara.

Express: A do të jetë Nënkryetar, ta zëmë, Bajram Kosumi?

Ramush Haradinaj: Më vjen keq, por do të ishte mosrespektim për strukturat e partisë nëse unë njoftoj për atë që ende nuk i kam njoftuar ata.

Express: Do të ketë befasi?

Ramush Haradinaj: Jo, nuk ka befasi. Opinioni do ta shohë trendin që ne po ndjekim. Dhe kjo do të vërtetohet me trendin e Aleancës. Mos të harrojmë që AAK ka dhënë prova për një qeverisje të suksesshme, menaxhim të zhvillimeve të caktuara, si dhe ka qenë pjesë e procesit për statusin. Sot, kemi një situatë të re në vend. Dhe, ne po aftësohemi për këtë periudhë që është etapë tjetër.

Express: Po flisni për prova të suksesshme në 100 ditët tuaja?

Ramush Haradinaj: Në radhë të parë, pjesa e qeverisjes sime, sa kam qenë në punë, jam munduar të punoj. Kjo do të vërtetohet në mënyra të ndryshme. Shumë procese që kanë pasur sukses më vonë, e kanë fillimin aty. Ekzistojnë materie, veprime të ndërmarra, që janë të shkruara dhe që sot mund t’i konstatojë secili.

Express: Çfarë mund të bëhet, megjithatë, për 100 ditë? Janë shumë pak. Për 100 ditë, parimisht, nuk mund as t’ju kritikojnë...

Ramush Haradinaj: Nganjëherë 100 ditë mund të jenë shumë. Nëse i shfrytëzojmë mirë, mund të vërtetohet çfarë ka ndodhur.

Express: Por, ditët tuaja u rrënuan pastaj. Raportet e Auditorit Gjeneral kanë treguar për keqmenaxhim në qeverisje, për korrupsion...

Ramush Haradinaj: T’ju them të drejtën, më vjen keq kur është kështu. Qytetarët e vendit do ta vërtetojnë se gjëra të tilla nuk do të ketë në qeverisjet e ardhshme. Pra, në Qeverinë që ua ofroj qytetarëve, pas zgjedhjeve të vitit të ardhshëm. Nuk do të ketë korrupsion. Do të jetë befasi, jo vetëm për qytetarët e vendit. Them që luftën kundër korrupsionit e kemi korruptuar të gjithë, në mënyra të ndryshme, e në radhë të parë Qeveria e tashme. Kryetari i Qeverisë e ka korruptuar totalisht luftën kundër korrupsionit, me sjelljet e Qeverisë së tij. Në të njëjtën kohë, edhe media, me shitjen e saj tek pushteti, e ka korruptuar këtë luftë. Bazuar në këtë, qëllimi im është jo të bëjmë një fushatë kundër korrupsionit, por të mos bëjmë korrupsion. Kushti i parë për ta luftuar korrupsionin është të mos involvohesh në të. Këtë së pari duhet ta bëjë Kryetari i Qeverisë.

DASHURIA E PARË NUK HARROHET...

Express: Për t’u rikthyer në pushtet, ju duhen numrat. Në një intervistë për Express, Blerim Shala tha se AAK synon ta dyfishojë numrin e ulëseve në Parlament, në zgjedhjet e ardhshme. A mjafton vetëm kaq?

Ramush Haradinaj: Dëshiroj t’ju them, pa ndonjë vetëkënaqësi, se AAK është duke punuar, po e shton besimin tek njerëzit, tek akterët e ndryshëm vendorë, por edhe tek ata ndërkombëtarë. Gjendja e sotme e flet atë dyfishim.

Express: Cila gjendje?

Ramush Haradinaj: Të gjitha hulumtimet e opinionit që kanë ndodhur deri më sot, neve na pozicionojnë diku 18, 20, 23. Çfarë do të thotë kjo? Nuk është ndonjë vetëkënaqësi. Por, opinioni po i pranon këto që po ndodhin dhe punën që po e bëjmë.

Express: A mjaftojnë 20 ulëse në Kuvend që ju të bëheni sërish Kryeministër?

Ramush Haradinaj: Nëse për dhjetë muaj, ne kemi dyfishuar përqindjen tonë, nëse zgjedhjet nuk janë edhe dhjetë muaj të tjerë, unë jam edhe më optimist, edhe më ambicioz. Pra, pres që AAK të kalojë 30 përqindëshin.

Express: E bukur, por ndoshta jo edhe e vërtetë?

Ramush Haradinaj: Me siguri, për këtë, të vetmit që e dinë janë votuesit. Ata do të përcaktojnë me mënyrën si votojnë. Ne kemi të drejtë të kemi besim dhe t’i përkushtohemi punës që kjo të ndodhë.

