Takimi sekret Meta-Rama: Kryesia e PS e pakënaqur me Ramën

[ramaik]

Meta: Rama kërkon të bëjë pazar për Presidentin dhe Kryeprokurorin

Kryetari i Lëvizjes Socialiste për Integrim, Ilir Meta tha dje se kreu i PS-së, Edi Rama kërkon të marrë Presidentin, kryeprokuroren dhe kryetarët e gjykatave si kusht për t'i dhënë fund bojkotit të Parlamentit.

Gjatë një turi takimesh me anëtarët e forcës së tij politike në Pogradec dhe Korçë, ai tha se krerët e institucioneve të pavarura do të zgjidhen sipas Kushtetutës. "Është krejtësisht e pajustifikuar dhe e pamoralshme, absolutisht që të jenë të sigurt nuk do t'u japin, as Presidentin, as kryeprokuroren, as kryetarët e gjykatave që i kërkojnë si pazar për të mbyllur një krizë që e kanë sajuar vetë, sepse kriza nuk ekziston. Kriza është thjesht çoroditja e tyre", theksoi kreu i LSI-së.

Sipas ministrit të Jashtëm, njëherësh zv.kryeministër i vendit, për të gjitha çështjet, përfshi edhe mandatet e deputetëve do të zbatohet ligji themeltar i shtetit. "Shqipëria ka një Kushtetutë dhe ajo duhet të zbatohet edhe për mandatet e deputeteve edhe për pretendimet që kanë pasur të bëjnë. Është respektuar Kushtetuta dhe janë konsumuar të gjitha mjetet ligjore. Dialogu është gjithnjë i mirëpritur, por ai është refuzuar vetëm nga një person dhe kjo është çështje e tyre. Për të gjitha çështjet e tjera do të zbatohet Kushtetuta", u shpreh më tej Meta.

Sipas kreut të diplomacisë shqiptare, "bojkoti është një turp për ata që e bëjnë, por edhe për vendin. Natyrisht që nuk është gjë pozitive, derisa ka një opozitë që bën gjëra të tilla". "Është për të ardhur keq, u shpreh ai, që ata nuk kanë kuptuar akoma asgjë se ku është Shqipëria sot. Shqipëria është një anëtar i NATO-s, Shqipëria është një vend i cili ka hyrë në një fazë të re dhe po përgatitet për t`u anëtarësuar në Bashkimin Evropian, ndërsa ka dhe qëndrime të tilla si kjo mënyrë e të dëmtuarit të demokracisë, përmes një bojkoti", theksoi më tej kreu i LSI-së.

Kryeministri Sali Berisha deklaroi pak ditë më parë se nuk do të pranojë asnjë ofertë nga opozita që ta zgjedhë ajo Presidentin në vitin 2012. Sipas tij, Kushtetuta përcakton zgjedhjen e kreut të shtetit me 71 vota, të cilat maxhoranca tashmë i disponon.

Panorama

[Albo]

Meta ka te drejte, por nuk e nxjerr te plote te verteten ne shesh. Edvin Rames nuk i behet vone per politiken. Edvin Rames nuk i behet vone per PS. Edvin Rames nuk i behet vone as per presidentin apo kryeprokuroren e as per gjykatat. Edvin Rames i behet vone vetem per nje gje: ti shpetoje dareve te hekurta te ligjit. Bojkoti per te nuk eshte asnje gje me shume se sa nje presion ndaj Berishes dhe koalicionit qeverises qe keta ti ofrojne "imunitetin e ligjit" per aferat e tij korruptive dhe kriminale ne vite. Presidenti dhe kryepokurori jane "garancite e imunitetit ligjor" per Ramen dhe kliken e tij.

Dhe Berisha e ka bere te qarte, qe ai nuk ka per te bere asnje lloj kompromisi te tille me Ramen. Vete ligji "Antimafia" dhe venia ne levizje e gjithe administrates se shtetit per te luftuar mafien politike ne vend, eshte misioni i mandatit te dyte te qeverise Berisha.

Pra Edvin Rama po lufton per mbijetese, duke bere edhe gjera te paimagjinueshme vetem e vetem per te penguar revanshin e shtetit ligjor mbi krimin dhe korrupsionin. Deri me sot, jo vetem qe Rama nuk e ka ndalur revanshin e shtetit, por e ka pershpejtuar ate. Rama i beri llogarite gabim kur kujtoi se me bojkotin e disa javeve mund te gjunjezonte vullnetin politik te mazhorances. Dhe kete e kane kuptuar edhe bashkepuntoret e tij, por tani problemi per Ramen dhe te tijet qendron se nuk gjejne dot asnje rruge per te dale nga bllofi i krijuar.

Albo

[Besoja]

Unë nuk di se çfarë emri do t'i vënë asaj dite kur të hyjnë në parlament!Çfarë do thonë?Sinqerisht jam kurioz.Sepse edhe ata që e mbështesin,do ta kuptojnë një ditë shumë shpejt se çfarë halli ka Rama.Atë që thotë edhe Albo.

[Brari]

sipas gazet sot-it edvinua dashka te beje shef shiku fatos klosin e kryeprokuror tako ngjelen e president pllum xhufin..

bukur i ka zgedhur.. njerin me qelbanik se tjetrin.. ashtu sikurse eshte vete e sikur e ka dhe selin e rozes.. me gjith ditmirat spid.hopalet xhacket kodhelet e tahir shalsat..

dhe ashtu do behet..se cthot edvinua benet ne kte vend..
i lumte..

[Albo]

Duhet dialog, jo pazar politik

Dritan Ylli

Lidershipi aktual i Partisë Socialiste, partia që aktualisht udhëheq opozitën në Shqipëri, i trysnuar nga padurimi i vetëabsurdit disamujor, po fillon të tregojë qëllimin e vërtetë të ngërçit politik artificial, të krijuar që nga përfundimi i procesit zgjedhor të 28 qershorit të vitit të kaluar. Bataku politik ku e ka futur Rama, Partinë Socialiste, duke e mbajtur larg institucioneve kushtetuese, po merr trajtat e vërtetësisë, duke prevaluar mbi një re mashtruese, gjoja të një krize, që do të marrë fund me vendosjen e demokracisë në Shqipëri. Por, vendosja e demokracisë do të thotë mbi të gjitha respektim të vlerave që burojnë nga ajo dhe mbi të gjitha sjellje rigoroze ndaj shtetit ligjor dhe Kushtetutës. Në kundërshtim me këto vlera, Rama po e mban PS jashtë Kuvendit, duke tentuar të nxisë krijimin e një percepsioni publik dhe ndërkombëtar të krizës politike, me bindjen se përmes kësaj rruge do të detyrojë maxhorancën qeverisëse, që në këmbim të përfundimit të bojkotit, të përfitojë pushtet “pazaresh”, që bien ndesh me Kushtetutën dhe veçanërisht me disa ndryshime kushtetuese të inicuara nga vetë lidershipi i PS. Fjala vjen, ditët e fundit personazhe të politikës, të gjendur afër PS, por jo në strukturat e saj, kanë hedhur idenë se dialogu pozitë –opozitë duhet të kushtëzohet me marrjen e postit të Presidentit, të kreut të SHISH dhe të Prokurorit të Përgjithshëm nga opozita. Afërmendsh që artikuluesit e idesë e kanë të qartë se me ndryshimet që iu bënë Kushtetutës në Kuvend, nga bashkimi i votave të PS dhe PD në prill të vitit 2008, zgjedhja e Presidentit bëhet me 71 vota, pra me maxhorancë të thjeshtë.
Janë pikërisht këta zëra “vjedhacakë”, të cilët në mos nuk janë të nxitur, minimalisht nuk janë të përgënjeshtruar nga lidershipi i PS, që po shfaqin synimin e vërtetë të kushtëzimit të dialogut pozitë-opozitë me pazare klanore në kurriz të Kushtetutës. Synohet që PS gjoja të sakrifikojë për t’u ulur në tryezën e negociatave politike dhe më pas të pranojë zgjidhjen e kësaj krize, duke kërkuar të grabisë pushtete të pavarura kushtetuese. Posti i Presidentit, fjala vjen zgjidhet në mënyrë shumë të qartë pas amendimeve që ka bërë PS-ja në Kushtetutën e miratuar në 1998, që sanksiononte zgjedhjen e Presidentit me 84 vota, ndërsa në prill të vitit 2008 u vendos që Presidenti të zgjidhej me shumicë të thjeshtë me 71 vota. Kjo do të thotë që çdo maxhorancë që ka 71 vota, mund ta zgjedhë Presidentin.
Të dyja partitë kryesore që përbëjnë sot maxhorancën e Qeverisë, PD dhe LSI, janë shprehur disa herë pro dialogut me opozitën, në mënyrë që të gjenden rrugëzgjidhje kushtetuese, që opozita të bëhet pjesë e reformave dhe proceseve integruese, në interes të gjithë shqiptarëve. Por, mesa duket Rama kërkon të tjera garanci. Vë të tjerët që të kërkojnë për opozitën Presidentin, SHISH-in apo Kryeprokurorin, por në fakt hallin e ka gjetkë. Zgjedhjet vendore nuk janë larg dhe kreu aktual i Bashkisë, duke parë kuotat tepër të ulëta të partisë që drejton dhe një grindje të hapur me pjesën më socialiste të partisë, ndjen frikën e humbjes së Bashkisë së Tiranës, bastionit klientelist nga ku kanë buruar edhe pushtetet e tjera të tij.
Kriza e qëllimshme “vizionare”
Menjëherë pas përfundimit të procesit zgjedhor, vetë kreu aktual i PS në ditët e para pas zgjedhjeve të 28 qershorit, u prononcua në favor të procesit të rregullt. Ky ishte qëndrimi që u artikulua nga selia e PS, ende pa u marrë vesh mirë rezultati zgjedhor. Në ditët që pasuan, menjëherë pas rezultateve të para zyrtare, që gjithsesi zgjatën për të dalë, erdhi një qëndrim krejtësisht i ndryshëm.
Kreu i PS, sapo u qartësua për humbjen e zgjedhjeve të 28 qershorit, deklaroi se nuk i njeh zgjedhjet. I mësuar të lëvizë dhe të përfitojë më shumë në qerthuj të intrigës politike sesa me aksion politik të fortë dhe alternativ-programor, Rama e dinte fare mirë se e priste një betejë e fortë për të mbajtur kreun e PS, ndërkohë që deri në ditën e fundit para zgjedhjeve ishte shprehur se si politikan modern dhe përfaqësues i politikës së re, do të jepte menjëherë dorëheqjen, në rast humbje të betejës së 28 qershorit.
Madje që herët, në mbledhjen e parë të asamblesë pas zgjedhjeve, ideja e bojkotit u kundërshtua me forcë nga lidershipi socialist. Por, për të mbajtur me çdo kusht postin e Kryetarit, i ndihmuar edhe nga klani klientelist që mban afër, filloi orvatjet me shpresën që duke mos pranuar rezultatin, nuk do të pranonte as humbjen e tij personale, sepse fushata e PS u ngrit mbi kultin thellësisht personal të Edi Ramës. Retrospektiva është e qartë, Rama mblodhi kongresin, nuk zbatoi parimin statutor, një anëtar-një votë, dhe deklaroi ashpër se nuk do të njohë zgjedhjet, duke fituar sërish kurorën e kryetarit të PS me shumicë unanime të delegatëve.
Pas rikurorëzimit në krye të PS, duke ja bërë të pamundur konkurrencën alternativave të tjera përballë tij, Rama filloi të mendojë më larg se PS. Në radhë të parë ai distancoi grupin kundërshtar të tij brenda partisë, duke ofruar personazhe të politikës eksta të djathtë, apo disa zëra të hollë dhe histerikë, të gatshëm për të linçuar cilindo që del kundër kryetarit dhe interesave të tij. E gjithë kjo në funksion të një qëllimi, kthimin e partisë në një Organizatë jo qeveritare, ku gjithçka deri në detaje të kontrollohet nga vetë drejtuesi momental i projektit të radhës. Në këtë frymë, ai instaloi një fiksim të tijin, për hapjen e kutive të votimit, një kërkesë absurde, pasi të gjithë komisionerët e PS në mbarë Shqipërinë kishin firmosur proces-verbalet, por dhe në kundërshtim me shtetin ligjor, pasi të gjithë hallkat e gjykimit kushtetues e kishin dhënë verdiktin e tyre. Për më tepër, kur vetë drejtuesi i PS kishte garantuar të gjithë socialistët se asnjë votë nuk do të preket, në një kohë kur vetë ai ishte bashkëhartues me PD të çdo hallke ligjore të administrimit të procesit.
Por, natyrisht yshtja dhe urrejtja ndaj koalicionit qeverisës, në radhë të parë dhe kuotat tepër të ulëta të PS-së nën drejtimin e tij, bënë që Rama të niste sërish “ciklin e telenovelave” të intrigave politike, duke synuar pazarin dhe jo dialogun e shëndoshë pozitë-opozitë. Rama duket se tashmë ka frikë nga rruga ku e ka futur partinë më të madhe në opozitë, ndaj dhe nuk pranon dialog pa kushte. Jo dhe aq për faktin se i intereson dialogu për t’i dhënë fund rrugës absurde të bojkotit, por sepse duke ndjekur këtë “rrugë”, ai rrezikon të dalë përfundimisht në rrugë edhe nga Bashkia e Tiranës. Dhe të gjithë e dinë se dikur (në kohën që Rama ende nuk ishte pranuar anëtar i PS, por sipas tij kishte vetëm lidhje fisnore me socialistët) Bashkia e Tiranës ishte e para. Të tjerat erdhën pas. Për ironi të fatit, Rama është sot më shumë se kurrë, afër humbjes së bastionit të parë, Bashkisë së Tiranës. Të tjerat do të vijnë pas…

