Banka Botërore: Shqipëria do të ketë rritje ekonomike 3.7% në 2011

[YlliRiaN]

Le te themi cka te themi nje gje eshte me se e sigurt kjo qeveri ngjalli ekonomin shqiptare

[Edvin83]

Edhe mund te jete 9.9, ne nuk e dime me saktesi se sa eshte pasi ne nuk i kemi ne dore te dhenat per ta llogaritur. Shqiperia bile duhet te kete nje rritje prej 12-13 % per ta arritur zhvillimin e shteteve tjera te BE-se.
Por mendoj se 2009 do t'i jape nje hov ekonomise shqiptare pasi kete vit jane hequr tarifat doganore nga marreveshja e tregetise se lire dhe gjithashtu rruga Durres-Morine do te shumefishoje tregetine dhe ule cmimet ne Shqiperi. Edhe Kosova me ne fund do te kete nje treg ku te shese prodhimet e veta. Prandaj jam shume optimist per ekonomine shqiptare ne 2009.

[white-knight]

Bode rrëzon rritjen dyshifrore, acarohet Berisha

Nga Fitim Zekthi

Kryeministri i vendit, Sali Berisha, dhe ministri i Financave, Ridvan Bode, kanë debatuar dje ashpër në lidhje me rritjen e ekonomike të vendit gjatë vitit që shkoi. Kryeministri nuk i ka pranuar për të vërteta të dhënat e Ministrisë së Financave dhe vlerësimet që ajo i ka bërë rritjes ekonomike të vendit, duke thënë se ata duhet t’iu nënshtrohen të dhënave që jep Instituti i Statistikave.

Gjatë një mbledhjeje të Komitetit të Planifikimit të Strategjive Ekonomike, zëvendësministri i Financave, Florion Mima, dhe më pas ministri i Financave kanë thënë se rritja ekonomike e vendit është diku te 7%. Edhe pse me gjysmë zëri, zyrtarët e Financave kanë pranuar se madje e certifikuar nga FMN, një rritje e tillë mund të jetë dhe gjashtë për qind. Kryeministri ka replikuar menjëherë duke thënë se, zyrtarëve të Ministrisë së Financave u leverdis që të paraqesin një shifër të tillë. Ai nuk ka pranuar shifrat e tyre dhe ka thënë se rritja ekonomike është 9,9%, aq sa ka thënë INSTAT. Ministri i Financave, Ridvan Bode, është shprehur se kjo është vetëm e dhënë për një tremujor dhe jo një e dhënë vjetore dhe se rritja ekonomike në vend, e konsultuar edhe me specialistët e Fondit Monetar Ndërkombëtar, është rreth 7%. Zëvendësministri Florion Mima, duke iu referuar llogaritjeve të Drejtorisë së Makroekonomisë të Ministrisë së Financave, tha se rritja ekonomike është 7,2%. Ministria e Financave është vënë dje përballë dyshimeve të kryeministrit mbi vërtetësinë e të dhënave dhe vlerësimeve që ajo ka për zhvillimet ekonomike në vend.

Në fakt, Ministria e Financave ka një drejtori, e cila merret vetëm me këto vlerësime dhe është kjo drejtori që harton politikat ekonomike dhe fiskale të qeverisë shqiptare. Është rasti i parë, kur kryeministri nuk pranon shifrat e zhvillimeve ekonomike që i paraqiten nga Ministria e Financave, megjithëse kjo e fundit e ka për detyrë këtë gjë. Në bazë të këtyre vlerësimeve, kjo ministri harton buxhetin, planet afatmesme ekonomike dhe fiskale dhe strategjitë e zhvillimit. Tashmë të dhënat dhe vlerësimet e saj, megjithëse ajo është në kontakt të paprerë me specialistët e Fondit Monetar Ndërkombëtar, nuk merren për të qenësishme nga kryeministri. Ideja e rritjes ekonomike me dy shifra është kthyer në një domosdoshmëri që duhet të gjendet edhe në shifrat e Ministrisë së Financave. Dy muaj më parë Instituti i Statistikave paraqiti të dhëna për rritjen ekonomike të vendit gjatë tremujorit të tretë të vitit (korrik-shtator), sipas të cilave ekonomia ishte rritur me 9,9%. Këto të dhëna kanë të bëjnë me vetëm ata tre muaj dhe jo me rritjen vjetore.

BB: Rritja ekonomike brenda parashikimeve është 6%

Përfaqësuesja e Bankës Botërore në Tiranë, Camille Nuamah, tha pak ditë më parë se rritja ekonomike e Shqipërisë nuk është ajo që paraqiti Instituti i Statistikave, megjithëse ato shifra janë të vlefshme, sepse mund të ndihmojnë për të kuptuar trendin. Përfaqësuesja e Bankës Botërore tha se shifrat e tre muajve nuk janë shifrat e të gjithë vitit dhe se metodologjia që ndiqet në raste të tilla është tjetër. Zonja Nuamah tha se ekonomia po rritet brenda parashikimeve dhe nuk ka vend për shifra të tilla tremujore. Kjo do të thotë që ekonomia është rritur me 6 për qind, aq sa janë parashikimet dhe aq sa është parashikuar me detaje në buxhetin e shtetit. Nuamah tha se qeveria duhet të jetë e kujdesshme me shifrat dhe të parashikojë masa për efektet e krizës ekonomike botërore, pasi ato po ndjehen në vend me rënien e dërgesave të emigrantëve dhe me rënien e shitjeve në ekonomi. Shtresat që janë në nevojë duhet të jenë në qendër të vëmendjes dhe qeveria duhet të marrë masa, në mënyrë që ato të mos e thellojnë nivelin e tyre të rënduar të gjendjes ekonomike. Përfaqësuesja e Bankës Botërore ishte shumë e prerë, kur tha se ekonomia po ndjen efektet e krizës ekonomike botërore dhe se rritja ekonomike e vendit nuk i kaluar parashikimet që ishin 6%. Gjatë këtij viti që sapo nisi, rritja ekonomike pritet të tkurret dhe përfaqësuesja e Bankës Botërore kërkoi që masat e qeverisë ta kishin në vëmendje këtë gjë.

