1 milionë shqiptarë emigrantë

**Dito** · 04-06-2012, 08:26

Komisioni Europian publikoi raportin e tretë vjetor mbi emigracionin dhe azilin.

Cecilia Malmström, Komisionere për punët e brendshme në BE theksoi:“Në 2011, BE priti pothuajse 10 % të emigrantëve të botës. Kjo shumë është rreth 20 milionë njerëz, ose 4% e popullsisë së BEsë.”

Shqipëria në këtë raport përmendet vetëm një herë, duke u renditur në vend të tretë për numrin më të lartë të banorëve të huaj të BE-së, referuar të dhënave të EUROSTAT.

“Grupet me numrin më të lartë të rezidentëve me kombësi nga vende të treta në 2009 ishin Turqia (përafërsisht 2.4 milionë), Maroku (gati 1.8 milionë) dhe Shqipëria (përafërsisht 1 milionë banorë),” thuhet në raportin e KE-së.

“Për azilin, ne duhet të vazhdojmë të përmbushim detyrën tonë për t’i dhënë strehë atyre që kërkojnë mbrojtje dhe të kompletojmë sistemin e përbashkët europian për azilin gjatë 2012-s, siç kanë rënë dakord vendet anëtare”, u shpreh Malmstrom.

“Është e qartë se një nga dobësitë e sotme të Shengenit është se vlerësimi është rishikuar tepër dhe për pasojë ne nuk kemi qenë në gjendje për të vepruar në kohë ndaj dobësive të mundshme në menaxhimin e kufirit të një vendi”, shtoi Malmstrom.

Raporti vjetor për emigracionin dhe azilin në BE gjatë 2011 shoqërohet dhe me sondazhet e bëra nga Eurobarometër, ku rezulton se 53% e qytetarëve europianë mendojnë se emigracioni pasuron vendet e BE-së në mënyrë ekonomike e kulturore.

Përgatiti: Arta Tozaj, Bruksel

**Duaje Siveten** · 04-06-2012, 08:42

me shume do te behen po te (vet)vendoset li-derri historik i se majtes ... me ndihmen e li-derrit histerik te ashtu-quajtur te djathtes ...

**Shkelqesia_E_Tij** · 04-06-2012, 11:26

Kur ndihesh emigrant ne vendin tend çfare pret te jesh ne dyert e botes...!?

**Ingenuous** · 07-06-2012, 13:37

Si Shtet kemi humbur shumbe potencial njerezor, sigurisht, por individualisht askush nuk mund ti thote dikujt pse po iken apo mos ik.

Per mua emigracioni sjell me shume te mira se te keqija. Eshte detyra e shtetit shqiptar qe te mos i humbe ata per gjithmone.

**Bamba** · 07-06-2012, 16:37

Postuar më parë nga Ingenuous

Si Shtet kemi humbur shumbe potencial njerezor, sigurisht, por individualisht askush nuk mund ti thote dikujt pse po iken apo mos ik.

Per mua emigracioni sjell me shume te mira se te keqija. Eshte detyra e shtetit shqiptar qe te mos i humbe ata per gjithmone.

Eshte detyra e atyre qe jetojne ne Shqiperi, jo e shtetit Shqiptar, qe kontributi i refugjateve te mos shkoj dem.

**qerosi** · 08-06-2012, 14:25

Nje milion jane ata qe jane te rregjistruar, ose firgurojne diku ne sistem. Por e verteta eshte se ka akoma me shume, deri diku te 300.000 - 400.000 mije me teper. Fatkeqesisht, ky numer sdo te mbaroje me kaq!

**Ziti** · 08-06-2012, 16:04

te gjithe emigrojne
italianet e jugut shkojne ne veri te italise, gjermanet kane emigruar ne amerike, po ashtu greket, irlandezet
francezet emigronin dikur ne kanada apo afrike per te shfrytezuar te zinjte
shqiperia kjo ka qene, eshte dhe kjo do te jete