Panorama

[Nice_Boy]

Kryetari i Partisë Socialiste ka darkuar në një vilë në Gjirin e Lalzit me kryetarin e Partisë Lëvizja Socialiste për Integrim, në një përpjekje të dy palëve për të thyer akujt mes dy forcave të majta njëra në opozitë dhe tjetra në mazhorancë.

Burime nga Partia Socialiste i thanë agjencisë NOA.al, se takimi është zhvilluar gjatë javës së kaluar, ditën e mërkurë, por detajet e takimit nuk bëhen publike. Për më tepër, si z.Rama edhe z.Meta kanë preferuar ta mbajnë larg medieve këtë takim, por gjithsesi darkimi i tyre është mësuar, në prag të një takimi publik që parashikohet të zhvillohet mes të dyve në ditët në vazhdim.

Besohet se z.Rama dhe z.Meta kanë folur në lidhje me zgjedhjet e ardhshme të vitit 2013 dhe zhvillimet pas këtyre zgjedhjeve. Publikisht, mëse një herë, z.Meta e ka bërë të qartë në intervistat dhe prononcimet e tij të kohëve të fundit se do t’i qëndrojë rigorozisht marrëveshjes për një koalicion katër vjeçar me Berishën, por ka theksuar edhe se nuk ka asnjë vendim ende se çfarë do të bëhet pas zgjedhjeve të ardhshme.

Takimi sigurisht ka pasur në qendër edhe presidentin e ri të vendit, por ende është e pamundur të zbardhen detaje që do të mund të shuanin spekulimet mediatike.

Takimi Rama – Meta vjen ndërsa z.Berisha e ka shtyrë javën e kaluar një takim të paralajmëruar me ish – kryeministrin Fatos Nano që ka shpallur publikisht ambicien e tij sërish, që të jetë presidenti i ri i Republikës. e.t/noa.al

[Lexuesi_]

Hajde Biznes hajde.

Qysh i thon ksaj pune.

[violativo]

Kesaj pune i thone qe , qe kur ceveria licencoi kurverine , gjithkush qe e perdor Meten , nuk denohet ! Ndersa vete Meta eshte Heroine e Punes Kapitaliste !

Sa per Salen , Nanon dhe Edin , hiqen si kurvare dhe bejne kurvarin me Meten dhe jane vete kurva me te huajt !

Ke te drejte nuk po merret vesh ........ Jo se vertet s'e kemi marre vesh , joooo ! Te gjithe e dime qe keta kelyshe jane te buces Ramiz ...

[benseven11]

Meta me pantallona te verdha!!!!!!!!!!!!!!!!
Dy te tjere me menge te shkurtera,
jaka te zberthyera.
Behet fjale per takim zyrtar.
3 kllouna.....unbelievable.

[MaDaBeR]

Paloka: Meta, uroj t’i ketë shënuar tek “blloku” propozimet e Ramës

TIRANË Akuzat e Partisë Socialiste drejtuar kryetarit të LSI-së, Ilir Meta prej më shumë se një viti për shitje favoresh përmes “bllokut” të tij referuar video-përgjimit me Dritan Priftin, po kthehen në objekt batutash nga deputetët demokratë, fill pas takimit publik që kryetari i opozitës, Edi Rama zhvilloi me kryetarin e LSI-së, Ilir Meta. Për Partinë Demokratike takime të tilla do të vijojnë të konsiderohen normale sa kohë që Ilir Meta do t’i qëndrojë marrëveshjes së firmosur me PD-në deri në zgjedhjet parlamentare të 2013-ës. Këtë ka pasur parasysh në prononcimin e tij edhe deputeti demokrat, Edi Paloka teksa është pyetur nga gazeta “Mapo” për afrimin e Ramës me Metën, qoftë përmes takimeve publike, ashtu edhe atyre informale. “Sa për bisedimet që kanë kryer, besoj se z.Meta ka qenë i qartë në deklarimet e tij dhe unë i besoj ato deklarime. Uroj që t’i ketë shkuar në mend dhe t’i ketë kthyer reston Ramës, duke i shënuar tek “blloku” ato që i ka propozuar kryetari i PS-së”, – tha dje Paloka. Dy ditë më parë, pas takimit formal mes Ramës dhe Metës, ky i fundit i ngacmuar nga media u shpreh se LSI-ja do t’i qëndrojë deri në fund marrëveshjeve që ka bërë me Partinë Demokratike. Referuar kësaj deklarate, deputeti demokrat, Paloka arsyeton gjetkë për qëllimin e takimit mes tyre. Ai nuk harron të kujtojë edhe ngjarjen e 21 janarit, që fillimisht u konceptua si protestë nga ana e PS-së, por që më pas gjeneroi në dhunë me pasojë vdekjen e katër qytetarëve, menjëherë pas publikimit të video-përgjimit Meta-Prifti. “Unë mendoj që problemet për takimin me Metën duhet t’i ketë pasur dhe duhet t’i ketë Rama. Të gjithë shqiptarët dinë se çfarë ka thënë dhe ka bërë Rama kundër Metës vetëm pak kohë më parë. Mos harrojmë që në 21 janar Rama çoi drejt vdekjes 4 pasues të tij, duke i nxitur pikërisht me mashtrimin që sajoi ndaj Metës. Por mesa duket, siç trajtohej edhe në media, kjo ka qenë mënyra e Ramës për të kërkuar falje”, – tha Paloka. Dy ditë më parë, në një nga ambientet e hotel “Sheraton”, kryetari i opozitës, Edi Rama filloi takimet me përfaqësues të partive parlamentare në koalicion me PD-në. Pas letrës publike drejtuar krerëve të partive parlamentare për zgjedhjen e Presidentit, Rama i filloi tratativat pikësëpari me partinë që pritet të ketë një rol kyç në këtë proces, LSI-në. Takimi i Ramës me Metën nuk ishte i pari që pas prishjes së marrëdhënieve mes tyre. Një darkë informale por edhe disa komunikime në distancë kishin zbutur mjaft qëndrimet mes tyre. Rama u përpoq të përcillte një mesazh të qartë dhe të kujdesshëm pas takimit me Metën, kryesisht ndaj skeptikëve në opozitë, ndërsa Meta nga ana tjetër edhe pse vlerësoi takimin, tha se marrëveshja me PD-në vazhdonte të ishte në fuqi.

Mapo

[Albo]

Rama pranon takimin në vilën e Metës: Më kërkoi sy më sy, s’pyeta për vendin dhe orën

Kreu i PS shpjegon takimin në vilën e Metës.

“Nuk e kam problem të kërkoj falje, por s’ishte rasti. Folëm për të ardhmen, jo për të kaluarën”

