Masakra e Cerrikut ne 1997: Gjykata e Apelit liron 3 anëtarë të “Bandës së Cërrikut”

[pelin]

Nuk ka socialiste te keqinj, nuk ka demokrate te keqinj, ka qytetare te mire dhe qytetare te keqinj, ka alternativa te mira dhe alternativa te keqija. Keshtu gjykohet dhe jo ashtu sic gjykon ti. Dhe sa per dijeni historine nuk mund ta bejne kurre ekstremistet, dhe as klasa politike aktuale qe eshte ne shqiperi, qofte ai Nano, Berisha, dhe te gjithe lloji i tyre qe e kane kthyer vendin ne ciflig.

Ti me thua qe e rendesishme eshte qe une pranoj qe Nano s'ka me pune ne krye te shtetit shqiptar. Ti me ben te qesh.
E rendesishme eshte qe ne te votojme per alternativen me te mire, qofte kjo e majte apo e djathte, e rendesishme eshte qe ne te jemi qytetare dhe te kuptojme se si Nano si Berisha e shume te tjere, nuk mund ta ndertojne Shqiperine. E rendesishme eshte te mendojme se nese do ti varnim shpresat tek ta ateher ajo Gjendja e zhvillimit, apo faza e tranzicionit nuk ka per te kaluar kurre, e ne do te mbetemi perjetesisht shqiptaret e droges, te prostitutave te skafeve.
Kjo eshte e rendesishme, dh Jo nano, berisha, leshi apo pi... i semes.

Hallall o Nitrosh !

Me kishte marre malli per nje ze te lire,
per nje njeri qe ka per bajraktar vetveten.

me shume respekt

[Dita]

Nitrosh,

lidhur me historine e partise komuniste ne Amerike…Perse duhet te ndalohej ajo? E drejta demokratike e qytetareve ne nje shoqeri demokratike per mendimin e lire dhe grupimin ne parti politike per aq kohe sa ato nuk kane qellim rrezime shtetesh, anarki, etj, nuk ka pse te ndalohet. SHBA ka pasur dhe ka shoqeri demokratike, te pakten keshtu propogandohet ne te gjithe boten. Atehere si ka mundesi qe u vendosen burokraci te ketij lloji qe cojne ne shtypjen e nje te drejte demokratike? A nuk te duket se ketu ka dicka qe nuk shkon, pra kontradikte me principet, te cilat SHBA i propogandon se duhet te zbatohen ne te gjithe boten?
Te jap nje pergjigje sipas mendimit tim per masat qe atehere SHBA ka vendosur. E ka bere bazuar ne pragmatizem, ashtu sic e ka bere dhe vazhdon te beje ne cdo fushe qe perfshihet nga aktiviteti politik qe ajo gatuan. Pikerisht se nuk ka shtylle kurrizore politika i lejon vetes te shkele mbi principet sikurse eshte dhe ai i demokracise. Ne ate rast ishte lufta e ftohte dhe rreziku qe vinte nga Bashkimi Sovjetik, tmerri nga nje diktature e mundshme, perfshirja e Evropes nga ajo dhe humbja e fuqise se Amerikes mbi te. Ne vendet post-naziste u ndalua partia naziste apo sibija te saj e sot e kesaj dite nderhyhet ne shtete si Austria (shembull konkret ka qene ai i vitit 200, kur ne qeveri krahas partise popullore erdhen libertarianet e Haiderit e nga Franca erdhen tone armiqesore, Austrise iu vune sanksione, u vu ne kohe prove etj. Edhe ne kete rast po t'i pyesesh austriaket, sidomos ata te partise se Haiderit, u shkel mbi te drejten demokratike te qytetareve te nje shteti qe eshte i ndertuar mbi nje shoqeri demokratike.) Kur sjell shembuj krahasues, mos me sill ate te Anglise, se aty jam une ajo qe duhet te qesh me te madhe. Si mund te krahasosh fuqine e partise komuniste te Anglise me bijen e partise komuniste (PPSH) shqiptare! (Mendoji pak ne perqindje, popullsine qe i ka mbeshtetur idete komuniste dhe luften e klasave ne Shqiperi ne kohe te dulles e ata qe e mbeshteskan sot ne Angli e dilkan per manifestim per 1 Maj).Mund te krahasosh psh. Partine serbe te milloshevicit me ate socialiste shqiptare apo ate te kines me ate te rusise komuniste, por jo ate te anglise, sepse ata qe e mbeshtesin komunizmin PURO ne perendim jane ata qe iu ka mbetur ora tek teoria e Marksit jane ne perqindje qesharake kur merr per baze popullsine totale te secilit prej tyre dhe s'e kane provuar mbi shpine se c'do te thote teori e zbatuar ne praktike me zhdukje njerezish ne nivele milionash (sikurse dhe nazizmi apo fashizmi si diktatura te ekstremit te djathte).


Persa i perket:

nga Nitroshi

Dita, mos u bej mediokre, dhe harroje idene e vendeve ne zhvillim. Une vetem zhvillim nuk shikoj ne shqiperi. Shikoj vetem hajdute, kontrabandiste, matrapaze qe bejne biznes ne kurriz te kombit. Nese zhvillimi do te behet me hapat qe eshte duke u bere deri tani, atehere ne do te mbetemi perjetesisht vende ne zhvillim, do te mbetemi gjithmone ne vend numero

Me quan mediokre duke u bazuar mbi perkufizimin qe une kam sjelle "vend ne zhvillim". Ajo c'ke shkruar me ben te mendoj se ti nuk e di se cfare quhet vend ne zhvillim. Vend ne zhvillim nuk do te thote se ky vend po zhvillohet, por eshte nje term zbutes per cilesimin “vend i botes se trete" Ne anglisht e gjen me “Third world countries” ose “Developing countries”. Ky term perdoret ne dokumenta ekonomike, sociologjike, politike, por edhe te tjere qe lidhen me cilesimin e ketyre vendeve besoj. (Ne fakt ne jemi vend i botes se peste (term mllefi, jo ekzistent)).


