Rexhep Qosja: Moisiu nderoi tradhtarin Rugova

[Llapi]

Tung Harudi

Jo ne fije hiq mei ra ece birju ju me rugoven-ibrahim ne krye kha thoni se emri kosove eshte nji toponim serb kha po mundoheni me mishe e shpiert ta krijoj nji komb te ri qe do te quhet kosovare, edhe libra rugova-ibrahim po i shtine ishe komunistat e shoket e vet te shkruajn veq tu del ne fjal e bes shkieve qe ju ka betue se do tia ndrroi Shqiptarve te Kosoves Himnin e Flamurin Kombetar e do ti dalloi ata prej Shqiptarve te shtetit Ame Shqiperis, por kur i pa qe shkiet nuk ken te knaqur me ket ai filloi nji mision tjeter normalitikisht antikombetar dhe tani po e çpik nji komb te ri te ashtuquajtur kosovare haaaaaaaaaaa

[Kosovari_78_Ca]

Në qoftë se procesin politik historik pas përmbysjes së komunizmit nuk e ndal ndonjë luftë e re e ftohtë apo jo vetëm e ftohtë me përpjestime të mëdha, atëherë koha që kemi përpara është shumë premtuese për ne. Kufijtë në Ballkan, si kudo në Evropë, do të zbuten gjithnjë e më shumë. Shqiptarët do të funksionojnë, apo më mirë të shprehem, do të mund të funksionojnë si një tërësi, si një komb modern. Kosova do të bashkohet me Shqipërinë. Për krijimin e identitetit të dytë kombëtar shqiptar, domethënë të kombit të dytë shqiptar, mendojnë mendjet feudale të pjesës së parë të shekullit të nëntëmbëdhjetë të cilët, ja, kanë në duar mjete elektronike të shekullit njëzet e një”



( Nga intervista e akademikut Rexhep Qosja dhene revistes “Epoka e re” me rastin e Vitit të Ri )


Por, cilat janë sipas akademik Qosjes arritjet dhe ngecjet e Kosovës gjatë vitit 2004? Cili është vlerësimi i tij për zgjedhjet e tetorit? Pse sipas Qosjes partitë e dala nga lufta nuk arrijnë të marrin mbështetjen e popullit? Pse LDK-ja mbetet partia më e preferuar e shqiptarëve të Kosovës? A ishin ndërkombëtarët të interesuar për një rezultat të tillë zgjedhor? Pse Qosja e quan koalicionin LDK-AAK martesë të panatyrshme politike dhe qeveri të dobët? A ishte i pritshëm apo befasues për Qosjen një koalicion i tillë? Cili do të ishte varianti më i mirë i formimit të institucioneve të Kosovës? Pse Rexhep Qosja thotë se koalicioni LDK-AAK është kurdisur nga ndërkombëtarët? Si u luajt loja me Ramush Haradinajn duke e kërcënuar me
Hagën? Pse Qosja mendon se me këtë koalicion më së shumti humb AAK- ja, ndërsa fiton LDK-ja? Pse për Qosjen një rënie e parakohshme e kësaj qeverie do të ishte e dobishme për Kosovën? Çka thotë ai për aftësitë udhëheqëse të Rugovës, Dacit e Haradinajt? Pse Qosja thotë se Rugova po bënë shaka me Kosovën? Pse ai mendon se kriminalizimi i luftës së UÇK-së është nisur LDK-ja dhe po vazhdohet nga Haga? Ç’thotë ai për shqiptarët e Maqedonisë,
Luginës së Presheves, Malit të Zi? Çfarë po ndodhë sipas Qosjes në Akademinë e Shkencave dhe Arteve të Kosovës? A kishte pasur ndonjë ofertë Rexhep Qosja për t’u inkuadruar në ndonjërën nga partitë ekzistuese në Kosovë pas tërheqjes së tij nga skena politike? Cilat janë planet e tij për të ardhmen?



Për këto dhe shumë të tjera, në vazhdim intervista e gjatë me Akademik Qosjen.


“Epoka e re” Profesor Qosja, si e vlerësoni vitin 2004 për Kosovën?


QOSJA: Vitin 2004 e kanë shënuar protestat e 17 e 18 marsit; burgosjet e shumë të rinjve në lidhje e pa lidhje me ato protesta - si në vitin 1981; burgosjet e disa çlirimtarëve këtu në Kosovë dhe fillimi i gjykimit të Fatmir Limajt, Haradin Balajt e Isak Musliut në Hagë; dhe, në fund, zgjedhjet e nëntorit. Të gjitha këto kanë shkaktuar mendime e ndjenja të ndryshme në Kosovë dhe jashtë Kosovës. Njëkohësisht në vitin 2004 të pasurit janë pasuruar më shumë, të varfërit janë varfëruar më shumë, të korruptuarit janë bërë më të korruptuar, kurse spekuluesit më spekulues! Nuk mund të mos vërehet se gjatë vitit që lëmë pas, denoncuesit e demonstratave të rinisë sonë studentore, më 1981, të cilat e kanë rikthyer çështjen e Kosovës dhe çështjen shqiptare në skenën politike botërore dhe denoncuesit e UÇK-së, e cila ia ndërroi historinë Kosovës, kanë arritur t’i ngjeshin radhët!


“Epoka e re” A mund të arrinte Kosova më shumë këtë vit dhe nëse po çfarë do të duhej të bënin shqiptarët që ky vit të ishte më i frytshëm?


QOSJA: Në çdo fushë të jetës së njeriut mund të bëhet më shumë e më mirë sikur njerëzit të mos e pengonin njëri - tjetrin dhe sikur të mos punonin ndonjëherë edhe kundër vetvetes. Viti 2004, ndoshta, do të ishte më i durueshëm sikur ne të liroheshim nga prirja që t’ia bëjmë qejfin vetvetes, sikur të liroheshim prej sjelljesh, veprimesh e mendimesh joserioze në politikë, sikur në vend të kushërinjve e dajallarëve në politikë t’u jepnim përparësi kompetentëve e të merituarve, sikur në vend të të korruptuarve t’i zgjedhnim a emëronim të përgjegjshmit, sikur të mësoheshim që punët publike t’i bëjnë në dukshmëri të plotë e jo t’i mistifikojmë. E të tjera.


“Epoka e re” Si e vlerësoni punën e bashkësisë ndërkombëtare në Kosovë?


QOSJA: Po të lëmë jashtë këtij gjykimi KFOR-in, pa të cilin Kosova sot do të ishte e rrezikuar prej Serbisë e Malit të Zi, lejohem të them se UNMIK-u nuk ishte qeverisës posaçërisht i suksesshëm në Kosovë. UNMIK-u sikur nuk lodhet se në Kosovë tani vihen themelet, të shëndosha apo të sëmura, të administratës dhe, në përgjithësi, të qeverisjes në Kosovë. UNMIK-u është i plogësht dhe joefikas. Dhe, UNMIK-u është bërë mbulesë e shpërdorimeve të ndryshme të demokracisë në jetën tonë!