Express: Matjet e opinionit tregojnë rritje për AAK’në, por nuk japin shumë shpresa për AKR’në dhe LDD’në. Elektorati i tyre është duke rënë. Atëherë, me kë do ta bëni ju koalicion? Me PDK’në, keni thënë jo. Po mbetet vetëm dashuria e parë, LDK. A është kështu?

Ramush Haradinaj: Në fakt, ne ende nuk kemi bërë ndonjë hulumtim. Më vjen mirë që kemi dalë kështu. Ne bazohemi në to, edhe pse këto hulumtimet i marrim me rezervë, për shkak se natyrshëm nuk kemi qenë pjesë e atij procesi. Në periudhën aktuale qeverisëse, detyrimisht, edhe pse është koalicion PDK-LDK, qeverisja në vend identifikohet me PDK’në dhe Kryeministrin Thaçi. Dëshira ime është t’i jap vendit një shkollë tjetër qeverisëse nga kjo që përfaqësohet sot prej Kryeministrit Thaçi. Për këtë do të punoj që të krijoj një besim tek partitë politike, qofshin më të vogla, qofshin më të mëdha. Jo vetëm me kushtin që ne na mungojnë vota, por edhe në rast se arrijmë një rezultat të mirë që na mundëson të qeverisim vendin, prapë dëshiroj t’i ftoj, në mënyrë që të marrin ekspertizën e tyre, të marrin pjesën e tyre të punës.

Express: Nuk thatë nëse LDK është e vetmja me të cilën do ta bënit Qeverinë...

Ramush Haradinaj: Ju e dini. Aleanca është pozicionuar si parti e djathtë. Me sa di unë, PDK ka kandiduar për organizimet e majta në Europë, më herët. Nuk e di tash si është gjendja. Në kemi partneritet me të djathtën në Kosovë dhe do ta zhvillojmë këtë. Nënkupton edhe me LDK’në?

Express: Edhe me LDK’në, a vetëm me LDK’në?

Ramush Haradinaj: Jo, ne e kemi një traditë me LDK’në.

Express: Me cilën LDK, të Presidentit Fatmir Sejdiu, apo me atë të “Gorenjes”?

Ramush Haradinaj: Me ata që besojnë se një qeverisje nga unë do të ketë sukses dhe është në të mirë të vendit. Të gjithë janë të mirëseardhur.

Express: A mund ta ketë këtë besim Fatmir Sejdiu?

Ramush Haradinaj: Këtë nuk e di. Nuk mund të flas kështu. Ai i ka do përvoja në punë, mund t’i krahasojë ato. Përvojat me mua, sa kam qenë në punë, përvojat e tashme me z. Thaçi. Ai mund t’i krahasojë.

Express: Ata të dy po duken partnerë të lumtur në koalicion...

Ramush Haradinaj: Detyrimisht, më mirë është të jenë të lumtur kur punojnë bashkë. Në rast se punoni bashkë, atëherë ja vlen të investohet në punë reciprokisht.

Express: A po ju duket që është integruar koalicioni mes tyre?

Ramush Haradinaj: Ka logjikë në punë. Nuk duket që ka kurrgjë të keqe. Përderisa vendosin të qeverisin bashkë, më mirë është të jenë kooperativë.

Express: Koalicioni mes tyre, e ka profilizuar skenën politike apo e ka kthyer prapa parlamentarizmin në vend?

Ramush Haradinaj: Mendoj se ka një zhvillim ndryshe. Për të mos i përsëritur qëndrimet e Kryeministrit Thaçi përpara koalicionit LDK-AAK, që e quante “të panatyrshëm”, ky koalicion PDK-LDK ka qenë i zorit, sepse është bërë në periudhën para-statusore, dhe në njëfarë mënyrë i ka shërbyer vendit. Nuk mund ta kritikoj vendimin për koalicion, sepse i ka shërbyer vendit. Ka pasur modele tjera të Qeverisë, më të gjerë ose më të ngushtë, por vendit i ka shërbyer. Sikur të kishin qeverisur mirë, pas 17 shkurtit dhe pas hyrjes në fuqi të Kushtetutës, natyrshëm se ai vendim do të ishte konfirmuar edhe më shumë. Mirëpo, me qeverisjen e dobët, po degradohet edhe e mira e asaj pjesës së parë.

Express: LDK nuk i ka punët bash mirë, ka njëfarë krize në buzë, nuk po mund ta gjejnë vetën në reformim. Juve do t’ju konvenonte një destabilizim i mëtejmë i LDK’së?