Persa i perket:

nga Nitroshi

Ti me thua qe e rendesishme eshte qe une pranoj qe Nano s'ka me pune ne krye te shtetit shqiptar. Ti me ben te qesh.

Nitrosh,

nuk me intereson se cfare bindjesh ke te majta, apo te djathta (sido qe t’i kesh eshte ceshtje e jotja dhe nuk e marr lirine te nderhyj ne te dhe ne nje shoqeri demokratike vlen mbi gjithcka tjeter qe eshte alternativa me e mire ajo qe duhet te qeverise jeten e nje vendi e te popullit qe e mban mbi krye. Ne fund te fundit qeveria eshte vetem nje "sherbetore" e popullit dhe ai ka te drejten ta rrezoje apo ta mbaje ne kembe ate.), por fakti qe ti pranon qe nano eshte nje e keqe per Shqiperine eshte per t'u pershendetur. Nese ti qesh, se mua me vjen mire qe ti vlereson keshtu ndaj personit ne fjale, atehere me vjen keq per ty.



Per pelinin (qe i pelqejne goditjet me spont, megjithese duket se i djegin, kur ia bejne atij vete) mjaftohem me shprehjen: "te trajtosh dike si ajer".

[nitROSHI]

Amerika perdori mjete demokratike dhe nuk i armatosi amerikanet te cilet historikisht kane qene te armatasur, dhe me sa di une vazhdojne te jene. Ai ligj qe nxorri qeveria amerikane kishte nje veprim per te gjitha forcat politike dhe nuk ishte kufizuar vetem per PK Amerikane, kjo eshte arsyeja qe ishte nje menyre demokratike kufizuese e cila e gjen mbeshtetjen ne idene se forcat politike mbahen me taksat e popullit, dhe nuk u konsiderua e nevojshme mbajtja e saj.

Une e di shume mire se cfare do te thone vendet e botes se trete, ashtu sic e di shume mire se cfare do te thone vende ne zhvillim, periudha tranzicioni, e aq me teper me rendojne ne kurriz. Por vazhdoj ti qendroj asaj se keto nuk jane gje tjeter vec koncepte qe kane rrjedhur nga globalizmi qe ka perfshire boten.

Kusurin e asaj qe kishe shkruar me gjithe respektin qe kam per ju nuk e lexova, sepse mendoj se ishte jashte temes.

Dita, ju pershendes, dhe njekohesisht ju vlersoj per argumentat qe sollet.

[Brari]

Pelin e nitrosh
mir me llafe bosh
bajraktar i juaj
asht nano ruco klos

[nitROSHI]

Nuk e kuptoj se cfare jemi duke pritur akoma?
Nese kjo eshte zgjidhja atehere le ta vrasim Nano, dhe ti burgosim socialistet. Ti shkaterrojne institucionet, ti veme flaken atyre se aty, aty lulezon krimi, korrupsioni . Nano dhe Socialistet jane e keqja e ketij vendi.Ti tregojme botes se ne dime te bejme reforma, sesa te emancipuar jemi.
Poshte shteti!!!

Pas kesaj do te ndertojme autostrada, fabrika, shkolla, do te kete me teper pune, drita uje, liri dhe te drejta. Pas kesaj nuk do te na vrasin me Greket, nuk do te na i grisin me pashaportat e neperkembin ne kufi. Do te filloje era e ndryshimeve.

Rrofte shteti.

[Brari]

nitrosh..ke thene se ...kryetarja e PD -se per Cerrikun ishte nje grua e nderuar ..ashtu dhe i shoqi i saje ..qe e paske pasur mik Shpije..

E kjo grua e nderuar i paska instaluar tere ato te zeza qe numrove per diktaturat ?

Athere ti i moderuari demokrati e njeriu i lirive cke dashur te kesh miqesi me kte familje ?

E verteta eshte se vertet ajo grua ka qen zonje por nuk dime se miqesia e juaj a ka qene me sinqeritet apo porosi nga PS per te kryer detyrat e pergjuesit qe ish zanat ne qytetin tuaj ..

Ti genjen per cdo gje qe ka lidhje me ngjarjen e Cerrikut.

Edhe se genjen bukur kjo nuk pi uje.

Do te desha versionin e kesaj zonjes demokrate per ato ngjarje.
Sille po qe burre..

C'desh garda thua ti ne Cerrik..

Pse ish Cerriku ne paqe e lumturi kur erdhi dhe ja prishi qetsine garda?

Po te ish ashtu si ka mundesi qe paqsoret e Cerrikut gjenden te gatshem me mitraloze maj taracave?

Pra Cerriku po perjetonte ato dite dhunen e seres tuaj qe e kishit pare me urrejtje epoken e Lirise qe solli Sali Berisha ..epoken pa operativa e te internuar.. pa gaze te komitetit te Partise e pa radha me nje kile gjize.. dhe qe nga 92 ja ishit mobilizuar totalisht qe nje dite te shkaterronit cdo gje te Shtetit demokratik.

Kishit 50 vite me kanun te Stalinit e nuk ishit merzitur.. e se ju tha "dikush" se ka thene "dikush" se do vije "njeri" tju tregoj kanunin e Lekes menjehere ju paqsoret cerrikas.. pjesa socialiste-pergjuese-puniste..qe doni "liri me tamëm" e jo sipas Sali Veriorit .." diktatorit te tmerrshem" i gjetet brenda ores mitralozat e i kapet ata mitraloza e nga rranxat e qytetit i vrate ne te pabese djemt e rinj Shqiptar.. se.. .. na jan veriore ata..maloke..koktrashe etj meqe Lek Dukagjini nuk eshte nga trojet labcore te PS-se..

