Close
Faqja 0 prej 2 FillimFillim 12 FunditFundit
Duke shfaqur rezultatin -19 deri 0 prej 33
  1. #1
    Hierark i lartë Maska e Uriel
    Anëtarësuar
    07-02-2010
    Vendndodhja
    Torre della Fame
    Postime
    1,207

    Lufta dhe ana filozofike e psikozës së saj

    Shumica e shkencëtarëve duket se pajtohen me konceptin se konflikti është ''fenomen i përhershëm dhe dinamik që nuk njeh kufij sistemesh''. Ai gjithashtu nuk ka fund, vetëm mund të transformohet.

    Ka një sërë përkufizimesh për konfliktet, bazuar në tregues cilësorë dhe sasiorë. Veçojmë dy grupe qëndrimesh akademike: klasikët që bazohen në ndarjen strukturore të shoqerisë njerëzore dhe mendimtarët modernë që bazohen në natyrën e individit, qëndrimin që mbajnë ata e kuptimin që i japin aktit dhe veprimit të atyre palëve të përfshira në konflikt dhe palëve të treta, indiferenete ndaj konfliktit.

    Grupi i parë, ka dallime brënda për brënda lidhur me gjëndjen, mjetet dhe qëllimet e konflikteve sociale. Karl Marksi dhe Max Webber konsiderohen klasikët më influencues. Për Marksin konflikti është një gjëndje konstante e sistemit politik kapitalist, që bazohet në sasinë e fuqisë ekonomike të palëve, dhe determinues për të çuar shoqërinë kapitaliste përpara dhe arritjen e rishpërndarjes së të mirave materiale të grumbulluara vetëm në një pol, pakica e shoqerisë. Kjo përmes shkatërrimit të strukturës së vjetër dhe institucioneve të saj. Marksi fillon me supozimin se natyra njerëzore është krijuese dhe bashkëpunuese në themelin e saj, por struktura kapitaliste e prish atë, determinon sjelljen njerëzore. Ashtu si Marksi, edhe Webber pranon ndarjen strukturore të shoqërisë, por ndryshe nga ai, ai e përkufizon konfliktin si të zakonshëm, gjë normale në jetën e shoqërisë apo grupit njerëzor, një zgjedhje të individëve që veprojnë bazuar në interesat e veta për të arritur pushtetin në një situatë të dhënë. Ndryshe nga Marksi, Webber merret me faktin se si mund të legjitimizohet pushteti për ta ruajtur kohezionin e shoqërisë dhe mbajtuar atë sëbashku, duke e përmbajtur, e bllokuar konfliktin, duke ruajtur rregullin dhe integrimin social.

    Marrëdhënie të panumërta stabël në shoqëri përmbajnë konfliktin, por konflikti është i maskuar, ai qëndron nën sipërfaqe për shkak të rolit të legjitimitetit.

    Grupi i dytë merret më tepër me natyrën njerëzore dhe teknikat intervenuese për përmbajtjen, bllokimin, menaxhimin ose zgjdhjen e konflikteve. Ata eksplorojnë natyrën njerëzore, sidomos të grupit njerëzor, fisit, tribusë, grupit të interesit etj dhe variablat e natyrës së individit.

    Fenomenet mendore tradicionalsht ndahen në tre kategori: njohëse, qe ka të bëjë me dijen, afeksioni, që ka të bëjë me ndijimin dhe volitive, që ka të bëjë me veprimin, vullnetin, qëndrueshmërinë. Teknologjia e amplifikon disa herë efektin e veprimit të secilit fenomen mendor tek individi, institucionet dhe turmat. Lufta i ndan individët në grupe njerëzore të dallueshme, të cilët aplikojnë me perparësi dominuese në mendjen e tyre njërin nga këto proçese: aresyen, ndijimet dhe qëndrueshmërinë e personalitetit

    Ana filozofike e psikozës së luftës:

    Shumë filozofë që nga Platoni, kanë vleresuar aftesinë e njeriut për dije, si karakteristikë themelore për ta dalluar atë nga kafshët. Nëse dikush pyet se çfarë është dija, ai futet në problemin themelor të njërës prej fushave të filozofisë, epistemologjisë. Por dija ka edhe një aspekt të rëndësishëm psikolgjik, dhe ky është rasti kur filozofia e mendjes bëhet relevante. Shpesh herë thuhet se të njohësh diçka është njëlloj sikur ta besosh atë se është e tillë, dhe natyra e besimit shtrihet qartazi brënda provincës së filozofisë së mëndjes. Përderisa një person nuk humbet besimin kur ai nuk është i vetëdijshëm gjatë ndjekjes së tij, rruga për tek besimi që favorizohet më tepër në ditët e sotme është ta trajtosh atë si një predispozitë, e cila si gjithë paragjykimet del hapur vetëm në raste sporadike. Fenomenet e tjera psikologjike që i takojnë fushës së dijes janë edhe vëmëndja, perceptimi ndjesor, kuptimi, memorja, aresyetimi, dyshimi. Pikëpamja se secila nga këto kërkon një eksperiencë personale, është kundërshtuar me shumë efektivitet në shkrimet e Ludwig Wittgenstein (strukturalist), një nga mendimtarët më me influencë te Analizave Linguistike. Duke mbajtur mend se furra është ende e ndezur, shkruan ai, nuk konsiston në ndonjë gjë, por debati i zjarrtë në një bisedë, dhe nderkohë fikja e furrës së ndezur, e gjitha kjo energjikisht dhe me vijim të bisedës, kjo është treguese. Por ende nuk është e qartë përse ky proçes quhet ''mbajtja mend se furra është e ndezur''. Ndoshta më e mira që mund të thuhet është se ka analogji midis shfaqjes së memorjes dhe shfaqjeve të vetëdijes perfundon ai. Është detyra e filozofisë së mendjes t’i egzaminojë, klasifikojë dhe analizojë marrëdhëniet midis fenomeve të tilla. Por kohë më parë, ishte Bacon, i cili e lidhi dijen me pushtetin, dhe qe i dha vlerën e tij Makiavelit, dijes pragmatiste të tij. Makiaveli na tregoi si ecën dhe si është bota, ndryshe nga dijetarët e mëparshëm që na kanë treguar se si duhet të jetë ajo. Në këtë labirinth e gjejnë veten politikanët, ushtarakët dhe masat e popullit të kthyer në turma nën efektin drogues të nacionalizmave, ideologjive politike dhe fondementalizmave gjithngjyrëshe në kushtet përgatitore të shpërthimit të konflikteve ose me rrenimin e legjitimitetit të qeverisjes.

    Proçeset afektive, ndjesore

    Njeriu nuk ka vetem kapacitet për të ditur, por edhe për tu përgjigjur emocionalisht për atë që ai di. Një njeri jo vetëm mund të besojë kur disa ngjarje do të shaqen, por ai edhe mund të deshirojë, frikësohet ose mirëpresë ato. Lidhur me gjërat që një njeri njeh, di, ai mund ti aprovojë ose disaprovojë ato, dojë ose urrejë ato, ndjejë keqardhje ose xhelozi, gëzim ose revoltim.

    Proçeset volitive (veprimi i vullnetshëm): pathosi, vetëdija, dhimbja tragjike, depresioni, keqardhja janë proçese që shtohen ose pakësohen nën influencën e vullnetit. Intelekti dhe emocionet shpesh dalin në pah me vullnet dhe veprim, çështje të rëndësishme këto të filozofisë së mendjes. Kategori të tilla që përmbajnë të tilla koncepte jane motivi, dëshira dhe qellimi, planifikimi me synim, vendimi, synimi, përpjekja dhe veprimi, me dashje ose padashje. Ka disa lloj teorish që shpjegojnë këtë pjesë, veprimtarinë e vullneteshme: 1) Veprimet janë ngjarje të prodhuara nga shkaqe të caktuara, dëshira, interesa ose akte të vullneteshme, disa teori të tjera i japin përparësi dëshirave dhe besimeve të personave ose individëve të pushtetshëm. 2). Veprimet janë ngjarje të shkaktuara në një sens të veçantë, nën infuluencën teologjike, ideologjike, se sa shkaqe mekanike, janë ngjarje parësore se sa thjesht reaksione përgjegjëse apo reflekse. 3). Veprimet janë ngjarje të karakterizuara dhe të vlerësuara bazuar në disa rregulla dhe standarte sjellje, ose principe të sjelljes racionale ose etike, për të cilat subjekti mbahet përgjegjës, besohet, jep llogari, vlerësohet ose shahet, shpërblehet ose dënohet.

    Çdo teori e veprimit duhet të japë të dhëna mbi vullnetin e lirë, fuqinë e moralit, çështje kryesore kjo e teorisë së etikës, Nqs një filozof i përmbahet pikëpamjes së vullnetit të lirë, liria për të vepruar është njelloj me determinzmin e paracaktuar, atëherë çdo pikëpamje e mësipërme do lejonte vullnetin e lirë. Madje edhe nëse mendohet se një veprim nuk është i lirë nëse ai ka shkaqe që gjënden jashtë subjektit veprues, përsëri vullneti do influencohet nga besimet, dëshirat, vlerat, standartet e grupit njerëzor, identiteti i përbashkët i grupit, i turmës, i kolektivit, etj. Në këto kushte nuk ka ushtrim vullneti të lirë, por veprim nën trysninë e sedrës, bindjeve të verbra, besimit në ideale, revanshit, krenarisë dhe furisë së turmës. Këto fenomene i shpjegon më së miri Klauzevici në teorinë e tij të luftës, të aplikueshme si për luftrat ndërshtetërore ashtu edhe në luftrat e brëndshme, të ashtëquajtura civile.