Zgjedhjet 2004- të lira e demokratike, por prapë ahistorike


“Epoka e re” Fundviti 2004 u shoqërua me zgjedhje të përgjithshme në Kosovë. Cili është vlerësimi juaj për këto zgjedhje?


QOSJA: Kurdo thuhet (ndonjë) fjalë për këto zgjedhje nuk duhet të harrohet se në to ka dalë vetëm gjysma e votuesve shqiptarë dhe më pak se gjysma e të gjithë votuesve në Kosovë. Si për zgjedhjet e para pas luftës ashtu edhe për këto të sivjemet mund të thuhet e njëjta fjali: ato ishin zgjedhje të lira e demokratike, por ishin zgjedhje ahistorike! Mund të thuhet ashtu për to
sepse numër më i madh i votuesve shqiptarë ua dha votën jo atyre që ia sollën këtë liri që e kanë, por atyre që ishin kundër luftës së tyre. Domethënë: edhe këto zgjedhje komprometojnë ndërgjegjen tonë historike!


“Epoka e re” Rezultati zgjedhor i partive politike shqiptare nuk ndryshoi shumë nga ai i zgjedhjeve të para të përgjithshme. Ishte i pritshëm edhe kësaj radhe apo befasues për ju ai rezultat i tillë?


QOSJA: Rezultati nuk ndryshoi shumë, por, megjithatë, ndryshoi. LDK-ja sadopak e ruajti numrin e deputetëve. Partitë e dala nga lufta mbetën, pothuaj, aty ku ishin. Në qoftë se merret parasysh edhe përqindja e votave që fitoi ORA, del se ata që për herë të parë votuan në këto zgjedhje, e kjo domethënë njëqindmijë të rinj, nuk votuan për partitë e dala nga lufta. Kjo është një e dhënë shumë shqetësuese, ose do të duhej të ishte shumë shqetësuese, për PDK-në dhe për AAK-në! Pse të rinjtë nuk votojnë për to?Një rezultat i këtillë i votimeve për mua ishte plotësisht i pritshëm.


“Epoka e re” Duke pasur parasysh të kaluarën në shërbim të vendit dhe punën gjatë këtyre viteve, pse krahu i luftës nuk po arrin të fitojë besimin e shumicës së popullit të Kosovës për të qeverisur?


QOSJA: Janë një varg arsyesh për këtë.

1. Pavarësisht sa jemi të gatshëm që t’ia bëjmë vetes qejfin me gjoja vetëdijen tonë të lartë çlirimtare, e vërteta është se pjesa më e madhe e popullit ishte kundër luftës, sado kjo luftë ishte vetëmbrojtëse e çlirimtare. Vetëdijen tonë vazhdonte ta sundonte fenomeni i njohur në histori: robëria vullnetare!

2. Votuesit ende nuk janë liruar nga paradigma politike dhe shoqërore, në të cilën kemi jetuar 50 vjet, prandaj mbeten të lidhur emocionalisht me trashëgimtaren e Lidhjes së Komunistëve - me Lidhjen Demokratike!

3. Partitë e dala nga lufta as në zgjedhjet e para të përgjithshme, as në këto të fundit, në të vërtetë nuk bënë fushatë! Të shantazhuara nga qarqe të caktuara ndërkombëtare dhe nga Gjykata e Hagës, ato sillen si nuset në ditët e para të martesës: ruhen të mos thyejnë ndonjë gotë a ndonjë filxhan a ndonjë pjatë! Dhe, nuk ia thonë popullit të vërtetat për sjelljet e korruptuara politike të LDK-së, për plaçkitjet që ajo i ka bërë tre përqindëshit, për “zgjedhjet e lira dhe demokratike” nën çizmen e Millosheviqit para luftës dhe gjatë luftës, për mjerimin fyes të kryetarit të LDK-së gjatë luftës, dhe për shumëçka tjetër, me çka kjo parti e ka rënduar historinë e Kosovës. 4. Një numër i madh i shqiptarëve, të cilët vetëdija historike nuk i lejon t’ia japin votën LDK-së, nuk dalin në votime e kjo domethënë nuk votojnë as për partitë e
dala nga lufta, sepse nuk duan të votojnë edhe për disa njerëz nga radhët e tyre të cilët në vitin 2000 janë gjetur në Prishtinë pa asgjë pas shpirtit - pa banesë, pa shtëpi, pa veturë e tani, për katër vjetë të punës në parti e në pushtet, janë bërë pronarë të pronave prej 700-800 mijë eurosh apo prej disa miliona eurosh! Është e vështirë të votosh për pasanikët e pasuruar ashtu shpejt në politikën që e bën tjetërkush - që e bën bashkësia ndërkombëtare në Kosovë! E të tjera.

Ndërhyrjet në zgjedhjet në Kosovë


“Epoka e re” Si mund të shpjegohet fakti që pas kaq shumë gabimeve të tij politike, Ibrahim Rugova mbetet politikani më i preferuar i shqiptarëve të Kosovës?


QOSJA: Si kam dëgjuar nga televizionet tona, më i preferuar se ai tani është i përzgjedhuri i tij, fqiu i tij e tani përdoruesi i tij, kryetari i Kuvendit të Kosovës. Për këtë arsye, ndoshta, pyetja do të duhej të shtrohej kështu: pse LDK-ja mbetet forca politike më e preferuar e shqiptarëve të Kosovës? Sipas mendimit tim, dy janë shkaqet kryesore për këtë: e para, votuesit ende më lehtë identifikohen me ata që s’dallojnë prej tyre me ndonjë aftësi a veprim sakrifikues? E dyta, faktori ndërkombëtar vazhdon të jetë i angazhuar për mbajtjen e LDK-së, si parti e dëgjueshme, servile në administratën e Kosovës. A keni vërejtur se sa shumë, se sa mprehtë u përzien në zgjedhjet në Kosovë disa ndërkombëtarë?! Në prag të zgjedhjeve u çua në Kosovë ai pasardhësi i Habsburgëve, që mbajti fjalim të pafund në Kuvendin e Kosovës, që u mbajt për krahësh prej nikoqirëve të tij, që e shfrytëzoi mirë vizitën për propagandë në dobi të LDK-së!

Pas këtij nëntëdhjetëvjeçari të kthjellët, që në emrin e demokracisë ndërhyn në zgjedhjet demokratike këtu, në Kosovë erdh Robert Dolli. Edhe ky mik i yni, i shpallur ambasador nderi i shtetit ende të paqenë të Kosovës, i shpallur ambasador pa ambasadë, në të vërtetë erdh për ta përkujtuar votuesin shqiptar të Kosovës se duhet të votojë për LDK-në! Edhe kjo ishte
një ndërhyrje e pazakonshme dhe e papranueshme në zgjedhjet demokratike e një përfaqësuesi të demokracisë më të zhvilluar në botë.



