Daut Demaku

[Dar_di]

Daut Demaku - Ti je mirësia, mirëkuptimi dhe bashkndjenja. Ti je paqeja, lumturia dhe drita. Ti je falja dhe durimi, fuqia dhe guximi, ti je ndihmëtari në kohë të vështira, ti je ngushëlluesi në ditë të mërzisë, ti je shëruesi në ditë të dhimbjes. TI TI TI – dhe ti vazhdon të mos e duash veten??? Kujtoja vetes se cfarë MREKULLIE je TI.

[Dar_di]

Daut Demaku - Në mendjen e asnjë njeriu nuk lindë dëshira pa ekzistuar kushtet dhe mundësitë reale që ajo dëshirë të plotësohet. Vetëm kur të jenë krijuar kushtet e jashtme dhe të brendshme për realizimin e një dëshire, atëherë, ajo dëshirë del në sipërfaqe. Duhet ditur edhe faktin tjetër se dëshira është sikur ylberi: në qoftë se këmbëngulë që ta zësh ylberin do të djersitesh kot, sepse ti del në kodër, ylberi ikë në tjetrën.

[Dar_di]

Daut Demaku - A ekziston terri? Dritën e prodhojnë dielli, zjarri, ENERGJIA. Kush e prodhon terrin? Një mijë vjet le të jetë një dhomë në terr, asnjë shtresë nuk krijohet. Një dhomë dhjetë vjet e papastruar, shtresat e pluhurit bëhen të dukshme. Pluhuri ekziston dhe krijon shtresa. Terri nuk ekziston dhe nuk krijon shtresa.Pra, terri është vetëm MUNGESË e dritës. T’i ndezim DRITAT E MENDJES dhe jeta do të jetë shumë e këndshme.

[Dar_di]

Daut Demaku - E keni vërejtur se mendja e njeriut punon 24 orë, pandërprerje? Thjesht për shkak se njeriu kur punon, kur ecë, kur flet...të gjitha i bënë me mendje! Kur trupi lodhet, pushon në gjumë. E mendja? Edhe gjatë gjumit punon: ëndërron! Mekanizmi mendje është gjithnjë në veprim, harxhon shumë energji... PUSHIMI i mendjes bëhet vetëm gjatë MEDITIMIT. Meditimi ndihmon shëndetin dhe bukurinë fizike, kreativitetin, suksesin...

[Dar_di]

Daut Demaku - Ata që jetën e marrin si lojë, ata janë të lehtë, të hareshëm, të kënaqur. Në këtë gjendje – pikërisht lirëshmëria (jeta lojë) – është e krahasueshme me shtëpinë që i ka dyer e dritare të hapura... Në këtë shtëpi hyn dielli dhe ajri i pastër... Pokështu ndodhë me njerëzit e lirëshëm: shndërrohen në magnet tërheqës që thithë të gjitha të mirat e universit... Meditimi është shërues dhe ndërtues!

[Dar_di]

Daut Demaku - Kombi ynë rrethohet me urrejtje të fqinjëve, sepse ata e dinë fuqinë tonë, por, o, Zot, na vetë nuk i besojmë fuqisë tonë shpirtërore. Një pyetje për ju: a ju ka ndodhë ta xhelozoni – QYQANIN? Kurrë. Ndaj mjerakut ndjehet dhembje e mëshirë, kurse ai që është më i mençur, më i zoti, më i fuqishëm se ti – eh, ndaj tij krijohet urrejtja e xhelozia deri në fobinë për ta zhdukur – sepse ËSHTË MË I MIRË SE TI.

[Dar_di]

Daut Demaku - Njeriu është magnet i fuqishëm. Por ky magnet tërheq të mirat vetëm kur gjendet në gjendje të harmonisë, të haresë, të alegrisë, të dashurisë ndaj njerëzve dhe jetës. Kur të shtrëngon hidhërimi, trishtimi, urrejtja, refuzimi, xhelozia... – dyer e dritare të qenies së quajtur njeri – janë të mbyllura dhe e mira nuk hyn brenda.