Ramush Haradinaj: Jo. Procesi i zhvillimit të partive, i zhvillimit të LDK’së, është një proces i njohur për Kosovën, për qytetarët e vendit. Natyrshëm, ata kanë pësuar një humbje të madhe me vdekjen e Presidentit Rugova. Shumica prej nesh ishim të bindur se është vështirë, sepse ishte i pazëvendësueshëm për LDK’në. Aktualisht, vështirësitë që i kanë, nëse i shprehin besim njëri-tjetrit këto dy grupet, mund të tejkalojnë gjendjen. Në rast se i thellojnë ndasitë, me mosbesim, atëherë...

Express: Atëherë... ju konvenon destabilizimi?

Ramush Haradinaj: Jo. Ne nuk kemi interes që LDK’ja të ketë destabilizim të mëtejmë.

Express: Destabilizimi i LDK’së, pas vdekjes së Rugovës, i konvenoi Hashim Thaçit, e solli në pushtet. Ndoshta e njëjta mund të vlejë edhe për ju, tash?

Ramush Haradinaj: Jo, atëherë ka pasur moment të ndryshëm. E dini që në zgjedhjet e fundit, dy nga figurat konkurrente të Kryeministrit Thaçi, nuk kanë qenë prezentë. Rugova vdiq, unë isha në Hagë. Këtu ka qenë një terren mjaftueshëm i lirë për të bërë fushatë. Ajo ka qenë një situatë krejt tjetër, tash jemi në situatë të re. Bazuar në të drejtën kushtetuese, ne punojmë të zhvillohemi vetë, në opozitë në këtë rast, dhe në të drejtën ligjore e kushtetuese, për të pasur partnerë. LDK’në e konsiderojmë partner.

Express: A jeni duke punuar në këtë drejtim, që të krijoni njëfarë raporti prej tash për qeverisjen e ardhshme? A është Haradinaj me LDK’në që udhëhiqet prej Sejdiut, apo me atë pjesën tjetër?

Ramush Haradinaj: Unë ende nuk kam mbërritur në atë momentin që ta ndaj LDK’në në qasjen time ndaj individëve atje. Shpresa ime është që LDK të mbetet LDK. Edhe për demokracinë e vendit, ashtu është më mirë. Nëse punojnë mirë, marrin vota më shumë. Dhe, e kundërta. Do të ishte proces i logjikshëm.

Express: Por, nëse mbetet LDK’ja e sotme, ajo mund ta vazhdojë koalicionin me LDK’në edhe në të ardhmen...

Ramush Haradinaj: Është e drejtë e LDK’së.

Express: E si do të ktheheni ju në pushtet, atëherë?

Ramush Haradinaj: Atëherë ne do të mbetemi në opozitë. Janë procese të zakonshme të demokracisë.

Express: Mirëpo, ju thoni që vendi po shkon keq me këtë Qeveri të tyre...

Ramush Haradinaj: Pikërisht, për këtë. Por, zgjidhja duhet të vijë nga njerëzit. Nëse njerëzit në LDK mendojnë se vendit i ndihmohet më së miri me AAK’në, atëherë kjo do të ndodhë. Nuk bëhet asgjë me dashuri të tepruar e as me insistim, por në bazë të bindjeve të njerëzve. Ne besojmë se LDK do të vlerësojë vetë si është më së miri. Në rast se zgjedhin PDK’në, është vendim i tyre. Në rast se vlerësojnë që duan qeverisje me AAK’në, është vendim i tyre.

Express: A do të bënin gabim nëse do të shkonin sërish PDK’në?

Ramush Haradinaj: Nuk e di.

Express: Po, nëse qeverisja është e keqe, siç vlerësoni ju?

Ramush Haradinaj: Po, qeverisja është e keqe. Atë e identifikojmë kryesisht me Kryetarin e Qeverisë. Unë kam qenë vetë në atë pozitë dhe e di çfarë është roli i Kryeministrit. Por, PDK dhe LDK vendosin vetë, në bazë të votave që i marrin.

Express: Keni kërkuar mbajtjen e zgjedhjeve, sipas orarit të përcaktuar me Pakon e Martti Ahtisaarit. Ka një pështjellim për përcaktimin e tyre. Tash së fundi, vetë Ahtisaari e interpretoi pakon dhe tha që zgjedhjet edhe mund të mos mbahen, nuk është e domosdoshme...

Ramush Haradinaj: E domosdoshme është vetëm vdekja. Asaj s’mund t’i iket. Të gjitha të tjerat kanë zgjidhje. Është në pako vendimi për zgjedhje, që flet për nëntë muaj pas kalimit të tranzicionit, Pako e miratuar nga Kuvendi. Nëse nuk respektohet kjo Pako, atëherë unë pyes kolegët e mi në Qeveri, Presidentin, të gjithë të tjerët: A është më me rëndësi Pakoja e plotë, apo selektive? Nëse besojnë se është Pakoja selektive, atëherë edhe unë jam i gatshëm të hap tema të kësaj Pakoje, duhet të rishikojmë të gjitha ato 50 ligje që i miratuam për shkak të Pakos.