FMN: Rritja ekonomike për 2008, 6%, për 2009 vështirë të kapë 4%

Gjatë negociatave të miratimit të buxhetit të vitit të tashëm që u zhvilluan në vjeshtën e kaluar, përfaqësuesit e Fondit Monetar Ndërkombëtar thanë se rritja ekonomike e vendit ishte e kërcënuar nga kriza ekonomike botërore dhe se gjatë vitit 2009 ekonomia shqiptare mund t’ia dilte të kishte një rritje të mirë prej 3,5 deri në 4%. Delegacioni i Fondit Monetar Ndërkombëtar i kërkoi qeverisë shqiptare që të ishte e kujdesshme në hartimin e buxhetit dhe të kishte parasysh faktin që ekonomia do të rritej në kufijtë e mësipërm, pra me 3,5 deri në 4%. Kjo gjë duhet të reflektohej në buxhet duke i parashikuar të ardhurat sipas kësaj të dhëne. Në lidhje me rritjen ekonomike të vitit 2008, delegacioni i Fondit Monetar Ndërkombëtar tha se ajo ishte thjesht 6% dhe kjo ishte, sipas tyre, një gjë shumë e mirë dhe brenda parashikimeve, por se ajo nuk mund të ruhej për vitin 2009. Në negociatat për buxhetin e vitit të tashëm delegacioni i Fondit ishte skeptik për nivelin e të ardhurave, por më së shumti i mëshoi idesë së uljes së deficitit si një masë që mund ta ruajë më qartë vendin nga efektet e krizës ekonomike. Më herët në shtator të vitit që kaloi Fondi Monetar Ndërkombëtar nxori një raport për Shqipërinë, ku tha se ekonomia po rritej me 6% dhe se duhej shumë kujdes që kjo rritje të ruhej për shkak të krizës financiare që ishte në nisje. Fondi Monetar Ndërkombëtar shfaqi shqetësim mbi fuqinë në rënie të biznesit për të paguar taksa dhe iu referua të dhënave të administratës së tatimeve, e cila nuk po mund të realizonte planin. FMN tha se parashikimi të ardhurave duhet të bëhej duke e pasur parasysh këtë fakt.

INSTAT: Rritja në tre muajt e verës, 9,9%

Instituti i Statistikave publikoi pak kohë më parë të dhëna për rritjen ekonomike të tremujorit të tretë, në të cilat ekonomia dëshmohej si e rritur me 9,9%. Instituti i Statistikave tha se sektorët ku ishte rritur ekonomia më mirë ishin shërbimet, transporti, industria etj. Të dhënat e Institutit të Statistikave u shoqëruan pak ditë më pas me një publikim tjetër, ku thuhej se shitjet në ekonomi ishin rritur krahasuar me vitin 2007, por ato kishin rënë krahasuar me muajt e kaluar të këtij viti dhe rënia e shitjeve kishte nisur që në verë të vitit që shkoi. Banka e Shqipërisë tha se kredia për ekonominë ishte rritur, por edhe ky zë i rëndësishëm kishte pësuar rënie të lehtë krahasuar me të dhënat e gjashtëmujorit të parë të vitit që kaloi. Të dhënat tregonin se fillimi i vjeshtës kishte përmbysur disa prej treguesve të rëndësishëm të ekonomisë. Edhe dërgesat e emigrantëve u ulën, ndonëse jo në mënyrë të thepisur. Treguesit e ekonomisë që nisën të bien në vjeshtën e vitit të kaluar pritet të bien edhe më gjatë këtij viti, të paktën këtë gjë ka parashikuar Fondi Monetar Ndërkombëtar dhe Banka Botërore.

[white-knight]

Kush pjese e qeverise shqiptare e deklaron kete 9.9%?

Ministria e financave apo Kryeministria?

[Edvin83]

Kush pjese e qeverise shqiptare e deklaron kete 9.9%?

Ministria e financave apo Kryeministria?

Nese INSTAT thote 9.9, atehere ajo merret si shifer zyrtare. INSTAT thjesht ka publikuar shifren e dale nga perpunimi i te dhenave qe ka marre. Nuk ka te vertete absolute!

[white-knight]

Epo ajo eshte nje e dhene 3 mujore dhe jo nje e dhene vjetore...ka nje ndryshim shume te madh ne kete mes.

Specialistet e FMN-se qe jane te prere per kete pune thone 6%.
Ministri i financave thote rreth 7%.
Ndersa INSTAT per nje periudhe 3 mujore dhe jo 1 vjecare sic pretendonte kryeministri,thote 9.9%...

Ke beson ti ne kete mes?

Per vete besoj Ministrine e financave...

