Nena e Adelina Ismajlit në burg

[Shën Albani]

Ja si zgjidhen te ne problemet me konkurencen:

PRISHTINE (21 Dhjetor) - Nëna e këngëtares së njohur kosovare Adelina Ismajli është dënuar me 30 ditë paraburgim. Kjo është masa e sigurisë që ka dhënë sot gjykata, për gruan e cila së bashku me vajzën e saj, këngëtaren e njohur Adelina Ismajli, rrahën dy ditë më parë një tjetër këngëtare të njohur, Leonora Jakupin. Interpretuesja e shumë këngëve, ndër të cilat edhe "Nënës tënde ç'ka i bana", është grindur me "pjesëtaren" e UÇK-së Leonora Jakupi, gjatë provave për spaktaklin e Vitit të Ri. E ndihmuar nëna dhe motrat e saj e kanë rrahur Eleonorën, e cila përfundoi në spital jo vetëm e lënduar por edhe e fyer nga sjellja e një artisteje. anjo/mr (BalkanWeb)

[ReA_8]

TURP per ato qe e kane bere kete turp !

[hope31]

Aman turp i madh.

Per artistat e di qe ka konkurs talenti e jo violence.

I uroj E. Jakupit sherim te shpejte.

Sinqerisht
hope31

[Agim Doçi]

Të nderuar BASHKËFORUMAS!

Më vjen mjaft keq që ka ndodhur kështu!
Në qershor të vitit 1998 i bëra Leonora Jakupit nderin më të madh në jetë!!!!!!
Brenda 13 minutave shkrova tekstin (poezinë) e këngës "A vritet pafajsia". E muzikoj Edmond Zhulali brenda 30 minutave. I bëmë VIDEOKPLIPIN dhe Leonore Jakupi u bë e famëshme me këngën time!
Kur kam shkruar vargjet:
"MOS MA PREK TROLLIN SHQIPTAR
MIJRA VJET JAM VETË E PARË!
ASHT NJI KOMB QË DON LIRI
DHE KOSOVA ASHT SHQYPNI!"....
mendova edhe absurditetin e gjenocidit millosheviçian në atë vend e mbi atë popull! Mendova gjithashtu edhe helmimin e 8 mijë fëmijëve që kishte ndodhur në vitin 1991! Mendova gjithshka dhe ajo këngë u këndua prej mëse 3 milion fëmijëve shqiptarë!
Desha ta risjell në kujtesën e të gjithëve edhe një herë disa nga vargjet e poezisë time:
A VRITET PAFAJSIA
CFARË FAJI KA DRENICA?
SI MUND TË VRITET FËMIJA
QË THOTË: AZEM GALICA!

QIELLI DIGJET TOKA VARRE
PO KU JE ADEM JASHARI!
MOS MA PREK TI SHKJA DRENICËN!
E KAM GJALLË AZEM GALICËN
MOS MA PREK TROLLIN SHQIPTAR
MIJRA VJET JAM VETË I PARË!

NA PËRZUNË NA DOGJËN VOTRËN
MA VRANË BABËN, MA VRANË MOTRËN!
ASHT NJI KOMB QË DON LIRI!
DHE KOSOVA ASHT SHQYPNI!....etj.

Pra e ndjeni sa e turpshme asht të rrihen për hirë të xhelozive skenike??? Thonë se Leonora asht e krahut të Thaçit, ndërsa Adelina e krahut të Rugovës(!!!!). Nga organet e shtypit morra vesht se "thaçianija" asht rrahë keqas nga "rugovjanija"! Nuk asht gëzim për dashamirtë e kangës ky xhest! Por unë mbaj mend që edhe Valeria Marini dhe Pamela Prati janë në një spektakël të RAI-t, dhe skandali morri dhenë! Pra rrahja midis Leonorës dhe Adelinës, tregon se edhe këto dy "kangëtare" të famëshme të ESTRADËS KOSOVARE janë bërë VIP!!.....
Ama kjo tregon mjerimin shpirtëror të njerzve tanë. Adelina dhe Leonora janë vjaza të Kosovës me të cilat duhet të krenohemi, por mesaduket xhelozia i ka shtyrë në atë derexhe...
Me keq(art)ardhje
Agimi

[Alesia]

E tmerrshme. te imagjinosh ate bukuri sic eshte Adelina duke u kerlesh, per cfare!!!!!!
Dhe me e bukura po ka fut edhe pjestaret e familjes NE PERLESHJE...
Familje me taban!!!!