Express: Konsideroni se është aq e dëmshme mosmbajtja e zgjedhjeve?

Ramush Haradinaj: Zgjedhjet nuk bën pa u mbajtur. Është vendim që është marrë. Nëse nuk respektohen vendimet, bijnë obligimet e ndërsjella. Pakoja funksionon si e tërë, jo në mënyrë selektive.

Express: Pse jeni kaq këmbëngulës?

Ramush Haradinaj: E shihni si e keni vendin. Kemi humbje në politikën e jashtme, në integrim të vendit, humbje në siguri dhe humbje në cilësinë e qeverisjes, degradim të demokracisë. Kemi një censurë të tipit të diktaturave, në fjalën e lirë, në shprehjen e lirë.

Express: A mund të jeni më konkret? Akuzat tuaja mbeten vetëm në nivel të fjalëve...

Ramush Haradinaj: Fjalët janë argument, në shumicën e rasteve. Kosova është në Gjykatën Ndërkombëtare. Kosova nuk ka 100 vende që e kanë njohur. Kosova është në një situatë që jo vetëm ofendohet, por edhe përqeshet, kur i ofrohet pasaportë për Kryeministrin prej një vendi fqinjë. E dini si janë protokollet ndërshtetërore. Domethënë, pas mesit të qershorit, ka humbje, degradim. Mendoj se ndërrimi i shkollave të qeverisjes është shërbim për vendin. Aleancës i ndihmon të zbatojë politika krijuese dhe PDK’së të punojë ndryshe se si ka punuar.

Express: Cila është shkolla e qeverisjes Thaçi e cila juaja?

Ramush Haradinaj: Kjo është një shkollë e improvizimeve. Pa program. Nuk ka politika krijuese. Nuk u paraprijnë temave, që kur të vijnë, Kosova të ketë pozicion më fitues. Unë i ofroj vendit një pozicion të politikave krijuese, ku njerëzit e dinë me çfarë do të punojnë.

Express: A është më e mirë ajo Qeveri apo kjo Qeveri?

Ramush Haradinaj: Sinqerisht, për pjesën e vazhdimit të Qeverive, pas shkuarjes sime në Hagë, pas sëmundjes së Presidentit Rugova, edhe unë kam vërejtje dhe disi e kam të vështirë të bëj krahasime. Por, ajo që shoh sot, nuk është premtim për të mirë. Është lajm i keq për Kosovën, për 2 milionë njerëz të këtij vendi.

Shik... shik, SHIK

Express: Kur vjen puna tek disa tema më të ndërlikuara, a ka njëfarë paqeje mes jush dhe Kryeministrit Thaçi? Ju shkëmbeni deklarata politike, por kurrë nuk ia keni përmendur çështjen e kryetarëve komunalë të PDK’së që u burgosën. Asnjëra parti nuk ka ngritur asnjë çështje serioze të kriminalitetit dhe korrupsionit nga Ministrat reciprokë...

Ramush Haradinaj: Jo, nuk mendoj se kemi bërë paqe. E dini që kam theksuar, në radhë të parë, SHIK’un dhe involvimin e tij për të krijuar logjistikë për PDK’në - para dhe anë materiale. Edhe rastet e implikimit kriminal. Për të gjitha që i cekët. Për Kryetarin e fundit, të Kaçanikut, kam pyetur përse nuk ka ndonjë shpjegim. Kemi raste të plagosjeve me armë në qendër të Prishtinës, të njerëzve që janë të lidhur ngushtë me Qeverinë. Kemi X raste. Por, të mos harrojmë se AAK është e vetme në punë, për shkak se një pjesë e mediave janë të shitura drejtpërdrejt tek Qeveria dhe nuk arrijnë që temat t’i bëjnë temë. Edhe kur unë i ngris, shumica e tyre i heshtin.

Express: Hajde ta bëjmë temë SHIK’un, z. Haradinaj...

Ramush Haradinaj: Po.

Express: A e keni ditur qe 10 vjet se ekziston SHIK’u?

Ramush Haradinaj: Po.

Express: Pse asnjëherë deri më tash nuk e keni përmendur?

Ramush Haradinaj: Unë i kam përmendur, realisht.

Express: Kur, publikisht?

Ramush Haradinaj: Po, publikisht. Merrni deklaratat e mia. E kam përmendur vazhdimisht, në çdo situatë të veprimit tim. Unë mund t’ju siguroj kopje kur kam thënë se organizata të sigurimit, jolegale...