    J.P
    Ndryshuar për herë të fundit nga Uriel : 23-07-2011 më 05:28
    relata refero

  2. #2
    Citim Postuar më parë nga Uriel Lexo Postimin
    ....Grupi i dytë merret më tepër me natyrën njerëzore dhe teknikat intervenuese për përmbajtjen, bllokimin, menaxhimin ose zgjdhjen e konflikteve. Ata eksplorojnë natyrën njerëzore, sidomos të grupit njerëzor, fisit, tribusë, grupit të interesit etj dhe variablat e natyrës së individit.
    Personalisht, nisem edhe une nga kendveshtrimi i natyres njerezore, ne lidhje me lindjen e konfliktit, bazohem per kete ne faktin se vete njeriu eshte shpesh ne rradhe te pare, ne konflikt me veten. Nese i referohemi filozofise utilitariste, ku vete brenda njeriut zhvillohet nje lufte e brendshme mes se mires dhe se keqes. Ky konflikt i brendshem, duke qene edhe nen ndikimin e faktoreve te jashtem, mund te shfaqet pastaj edhe kundrejt te tjereve, duke krijuar nje efekt zinxhir...
    Pastaj si gjithmone, historikisht eshte i pranishem edhe instikti i mbijeteses, se kush eshte i forti per te sunduar, dhe kush do jete ne gjendje t'i pershtatet sundimit dhe te mbijetoje ne kete konflikt te perhershem, tani jo vetem me vete qenien e tij, por konfliktit qe shfaqet ne shoqerine njerezore... Konflikti i perhershem i njeriut me njeriun, ashtu sic thoshte edhe Hobs : "njeriu per njeriun eshte ujk".

  3. #3
    back to origin Maska e ☆Angie☆
    Anëtarësuar
    02-11-2007
    Vendndodhja
    Skyline
    Postime
    2,559
    Citim Postuar më parë nga Yes* Lexo Postimin
    Pastaj si gjithmone, historikisht eshte i pranishem edhe instikti i mbijeteses, se kush eshte i forti per te sunduar, dhe kush do jete ne gjendje t'i pershtatet sundimit dhe te mbijetoje ne kete konflikt te perhershem
    Spencer e quan duke u mbështetur në teorinë e evulucionit të Darwin-it survival of the fittest. Ai thotë se nëpërmjet luftës për ekzistencë shoqëritë kalojnë nga të thjeshta në komplekse me anë të difenrencimeve suksesive. ''Organic and social evolutions conform to the same law''.
    Elegance is an attitude.

  4. #4
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Lufta ne thelb te saj ka interesin, dhe interesi eshte fjala qe fsheh lakmine. Qe nga kohet e hershme, e deri me sot, luftrat jane bere per nje arsye te thjeshte, qe interesat e nje populli te perfitojne nga shfrytezimi i interesave te nje populli tjeter. Pavaresisht nga motivacionet publike dhe historike, ne thelb te saj lufta eshte menyra e dhunshme e zgjidhjes se konfliktit te interesave.

    Kjo ishte e vertete ne kohet e hershme ku lufta kish nje karakter lokal, eshte e vertete edhe ne kohen e sotme kur lufta ka nje shtrirje globale. Kete e mundeson zhvillimi i teknologjise se luftes. Luftrat sot behen per motive te qarta ekonomike: nevojat gjithmone ne rritje te ekonomive te zhvilluara per energji dhe lende te pare prodhimi. Zhvillimi i vendeve si Kina e India, solli nje rritje te nevojave te ketyre tregjeve e ekonomive per energji. Zhvillimi i teknologjise nga ana tjeter, ka pershpejtuar ne menyre te frikshme ritmet e prodhimeve te nje game te gjere produktesh, qe ne vetvete eshte duke shfrytezuar me nje shpejtesie maramendese, resurset natyrore te botes.

    Sa me skarse behen produktet natyrore te energjise dhe materialit te pare, aq me shume rritet konflikti i interesave midis ekonomive te zhvilluara, dhe kjo ne vetvete do te shpier nje dite ne konflikt. Shpresa e vetme ne kete pike, eshte inovacioni teknologjik, qe ndihmon ne krijimin e burimeve te reja energjitike, qe ul kerkesen e larte mbi resurset natyrore. Armiku me i madh i stabilitetit te botes ne te cilen jetojme, eshte nafta, ai qe njihet si "ari i zi". Ky eshte produkti kryesor energjitik me te cilin vihen ne levizje ekonomite e mbare botes. Askush nuk e di me saktesi se sa rezerva nafte kane mbetur ne bote, por te gjithe e dine qe nga viti ne vit, kerkesa per kete element vijne gjithmone ne ngritje, nga kerkesa e vendeve ne zhvillim.