Kryetari Alfred Moisiu dhe zgjedhjet në Kosovë


Ndërhyrje në thelb jodemokratike në zgjedhjet demokratike në Kosovë ishte edhe vizita e kryetarit të LDK-së në Shqipëri me ftesën e kryetarit të Shqipërisë, Alfred Moisiu, mu në prag të zgjedhjeve. Nuk mund të mos mendohet se edhe kjo vizitë ishte fryt i punës së disa qarqeve evropiane!Jo më pak se vizita, ndërhyrje në zgjedhjet në Kosovë ishte edhe shpallja doktor nderi i kryetarit të LDK-së në Universitetin e Tiranës, e bërë me kërkesën e kryetarit Alfred Moisiu. Sa e pabesueshme! Universiteti i Tiranës, në praninë e kryetarit të Shqipërisë, e nderon me titullin e doktorit të nderit për merita të veçanta jo në politikë po në shkencën e
letërsisë, domethënë në shkencat albanologjike, njeriun i cili gati njëzet vjet nuk ka lidhje me shkencën! Dhe, s’ka arritur farë rezultati shkencor! Duke mos dashur ta nderojë, me ndonjë urdhër, medalje a dekoratë shtetërore njeriun i cili gjatë luftës ka bërë veprime të padenja, madje të turpshme, i cili ndaj Shqipërisë është sjellë në mënyrë tejet të palejueshme, apo duke
dashur ta nderojë më shumë, kryetari Alfred Moisiu e çon atë në Universitet! Universiteti i Tiranës, vatra e dijes, e arteve dhe e atdhetarizmit shqiptar, ku formohen jo vetëm ekspertët e ardhshëm, që do ta çojnë përpara zhvillimin e përgithshëm të Shqipërisë, por edhe atdhetarët, që do të ngrenë edhe më lartë përkushtimet atdhetare dhe dinjitetin e Shqipërisë e të shqipëtarëve, e shpall doktor nderi njeriun, i cili prej vitit 1990 e deri në vitin 1999 qëndron në krye të një udhëheqje partiake sektariste, që thyen, çintegron lëvizjen kombëtare në Kosovë, që bën çmos për ta mbajtur Kosovën të paqësuar nën dhunën e terrorin e Millosheviqit, i cili me punë e me deklarata, përpiqet ta komprometojë luftën çlirimtare dhe UÇK-në, i cili mbas Konferencës së Rambujesë nuk pranon të marrë pjesë në formimin e
Qeverisë së përkohshme në Kosovë, i cili e fton NATO-n të ndërprejë bombardimet e forcave ushtarake e policore serbe e të objekteve të tyre në Kosovë e në Serbi e Mal të Zi, i cili derisa kryetari i Jugosllavisë së mbetur, kryekrimineli Millosheviq, dhe kryetari i Serbisë, Millutinoviq, po e dëbonin popullin shqiptar prej Kosovës dhe po bënin masakra mbi të,
takohet me ta dhe u çon dhurata të mbështjella me fjongo të mëndafshta, i cili pas bisedimeve me Millosheviqin bën përpjekje për formimin e Qeverisë kuislinge në Prishtinë! Dhe, kështu, kryetari i Shqipërisë, Alfred Moisiu, gjenerali i cili duke qenë se ka bërë betim edhe si ushtarak, edhe si kryetar shteti, e di ç’do të thotë të obligohesh, i betuar, t’i shërbesh
atdheut në paqe e në luftë, në lumturi e në tragjedi, t’i shërbesh e të flijohesh për të, e shpall doktor nderi të Universitetit më të çmuar kombëtar shqiptar, ku edukohen brezat e atdhetarëve të ardhshëm, njeriun, i cili në çastet më dramatike historike të popullit shqiptar të Kosovës bën veprime që në etikën e popujve e të shteteve gjithmonë janë quajtur qartë: tradhti!



E pabesueshme!


“Epoka e re” Rezultati zgjedhor imponoi koalicione qeverisëse. U dhanë formula të ndryshme: fillimisht u fol për krijimin e “Koalicionit për shtetin”, me PDK-në, AAK-në, ORA-në dhe të tjerët, që do të linte LDK-në në opozitë. Pastaj, doli në skenë prapë “bashkëqeverisja e gjerë” si në mandatin e kaluar. Por, ndodhi ajo më pak e pritshmja: koalicioni LDK-AAK, me PDK-në në opozitë. Cili do të ishte, sipas jush, varianti më i mirë për Kosovën?


QOSJA: Më i miri për Kosovën do të ishte i ashtuquajturi Koalicioni për shtetin me PDK-në, AAK-në, ORA-në dhe parti të tjera të vogla.


Martesa e panatyrshme politike


“Epoka e re” A ishte i pritshëm për ju koalicioni LDK-AAK?


QOSJA: Megjithë lakadredhjet politike të AAK-së gjatë viteve të shkuara, nuk e kam pritur këtë martesë të panatyrshme politike.


“Epoka e re” Pse u bë ky koalicion? Cili është interesi i këtyre dy partnerëve për një marrëveshje të tillë?



QOJSA: Ky koalicion në masë të madh i detyrohet presionit ndërkombëtar. Duke dashur të pengojnë koalicionin PDK-AAK ndërkombëtarët e kurdisën marrjen në pyetje të Ramush Haradinajt në zyrën e Gjyqit të Hagës në Prishtinë mu në ditët kur flitej për formimin e qeverisë! Kjo ishte një ndërhyrje e vrazhdë në formimin e koalicioneve në Prishtinë. Ndërkombëtarët ende kanë drojë prej UÇK-së në qeverisjen e Kosovës!


“Epoka e re” Kujt i konvenon lënia e PDK-së në opozitë?


QOSJA: Udhëheqjeve të dy partive që e bënë këtë koalicion; dhe disa qarqeve që e kanë nxitur formimin e atij koalicioni.


“Epoka e re” Kush humb e kush fiton në këtë koalicion?


QOSJA: Humb Kosova! Dhe, humb AAK-ja! Dhe, fiton LDK-ja, kryetari i së cilës mbledh sadopak zëra rehabilitues për rolin tradhtar në vitet e luftës!


“Epoka e re” A mendoni se me rreshtimin e Haradinajt në krah të Rugovës është thyer krahu i luftës?

QOSJA: Ky krah ishte i gatshëm për t’iu thyer, sepse ishte plagosur rëndë kur është krijuar partia e dytë e UÇK-së.


QOSJA: Në politikat ballkanike, prandaj edhe në tonat, të gjitha mund të provohen. Përjashta marrëdhëniet mund të lahen e të lyhen, por thelbi mbetet i dëmtuar. Mentaliteti ynë feudal është ende shumë i fortë, kurse politika ende e pa skrupull!