[landi45]

haaaaa si ha rrenat ky popull mo po skane faje politikanet po populli qe fle me sy hapur

[^SHIU^]

Rritja ekonomike vjetore eshte 6-7% ndersa ajo e 3-mujorit te fundit ishte 9.9%. Kush nuk e kupton se cila shifer duhet marre me teper ne konsiderate s'duhet te merret me problemet ekonomike. Per 2009 degjova ca qe thane se do jete 10-12%. Pallavra. Ne cilen bote jetoni ju se une jetoj ne kete bote qe po kalon nje krize ekonomike te papare ndonjehere. Te mendosh se shqiperia nu do t ndjeje krizen eshte budallallek. Per 2009 po qe rritja ekonomike po qe deri 4% do ishte pozitive.

[altint71]

Me duket pak si ekzagjerume 9 pike,me krizen boterore dhe Shqiperia e ndjen si kina e uli previzionin e zhvillimit nga 11% ne 7 pik ashtu besoj edhe per Shqiperin.

Por Shqiperia do ndrushoj shum po te siguroj korentin mbare shqiperis e te vazhdoj ndertimin e infrastrukturave si rruget,te lidhi fshatrat dhe malsit me qytetin ku ato mund te shesin prodhimin e ture.

[ardita04]

qe Shqiperia ka nje fare rritje ekonomike jam dakort po se ku po e ndjejne shqiptaret kete nuk e di

[kris3006]

qe Shqiperia ka nje fare rritje ekonomike jam dakort po se ku po e ndjejne shqiptaret kete nuk e di

po ne te ngritur e kemi patur. Me siguri e ndjejme ne vende te gabuara

[Val9]

Nga Express më 17.10.2009 në ora 14:29
Banka Evropiane për Rindërtim dhe Zhvillim (BERZH) pret që Shqipëria të shmangë recesionin. Me rastin e publikimit të parashikimeve për vendet e Evropës Qendrore dhe Lindore për sivjet dhe në mot, BERZH-i thotë se efekti i krizës globale ka qenë modest në Shqipëri, në rend të parë falë një sistemi të shëndoshë bankar dhe ekspozimit të kufizuar të ekonomisë shqiptare ndaj tregjeve ndërkombëtare. Shqipëria do të shënojë rritje më të lartë ekonomike këtë vit sesa që kishte parashikuar në maj të këtij viti.
Ivo Germann, ekonomisti kryesor në BERZH për Radion BBC ka deklaruar se për të gjithë rajonin parashihet rënie minus 6.2 për qind e GDP-së reale, ndërsa në mot rritje 0.7 për qind. Por ka pasur vende edhe me befasi pozitive, si Shqipëria.

“Parashikimi ynë i korrigjuar tani do të jetë për një rritje prej 3 për qind gjatë këtij viti për dallim nga parashikimi i mëparshëm 1-2 për qind. Kjo në rend të parë vjen pasi në dy tremujorët e parë sektori i shërbimeve në veçanti ka shënuar rezultate të mira dhe kjo përfshin edhe shërbimet financiare. Kemi parë se sektori bankar është relativisht i shëndoshë, bankat kanë kapital të konsiderueshëm. Ka ndodhur edhe dyfishimi i huave të pashlyera brenda afatit dhe kjo do të ketë në fund efekt negativ të ofrimit të huave për sektorin real. Në të ardhmen duhet siguruar që deficitet e larta të mos shndërrohen në rritje të konsiderueshme të borxhit të përgjithshëm qeveritar, që tashmë është relativisht i lartë, mbi 50 për qind”, thotë Germann.

Kryekonomisti i BERZH-it pohon se Shqipëria ka gjasë të shmangë recesionin meqë në mot parashihet rritja ekonomike. Nuk do të ketë një ripërtëritje aq të madhe aty ku nuk ka pasur rënie të madhe dhe Shqipëria bie pikërisht në atë kategori.

“Një prej faktorëve me rëndësi që Shqipëria të mund të shmangë rënien në recesion është edhe ekspozimi i saj relativisht i ulët ndaj eksporteve. Shtetet e tjera në rajon janë më të ekspozuara, sepse janë në një mënyrë edhe më të ndërlidhura me ekonomi të tjera”, ka konstatuar ekonomisti kryesor në BERZH.

[Ujku'80]

nga fitorja ne fitorje.....
shqiperia shmang recensionin me rreth 3000 biznesee qe kan falimentuar, dhe me rreth 50% te aktiviteve qe jan ne kriz totale, dhe me nje rritje rreth 5%te varferise se shqiptareve, jemi te papare ....

[Albo]

MOODY's: “Shqipëria përballoi krizën, ekonomi e qëndrueshme”

Pavarësisht problemeve, Shqipëria arriti të përballojë krizën globale ekonomike dhe ekonomia vlerësohet “stabël”. Raporti i fundit i agjencisë së vlerësimit, Moody’s, një ndër tre agjencitë më të mëdha dhe të referueshme të botës, e vlerëson ekonominë shqiptare me notën “B1” dhe me opinionin stabël. Në fakt, vlerësimi është i njëjtë me atë të prillit të këtij viti, por duket se ekonomia shqiptare i ka bërë ballë krizës më mirë se të gjitha vendet e tjera të Ballkanit, që kanë pësuar rënie dhe një vlerësim më negativ. Raporti i Moody’s, shërben si një pasaportë për ekonominë shqiptare dhe si një referencë e fortë e qeverisë për të kërkuar financimin e borxhit dhe kreditë nga institucionet ndërkombëtare. Një vit më parë, pas vlerësimit të Moody’s Shqipëria mori një kredi me kushte tregtare me një vlerë prej rreth 200 milionë euro nga bankat e huaja. Në buxhetin e shtetit, qeveria ka planifikuar, që borxhin e bilancit ta financojë me eurobono. Vlerësimi i Moody’s, sigurisht që do t’i japë më shumë shpresë qeverisë për të marrë këtë borxh. Nga ana tjetër, vlerësimi pozitiv, ose më saktë stabël, i ekonomisë shqiptare, shërben si një garanci për kompanitë e huaja që të shtrijnë investimet e tyre në Shqipëri. Tashmë, që vendet e tjera të rajonit kanë marrë një vlerësim më negative se Shqipëri, i takon qeverisë të dijë të kthejë vendin në qendër të vëmendjes së investitorëve që duan të vijnë në Ballkan. Raporti i 8 dhjetorit, nga Moody’s, sipas Ministrisë së Financave, vjen “në të njëjtën kohë kur mes 6 vendeve të rajonit të Ballkanit 5 prej tyre kanë marrë një vlerësim negativ në krahasim me vitin 2008.”