Kryesocialisti Edi Rama shpjegoi mbrëmë në “Opinion” në Tv Klan përballë gazetarit Blendi Fevziu arsyet e darkës private me Ilir Metën pak ditë më parë. Sipas Ramës, qëllimi i takimit ishte çështja e zgjedhjes së Presidentit, ndërsa u shpreh se ishte dhe një përpjekje për të parë përpara drejt së ardhmes.
Më 1 maj, në mbrëmje keni darkuar me një nga rivalët më të mëdhenj tuaj, me të cilin keni shkëmbyer akuza të ndërsjella. Përse duhet të shkonit në një darkë gjysmë të fshehtë, ndërkohë që ju do të takoheshit sipas një axhende të përcaktuar?
Më lejoni t’ju them se do u përgjigjem të gjitha përgjigjeve tuaja se ne kemi bërë publik me kurajë dhe ambicie një vizion për rilindjen shqiptare. Unë besoj që rruga për të shkuar drejt rilindjes shqiptare kalon edhe përmes ndryshimit të sjelljeve tradicionale kur bëhet fjalë për çështje madhore, si ajo e Presidentit të Republikës, që pa dyshim është një çështje që për t’u zgjidhur si duhet kërkon bashkërendimin edhe me forcat kundërshtare.
Përse duhej bërë natën dhe të mbahej i fshehtë për 5 ditë ai takim dhe nuk e bëtë ditën në Tiranë?
Nuk kam mbajtur asgjë të fshehtë. Unë kam bërë një ftesë publike dhe u jam drejtuar të gjitha forcave politike, nga Kryeministri deri te forca më e re politike në Parlament, për të eksploruar mundësitë e hapjes së një dialogu, i cili të na çojë drejt një zgjidhje të dakordësuar.
Megjithatë nuk jeni takuar zyrtarisht, por privatisht…
Pas ftesës sime, kam marrë mbrapsht një ftesë nga kryetari i LSI-së që ka shprehur dëshirën për t’u takuar paraprakisht, për të biseduar sy më sy. Nuk kam menduar asnjë sekondë kurrë se cili është vendi dhe ora, por e kam takuar për t’i thënë në sy gjithçka që unë mendoj se është shumë e rëndësishme ta ndajmë, dhe duke besuar se mund të mbillet besimi në një klimë mosbesimi dhe pas një moskomunikimi të gjatë që është i lidhur me një histori jo të pëlqyeshme që na ka vendosur ballë për ballë. Mos harroni për asnjë moment se unë jam takuar me kryetarin e LSI-së si përfaqësues i forcave që sot qeverisin, pra me njërin nga kundërshtarët tanë.
Jeni takuar privatisht me Metën. Meta hyn te miqtë tuaj?
Do doja të fokusohemi te çështja dhe tek arsyet që janë shumë madhore, dhe të biem dakord se ky është një moment për të folur për arsyet e këtyre takimeve dhe për pse-në e kësaj hapjeje e nevojën e këtij dialogu për këtë hapje.
Cili ishte shkaku që ju detyroi të bënit 50 km rrugë natën?
Shkaku ishte për të diskutuar, jo në rrugë protokollare, por sy më sy, lidhur me atë shqetësim që unë kisha shprehur në ftesën time publike.
Kanë dështuar t’ju takojnë me përfaqësues të maxhorancës Kantrimeni, Lajçaku, zoti Baton Haxhiu, që është një negociator i njohur publik nga Kosova. O një arsye shumë e madhe, ose është magjistar Nar Koka që ju takoi?
Unë do preferoja t’u referohemi të vërtetave dhe të mos i referohemi as përrallës që është shpërndarë me shumë folklor brenda, dhe as thashethemeve të mëparshme. E vërteta është se edhe me Kryeministrin unë jam takuar në Presidencën e Republikës dy herë, edhe kur u kërkua një takim me përfaqësuesit e BE-së. Nuk kam shprehur asnjëherë refuzim për t’u ritakuar në rast se do ishte shfaqur nevoja dhe do ishin krijuar kushtet.
Çfarë pati ndonjë gjë konkrete në atë takim?
Shprehja e atij shqetësimi konkret që unë kam, por që besoj se është shqetësim i ndarë me shumë të tjerë, faktorë dhe opinioni publik për të krijuar kushtet që Shqipëria të zgjedhë një President, i cili të përfaqësojë unitetin kombëtar. Të mos e harrojmë asnjë çast se bëhet fjalë për një provë që do të përcaktojë në mënyrë të qartë fatin e provimit tonë në vjeshtën e ardhshme. Unë dua të bëj çmos me mish e shpirt që të mos mbetemi në klasë për statusin për herë të tretë.
Ka pasur një tentativë për një takim mes jush që në nëntor të 2011-s në Bruksel?
Informacionet tuaja janë përgjithësisht të kontestueshme, sepse vijnë nga burime informale.
A ka një problem moral në takimin tuaj me zotin Meta? Pak kohë më parë ju keni hedhur disa akuza ndaj zotit Meta. A e amniston Metën ky takim nga akuzat?
Së pari, unë nuk jam takuar për të rishkruar të kaluarën. Qëndrimet e mia në këto momente dhe në momentet e tjera, kur kemi mbajtur qëndrime politike, janë qëndrime të mbajtura në rrethana të qarta dhe pa asnjë dyshim janë pjesë e historisë. Unë vetë nuk kam asnjë arsye që të ndjehem keq për gjithçka kam thënë që kur jam në krye të PS-së. Por, më lejoni nga ana tjetër të them që është shumë e rëndësishme të kuptohet që procesi në të cilin ne, PS përmes meje dhe të tjerësh, kemi hyrë me vullnetin për të krijuar kushtet që politika shqiptare të japë një shembull politik të munguar prej vitesh përballë familjes ku duam të integrohemi, na imponon krijimin e një klime besimi mes kundërshtarësh. Është e domosdoshme që kur ndërmarrim një nismë të tillë politike me këtë qëllim madhor, ne nuk rishkruajmë të shkuarën, por marrim përsipër të flasim për të ardhmen. Politika është qenie e gjallë, e cila vepron në të sotmen në funksion të së ardhmes.
Pa pasur asnjë ndjesi për të shkuarën?
Ky nuk është princip, është spekulim. Më lejoni t’ju kujtoj një fakt. Në debatin e fundit para garës presidenciale në Francë, Sarkozi i tha kundërshtarit se “ju jeni një shpifarak i vogël”. Pak ditë më pas, në homazhet tradicionale, theu një traditë të gjatë të atyre homazheve, duke ftuar Presidentin e sapozgjedhur. Atëherë, sipas jush, çfarë duhet të mendonin francezët, përveçse asaj që menduan se sa mirë që në këtë moment me rëndësi për kombin dhe vendin, këta dy burra u bënë së bashku dhe dhanë një mesazh për unitetin kombëtar. Mos harrojmë se këtu nuk bëhet fjalë për komunikim mes personash, ku njeriu zgjedh se me kë do kalojë kohën e lirë, këtu është çështje njerëzish që përfaqësojnë vullnete të shprehura të të njëjtin popull që ka të njëjtin qëllim dhe aspiratë, që sa më parë të ndahemi nga rruga e rrënimit të mëtejshëm.
A vazhdoni të mendoni se zoti Meta është i korruptuar me bllok në dorë dhe se vendimi për pafajësinë e tij është i gabuar?
Nuk do i shmangem pyetjes, por do më lejoni që të them disa gjëra. Së pari, unë nuk kam parë në asnjë emision në televizionet prestigjioze që intervistat të bëhen me inserte të kësaj natyre, ky është problemi juaj. Është problemi i kësaj shtëpia mediatike, ku ardhja ime është një hap për t’i parë gjërat me syrin e të ardhmes dhe për të mos ngatërruar as historinë në çështjet që duhen zgjidhur së bashku në funksion të interesit kombëtar dhe as qëndrimet që janë politike të mbajtura nga unë si kryetar i PS. Unë besoj se për njëmijë e një insertet dhe njëmijë e një arsyet që mund të rendisim për të shkuarën, është dita për të kërkuar rrugën e së ardhmes për të ndarë betejat e palëve, për të cilat edhe demokracia duhet të funksionojë për betejat e aspiratat e një popullit të tërë. Edhe Sali Berisha është ai që është. Unë kam bërë ftesë dhe do e takoj dhe atë. Është me rëndësi që të kuptohet se këta njerëz përfaqësojnë pjesë të një populli që nuk është i ndarë.
A ka bërë drejtësia gabim me pafajësinë e Ilir Metës? Unë jam dakord që politikanët të takohen, por unë iu referova një takimi në mesnatë.
Unë në konceptimin tim të gjuhës shqipe dhe përdorimit të saj, nuk di të shaj. Jua përsëris, unë fola për një situatë, në të cilën udhëkryqi e imponon një përpjekje për bashkërendim forcash. Nuk fola për një rrugë rozë tash e mbrapa, ku politika do pushojë së bëri politikë dhe palët nuk do mbajnë qëndrime ndaj njëra-tjetrës. Ju si gazetar duhet të jeni i saktë se nuk ka pasur udhëtim në mesnatë dhe as makinë të fshehtë. Ka pasur një takim normal jopublik pas një ftese për të hapur rrugët e komunikimit me të gjithë ata që kanë një zë dhe disa vota për procesin e Presidentit. Paqja bëhet me armiqtë, dialogu bëhet me kundërshtarët. Metën e Berishën nuk i kam armiq, por kundërshtarë politikë. Është më kundërshtarët për të kërkuar dialog. Kjo nuk nënkupton rishkrimin e historisë dhe vendosjen në rendin e ditës të gjykimeve me natyrë morale që nuk kanë lidhje me atë që po diskutojmë. Ka një moral më të lartë se morali i deklaratave reciproke të nxjerra nga konteksti kur ne flasim për një çështje më të madhe.
Ishte apo nuk ishte fajtor Ilir Meta për videon “Prifti-Meta”, sipas jush si kryetar i PS-së?
Ju keni të drejtë në këtë pikë dhe shumë shqiptarë kanë të drejtë që i referohen të shkuarës si një arsye për të qenë cinikë dhe për të thënë se kjo është një lojë e njohur dhe historia kështu do të vazhdojë. Ndërkohë që unë ju them, dhe përmes jush të gjithëve atyre që na ndjekin, se unë besoj se Shqipëria mund të bëhet, se Shqipëria meriton më shumë. Pa asnjë dyshim jemi të gjithë ne që duhet të bëjmë më shumë. Edhe në këtë rast jam gati që të tregoj atë që do bëj nesër si kryetar qeverie. Nëse sot qenka çudi që u takoka kryetari i opozitës me Kryeministrin, kur unë të jem Kryeministër, në rast se shqiptarët do më zgjedhin, një nga gjërat që do të jetë prioritet në politikën time të komunikimit do jetë vendosja e kontakteve normale me liderin e opozitës. Kjo nënkupton kontaktet publike dhe jopublike, në funksion të një amaneti, të Shqipërisë europiane.
I kërkuat falje Metës për gjithçka kishte ndodhur mes jush?
Kjo është një pyetje që buron nga cikli sajo, komento dhe më pas pyet atë që ke sajuar. Nuk kam asnjë problem për kulturën dhe edukatën time, që e kam marrë qysh prej gjyshes sime katolike që të kërkoj falje, por nuk ka qenë rasti. Unë me kryetarin e LSI-së nuk jam takuar dhe nuk do takohem përsëri për të rishkruar të kaluarën, por për të shkruar të ardhmen.
A keni emra konkretë për Presidentin e Republikës?
Ne e kemi bërë të qartë që duhet një proces dhe duhet që nga një proces të shkojmë në një emër të dakordësuar nga palët.
Keni një identikit?
Nëse Presidenti i vendit duhet zgjedhur vetëm nga salla e Kuvendit, atëherë ruana Zot. Unë mendoj se ka vetëm një kusht, të paktën sa na takon ne, që Presidenti të mos jetë një figurë e imponuar nga radhët e PD-së. Ne nuk mund të pranojmë si një figurë të PD nga një proces i dakordësuar, sepse atëherë nuk do quhej i dakordësuar, ashtu sikurse ne nuk pretendojmë të imponojmë asnjë figurë të PS-së.
A do t’i jepni mbështetje me 20 vota zotit Nano, për t’u regjistruar si kandidat për President?
Nuk ka arsye, sepse ndërkohë që ne po angazhohemi në një proces konsensusi ku duam dakordësinë e palëve, nuk mund të bëjmë të njëjtën gjë me atë që bën Kryeministri, duke mos lënë asnjë hapësirë për të gjetur dakordësi.
A keni biseduar me Metën se ai mund të jetë kandidat për President?
Nuk kemi bërë bisedë të natyrës konspirative, por kemi bërë bisedë për të ndarë pikëpamje se ku ka pika referimi të përbashkëta, gjithmonë në parim.

BLENDI FEVZIU

[Albo]

Intervista/ Kreu i PSD: Paqja nuk bëhet me dreka e darka, apo me pajtime të rreme dhe kompromise personale.

Kreu i PSD: Konsultimet, alibi për Berishën.