“Epoka e re” Sa besoni në qëndrueshmërinë e institucioneve të boshtit LDK-AAK? A do të mund ta përfundojnë ato mandatin në mënyrë të rregulltë?


QOSJA: Çfarë boshti mund të bëhet ndërmjet atyre që kanë fituar 47 dhe atyre që kanë fituar 9 deputetë? Kurrfarë boshti. Mund të bëhet vetëm një marrëveshje mes “mbisunduesit” dhe ”dëgjuesit”! Nuk mendoj se ky koalicion i panatyrshëm do të mbahet gjatë.


“Epoka e re” Në krye të këtyre institucioneve - parlamentit, presidencës dhe qeverisë janë zgjedhur Nexhat Daci, Ibrahim Rugova dhe Ramush Haradinaj. Sa besoni në aftësinë udhëheqëse të këtyre liderëve?


QOSJA: Të tretin, kryetarin e AAK-së, Ramush Haradinajn disa po e shikojnë si njeri që ka humbur rrugën mes dy të parëve. Mediat po e paraqesin të gatshëm për të marrë vendime dhe për të bërë dredha. Dy të tjerët, ndërkaq, nuk janë aty për të udhëhequr: i pari është aty për të dëgjuar e i treti për të ngatërruar! Derisa kryetari, na falni presidenti, kënaqet duke ëndërruar
të bëjë në Prishtinë Shtëpinë e Bardhë dhe vilat për politikanët, që, si thotë, në to do të mund të koncentrohen, domethënë derisa presidenti vazhdon ta banalizojë politikën e Kosovës dhe ta fyejë Kosovën me fjalë e gjeste qesharake dhe me disa nga të përzgjedhurit e tij, kryetari i Parlamentit nuk është paambici vendimmarrëse. Por sjelljet e tij politike, si sjellje politike të një intriganti antologjik, mund të jenë konfuze e çorientuese. Ai që ka mbërritur t’i ngatërrojë keq punët në një Akademi të Shkencave me tarafin e tij, me lokalizmin e tij dhe me histerien e tij femërore, është e kuptueshme që një “integritet” të tillë të vazhdojë ta tregojë edhe në
parlament - si gjatë tre vjetve të shkuar! Si kryetar i Kuvendit, i zgjedhur në pako, me mbi nëntëdhjetë përqind të votave të deputetëve, domethënë edhe të atyre të opozitës, që në pako e shtie parlamentin të betohet për çka s’e pyet kush, ai është mashtrimi i pranuar prej të dy palëve në atë institucion! Posa ta çel gojën ai e komprometon nivelin e Kuvendit tonë fatkeq!

“Epoka e re” Me rastin e zgjedhjes së qeverisë së Haradinajt, nuk u manifestua përkrahje ndërkombëtare për të (një mungesë e tillë e përkrahjes vazhdon edhe sot), madje pati kritika në këtë drejtim. Sa e dëmton Kosovën një izolim i tillë ndërkombëtar, pikërisht tani në prag të vlerësimit të përmbushjes së standardeve dhe fillimit të bisedimeve për zgjidhjen e statusit përfundimtar të saj?


QOSJA: Kosova nuk është ndërkombëtarisht e izoluar, as nuk mund të jetë derisa të jenë këtu KFOR-i dhe UNMIK-u. Por, të kisha qenë në vend të Ramush Haradinajt, nuk do të pranoja të bëhem kryeministër dhe nuk do të pranoja të bëhem kryeministër për hir të Kosovës sot.

“Epoka e re” Cili duhet të jetë roli i opozitës në Kosovë?


QOSJA: Më i rëndësishëm se i opozitës shumë kund tjetër. Do të duhej të mos e lejojë pozitën që të shpërdorojë demokracinë; që të mos e lejojë të zhytet në korrupsion e në veprime të tjera të paligjshme; të ndikojë që ajo të jetë e përgjegjshme; që të mos e lejojë LDK-së që të luajë bixhoz me ardhmërinë e Kosovës; që të mbrojë dukshmërinë (transparencën) në punët publike në Kosovë; që të mos lejojë që të dyfishohet a trefishohet numri i atyre funksionarëve që me punë politike po bëhen milionerë; që të ngrisë çështjen e privatizimit partiak klanor të Akademisë së Shkencave e të Arteve. E të tjera. E të tjera. Një rol të këtillë opozita mund ta luajë vetëm në qoftë se vetë është e gatshme t’i shmanget shpërdorimit të demokracisë,
korrupsionit dhe të bërave e veprimeve të tjera abuzive, që, duket, edhe vetë i ka provuar gjatë tre vjetve të shkuar kur ishte në pushtet.


“Epoka e re” A duhet të luftojë opozita për rrëzimin e qeverisë?


QOSJA: Them: jo. Nuk është detyrë e opozitës në demokraci që të rrëzojë qeverinë përpos nëse qeveria është aq e paaftë dhe aq e paskrupull dhe aq e prishur sa bëhet e paligjshme.



“Epoka e re” Sa do ta dëmtonte Kosovën një rënie e parakohshme e qeverisë aktuale?

QOSJA: Nuk do ta dëmtonte aspak. Kjo është qeveri e dobët prandaj rënia e saj e parakohshme mund të quhet e dobishme për Kosovën.


“Epoka e re” PDK-ja ka paralajmëruar krijimin e Kabinetit për qeverisje të mirë ose qeverisje në hije e që do të ishte një sfidim idesh dhe programesh për qeverinë Haradinaj. Cili është komenti juaj?


QOSJA: Sa më ka rënë të dëgjoj e të lexoj, këto qeveritë në hije, pothuajse, nuk dalin prej hijes. Personalisht nuk pres gjë prej saj.


Shaka me Kosovën


“Epoka e re” Me rastin e 15 vjetorit të themelimit të LDK-së, kryetari i saj, Ibrahim Rugova, ka dekoruar LDK-në me Medaljen e Artë të Pavarësisë për merita të veçanta në ndërtimin e shtetit të pavarur të Kosovës! Ai gjithashtu ka dekoruar edhe disa nga figurat e LDK-së të vrarë gjatë luftës ose pas saj në rrethana misterioze. Si e komentoni këtë?