Raporti i Moody’s
Moody ka një këndvështrim të qëndrueshëm për Shqipërinë. Ekonomia ka përballuar krizën globale shumë mirë: rritja e ekonomisë është ngadalësuar, por vendi ka qëndruar larg recesionit dhe zgjerimi i deficitit buxhetor nuk është i tepërt. Megjithatë, borxhi i qeverisë është i lartë për një vend në këtë nivel.

Çfarë mund të ndryshojë për mirë
Edhe pse qeveria po trajton problemet strukturore të ekonomisë, nevojitet një progres më substancial para se të merret parasysh një përmirësim i vlerësimeve të saj. Qartësia e madhe mbi të drejtat pronësore dhe përmirësimi i efikasitetit në gjyqësor do të jetë i dobishëm, pasi të meta të tilla pengojnë investimet. Më shumë përpjekje kundër korrupsionit do të shihej gjithashtu pozitivisht. Përparimi i mëtejshëm në ofertën e saj për t’u bërë një anëtare e BE-së do të ushtrojë presion mbi ngritjen e vlerësimit të Shqipërisë.
Çfarë mund të ndryshojë për keq
Shqipëria është aktualisht në krye të vlerësimit, siç tregohet nga renditjen tonë të pavarur. Dështimi për të ruajtur ritmin e programit të reformës, si ekonomike dhe institucionale, mund të nxisë rënien e vlerësimit.

Zhvillimet e fundit
Ekonomia është në gjendje të mirë, duke pasur parasysh rënien globale, por parashikimet janë shumë të ndryshueshme. Për shembull, GDP-ja është parashikuar të mos rritet më shumë se 2-5 për qind këtë vit dhe 3-6 për qind në 2010, ndërsa gama e deficitit buxhetor është 4-6 për qind e GDP-së së këtij viti, dhe qeveria parashikon një deficit prej më pak se 4 për qind në vitin 2010. Deri tani, duket se të dhënat e mbështesin përfundimin pozitiv të parashikimit të spektrit, Edhe pse jo atë më optimistin. Megjithatë, edhe parashikimet më pak optimiste janë shumë më të mira se ato në kohën e krizës globale.
Një mbështetje kryesore për vlerësimin e Shqipërisë është perspektiva afatgjatë të anëtarësimit në BE. Zhvillimet e fundit kanë qenë të përziera: BE nuk arriti të heqë kufizimet e vizave për shqiptarët që udhëtojnë në bllokun e 27 vendeve, por mbështeti përgatitjet e tyre të anëtarësimit. Rëndësia e fundit nuk duhet të ekzagjerohet pasi ai është vetëm një vlerësim nga Komisioni Evropian për gatishmërinë e Shqipërisë për të filluar bisedimet e anëtarësimit. Edhe në qoftë se përfundimisht rezulton e suksesshme, Shqipëria nuk ka gjasa të bashkohet me BE-së për të paktën 10 vjet. Por hapat që Shqipëria do të duhet ta marrë në qoftë se dëshiron të bëhet një anëtar, si ato ekonomike, politike dhe institucionale, janë padyshim me vlerësime pozitive.

Analiza e Moody’s

Forcimi i kredisë në Shqipëri
- Përparim i ndjeshëm në zhvillimin e një tregu të bazuar në ekonomi dhe në institucionet demokratike
- Nënshkrimin e Marrëveshjes së Stabilizimit dhe Asociimit me BE-së që jep udhëzime për reforma politike dhe ekonomike
- Një sektor financiar relativisht të shëndoshë, nëse jo themelor, me pak ekspozim të drejtpërdrejtë të krizës globale financiare
(FMN, për shembull, ka tërhequr vëmendjen për përparimin e vendit në reformat strukturore, duke forcuar administrimin e të ardhurave (edhe pse nga një bazë shumë e ulët), programin e tyre pothuajse të përfunduar të privatizimit të plotë dhe përmirësime të mjedisit të biznesit.)