NDOSHTA TALLEMI ME FAKTIN, POR ESHTE TURP SEPSE KEMI TE BEJME ME PERFAQESUES TE KENGES SHQIPTARE DHE TE JENE AQ TE NGUSHTE SHPIRTERISHT , CUDI TE VJEN.....DHE NJEKOHESISHT E NDJEN VETEN KEQ...

[Shën Albani]

Nuk di cka te them pos se eshte cudi dhe rast i pare...Adelina eshte bere Tarzan dhe deshiron ta eliminoje konkurencen!!!
Raste te tilla nuk kane ndodhur ne mes meshkujve, si duket meshkujt nga konkurenca motivohen me shum eper pune e ndonj efemer shndrrohet ne mace!

Sidoqofte edhe nje lajm i tille eshte interesant se clodh shqiptaret nga perditshmeria bajate! Ama kompozicioni ishte interesant: Nënë e bije kunder Leonores!!! Nuk mund te mos e marre me mend se nuk i kane hjekur kepucet dhe se nuk e kane goditur me to ne koke!!!!

Nese LEonora i beson akoma kanunit , presim raundin tjeter!

[Agim Doçi]

Mos harroni se Adelina smajli asht vajza ma korrekte e Kosovës, dhe bile deklaroj se ajo asht çikë e ndershme dhe shumë e respektueshme në masën e popullit në Kosovë!
Nuk dua të bëj dallime politike, por kur i sulen nanës me vandalizëm Adelina ka bërë një detyrë të shenjtë, ndërsa leonora duhet të kërkojë falje publike njera tjetrës
¨kaq se boll u koritëm!
Agimi

[GRESI30]

Zoti DOÇI(AGIM),
nuk e zgjidhet si duhet ekuacionin. Është ekuacion me dy të panjohura, edhe ju gjetët vetëm një të panjohur. Të cilën po ta kalosh në integral të dyfishtë , i afrohet me përafërsi zgjidhjes.
Për mendimin tim të dyja jane FEMRA të bukura e te hijshme , e të shijshme(për këtë të fundit flas pa fakte vetem me të dëgjuar). Me të thënë të drejtën është për të ardhur keq qe te dyja janë zënë për ndonjë shkak jo madhor(ndarje dashnori,). Tani historia edhe hetimi i POLICISË Kosoves(UN) do ta nxjerrë në shesh të vërtetën. Mendoj të ngrihet një tryezë e rrumbullakët ku të marrin pjesë, të tërë forcat politike ushtarake , e kontrabandiste në kosovë edhe ta zgjidhin këtë qështje. NJë eveniment kaq i rëndësishëm kulturor e argëtues, duhet të ishte pasqyruar edhe tek CNN.

Zoti Agim , si artist , e per më tepër si inxhnier (ku saktësia na karakterizon), duhet të ishit i paanshëm. Apo se Eleonorës i paske bërë një "text" për 15 min edhe tani duhet të mbash anën e Adenilës. Ajo me sa di unë nuk është për TEXT 15 minutësh, është për gjëra mëseriozë edhe për më tepër përkushtrimË:-)))

Ja kalofshi sa me mire te tere ...
Me nderime edhe geyuar festat te terve

[Ryder]

Pare kisha pagu me i pa ihere, po me mire do te kishin dale me bikini duke u rrahe ne lluce lol

[Shën Albani]

Sa i ndershem mund te jete nje person i cili burgoset per lendime trupore dhe nuk di sa " cike e mire " mund te jete nje kengetare e cila preferon t´i zgjidhe problemet jo me goje, por me grushta e me kepuce!!!
Ajo mund te kete qene e ndershme, por tani e tutje jo! Meqenese gjyqi i pvarur ka pare te nevojshme te burgose nenen e saj, dmth. se fajet i kane pasur ato dyja, e jo e shtrira ne spital.