QOSJA: Ky njeri është dukë bërë shaka me Kosovën dhe me qytetarët e saj! Ky njeri më 23 dhjetor e dekoroi LDK-në e kjo domethënë vetveten si kryetar i LDK-së, për merita të veçanta në ndërtimin e shtetit të pavarur të Kosovës! Ky njeri me 24 dhjetor e inauguroi solemnisht të ashtuquajturën sallë presidenciale në shtëpinë e tij private të blerë me paratë e partisë, me
ç’rast shiritin inaugurues ia prenë kryetari i qeverisë së Kosovës, Ramush Haradinaj, dhe kryetari i Partisë Demokristiane të Kosovës, Mark Krasniqi! E kuptoj se si në këtë komedi private, të luajtur si komedi kosovare, mund të marrë pjesë një plak i rrjedhur 84 vjeçar, por nuk e kuptoj pse në këtë komedi e lejon veten të marrë pjesë Ramush Haradinaj!
Oh, sa më vjen keq kur heroin e luftës Ramush Haradinajn e dëgjoj duke shqiptuar fjalë e duke bërë sjellje që u vrasin veshin e syrin shikuesve të televizioneve, para dy njerëzve groteskë në politikën tonë!


Por, duket, ky është shpesh fati politik i heronjve të luftës në paqe!Një ditë pasi kryetari i LDK-së e dekoroi veten me dekoratën e meritave të veçanta për ndërtimin e shtetit të Kosovës, që nuk është bërë ende, dhe të njëjtën ditë kur ky njeri e inauguroi solemnisht sallën presidenciale në shtëpinë e tij private, televizionet tona dhanë lajmin për ndihmën që sollën
dy bashkëvendës tonë nga Zvicra për ndërtimin e shtëpisë së familjes që ende jeton në çadër! Çfarë gjesti bujar i dy bashkatdhetarëve tanë karshi perversionit banal politik të presidentit!

Edhe shqiptarët që kriminalizuan luftën e UÇK-së


“Epoka e re” Në këtë fundvit që po lëmë, në Gjykatën Ndërkombëtare të Hagës ka filluar procesi gjyqësor ndaj tre të akuzuarve shqiptarë, ish pjesëtarë të UÇK-së - Fatmir Limajt, Haradin Balajt e Isak Musliut. Si e vlerësoni rrjedhën e këtij gjykimi dhe përfundimin e tij?

QOSJA: Këtë gjykim e shikoj si dënim të vetëdijes dhe të moralit tonë se ne jemi fajtorë që ata janë atje!


“Epoka e re” Kryeprokurorja Carla del Ponte ka paralajmëruar aktakuza të reja kundër UÇK-së! Pse po tentohet të kriminalizohet lufta e UÇK-së dhe çfarë do të thotë kjo për Kosovën dhe shqipëtarët?


QOSJA: UÇK-ja ka bërë luftë çlirimtare e luftërat çlirimtare quhen luftëra vetëmbrojtëse. Por kjo luftë, e përkrahur prej një pjese të popullit, ishte e mohuar dhe e kriminalizuar prej udhëheqjeve të disa partive, sidomos prej udhëheqjes së LDK-së. Kryeprokurorja Karla del Ponte nuk do të mund të çonte në Hagë asnjë shqiptar, asnjë pjesëtar të UÇK-së, sikur kriminalizimin e saj të mos e kishte filluar udhëheqja e LDK-së. Dhe, kështu, e ndihmuar prej
disa njerëzve tanë, të verbuar nga etjet pushtetore, Karla del Ponte tani mund të barazojë çlirimtarë me pushtues dhe mund të kënaqë ato qarqe, që do të donin të shohin në Hagë edhe shqiptarë!

“Epoka e re” Ka paralajmërime për ndonjë aktakuzë të mundshme edhe për kryeministrin Ramush Haradinaj! Çka mund të ndodhë në Kosovë nëse akuzohet Haradinaj?


QOSJA: Ramush Haradinaj është shumë i merituar për të sotmen e Kosovës. Ai është vëlla edhe i dy dëshmorëve të rënë për pavarësinë e Kosovës. Ai është vëlla edhe i Daut Haradinajt, i cili sot po i paguan me burg sakrificat e tij e të familjes së tij për Kosovën. Çuarja eventuale në Hagë e Ramush Haradinajt do të ishte një padrejtësi tmerrësisht e madhe ndaj familjes
Haradinaj dhe ndaj Kosovës në përgjithësi. Çuarja eventuale në Hagë e Ramush Haradinajt cenon shumë, lëndon shumë, vret shumë, sepse cenon të drejtën tonë për vetëmbrojtje, cenon sakrificat tona, cenon idealin tonë. Dhe, padrejtësia ndaj një familjeje, dhembja e një familjeje, edhe ashtu tepër e madhe, tani do të shtohej me padrejtësi e me dhembje të re që do të përjetohej si padrejtësi dhe dhembje për gjithë shqiptarët. Kjo do të duhej ta revoltonte shumë Kosovën. Unë nuk gjej asnjë arsyetim për pasurinë që ka bërë pas luftës dhe unë nuk gjej asnjë arsyetim për hapin e fundit politik të Ramush Haradinajt: nuk mund të rrinë nën një ombrellë politike kryetari i LDK-së, që ka bërë çka dihet se ka bërë gjatë luftës, kryetari i Kuvendit të Kosovës, që para luftës e gjatë luftës ka shikuar si të shtojë pronën e vet me tregti të palejueshme me firmë serbe dhe Ramush Haradinaj me jetëshkrim heroik kombëtar gjatë luftës. Unë nuk mund ta di se sa do të mund të zgjaste revolta po të çohej Ramush Haradinaj në Hagë, por e di se të parët që do të çonin duar prej tij janë ata me të cilët ka bërë koalicion (ose kalkulacion)!




Simbad DETARI
www.simbad-detari.com

[Harudi]

Postuar më parë nga Kosovari_78_Ca

( Nga intervista e akademikut Rexhep Qosja dhene revistes “Epoka e re” me rastin e Vitit të Ri )

Rexhep Qosja,kufoma e gjallë e politikës në Kosovë!

[Arb]

Qosici!

Eshte pikerisht ai qe "populli i tij" e gjuajne domate e gjesende tjera, kudo qe e takojne.

Qosici, kjo "fare e keqe," qe betohet se ti takon Kombit Shqiptar.

E ka thene mire Albo:

Postuar më parë nga Albo

Qosja dhe Adem Demaci duhet te shkojne te mbyllen ne ndonje manastir apo xhami ne Kosove, larg ekraneve te televizioneve, larg gazetave, larg syve te publikut, dhe atje te falen e meditojne me veten derisa te rifitojne perseri shpirtin e humbur.

Po vazhduan keshtu, vetem sa do te njollosin edhe ato pak virtute dhe vlera qe i kane fituar vetes ne syte e opinionit publik shqiptar.

[unreal]

Se kush eshte Qosja me se miri flet vepra e tij.

Fatkeqsia eshte aty se Kosova ka njerez analfabet qe ende,edhe ne shek. XXI votojne me gisht.Njohurine mbi rrjedhat politike marrin nga gazetat qe drejtohen nga persona qe deri dje punonin hapur per regjimin serb,ndersa sot jan kamufluar me gazeta te cilat ne faqen e pare mbajne foton e Skenderbeut,ndersa ne zemer te saj urrejtjen ndaj me te mirave qe ka kombi shqiptar.