Demagogjia jote qe cfaqe ketu ishte fije per pe e huazuar nga ZP.

Ligesi.. e genjeshtra..

[nitROSHI]

O Brari, ti je njeriu me mentalitetin me komunist qe kam njohur ndonjehere.
Menyra se si i llogjikon gjerat me kujton ato gjyqet qe beheshin ne kohen e xhaxhit, ku gjyqetaret abstragonin, e bile per te "miren e kombit denonin tere fisin".
Ti je Donkishot qe shikon ngado vegime.
Une e Kam emrin Arianit Roshi, dhe po te kisha frike nga e verteta nuk do ta kisha shkruar emrin tim hapur, por do te kisha heshtur ose do te isha fshehur mbas ndonje nick name ashtu sic ke bere ti.
Kush jam une e dine te tere ata qe me njohin.
Po ti kush, pse nuk e thua emrin.

[Brari]

panorama

--
kapobanda e Cërrikut

arrestimi


Historia e Roland Xhepaxhiut, njëri nga krerët e bandave të vitit 1997 dhe beteja me Gardën

Kapobanda e Cërrikut 5 vjet në Francë

Largimi në vitin 1998 dhe deportimi nga autoritetet policore


VLADIMIR KARAJ

Kapoja i bandës së Cërrikut, Roland Xhepaxhiu, prej pesë vjetësh i ishte fshehur drejtësisë shqiptare në Francë, duke përdorur identitet të rremë dhe dokumete false.

36-vjeçari, edhe pse i kërkuar nga policia, nuk ka qëndruar i qetë, ai është përfshirë në trafikun e qenieve njerëzore dhe më pas është arrestuar me pasaportë të falsifikuar, ndërsa dje e deportuan për në Shqipëri, ku edhe u arrestua sapo zbriti në Rinas. I njohur si Land Xhepaxhiu dhe si kapoja i bandës së Cërrikut, ai dyshohet të jetë autor i dhjetëra krimeve, që nga vrasja e deri te krijimi i organizatave kriminale të armatosura. Ndërkohë që dje ai është ndaluar nga Policia e Rinasit dhe arrestuar nga Policia e Elbasanit, me akuzën e vënies në përdorim të dokumenteve të falsifikuara.

Strehimi në Francë
Më 1997 Roland Xhepaxhiu u arrestua dhe u dënua për herë të parë nga drejtësia shqiptare. Fillimisht ai u akuzua për vrasje dhe për krijimin e bandave të armatosura. Prokuroria nuk arriti të sillte në gjyq prova të mjaftueshme për të bërë të mundur dënimin e tij, për këto akuza dhe 36-vjeçari u dënua me tetë muaj burg, vetëm për akuzën e armëmbajtjes paleje. Menjëherë sapo ka dalë nga qelia, Xhepaxhiu është larguar nga vendi ynë. Fillimisht ai ka ndaluar për disa kohë në Greqi, por ka qëndruar këtu vetëm disa muaj. Në vitin 1999 ai është futur në Francë. I ndjekur nga policia shqiptare, me një të kaluar të pasur në akuza, Xhepaxhiut i është dashur që t'i fshihej edhe policisë franceze, për shkak të dokumenteve të tij të falsifikuara dhe jo të rregullta. Por, edhe këtu ai nuk ka mundur të qëndrojë jashtë qelisë. Policisë franceze i ka dalë menjëherë punë me të riun shqiptar. Ai është lidhur me rrjetet dhe bandat vendase dhe ka filluar sërish aktivitetin kriminal. Sipas policisë, në Francë ai është akuzuar dhe dënuar me katër vjet, për trafik të qenieve njerëzore dhe për shfrytëzim prostitucioni. Megjithatë, nuk dihet se për sa kohë ka qëndruar në qeli. Menjëherë sapo ka fituar lirinë, Xhepaxhiu ka shkelur sërish ligjin duke nxjerrë një pasaportë shqiptare false, me emrin Roland Hoxha. Për disa kohë ai ka vazhduar të fshihet në Francë. Vetëm para disa ditëve ai ka rënë sërish në duart e policëve francëzë, të cilët i kanë mbërthyer prangat dhe, pasi kanë bërë verifikimet e duhura, kanë vendosur që ta dëbojnë për në Shqipëri. Xhepaxhiu ka mbërritur në Rinas dje, në orët e para të mëngjesit.

Akuzat
Policia e Rinasit e ka trasferuar Xhepaxhiun në Elbasan, ku ai dyshohet të ketë kryer pjesën më të madhe të krimeve. Por fletarresti për të është prerë vetëm me akuzën e falsifikimit të dokumenteve, pasi për asnjë nga akuzat e tjera nuk fakte dhe prova të mjaftueshme. Megjithatë, burime nga policia e këtij qyteti sqaruan se, menjëherë pas arrestimit, kishte filluar puna për të provuar edhe veprat e tjera penale, për të cilat dyshohet Xhepaxhiu.



Pasaporta e Xhepaxhiut

Emri Roland
Mbiemri Xhepaxhiu
Vendlindja Cërrik
Vendbanimi Lagjja Nr.1 Cërrik
Mosha 36 vjeç
I dënuar dy herë
Në Shqipëri 8 muaj burg për armë mbajtje pa leje më 1997
Në Francë 4 vjet dhe deportim për trafik qeniesh njerëzore
Dyshohet për disa vrasje dhe krijim bandash të armatosura