[Dar_di]

Daut Demaku - Njeriu që nuk e do veten e vet, kur i mungon dashuria ndaj qenies së tij, ai nuk e do familjen e vet, lagjen, qytetin, kombin... Të gjithë të afërmit e tij janë vazhdues të qenësisë së tij, të gjithë i urren, sepse e ka në thellësi urrejtjen ndaj vetvetes. Ai i do vetëm të huajt, sepse ata nuk janë vazhdues të qenësisë së tij. Ky tip i njeriut nuk i duhet askujt. Të gjithë e urrejnë praninë e tij.

[Dar_di]

Daut Demaku - Beteja më e rëndë që do ta luftosh është beteja për të qenë vetja jote. Njeriu që nuk rrezikon asgjë, nuk arrinë asgjë. Ai/ajo mund t’i shmanget vuajtjes por thjeshtë ai/ajo nuk do të mësojë kurrë, nuk do ndjej, nuk do të ndryshojë, nuk do të rritet, nuk do të dashuroj, nuk do të jetoj. Ai/ajo e imiton lirinë. Sepse ve...tëm njeriu që rrezikon është I lirë. Nuk mjafton të jetosh. Duhet të jetosh për diçka.

[Dar_di]

Daut Demaku - Ai që e do vetveten, që është në paqe me veten e vet, ai e do familjen, rrethin e ngushtë e të gjerë, kombin dhe – tërë njerëzimin. Ai që është në paqe me veten e vet, ai është njeri i qetë, pranues, bashkëpunues, krijues...shumë i dashur dhe shumë i dobishëm. Ky tip i njeriut i duhet gjithkujt, të gjithë e duan dhe të gjithë e dëshirojnë praninë e tij.

[Dar_di]

Daut Demaku - Vdekja na mëson – nëse dijmë ta dëgjojmë – se koha është TANI. Është koha që ta marrim në telefon njeriun e zemrës. Vdekja na e mëson lumturinë e momentit. Na mëson se „përgjithmonë“ nuk ekziston. Na mëson se asgjë nuk është e përhershme. Na mëson të heqim dorë nga pritja. Vdekja të thot JETO TANI. Dhurata e Zotit për ty është JETA, dhurata jote për Zotin është se TI e JETON atë.

[Dar_di]

Daut Demaku - Qe sa nuk ke thënë: Të falënderoj, Zot, për dritën e syve, për mendjen, për zemrën…për të gjitha këto të mira që m’i ke dhënë? Për këtë dhuratë të shtrenjtë falënderohu orë e çast dhe prit, se falënderimi të kthehet si lumturi e përkryer. Sa herë në ditë ke shqiptuar lutjet: ”O Zot, më jep këtë e atë, më ndihmo këtu e ...atje…” dhe mendo mirë: a ke ditur që një herë, vetëm një herë në ditë të shqiptosh falënderimin?

[Dar_di]

Daut Demaku - Kush je ti?, pse ke ardhur në jetë? Mos ke ndonjë detyrë? Mos ke ndonjë borxh? Mos duhet të bësh diçka të mirë për veten tënde, për familjen, për kombin, për njerëzimin? Asgjë në botë nuk ndodh rastsisht, as lindja e njeriut. Secili njeri vjen në jetë me një detyrë: ta rrisë një fëmijë, ta ndërtojë një shtëpi, ta shkruajë një libër, ta mbjellë një pemë, të ngrejë diçka në art, të mbjellë një lule, ta thotë një lutje.

[Dar_di]

Daut Demaku - MIRËSIA ËSHTË ÇELËSI UNIVERSAL PËR TË GJITHA DYERT E JETËS. Të marrim shembull kafshët e egra: ato janë të ndjeshme ndaj dashurisë dhe të gjithë zbutësit e tyre aplikojnë pikërisht dashurinë që t’i bëjnë të dëgjueshme e të fisnikëruara. Të lus të mendosh: nëse njeriu po arrinë të mirret vesh me egërsirat duke përdorur ëmbëlsinë, butësinë e dashurinë, përse të mos mirret vesh njeriu me njeriun me të njëjtat mjete?