“Paqja nuk bëhet me dreka dhe darka apo me pajtime të rreme e kompromise personale”

Socialdemokrati Skënder Gjinushi i kërkon Edi Ramës të kërkojë falje për ngjarjet e 21 janarit. Sipas tij, në paqëtimin e dy politikanëve, pas disa vitesh përplasje parimore, duhen dhënë shpjegime se cilat ishin arsyet që i kishin ndarë dhe ato që i kanë bashkuar.
Ndryshe, sipas Gjinushit, paqja është e rreme, ndërsa më së shumti tingëllon si pazar. Në intervistën e tij, kreu i PSD-së e sheh procesin e konsultimeve për Presidentin jashtë një tryeze institucionale, një alibi që mund ta përdorë Kryeministri Berisha për të justifikuar zgjedhjen e kreut të ri të shtetit nga Partia Demokratike.
Zoti Rama ka iniciuar një cikël takimesh me kryetarët e partive parlamentare për ndërtimin e një procesi për zgjedhjen e Presidentit. Sa optimistë jeni për rezultatet e tij?
Deri tani jemi, siç u bë në 2007 madje dhe më prapa, si në formë ashtu dhe në përmbajtje. Sepse forma se si shkohet në një President konsensual, është shumë e thjeshtë. Fillimisht duhet pranuar politikisht që nuk do abuzohet me votën formalisht apo me Kushtetutën, por për hir të stabilitetit dhe standardit të pranohet që Presidenti të dalë nga një proces dhe të jetë konsesual. Një deklaratë të tillë nuk e kemi. Por thuhet qartazi që do të ketë e shumta konsulta, të cilat për mua janë sa për të larë gojën. Dhe në fund thuhet se kemi një Kushtetutë, e cila interpretohet sipas qejfit të atij që “do të pyesë 100 vetë dhe do bëjë siç di vetë”.
Nisur nga përvoja juaj, lëvizjet e deritanishme premtojnë për një President konsensual?

Deri tani nuk fryn asgjë për mirë. Madje, fatkeqësisht të gjitha këto mund të shërbejnë vetëm si alibi. Berisha do të thotë nesër se gara nisi tre muaj para, pati konsultime me kryetarë partish, gara u bë transparente dhe në fund ne e zgjodhëm sipas Kushtetutës. Pra, pa një tavolinë të institucionalizuar qartazi me vendimin politik se do të zgjedhim një President konsensual, të gjitha të tjerat u ngjajnë lojërave të mëparshme, apo lojës që po bëhet tani për sistemin zgjedhor. Saliu mburret se do zbatojë Kushtetutën, e cila edhe me ato ndryshime që iu bënë, detyron zgjedhje të Presidentit me konsensus. Presidenti është emërues i të gjitha institucioneve të pavarura; marrim dy gjykatat, Kushtetuese dhe e Lartë. Gjykata e Lartë është i vetmi organ gjyqësor që gjykon korrupsionin apo veprat penale të politikanëve, pra të qeverisë. Atëherë si mund të mendohet se kjo Kushtetuta jonë ia lë qeverisë të zgjedhë Gjykatën e Lartë apo Kushtetuese, të cilat janë rojet e vetme që do ruajnë të korruptuarit. Nëse i akuzuari për korrupsion, zyrtari i lartë i maxhorancës, zgjedh rojën e vet, më mirë lëre pa roje, se nuk na duhet.
Do të ishte më mirë që këto takime të zhvilloheshin në Parlament dhe jo në hotele?
E para, këto janë lëvizje bosh, sa kohë nuk ka një vendim politik. E dyta, këto rrezikojnë të përdoren si alibi dhe do të përdoren prej Berishës për të thënë se pati konsultime. E treta, janë përpjekje të dëshpëruara për të krijuar idenë e një klime të re, ku absolutisht nuk ndryshon asgjë e re për mirë, nëse nuk ndryshojnë gjërat në realitet. Në situatën ku ndodhemi, nuk mund të ketë një rikthim në normalitet pa zbardhjen e “21 Janarit”, pa nxjerrjen e përgjegjësive morale e politike së pari, e më pas dhe penale. Nëse kërkojmë të vendosim një paqe duke mbyllur skandalet dhe aferat e mëdha, sigurisht paqja është e rreme dhe s’është afatgjatë, ndërsa në sytë e njerëzve tingëllon pazar.
Një video-përgjim i zotit Dritan Prifti me zotin Meta çoi opozitën në një demonstratë të dhunshme me pasojë katër viktima. Por pak ditë më parë kemi pasur një darkë private të zotit Rama me zotin Meta. Si ju tingëllon kjo pas gjithë atyre akuzave?
Vazhdimisht, që në ’97-n ka qenë nevoja që Shqipëria të shohë përpara, por jo me ata që e kanë lënë prapa dhe pa vënë pikat mbi “i” për shpërdorimet madhore, mbi krimet madhore. Pra, edhe sot ne jemi në kushtet që, nëse duam të ecim përpara, kjo nuk bëhet me dreka dhe darka apo me pajtime të rreme apo kompromise personale, por duke vënë të drejtën atje ku është shkelur. Thuhet gjithashtu të luftojmë korrupsionin. Në Shqipëri korrupsioni trajtohet si një epidemi dhe, të gjithë ata që i ka zënë ajo, janë hallexhinj. Për epidemitë që të zënë nga halli, vatrat e infeksionit i djegin, ndërsa bartësit e infeksionit i izolojnë të paktën, kurse ne u bëjmë thirrje të gjithë bartësve të infeksionit të luftojnë epideminë. Këtu luhet me një gjë: kur zihen dy politikanë apo dy individë është pozitive që të pajtohen, por kur ti nuk je zënë, por ke përplasje parimore reale të faktuara që kanë qenë dhe platforma fushate, kërkohet një shpjegim shumë i madh për të treguar pse sot je bashkë. Pra, nuk mund të mbyllësh 21 janarin pa kërkuar falje për familjet, pa e thënë edhe një herë që ata janë viktima dhe dëshmorë. Sepse fatkeqësisht ende flitet sikur janë dy palë. Më 21 janar është opozita që organizoi, është qeveria që vrau, por është dhe populli. Por politika jonë popullin nuk e quan, por populli u vra në mënyrën më skandaloze, më të padrejtë, më barbare, thjesht për terror ndaj opozitës, për t’i thënë opozitës mos më shkel më gardhin. Pra ajo që s’ka ndodhur as në ‘90, as ’97, as në ‘98 nga ana e qeverisë ndaj protestuesve, ndodhi në 2011 prej saj, për “t’i treguar vendin” opozitës. Së paku, kjo histori kërkon një zbardhje reale, kërkon marrjen e përgjegjësive politike, që absolutisht jemi larg kësaj, përgjegjësi penale dhe, nëse do të thuhet se ishin dy palë, duhet të kërkohet falje nga të dyja palët për këtë ngjarje. Por faji i atij që vret nuk është i barabartë me fajin e atij që organizon protesta.
Populli protestues edhe i 21 janarit, dhe ju si opozitë ndiheni i tradhtuar nga takimet e fshehta mes politikanësh të papajtueshëm deri dje mes tyre?
Unë pas 2007 kam deklaruar se sot ka vdekur përfundimisht morali politik, ose më saktë morali i politikës është imoraliteti. Sepse janë bërë disa “paqe të mëdha” pa zbardhur atë që i kishte ndarë. P.sh. u takua Nano me Berishën, kur Nano ishte 4 vjet i burgosur politik i Sali Berishës dhe nuk iu kërkua asnjëherë falje atij. Por Nano hyri si kryetar opozite në burg dhe jo si individ. Berisha kur bëri pakt me Nanon për të cilin u kishte thënë padrejtësisht shqiptarëve se ishte hajdut, duhet t’i kishte kërkuar falje shqiptarëve për atë vendim. Por po kërkove falje, bëhesh i tepërt për të vazhduar në politikë. Më tej, ai sulmoi me armë qeverinë për hakmarrje se gjoja Nano ishte kupola në vrasjen e Azem Hajdarit. Atëherë si mund të bëhet ky pajtim pa u zbardhur e vërteta?! Janë të detyruara të dyja palët të japin shpjegime se çfarë i ndau dhe çfarë i bashkoi. Pastaj ka një gjë që kuptohet thjesht: “Unë kam bërë të miat, ti ke bërë të tuat, hajde të bëhemi bashkë dhe të vazhdojmë vazhdimin”.
Po paqja e fundit në cilin kontekst bëhet?
Hë për hë jemi po aty. Paqja reale fillon në rrugë institucionale, me reflektime dhe ndryshime thelbësore. Nëse nuk janë të tilla, kuptohet që janë të rreme.

Rama-Meta, bashkë pas katër vitesh
Kreu socialist, Edi Rama dhe ai i LSI-së, Ilir Meta, u takuan zyrtarisht ditën e martë në hotel “Sheraton”, duke nisur kështu ciklin e konsultave për një President konsensual. Por as njëri dhe as tjetri nuk mohuan, duke iu shmangur komenteve ndaj pyetjes së gazetarëve për një darkë miqësore që ata të dy kishin pasur në vilën e Ilir Metës në Gjirin e Lalzit, pas një periudhe katërvjeçare pozicionimesh të kundërta politike të shoqëruar me akuza të rënda të ndërsjella.

ARISTIR LUMEZI
Panorama

[Albo]

Aleanca PS-LSI, flet anëtari i kryesisë, Blushi: Me LSI rrëzojmë Berishën në Parlament

Intervista/ Anëtari i Kryesisë së PS: Gati për mocion ndaj Qeverisë nëse LSI na mbështet, zgjedhje brenda 3 muajve.

Anëtari i Kryesisë së PS: Gati për koalicion me LSI.