Nga ju "kritiket" (disa edhe me grada "administratori" e qe mendojne se jan akademik ) nuk lexova asgje mbi kritiken e Qosjes pervec urrejtjes tuaj qe shprehni ne c'do teme kur eshte ne pyetje fjala e tij.

Sa nga ju kan lexuar veprat e Qosjes?

Nga shkrimet qe beni duket se asnje!

Qosja s'ka bere Rugoven tradhetar.Kete titull Rugova e ka fituar me vepren e tij.
Askush s'mund te te bej tradhetar,dhe askush s'mund te te ben patriot.
Rugova ka zgjedhe rrugen e lehte,ate te tradhetise.

Ne ish jugosllavine patriotet shqiptare kan perfunduar burgjeve,arratisur ne male,ike diku jasht shtetit,shume jan edhe asi qe jan vrare shume kohe me pare,para se te filloi lufta e hapur.Per cudi,kete "patriotin" e LDK-se askush se nguci.Bile kur filloi lufta e derguan ne Beograd me mbrojtje te njesive speciale serbo-malazeze,e ju me folni ketu fjale te thata.

Lexoni me vemendje edhe njehere intervisten,me vone jepni komente per ato c'fare ka thene Qosja,e jo te jepni komente per figuren e Qosjes.
Jo pse dua t'iu kursej nga kjo,por thene shkurte...jeni te vegjel te kritikoni Qosjen.

Se fundi...Qosjen s'ka munde t'e mposhte nje akademi e tere e jo po e mposhtin lexuesit e "Borba Sot".

[Brari]

urnali shkruan:

Ne ish jugosllavine patriotet shqiptare kan perfunduar burgjeve,arratisur ne male,ike diku jasht shtetit,shume jan edhe asi qe jan vrare shume kohe me pare,para se te filloi lufta e hapur.



E pra urnal.. ne mesin e ktyre te burgosurve e arratisurve nuk ben pjese ky qosja..
Nuk dime te kete bere ndonji ore burg ky njeri..

Duke lexuar intervisten e qosjes..kuptohet se Ai nuk eshte akademik i letrave por Shefi i Enveristave te Kosoves dhe inspiratori i Listave..te zeza dhe Komisari i pergjithshem i njesiteve vrasese..

[unreal]

o bari

fol pak per "patriotizmin" e Rugoves dhe vjershat e tija qe i thurte Tites.
Hajt fol se na knaqe krejt.

Po po.
"Patriot" eshte Rugova.
E mbronin njesite speciale serbo-malazeze mos t'e vraje UÇK-ja.
Kosova eshte e mbushur perplot me "patriota" si ky.

[Brari]

Uck doli per te vrare Serbine .. dhe luftaret qe ju bashkangjiten ksaj UCk ashtu kan mendu..
mirpo ju urnalet e gjirizeve enveriste diku tjeter kishit hallin..
Per ju armiku ishte Rugova e jo arkani..
Sepse per ju nuk eshte Kosova e pamvarur aspirata e motivi qe ju mban gjall ..por inati pse Rugova nuk i asht binde Nanos Rucit Klosit e lojrave te tyre per zgidhje alla ballkance sipas planeve Asfalo-KGB Udbashe.. e pse rugova nuk ka vnue lula tek monumenti Enverit..

Prandaj ju gjirizet kudo ku jeni ..ne diaspore a Tirane .. e kthyet UCk ne instrument te terrorit ndaj Partise se Rugoves.. prandaj as Adem Jasharin nuk e mbrojtet..perkundrazi ja derguat mu ne dere ushtrin Serbe..as popullin nuk e mbrojtet por e late ne meshire te qiellit e Bajonetave te arkanit..
Edhe parat qe i mblodhet ju urnali i LPk-s i bete rrush e kumlla tek Nanosi e qese me pague Ningjat ..e snajpera me vra Xhemen e Sabaheten..

Prandaj lufta juaj nuk ka mbarue pa e vra LDk e Rugoves.. se sa per Kosov sju ka hanger palla kurre..

Populli i din mire ato njesitet serbe.. se si asht puna prandaj dhe Voton rugoven.. Populli din mire dhe njesitet e Thaqit qe vran Ahmet Krasniqin e Drinin.. din dhe cervenkoskat qe me bodygarda e moren qosen ne Han te Elezit dhe e cuan ne Rogner..

Prandaj edhe se ju keni miljarda per te manipulluar popullin ..e per te kercenuar njerzit..prap nuk mundet te merrni aqvota sa te sundoni sic ju a ka oreksi juaj polpotist..

kam bindjen o urnal..se qaty ku je shpesh te bjen xerrja e celularit ku te lajmerojne Shoket se si me dal me percjell sekret Vrasesit qe vrasin ne Kosove e qe me i shpetu ndjekjes u duhet me dal ne europ me pasosha e emra fallc..
qasi punsh beni ju..

Keni fitime natyrisht..por vjen dita dhe paguhen krimet..

qashtu bre vegla e xhavitave te polpotizmit..

[Harudi]

Postuar më parë nga unreal

Se kush eshte Qosja me se miri flet vepra e tij.

Cila,vepër?Ajo letrare-shkencore apo vepra (veprimi) politike e tij?
Intervista (edhe plot intervista të tjera) ka të bëjë për veprime politike të të tjerëve,cila është vepra-veprimi i tij poloitik në Kosovë?

Fatkeqsia eshte aty se Kosova ka njerez analfabet qe ende,edhe ne shek. XXI votojne me gisht.Njohurine mbi rrjedhat politike marrin nga gazetat qe drejtohen nga persona qe deri dje punonin hapur per regjimin serb,

Pajtohem,me ty se në Kosovë ka analfabetë,por nuk mund të kuptojë se si thua,që,po këto analfabetë njohurit mbi rrjedhat politike i marrin nga gazetat!!!
Unë nuk e di që paska në Kosovë gazeta speciale për analfabetë!!!

Sa nga ju kan lexuar veprat e Qosjes?

Saktësohu!
Veprat letrare-shkencore,apo politike?

Qosja s'ka bere Rugoven tradhetar.Kete titull Rugova e ka fituar me vepren e tij.
Askush s'mund te te bej tradhetar,dhe askush s'mund te te ben patriot.
Rugova ka zgjedhe rrugen e lehte,ate te tradhetise.