Panorama

[Albo]

Rama: Kriza, vendi drejt kolapsit

E Enjte, 17 Dhjetor 2009

Denis Dedej

Asambleja Kombetare e Partise Socialiste, ka miratuar dje nje rezolute lidhur me ceshtjen ekonomike ne vend dhe qendrimi qe do te mbajne ne te ardhmen. Krahas rezolutes eshte miratuar edhe struktura e re e Keshillit Ekonomik Kombetar te PS, qe do te merret posacerisht e ne menyre sistematike me ekonomine. Pas fjales se mbajtur nga paneli i dhjete eksperteve socialiste, ne fund te diskutimit mbajti fjalen e rastit, kryesocialisti Edi Rama, i cili vleresoi se viti 2010 do te jete viti i shperfaqjes se plote te krizes ekonomike qe ne e kemi paralajmeruar prej kohesh, edhe me me shume kembengulje ne muajt e pare te 2009-es. "Viti 2010 do te jete viti i rikthimit mbrapsht, ne te shkuaren, nderkohe qe vite te tjera kane kaluar pa rritur dot qendrueshmerine e themeleve te nje sistemi politik dhe ekonomik", u shpreh Rama. Sipas tij, praktikisht ka mbaruar nje tjeter cikel i sforcuar rritjeje reale e shifrash te manipuluara, brenda kufijve te nje modeli ekonomik te ndertuar gabim. Ai tha se ka filluar nje renie agresive ekonomike, qe me ndihmen e Zotit, mos qofte me tramundane te medhenj per vendin e sfilitur shume ne te tera drejtimet edhe pa filluar viti i ri i krizes me te rende te ekonomise, pas vitit 1997. Kreu i PS vleresoi se viti 2009 po mbyllet pas disa muajsh te fundit me 0% rritje dhe se fundmi, me shifer negative nen 0% "Kjo nuk eshte nje krize ekonomike e ngjashme me krizen financiare globale dhe s'ka asgje te perbashket me krizen e sistemit te kapitalizmit nderkombetar", theksoi Rama. Me tej ai nenvizoi se kriza shqiptare e ekonomise, eshte kriza e nje kapitalizmi pa demokraci, pa institucione, pa konkurrence te lire e te ndershme, pa sistem qe vlereson meriten dhe talentin e individit, ne kushtet e nje kapitalizmi farefisnor. Kryesocialisti thote se s'ka shprese se ne qeverine e sotme te Shqiperise ka veshe per zerin e forte te arsyes kombetare e qytetare ne kushtet e nje krize te gatuar per arsye deri personale e familjare. "A nuk ju duket se shtesa prej kater vjetesh, qe i beri se fundmi mandateve te tij, te parashikuara deri vone publikisht gjere ne vitin 2021, ngjan si shprehja e pavetedijshme e nje deshire te Sali Berishes, per t'u ndare nga kjo bote i ulur ne karrigen e kryeministrit dhe jo ne ate te te pandehurit, ne mes te Lulit e te Kolit, per nje abuzim qe pa asnje dyshim eshte me i turpshmi ne historine e tranzicionit shqiptar?", deklaroi lideri i opozites. Rama i beri apel kundershtarit te tij politik qe te rizgjedhe sa nuk eshte vone per te gjithe, pasi sic tha ai, ne vend se ta qetesoje klimen e biznesit ai ka zgjedhur ta acaroje ate krejt artificialisht. "Shkurt kjo krize nuk mund te mbaroje pa larguar Sali Berishen nga detyra qe shperdoron prej kohesh, duke u faturuar padrejtesisht shqiptareve cmimin e paperballueshem te Viti te Ri 2010", perfundoi fjalen e tij, kreu i PS. Ne mbledhjen e Asamblese Kombetare ishin te pranishem edhe deputetet e LMN-se, Ben Blushi, Arben Malaj dhe Marko Bello.



DISA NGA PIKAT E REZOLUTES SE PS

NE FUSHEN E POLITIKAVE FISKALE

Te rishikohet Buxheti i vitit 2010, qe eshte mbeshtetur kuturu ne nje rritje ekonomike fiktive te supozuar me 6.5%. Kjo rritje jo realiste perben nje kercenim te hapur per stabilitetin makroekonomik dhe e ben objektivin mbi te cilin ngrihet e gjithe ngrehina e Buxhetit te vitit 2010 absolutisht te parealizueshem dhe vete buxhetin teresisht te kompromentuar qe ne leter;

Te qetesohet klima e acaruar artificialisht e biznesit per qellime te mirefillta politike dhe te rivendoset menjehere dialogu me komunitetin e biznesit, per ta bere ate pjese integrale te masave te perballimit te krizes;

Te realizohet nje ulje e perkohshme 12 - 18 mujore e taksave mbi biznesin e rrezikuar nga kriza per te stimuluar aktivitetin e sipermarresve si motori me i shpejte ekonomik i vendit.

NE FUSHEN E POLITIKAVE MONETARE

Banka e Shqiperise te vleresoje mundesite per nje ulje te shpejte te normes te interesit;

Banka e Shqiperise te vleresoje mundesi te tjera per politika qe lehtesojne shkrirjen e likuiditetit

Banka e Shqiperise nepermjet politikave te saj dhe bashkepunimit me qeverine dhe nderkombetaret duhet te mbeshtese monedhen vendase duke parandaluar, ndaluar spekulimet me synim rikuperimin nga renia drastike e vleres se lekut.

MALAJ: "Viti 2010, perkeqesim ekonomik"

"Aktiviteti ekonomik ne renie. Me pak importe me pak eksporte. Tetori 2009 rreth 21% me pak se Tetori 2008. Eshte rritur paraja jashte banke me rreth 21 %. Rritje e kostos se parase per financim te ekonomise dhe biznesit. Rritje te kostos se borxhit qeveritar. Ne dy vite 280 milion dollare me shume. Rritje e kostove psikologjike mbi konsumatorin dhe investitoret. Me pak konsum dhe investime, me pak rritje ekonomike, me shume papunesi dhe varferi. Me pak te ardhura ne buxhet - me shume risk per deficitin dhe borxhin publik".