Anëtari i Kryesisë së PS-së, Ben Blushi, shprehet se PS-ja mund të ketë në të ardhmen një koalicion me LSI-në.
Në një intervistë për emisionin “Fakt” të gazetarit Çlirim Peka në UTV, ai flet për takimin e fundit të kreut të PS-së me Ilir Metën, si dhe mundësinë e zgjedhjes së Nanos President.
A jeni i gatshëm të pranoni Ilir Metën, sipas jush me bllok në dorë ka drejtuar Ministrinë e Ekonomisë, njeriu që shqiptarët, gjithmonë sipas jush, i bënë thirrje opozitës ta ndiqte mbrapa më 21 janar 2011?
Sigurisht që po. Nuk kam asnjë dilemë për këtë. Pavarësisht nga çfarë ka ndodhur, eventualisht ne mund të kemi një koalicion me LSI-në. Nëse ka njerëz që janë të papërgatitur për këtë që po ndodh, kjo tregon se kanë problem me fantazinë e tyre, nuk parashikojnë dot që një ditë ajo që u duket e pamundur, mund të jetë e mundur dhe në qoftë se ka një gjë që stonon në këta 20 vjet në Shqipëri, është aleanca e PD-së me LSI-në. Aleanca PS-LSI, pavarësisht nga çfarë ka ndodhur, mënyra si është folur, për ta prishur apo për ta ndrequr këtë marrëdhënie organike, kjo aleancë është biologjikisht e mundur. Është bashkimi i dy trupave që për arsye që dihen u ndanë dhe ribashkohen. Nuk hyj tek ata që janë shumë entuziastë, as euforikë për këtë që po ndodh, por hyj tek ata që mendonin se kjo gjë mund të ndodhte një ditë. Me sa duket, tani është koha. Mos prisni që ky proces të ndodhë pas një jave, dy javësh apo pas 3-4 muajsh. Është një proces që sa ka filluar, por është gjithmonë i pritshëm dhe meqë është i pritshëm, është i mundshëm.
A mos është e vonuar për Ramën kjo lëvizje, mund të ndodhte më herët?
Unë e kam të pamundur të them nëse mund të ndodhte më përpara. Eventualisht edhe tani s’mund të ndodhë sepse një takim nuk është marrëveshje detyrimisht. Kjo që po shohim akoma nuk është një marrëveshje. Palët kanë joshje për të arritur një marrëveshje, kanë interesa të përbashkëta për të arritur një marrëveshje. Për çfarë? Për Presidentin, pa dyshim. Më 2009-n Meta na kërkoi përqasje tjetër për Kodin dhe ne ishim kundër për arsyet tona. Nëse them që bëmë mirë apo keq, atëherë kjo nuk ka më vlerë. Ne humbëm zgjedhjet, ndoshta edhe për këtë arsye.
Ju thatë që e shihni të mundshëm koalicionin me LSI-në?
Unë kam qenë në 2006-n për President nga populli. PS vetë, Sali Berisha pa dyshim, Ilir Meta po për fat të keq, e kanë kundërshtuar. Sot mund të kishim një President nga populli, dhe kjo bisedë që bëjmë do e kishin shqiptarët në dorë. Ne do mbështesnim njërin-kundër tjetrit. Po të kishim një President nga populli, do të ishte sot një gjë tjetër, ndoshta do të ndërtoheshin aleanca të tjera.
Çfarë do të thotë PS që nuk pranojmë një President të PD? Nuk pranoni një President me 71 vota që e propozon Berisha, apo nuk pranoni që tryeza Rama-Berisha të propozojë kandidat?
Ne nuk ia heqim të drejtën Berishës, se kjo është e pamundur. Nuk i heqim dot mundësinë për të gjetur 71 vota në Parlament.
A ka të drejtë të propozojë Berisha? Këtë po thotë ai. Rama ka dhënë 3 cilësi për identikitin e Presidentin: që të ndihmojë integrimin, të respektojë Kushtetutën dhe në zgjedhjet e ardhshme të jetë neutral. Nano i plotëson këto 3 kritere?
Ne kemi kërkuar një proces. Procesi garanton statusin. Statusi që ka 3-4 vjet që mohohet për arsye politike, zgjedhjet e përgjithshme, zgjedhjet lokale, bojkoti, e kanë shtyrë në tri vitet e fundit. Procesi politik i Presidentit, nëse palët ulen në tavolinë dhe vendosin të zgjedhin një President siç ndodhi në 2002-shin, ky është Presidenti më i mirë, të jeni të bindur që Shqipërisë do t’i jepet si bonus statusi këtë vit. Një President i njëanshëm cenon këtë gjë. Nëse Berisha merr nënkryetarin e partisë së tij dhe e bën President, çfarë prisni të themi ne?
Zoti Nano mund të jetë si kandidat i Ramës?
Kjo gjë po rezulton çdo ditë e më e pamundur, jo për arsyet tona, sepse sot Berisha tha që “unë do tentoj të zgjedh një President nga PD-ja dhe e djathta”. Për aq sa kuptoj unë, kjo e përjashton.
Nëse Berisha do të binte dakord për Metën President, PS-ja ia jep votat?
Është shpejt për të folur. Ne kundërshtojmë në parim atë që Berisha pohon. Kundërshtojmë një President ekskluzivisht të PD-së.
Metën e kundërshtoni vetë, apo jo?
Nuk negociojmë për një President në mënyrë ekskluzive të PD-së. Kërkohet të ulemi në tavolinë për të folur. Ne përjashtojmë çdo kandidat që imponon një proces të njëanshëm.
Nëse Berisha zgjedh një President pa LSI dhe Meta largohet, jeni gati të ndërtoni një aleancë me të për të rrëzuar Sali Berishën?
Absolutisht. Ne jemi të gatshëm përditë për ta rrëzuar Berishën në Parlament.
Jeni gati ta bëni Metën Kryeministër për të rrëzuar Berishën?
Këtë nuk e them dot. Jemi të gatshëm çdo ditë të rrëzojmë Berishën në Parlament nëse aty bëhen 71 numra kundër Berishës. Nëse ky koalicion nuk zgjedh dot një President që është një nga testet e mëdha të këtij koalicioni, ky koalicion ka rënë.
Bërja e një mocioni së bashku me LSI-në duke nxjerrë një Kryeministër tjetër, është strategji e dobishme për PS-në për zgjedhjet e 2013-s?
Nuk ka opozitë që mund ta shtynte një ditë nevojën për të rrëzuar qeverinë në Parlament. Kjo është si të pyesësh dikë për funksionet e veta organike. Ne nuk jemi në kushte laboratorike. Politika për të cilën ju flisni është në laborator, por jo në terren. Nëse nesër kemi sigurinë që me një mocion që e paraqesim në mëngjes, që votohet pasdite dhe numërohet në darkë, Sali Berisha rrëzohet, nuk diskutohet që do ta bëjmë këtë gjë pa hezitim.
Ka një perceptim sikur Rama po pret humbjen e Berishës, ju po prisni humbjen e Ramës. Nëse Meta kthehet, ai nuk vjen për një ministër më shumë, ambicia e tij është për lider të së majtës. Ju duket sikur ai po pret humbjen e Ramës që të marrë PS?
I dhatë përgjigje vetë, sepse Meta kthehet tek e majta, por jo te PS. Nëse kthehet në të majtë, jo detyrimisht kthehet te PS. Meta ka bërë zgjedhjen e jetës së vet në vitin 2003. Duhet të ketë qenë një nga ditët që është menduar më shumë sepse e dinte që po krijonte një divorc politik me partinë e tij. Ajo zgjidhje i ka qëndruar dhe po i reziston kohës. Sot është kthyer në një njeri i cili ndikon në zgjedhje, siç na ndodhi ne në zgjedhjet e vitit 2005. Provoi në vitin 2009 që mund të mbante në pushtet një parti si PD-ja.
Nëse PS-LSI bëjnë 71 vota gjatë këtij viti të fundit, është më mirë Ilir Meta Kryeministër për një vit, apo më mirë me këtë qeveri deri në fund?
Në qoftë se partitë na mbështesin për të rrëzuar qeverinë, do gëzojnë frytet e këtij rrëzimi. LSI e para, sepse të tillë janë numrat në Parlament. Se çfarë ndodh nga dita që rrëzohet kjo qeveri, shkojmë në zgjedhje pas 3 muajsh? Këtë do të preferoja unë. Në kushtet kur Kodi Zgjedhor dhe ky është një nga presingjet që ne po bëjmë, të mbyllet në dy javët e ardhshme dhe qeveria rrëzohet me këtë llogari numrash, unë do preferoja të shkonim në zgjedhje të parakohshme. Nëse shkojmë në zgjedhje, ne nuk e negociojmë çfarë do që të ndodhë, Kryeministri i takon partisë më të madhe. Ky është parim politik.

Panorama

[Albo]

Ruçi: Gati për koalicion parazgjedhor nëse LSI ikën nga Berisha

Kryetari i Grupit Parlamentar të PS

“Nga të gjithë politikanët, Nano është më i provuari dhe ka staturën si shtetar”