Express: A i keni përmendur me emër? Asokohe ka ekzistuar edhe Shërbimi i LDK’së, që thuhej se drejtohej nga Ramë Maraj...

Ramush Haradinaj: Nuk e di a e i kam përmendur me emër. Me siguri, jo.

Express: Nëse jeni kritik për SHIK’un, pse jo edhe për këtë tjetrën?

Ramush Haradinaj: Për cilën?

Express: Të LDK’së, të Ramë Marajt?

Ramush Haradinaj: S’po di ku është më. S’po ndihen gjallë.

Express: Po edhe SHIK doli publikisht dhe tha se u shua...

Ramush Haradinaj: Opinioni e di përse ndodhi ashtu. Tendenca ka qenë që të kthehet në Agjenci të Inteligjencë.

Express: Një gjë të tillë nuk do ta lejonin ndërkombëtarët, siç dihet tashmë...

Ramush Haradinaj: Falemnderit prej tyre në mos e lejofshin. Do të më vinte mirë.

Express: Ju e dini që për Shefin e Agjencisë nuk mund të vendosë vetë as Hashim Thaçi dhe as Fatmir Sejdiu, pa zyrat ndërkombëtare?

Ramush Haradinaj: Ju po e konstatoni. Unë nuk di që është ashtu.

Express: A është e vërtetë që selinë aktuale të AAK’së ua ka dhënë SHIK’u?

Ramush Haradinaj: Jo. U kam dhënë ultimatum të dalin të nesërmen në orën 6 të mëngjesit. Nuk ma ka dhënë dikush.

Express: Si komandant që keni qenë atëherë?

Ramush Haradinaj: Po, pikërisht. Sepse, ka qenë veprimtari ilegale.

Express: Ata e kishin zënë vetë atë ndërtesë?

Ramush Haradinaj: Kanë qenë aty. Kam shkuar në mbrëmje dhe u kam thënë që nesër, në 6 mëngjes, po s’i nxorët gjërat jashtë, nesër nuk ua qet mirë.

VERIU, PA PLAN

Express: A do të përkrahni EULEX’in që t’i hulumtojë rastet e kriminalitetit të madh, në të gjitha mandatet e Qeverisë?

Ramush Haradinaj: Mirë do të ishte të buronte prej Kosovës, mirë do të ishte që drejtësia të ketë burim vetveten. Por, hulumtimi i korrupsionit është i mirëseardhur. Zëvendëskryeministri i Kosovës është një jurist. Ai deklaron se do të punojnë bashkë me EULEX”in. Nuk do të duhej të ishte kështu. EULEX’i duhet të na përkrahë, sepse ne jemi në plan të parë. Kemi Ministrinë e Rendit, të Drejtësisë, Gjykatën Kushtetuese. Nuk mund te themi “punojmë bashkë”, ngase ashtu do të ishte gjysmë për gjysmë. EULEX duhet të jetë ndihmesë e asaj që buron prej njerëzve të vendit.

Express: Keni thënë se me këta liderë, Kosova do të shkojë drejt ndarjes. E keni fjalën për Mitrovicën...

Ramush Haradinaj: Po. Ka filluar një proces i ndarjes së brendshme. Mundet të rikthehet, të mos ndodhë. Kërkohet presion i fuqishëm, që vjen prej të gjithë neve, spektrit politik dhe shoqërisë civile. Kërkohet një përkrahje edhe nga miqtë tanë ndërkombëtarë.

Express: Mitrovica, faktikisht, a ka qenë e ndarë prej pasluftës?

Ramush Haradinaj: Kjo është pikërisht logjika përse ka ndarje. Kur është vendosur për shtet, për tërësi territoriale, kur kemi vendosur tabela “Mirë se vini në Kosovë”, në Merdare, mirë ka qenë të vendosen edhe në Portat 1 dhe 31.

Express: Ju e kritikoni Qeverinë se nuk ka plan për Veriun. A nuk ekziston Plani i Ahtisaarit? Ai është i detajshëm, madje...

Ramush Haradinaj: Edhe unë kam thënë se Plani Ahtisaari na siguron bazë të mirë, por plan për zbatim të pushtetit nuk ka. Mos harroni, pushteti është një funksion i madh, që përbëhet prej shumë sektorëve dhe plan veprues si të depërtohet pushteti në Veri. Nuk ka pasur plan për qeverisje në vend dhe nuk ka pasur plan për depërtim të pushtetit në Veri. Deri më 17 shkurt, Kosova nuk ka qenë vendimmarrësi i parë. Ndërsa, në mesin e qershorit, me hyrjen në fuqi të Kushtetutës së vendit, me përkrahjen e kësaj Kushtetute prej të gjithë atyre që na kanë njohur, dhe përmes Pieter Feith, është fituar e drejta për ta zbatuar juridiksionin në tërë vendin. Për këtë është nevojitur një plan operacional.