Si u arrestua në Rinas Xhepaxhiu

Ka qenë e lehtë për policinë ta ndalojë Xhepaxhiun. Ai nuk ka pasur me vete asnjë mjet identifikimi e, gjithashtu, mbante mbi supe edhe faktin që ishte deportuar nga Franca. Kontrollorët e kanë veçuar nga grupi i personave të tjerë që duhej të kalonin doganën dhe kanë filluar menjëherë pyetjet verifikuese. Xhepaxhiut i janë marrë shejat e gishtërinjve, ndërkohë që është bërë krahasimi i fotos së tij me atë të personave të shpallur në kërkim dhe që janë kontigjent i policisë. Megjithëse kishte një pamje të re të ndryshuar, ai është identifikuar si Roland Xhepaxhiu. Fillimisht, kur kontrollorët i janë drejtuar me këtë emër, Xhepaxhiu nuk është përgjigjur dhe ka pretenduar se nuk quhej kështu. Por, kur ka parë që gjithçka rreth personit të tij ishte e verifikuar, ka pranuar gjithçka. Menjëherë Rinasi, ka lajmëruar Policinë e Elbasanit dhe kjo e fundit ka dërguar me urgjencë një grup shoqërimi që do të bënte të mundur transferimin e Xhepaxhiut në Elbasan dhe brenda ditës ky i fundit është mbyllur në qelitë e komisariatit të këtij qyteti.



Dënimi për armëbajtje pa leje

Menjëherë pas qetësimit të situatës në vitin 1997, Roland Xhepaxhiu do të arrestohej nga policia, mbi të rëndonin një sërë akuzash, por prej tyre u provua vetëm ajo e armëmbajtjes pa leje dhe Xhepaxhiu qëndroi në qeli, vetëm për tetë muaj.



Ish-gardisti: Ja emrat që na qëlluan

Roland Xhepaxhiu është përmendur fillimisht në atë që është quajtur maskra e Cërrikut, e 23 majit 1997, ku mbetën të vrarë 6 efektivë të Gardës së Republikës, pjesë e kompanisë së dytë operative. Gëzim Velaj, një nga efektivët e Gardës që i shpëtoi atij rrethimi fatal, në qendër të qytetit të Cërrikut, e mban mend mirë emrin e Xhepaxhiut. Ky i fundit ka qenë një nga drejtuesit e personave që u bënë pritë gardistëve dhe ka marrë pjesë drejtpërdrejt në betejën e zhvilluar atë ditë. Velaj, në dëshminë e tij, pohon se nuk e njihte Xhepaxhiun. Një nga personat e ndaluar atë ditë nga Garda dhe që ndodhej në autoblindën me të cilën udhëtonte Velaj, në momentin që po e linin të lirë, i ka thënë se organizatori i rrethimit ishte Xhepaxhiu. "E pyetëm se kush po na sulmonte dhe ai fillimisht na tha se nuk e kishte idenë, pastaj përmendi vetëm një emër, atë të Land Xhepaxhiut", kujtonte Velaj në një intervistë të dhënë për gazetën "Panorama", më 9 mars të këtij viti. Për ish-nënoficerin e Gardës, ishte pikërisht ky person, që i kishte organizuar pritën Gardës, por pas saj kishte edhe persona të tjerë. Emri i Xhepaxhiut përmendet edhe nga persona të tjerë që u ndodhën atë ditë në Cërrik apo që shkuan atje më vonë. Ish-komandanti i tankeve në Gardën e Republikës, Rustem Martinaj, tregon se kur kishte shkuar më 26 maj të 1997-ës në Cërrik, për të kërkuar trupin e pajetë të një ushtari të vrarë në përplasje, ai ka takuar Roland Xhepaxhiun mes shumë personash të tjerë të armatosur. Në një ditar të mbajtur për ato ditë, Martinaj tregon dyshimet e tij se Xhepaxhiu ishte organizatori kryesor i pritës në të cilën u vranë ushtarët e Gardës.

------




bravo rinasi..


xhepaxhiu shoku i xhep mejdanit.
te dy zhapike rezerv ne xhepat e sigurimit.

[Brari]

panorama..
----


arrestimi i kapobandës

hetimi


Roland Xhepaxhiu akuzohet për pjesëmarrje në banda të armatosura. Prokuroria po shqyrton materialet

Tri vrasjet e kapos së Cërrikut

Policia: Dosja e Xhepaxhiut është tashmë e “kopsitur”


Vladimir Karaj

Kapobanda e Cërrikut, dyshohet të jetë autorë i tri vrasjeve dhe pjesëmarrës në masakrën e 23 majit të vitit 1997, ku mbetën të vdekur 6 gardistë.

Policia e Elbasanit, që bëri para dy ditësh arrestimin e Roland Xhepaxhiut, tha se kishte të dhëna konkrete, që e lidhnin këtë të fundit me të paktën tre vrasje dhe se dosja e tij ishte e “kopsitur”. Inspektorët e krimeve kanë mundur të mbledhin edhe një sërë informacionesh të reja, që e lidhin Xhepaxhiun me ngjarjen e dhimbshme të Cërrikut të shtatë vjetëve më parë, ku një grup personash qëlloi mbi mjetet e blinduara të Gardës së Republikës, duke vrarë 6 efektivë të saj. Xhepaxhiu ndodhet i ndaluar në qelitë e paraburgimit të Drejtorisë së Policisë së Elbasanit me akuzën e fallsifikimit dhe vënies në përdorim të dokumenteve të fallsifikuara.

Tri vrasjet
Menjëherë pasi kanë mësuar për arrestimin në Rinas të Roland Xhepaxhiut, policia e Elbasanit ka kërkuar transferimin e tij në këtë qytet, për efekte të hetimit. Kështu, u mësua se përveç pasaportës fallse që mbante emrin e Roland Hoxhës, ish-kapoja i bandës së Cërrikut dyshohej se kishte kryer edhe shumë vepra të tjera kriminale. Burime nga policia thanë se deri më tani kishin materialet për tre vrasje, të cilat janë kryer në qytetin e Cërrikut dhe në rrethinat e tij gjatë periudhës mars-dhjetor 1997. Të njëjtat burime saktësuan se ka edhe akuza e dyshime për vepra të tjera penale, por deri më tani vetëm për tre ka prova dhe materiale të cilat fajësojnë drejtpërdrejt ose në mënyrë të tërthortë Xhepaxhiun. Sipas policisë i arrestuari ka qenë një nga drejtuesit e bandave të armatosura në qytetin e Cërrikut gjatë vitit 1997 dhe gjithashtu një nga personat që kontrollonin qytetin. Uniformat blu thanë për “Panoramën” se deri më tani të paktën njëra nga dosjet për të cilat akuzohet Xhepaxhiu, është e ‘kopsitur’ dhe se pritet vetëm që pas shqyrtimit nga prokuroria të ngrihen edhe akuzat për të.