Kryetari i Grupit Parlamentar socialist, Gramoz Ruçi, në një intervistë me gazetarin Roland Qafoku në “Planet TV”, nuk e përjashton një koalicion me LSI-në, nëse largohet nga maxhoranca aktuale.
Duke folur për takimin Rama-Meta, Ruçi shprehet se ishte dakordësuar dhe me të tjerë në PS, ndërsa e sheh Fatos Nanon si politikanin më të provuar dhe me staturën më të mirë si shtetar.
Si e komentoni takimin e z. Rama me z. Meta, jo atë zyrtarin, por atë në Gjirin e Lalëzit?
Gjatë këtyre ditëve jam pyetur shumë për këtë çështje, kam lexuar shumë analiza dhe artikuj, dhe natyrshëm bëj një pyetje: si është më mirë, që mos takohen politikanët, apo të takohen? Pa u takuar kemi 22 vjet që e bëjmë, por mirë vetë që nuk dimë, por përse nuk mësojmë nga partnerët tanë ndërkombëtarë. Këto ditë u zhvilluan zgjedhjet në Francë, dhe atje zhvillohet luftë politike, debate politike dhe rezultatet ishin të ngushta, por kur erdhi puna, humbësi dhe fituesi ditën ta administrojnë si humbjen dhe fitoren. Pra, në kushtet që Shqipëria është në bankën e provës dhe nën vëzhgimin e të gjithë partnerëve tanë ndërkombëtarë dhe nëse kanë mjaft vërejtje dhe reformën kryefjalë kanë komunikimin, dialogun, mirëkuptimin. Kjo është hera e parë, ndërsa duhet të ndodhte ndryshe, që kreu i maxhorancës duhet të hapte një proces dialogimi, ndodh e kundërta, meqë ai nuk e bën, kreu i opozitës hap një proces dialogimi, dhe atë e bën publik. Që të hapet ky proces, sigurisht që kërkohen negociata, takime. U zhvillua një takim informal dhe më pas një takim formal mes kreut të PS-së dhe atij të LSI-së, dhe dua të nënvizoj që kjo nuk ka qenë e papritur, për mua personalisht. E kemi menduar gjatë këtë punë, e kemi konsultuar shumë thellë, si për takimin informal, ashtu edhe për atë institucional. Pra, z. Rama nuk ka kryer një takim informal me z. Meta, pa u konsultuar me aktorët dhe faktorët politikë të PS-së. Për publikun ka qenë një takim pas tre apo katër vitesh, për ne si forcë politike ka qenë e ditur. Mendoj se në të dyja takimet nuk është bërë ndonjë prapaskenë, për të bërë ndonjë skenar kush e di se çfarë, por është biseduar për problematikën që ka sot Shqipëria, e cila rrezikon statusin për herë të tretë. Sikur të uleshin brenda një ditë palët politike në këtë proces që ka ndërmarrë z. Rama, unë kam bindjen që shtatorin e ardhshëm, megjithëse Shqipëria ka kaluar një krizë politike dhe ka një krizë ekonomike, korrupsioni etj., BE do ta vlerësonte me nota pozitive këtë nismë dhe vendi ynë do të merrte ftesën e një vendi kandidat. Kështu që të gjitha lëvizjet formale dhe informale të opozitës shqiptare dhe kreut të saj kanë vetëm një funksion, që Shqipëria të realizojë zgjedhjen e një Presidenti, jo noter të PD-së, të bëjë një reformë zgjedhore që të ketë garanci dhe reforma parlamentare të bëjë të mundur funksionimin demokratik të Parlamentit.
A do ta zbatojë PS-ja teorinë që për të rrëzuar Berisha ne do të bashkëpunojmë edhe me djallin, e cila është thënë e stërthënë për gati një vit?
E shoh që kjo është tema që më shumë shqetëson median apo analizat që janë më afër qeverisë. Në politikë gjithçka ndodh dhe asgjë nuk përjashtohet, por kur ne jemi në një situatë konkrete, pse duhet të shqetësohemi nëse duhet të jetë apo nuk duhet të jetë në pushtet maxhoranca aktuale. Pse quhet e moralshme kur kjo e djathtë qëndron në pushtet me një koalicion të panatyrshëm, pasi nuk i ka votat për të qenë në pushtet dhe pse quhet e pamoralshme që më të drejtë kjo qeveri që është quajtur si qeveria e integrimit, dhe bën që ne të jemi vendi i parë në Europë që na refuzohet ftesa dy herë, të mos bëjë një analizë vetë, pa ndërhyrjen e opozitës, që ky pagëzim, ky koalicion me disa objektiva konkretë, që është BE-ja, të shkurorëzohej nga vetë ata, nëse kërkojnë moral politik. Ndërsa sot pyetet, po sikur opozita, por sikur LSI, ne nuk na shqeton aspak kjo dhe ata që shqetësohen nga kjo çështje le të shqetësohen, madje le të rrinë pa gjumë. Ne s’duam të marrim pushtet në tavolinë, por ama një gjë e duam, dhe ajo është zgjedhja e Presidentit. Kjo çështje është në vëzhgim të rreptë ndërkombëtar dhe nuk është fjala nëse karrigia e Presidentit do të ngelet bosh. Dikush do të shkojë atje, por varet kush do të shkojë dhe si do të shkojë, nëse do jetë kushtetues dhe garant i saj, apo noter i pushtetit aktual. Nëse do të ndodhë kjo e dyta, atëherë do të jetë një përgjegjësi e madhe, pasi do të merret një përgjigje negative për herë të tretë dhe kjo nuk është përgjegjësi partiake e PS-së apo e Edi Ramës. Këtë çështje nuk do të na i falin as të djathtë dhe as të majtë. Ne duam të vijmë në pushtet dhe po bëjmë të gjitha përgatitjet tona për të ardhur në pushtet, ashtu siç vjen një parti serioze me zgjedhje të rregullta dhe një program.
A vini në pushtet pa LSI-së z. Ruçi?
Absolutisht po. Ne po kërkojmë që të bëhen ato katër reforma që unë përmenda.
Tani, në përfundim të mandatit, u kujtuat t’i kërkonit këto z. Ruçi?
Jo, ne këto i kemi kërkuar që në fillim. Nëse Shqipëria do të kishte bërë zgjedhje të rregullta në 2009-n dhe 2001-shin, do ta kishte marrë ftesën. Nëse vendi ynë do të kishte një funksionim normal të institucioneve, që nga Parlamenti. Vërejtja kryesore për Shqipërinë është funksionimi i Parlamentit dhe sot e kësaj dite ne kemi dhe nuk kemi një Parlament demokratik. Ka katër funksione ky institucion, së pari arena dhe vendi ku komunikohet dhe njerëzit dëgjojnë hallet dhe problemet dhe aty në mënyre të njëanshme nuk i jepet fjala opozitës për t’i dhënë përgjigje Kryeministrit, përkundrazi, ndryshohet Rregullorja në mënyrë të njëanshme. Së dyti, funksioni bazë i Parlamentit është ligjvënia dhe u ngrit një furtunë e madhe se opozita kishte penguar ligjet me shumicë të cilësuar dhe duke menduar se BE nuk na pranonte ne për Kodin Detar, atë Hekurudhor, që as hekurudha nuk kishte, për atë Ajror dhe për tre apo katër ndryshime në Kodin Penal apo për Gjykatën Administrative, kur sistemi ynë i Drejtësisë është ku thërret kiameti.
Ju thatë që Rama është konsultuar për takimin me z. Meta. Cila është këshilla që ju i keni dhënë kreut të PS-së?
Kur ne kemi marrë hapin që lideri i PS të ulet të dialogojë me liderët e partive të tjera, të gjithë faktorët apo aktorët e PS-së kanë qenë dakord. Rrugët për këto takime janë të ndryshme, nga bisedat telefonike apo sy më sy.
Kush ishte negociator i këtij takimi?
Unë di vetëm zotin Rama dhe zotin Meta, dhe unë di që negociatori është telefoni.
Kush ka telefonuar i pari?
Sigurisht që z.Rama, pasi ai ishte nismëtari. Jam i bindur dhe jam garant që këto biseda mundësuan takimet mes tyre.
A është e vërtetë që z.Rama i ka kërkuar falje z. Meta?
Mua nuk me rezulton kjo, dhe takimi nuk ka qenë as për të kërkuar falje dhe as për të kërkuar llogari. Objekti i takimit ka qenë vetëm një, si të shikojmë nga ardhmja për të zgjidhur ato probleme që janë të përbashkëta dhe për të mos bërë asnjë kulisë amoraliteti që imagjinata e natyrshme e publikut mendon. Në ato takime nuk u bisedua më pak e as më shumë se çështja e Presidentit, reformës parlamentare dhe zgjedhore, si dhe çështja e imunitetit. Me erdhi mirë që dhe z. Meta kishte të njëjtin shqetësim.
Sa është mundësia e një koalicioni me LSI-në për zgjedhjet e 2013-s?
Kur vjen puna për koalicione parazgjedhore apo paszgjedhore, unë asnjëherë nuk them jo për askënd. Sigurisht që nuk bëhet fjalë për një koalicion parazgjedhor të LSI për PS, sepse të dyja palët janë në koalicion. Nëse LSI nuk qëndron më në atë koalicion dhe qëndrimet e saj përafrohen me opozitën, atëherë pse jo. Kur thashë me çdo parti tjetër, aq më pak me LSI, pasi ka shumë pika programore të përbashkëta dhe ka dalë nga kjo parti, atëherë nuk është më problem koalicioni PS-LSI, por koalicioni PD-LSI.
Megjithatë, ju thatë për një pjesë të njerëzve kjo ka sjellë zhgënjim dhe për disa të tjerë, siç tha z.Rama, kjo ka sjellë mllefosje. Ju si i përgjigjeni kësaj?
Vlerësimi jo tek të gjithë dhe jo në një kohë nuk është njësoj. Është normale që edhe kush nuk bie dakord me lëvizje të tilla politike t’i jepet kohë dhe duhet të kuptojë pse është e mirë kjo lëvizje, ashtu si edhe ai që është i ekzaltuar të jetë me këmbë në tokë.
Si është pritur kjo në bazë z. Ruçi?
Unë kam bërë lëvizje në bazë dhe pashë që takimi nuk është pritur keq, përkundrazi, është pritur mirë. Për këtë takim kemi pasur parasysh edhe mendimin e bazës dhe duke ditur qëndrimin e tyre kemi ndërmarrë këtë hap.
Është e vërtetë që ekziston një formulë që Rama bën Metën President dhe Meta bën Ramën Kryeministër?
As PS nuk e bën dot Metën President dhe as Meta nuk e bën dot Ramën Kryeministër. Objekti i takimeve nuk ka qenë asnjë emër i përveçëm.
Ka disa sentimente njeriu që, pavarësisht politikës, nuk i ndan dot. Për shembull, a ndjetë diçka kur z. Nano erdhi dhe iu kërkoi që ta mbështesnit për President, duke qenë se ai ka qenë kryetari i PS-së për shumë vite?
Ambicia që z. Nano kishte shpallur për President dhe kërkesa e tij për të takuar liderin e PS dihej prej kohësh. Në këtë mënyrë, ne emrin e Presidentit nuk e morën kur Nano bëri kërkesën për President, kreu i PS prej muajsh të tërë kishte punuar për këtë çështje. Takimi i z.Rama me z. Nano ishte tashmë i dakordësuar nga e gjithë PS dhe ishte menduar se cili do të ishte qëndrimi që ne do të mbanim për këtë veprim.
Sa i ka shanset z. Nano që të jetë President?
Nuk e di, dhe unë nuk kam dëshirën të privoj as ambicien e z. Nano dhe as të askujt që të jetë President. Unë respektoj z. Nano, sepse nga të gjithë politikanët ai është më i provuari dhe ka staturën si shtetar.
Ju mund të jeni President?
Jo nuk e kam atë ambicie dhe është bërë një inflacion kjo puna e emrave për President.
A mund të cilësoheni ju si i dyti i përhershëm në PS z. Ruçi?
Jo nuk është kështu. Unë vërtet kam mbajtur disa pozicione të rëndësishme në PS, por kjo parti ka kaluar në disa furtuna të tmerrshme dhe të gjithë kolegët kanë qenë të prekur nga këto akuza që i janë bërë që nga z. Pëllumbi, Dokle, Majko, apo edhe ato zonjat të nderuara që janë pjesë e PS-së edhe sot e kësaj dite. Nëse ka pasur garë brenda një partie, ka qenë vetëm brenda PS-së me një të drejtë të plotë fjale. Brenda PS-së ka debate, dhe këto debate kanë qenë edhe me Gramoz Ruçin. Unë nuk jam nga ata që edhe kur mendimi im është në minorancë të dal e të bëj prezent se unë nuk jam dakord me të tjerët, pasi unë i di rregullat e lojës dhe të jesh pjesë e një partie duhet të heqësh dorë nga disa prej lirive të tua dhe do t’i nënshtrohesh lirisë së shumicës dhe këto janë ca rregulla elementare. Nëse do të themi që më mirë i dyti i përhershëm, sesa i dyti i përkohshëm, dua të them se unë kam dhënë tri herë dorëheqjen. E kam dhënë njëherë para se të largohesha emigrant në 1996, më pas u zgjodha si sekretar Kordinativ, kur Nano ishte Kryeministër dhe më pas, me rikthimin e tij si kryetar, unë dhashë sërish dorëheqjen dhe së treti, para se të zgjidhej Rama kryetar unë dhashë dorëheqjen. Ja pra që edhe kur Nano dhe Rama u zgjodh kryetar, ishin në këtë detyrë pa Ruçin.

Panorama

[Albo]

Takimi Rama-Meta, Prifti: Do jem vota e 71 e PD nëse ikën LSI

Dritan Prifti: “Berishës po i përgatitet mocion”. PS drejt bojkotit për Presidentin, Rama: Po na blejnë deputetët.

Deputeti i pavarur: Meta po ikën nga e majta.