E.MEKSI: "Renia e lekut varferon shqiptaret"

"Zhvleresimi i lekut mund te kete efekte negative edhe ne oferten agregate, pasi rrit cmimin e inputeve te importuara ne ekonomi dhe ka efekt ne cmimet finale te produkteve dhe sherbimeve, duke i bere ato me te shtrenjta, sic po ndodh kohet e fundit. Nderkohe buxheti 2010 me gjithe zhvleresimin galopant, parashikon vleren e kembimit 1 euro me 130 lek, qe tregon perseri papergjegjshmerine ne parashikim. Zhvleresimi eshte nje takse e fshehte qe me rritjen e cmimeve, po e paguajne shqiptaret duke rritur te ardhurat per buxhetin e shtetit".

SHALSI:"Trojet publike, Familja i privatizon"

"Trojet publike te dhena me qera per fshatra turistike jo te banueshem ne Golem e gjetke, privatizohen familjaret e nga klientet e Pushtetit te Familjes, qe lufton "mafian" e trojeve publike ne opozite. Dhendri i Familjes ne Pushtet behet menaxher i projektit te bregdetit. Mbi bregdet leshohen sekseret e oborrit te Familjes. Nis operacioni spastrimi i Jales. Shtrohen rruge "ne drejtim te paditur". Blihen toka nga Vajza e Pushtetit ne Gjirin e Lalzit. Shtrohet nje rruge e gjere me fondet e Pushtetit te Vajzes. Pastaj del nje leje per nje sterfshat turistik".

BEQJA:"Shqiptaret, shume nen minimumin jetik"

"Bazuar ne sa me siper mund te themi se cdo familje qe ka te ardhura me te vogla se 23.200 leke ne muaj jeton nen minimumin jetik. Nje menyre me reale per te matur varferine eshte vleresimi relativ. E varfer ne boten e sotme moderne quhet ajo familje qe ka te ardhura me te uleta se gjysma e te ardhurave mesatare te vendit. Nese nje familje mesatare shpenzon ne muaj 59.700 leke atehere cdo familje qe ka te ardhura nen 29,870 leke duhet konsideruar e varfer. 90 mije familje - ndihme ekonomike, plotesojne vetem 6.3 per qind te nevojave".

DEDA:"Shendetesia, fondet me te uleta ne Evrope"

"Vazhdojme te kemi shpenzimet me te uleta ne Evrope per shendetesine ( flitet 3.2 e GDP). Sot kemi nje sistem ku me miliona leke i jane dedikuar kartes se pacientit dhe ajo akoma nuk ekziston. Nje sistem qe nuk ka mekanizma konkrete te kontrollit te shpenzimeve ku abuzohet me fondet nga drejtuesit e radhes. Sistemi teresisht i ri i predikuar ne programin e qeverise eshte katandisur ne sistemin e tarifave ku cmimet variojne nga 1000 mije leke deri ne 3000 leke. Sot kemi nje sistem ku shteti kerkon para ne".

KJ

[Albo]

Bode: Rama tenton destabilizimin e ekonomise

E Enjte, 17 Dhjetor 2009

"Per gjate gjithe vitit 2009 Rama dhe emisaret e tij te deshtuar, u perpoqen te krijojne ne opinionin publik ndjesine e nje krize te thelle ne ekonomine shqiptare. Ata u perpoqen qe ta destabilizojne sistemin financiar duke ngritur parullat e falimentimit te sistemit bankar dhe te pasigurise se depozitave", iu pergjigj dje ministri i Financave, Ridvan Bode nje deklarate te kryetarit te PS, Edi Rama. Pasi deshtuan ne perpjekjet e tyre gjithe vjetore me rastin e Vitit te Ri, edhe nje here Rama dhe shpura e tij shfaqen para shqiptareve me modelin e gogolit, tha Bode. Sipas tij e verteta e zhvillimeve ekonomike ne Shqiperi, tashme eshte e njohur dhe e bere publike, jo vetem nga qeveria por edhe nga institucionet nderkombetare financiare qe kane asistuar dhe asistojne ne Shqiperi. Bode tha se jane disa raporte te njepasnjeshme te emetuara nga Fondi Monetar Nderkombetar, nga Banka Boterore dhe Agjencite e saj, nga Banka Evropiane per Rindertim dhe Zhvillim, nga Komisioni Evropian, te cilat sanksionojne se ekonomia shqiptare ishte nder te paktat ekonomi evropiane qe qendroi jashte vorbulles se krizes me te thelle ekonomike qe ka njohur bota qe nga vitet '30. Kreu i Financave saktesoi se te gjitha keto raporte konfirmojne nje rritje ekonomike per ekonomine shqiptare gjate vitit 2009, e vleresuar me nuanca nga variantet me pesimiste drejt atyre me optimiste qe shkojne nga 2-5% rritje per gjate vitit 2009. Bode tha se nga 1 korriku te vitit 2010 do te kemi rritje te pagave dhe pensioneve. Ne rritem masen e shperblimit per nje sere kategorish qe mbulohen nga programe asistencialiste. Nga ana e qeverise ne muajin prill-maj te ketij viti, ne mundesuam rritjen e qenesishme te shperblimeve per nje sere kategorish qe kane te bejne me invaliditetin, me kategori te tjera qe perfitojne prej ketyre skemave me nje vlere vjetore prej 25 milione dollare, shtoi ai.