Ne ish jugosllavine patriotet shqiptare kan perfunduar burgjeve,arratisur ne male,ike diku jasht shtetit,shume jan edhe asi qe jan vrare shume kohe me pare,para se te filloi lufta e hapur.Per cudi,kete "patriotin" e LDK-se askush se nguci.Bile kur filloi lufta e derguan ne Beograd me mbrojtje te njesive speciale serbo-malazeze,e ju me folni ketu fjale te thata

Pas nënshkrimit të marrëveshjes në Paris (Rambuje),i gjithë delegacioni nga Kosova vendosën të kthehen dhe të rrijnë në Kosovë, pranë popullit në emrin e të cilëve thirreshin,por çka ndodhi:
Meqë i kishin informatat të deleguarit (në mesin e tyre edhe Qosja),që nga Parisi,lajmëruan anëtarët e tyre të familjeve të ngushta e të gjëra,që sa më shpejt të lëshojnë Kosovën,sepse do të fillojnë bombardimet.
Një pjesë e delegacionit (në Shkup arrijnë në mbrëmje),të nesërmen në mëngjez hynë në Kosovë dhe pas dy-tri ditëve të bombardimeve,këta kërkojnë mënyra të ndryshme për të ikur nga Kosova (derisa ishin në Kosovë nuk rrinë në shtëpit e tyre),gjë që e bëjnë,përveq Rugovës i cili zihet rob në shtëpinë e vet (Rugova nuk ndërroi adresë-shtëpi))dhe Suroi i cili ishte i mshefur diku në Prishtinë.
Po,Qosja ku ishte?
Nuk do ta zgjasë më shumë,përshkak se çdo gjë është shkruar dhe janë botuar libra në detaje rreth zënjes rob të Rugovës,por çka të bësh kur "analfabetët" informohen nga gazetat me storie eksluzive rreth kësaj ngjarje.

p.s.
Në librin Vitet e Kosovës 1998-1999 me autor Blerim Shala (pjesëmarës në Konferencën për Kosovën në Francë),do të gjeni në detaje për të gjitha ngjarjet e viteve të lartëpërmendura dhe do të mësoni për qëllimin e sërbëve rreth zënjes së Rugovës rob.

fol pak per "patriotizmin" e Rugoves dhe vjershat e tija qe i thurte Tites.
Hajt fol se na knaqe krejt.

Po po.
"Patriot" eshte Rugova.
E mbronin njesite speciale serbo-malazeze mos t'e vraje UÇK-ja.
Kosova eshte e mbushur perplot me "patriota" si ky.

Sa,keq,apo sa mirë,që në at kohë je informuar nga masmediat serbe (ndoshta edhe ndonjë medium që ka shkruar dhe shkruan edhe sot shqip).

E,sa për vjersha,kallxom se po të kallxoj!

[angeldust]

S'eshte budalla Kadareja qe s'perfshihet ne politike, jooo!

Eshte dhelper shume e zgjuar!



Ndoshta nevojat e Kosoves jane te ndryshme nga ato te Shqiperise, por sidoqofte, jetojme ne nje kohe kur politika eshte biznesi me i qelbur per intelektualet e mirefillte! Vete mjedisi i skenes politike shqiptare, ul dinjitetin dhe nderin e fituar me merite te ketyre intelektualeve.

[Llapi]

Harudi
Po a ma mier si Qosja e Suroi te mbshifen prej kriminelve shkie a si rugova qe kerkoi mbrojtjen e tyre dhe e ndiente veten 1.000.000% i sigurt me shkie a ket e quan ti pengmarrje a?!!!!!!
Jo jo u be bajat kjo thanje e juaja kinse me zor e kane mbajt kinse me zor e paskan que ne pushim ne itali kinse e kane mbroit prej UÇK-je e keshtu me radh fjal boshe siq i kemi degjue qe 60 vite prej jugo-komunistave ma.

[Harudi]

Postuar më parë nga Llapi

Harudi
Po a ma mier si Qosja e Suroi te mbshifen prej kriminelve shkie a si rugova qe kerkoi mbrojtjen e tyre dhe e ndiente veten 1.000.000% i sigurt me shkie a ket e quan ti pengmarrje a?!!!!!!
Jo jo u be bajat kjo thanje e juaja kinse me zor e kane mbajt kinse me zor e paskan que ne pushim ne itali kinse e kane mbroit prej UÇK-je e keshtu me radh fjal boshe siq i kemi degjue qe 60 vite prej jugo-komunistave ma.

Tung Llapi!

E di që ti nuk e beson,por po e sjelli për të tjerët:
Ja se si e përshkruan këtë rast ambasadori amerikan Christopher Hill,në librin:
LUFTA DIPLOMATIKE PËR KOSOVËN
Kaptina e nëntë:
LUFTA E AMERIKËS DHE PAQJA E KOSOVËS

Shala:
Cila ishte përshtypja e juaj kur e patë Rugovën duke i shtrënguar duart me Milosheviqin,nga fundi i marsit,gjatë takimit të tyre të parë?Shumë njerëz janë të mendimit se kjo është bërë në mënyrë të dhunshme,sepse ai pothuaj ishte në arrest shtëpiak?
Hill:
Mendova se ishte tejet cinike përpjekja e Milosheviqit që t'i shkatërronte liderët e Kosovës.Kjo ishte një përpjekje tejet cinike për t'i qëlluar shqiptarët në fytyrë dhe isha i zemëruar në këtë përpjekje.Nuk kisha dyshim se familja e Rugovës ishte e kërcënuar,si gjithë të tjerët.Kjo vetëm se ma konfirmoi justifikimin se duhet ta heqim qafe Milosheviqin.
Shala:
A keni pasur,gjatë ditëve të para,kontakt telefonik me Rugovën apo të tjerët,ngase lidhjet telefonike ende funksiononin?
Hill:
Bëmë përpjekje dhe më në fund,kontaktuam me Adnan Merovcin,me të cilin zhvilluam një bisedë,me ç'rast ai në detaje na e spjegoi trysninë që ushtrohej mbi Rugovën,na e shpjegoi arrestin shtëpiak në të cilin gjendej Rugova.Ai,gjithashtu na shpjegoi zbrazjen e lagjeve përreth dhe kjo ishte mjaft rrënqethëse,tejet rrënqethëse.Gjithashtu,ai na shpjegoi se kush ishte i involvuar në këtë nga pala serbe,përfshirë këtu edhe Shainoviqin.Prandaj,kjo ishte një ndihmë për ne që të kuptonim në detaje se çfarë po ndodhte.Ai na e konfirmoi se kishte kërcënime,serbë gjithmonë u thoshin se po i mbrojnë nga UÇK-ja por,në të vërtetë,ky ishte një lloj mafioz i mbrojtjes.
......
Shala:
Pra,ju e dinit se ai do të kthehej prapa (Adnan Merovci dhe shkuarja e tij deri në Shkup,takimi me Hillin etj,dhe kthimi i tij përseri në Prishtinë tek Rugova është një ngjarja tjetër).A kishit ju ndonjë porosi për Rugovën?
Hill:
Nuk kishim njohuri përkitazi me atë se a do të lirohej Rugova apo jo.Dëshiroja të sigurohesha që trjtimi i Rugovës në Perëndim të ishte i mirë.Dhe,thjesht,dëshiroja të sigurohesha që njerëzit të mos fillojnë ta cilësojnë atë si tradhtar,apo diç të ngjashme,ngase,pikë së pari,unë e dija se ai nuk është tradhtar,por gjithashtu kisha ndenjën se do të ishte tejet e dëmshme për çështjen shqiptare nëse kryetari i tyre konsiderohej tradhtar.
...
...
(Rreth,takimit Hill-Rugova në Itali,ku Hill urdhërohet nga Albright,që të udhëtoj për Itali dhe të takoj Rugovën)
Shala:
Kështu ju e pyetët atë haptazi se a ka pasur ndonjë marrëveshje të fshehtë ndërmejt tij,Milosheviqit dhe italianëve?
Hill:
Unë e pyeta e ai ishte tejt i qartë se nuk ka pasur marrëveshje të tillë dhe se lirimi i tij ishte vetëm një gjest i Miloshqviqit.Mendoj se Milosheviqi ka menduar që ky gjest do t'i ndihmojë atij personalisht.
Shala:
Cila ishte pozita e Rugovës atje?A kishte kontaktuar ai me ndokë?
Hill:
Natyrisht,e kanë kontaktuar italianët.Unë isha kontakti i tij i parë.E përshëndetëm njëri tjetrin me ngrohtësi dhe aty ishin edhe anëtarët e familjes së tij.Isha i knaqur me faktin se e shihja në gjendje të mirë fizike.Ai më shpjegoi skena të tmerrshme të asaj që kishte ndodhur,në fqinjësi të tij.I përshkroi disa nga diskutimet e zhvilluara me Milosheviqin.Milosheviqi dëshironte që ai disi ta përkrahte atë sa i përket Kosovës,por Rugova më tha që i ka thënë Milosheviqit se aty më nuk ka njerëz,se të gjithë njerëzit janë larguar,se ky është një qytet fantazmë.Për mua ishte tejt e qartë se ne kurrë nuk kemi pasur një problem të quajtur Rugova.