Kanë ardhur tek unë për mocion ndaj Berishës, nuk e kam problem të votoj Topallin Presidente”

Deputeti Dritan Prifti nuk përjashton mundësinë që të bashkojë votën me PD-në dhe të jetë i 71-ti në Kuvend në zgjedhjen e Presidentit. Në një intervistë në emisionin “5 pyetje nga Babaramo” në “News24”, ai flet edhe për takimet Rama-Meta.
A u befasuat nga takimi i Metës me Ramën apo e prisnit?
Unë nuk jam befasuar fare. E dija që do ndodhte.
Në ç’rrethana?
Në qoftë se je në politikë, nuk tregohen gjithmonë burimet. Një ditë më mbrapa e kam marrë vesh edhe çfarë është diskutuar.
Çfarë është diskutuar?
Nuk jam habitur aspak nga takimi. Do ta quaja një takim normal, prandaj është ajo shprehja që kurrë mos thuaj kurrë. Nga ky takim, për mendimin tim, Meta ka fituar më shumë. Po ta mendosh, Rama me këtë që ka bërë, humb besueshmëri në elektorat, humb kartën e 21 janarit. 21 janari ishte kryesisht një revoltë popullore ndaj korrupsionit të qeverisë dhe ndodhi menjëherë pas daljes së videos. PS-ja doli me lloj-lloj parullash dhe sloganesh. Kjo është një lloj tradhtie ndaj 21 janarit, sepse Meta i quajti kokëpalarë ata të 21 janarit. Pati një reagim kundër opozitës, ndërkohë që mendoj se Rama ka humbur vota te të lëkundurit dhe kryesisht te të pavarurit, por edhe te disa të majtë që nuk i pranojnë këto lloj lëvizjesh.
Ka shumë të majtë që kanë thënë se e majta duhet të bashkohet, madje edhe ju.
Po të isha në vend të zotit Rama, mbase do të bëja të njëjtën gjë. Nuk e kam kritikë ndaj lëvizjes që bëri Rama. Detyra kryesore e Ramës është të kthejë opozitën në pushtet. Kam idenë që ai ka shkuar në takimin me Metën, me synim që prej atij takimi të fillojë një ndryshim politik për të rikthyer opozitën në pushtet. Në këtë pikë, nuk mendoj se ka bërë ndonjë gabim të madh në organizimin e takimit me Metën, qoftë te Gjiri i Lalzit, qoftë në Sheraton. Ka shumë njerëz që mendojnë se Rama ka gabuar. Në qoftë se nuk e kthen edhe në zgjedhjet e ardhshme PS-në në pushtet, ai mbaron si politikan.
E ka edhe me statut këtë…
Statuti nuk është një gjë e skalitur, mund ta ndryshojnë forumet. Kam bindjen se kjo lëvizje i ka shërbyer më shumë Metës sesa Ramës. Meta është në qeveri me vota të majta. Meta është politikan me zgjuarsinë më të madhe, sa i përket ku qëndron vota dhe si merret ajo. Ai e di që në zgjedhjet e 2013-s, duke qenë në koalicion me Berishën nuk merr dot më aq vota sa ka marrë, minimalisht do t’i përgjysmojë ato. Nuk do marrë më vota parimore. Meta i bën llogaritë dhe ka filluar të zbatojë skemën për zgjedhjet e tjera. Duke dhënë sinjale që po shkon majtas, Meta ruan votat e tij, madje mund t’i shtojë ato. Po jep edhe sinjalin që do qëndrojë prapë në pushtet, sepse shumica besojnë se opozita vjen në pushtet me zgjedhjet e tjera. Meta po thotë se do shkojë sërish me fituesin, do jetë sërish në qeveri. Nga ana e Metës lëvizja është brilante. Të vetmin gabim që ka bërë Meta, është që e ka bërë pa asnjë respekt për partnerin që ka në maxhorancë. E ka bërë fshehurazi, e ka bërë të pakonsultuar, ka treguar një lloj guximi që unë mendoj se me një partner si Berisha është pak e tepruar. Unë këtë e kuptoj, sepse ka filluar këto ditë një lloj nervozizmi mes PD-së dhe LSI-së.
Publikisht nuk kemi parë asgjë…
Publiku sheh vetëm pjesën e teatrit, nuk e sheh si lëvizin mekanizmat nën tavolinë.
Çfarë mekanizmash ka?
Ka një shqetësim shumë të madh në të dy krahët se si do vazhdojë tani ky koalicion. Sipas informacioneve që kemi, Meta dhe Berisha kanë pezulluar komunikimin me njëri-tjetrin dhe shkojnë e vijnë nja dy sekserë që çojnë njëri-tjetrit mesazhe.
Pse ndodhi kthesa? Ishte rrufe në qiell të pastër takimi, apo kishte diçka para takimit?
Unë e kam shumë të qartë pse ka ndodhur kjo nga ana e Metës, sepse kjo nuk ka ndodhur nga Berisha. Berisha ka vazhduar të ketë luajalitetin në qeverisje, pavarësisht se ka bërë disa lëvizje duke u futur në kompetencat e LSI-së, duke hequr ndonjë lloj fuqie që ka në ministritë e LSI-së dhe mund të ketë krijuar ndonjë pakënaqësi te LSI për bashkë-qeverisjen. Por lëvizjen për të dalë nga kjo maxhorancë e ka bërë Meta, sepse shkoi u takua me Ramën dhe është bërë një lloj plani.
Çfarë kompetencash janë hequr?
Do të them vetëm një fakt, atë të Albpetrol. Ministria e Ekonomisë ka AKBN-në, që monitoron të gjitha marrëveshjet hidro-karbure, naftë, gaz, minerare dhe çdo gjë që është e asaj fushe. Me ndryshimin e ligjit dhe privatizimin e Albpetrol, të gjitha kompe-tencat që ka AKBN dhe METE i kalojnë Albpetrolit privat. Ai do të monitorojë të gjitha marrëveshjet e hidrokarbureve ekzistuese, me Bankers, Stream Oil etj. Kjo mund të jetë një lloj xhelozie që mund të ketë lindur.
Koalicioni PD-LSI mund të prishet para zgjedhjeve 2013? Mund të ishte mocioni një matje forcash?
Unë them që ka filluar prishja dhe nuk ka kthim mbrapa. Me sa di unë, planet për një mocion mosbesimi para zgjedhjes së Presidentit kanë filluar. A do të jetë pjesë e mocionit LSI, këtë nuk mund ta them, sepse mund të jetë shumë shpejt për ata që të bëjnë këto lëvizje apo të tërhiqen nga qeveria.
Juve ju është bërë oferta për të dhënë votën?
Kanë filluar të bëjnë lobing në Parlament në lidhje me një mocion mosbesimi, që mund të bëhet ndaj Qeverisë. Tek unë kanë ardhur për të biseduar për këtë çështje. Ka filluar të ziejë ideja e bërjes së një mocioni përpara zgjedhjes së Presidentit.
Ju çfarë përgjigje keni dhënë?
Unë jam në opozitë.
Sipas Kushtetutës, ata që bëjnë mocionin duhet të paraqesin edhe emrin e Kryeministrit që propozojnë. Kush është ky njeri?
Nuk është folur për këtë. Janë duke u matur forcat. Mocioni për qeverinë është një matje forcash përpara zgjedhjes së Presidentit. U bë një test për nënkryetarin e KLD-së, ai tregoi që janë ngushtuar balancat në Parlament. Nëse opozita vjen me një emër kandidati për Kryeministër që nuk ia vlen për Kryeministër, pozicioni im edhe mund të ndryshojë.
Si do të votoni nëse nuk do të gjendet një kandidaturë konsensuale për President?
Pozicioni im do të varet nga kandidati. Mund të votoj edhe një kandidat të PD-së, ashtu siç mund të votoj edhe një kandidat të PS-së, pra varet nga kandidati. Duhet t’i japim vendit një figurë, i cili pavarësisht se nga cila parti vjen, të garantojë vazhdi-mësinë…
Luan Rama tha se pse jo zotin Meta. Ju do ta votonit?
Unë do të gjykoj gjithmonë kandidatët që do të jenë në garë. Nëse do të jetë një kandidat konsensual, situata është shumë e thjeshtë. Nëse do të jenë në garë dy apo tre kandidatë, unë do të votoj kandidatin më të mirë. Ti e ke shumë të qartë se unë edhe më përpara kam bërë disa zgjedhje shumë të vështira për pozicionin ku ndodhet një deputet apo një forcë politike. Nuk e kam fare problem të jem vota e 71-të edhe e PD-së, nëse do të jetë një person dinjitoz që do vijë si kandidat për President.
Do mbani të njëjtin qëndrim si në vitin 2009?
Nëse do të jetë e nevojshme, unë nuk kam komplekse. Do të votoj për figurën më të mirë.
Zonja Topalli është e tillë?
Duhet të shohim kandidatët që janë në garë. Të gjithë emrat e deritanishëm kanë dalë nga mediat, askush s’ka dalë ende.
Po nëse Metën e propozon PS dhe të ketë një garë Meta-Topalli?
Nuk hyj në gjëra konkrete kur s’ka gjë konkrete. Nuk ia vlen që të hyjmë në emra të përveçëm, në një kohë kur s’kemi kandidatë konkretë. Për të qenë realist, unë nuk mendoj se do të ketë një President konsensual, sepse shoh lëvizjet që po bëjnë kahet politike për të ngushtuar radhët dhe për të siguruar votat. Përpiqen që të mos u shiten ato që kanë dhe përpiqen që të sigurojnë disa më shumë sesa deputetët që kanë brenda grupimeve politike. Ka filluar tashmë lufta për të zgjedhur një President me 71 vota. Kjo po ndodh në Parlament.
Duket sikur po përgënjeshtroni atë që thatë pak më parë, që jeni të gatshëm të votoni një nga PD…
Pse e merr si përgënjeshtrim? Nëse do kem një kandidat të majtë që është super hajdut, i korruptuar dhe i pamoralshëm dhe do kem përpara zonjën Topalli, të jesh i sigurt që do votoj zonjën Topalli. Do vlerësoj kandidatin si person që e pëlqen publiku.

ILIR BABARAMO

[Albo]

Presidenti, deputeti i PS: Blerja jonë? Një gënjeshtër

Nga: DARINA TANUSHI

TIRANE - Deklarata e kryetarit socialist Edi Rama për tentativën e kryeministrit Berisha për të blerë 2 deputetë nga grupi parlamentar i PS-së ka sjellë diskutime edhe mes deputetëve të kësaj partie.

Të kontaktuar nga “Gazeta Shqiptare”, shumë prej deputetëve mohojnë të kenë dëgjuar emrat e dy deputetëve që u janë ofruar shuma parash në këmbim të votës së një kandidati për president nga ana e PD-së.
Një prej këtyre emrave që është përfolur dy ditët e fundit, qysh pas deklaratës së kreut të PS-së, Rama. Deputeti i qarkut të Durrësit, Hazir Gashi mohoi kategorikisht që ai të ketë pasur ndonjë ofertë të tillë. Madje, ai u shpreh i shqetësuar për përmendjen e emrit të tij, në një diskutim të tillë “pazaresh” siç komentoi Gashi për Gazetën.

“Kush është burrë le të dalë dhe të thotë kush është blerë. Kjo është gënjeshtër e madhe”, - u shpreh Gashi, duket i nxehur edhe me deklaratën e kryetarit të partisë së tij. Ai tha se “nuk kam nevojë për para. Nëse dua t’ia jap votën dikujt; këtë mund ta bëj pa më joshur njeri, por sepse kështu mendoj. Dha jam aq burrë sa të shkoj në parti dhe të them deri këtu, por dua të votoj filanin për President”. “Unë nuk di të joshet ndonjë deputet, sepse s’ka nevojë”, -tha Gashi, duke mohuar edhe mundësinë që brenda grupit të PS-së të ketë ndonjë tjetër deputet që mund të blihet nga Berisha. Veç emrit të tij, këto ditë është përfolur edhe ai i deputetit të Shkodrës, Ndue Kola, për të cilin, kolegu i tij, Gashi tha se nuk ka nevojë për para që të japë votën. “Berisha nuk ka nevojë t’i blejë deputetët se i ka brenda koalicionit të tij për të zgjedhur Presidentin. Nuk ka nevojë të blejë as Kastriot Islamin e as Dritan Priftin”, - përfundoi Gashi.