Express: Të cilin, sipas jush, nuk po dinë ta bëjnë?

Ramush Haradinaj: Nuk di unë. Ose nuk po dinë, ose nuk po duan. Por, dallojnë gjërat. Ta zëmë, kemi Kushtetutën, ligjet, por bëhen shumë plane vepruese për zbatimin e tyre. Duhet të bëhet plan veprues që të zbatohet Ahtisaari.

Express: Është një Kushtetutë që pikë së pari shkelet prej Presidentit...

Ramush Haradinaj: Mendoj se ka çfarë të thuhet në këtë drejtim.

Express: Çfarë do të thoshit ju?

Ramush Haradinaj: Është për keqardhje përse ndodh kështu, përse Presidenti nuk e ka pasur guximin, meqë përfundimisht jemi shtet i pavarur, që të ndjehet i sigurt si President i vendit dhe të shkëpusë lidhjen me partinë deri atëherë kur më nuk është President.

GJUHA E AAK’SË

Express: Ka një numër momentesh kur gjuha juaj vlerësohet si potencial destabiliteti. Për shembull, në një intervistë në RTK, Ambasadorja Tina Kaidanow, në kohën e debatit për gjashtë pikat, tha se “elementë të opozitës” po shfrytëzojnë situatën duke pasur në mendje elektoratin...

Ramush Haradinaj: Unë kam kritikuar Qeverinë që nuk ka program. Qëndroj prapa kësaj. Nuk parashohin zgjidhje as për trenat, as për postat, as për pikat doganore. Ata nuk kanë program të mirëfilltë. Ata do të duhej ta kishin ditur se çfarë do të ndodhë deri në ditën e mbramë të qeverisjes së tyre. Do të parashohin, do t’i kenë skenarët, opsionet. Unë kam kritikuar Qeverinë për politikën e dobët të jashtme, por moslobim, për mosangazhim të Veton Surroit, të Blerim Shalës, të cilët kanë qenë kolegë, të cilët kanë punuar me Sejdiun e Thaçin deri në ditën e pavarësisë. Ditën e pavarësisë, ata dy u kanë thënë - na falni, nuk ka vyeni më. E dini gjendjen. Qeveria është skandal në korrupsion, në sistem. I gjithë kuadri janë të emëruar politikë, s’ka më sekretarë civilë, s’ka më staf civil.

Express: Si mund ta argumentoni këtë akuzë për korrupsion?

Ramush Haradinaj: I keni raportet për të gjitha se çfarë po ndodh, se si po shkojnë zhvillimet në Kosovë. Ma merr mendja që edhe qytetarët i dinë. Hetuesit mund t’u japin detaje. Me siguri, ata janë duke hetuar dhe ju do t’i merrni vesh ndonjëherë.

Express: Ardian Gjini, në njëfarë mënyre, e krahasoi Kryeministrin Hashim Thaçi me Musolinin. S’ka fare problem me gjuhën?

Ramush Haradinaj: Ju kisha lutur ta pyetni deputetin Gjini për këtë. Por, ka tendenca të një diktature. Ju e dini vetë se televizioni publik RTK kontrollohet totalisht prej PDK’së, ndërsa është televizion publik, gazetat në shumicën e rasteve kanë një presion prej PDK’së.

Express: Ama Musolini ka qenë themelues dhe lider i fashizmit në Itali...

Ramush Haradinaj: Më falni, nuk mund ta komentoj këtë. Por, ka tendenca të tilla për të ushtruar kontroll mbi jetën e njerëzve, fjalën e lirë, shprehjen e lirë, zërat që mendojnë ndryshe. Kjo nuk është mirë. Sinqerisht është përzierje e shkollave komuniste. Kjo i bën dëm vendit.

[Llapi]

Ia falëm

Një ditë pasi Ramush Haradinaj ka treguar se si e kishte marrë objektin ku sot është selia qendrore e AAK-së, Latif Gashi, ish-drejtori i përgjithshëm i SHIK-ut, jep versionin tjetër. Sipas tij, nuk bëhet fjalë për ultimatum, por për marrëveshje mes bashkëluftëtarësh. Gashi thotë se Ramushi bën gabim të madh kur e identifikon veten me kërcënime dhe grupe të dhunshme.