Dhe,thjesht,dëshiroja të sigurohesha që njerëzit të mos fillojnë ta cilësojnë atë si tradhtar,apo diç të ngjashme,ngase,pikë së pari,unë e dija se ai nuk është tradhtar,por gjithashtu kisha ndenjën se do të ishte tejet e dëmshme për çështjen shqiptare nëse kryetari i tyre konsiderohej tradhtar.

E.more Hill,ti mirë e ke,por çka ti bësh disa njerëzve (shqiptar)që nuk mendojnë si ti në etiketime...

Llapi,ti e din që Qosja nuk ka nejt në Kosovë (n'Prishtinë i mshefun me Suroin),por ja lagi përtej kufinit i rruar dhe i drejtuar!Qysh thot ajo fjala popullore:
Ik b*th se t'lan kamët.

[macia_blu]

cfare i ka bere vetes ky qosja , duke e thirrur veten shqiptar, e duke punuar jetuar , menduar etj, si serb. Ba sa i neveritshem asht ba , i shkoj dem edhe akademlleku.... tash i shkojne mbrapa vec adhurues te nivelit Llap.

[Llapi]

macia_blu dhe Harudi
Pralla prralla hane qeni arra haaaaa!

[RTP]

Postuar më parë nga Drini

Njerin qe e kishte pas "kap marimanga", kishte pas vendos per te dal nga anonimiteti, e turr e ne pazar.

- Ku po shko? e pyet nje mik i tij.
- Dua te behem i njohur!
- Si?
- Do te dal ne pazar e ta shaj me te madhin e nahijes, qe te me njohe krejte shehri.-...........

Kjo eshte qeshtja!
Ta shaje me te madhin,qe ta njeh krejt shehri!

[Llapi]

U promovua libri “Rilindja e re” i akademik Rexhep Qosja

Prishtinë, 15 maj 2007 (Kosovapress) Koha 15:08
U promovua libri “Rilindja e re” i akademik Rexhep Qosja

Në kuadër të edicionit të nëntë të Panairit të librit “Prishtina 2007”, të martën në Bibliotekën Kombëtare dhe Universitare u promovua libri më i ri i akademik Rexhep Qosja “Rilindja e re”, e cila është një përzgjedhje artikujsh, studimesh, kumtesa e shkrimesh të autorit në njëzet vjetët e fundit.

Në këtë libër është edhe një vëllim “Demokracia e shpërdorur”, në të cilin akademik Qosja shpreh qëndrimin e tij intelektual ndaj problemeve dhe zhvillimeve në të gjitha sferat në Kosovë.

Drejtori i shtëpisë botuese “Toena” nga Tirana, Fatmir Toqi, tha se libri i Qosjes ka një rëndësi të veçantë në pikëpamjen e vlerave si dhe nga mënyra përmes të cilës e koncepton shkrimin dhe rëndësinë e tij në jetën politike dhe shoqërore të një kombi.

“Statusi i kombit shqiptar kurrë nuk ka qenë më i mirë se sa në këtë fillim shekulli në këto njëqind vjetët e fundit”, tha Toqi.

Ndërsa, ish-drejtuesi i Institutit Albanologjik të Kosovës, Sadri Fetiu për akademik Qosjen tha se është një rilindës i kohës sonë dhe se me titullin e veprës “Rilindja e re”, autori thotë se populli shqiptar tashmë është në rilindjen e dytë që nga vitet e tetëdhjeta.

“Libri është një përmbledhje që ka një strukturë të veçantë dhe përbëhet prej nëntë njësive dhe një parafjalë që është me shumë interes, sepse jep sqarime për rilindjen”, tha Fetiu.

Nga ana e tij, autori i librit, akademik Qosja tha se libri ka një rëndësi të veçantë pasi që është një përmbledhje e fjalimeve të tij që nga viti `78 e deri sot, të cilat nuk janë botuar në asnjë përmbledhje të tij deri tani.

Sipas tij ideja kryesore e librit është çështja e Kosovës dhe se ai ka folur për rilindjen kombëtare, duke shtuar se Kosova dhe Shqipëria po bëhen sikurse Austria dhe Gjermania, dhe se kjo nuk do të jetë mirë për popullin shqiptar.

Derisa Qosja tha se periudha e rilindjes së re filloi me demonstratat e studentëve në vitet tetëdhjeta, një gjë të tillë e kundërshtoi Agim Vinca, duke thënë se Qosja duhet të rishikojë këtë qëndrim, duke arsyetuar me atë se rilindja e re filloi në vitin 1968.

Ndryshe, në librin e sapopromovuar, shprehet edhe qëndrimi i patundur i Qosjes me një përgjigje kuptimplotë rreth debatit të Kadaresë me studentët, që është mbajtur kohë më parë po në të njëjtën sallë./L.Gashi/

[riu]

keto mbiemrat jane surreale fare, qosja, toçi...