    Aspekti tjeter i luftes ne kohen qe jetojme eshte se zhvillimi teknologjik i makinerise luftarake ka arritur ne ate shkalle, sa vete forma e luftes ka ndryshuar. Askush nuk guxon me te shpalli lufte vendeve me nje teknologji ushtarake te tille, duke na garantuar ne kete menyre, paqe per pjesen derrmuese te botes ne keto 100 vjetet e fundit. Kjo periudhe paqeje kaq e gjate, eshte ne vetvete e paprecedent ne historine e njerezimit. Dhe kjo ka ndryshuar edhe vete perspektiven e shume popujve per luften: shembulli konkret, vendet evropiane qe vetem 70 vjet me pare i vune zjarrin botes, sot nuk shpenzojne aq sa duhet per buxhetin e ushtrive te tyre, dhe kete kosto te sigurise e mbulon SHBA qe ka bazat e saj ne Evrope. Ato leke qe evropianet do ti shpenzonin per ushtrite e tyre, kane dekada qe i kane derdhur ne programe sociale, qe rrisin varesine e individit tek shteti. Bile sa here qe ka patur konflikt, ku interesat evropiane ishin te kercenuara, keto shtete kane hasur ne dy probleme: problemin e mosfinancimit te luftes, problemin politik te mos mbeshtetjes se luftes nga shoqerite e ketyre vendeve. Lufta ne keto vende eshte jo-popullore per dy arsye: a) brezi i tyre eshte rritur ne paqe dhe nuk e njeh luften apo nevojen e saj b) lufta per ta largon resurset e shtetit nga programet sociale, qe prek ne vetvete mireqenien e tyre materiale.

    Eshte interesante kur shikon ne shume vende te botes, se si eksperienca e luftes, ndikon ne botekuptimin e njerezve. E shohim ne SHBA, e shohim ne Evropen Lindore, e shohim ne Japoni, Kore e Jugut, Rusi e Kine. Brezi i vjeter qe e ka perjetuar luften, ka nje botekuptim tjeter nga femijet e niperit e tyre, qe nuk njohin lufte por jane rritur ne kohe paqeje.

    Albo

  5. #5
    i/e regjistruar
    Anëtarësuar
    27-12-2004
    Postime
    1,681
    Luftrat, nuk japin kurre zgjidhje perfundimtare te problemeve apo konflikteve, ato japin gjithmon vetem zgjidhje te perkoheshme dhe te njeaneshme. Kete e kane kuptuar edhe fuqite e medha, si usa,kina,rusi,anglia etj, por ne pamundesi te nje zgjidhje paqesore dhe te barasvlershme per te gjithe perdorin luften.
    Prandaj per te evituar lufterat dhe ne te njejten kohe, te zgjidhen te gjitha konliktet mes popujve, dhe mes njeriut dhe natyres, ne njerzit duhet te ndryshojme menyren e jeteses qe eshte shprehur edhe ne kete citim.

    Shpresa e vetme ne kete pike, eshte inovacioni teknologjik, qe ndihmon ne krijimin e burimeve te reja energjitike, qe ul kerkesen e larte mbi resurset natyrore.
    Shum individ po punojne ne kete drejtim dhe nuk do jete e larget dita qe njerzit do ndryshojne menyren e jeteses ne dobi te gjith planetit, species se tyre dhe specieve te tjera. Biles ka mundesi qe edhe brezi yne ta shohi kete ndryshim, apo fillimiet e tij.

  6. #6
    R[love]ution Maska e Hyllien
    Anëtarësuar
    28-11-2003
    Vendndodhja
    Mobil Ave.
    Postime
    7,708
    Citim Postuar më parë nga dardajan Lexo Postimin
    Shum individ po punojne ne kete drejtim dhe nuk do jete e larget dita qe njerzit do ndryshojne menyren e jeteses ne dobi te gjith planetit, species se tyre dhe specieve te tjera. Biles ka mundesi qe edhe brezi yne ta shohi kete ndryshim, apo fillimiet e tij.
    Nuk e shikon dot brezi ynë, jo me këtë ritëm. Sipas simulimeve dhe ekuacioneve që ka modifikuar Sagani për ti përshtatur nga astronomi Rus Kardashev, ne jemi sot ne Type 0 cilization, diku tek 0.7x. Që të shkojmë në Type I, pra 1.0 duhet të presim deri ne 2250, kjo sigurisht duke marë parasysh që nuk do shkatërrojmë vetveten. Type I është një civilizim që maksimalizon cdo burim në tokë, arrin të përdorë fuqinë e djellit në tokë, gjeotermale, ere etj. Jemi ende larg, qoftë shkencërisht, por sidomos mendërisht.