PS: Ministri i piramidave, serish genjen

Partia Socialiste reagoi dje per deklaraten e ministrit te Financave, Ritvan Bode, duke i kerkuar qe te lere demagogjite e vitit 1996. Permes nje komunikimi per mediat, nensekretari per Programin, Ervin Bushati, njeriu qe ndryshe nga cfare kishte premtuar, rriti cmimin e energjise, flet per te paqena, per rritje ekonomike dhe standarde, qe mund te jene te verteta per familjen dhe ministrat e oborrit, por jo per shqiptaret e thjeshte. "Ku e gjen kurajen ministri i piramidave te '96, per te dale e per te genjyer serish shqiptaret, 13 vjet me pas", u shpreh Bushati.

KJ

[davidd]

Buxheti i shtetit është në ditët e tij më të vështira prej vitesh për shkak të mosrealizimit të të ardhurave muaj pas muaji. Më anë tjetër shpenzimet kanë qenë të larta dhe kjo e ka bërë gjendjen shumë të vështirë.
Të dhëna zyrtare të administratës së tatimeve dhe doganave bëjnë të ditur se edhe muaji nëntor qe një muaj i keq dhe se të ardhurat nuk u realizuan përsëri, ndonëse në fund të verës qeveria ndryshoi buxhetin dhe uli planin e të ardhurave.
Gjatë gjithë këtij viti të ardhurat kanë pasur mosrealizim në çdo muaj dhe shuma e mosrealizimit për të gjithë nëntë muajt deri në nëntor është 22 miliardë lekë ose më shumë se 220 milionë dollarë. Kjo është një shifër shumë e lartë dhe qeveria shqiptare e ka shumë të vështirë, në mos të pamundur, ta mbulojë atë, dhe kjo gjë po reflektohet tashmë në buxhetin e shtetit kur arka ka mbetur bosh.
Të dhënat tregojnë se rënia e biznesit ka qenë e madhe këtë vit dhe potenciali i tij për të paguar taksa ka rënë në mënyrë të vrazhdë. E gjithë kjo situatë e rënduar është krejtësisht pasojë e planifikimit joserioz të qeverisë, e cila nuk mori parasysh rënien ekonomike në vend dhe kreu shpenzime të mëdha duke qenë se ishte edhe një vit zgjedhjesh.
Shfrytëzimi pa kriter i mundësisë për të përdorur sa më shumë para të buxhetit për të financuar investimet në rrugë dhe vepra të tjera për shkak të fushatës është e vetmja arsye. Në fund të verës së vitit të kaluar FMN-ja tha se qeveria duhet të ulë nivelin e parashikuar të të ardhurave pasi ekonomia po hyn në një fazë ngadalësimi dhe biznesi nuk do të ketë mundësi të përballojë këtë kërkesë të qeverisë. Qeveria e cilësoi si skepticizëm të zakonshëm të FMN-së qëndrimin saj, siç edhe po bën aktualisht me parashikimet për vitin që vjen.
Ngadalësimi i ekonomisë është aq i rrokshëm sa të ardhurat për këtë vit nuk kanë mundur as të arrijnë vitin e vjetshëm, por janë me 0,1 përqind më të ulëta. Në këtë ulje kaq të madhe të të ardhurave ka ndikuar, por jo në nivel përcaktues, edhe rënia e disa çmimeve të disa artikujve si karburantet, por qeveria duhet të merrte në konsideratë edhe këtë gjë. Shpenzimet e larta, rreth 17 përqind më shumë se sa të ardhurat, po vënë në vështirësi deri edhe pagesat e punonjësve shtetërorë. Për herë të parë qeveria po pranon vështirësitë e buxhetit duke dhënë vetëm gjysmën e shpërblimit të viteve të kaluara për pensionistët. Edhe kategori të tjera të përfituesve të pagave apo pensioneve po hasin vështirësi në marrjen e tyre. Shërbimi social nuk po mundet të paguajë invalidët në disa rrethe. Viti që vjen nuk shihet si shpëtim pasi edhe aty pritet të jenë këto probleme dhe sidomos në një kohë kur sërish qeveria ka parashikuar në nivele të lata mbledhjen e të ardhurave, e cila siç u tha ka prirje rënëse.
Tema 18/12/2009

[Albo]

BERZH: Rritja ekonomike për 2009 do jetë 3 për qind. Ja strategjia

Bordi i Bankës Evropiane për Rikonstruktim dhe Zhvillim, në një njoftim për shtyp, ka bërë publike strategjinë e re të investimeve në Shqipëri, duke analizuar edhe situatën aktuale në vend. Sipas BERZH politikat e shëndosha ekonomike, investimet e huaja në vazhdimësi, por edhe ekspozimi i kufizuar i Shqipërisë në tregjet globale ka ndihmuar në zbutjen e ndikimeve negative të krizës financiare botërore. “Edhe pse u pa një rënie e eksporteve dhe ulje të remitancave, ekonomia shqiptare vazhdon të regjistrojë një dinamikë pozitive, edhe pse në një nivel të ulët. Shqipëria pritet që të arrijë një rritje prej 3% në vitin 2009 dhe një tjetër rritje me 1.5% në vitin 2010”, thuhet në njoftimin e Bordit. Duke u kthyer tek strategjia e re, kjo e fundit nënvizon progresin e arritur nga Shqipëria në vitet e fundit përmes politikave të reformave, të cilat kanë ndihmuar në përmirësimin mbi të gjitha të klimës së biznesit në vend dhe që ka dhënë një shtysë në përafrimin e vendit drejt Bashkimit Evropian. Përsa i përket planeve konkrete Bordi i Bankës Europiane për Rikonstruksion dhe Zhvillim ka caktuar pikat kyçe, ku do të përqendrohet mbështetja siç janë forcimi i institucioneve të shtetit, përmirësimit i mëtejshëm i klimës së investimeve në vend, vazhdimi i investimeve në infrastrukturë dhe sigurimi i zhvillimit të sistemit bankar. “Banka Evropiane për Rikonstruktim dhe Zhvillim do të mbështesë investime të mëtejshme në infrastrukturë, energji, projekte rajonale, duke inkurajuar qeverinë në ndjekje të partneritetit të mëtejshëm publik-privat dhe koncesioneve, në mënyrë që të tërhiqet kapitali privat”, thuhet në njoftim. Një tjetër prioritet i Bankës do të jetë edhe mbështetja e zhvillimit të sektorit korporativ duke ju dhënë hua të drejtpërdrejtë kompanive apo duke ju krijuar lehtësi atyre. Që nga fillimi i aktivitetit të saj në Shqipëri BERZH ka investuar 545 milionë euro në një sërë sektorësh të ekonomisë nga të cilat 55 milionë euro gjatë këtij viti. Me një sërë projektesh të rëndësishme para, BERZH do të rrisë volumin e biznesit në Shqipëri në vitin 2010.