As te paren e as te dyten nuk i dua si kengetare, por as nje vandalizem te tille, jo!

[JONI 1]

Keta zt. qe nuk kane prituar te bejne 'hetimet' e para mbi kete 'krim' me aq zelle eshte mire te i angazhojne ne hetimet e disa vrasjeve te politikaneve dhe ushtarakeve ne Kosove...me befasove 'I shenjti' Albani,duke te vleresuar ne baze te shkrimeve tua interesante edhe kur nuk pajtohesha me konstatimet e shkrimeve te juaja mund te theme se hapja e kesaj teme nga ju tregon kjarte se cilin tel e rrahe dhe ne çfare 'kompanie' je.......ate te fundit qe e permende per kanunin te te vije turpe,ti therret per hakmarrje dhe vllavrasje....edhe Baton Haxhiu mund ta kete lakemi per kete menyre te lige qe perdore per nxitje ndershqipetare....e krejt ne funde te kujtoj diçka nga ajo qe ti thirresh ne te ku thuhet 'shtisi eshte me i keq se kryesi'...per tjeret se vlene te vazhdoje me shume me shprese qe kete konflikte personale ta kalojne me marrveshje keto dy vajza ..

[Shën Albani]

Jon,

me akuzon, por une nuk kam bere askund thirrje per hakmarrje, une vetem kam shprehur habin time. Mos me akuzo mua pse kritikoje te hendikepuarit te cilet mendojne se problemet zgjidhen me grushta dhe me dergimin e njeriut ne spital- per dallim nga kafsha njeriu ka goje qe flet dhe trurin qe mendon- nderkaq, kafsha eshte e detyruar t´i perdore ose briret, ose shqelamt.

Dhe derisa njeriu imiton kafshen eshte i denje per kritike!
Per akuzat qe mi ben, do t´ishte mire te sillje nje citat timin i cili te paska deshpruar aq shume!!!

[vetvetja]

Te nderuar miq,

Te me falni qe po dal pak nga tema, sepse nuk po i hyj diskutimit se kush mund ta kete fajin. Dhuna fizike per mua eshte rrugezgjidhja e njerezve me llogjike te dobet.

Megjithate komenti im kryesor i drejtohet zotit Doci:

Sinqerisht qe me ben pershtypje dhe m'u desh te sforcohem qe te mos qesh me pergjigjen tuaj te pare. 2/3 e mesazhit tuaj ishin mbi tekstin e kenges me te cilen "JU e bete te famshme Leonoren", duke "i bere nderin me te madh ne jete".

Nuk ju duket se e keni bere pak si Beluli?! Pak me modest zoti Agim, dhe per me teper kjo teme nuk ishte mbi krijimtarine tuaj poetike.

[Agim Doçi]

Nuk më paske kuptuar. Ani! S'ka gja! Unë jam trishtuar për xhestin dhe ato 13 minutat e mija ban mirë mos me "ia fatures" sindromit Behlul!
Kur e shkrova faktin (edhe nëse ty nuk të pëlqen asht e vërteta që aq kohë harxhova) - e shkrova sepse frymëzimin ma dha fakti që baba i Leonora Jakupit asht dëshmor - bile i nderuar dhe i dekoruar!
Ato tre fëmijë jetimë (Leonora me vëllanë e motrën dhe nënën e tyre që asht zonjë grua) kishin respekt për dajën Agim (kështu më thërrasin edhe sot e kësaj dite), ndaj erdhën të këndojnë për Drenicën, Ademi Jasharin e UCK-në!!! Nuk erdhën me më kallxue se mbas 3 vitesh lirije do rraheshin me Adelinën! Se kurrë nuk ua kisha shkruar kangën! A u morrëm vesht i nderuar VETËVEHTE???
Pra dil nga vetëvehtja dhe kuptoje mesazhin tim! Xhesti i tyre asht u turpshëm dhe i dhimbshëm! Ato dy vajza aq të bukura dhe aq të dashura për njerzit - i kanë bërë dam vetvëvehtes dhe jo mua!
Nëse ti nuk më keqkupton unë e përmend faktin e autorsisë time që skandali të lehtësohet sadopak! Duke u bërë një amortizim llafeve, duke dashur që njerzve tu them se ky asht TURP!
megjithatë ty të uroj gjithë të mirat dhe ndoshta ke të drejtë! Mund edhe të mos e shkruaja mendimin tim!
Me resepekt
Agimi