    "The true history of mankind will be written only when Albanians participate in it's writing." -ML

  7. #7
    i/e regjistruar
    Anëtarësuar
    27-12-2004
    Postime
    1,681
    Citim Postuar më parë nga Hyllien Lexo Postimin
    Nuk e shikon dot brezi ynë, jo me këtë ritëm. Sipas simulimeve dhe ekuacioneve që ka modifikuar Sagani për ti përshtatur nga astronomi Rus Kardashev, ne jemi sot ne Type 0 cilization, diku tek 0.7x. Që të shkojmë në Type I, pra 1.0 duhet të presim deri ne 2250, kjo sigurisht duke marë parasysh që nuk do shkatërrojmë vetveten. Type I është një civilizim që maksimalizon cdo burim në tokë, arrin të përdorë fuqinë e djellit në tokë, gjeotermale, ere etj. Jemi ende larg, qoftë shkencërisht, por sidomos mendërisht.

    Une di te them qe specia jone keto 100 vjetet e fundit ka bere shum ndryshime sasiore, te cilat domosdoshmerisht do cojne ne ndryshime cilesore, pra ne hapin e madh cilesor. Cdo gje rreth nesh biles dhe rregullat dhe konceptet me te thjeshta, po ndryshojne me nje shpejtesi shum te madhe aq sa per te qendruar ne te njeten rrjedhe duhet te axhornohesh cdo dite.
    Kriza qe po jetojme eshte fryt i ketij zhvillimi dhe ndryshimi te shpejte si nga ana mendore e njerzve dhe nga ana teknollogjike e industrise.
    Ne rastin konkret te krizes mendimi mesatar njerezor ka ecur me parpara se teknollogjia qe nuk po i pershtatet dot ketij zhvillimi, dhe problemi kryesor eshte ai qe duket me i thjeshti, Shtepia, Uji, Ushqimi.
    Popullsia po rritet shume, dhe njerzit nuk duan te banojne me neper pallate me nga 100-200 familje por deshirojne nje cope toke me vete. Kjo ka bere zhdukjen e mijra e mijra hektare toke buke ose toke ndertimi, me kete ritem nuk do kete me toke per shtepi mbas disa dekadash. Ky lloj ndertimi kerkon nje urbanizim me te hapur e me te kushtueshem per cdo ekonomi.
    Nga ana tjeter gjith kjo popullsi kerkon ushqim dhe uje por meqe tokat jane zene me ndertime ushqimi eshte kthyer ne industri ku nuk ka rendesi cilesia por sasia dhe shpejtesia e prodhimit dhe riprodhimit ne menyre qe monedha te xhiroj sa me shpejt.
    Kjo arrihet nepermjet modifikimit te ADN se shum produkteve, dhe rritjen e tyre te sforcuar me kimikate apo produkte te tjera nga kjo industri.
    Ndersa mbas naftes uji eshte risorsa me ne rrezik per te mos thene qe eshte edhe me rendesishme se nafta.

    Te gjitha keto probleme nuk zgjidhen dot me nepermjet luftes, por nepermjet mendjes, koha e luftes ka perenduar, dhe koha e monedhes dhe ekonomis ka lulezuar.

    Ne bibel thuhet se njeriu do te linde vetem ateher kur te ndertoje shtepine ne shkemb.
    Kjo eshte shum dmth dhe une jam ne dijeni per te mos thene qe jam pjese e nje programi qe synon ndertimin e shtepive ne uje pra ne det dhe ne mal pra ne shkemb, duke liruar token nga cdo ndertim dhe urbanizim.
    Ne te njejten kohe po punohet gjithashtu edhe per nje program ushqimor qe eliminon te gjith zinxhirin ushqimor industrial dhe zevendesuar ate me nje shum here me te shkurter me te fresket, dhe me te lire, qe do ti pershtatet ketij lloj urbanizimi.

    Programi apo problemi tjeter eshte ai i organizimit te nje shoqerie, sepse e ashtuquajtura demokraci prulariste partiake eshte kalbezuar dhe nuk ka me asgje demokratike.

    Te tre keto faktore kryesore dhe te tjere me pak te rendesishem do te nderthuren per realizimin e ketij hapi cilesor te species tone.

    Punohet ne te tre drejtimet njekohesisht, por rruga eshte ende e gjate dhe une shpresoj qe ta arrijme edhe ne kete dite.

    LLogarite qe ka bere ai ne grafik jane relative per kohen, problemet dhe teknollogjine ne ate moment, por kjo konstante mund te levize e ndryshoje shpejt ne kahun pozitiv edhe brenda disa vitesh, prandaj nuk mund te merret per baze per nje kohe kaq te gjate.