Pjesëmarrja në masakrën e Cërrikut
Xhepaxhiu ndërkohë dyshohet edhe si pjesëmarrës dhe një nga drejtuesit e asaj që ndodhi më 23 maj në qytetin e Cërrikut, ku mbetën të vdekur 6 pjesëtarë të kompanisë së dytë operative të Gardës së Republikës. Burime nga Komisariati i Policisë së Elbasanit thanë se po hetohet për të provuar se cili ka qenë roli i vërtetë i kapobandës së Cërrikut, në atë masakër. Policia tha se dihet tashmë dhe se po punohet për të provuar pjesëmarrjen e tij në betejën kundër gardës.

Gjykimet e mëparshme
Në vitin 1997, ai u arrestua dhe ndaj tij, prokuroria kishte ngritur një sërë akuzash, ndër të cilat edhe ato të vrasjes, grabitjes me armë dhe krijimit të bandave të armatosura, por asnjë nga këto akuza të rënda nuk u arrit të provohej. Atëherë, prokuroria i kërkoi gjykatës dënimin e Xhepaxhiut vetëm për akuzën e armëmbajtjes pa leje. Në këtë proces, Xhepaxhiu arriti të shpëtonte me vetëm tetë muaj burg, ndërkohë që menjëherë, pasi kreu ato u largua nga vendi ynë. Por ai nuk do të qëndrojë për shumë kohë jashtë qelisë. Pasi ka kaluar nëpër Greqi, 36-vjeçari niset për në Francë, ku edhe do rifutet në aktivitetin kriminal. Për një kohë të gjatë i fshehur me një emër tjetër dhe një pasaportë false, Xhepaxhiu, do të merret me trafik të qenieve njerëzore, nga Europa Lindore në vendet e Perëndimit e kryesisht në Britani e Francë. Ndërkohë që në këtë periudhë të qëndrimit në Francë, ai aktivizohet edhe me rrjetet e shfrytëzimit të prostitucionit. Por nuk ka mundur të qëndrojë për shumë kohë jashtë qelisë. Në Francë është arrestuar për shkak të veprimtarisë së tij kriminale dhe është dënuar me katër vjet burg, për krimin e trafikut të qënieve njerëzore dhe për atë të shfrytëzimit të prostitucionit.



Arrestimi
Si u njoh nga policia

Ka qenë një efektiv i policisë së Rinasit, më parë punonjës i policisë së Elbasanit, i cili ka hedhur i pari dyshimet, për personin që po kontrollonte. Ai e ka parë të dëbuarin nga Franca dhe ka dalluar se ai ishte Roland Xhepaxhiu. Pas një dialogu të shkurtër, në pak minuta, Xhepaxhiu e ka parë veten në pranga. Menjëherë është thërritur inspektori i krimeve, i cili pasi ka bërë verifikimet, ka arrestuar të dyshuarin. Ndërkohë që policia e Rinasit ka lajmëruar atë të Elbasanit dhe kjo e fundit ka kërkuar dhe realizuar transferimin e Xhepaxhiut.



Si u sulmua garda në 1997 në Cërrik

Ishte maji i vitit 1997, kur Garda e Republikës do të niste në drejtim të qytetit të vogël të Cërrikut, një numër forcash të armatosura dhe të përkrahura nga mjetet e blinduara, të cilat duhej të vinin në nënkontroll qyetin, i cili kishte mbetur prej ditësh pa komisariat policie. Garda e Republikës, mbërrin në Elbasan më 22 maj të vitit 1997 dhe atë natë do të qëndronte në këtë qytet. Më 23 maj, forcat e blinduara të gardës, të përkrahura edhe nga disa efektivë të policisë së Elbasanit, nisen në drejtim të qytetit të vogël. Sipas historisë së treguar nga Gëzim Velaj, një nga efektivët e këtij grupi, pjesa e parë e ditës kalon tmerrësisht në qetësi. Efektivët e gardës, pasi kontrollojnë një sërë banesash në qytet, nisen në drejtim të një fshati, ku duhej të kontrollonin një shtëpi, në të cilën dyshohej se ishin fshehur disa nga personat që kishin sulmuar disa ditë më parë komisariatin e policisë së Cërrikut. Forcat e Gardës së Republikës, kanë kontrolluar vilën, ku kanë gjetur një arsenal armësh, ndërsa kishin arrestuar tre persona. Kthimi në qytetin e Cërrikut, ka qenë edhe ferri për gardistët, sapo kanë hyrë në qytet ata kanë rënë nën breshërinë e armëve të dhjetra personave. Nga shkëmbimi i zjarrit mbetën të vdekur 6 persona, të gjithë efektivë të Gardës dhe u morën peng dy të tjerë. Sipas Velajt, një nga personat që qëllonte në drejtim të gardës ishte edhe Roland Xhepaxhiu.


----



ja cilet rrezuan berish profesorin..
e sollen ne fuqi nano malo mejdan akademiket..

te marte m shalet o doktor berisha..
turp..
vuri musara kopliko rulo mekso pisat ministra..

magar

[Dito]

Kush mbolli dhe s`korri.