Nga Jeton Musliu më 26.12.2008 8:40 CET

Ramush Haradinaj, ish-kryeministër i vendit dhe aktualisht kryetar i Aleancës për Ardhmërinë e Kosovës, në intervistë për Expressin, të enjten është shprehur se për të marrë selinë kryesore ku tash është vendosur partia e tij në qendër të Prishtinës, Shërbimit Informativ të Kosovës (SHIK) i ka dhënë ultimatum që brenda natës t’ia lëshojë objektin.

“U kam dhënë ultimatum të dalin të nesërmen në orën 6 të mëngjesit. Atë ndërtesë nuk ma ka dhënë askush. Ata (SHIK-u) kanë qenë aty. Kam shkuar në mbrëmje dhe u kam thënë që nesër, në 6 në mëngjes, po s’i nxorët gjërat jashtë, nuk ua qet mirë”, është shprehur Haradinaj për Express.

Por, Latif Gashi, dikur drejtor i përgjithshëm i SHIK-ut, këtë deklarim e quan të pavërtetë dhe në të njëjtën kohë jep një shpjegim tërësisht tjetër. Kjo, sipas tij, është e vërteta e vetme e këtij rrëfimi, duke shtuar se shpjegimi i Ramushit në intervistën dhënë Expressit është një kërcënim që ai i paska bërë SHIK-ut. Sipas Gashit, i ciki aktualisht është këshilltar i ministrit të FSK-së, Fehmi Mujota, Ramushi “bën një gabim të madh kur e identifikon veten me kërcënime dhe grupe të dhunshme”.

Gashi tregon për Express se pas çlirimit të Prishtinës, në objektin e ish-Entit të Gjeodezisë, ishte vendosur Policia Ushtarake e Ushtrisë Çlirimtare të Kosovës dhe ishte zgjedhur të jetë selia e Degës së SHIK-ut për Prishtinë.

“Rreth dhjetë ditë pas çlirimit, jemi vendosur në atë objekt. Aty kemi qëndruar deri në kohën kur ka filluar të funksionojë Policia e Kosovës dhe ajo e UNMIK-ut”, fillon Latif Gashi, rrëfimin e tij për këtë çështje.

Sipas tij, në katin e parë funksiononte Policia Ushtarake, ndërkohë që në katin e dytë fillimisht ishte vendosur SHIK-u i Zonës Operative të Llapit, e më vonë Dega e SHIK-ut për Prishtinën.

“Në momentin kur Ramush Haradinaj ka vendosur të formojë parti politike, fillimisht e ka thirrur në telefon Rrustem Mustafën-Remin, ish-komandant i Zonës Operative të Llapit të UÇK-së”. Me këtë telefonatë, sipas Gashit, Ramush Haradinaj i ka kërkuar Rrustem Mustafës nëse ka ndonjë kat apo zyrë në ndërtesën e ish-Gjeodezisë, për të vendosur selinë e partisë së tij.

“Rrustem Mustafa i ka thënë se përgjegjës për ato zyra është Latif Gashi, pra unë, Muhamet Latifi dhe Xhevdet Maçastena”, citon Gashi fjalët që ish-Komandant Remi ia ka thënë në telefon, Ramush Haradinajt. Sipas Gashit, pas kësaj përgjigjeje, Ramush Haradinaj ka gjetur numrin e telefonit dhe e ka thirrur në telefon atë (Latif Gashin) duke e pyetur se ku ndodhet dhe “nëse ka mundësi të pimë një kafe”.

“I kam thënë se je i mirëseardhur dhe kemi lënë takim në zyrën time, në selinë qendrore të SHIK-ut që ndodhej pranë Fakultetit të Arteve në Prishtinë. Ai ka ardhur dhe rojat e kanë përcjellë deri te zyra ime”, kujton Latif Gashi, momentet para atij takimi.

“Në zyrë kemi pirë nga një uiski. Kemi biseduar si bashkëluftëtarë. Ramushi më ka shpjeguar se ka krijuar parti politike, se si ka problem me shtrirje dhe konsolidim të partisë etj. Në fund më ka kërkuar që mundësisht t’ia gjejmë ndonjë zyrë ku do ta vendoste selinë e partisë së tij”, kujton Gashi, momentet e takimit me kryetarin e AAK-së, Ramush Haradinaj.

“I kam thënë se jam i treti në SHIK dhe doemos duhet konsultuar me shefin që ishte Kadri Veseli dhe zv.shefin, Hilmi Reçica. E kam lënë Ramushin në zyrën time dhe kam shkuar te Kadri Veseli. Bisedova me shefat dhe ata ishin të mendimit për t’i ndihmuar”.

Ai kujton se në fillim ishte vendosur që Ramush Haradinajt t’i lëshohet kati i parë në objektin ku edhe sot ndodhet selia qendrore e AAK-së, me mundësi që më vonë t’i lëshohet edhe kati i dytë, por pasi t’i gjendet vendi Degës së SHIK-ut për Prishtinë.

