Marceline Desbord-Valmore

[shigjeta]

Pritja
(L'attente)

Kur nuk te shoh koha s'iken dot
Barre me duket ora qe peshon aq shume
Dhe zemra me lengon e don te ike nga une
E koka me perkulet, dhe vuaj e derdh lot'

Dhe kur zerin tend ma sjell kujtimi i mjere
Dridhem, rri me shprese e shpirti ma degjon...
Sikur dore e Zotit prek kallam'n e njome
Dhe lus e pergjerohem: "Zot, sillma dhe nje here"

Dhe kur te tuat hire me vijne neper kujtim
Atehere jam e tera dhe drojtje dhe gezime
Dhe vuaj dhe s'e di do kem nje here shpetim
Dhe emri yt merr krahe aty te zemra ime

Por kur me se fundi vertete te shikoj
Vrapoj e perpelitem mes kraheve aty
S'guxoj te them nje fjale, kam frike te te degjoj
Dhe ti me kerkon shpirtin qe te pret veç ty

Por valle mos jam per ty veç moter e vonuar?
E ti mos je nje hije per nje premtim te fshehte?
Llaftar! Une motra jote! Kurre mos qofte e shkruar!
Tmerr! Ti vellai im! Thuaj s'eshte e vertete!


Nje leter gruaje

Grate, e di, s'ben te shkruajne leter
Por une te shkruaj, medet
E ne zemren time te kendosh ne nje vend tjeter
Ne do me lesh shendet

S'do them me shume nga hiret qe ke vete
Te bukura pa kufi
O, fjalet e sterthena, nga ai qe do vertete
Jane te reja perseri

Mbase te sjellin fat! Dhe une rrij ketej
Dhe mbase do enderroj
Sikur shkoj pas teje, pas hapave te te gjej
Te shoh e te pergjoj

Ne pafsh nje dallendyshe qe fluturon plot gaz
Rruges tek te ndjek
Jam une besnikja jote, qe po te vi nga pas
Doren te te prek

Me ike ti, iku çdo gje! Kurrgje s'mbet tek une
As diell as gjelberim
Dhe vera te vajti pas, ketu s'kam veçse furtune
Tek lot' e syrit tim

Po n'eshte e thene te rrojme ne vojtje e vaj
E s'shihemi perseri
Ta ndajme shortin: une te duroj, mos qaj
Dhe shpresen mbaje ti

As kete s'e dua se me ty aq jam bashkuar
Sa dhembje dhe ti do kesh
T'i duash vojtjen gjyses sate te bekuar
Do thote veten te urresh

Perkthyer nga Mihal Hanxhari

[shigjeta]

Parandjenja

Po, sërish do ta shoh, e ndjej, kam fort besim
Më digjet balli zjarr, kam gaz dhe kur lotoj
Dua të flas, mbaj vesh, pres...ogur për shirtin tim!
Dhe ajri ësht' plot shpres' dhe më ndjell gezim
Tek më drithëron thotë do vijë këtë herë
Dhe n’ëndërr m’u fanit dhe orën sikur e di
Dhe ky pëllumb i egër që sillet nëpër erë
Pse vallë do vij tek unë në s’bije Dashuri?
Dhe ky libër që më flet…Ah! S’ditkam të lexoj?
Se fjalët ndrrojnë vend dhe tok më thonë “Do vijë”
Dhe qesh posi femijë sa nis edhe vajtoj
O Dashuri, ja shpresa që yllin do ma ndrijë

Por ruajma këtë jetë, m’ip çastin lumturi
Drita m’i vret sytë nga nata tek po dal
Lërmë të ëndërroj andej nga vjen ai
Shuaj gjithë zërat, kohënë e ndal

Shelk pusho vajtimin, o krua hesht dhe ti
Dëgjoni, rrini qetë, ai sikur është aty
E ndjeva si u drodh toka me magji
Si kohën e bekuar kur ecnim bashkë të dy

Tashi dola në rrugë e lash atë dritare
Mbytur gjeth e degë…Si? Akoma qenka verë?
Lëndinat paskan lule? Bota, banuar si një herë?
Dje, sepse mungonte ai, andaj qe shuar fare?
Dje, s’kish një rreze, çdo gjë përreth u nxi
Zot… vera, drita, qielli paskëshin qenë ai!

Zemër, kur duhenë dy vetë, është gaz e jetë
Erdh’ verë, dashuri, qiell, tashi i kam këtu
Dhe më ngjan sikur jam me flet
Pritmë të tulitem mes krahëve të tu

Përktheu Mihal Hanxhari