  8. #8
    R[love]ution Maska e Hyllien
    Anëtarësuar
    28-11-2003
    Vendndodhja
    Mobil Ave.
    Postime
    7,708
    Mos je gjë në Venus Project ? Kam lexuar shumë për ta dhe kam rrespekt për Frescon, është njëri shumë i lexuar dhe i talentuar që i identifikon problemenet kryesore sot. Jam marë pak me këto gjëra por jo në ndonjë projekt special por kam njerëz që njof që merren me geo-engineering. Problemet që ke cekur janë shumë të vërteta, prandaj dhe unë përmenda më tepër punën e mentalitetit. Ka shumë interesa të ndyta politike, e cila kjo e fundit ka falimentuar totalisht në krijimin e një platformë solide me një vizion për të ardhmen. Kudo është një falimentim në rrang global.

    Arësyeja pse shumë gjëra nuk zgjidhen dot ndërmjet luftës është sepse tani kemi aftësinë për tu vetshkatërruar totalisht nëpërmjet armëve nukleare. Por lufta nuk ka mbaruar, ajo do mari forma të ndryshme(shih cfarë ndodhi në Norvegji), dhe nëse kriza ekonomike vazhdon nuk ka se si të ndaloj ky trend. Pra do ketë luftra lokale në rrang global.

    Llogaritë janë relative, por cështja është që njëriu ka interesa shumë të fuqishme me naftën dhe produkte të tjera. Nafta është një nga arësyet e shpërthmit demografik të pakontrolluar, por perëndimi me ngritjen e standartit të jetesës po e mban nën kontroll këto kohë, madje Europa do bie në popullsi. Shpërthimi këto 50 vitet e tjera do ndodhi në Afrikë. Kudo ku femra në shoqëri ka përparuar, popullata ka ndenjur nën kontroll. Në Afrikë dhe Azi femra është ende skllave dhe si rrjedhojë shpërthimi demografik atje do vazhdojë për dekada të tjera sepse nuk po i jepet ende zgjidhje problemit.
    "The true history of mankind will be written only when Albanians participate in it's writing." -ML

  9. #9
    i/e regjistruar
    Anëtarësuar
    16-11-2005
    Postime
    8,691
    Lufta eshte nje e keqe e nevojshme, jo me kot ka patur gjithmone dhe do kete gjithmone.
    Amin.

  10. #10
    Citim Postuar më parë nga xfiles Lexo Postimin
    Lufta eshte nje e keqe e nevojshme, jo me kot ka patur gjithmone dhe do kete gjithmone.

    Ngjan pak e tmerrshme ta pranojme, por ja qe vete njeriu ne te vertete eshte ai qe e do luften, konfliktin. Eshte vete shoqeria njerezore qe e stimulon dhe e shperblen konfliktin, qe shfaqet me ane te agresivitetit, pra me ligjin e te fortit. Nuk eshte lufta domosdoshmerisht vetem me arme, mund te shfaqet edhe ne forma te tjera, (agresivitet instrumental, strategji etj etj...) dhe prap pavaresisht cdo pasoje, ajo shperblehet nga shumica e qenieve njerezore. Nese shumica e njerezve, do kishte dashur paqen - tani do e kishim, por ja qe nuk e duam, sepse ne rradhe te pare njerezit e kane te veshtire te gjejne paqe me veten e tyre, dhe kur e shohin konfliktin te reflektuar edhe ne shoqeri, gjejne stimul ta favorizojne.

    Smith, bazohet ne faktin se duke qene se individet me agresive jane ata qe sundojne ne nje shoqeri, mbi ata qe jane me pak agresive, ne kete menyre agresiviteti eshte trajtuar si strategji e qendrueshme evolucioni. Eshte kjo arsyeja qe edhe ne ditet tona shoqeria njerezore shfaq instiktivisht veprime agresive, qe si rrjedhim do kemi konflikte te vazhdueshme.

    Per te mos e zgjatur shume, sepse do ishte e nevojshme edhe prania e anetareve te tjere, po e mbylli me nje proverb: Nese do paqe - pergatitu per lufte!
    Ndryshuar për herë të fundit nga Fleur Blanche : 25-07-2011 më 11:32

  11. #11
    i/e regjistruar
    Anëtarësuar
    16-11-2005
    Postime
    8,691
    Citim Postuar më parë nga Yes* Lexo Postimin
    njerezit e kane te veshtire te gjejne paqe me veten e tyre, dhe kur e shohin konfliktin te reflektuar edhe ne shoqeri, gjejne stimul ta favorizojne.

    Smith, bazohet ne faktin se duke qene se individet me agresive jane ata qe sundojne ne nje shoqeri, mbi ata qe jane me pak agresive, ne kete menyre agresiviteti eshte trajtuar si strategji e qendrueshme evolucioni. Eshte kjo arsyeja qe edhe ne ditet tona shoqeria njerezore shfaq instiktivisht veprime agresive, qe si rrjedhim do kemi konflikte te vazhdueshme.
    Po kjo eshte, reflektimi i luftes brenda vetes, gjithashtu edhe evolucioni ben te tijen sepse eshte ligj i natyres qe me i pershtatshmi mbijeton.