“Ka pritur vetëm në zyrën time. U ktheva dhe i tregova Ramushit për këtë vendim. Ai m’u lut ta shoqërojë deri tek objekti. Kemi dalë bashkë nga zyra ime dhe me veturën time kemi shkuar deri tek objekti ku sot ndodhet selia e AAK-së”, rrëfen ish-drejtori i përgjithshëm i SHIK-ut.

Më tej Latif Gashi shpjegon se në ndërtesën e ish-Gjeodezisë, atë dhe Ramush Haradinajn i kanë pritur njerëzit që në atë kohë kanë qenë udhëheqës të Policisë Ushtarake dhe Degës së SHIK-ut për Prishtinë.

“Aty kanë qenë Muhamet Latifi, Xhevdet Maçastena dhe Shaban Muja. Shokët i njoftova se është vendim i shefit dhe zv.shefit për t’i ndihmuar Ramush Haradinajt, duke marrë parasysh kontributin e familjes së tij në luftë”, pohon Gashi për Express.

Sipas tij, personat e pranishëm nuk e pritën mirë këtë vendim, por ishte urdhër që duhej të zbatohej, pavarësisht se në sy të Ramush Haradinajt, askush nga të pranishmit nuk kishte kundërshtuar.

“Atyre u duhej gjetur zyra të tjera që ndoshta duhej të punonin në kushte edhe më të vështira. Pastaj bashkë me Ramushin vizituam tërë objektin, edhe katin e dytë. Pastaj u vendos AAK-ja në një pjesë të ndërtesës, vetë Ramushi dhe të tjerët nga partia e tij. Për 3 apo 4 muaj njerëzit e AAK-së dhe SHIK-ut kanë ngrënë bashkë në kuzhinën e Degës së SHIK-ut të Prishtinës, derisa më vonë vetë AAK-ja e adapton një kuzhinë, ku me mirëpritje edhe njerëzit tanë (SHIK-u) kanë ngrënë bukë”.

“Pas rreth një viti, atëherë kur AAK-ja u shtri në terren, Ramushi i ka paraqitur SHIK-ut kërkesë tjeter që t’ia lëshojë edhe katin e dytë. Për këtë kanë biseduar disa herë me Shaban Mujën dhe Xhevdet Maçastenën, të cilët janë konsultuar me nivel më të lartë, duke vendosur që prapë t’i ndihmojnë Ramushit. Më vonë, atij i është lëshuar edhe kati i dytë i ndërtesës”, shpjegon Latif Gashi.

Në këtë rast, ish-drejtori i përgjithshëm i SHIK-ut thotë se është tjetër çështje nëse Ramush Haradinaj është mirënjohës ose jo për ndihmë, por, sipas tij, “kjo është e vërteta rreth këtij objekti”.

“Këtë që e thotë sot, nuk e ka thënë në atë kohë, sepse atëherë është sjellë shumë mirë, ka qene kërkues, se përndryshe pa të keq, partia e tij nuk do të ishte në atë ndërtesë ku ndodhet tash. Në atë kohë ka ardhur me tjetër fjalor e me të tjera sjellje”, shpjegon Latif Gashi, ish-drejtor i përgjithshëm i SHIK-ut historinë që, sipas tij, është e vërteta e vetme në lidhje me mënyrën se si Ramush Haradinaj sot e ka objektin e ish-Gjeodezisë si seli të partisë së tij, AAK-së, duke pohuar se edhe publikisht në TV ose privatishte do t’ia dëshmonte.

Gashi nuk ka dashur të komentojë në lidhje me akuzat e ngritura më herët nga Haradinaj kundër SHIK-ut, organizatë kjo që tani që nga qershori i këtij viti publikisht ka pushuar aktivitetin e vet. Sipas tij, nuk është koha për të harxhuar energji për akuza të tilla, duke marrë parasysh momentin e tanishëm dhe se kjo nuk i ndihmon stabilitetit politik dhe qytetar të vendit, por, sipas Gashit, as vetë Haradinajt.

“Nëse Haradinaj në denoncimet e veta ka fakte, më së miri është këto t’ua ofrojë organeve kompetente në të mirë të qytetarëve dhe për interesa pushteti mos të manipulojë me lojën e viktimës në një moment, e denoncuesit në një moment tjetër dhe së fundmi dhe të dhunshmit, si tani. Gjuha e dhunës, denoncimit dhe kërcënimit nga një politikan që pretendon pushtetin, mbjell vetëm frikë dhe pasiguri te qytetari. Të gjithë kanë përgjegjësi ta ruajnë dhe ndërtojnë shtetin”, ka përfunduar Gashi.