AKUZAT
Nisur edhe nga tradita e vitit 2007, kreu socialist, Edi Rama, pa bërë të ditur emra konkretë lëshoi të martën, deklaratën që habiti deputetët, në mbledhjen e grupit parlamentar të PS-së. “Mbrëmë (të hënën) dhe të shtunën mbrëma, dy deputetë socialistë janë vendosur përpara ofertës në para të të dërguarve të kryeministrit për të dhënë votën e tyre për kandidaturën e Partisë Demokratike për President të Republikës”, - deklaroi Rama. Këtë, kreu i PS-së e ka thënë publikisht, por pak minuta më tej, në mbledhjen me dyer të mbyllura asnjë nga deputetët nuk ka pyetur se kush janë dy kolegët dhe Rama nuk ka dhënë më shumë sqarime rreth kësaj që tha publikisht. “E them publikisht këtë fakt, jo se është diçka e re. Ka ndodhur po kështu kur kryeministri kërkonte të çante me para në dorë grupin tonë parlamentar gjatë periudhës së bojkotit të parlamentit. Ka ndodhur po kështu edhe kur duhej të zgjidhej Presidenti i Republikës në vitin 2007”, - u shpreh kreu i PS-së.

(er.nu/Gazeta Shqiptare/BalkanWeb)

[Albo]

Presidenti, Rama: Berisha bën shurdhin, Dule: OK mocionit kundër qeverisë

TIRANË- Gjetja Gjetja e konsensusit për emrin e presidentit të ri uli sot në një tryezë kryetarin e Partisë Socialiste, Edi Rama me kreun e PBDNJ-së Vangjel Dule.

Ky takim është pjesë e takimeve që Rama ka nisur me krerët e partive parlamentare që i janë përgjigjur ftesës së tij publike, për të diskutuar në lidhje me zgjedhjen e presidentit të ardhshëm të vendit. Në takimin që zgjati rreth 1 orë, Rama shoqërohej nga kreu i grupit parlamentar, Gramoz Ruci.

Deri më tani, Rama është takuar me ish-aleatin e tij Ilir Meta dhe me kryetarin e PDIU-së Shpëtim Idrizi. Kryesocialisti ka deklaruar se për gjetjen e kompromisit në lidhje me emrin e presidentit të ri, ai do ishte i gatshëm të takohej edhe me kryeministrin Berisha.

RAMA: BERISHA DO PRESIDENT PËR VETEN
Kryesocialisti Rama pas takimit që zgjati rreth 1 orë me kreun e PBDNJ-së, Vangjel Dule, nuk komentoi konkluzionet e bisedës së tyre, por u ndal të theksojë edhe njëherë nevojën urgjente që ka vendi për miratimin e reformës zgjedhore dhe për konsensusin në lidhje me emrin e presidentit të ri.

“Koha po ikën, ne kemi detyrim t’i japim zgjidhje dy momenteve të rëndësishme. Na duhet një reformë zgjedhore e dakordësuar para 24 majit, në një zë më gjithë bashkësinë ndërkombëtare ashtu sikur na duhet një president që të jetë mishërim i unitetit të kombit, në këtë periudhë kur shqiptarët duhet të shkojnë bashkë përpara”, tha ai.

Lideri i PS, nuk nguroi të akuzonte kryeministrin Berisha se do një president të njëanshëm, pra nga mazhoranca dhe jo një president konsensual, sic pretendon Rama.

“Jemi në kushtet kur kryeministri bën shurdhin, do president për veten, ndërkohë që ne duam president për Shqipërinë”, shtoi ai.

DULE: MBËSHTESIM NANON, PRO MOCIONIT KUNDËR QEVERISË
Kreu i PBDNJ-së Vangjel Dule, pas takimit me kreun e Partisë Socialiste Edi Rama në selinë rozë, rikonfirmoi votën e tij pro kandidaturës së Fatos Nanos si president. Ndërkohë, Dule tha se partia e tij do të jetë pjesë e procesit konsensual për zgjedhjen e kreut të shtetit.

“Ne jemi shprehur dhe vijojmë ti qëndrojmë opinionit se Nano është një kandidaturë që plotëson kriteret që kërkon një proces konsensual dhe gjithëpërfshirës që kërkon që presidenti të jetë korrekt që do mbrojë Kushtetutën dhe do garantojnë funksionimin e shtetit dhe përfaqësimin e shtetit në arenën ndërkombëtare. Ne besojmë se dhe në frymën e konsensusit Nano do ishte kandidaturë e mirë”,- deklaroi Dule.

Duke iu përgjigjur interesit të gazetarëve, pas deklaratave që deputeti Dritan Prifti bëri në News24, për për një mocion të mundshëm që po përgatitet kundër qeverisë Berisha, Dule duke theksuar se partia e tij nuk bëhet pjesë e skenarëve të partive të treta në vend, deklaroi se PBDNJ-së është pro mocioneve të mosbesimit si një tregues demokracie.

“Përse në vendin tonë nuk është ushtruar mocioni i mosbesimit? Ai është fenomen i shpeshtë në gjitha demokracitë dhe ne do i bashkë ngjiteshim”,- theksoi Dule, i cili bëri thirrje që reforma zgjedhore të përfundojë brenda afatit.

(ma.ar/el.me/BalkanWeb)

[Albo]

Deputetet e PS: Darka e Lalzit, e pamoralshme

Ne mbledhjen e Kryesise socialiste, z.Rama u perball me anetaret e forumit te larte rreth darkes se famshme te Gjirit te Lalzit. Raportimet nga brenda mbledhjes thone se ka pasur debate te shumta per qellimin dhe efektet e darkes se fshehte, qe per disa anetare te kryesise do te prodhoje efekte negative ne elektoratin tradicional socialist. Disa nga pjesetaret e kupoles roze e kane cilesuar te pamoralshem kete afrim te pazakonte. Ata kane theksuar se me kete darke, bien te gjitha akuzat, parimet dhe lufta politike e bere deri tani nga PS kunder Metes dhe qeverise, ku LSI ka tre vite qe ben pjese. Socialistet e Kryesise i kane kerkuar z.Rama, sqarime se per cfare qellimi eshte bere takimi i Gjirit te Lalzit dhe se a do te vijoje ky bashkepunim pertej zgjedhjes se Presidentit. Ben Blushi, sic mesohet nga burime ne PS ka deklaruar se cdo kryqezim i Rames per darken eshte i pakuptimte. Blushi ka dale ne mbrojtje te levizjes se befte te kreut te PS duke argumentuar se kjo levizje eshte bere nga Rama per te sjelle socialistet ne pushtet. Thelbi i fjales se Ben Blushit ka pasur te beje me ate qe darka Rama-Meta eshte bere per te dhene nje sinjal te kundert me ndarjen e PS-LSI te ndodhur tre vite me pare. Por anetaret e Kryesise vleresuan se u hodh poshte keshtu kauza me e forte qe PS dhe e tere opozita kishte, ajo e luftes ndaj korrupsionit qe arriti deri ne demonstraten e dhunshme te 21 janarit 2011 ku protestuesit sulmuan policine, proteste qe perfundoi dhimbshem, me vdekjen e kater pjesemarresve dhe plagosjen e disa dhjetera te tjereve, protestues, police dhe gardiste.

KJ

[Albo]

Nuk ka asgje te keqe qe liderat politike te komunikojne me njeri-tjetrin, qofshin keto takime publike apo private. Ne fakt, kjo eshte gje e mire, pasi rikthen normalitetin ne jeten politike shqiptare. Politika nuk eshte lufte, ashtu sic e kuptojne gabimisht shumica e shqiptareve, politika eshte kompromis. Mbro qendrimet e tua por te jesh i pergatitur qe te besh kompromis me palen tjeter, per hir te zgjidhjes se problemeve te vendit e qytetareve qe te kane dhene votebesimin.

Kuptohet qe takimi nuk u prit mire nga kryesia e socialisteve pasi per plot 3 vjet keta e kane kthyer Ilir Meten ne tabele qitjeje duke e akuzuar e sulmuar ate publikisht e personalisht me lloj lloj akuzash vetem e vetem se ai zgjodhi te behet pale e koalicionit qeverises se vendit. Ky kontigjent njerezish nuk e kupton dot politiken e kompromisit, politiken e numerimit te votave. Per ta politika eshte gara e sharrjeve dhe ofendimeve publike, gara e propagandes qorre publike, qe nuk te nxjerr asgjekundi.

Nese Meta-Rama u takuan per hir te zgjidhjes se ngercit te zgjedhjes se presidentit te ardhshem, takimi i tyre duhet pershendetur. Nese jane takuar per te avancuar interesat e tyre te ngushta politike, ne dem te vendit, sic po aludohet ne media ne lidhje me "mocion mosbesimi ndaj qeverise" ky akt do te jete nje akt i turpshem dhe nje turp historik: teksa shteti shqiptar dhe shqiptaret po pergatiten te festojne 100 vjetorin e pavaresise se tyre, keta po inskenojne skenare politike qe kane per qellim ta kalojne vendin ne krize e destabilitet politik ne kete feste jubilare. Nuk duhet te kete mocione mosbesimi dhe kulisa politike kete vit, por duhet te kete vetem bashkepunim dhe kompromis per tu dhene zgjidhje problemeve te vendit dhe per te krijuar nje klime te qete politike ne kete vit jubilar. Viti i ardshem 2013, eshte viti i zgjedhjeve, dhe partite politike mund te bejne te gjitha pergatitjet dhe pazaret e tyre.

Shqiptaret ne menyre te perseritur, si ne zgjedhjet e 2009 si ne zgjedhjet e 2011 votuan ne mase dhe kerkojne normalitet ne jeten e vendit. Duan zgjidhje per problemet e tyre, nuk duan konflikt dhe polarizime politike qe mbajne vendin ne vend numero. Kushdo politikan apo parti politike qe nuk e kupton kete gje, do te ndeshkohet rende nga elektorati ne zgjedhjet e ardhshme. Zgjedhjet e ardhshme nuk do ti fitojne as koalicionet e as pazaret politike, do ti fitoje ajo parti apo ai koalicion qe do te ofroje zgjidhjet me te mira per problemet e qytetareve. Me shume se kurre ndonjehere me pare, votuesi shqiptar nuk voton me qorrazi vetem bazuar ne militantizmin politik, por voten e tij e bazon mbi interesat e tija personale e familjare. Cfare zgjidhjesh me ke ofruar apo me premton ti sot per problemet e mia?

Albo

[Endri_]

Kto takime tregojne qe kemi politikan amator ,te paskrupullt dhe me nje moral shume te ulet. Politika shqiptare dhe politikanet shqiptare duhet t'i japin njehere e pergjithmone fund akuzave personale dhe nga me banalet per kundershtaret e tyre. Si nano ,berisha ,rama ,meta skane lene gje pa thene per njeri tjetrin ,nderkohe qe vjen nje dite e bukur dhe na bejne teater a thu qe ska ndodhur asgje dhe vecse ka qene nje enderr e keqe. Pfff.
Tamam plehra dhe njerez aspak largpames ,me mentalitet tipik shqiptar qe llafin e fundit e thone te parin dhe anasjelltas. Le te marrin dvd e fushates holland-sarkozy dhe t'a shohin cdo dite para se te ikin n'pune se si mund te arrihet integrimi evropian. Kto vizita nuk perbejne aspak lajm pozitiv ,por si gjithmone jane pazare qe behen ne kurriz te popullit.