Panorama

[Albo]

BERZH: Shqiperia, rritje me 3.9 %

E Diele, 24 Janar 2010

Shqiperia do te vazhdoje te kete nje rritje ekonomike edhe ne vitin 2011 qe do te arrije ne 3.9 %. Keshtu ka parashikuar Banka Evropiane per Rindertim dhe Zhvillim, ne raportin e saj te rifreskuar mbi rritjen ekonomike te Evropes Lindore dhe ish republikave sovjetike. Ne raportin e cituar edhe nga prestigjiozja Eall Street Jornal, Shqiperia permendet si nje nga performueset me te mira ekonomike te rajonit te Evropes Juglindore dhe nje nga vendet me nje sistem te shendoshe bankar. Ne parashikimet e saj BERZH shpjegon se per vitin 2009, rritja e prodhimit te brendshem bruto ne vend ishte 4.3 per qind, nderkohe qe rajoni i Evropes Juglindore pati nje renie mesatare prej 5.4 per qind.. Per vitin 2010 Banka Evropiane per Rindertim dhe Zhvillim thote se rritja ekonomike do te jete ne 2% nder tre me te mirat ne rajonin e Evropes Juglindore nderkohe qe mesatarja e tij eshte 1.2 per qind. Per sa i perket 30 vendeve te tjera te grafikes se BERZH, te cilat jane goditur nga kriza ekonomike paralajmerimi eshte I qarte, rimekembja do te mbetet e brishte dhe do te varioje ne baze te sfidave rajonale. Vetem pak dite me pare ne raportin vjetor per parashikimin ekonomik te globit, Banka Boterore tha se ne vitin 2010 Shqiperia do te kete nje rritje ekonomike nje nga me te lartat ne rajon.

Ndwrkohw tw njejtin parashikim ka bwrw dhe Banka Botwrore, e ka paralajmeruar se rritja ekonomike e Shqiperise wshtw mw e larta ne rajon. Me veshtiresi, por bota me ne fund po del nga kriza financiare. Ne raportin vjetor per parashikimin ekonomik te globit, Banka Boterore ka thwnw se kete vit bota do te kete nje rritje ekonomike ne masen 2.7 per qind. Megjithate sipas bankes kjo rritje do te jete me e ulet nga fundi i vitit kur te filloje te zbehet efekti i masave stimuluese qe kane marre qeverite ne vende te ndryshme. Persa i perket Shqiperise raporti i Bankes parashikon se ne vitin 2010 do te kete nje rritje ekonomike prej 3 per qind, nje nga me te lartat ne rajon. Banka Boterore veren se nje prej shteteve qe ka nisur vrapin drejt rimekembjes eshte Kina. Ekonomia e saj eshte rikthyer ne ritmet e rritjes dyshifrore duke arritur nivelin e 10.7 perqindeshit. Kjo do te thote se ekonomia kineze ia ka kaluar asaj te Japonise dhe eshte e dyta ne bote pas ekonomise amerikane. Para nje viti ekzistonte shqetesimi se rritja ekonomike ne Kine do te ishte shume e dobet, ndersa tani ka shqetesim se ritmet e rritjes ekonomike mund te forcohen me shume se c'duhet.

Skema e re e pensioneve, hyn ne fuqi ligji

Ka hyre ne fuqi ligji qe lejon aktivitetin privat per mbledhjen e kontributeve te sigurimeve shoqerore per efekt te pensionit. Por ende Agjencia Shteterore e Mbikeqyrjes Financiare nuk ka licencuar kompanite qe mund te ushtrojne kete aktivitet. Cdo individ i punesuar apo edhe vete punedhenesi do te zgjedhin vete kompanine private te pensionit dhe do te percaktojne vete masen e kontributit qe do te derdhin. Sipas Enkeleda Shehit keto kompani private do te jene nen mbikeqyrjen e vazhdueshme te Agjencise se Mbikeqyrjes se Financave, duke garantuar per sigurine e tyre.

KJ

[OPARI]

ne shqiperi nuk punon asnje institucion pa ndikimin nga politika
nga ka ardhe kjo ngritje dhe spo e marrim vesh ,vend qe s'prodhon asgje vetem importon ,dhe na paska rritje ekonomike
ishalla qofte keshtu se do na zere te kthehemi mbrapa te punojme ne shqiperi me keto ritme qe po ecen vendi