[Dar_di]

Daut Demaku - Pse mërziten njerëzit? Mërzia shkaktohet në qenësinë e njeriut kur individi nuk bën punën që e do. Të punosh punën që e do, do të thotë të mos punosh kurrë - ajo nuk është më punë, por KËNAQËSI. Njerëzit bëjnë punën që nuk e duan për shkak se nuk arrijnë ta njohin PRIRJEN, TALENTIN E TYRE TË PARË. Në maje të piramides është prirja e parë, nën të pasojnë prirjet më të largëta, që të gjitha shkaktojnë mërzi e nervozë.

[Dar_di]

ZEMËRIMI I PËRMBAJTUR ËSHTË SËMUNDJE

“Zemërimi është mekanizëm mbrojtës. Mbrohemi për shkak se jemi të frikësuar”, L. Hej.

Daut Demaku

Vrasësi më tinzak, më i rrezikshëm dhe më i padukshëm, është zemërimi. Kjo energji e natyrshme në qenien tonë, për ilustrim që të qartësohet më mirë, mund të krahasohet me rrymën elektrike. Të gjithë e dimë se rryma elektrike është e domsodoshme, madje në botën moderne gati se pa rrymë nuk mund të ketë as jetë. Rryma, është e ditur, përdoret për gjithçka: për dritë, transport, ngrohje-ftohje, telekomunikim, për të gjitha aparatet, për të gjitha makinat prodhuese, për të gjithë kompjuterët e robotët... thjesht si të thuash për gjithçka. Por, në qoftë se ndaj kësaj mrekullie të quajtur rrymë e bëjmë VETËM një gabim: prekim telat e xhveshur të rrymës, ajo të bën shkrum e hi brenda një çasti.

E njëjta gjë ndodhë edhe me zemërimin. Në qoftë se do të dimë ta përdorim këtë energji të natyrshme, valët e zemërimit do të kalojnë nëpër ne pa asnjë shënjë e asnjë pasojë. Por, në qoftë se nuk e njohim këtë energji, sidomos në qoftë se nuk i njohim pasojat e saj, atëherë rrënimet shkatërrimtare që mund t’i krijojë zemërimi, për një periudhë bukur të gjatë kohore, nuk do të mund të riparohen.

Do t’iu referohem autorëve të literaturës inspirative që qartësojnë dy momente shumë të rëndësishme për jetën. E para: ç’është zemërimi dhe si duhet të lirohemi prej tij. E dyta: qysh mund të ndërrohet kahja e mendimeve që të jemi vërtet të qetë dhe të lumtur?

SI TË SILLEMI NDAJ ZEMËRIMIT?

Zemërimi – thotë literatura – është proces normal dhe i natyrshëm. Më së shpeshti zemërohemi për shkak të gjërave të NJËJTA.Kur jemi të zemëruem, ndjejmë se nuk kemi të drejtë ta shprehim zemërimin tonë dhe, prandaj,, e PËRMBAJMË. Ky zemërim i përmbajtur rëndom grumbullohet në pjesë të caktuara të trupit dhe manifestohet si SËMUNDJE. Zemërimi me vite grumbullohet në të njëjtin vend. Për këtë arsye, me qëllim të shërimit, është e domodoshme t’i SHPREHIM ndjenjat tona. Në qoftë se nuk mund t’ia thoni drejt në sy personit që iu ka zemëruar, ndaluni para pasqyrës dhe filloni t’ia thoni sikur pasqyra të ishte personi që iu ka zemëruar. I thoni: jam (i,e) hidhëruar në ty”. “Më ke lënduar” e të tjera të kësaj natyre dhe vazhdoni kështu derisa të liroheni plotësisht nga zemërimi. Pastaj merrni frymë thellë, shikojeni veten në pasqyrë dhe pyetne veten: “Çka ishte ajo që shkaktoi zemërimin e këtillë në mua?” Sikur të arrinim ta ndryshonim sistemin tonë të BINDJEVE, i cili e ka shkaktuar këtë sjellje, atëherë ne kurrë nuk do të kishim nevojë të zemërohemi.