[JONI 1]

dhe vellavrasja mund te filloj.Cinizmi i juaj eshte aq siperfaqesor sa nuk ke nevoje te fshihesh pas asaj "shen" i "shejti" Alban.I ke kater shkrime ne kete teme dhe nuk kam verejtur qe ke shkruar ne temat mbi vrasjet politike dhe te ushtarakeve ne Kosove ose se paku nuk i ke gjykuar ato.Ne shkrimin e dyte Eleonores i perkujtone Kanunin dhe pret nje runde te dyte.Bravo.Ne shkrimin vijues jepni gjeometrine e ngjarjes sikur te ishit ndodhur ne vendengjarje dhe konstatoni se ajo eshte e pandershme sepse gjygji i pavarur e ka burgosur nenen e saj prandaj eshte fajtore.Kjo vlene mesiguri dhe per te ashtequajturin grup i Dukagjinit pasi qe gjygji i pavarur i ka gjykuar ata jane fajtore,keshtu thoni ju.Se fundi ne ate si pergjegje e juaja ndaj shkrimit tim thua 'mos me akuzo... ...kafsha eshte e detyruar te perdore ose briret ose shqelmat' dtth se thua qe ajo/ata/ato qe bene keto jane kafshe atehere me thuaj si quhen ata qe vrane Uke Bytyçin,Smajl Hajdarajn,etj.Shpresoje qe keto vajza te Kosoves do ta therrasin arsyen dhe do ta tejkalojne kete situate te padenje per madheshtine e tyre pa i ndegjuar "shtisat".

[Shën Albani]

" I ke kater shkrime ne kete teme dhe nuk kam verejtur qe ke shkruar ne temat mbi vrasjet politike dhe te ushtarakeve ne Kosove ose se paku nuk i ke gjykuar ato."

I kam kater shkrime ne kete teme, vetem ketu ke te drejte dhe nuk kam shkruar ketu per vrasjet politike, sepse ketu eshte fjala per nje rrahje primitive. Dhe une nuk shkruaj ketu per ate qe ty te pelqen , por shkruaj per gjerat qe me shqetesojne mua. Une shkruaj keshtu sepse une shkruaj si mendoj une, e jo si mendon ti se une do te duhej te shkruaj. Kete te drejte e ke edhe ti te cilen po e ven ne perdorim , por duke u perpjekur per ta kufizuar lirine e te mendurait te tjetri!

Forumi nuk eshte vend ku njerzit motivohen per hakmmarje, por vend ku njerzit shprehin shqetesimin e tyre, prandaj akuzat e tua te perseritura se une po luaj rolin e " shtisit ", jane akuza qe mbeshtetjen e kane dikund tjeter. Ti po flet ketu shume i prekur personalisht, une jo.
Sqarim:
Kam thene dhe ripohoj se vetem te kafsha arsyetohen shqelmat, jo te njeriu. Jo aty ku ekziston nje shtet ligjor! Askush nuk ka te drejte ta kerkoje drejtesine duke u mbeshtetur ne force. Gjyqet ekzistojne per t´i zgjidhur konflikete eventual qe kane njerzit, por aksund nuk i lejohet askujt ta ekzekutoje drejtesine vet! Ato dy zonja kane marre rolin e gjytarit dhe kane ndeshkuar nje njeri dhe keto dy zonja nuk kane te drejte te mirren me nje veprimtari te tille. Madje as gjyqtari nuk ka te drejte t´i shkaktoje dikujt lendime trupore, sic kane bere ato dyja.
Rrahja e personave u ndalohet edhe policeve qe perkujdesen per rendin, e per nje rrahje te tille dhe dergimin e nje njeriu ne spital nuk e kane autorizimin as ato dy gra!