[Shpirt Njeriu]

ELBASAN - Gjykata e Faktit ne Elbasan, dha dje masen e sigurise "burg pa afat", per Roland Xhepexhiun, i cilesuar si nje nder anetaret e bandes se Cerrikut gjate dhe pas vitit 1997. Xhepexhiu u ndalua ne Aeroportin e Rinasit tre dite me pare. Gjate verifikimeve te kryera rezultoi se ai udhetonte me pasaporte fallso i identifikuar me emrin Roland Hoxha. Policia e shtetit e ka skeduar Xhepexhiun si nje nder anetaret e bandes se Cerrikut, ndonese ai eshte denuar vetem me tete muaj heqje lirie per armembajtje pa leje ne mungese te grumbullimit te provave ne ate kohe. Sipas ministrise se Rendit skeda personale e Xhepexhiut, u rendua pas largimit te tij nga Shqiperia

[Brari]

Ministri i Brendshëm, Sokol Olldashi, ka dekoruar dje me statusin “Dëshmorë të Atdheut” 6 gardistët e vrarë në ’97

Cërrik '97, gardistët shpallen dëshmorë

Olldashi: Është obligim i shtetit shqiptar respektimi i sakrificës sublime të gjashtë gardistëve

Aleksandra Bogdani

TIRANË- Nëntë vjet të shkuara, qyteza e Cërrikut u bë arenë e një masakre të përgjakshme e mjaft të komentuar më pas, mes të ashtuquajturës bandë e armatosur dhe punonjësve të Gardës së Republikës. Paraditen e djeshme, ministri i Brendshëm, Sokol Olldashi, ka rikthyer në vëmendje këtë ngjarje të rëndë, nëpërmjet një ceremonie të zhvilluar në mjediset e ministrisë që drejton. Ai ka dekoruar me çertifikatën “Dëshmor i Atdheut” gjashtë gardistët e vrarë në Cërrik, në mars të vitit 1997. Në një ceremoni ku merrnin pjesë, veç ministrit Olldashi edhe zëvendësi i tij, Gjergj Lezhja e komandanti i Gardës, Ndrea Prendi, familjarët e gardistëve Sali Martini,Qemal Mehmeti, Halit Haxhine, Besnik Syla, Besnik Mella e Petrit Ndoi kanë marrë dekoratën e akorduar nga qeveria, mëse nëntë vjet pas vrasjes së të afërmëve të tyre.
***
Kam vërtet privilegjin t’ju dorëzoj çertifikatat e dëshmorit, që iu janë akorduar nga qeveria shqiptare të afërmëve tuaj. Eshtë obligim i shtetit shqiptar dhe i çdo individi të shoqërisë shqiptare, respektimi i sakrificës sublime që kanë bërë ata në emër të një parimi të shenjtë të respektimit të detyrës dhe përgjegjësisë ndaj vetes”,-iu tha familjarëve të gardistëve, tashmë “Dëshmorë të Atdheut” ministri Olldashi. Më tej, Ministria e Brendshme ka sqaruar procedurat që janë ndjekur në dhënien e këtij statusi, gjashtë gardistëve të vrarë në Cërrik. Duke u mbështetur në ligjin 8607, Komisioni i Statusit “Dëshmorët e Atdheut” ka vendosur që gjashtë gradistët që humbën jetën në Cërrik të shpallen “Dëshmorë të Atdheut”. Gjatë ceremonisë së djeshme, nuk u sqarua nëse kërkesa për dhënien e këtij statusi u bë nga familjarët e gardistëve apo nga Ministria e Brendshme.
***
Nga ana e tij, komandanti i Gardës së Republikës, Ndrea Prendi, tha se ndihet krenar që më në fund, shteti vlerësoi gjakun e gardistëve të rënë në krye të detyrës. “Në ato ditë të vështira të marsit 1997, ku pothuajse të gjitha komisariatet ishin shkatërruar, një grup i i mjeteve të blinduara të Gardës së Republikës kaloi në mbështetje të forcave policore. Në një nga detyrat që kryen për rivendosjen e rendit, pas sulmit që iu bë postës së Cërrikut, ndodhi që bandat e krimit të qëllojnë mbi një transportues të blinduar me predhë antitank, ku humbën jetën gjashtë gardistët e sipërpërmendur”,-shtoi komandanti i Gardës, Prendi. Në fakt, ashtu si për çdo ngjarje tjetër të rëndë, të ndodhur gjatë trazirave të vitit 1997, edhe masakra e Cërrikut është komentuar në mënyra të ndryshme, nga klasa politike shqiptare. Partia Demokratike ka akuzuar drejtues të PS-së për organizimin e kësaj masakre që solli vdekjen e gjashtë punonjësve të Gardës, ndërkohë që socialistët kanë akuzuar kundërshtarët e tyre politikë për shtypjen e revoltës popullore, nëpërmjet forcave të Gardës, edhe në Cërrik. E ndërsa për shumë vjet ka munguar qëndrimi i strukturave shtetërore për punonjësit e vrarë në krye të detyrës gjatë ’97, gjatë vitit të fundit janë shpallur “Dëshmorë të Atdheut” nëntë prej tyre.


“DËSHMORË TË ATDHEUT”

Sali Martini, 42 vjeç
Halit Haxhine, 27 vjeç
Bashkim Mella, 21 vjeç
Besnik Syla, 21 vjeç
Qemal Mehmeti, 24-vjeç
Petrit Gjonaj, 25-vjeç




18/10/2006

shekulli

[Albo]

Nderimi me i madh qe shteti mund ti beje atyre gardisteve te rene ne krye te detyres dhe familjeve te tyre eshte nxjerra para drejtesise e te gjithe atyre qe moren jeten e tyre ne Cerrik ne 1997.

Drejtesia nuk ve ne vend vetem kujtimin e garditeve, ve ne vend autoritetin e shtetit qe u cenua nga grupet kriminale.

