Dy punëtorët shqiptarë të një pallati në Manhattan - Nju Jork, Endri Brahimaj dhe Izet Neljkovic, njëri nga Elbasani dhe tjetri nga shqiptarët e Malit të Zi, pasi morën muajin e kaluar titullin e nderit "Hero i Qytetit", u nderuan këto ditë edhe me çmimin më të lartë, që ndan bashkia e Nju Jorkut, në fund të vitit; çmimin " Building Service Workers of the Year - Punëtori i Vitit".
Kjo, për arsye se ata me 13 korrik 2008 kanë bërë një gjest tepër njerëzor, në momentin që po digjej një ndërtesë 200 vjeçare në pjesën perendimore të qytetit, ata hidhen mes flakëve të shpëtojnë jetën banorëve dhe të një gruaje rreth të 40 -tave, e gjetur e vetme në mes zjarrit.
Ceremonia e dorzimit të çmimit "Punëtori i Vitit" u zhvillua në Manhattan dhe u drejtua nga legjenda e gazetarisë njujorkeze, Gabe Pressman dhe Jimmy Breslin. Ceremonia u sponsorizua nga sindikata e puntorëve Local 32BJ dhe u mbështet nga disa kompani njujorkase: Service Employees International Union (SEIU), Tishman Speyer, The Durst Organization, Vornado Realty Trust, Ogden Cap Properties, Cooper Square Realty and Stellar Management.
Ndërsa u nderuan me këtë rastë edhe 15 punëtorët e vitit në Nju Jork : Endri Brahimaj dhe Izet Neljkovic, James Gibbons, Carlos Pellecier, Pat Burns, Manuel Santana, Juan Cruz, John Simion, Alonzo Toney, Sean Tonti, Safeta Djesevic, Ursula Szewc, Frank Bellido, Curtis Hill, Moises Guimet, Bernard Speranza.
Endri Brahimaj, 19 vjeç, nga Elbasani, emigroi në Amerikë së bashku me familjen e tij para 12 vjetëve. Ata u vendosën në një lagje të Nju Jorkut e banuar më së shumti nga emigratët shqiptar. Ata janë banorët e lagjes Ridgewood - Quins (Queens).
Djali shqiptar, që tashmë është bërë shembull i qytetarisë së Nju Jorkut vazhdon interesimin që pas pune të vazhdojë studimet në fushën e manaxhimit të biznesit.
Izet Neljkovic, 44 vjeç, erdhi për një jetë më të mirë në Amerikë, duke lënë pas një nga viset shqiptare në Mal të Zi, Plavën e Gucie-n.
Erdhi këtu dhe u vendos në lagjen Astoria në Quins(Queens) së bashku me gruan, djalin i cili është tani 17 vjeç dhe vajzën 7-të vjeçe.
Që të dy emigratët shqiptar, më 13 korrik, 2008, megjithse punonin në një ndërtesë tjetër, e cila ndodhej për karshi pallatit që mori flakë, u "përlanë" me flakët, vetëm për të shpëtuar jetën e banorëve të pallatit, tjetër. Ku më në rrezik u tha se kishte qënë jeta e një gruaje, që duhej ndihmuar pasi kishte mbetur e rrethuar e tëra nga flakët.
Ngjarja : 13 korrik 2008, flaka e madhe në pallatin 200 vjeçarë në Manhattan
Me të parë zjarrin në pallatin për karshi, të dy emigratët shqiptarë vrapuan dhe hynë në pallatin që po shkrumbohej nga flakët. U bien të gjitha zileve dhe fillojnë duke u bërë thirrje njërëzve të dalin jashtë sa më shpejt, se zjarri po kaplonte ndërtesën.
Një banore e kësaj ndërtese ajo që shpëtoi nga flakët është edhe Judith Rice, e cila në momentin që ndodhi ngjarja ishte duke pirë kafen dhe dëgjuar radion.
Gjatë operacionit për shpëtimin e njerzëve dhe shuarjes së zjarrit u mësua se 8 zjarrëfikës dhe punonjës të emergjëncës u lënduan dhe u shtruan në spitalin më të afërt St. Luke's-Roosevelt Hospital. Zjarri filloi nga çatia dhe e përfshiu krejt ndërtesën, thanë hetuesit e kësaj çështje duke e dëmtuar më shumë se 75 përqind të ndërtesës.
Judith Rice një 40 vjeçare me profesion producente, e cila e ka jetën e saj tash - fal ndërhyrjes së guximëshme të dy shqiptarve Izet Nelkovic dhe Endri Brahimaj, ka thënë se është gjetur në një moment tepër të rrezikëshim të jetës së saj, pasi nuk ka ditur asgjë dhe e rrethuar nga flakët e tymi,që po i afroheshin tek dera.
Pas ndërhyrjes së dy shqiptarëve dhe nxjerrjes së gjithë banorëve në rrugë, në vendngjarje kishin mbrritur forcat e policisë, shërbimi i emërgjencës dhe skuadrat e zjarrëfikësve të qyetit, duke shpëtua së pari qytetarët.
Ngjarja e përshkua gjërësisht pothuajse nga të gjitha gazetat, radiot dhe televizionet lokale të qytetit, të cilat gjatë gjithë ditës transmetuan raporte të drejpërdrejta nga vendngjarja. Kjo ngjarje nga shtypi i Nju Jorkut është përshkruar si rasti i parë në historinë e Nju Jorkut, kur një qytetar i saj arrin e futet pa qënë detyrë e tij mes flakëve për të shpëtuar jetën e të tjerëve duke rrezikur edhe jetën e tij.
Dhe këtë e bënë dy emigrantët shqiptarë Endri Brahimaj dhe Izet Neljkovic, të cilët kryen një akt të lartë qytetarie.
Qytetarët në intervistat e tyre për mediat dy shqiptarët i quajnë "Shpëtimtarët e Jetës". Ngjarja duket se e ka rritur edhe më shumë reputacionin i mirë të shqiptarëve në Neë York. Për këtë arsye edhe Bashkia e Nju Jorkut, Ednri Brahimajn dhe Izet Neljkovic, iu dha titullin e nderit "Hero i qytetit", dhe u dha çmimin më të lart që ndan në fund të çdo viti, çmimin " Building Service Workers of the Year - Punëtori më i Mirë i Vitit".
Beqir Sina/ INA
Krijoni Kontakt