Cdo njeri qe vrane nje njeri ( me perjashtim te armikut ne lufte ) ai njeri punon kunder vendit te vet dhe injoron ligjin themelor te nje shteti. Dhe, prandaj ekzistojne gjyqet pavarura per t´i denuar ata qe shkelin ligjin, me qarte ata qe vihen mbi ligjin. Kete gje e kane bere ato dy zonja, nene e bije, dhe gjyqi i pavarur ne Kosove e ka pare te arsyeshme dhe juridikisht te drejte ta hedh ne burge nje nënë e cila ishte shembull i keq per bijen e saj!

Nese ke dicka te thuash lidhur me temen, atehere eshte ne rregull, nese vazhdon te mirresh me mua , ( une nuk jam teme diskutimi , as emri im, sic nuk je as ti, e as emri yt ), atehere une nuk do te pergjigjem! Dhe eshte e padrejte te kerkosh prej njerzve te mendojne sipas kallepeve tua!
Para se te shkruash eshte mire te lexosh shkrimin e Albos mbi kulutren demokratike!

Shkrimin e nise keshtu : " dhe vellavrasja mund te filloj." Cfare fobie ke ti nga perfolja e rasteve barbare ? Vellavrasja nuk ka nisur kurre pse jane rrahur dy persona, ne rast te tilla, simpatia njerzore eshte drejte te demtuares!
E din ti se rast te tilla, pra kur prominentet sillen ne kete menyre ndikon keq ne edukaten e te rinjeve, sepse cdo i ri mendon kur Ajo zgjedh problemet me grushta, shqelma dhe kepuce, sa te dergohet nje nejri ne spital, atehere kjo eshte metoda se si zgjidhen mosmarrveshjet !!!!
Dhe ky rast eshte i ulet, i poshterte
, primitiv dhe meriton te gjykohet, dhe ato dy gra tregohen te ndershme kur publikisht t´i kerkojne ndjese se demtuares, perndryshe deshmojne se kane karakter rrugacesh!

Cdo njeri i denuar nga nje gjyq i pavarur, e meriton denimin, sepse denimi bazohet ne fakte!

[Beqari002]

Cka ti shtojme kesaj dhe gjithe asaj qe u fol e perfole ne kete teme ne Forum,pos kesaj qe do lexoni me poshte.Por kisha thene se eshte me mire qe dialogjet ketu te zhvillohen qete pa pretendime nga anetaret.Se besoj se per naten e Vitit te Ri me siguri nga studiot e RTV 21 do kemi nje program interesant dhe argetues nga keto dy aktore per te cilat u fol e perfol mjaft keto dite ,por edhe me interesant se u fol me teper per nenat e tyre.


A është dënuar me paraburgim nëna e Adelinës

Ç’ka të re rreth rastit “Adelina - Leonora”