Albo

[thorgal]

Faleminderit Nitroshi

ajo qe shkruan ti ketu eshte dicka qe e vertete qe e dine te gjithe ata qe kane jetuar ne Shqiperi ne ato vite, dicka qe e dine edhe tipa si Brari apo ndonjetjeter por servilizmi dhe degjenerimi qe kane ne shpirt i ben te shkruajne gjera te cilave as vete nuk ju besojne, ndaj mos u merr me njerez te tille se nuk ja vlen.

[thorgal]

epoken e Lirise qe solli Sali Berisha ..

SERVILI I DIKTATORIT NUK SJELL ASNJEHERE LIRI O BRAR


servili i diktatorit vetem ka perfituar nga situata bashke me servilet e vete e me tej ka dash te vendos nje diktature te re

Une nje pyetje kam per ty :

Ca dmth te jesh Servili i atij qe ja mbante Enver Hoxhes kur shkonte ne banje, i atij qe e ka shkateruar kete vend e kete komb ?

Dije se njerez te tille si klani juaj i ish- komunisteve jane fatkeqesia e ketij vendi jane arsyeja pse ky vend po shkon gjithnje e me keq.

[Morning star]

Ju kujtohet Arta Dade e ulur siper trupit te nje SHIK-si tek lyante duart me gjak edhe i fuste ne goje, duke thene se kte fund do kishin te gjith.

Ju kujtohet ajo vampirja?

[thorgal]

ishte Luiza Hoxha, ajo qe akuzohej per kete gje.



Luiza Hoxhat Sale Berishat Ramiz Alite Xhuvelet Nanot Gazidedet Agim Shehet etj etj e kane marre denimin qe u takon per duart qe i kane me gjakun e Shqiptareve, e per vjedhjen e ketij populli me parate e te cilit tallen ne per kazino e e ne vende te tjera.

Ju kujtohet kur jane denuar me varje ne litar e burgim te perjetshem.

Mua s'po me kujtohet, kur jane denuar ... nuk e di se pse ??

Ndoshta sepse nuk jane denuar akoma e nuk kane per tu denuar kurre sa te kete njerez si puna jote e si puna e Brarit qe votojne e bejne propagande per keta mostra ishkomuniste.


E dini pse Rumania qe ishte i vetmi vend Europian me parametra ekonomike te barabarta me Afriken ne
vitet 90, sot ndodhet ne UE e Nato kurse Shqiperia jo?


Se ne Rumania komunistet jane var ne litar ne 1990 kurse ketu vazhdojne te qeverisin e duhet edhe te lexojme denglat e tyre.

[vagabondo_nyc]

Masakra e Cerrikut u zbardh. Me vjen mire qe do denuan fajtoret qe i vrane oficeret e policise.

Nuk duhet te bojoset gjaku i ktyre heronjeve me ngjyra politike. Me nerveriten postimet qe kane avantar germat PD dhe e kthejne kte vrasje ne politike.

Shkurt ata ishin aty me uniformat e shtetit shqiptar.

Eshte pune tjeter kush e dha urrdherin qe kta te shkonin atje por nje gje dihet qe kta ishin policia e shtetit shqiptar. Sot duhet te denohen gjithe drejtuesit e shtetit qe u dhane urdhera ne kundershtim me ligjet e shtetit shqiptar.

Duhet repektuar gjaku i oficerve te policise qe jane vrare duke mbrojtur shtetin shqiptar. Bashke me vrasisit duhet te denohen dhe eporet qe dhane urdhera ne kundershtim te ligjit.

[Darius]

Po te ishte per tu denuar do ishin denuar me kohe o vagabond. Por jo vetem qe su denuan por njeri u be Minister i Brendeshem fill mbas asaj masakre ndersa tjetri vetem dy muaj me pas u be President. Populli i njeh mire se kush i ka duart te lyera me gjak dhe me urdher te kujt u ngrit prita per te goditur forcat e shtetit.

[RaPSouL]