NDËRRONIE KAHJEN E MENDIMEVE


Mund të humbim kohë duke u marrë me gabimet tona,duke menduar për pavlefshmërinë tonë, ose të mendojmë për ngjarje të gëzuara. Mendimet e hareshme dhe të gëzuara dhe dashuria ndaj vetes – janë rruga më e shkurtë për krijimin e jetës së lumtur. Prandaj thuani kështu: “Në pafundësinë e jetës në të cilën gjendem çdo gjë është ë tërë, e plotë dhe e përkryer. Gëzohem që e di se jam NJË me fuqinë që na ka krijuar. Ajo fuqi i do të gjithë që i ka krijuar, prandaj më do dhe mua. Unë jam fëmijë i dashur i universit dhe më është dhënë çdo gjë. Ne jemi forma më e lartë e jetës në këtë planet dhe jemi të paisur me të gjitha që na duhen. Mendjet tona janë në lidhje të përhershme me mendjen e pakufishme, kemi mençurinë dhe dijen e tërësishme. Me BESIM krijojë për vete vetëm atë që është për të mirën dhe harenë time dhe atë që është e përkryer për rritën shpirtërore dhe për evolucionin tim. E dua këtë që jam. Më gëzon hapësira e pakufishme dhe e di që para meje shtrihen hapësira dhe mundësi të pakufishme në të gjitha pikëpamjet. E di që në çdo moment mund ta formësoj dhe riformësoj personalitetin tim, madje edhe trupin tim që të mund t’i shpreh potencialet e mia. Plotësisht i besoj Fuqisë unike dhe e di që në botën time çdo gjë është ashtu siç duhet të jetë...”

Këto dy mundësi janë vetëm dy pikla uji në oqeanin e mundësive për ndryshimin dhe vetëdijësimin tonë. Por e vlejnë t’i përdorim dhe të analizojmë pastaj veten tonë: si po ndihemi?

[Dar_di]

Daut Demaku - Në qoftë se flet e mendon në dje, me dorën tënde ia vë vetes përpara hirin e ditës së djegur dhe e ndot frymëmarrjen tënde. Nesër është NDOSHTA. Kush e di ajo "nesër" a do të vijë, qysh do të vijë dhe cilat do të jenë dëshirat tona për atë "nesër"? "Nesër" – thonë të urtit - është ditë e mrekullueshme për fëmijët dhe ëndërrimtarët.

[Dar_di]

Daut Demaku - Secili njeri jetën e ka dhuratë. Pas dhuratës kryesore është edhe një dhuratë shumë e shtrenjtë: TALENTI I PARË I NJERIUT. Secili njeri në këtë planet e ka një prirje, një talent që një punë di e mund ta bëjë më mirë se të gjithë të tjerët. Zbulimi i këtij talenti është shumë i vështirë, sepse është një impuls i dobët, tepër i dobët në pleksusin solar, që vetëm më të kujdesshmit mund ta lexojnë.

[Dar_di]

Daut Demaku - Më të mençurit e botës, që kanë njohur talentin e tyre të parë, si Shekspiri, Njutni, Ajnshtajni, Rokfeleri, Edfisoni e të tjerë e kanë ditur SEKRETIN që gjendet në secilin njeri në këtë planet. Ai sekret thotë: njeriu është magnet që tërheq të mirën, por edhe që TËRHIQET nga e mira. Të tërhiqesh nga e mira do të thotë: ta dëgjosh zërin e zemrës sate... (impulsin e dobët të pleksusit solar!)

[Shpend Hajdari]

Fama, thonë latinët, zgjat sa flaka e një fijeje kashtë.

Gëzimi, kur ndahet, është gëzim i dyfishtë... Dy zemra të gëzuara pushtojnë edhe malet.

Kur të ndeshen mendimet e dy njerëzve të mençur – lind bukuria, sepse: ndeshja e dy ngjyrave të bukura – prodhon ngjyra të reja.

Sëmundja e vetme në botë, së cilës kurrë nuk do t’i gjendet bar për shërim, është - marrëzia.

Akuza është ferr. Ai që akuzon, një ditë do të jetë i akuzuar, sepse akuzën e ka mbjellë si farë të zgjedhur për vete.

Japonezët thonë: me gjeneralin e fortë nuk ka ushtarë të dobët, e si mund të ketë mendime negative me vetëdije të lartë?