  12. #12
    -
    Anëtarësuar
    21-01-2009
    Vendndodhja
    -
    Postime
    2,081
    Citim Postuar më parë nga Albo Lexo Postimin
    Lufta ne thelb te saj ka interesin, dhe interesi eshte fjala qe fsheh lakmine. Qe nga kohet e hershme, e deri me sot, luftrat jane bere per nje arsye te thjeshte, qe interesat e nje populli te perfitojne nga shfrytezimi i interesave te nje populli tjeter. Pavaresisht nga motivacionet publike dhe historike, ne thelb te saj lufta eshte menyra e dhunshme e zgjidhjes se konfliktit te interesave.

    Kjo ishte e vertete ne kohet e hershme ku lufta kish nje karakter lokal, eshte e vertete edhe ne kohen e sotme kur lufta ka nje shtrirje globale. Kete e mundeson zhvillimi i teknologjise se luftes. Luftrat sot behen per motive te qarta ekonomike: nevojat gjithmone ne rritje te ekonomive te zhvilluara per energji dhe lende te pare prodhimi. Zhvillimi i vendeve si Kina e India, solli nje rritje te nevojave te ketyre tregjeve e ekonomive per energji. Zhvillimi i teknologjise nga ana tjeter, ka pershpejtuar ne menyre te frikshme ritmet e prodhimeve te nje game te gjere produktesh, qe ne vetvete eshte duke shfrytezuar me nje shpejtesie maramendese, resurset natyrore te botes.

    Sa me skarse behen produktet natyrore te energjise dhe materialit te pare, aq me shume rritet konflikti i interesave midis ekonomive te zhvilluara, dhe kjo ne vetvete do te shpier nje dite ne konflikt. Shpresa e vetme ne kete pike, eshte inovacioni teknologjik, qe ndihmon ne krijimin e burimeve te reja energjitike, qe ul kerkesen e larte mbi resurset natyrore. Armiku me i madh i stabilitetit te botes ne te cilen jetojme, eshte nafta, ai qe njihet si "ari i zi". Ky eshte produkti kryesor energjitik me te cilin vihen ne levizje ekonomite e mbare botes. Askush nuk e di me saktesi se sa rezerva nafte kane mbetur ne bote, por te gjithe e dine qe nga viti ne vit, kerkesa per kete element vijne gjithmone ne ngritje, nga kerkesa e vendeve ne zhvillim.
    Albo
    Këtu ke fol bash si komunist!
    Jam dakort. Vetëm, mirë që nuk e lidhe me "lënien e besës së shqiptarëve".

    Deri te LIIB është e vërtetë logjika e burimeve natyrore dhe tregjeve si shkaku kryesor. Por sot janë ndarë tregjet. Edhe kur rishpërndahen lufta nuk ndodh në terren por midis kupolave të trusteve (ose edhe brenda kupolës së një trusti).

    Ironikisht shkaku i luftrave të fundit ka qenë e kundërta e shkakut të luftrave të mëparshme. Jo burimet natyrore, por KONSUMI.
    Konsumi nënkupton kontrata të majme për koorporatat që furnizojnë ushtrinë.

    Plumba, çokollata, tanke, brekë, anti-plumb, raketa anti-tank, coca-cola, hummer...të gjitha këto përkthehen në qindra miliardë dollarë të faturuara për llogari të koorporatave.

    Jo, vetëm kaq. Lufta nuk përkthehet vetëm me produkte konsumi. Lufta shkatërron ura, rruge, qytete, fabrika, uzina, shkolla etj etj.
    Të gjitha këto duhen "rindërtuar" apo jo? Ja ku u faturuan edhe disa miliarda dollarë për koorporatat e "rindërtimit".

    Ky është shkaku politiko-ekonomik i luftës.

    Megjithatë për mendimin tim thelbin e luftës e ka thënë (midis të tjerëve) edhe Herakliti që thoshte se lufta e të kundërtave është krijuesi i botës, pa këtët konflikt Universi shkatërrohet menjëherë.

    A mund të ekyistojë Universi pa dy thërrmijat e ngarkesave të e kundërta (+) dhe (-)?

    Konflikti (në kuptimin më të gjerë të mundshëm) është si Kronosi.
    Ai është krijuesi i gjithshkaje dhe ha pjellat e veta.

    Pa konflikt niks Univers. Pa konflikt niks njerëzim. Pa konflikt niks luftë niks paqe.
    Ndryshuar për herë të fundit nga Kavir : 25-07-2011 më 14:58
    -

  13. #13
    i/e regjistruar
    Anëtarësuar
    16-11-2005
    Postime
    8,691
    E ke thene bukur Kavir.