PRISHTINË, 22 DHJETOR - Rasti i duelit të pazakontë “Adelina - Leonora” vazhdon të jetë temë e përfoljes në mediume. Në faqen e internetit “Balkanweb” të dielën është dhënë lajmi se nënës së Adelina Ismailit, Monës, Gjykata Komunale e Prishtinës ia ka caktuar paraburgimin prej 30 ditësh. Pas rrahjes dhe lëndimeve që i ka shkaktuar këngëtarja Adelina Ismaili, yllit tjetër të estradës Leonora Jakupit, kjo e dyta e ka paditur në gjyq kolegen dhe të ëmën e saj, e cila sipas deklaratave të nënës së Leonorës, Feride Jakupi, ka qenë pjesëmarrëse në rrahjen e së bijës. Në një bisedë me motrën e Adelinës, Ema Ismajli, ajo tha se nëna e saj nuk është në Kosovë, por ka udhëtuar me Adelinën në Skandinavi. “Mamin e kam në Skandinavi dhe unë nuk kam informata se është dënuar me 30 ditë paraburgim”, tha ajo. E pyetur nëse motra e saj ka angazhuar avokat mbrojtës, Ema theksoi se,”ky është problem personal i motrës sime Adelinës e i askujt tjetër”. Ndërkaq, zëdhënësi i SHPK-së, Refki Morina, na tha se lënda i është dorëzuar gjykatës komunale dhe ata mund të ofrojnë informata rreth rastit. “Koha ditore” bëri përpjekje që të konfirmojë këtë informatë në gjykatën komunale, por për shkak të pushimit të fundjavës nuk ia dolëm të kontaktojmë me personat përgjegjës. Një ekspert ligjor na shpjegoi se “nuk ka mundësi juridike që Mona Ismailit t’i caktohet paraburgimi, pasi që ajo fillimisht nuk është arrestuar nga policia dhe nuk ka mbajtur paraburgimin 72 orësh që mandej t’i dorëzohet organeve gjyqësore, e që ato pastaj t’i caktojnë paraburgim 30 ditësh, pasiqë dihet se ajo është në liri”. Megjithatë, ky ekspert ligjor shpjegon edhe një variant tjetër juridik. “Ekziston mundësia që atë e kanë dënuar për kundërvajtje, menjëherë atë natë kur e kanë marrë në polici, dhe ia kanë dorëzuar gjykatës për kundërvajtje. Gjykatësi për kundërvajtje mundet me procedurë të shkurtër ta dënojë me burg në kohëzgjatjeje prej 30 ditësh, dhe pasi të bëhet i plotfuqishëm aktgjykimi, Mona pastaj shkon në vuajtje të dënimit”. Se si do të rrjedhë më tej në gjyq rasti “Adelina - Leonora”, mbetet të shihet kur Adelina dhe nëna e saj të kthehen nga Skandinavia.
----------------------
-------------------------


Nëna e Adelinës dhe nëna e Leonorës, janë fajtore për rrahjen

Reagimet e qytetarëve të Prishtinës rreth përleshjes së yjeve të estradës muzikore