Masakra e Cërrikut dhe defteri i komiteteve

Rihapja e hetimeve pas më shumë se një dekade për ngjarjen tragjike që sot njihet me emrin “Masakra e Cerrikut”, i ka bërë shqiptarët të risjellin dhe një herë në mëndje ditët e çmendurisë kolektive të pranverës së ’97-ës. Aksioni më e fundit i strukturave të specializuara të hetimit i pagëzuar me emrin e koduar “Autoblinda” pritet të vendosë drejtësi për autorët e krimit makabër që tronditi jo vetëm qytetin e vogël të Cerrikut, por gjithë vendin.
Arrestimet e freskëta të katër personave, dhe përfshirja nën akuzë e një grupi të dënuarish për krime të tjera të rënda (fatmirësisht ndodhen pas hekurave të burgut), është paraqitur nga drejtuesit e lartë të Ministrisë së Brendëshme si sinjali i parë, se këtë radhë shteti e ka seriozisht dhe do ti shkojë deri në fund së vërtetës. Por pas publikimit të detajeve të para mbi hetimet e ngjarjes së 23 majit 1997, nuk është fshehur aspak qëllimi i vërtetë i kësaj lëvizjeje që erdhi si rrufe në mes të korrikut. Me moton e rihapjes së çështjeve të vjetra të pazbuluara nga drejtësia, strukturat e specializuara të Policisë së Shtetit dhe Prokurorisë së Krimeve të Rënda kanë vënë në shënjestër pikërisht krimet e ndodhura gjatë pranverës së trazuar të ’97-ës. Jo rastësisht në stivën e dosjeve që janë shpluhurosur nga oficerët gjyqësorë, ndodhen një seri ngjarjesh të rënda që kanë goditur, paralizuar apo nxjerrë krejtësisht jashtë funksionit, institucionet shtetërore, organet e pushtetit vendor, strukturat e policisë, Shërbimit Informativ dhe ushtrisë. Pjesa dërrmuese e këtyre ngjarjeve kanë patur nga pas organizatorë të kthjellët për objektivin që synonin të arrinin. Nuk besoj se ka shqiptarë që i ka jetuar ato ditë të kobëshme, të ketë harruar se beteja e vërtetë në terrenin e përzhitur nga baruti, zhvillohej mes qytetarëve të thjeshtë që u kishte vajtur thika në palcë e kishin humbur gjykimin, dhe përballë tyre qëndronin mijëra policë, shikas apo militantë vullnetarë të veshur nxitimthi me uniforma gjithfarë sojesh. Në një situatë të tillë, ku zëmërimi dhe dufi popullor për kursimet e jetës të tretura në firmat piramidale kishte arritur kulmin, u formuan të ashtuquajturat Komitete të Shpëtimit Publik. Bërthama e këtyre strukturave që mbinë “rastësisht” si me komandë në pjesën më të madhe të vendit, ishte gati para se të shpërtheheshin depot e ushtrisë dhe tu vihej flaka komisariateve, bankave, bashkive e deri kinemave e bibliotekave të qyteteve të jugut. Në përbërje të tyre ishin kryesisht kundërshtarë të betuar të forcës politike që qeveriste vendin, duke filluar që nga intelektualë të majtë, qytetarë të thjeshtë, ish-oficerë të ushtrisë, policisë, ish-sigurimsa deri dhe persona me një të kaluar të dyshimtë apo me precedentë penalë. Misioni i këtyre komiteteve ishte të zëvendësonin organet shtetërore dhe pushtetin vendor në qytete. Paralelisht me këtë detyrë të merrnin në dorë frenat e administrimit lokal duke ia ngushtuar rrezen e veprimit pak nga pak pushtetit të ish-presidentit Berisha, deri sa ai të asfiksohej krejtësisht. Mbështetja nga qytetarët e irrituar me pushtetin, ishte determinante në ditët e para për të ashtuquajturat komitete. Këto të fundit arritën ta shfrytëzonin këtë vullkan popullor duke e drejtuar mbi strukturat e shtetit dhe sidomos mbi policinë, SHIK-un dhe ushtrinë. Shkërmoqja brenda natës e strukturave shtetërore e la vendin në zbrastirë të plotë, dhe komitetet u dukën si e vetmja shpresë për të marrë në dorë frenat e qyteteve “të çliruara” prej qeverisë së Berishës. Ditët që pasuan “në lirinë” e komiteteve i zhgënjyen menjëherë qytetarët. Sapo shteti mori të tatëpjetën, u prishën dhe ekuilibrat brenda komiteteve. Fasada e tyre me intelektualë dhe përfaqësues të qytetarëve të thjeshtë u nxorr jashtë loje me tytën e armëve të krahut të armatosur, që përbëhej kryesisht nga ekstremistë radikalë të majtë, ish-ushtarakë dhe personazhe me të kaluar kriminale. Tentativa e fundit e pushtetit që nuk i besohej se kishte rënë nga froni, për të rimarrë qytetet e “çliruara” prej komiteteve, rezultoi në disa prita dhe beteja të humbura me një bilanc tragjik. Viktima të këtyre përplasjeve të armatosura mbetën oficerë të SHIK-ut, policisë, gardistë dhe militantë vullnetarë kryesisht nga rrethet e veriut. Komitetet dhe ata që qëndronin pas tyre nuk kishin ndërmend të humbnin atë që kishin fituar. Për të zbrapsur me forcën e armëve tentativën e fundit të dëshpëruar të shtetit që tashmë ia kishte marrë ferra uratën, komitetasit thirrën në ndihmë deri dhe banda kriminale pavarsisht se kush ishin ata dhe çfarë kishin bërë. Rrjedhojë e këtij konflikti të pamëshirshëm janë tashmë autoblindat dhe automjetet e djegura të policisë e Gardës, viktimat e vrara në Cerrik, Berat, Vlorë, Tepelenë, Gjirokastër, Lushnje, Sarandë, Përmet etj. Gjatë tetë viteve të qeverisjes së majtë u bën përpjekje për të zbardhur disa nga këto masakra, kryesisht ato që ishin kryer nga banda kriminale. Kualicioni i majtë që erdhi në pushtet pas qershorit të ’97-ës, goditi kryesisht grupet kriminale që kërcënonin sigurinë e qyteteve dhe vinin në pikëpyetje autoritetin e qeverisë së vet. Por me komitetet dhe ngjarjet e organizuara prej tyre askush nuk u mor, pavarsisht pasojave që kishin sjellë. Kjo ishte një lloj mirënjohje për ata që i kishin ndihmuar të vinin në pushtet. Një pjesë e mirë e ish-komitetasve u vendosën në detyra shtetërore, në polici, dogana, e administratën lokale, duke u shpërblyer për atë që kishin bërë. Por populli ynë ka një shprehje që thotë se “llogaria që s’paguhet në vend shënohet në defter”. Tashmë duket se ka ardhur koha të hapet defteri. Rezultatet e para japin shpresë por është ende shpejt për të qenë të sigurt se ata që kanë vendosur të hapin dosjet e komiteteve të ’97-ës do të jenë të paanshëm. Rasti konkret është “Masakra e Cerrikut”, ku për të njëjtën ngjarje janë dënuar dhe disa ish-drejtues të lartë të Gardës së Republikës. Mes tyre ka qenë dhe ish-komandanti i Gardës, Xhahit Xhaferri, besniku i fundit i kryeministrit Berisha që vazhdon të ketë mbi shpinë një dënim të rëndë të formës së prerë. Urojmë që rihapja e dosjeve të vjetra të ’97-ës të mos përfundojë si tentativa e dështuar e të majtëve që u rrekën më kot për tetë vjetë të provonin me shishe Coca Cola “krimet kundër njërëzimit” të kryera nga trupat e Gjeneral Gazidedes.