Guillaume Musso

[maximus]

Botohet romani 'Sepse të dua' i shkrimtarit francez G. Musso

Para se të filloni leximin e këtij libri, dëgjoni mesazhin e autorit:
Për të ruajtur efektin e surprizës, mos ia tregoni
fundin e këtij libri miqve tuaj.


Lajla, një vajzë e vogël 5 vjeçare, zhduket në një qendër tregtare të Los Anxhelosit. Prindërit e saj, të thyer, të vrarë shpirtërisht ndahen nga njëri-tjetri.
Pesë vjet më vonë, vajza gjendet pikërisht në të njëjtin vend ku kishte humbur.
Ajo është gjallë, por e zhytur në një heshtje dhe mister të thellë.
Lumturisë së gjetjes së saj i shtohen shumë pikëpyetje: Ku kishte qenë Lajla gjatë gjithë kësaj kohe? Me kë? Dhe sidomos: Përse u kthye?...

Kjo është një histori dashurie e magjishme, një libër shumë njerëzor që ju fut në botën e misterit dhe të suspensit, dhe një zgjidhje që ju nuk do të mund ta harroni.

“Musso tregon që është një mjeshtër i rrallë në artin e misterit”.
- Paris Match

“Një gjetje që të lë pa mend”.
- Gala

“Tek Musso, emocioni përshkruhet me tone madhore”.
- Le Figaro Magazine

"Një përzierje shpërthyese e të papriturës dhe imagjinatës".
- Elle
"Jemi në një atmosferë ëndrre, ku fantastikja nuk është kurrë larg. Musso është Spielberg-u i
letërsisë bashkëkohore franceze".
- Nostalgie


GUILLAUME MUSSO
- NJË FENOMENI I RI. SHKRIMTARI MË I SHITUR NË FRANCË
- 7 BESTSELLER NË 7 VJET
- 10 MILIONË KOPJE TË SHITURA
- PËRKTHYER NË 33 GJUHË
- SEPSE TË DUA LIBRI NR. 1 NË LISTËN E LIBRAVE MË TË SHITUR NË FRANCË
- SEPSE TË DUA ËSHTË SHITUR 1.5 MILION KOPJE

Guillaume Musso lindi në vitin 1974. Që fëmijë dashurohet me letërsinë dhe fillon të shkruajë kur ishte student. Romani i tij i parë “Dhe pastaj…” u shit në më shumë se një milion kopje. Kjo përqasje magjepsëse me lexuesit, u pasua gjithashtu me suksesin tjetër akoma më të jashtëzakonshëm të romaneve “Shpëtomë”, “A do të jesh aty?” “Sepse të dua”, “Po vij të të gjej”, dhe “Ç’do të bëhesha pa ty?” të cilët e bëjnë autorin një nga më të preferuarit e lexuesve. Autori është përkthyer në mbarë botën dhe veprat e tij janë përshtatur për skenarë filmash artistikë. Romani i tij i fundit “Vajza e letrës” ka dalë nga shtypi në nëntor të vitit 2010.