PRISHTINË, 22 DHJETOR - Përleshja ndërmjet dy yjeve të estradës muzikore kosovare, Adelina Ismajlit dhe Leonora Jakupit, që ka ndodhur të enjten mbrëma, gjatë xhirimit të programit për Vitin e Ri, ka ngjallur një diskutim të papritur, në shtëpi, në punë, në rrugë, në kafene dhe kudo tjetër. Për momentin, qytetarët, sidomos ata të moshës së re, por edhe moshat e tjera, i kanë lënë anash diskutimet e zakonshme rreth problemeve të përditshme kosovare dhe janë marrë me ngjarjen e pazakonshme që ka ndodhur në skenën muzikore kosovare. Rrahja që ia bëri familja Ismajli Leonora Jakupit, nga qytetarët cilësohet si turp i vajzave më të popullarizuara të Kosovës, por edhe turp për estradën muzikore kosovare në tërësi. “Është fatkeqësi, që artistet më të mira kosovare ta sjellin veten në një pozitë të tillë, ta turpërojnë veten e tyre dhe muzikën kosovare”, tha Sadri Kelmendi, kryeredaktor i revistës për fëmijë’ “Zog mëngjesi”, dhe shtoi se “Kënga është pjesë e kulturës, por sjellja e tyre ngelet pjesë e turpit, që ato, vetëm me falje publike ndaj njëra-tjetrës mund ta sjellin veten në atë nivel ku kanë qenë deri tani”. Kelmendi, një burrë i moshës 60-vjeçare, mendon se të dyja këngëtaret e kanë humbur popullaritetin që e kanë pasur, pasi qytetarët, sipas tij, e mbrojnë artin, e jo Adelinën apo Leonorën. Skandali i ditës së enjte, sikur i ka lënë anash diskutimet rreth standardeve të parashtruara nga Shtajneri dhe reduktimeve të energjisë elektrike nga ana e KEK-ut. “Më vjen keq që ndodhi edhe kjo në skenën tonë muzikore, por më vjen mirë që për një çast i harruam standardet e Shtajnerit, reduktimet e KEK-ut dhe premtimet e tyre pa rezultate”, tha Blerta Bërdynaj, ekonomiste e diplomuar. Sipas saj, shkaktar të kësaj rrahjeje janë Mona, nëna e Adelinës, dhe Feridja, nëna e Leonorës, të cilat, edhe më parë, i kanë nxitur të bijat e tyre, për ta urrejtur njëra-tjetrën, me thënie, se kjo apo ajo, është më e zonja, dhe kjo apo ajo, duhet të dalë e para në skenë. Por, jo të gjithë qytetarët, që pranuan të prononcohen lidhur me rrahjen që ndodhi midis yjeve të estradës, janë të paanshëm. Dikush anon nga njera, e dikush nga tjetra, varësisht, se cila është më e adhuruara për ta, se cila është më e bukur, se cila këndon më mirë, e madje, kush nga vjen. Marta Zalli, 32-vjeçare, nga Gjakova, thotë se “Adelina është e lindur të jetë ajo që është, për këngë, dhe për të gjitha” dhe se “asgjë nuk e luhat popullaritetin e saj, pavarësisht asaj që ka ndodhur”. Sipas saj, Adelina është në zemrën e të gjithëve. Por, Blerta Bërdynaj, ekonomiste nga Prishtina, mendon se “Adelina është shumë vulgare, dhe e pakulturuar, sado që ajo mendon, se adhuruesit e muzikës e mendojnë një gjë të tillë për Leonorën. Sipas Blertës, 25-vjeçare, Adelina, kurrë nuk ka qenë këngëtare e mirë, porse ajo është bërë yll duke dalë në skenë gjysmëzhveshur, “atëherë kur mentaliteti ynë ka pasur nevojë të shohë diçka të tillë”!. Ngjarje të tilla, rrahje, ndodhin edhe në skenën politike, pasi paralametarët e vendeve të ndryshme janë kacafytur në mes të parlamentit, por dhashtë Zoti, që vetëm edhe kjo mos të na ndodhë. “Bacë, besoj, se Kosova, nuk e ka hallin e tyre”, shprehet Adem Gjata, ish-profesor, në pension, duke shtuar se “ato janë të bukura, dhe munden me u’a shti zjarmin edhe këtyne nalt”. Sipas tij, femrat e kanë fitilin në dorë, e sidomos nënat e njatyne dyjave”. Derisa Leonora, është duke u shëruar, në shtëpi, nga plagët e marra, Adelina ka filluar turneun e vetë nëpër Skandinavi dhe që të dyja vazhdojnë ta akuzojnë njeratjetrën për nxitjen e konfliktit, i cili i ka habitur adhuruesit e estradës, por edhe qytetarët në përgjithësi, dhe sipas gjasave do të zgjidhet nga gjykata penale.

---------------------
------------------------
Oj sharki e lehte si era , a ka ardhur ne Shqiperi pranvera?

[Mirditor]

"Nena e Adelina Ismailit ne burg"
Qe me hapjen e temes fillon paragjykimi tradicional shqiptar.
Cfare ndodhi?
Mos valle u shkaterrua Kosova?
Mos valle do te ngelemi pa buke?
Mos valle edhe tani do te tregojme veten tone se jemi kafshe?
Ti leme ne punen e tyre dhe organet kompentente le ti gjykojne ashtu sikur eshte e verteta.
Nuk para perziem shume ne ceshtjet e Kosoves qofshin ato politike, qofshin ato kulturore por ketu verejta provokime ndaj nje anetari apo ndonje tjetri dhe per te hyre me thelle ne debat me bene pershtypje provokimet direkte ndaj Agim Docit qe me ato cfare kam lexuar per te, nuk do te ishte gje fare e mire qe njerez te tille te penes te ofendohen ne kete menyre.
Agim Doci se pari shpjegoi disa gjera sipas menyres se tij akademike dhe ndonjeri ketu jo vetem qe nuk e kuptoi por filloi te hedhe shtiza se nuk po themi kunja.
Por me ke duhet te flase Agim Doci?
Jane te paket ata qe e kuptojne dhe kjo eshte per te ardhur keq.
Zoti Agim jo gjithmone duhet folur me gjuhen tipike akademike sepse shume nuk do te kuptojne por e marrte e mira e marrte edhe duke folur si leshko nuk ja vlen(besoj me kupton).
Jo pa qellim e mbrojta Agim Docin sepse ne nje forum tille te kesh nje njeri te penes eshte nje gje shume e mire qe per vete forumin i ngrin vlerat si dhe forumistat ndihen te kenaqur sepse te llapesh eshte kollaj.
Por fatkeqesisht neve fryhemi shpejt me te miren qe shqiptaret i bejne njeri tjetrit ndaj duhet dhe kujdes.
Sa per Zotin Vetvete do te thoja qe ka ngaterruar djathin me sapunin dhe kur zoti Doci ofroi te verteten dhe pa ngerdheshje dhe mendjemadhesi, zoti vetvete e mori djathin per sapun.
Shume keq qe vepron keshtu.
Perse nuk e hap edhe pak horizontin te kuptosh te verteten por si padashje ti tregon injorancen tende dhe kulturen e dobet qe ke si dhe shkollimin tend qe nuk e di sa vjet shkolle te permban.
Pra ti injoron veten dhe asnjeri tjeter dhe keshtu eshte.
Ndersa Gresi 30 luan me ekuacione te zgjidhura dhe te pazgjidhura, duke bere kompetentin dhe gjoja ku lloj dyluftimi ka shume lloj anesh per tu luftuar.
E mbrojta Agim Docin sepse ai nuk foli me mendjemadhesi por me mencuri si dhe per te ju treguar se keto lloj gjerash ndodhin ne boten njerezore shtazore dhe se nuk ka ndonje gje per tu fryre me shume se sa nje ndodhi e zakonshme mes dy njerezve qe perplasen ne rruge.
Si perfundim rasti i Adelines Ismailit me Leonora Jakupin eshte nje rast i rendomte qe nuk na takon neve ta gjykojme.
Le te mos behemi qesharake per nje gje te tille sepse keshtu do te tregojme veten se jemi shqiptare te ngelur akoma ne shekullin e XIX.
Faleminderit Mirditori

[vetvetja]

I nderuar Mirditor!

Une shpreha mendimin tim ne lidhje me reagimin e Zotit Doci, dhe ai po vete ma ktheu pergjigjen.
Mesazhi im s'kishte per qellim denigrimin e tij si poet, sepse jam teper e vogel per te bere nje gje te tille, dhe mbi te gjitha e cmoj krijimtarine e tij.
Raste si ky i juaji kur dikush i del ne mbrojtje nje personi tjeter, pa e patur idene se perse po flet (c'hyjne provokimet ketu?), me kujtojne Don Kishotin dhe luften kunder mullinjve te eres. Ne nuk jemi duke bere politike ketu dhe s'kemi perse rreshtohemi ne kampe. Gjithkush i del per zot vetes, dhe jam e sigurte qe zoti Doci nuk ka nevoje per ndihmen tuaj.

Lidhur me kulturen dhe shkollimin tim .... i dashur Mirditor ... s'me ngelet vecse te qesh me te madhe ... sepse me sa vura re, jemi ca si larg.

Gjithe te mirat.

[visitor]