Mitrovicë, 2 shpërthime pranë godinës së gjykatës

[Sabriu]

(Dërguar më: 01/10/08)

MITROVICE- Dy shpërthime të fuqishme tronditën sot veriun e Kosovës, në Mitrovicë. Radio serbe B92 njofton se shpërthimet ndodhën rreth orës 04 20 minuta të mëngjesit të sotëm jo shumë larg ndërtesës së gjykatës. Banorët e banesave pranë vendit ku ndodhi shpërthimi njoftuan për ngjarjen.

Zëdhënësi i Shërbimit policor të Kosovës për veriun e Kosovës, Besim Hoti tha se policia nuk kishte të dhëna zyrtare për të lënduar apo dëmtime, por kishte informacion se shpërthimi ishte dëgjuar në mëngjes.

Radio serbe B92, e cila i referohet burimeve të ngushta pranë policisë thotë se shpërthimi mund të jetë shkaktuar nga një tritol i përbërë nga një sasi e madhe baruti.

(s.g/BalkanWeb)

[Vicianum]

Mitrovicë, tetor 2008-Siç ishte paralajmëruar edhe më parë Misioni i Kombeve të Bashkuara në Kosovë(UNMIK) sot ka rihapur ndërtesën e gjykatës së Qarkut në veri të Mitrovicës, pas shpalljes së Pavarësisë së Kosovës.Kjo gjykatë deri më tani një pjesë e saj ka funksionuar në ndërtesën e Gjykatës së Vushtrrisë. Pas shumë reagimeve të vendorëve dhe ndërkombëtarëve UNMIK-u sot me staf modest ka rihapur gjykatat në veriun problematik të Kosovës në Mitrovicën veriore e cila është e banuar me serb.Fillimisht në këtë gjykatë do të punojnë ndërkombëtarët për të vazhduar më pas edhe me shqiptarë.

Hajdin ISLAMI, VushtrriaPRESS
www.vushtrriapress.shqipo.com & www.vushtrriapress.tk