  14. #14
    -
    Anëtarësuar
    21-01-2009
    Vendndodhja
    -
    Postime
    2,081
    P.S Sa për atë pjesën e theksuar. Luftrat nuk nisen asnjëherë për "interesat e popullit". Bagëtia nuk majmet që të jetojnë delet të lumtura e të gëzuara, po që t'i hajë bariu.
    -

  15. #15
    i/e regjistruar
    Anëtarësuar
    27-01-2004
    Postime
    2,378
    Citim Postuar më parë nga Kavir Lexo Postimin
    ...Pa konflikt niks Univers. Pa konflikt niks njerëzim. Pa konflikt niks luftë niks paqe.
    pa kete llogjike specia njerezore nuk do kishte humbur aq shume kohe sa ka humbur e do te humbe akoma...

    p.s. zanafilla e gjithesise eshte dashuria, jo konflikti
    imagine there's no countries...
    nje fjale, nje kuptim...
    :))))

  16. #16
    i/e regjistruar
    Anëtarësuar
    16-11-2005
    Postime
    8,691
    Citim Postuar më parë nga uj me gaz Lexo Postimin
    p.s. zanafilla e gjithesise eshte dashuria, jo konflikti
    ne cmenyre eshte dashuria zanafilla e gjithesise?

  17. #17
    i/e regjistruar
    Anëtarësuar
    27-01-2004
    Postime
    2,378
    Citim Postuar më parë nga xfiles Lexo Postimin
    ne cmenyre eshte dashuria zanafilla e gjithesise?
    ne cdo lloj menyre.

    e ndien?
    imagine there's no countries...
    nje fjale, nje kuptim...
    :))))

  18. #18
    Citim Postuar më parë nga uj me gaz Lexo Postimin
    pa kete llogjike specia njerezore nuk do kishte humbur aq shume kohe sa ka humbur e do te humbe akoma...

    p.s. zanafilla e gjithesise eshte dashuria, jo konflikti
    Me pelqeu shume ky komenti juaj. Nese njerezit do dilnin nga amnezia ku ndodhen, dhe te kujtonin origjinen e tyre, qe eshte Dashuria, nuk do kishin pasur konflikte as me vete qenien e tyre, dhe as me natyren...
    Nese do ndiqnim Love is the Law, cdo gje do ishte shume ndryshe...

    Po marr nje shembull shume te thjeshte, sa per te ilustruar idene qe kam; psh sot te gjithe jane te interesuar te dine se ne cilen zone te planetit ka qene Atlantida, qe ishte nje oaz i dijes dhe shpirterores mes njerezve, nuk ekzistonte konflikti. Por pikerisht ketu shihet se sa ne humbje eshte njeriu (meqe permende humbjen) ne vend qe te kerkoje te ktheje ne token ku jeton ate "atlantiden" ku mbizoteronte dashuria, harmonia mes njerezve, rri e kerkon se ku ka qene vetem nga ana gjeografike, prandaj edhe nuk ka per t'u gjetur kurre ashtu sic nuk eshte gjetur akoma...

    Terresterum dicitio damnum...

    Me falni per devijimin e temes, por me "ngacmoi" ky postimi....
    Ndryshuar për herë të fundit nga Fleur Blanche : 25-07-2011 më 16:46

  19. #19
    i/e regjistruar
    Anëtarësuar
    16-11-2005
    Postime
    8,691
    Citim Postuar më parë nga uj me gaz Lexo Postimin
    ne cdo lloj menyre.

    e ndien?
    ah e ke gabim,

    zanafilla eshte ndarja, diferencimi i 1 ne nje pafundesi pjesezash te ndryshme qe dallojne nga njera tjetra.
    Dashuria eshte forca ekuilibruese qe lind pas zanafilles qe tenton ta ktheje krijimin ne gjendjen e meparshme, dmth ti bashkoje te gjitha ne nje te vetme.

  20. #20
    i/e regjistruar
    Anëtarësuar
    27-01-2004
    Postime
    2,378
    Citim Postuar më parë nga xfiles Lexo Postimin
    ah e ke gabim,

    zanafilla eshte ndarja, diferencimi i 1 ne nje pafundesi pjesezash te ndryshme qe dallojne nga njera tjetra.
    Dashuria eshte forca ekuilibruese qe lind pas zanafilles qe tenton ta ktheje krijimin ne gjendjen e meparshme, dmth ti bashkoje te gjitha ne nje te vetme.


    dikur do e ndjesh...
    imagine there's no countries...
    nje fjale, nje kuptim...
    :))))

Faqja 0 prej 2 FillimFillim 12 FunditFundit

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •