Kongresi i demokrateve: Berisha rimandatohet me 1204 vota pro

[davidd]

TIRANË- Aleksandër Biberaj, anëtar i Kryesisë dhe Këshillit Kombëtar të PD-së nuk ka votuar sot për statusin e ri të partisë, i cili u miratua me shumicën votash sot në kongresin e 9-të. Sipas tij, sot më shumë sesa fitorja, nevojitej një analizë e thellë, për zgjedhjet dhe për këtë duhet të kishte debat.
"Ne sot qeverisim me një pjesë të majtë, në dy zgjedhjet e fundit kemi humbur qytete kryesore dhe për këtë nevojiteshin analiza"- ka thënë ai.
Gjatë një deklarate për mediat, Biberaj ka deklaruar se ka qenë në sallë por nuk ka votuar, pasi nuk është marrë parasysh asnjë nga propozimet e bëra nga ai për ndryshimet në statut. "Janë bërë ndryshime formale, mendoj se duhet të ishin bërë ndryshime më të thella për parimin një anëtar një votë, për ndarjen mandateve, më vjen keq që projekt-statuti nuk është marrë në konsideratë"- tha ai.
Sipas Biberajt, PD-ja duhet të shënonte një epokë të re, kishte nevojë për një status të ri, më afër partive evropiane.

****


8 dhjetori? Dita kundër idhujve të rremë
Po bëj publik sot propozimet për Projekt-statutin e ri të PD-së për Kuvendin Kombëtar të 14 Dhjetorit 2009. Në përgatitjen e këtij dokumenti themelor është pasur parasysh eksperienca më e mirë e Partive Popullore Europiane, e Partisë Konservatore Angleze, si dhe e Partisë Republikane Amerikane, parti këto me një përvojë të gjatë në demokraci të konsoliduara.
Në fazën e re, në të cilën ka hyrë Shqipëria pas anëtarësimit në NATO dhe pas hapjes së rrugës për në BE, reformimi, demokratizimi dhe modernizimi i mëtejshëm i PD-së, përbën një domosdoshmëri dhe sfidë të kohës, pasi PD, duke qenë vlerë kombëtare që përmbysi komunizmin dhe ndërmori reforma të thella në shndërrimin dhe integrimin euro-atlantik të vendit, ka nevojë gjithmonë për reformim.
Ndër risitë kryesore të këtij statuti përmend;

1. Sanksionimin e zbatimit të parimit "një anëtar, një votë", duke detajuar edhe përdorimin e këtij parimi në të gjitha rastet dhe për të gjitha nivelet. Sipas statutit të ri, do të jetë anëtarësia e partisë që do të zgjedhë nëpërmjet këtij parimi përfaqësuesit e vet (në qeverisjen vendore dhe atë qendrore), do të zgjedhë vendim-marrësit, si dhe drejtuesit e të gjitha niveleve. Zbatimi i parimit "një anëtar një votë", rrit ndjeshëm demokracinë e brendshme në parti, si dhe decentralizon vendim-marrjen, pasi i jepet me shume hapësirë kandidaturave të propozuara nga baza e partisë si dhe atyre që vetëparaqiten, duke marrë edhe përgjegjësitë e përfaqësimit.
2. Institucionalizohet diversiteti, debati dhe mendimi ndryshe, qoftë edhe nëpërmjet ekzistencës së fraksioneve, apo rrymave në parti.
3. Krijohen premisa për rrotacion elitash në parti, pasi të zgjedhurit në lidershipin e partisë, nuk mund të zgjidhen më shumë se dy herë rradhazi dhe në rast humbje, iu ndërpritet mandati.
4. Institucionalizohet dhe bëhet efektiv funksionimi i partisë, pasi të mandatuarit në drejtimin e partisë do të jenë funksionalë, si dhe rritet dhe fuqizohet ndjeshëm vendim-marrja dhe pesha e forumeve të partisë, siç janë Këshilli Kombëtar, Grupi Parlamentar apo Kryesia e Partisë.
5. Implementohet institucioni i fushatave elektorale brenda partisë, gjë që krijon kushte për konkurencës reale alternativash/programesh brenda partisë, si dhe institucionalizohen kriteret e karrierës, gjë që krijon kushte për respektimin e vlerave dhe kontributeve në PD.
6. Theksohet me shume filozofia dhe ideologjia e PD-së, si parti e qendrës së djathtë, si dhe baza e saj historike që vjen nga Lëvizja Antikomuniste e Dhjetorit '90. Po ashtu, i jepet më shumë hapësirë shtresës së ish-të përndjekurve politikë, si dhe ish-pronarëve.
U uroj shqiptarëve ditën e madhe të 8 Dhjetorit, ditën simbol të lirisë dhe demokracisë, ditën simbol të shembjes së diktaturës, demonëve të saj, si dhe të idhujve të rremë.

*Aleksandër Biberaj, anëtar i Kryesisë dhe Këshillit Kombëtar të PD-së

marr nga shekulli/ 14/12/2009

[juanito02]

Shyqyr qe doli nje njeri qe tenton ta rinovoje Pd qe eshte mykur nga komunizmi diktatorial i Sales

[davidd]

Te tjereve nuk ja mban se kan frike,po ta hapin gojen nuk gdhihen me ne mengjes. Ikin Shkojne per lesh si pune Azem Hajdarit. Nje emision ne top-channel para disa diteshme te ftuar nje profesor shqiptar, (atehere student) ka ikur ne new york per arsye se po vriteshin njerezit si Hajdari dhe te tjere qe e kane formuar PD ne ate kohe.
Shenasi Rama e ka emrin ky profesori, nga Shkodra.

[gerrard73]

Me vjen keq se Aleksander Biberaj eshte nje nder te paktit politikan shqiptar, qe nuk ka nje kulture politike shqiptare. Por sa te jete xhaxhi Sala, nuk do te kemi nje reformim te PD-se.
Sala dha Papa qeverisin deri sa te vdesin.

[Brari]

o i thelle shiko se je shum i ceket ne kto ceshtje..

shko djal diskuto dikund ku di dicka..



jemi ne demokraci..
te pelqen nje parti..rri aty e milito..
ste pelqen..ik e parti nderro..ose parti te re formo..e mbaroj kjo pune..

ata qe rrin ne pd do te thote se u pelqen ashtu si eshte..
po ashtu dhe per ata ne ps vlen kjo moto..

biberi ka ca kohe qe dicka ka me kryesin e pd-se..
se ku fle ljepuri nuk e dime..
po me sa ma pret radakja ki biberi do jete perpunuar diku ne ndonje loje te mariz linose.. e cila sic duket bashk me widhersin e duan shqiperine jo me sali berish ne qeverri po me edvin erion veli.. pra me ca pocaq.i..

ato pallavrat me status etj..jan pallavra..

[Kavir]

Ore vertet c`a leshin ka ky qe llap per P.D-ne? Ka te drejte Sala mer. Ajo osht partia e Sales ky do me bo si garip. Shko mer nga lagjja tjeter, P.D osh tok e xanun.
Po nuk respektohet prona private ktu mer vlla pranej kena njel jasht Evropit ne.

[kikirik]

Zgjedhjet per kreun e Partise Demokratike ne Kuvendin e IX-te te saj, ashtu sic edhe pritej rimandatuan kryetar, Sali Berishen, i cili ishte edhe kandidati i vetem ne keto zgjedhje me 1204 vota pro. (UPDATE)

Rikonfirmimi i zotit Berisha per here te shtate ne krye te PD-se nuk perbente surprize ne kete proces votimi. Ajo qe pritej me me shume interes ishin votat kunder, te cilat rezultuan 5 dhe po aq, 5, ishin edhe votat abstenim.

Ndersa rezultatet per 100 anetaret e Keshillit Kombetar pritet te publikohen gjate ketyre tre diteve.

Sipas statutit te Partise Demokratike, tani zoti Berisha eshte autoriteti i vetem qe drejton Partine dhe eshte ne tagrin e tij, te therrase Keshillin Kombetar. Kjo do te jete edhe pjesa me interesante, pasi ky forum do te votoje per anetaret e Kryesise se Partise Demokratike, Sekretarin e Pergjithshem, 2 nenkryetaret, dhe Sekretariatin e Partise.

Cfar mendimi keni juve per kete refim?
Eshte e mundur qe nje person te jete i vetmi kandidat?

[martini1984]

Jemi eksemplare ne bote.
Te vecante

[Begby]

E forta ishte se kishte 5 vota kunder dhe 5 abstenime, dhe Sala qe thoshte se do tua kthente mendjen edhe atyre qe heren tjeter te votonin per te lol

[drague]

ta kishte psonis dhe Sala nai kundershtar si Lakrori nuk do ishte keq.

[Brari]

ja ta postojme ketu fjalen e berishers ne kuvendin e pd-se e kush do le te komentoje..

--

Kryeministri Berisha përshëndet Kuvendin e 9-të të Partisë Demokratike

- Ne e kemi sekretin e suksesit, ne e kemi suksesin e vazhdimësisë. Ai qëndron në pasionin tonë për lirinë, në përkushtimin tonë për lirinë, për të garantuar liritë dhe të drejtat e qytetarëve.

- Asgjë nuk do të mund ta ndalojë vrapin në ndërtimin e Shqipërisë Evropiane . Shqipëria evropiane nuk mund të jetë tjetër veçse Shqipëria me infrastrukturë më moderne në rajon.

- Shqipëria evropiane, do të jetë Shqipëria e zemrës së dhimbsur, Shqipëria evropiane do të jetë Shqipëria me fytyrën më sociale, më njerëzore, ndaj edhe në këtë mandat do të vazhdojmë tëpërparësojmë cilësinë e shërbimit shëndetësor, garantimin e tij për çdo qytetar, si objektiv më absolut.

- Kjo maxhorancë, është sot më e vendosur se kurrë të zbatojë me vendosmëri ligjin, të përdorë të gjithë pushtetin që I ka dhënë sovrani në zgjedhjet e 28 qershorit për t’i dhënë përgjigjen më të merituar mafies, e cila nxin çdo ditë, imazhin vendit

Kryeministri Sali Berisha mori pjesë sot në Kuvendin e 9-të Partisë Demokratike. Duke iu drejtuar të pranishmëve, në fjalën e tij përshëndetëse ai u shpreh:



“Të dashur deputetë e deputete,

Zotërinj ministra,

Drejtues kryesorë të Partisë Demokratike,

Miq dhe të ftuar,

“Së pari, në emër tuaj dëshiroj t'u përcjell një përshëndetje të zjarrtë të gjithë anëtarëve, aktivistëve, simpatizantëve, votuesve të PD-së, të cilët me përkushtimin e tyre bënë që të vijmë në këtë kuvend, si kuvendi i fitores historike, si kuvend i vendimeve të mëdha, si kuvend i horizontit të ri, horizontit të Shqipërisë evropiane. Të përshëndes këtu ju delegatë dhe delegate të kuvendit të madh të PD-së, që me votën tuaj do të përcaktoni sot udhëheqjen e re të Partisë Demokratike për të katër vitet që vijnë, udhëheqjen e arkitektes së fitores së zgjedhjeve të 2011, arkitekten e fitores së zgjedhjeve të 2013, arkitekten e Shqipërisë evropiane, e Shqipërisë zonjë në Evropë.

Rroftë Partia Demokratike!

Një falënderim dhe mirënjohje të veçantë dua t’i shpreh drejtuesve kryesorë të Partisë Demokratike që udhëhoqën fushatën elektorale në të gjitha qarqet e vendit, anëtarët e stafeve të tyre elektorale që me përkushtimin e tyre u bënë arkitektë të fitores së merituar të PD-së.

Zonja dhe zotërinj!

Ne mblidhemi sot në këtë kuvend në momentet historike të PD-së, mblidhemi rreth datës së themelimit të saj dhe ulemi sot në këtë kuvend më krenarë se kurrë për këtë forcë politike, e cila u themelua 19 vjet më parë nga trimëria, entuziazmi, kuraja legjendare e studentëve dhe të rinjve shqiptarë. Mendimi më i avancuar intelektual i vendit u përball me regjimin më të egër, më barbar, më mizor të të gjithë Evropës, regjimin që edhe dy dit pas themelimit të kësaj partie do të ekzekutonte të rinjtë dhe të rejat e këtij vendi, në kufijtë e Shqipërisë. Regjimi që kishte shndërruar Shqipërinë në një bunker të vërtetë, në megastrehën e mjerimit, në rajon dhe Evropë.

Partia Demokratike ato ditë të para të dhjetorit nuk kishte mjete, nuk kishte njohuri për sistemin që do të ndërtonte, por kishte pasionin për lirinë, vendosmërinë për mbrojtjen e saj. Liria është dhe mbetet pasioni ynë, zotimi ynë. Ne u themeluam dhe mbetemi Partia e lirive dhe të drejtave njerëzore, ndaj dhe sot nga ky kuvend zotimi ynë para shqiptarëve është garantimi dhe zgjerimi i lirive dhe të drejtave tuaja, i cili do të mbetet objektivi i parë dhe më madhor i kësaj force politike.

Ishte pasioni ynë për lirinë, dashuria për lirinë, respekti ndaj saj që kanë bërë sot që ne demokratët shqiptarë të jemi të vetmit ndër vendet ish komuniste që të festojmë rënien e murit të Berlinit në pushtet dhe ta festojmë atë më madhërishëm se kurrë, ta festojmë atë më fuqishëm se gjithë Evropa, ta festojmë atë me gjysmë milioni shqiptarë në sheshet e kryeqendrës së vendit.

Është pasioni ynë për lirinë, vendosmëria jonë për respektimin e saj që bëri që ne të kapërcejmë me sukses vështirësitë më të jashtëzakonshme, bëri që ne në kushtet e një mjerimi total, të një hiperkolektivizmi më të thellë, të dyfishojmë çdo vit të ardhurat për qytetarët shqiptarë, bëri që ne ti rezistojmë një terrori të paparë të rebelimit komunist dhe të largojmë me votën tonë të lirë, ata që në pushtet erdhën me dhunë. Liria është pasioni ynë. Pasioni ynë për lirinë, garantimin e saj, bëri që ne të ulemi sot në këtë sallë me ballin lart, para çdo qytetari shqiptar, para çdo qytetari të Evropës dhe të botës, duke i besuar lirisë dhe vlerave të saj. Ne realizuam në Shqipëri zgjedhje të lira dhe të ndershme dhe kjo përbën krenarinë tonë. Ne përmbushëm një nga misionet tona historike.

Delegatë dhe delegate të Kuvendit të 9-të,

Qytetarë dhe qytetare shqiptarë,

Ne vijmë sot më të vetëdijshëm, më të pasionuar se kurrë ndaj lirisë dhe vlerave të saj, ndaj dhe unë nga kjo platformë dua të garantoj opozitën se do të ketë hapësirën më të madhe, respektin më të thellë, në misionin e saj, sikundër i ofroj në emër tuaj frymën e bashkëpunimit, të mirëkuptimit për reformat e mëdha, por nga ana tjetër e paralajmëroj se pasioni im për lirinë nuk do të pranojë kurrë që një grusht pinjollësh të bllokut, të mund të nëpërkëmbin vullnetin e lirisë, vullnetin e lirë të qytetarëve shqiptarë. Me atë përkushtim që ne realizuam zgjedhje të lira dhe të ndershme në vend, me atë përkushtim që ne bëmë që Shqipëria të jetë vendi i besimeve të mëdha fetare dhe tolerancës së shkëlqyer fetare, vendi i mungesës së padive ndaj mediave dhe shtypit të pavarur, vendi i lirive dhe të drejtave të minoritarëve, vendi i votës së lirë, po me atë përkushtim ne do të mbrojmë vullnetin e qytetarëve shqiptarë, ndaj dhe unë edhe njëherë nga platforma ju bëj thirrje hiqni dorë nga mentaliteti i etërve tuaj, hiqni dorë sepse betejën me ta e bëmë në vitin 90. Sot ne jemi gati për çdo betejë në mbrojtje të votës së lirë e të vullnetit të lirë të qytetarëve shqiptarë.

Partia demokratike vjen në këtë Kuvend më krenare se kurrë sepse kjo këtu në këtë sallë por edhe jashtë saj në mbarë Shqipërinë, janë burrat dhe gratë, djemtë dhe vajzat që përmbysën murin e Berlinit, në Tiranë, janë ata që rrëzuan bustet e gjalla, këtu në këtë sallë dhe jashtë saj, janë burrat dhe gratë që në vitet 90 Shqipërinë e hiperkoletivizmit total, Shqipërinë e lirive dhe të drejtave të ndaluara, Shqipërinë e mjerimit më të thellë e shndërruan në Shqipërinë e tregut, në Shqipërinë e lirive dhe të drejtave të garantuara, në Shqipërinë që ecën e sigurt drejt integrimit në institucionet euroatlantike, Shqipërinë anëtare të këshillit të Evropës.

Këtu në këtë sallë dhe jashtë saj janë ata burrat dhe gratë, të rinjtë dhe të rejat që qëndruan të pamposhtur, që u burgosën, u ekzekutuan, u torturuan, por nuk u mposhtën nga rebelimi i 97 dhe i krijuan vendit opozitën më të fuqishme, opozitën e parë të fuqishme që kishte njohur në historinë e tij. Këtu në këtë sallë janë ata të cilët në vitin 2005 përzunë nga pushteti ata që erdhën me malavitën dhe rebelimin në pushtet. Këtu në këtë sallë dhe jashtë saj janë ata që me përkushtimin, mundin dhe djersën e tyre shndërruan në realitet ëndrrën madhore të kombit shqiptar, Shqipërinë në NATO. Këtu në këtë sallë dhe jashtë saj janë ata, të cilët me reforma të gjithanshme bënë që më 16 nëntor 27 vendet anëtare të BE-së të pranojnë kërkesën për Shqipërinë anëtare të BE-së. Këtu në këtë sallë janë ata të cilët iu premtuan shqiptarëve se do të lëvizin të lirë brenda vitit të parë të mandatit të dytë në mbarë Evropën dhe ky është realitet. Këtu në këtë sallë janë ata të cilët me reforma të thella dhe të gjithanshme ekonomike Shqipërinë që zhytej çdo ditë në kënetën e korrupsionit,të krimit të organizuar, e nxorën në krye të listës, për luftën kundër korrupsionit, çmontuam një nga një bandat dhe i dhamë asaj tregues të ulët kriminaliteti, më të ulët se mesatarja e BE-së.

Të dashur delegatë, demokrate dhe demokratë kudo që ndodheni,

Partia Demokratike vjen në këtë Kuvend e vendosur për të qëndruar gjithnjë kokulur, e dëgjueshme, para sovranit, para qytetarëve shqiptarë, për të bërë përpjekjet më të mëdha për të dëgjuar kërkesën, interesin, problematikën e tyre dhe për ta zgjidhur atë.

Kjo është parti, e cila arriti të mbijetojë në të gjitha kohërat dhe vjen sot fitimtare për shkakun e vetëm se në qeverisjen e saj vendosi qytetarin të parin. Ndaj dhe sot në emrin tuaj le të garantojmë shqiptarët se aty ku është vuajtja, aty ku është dhimbja, aty ku është lëndimi, aty ku është mundimi, ne do të jemi të parët ne në lehtësimin e tyre, në zgjidhjen e tyre, në mbështetjen tyre.

Ne jemi partia tregut të lirë, por jemi partia e ekonomisë sociale të tregut. Ne si asnjë force tjetër politike në Evropë kemi rritur me mbi 50 % faturën sociale, buxhetin social, financimin për tisutin social të qeverisë shqiptare. Ne e rritëm atë nga 6% në 9 % dhe këtë vit buxheti social për arsimin , shëndetësinë dhe fusha të tjera ka rritjen më të madhe si në asnjë vend tjetër. Ne e nisim qeverisjen në vitin e parë të mandatit të dytë pasi kemi rritur numrin e studentëve nga 52 mijë studentë në 120 mijë dhe ne jemi të vendosur që brenda këtij mandati, numri I studentëve në universitetet e vendit, publike dhe private të tejkalojë 150 mijë. “Shqipëria në shkollë” është dhe do të mbetet motoja jonë, Shqipëria në shkollat moderne, sistem arsimor modern është dhe do të mbetet objektivi ynë madhor.

Shërbim shëndetësor të mjekësisë më të lartë, të garantuar për çdo qytetar, kjo do të jetë reforma jonë. Reforma në shëndetësi është një nga premtimet tona madhore. Shqipëria evropiane, do të jetë Shqipëria e zemrës së dhimbsur, Shqipëria evropiane do të jetë Shqipëria me fytyrën më sociale, më njerëzore, ndaj edhe në këtë mandat do të vazhdojmë të përparësojmë cilësinë e shërbimit shëndetësor, garantimin e tij për çdo qytetar, si objektiv më absolut.

Rritja e rrogave dhe pensioneve është një tjetër objektiv i zemrës së dhimbsur, i qeverisë së fytyrës njerëzore të shoqërisë shqiptare.

Po zotërinj! Ne jemi të vetmit në Evropë, që në kohën e cunamit që përfshiu Evropën dhe botën, guxuam dhe rritëm rrogat dhe pensionet më shumë se kurrë në histori. Ne jemi të vetmit në Evropë që sërish parashikojmë në qershor të vitit që vjen të bëjmë rritjen më të madhe të rrogave dhe pensioneve në tërë historinë e vendit.

Ne po reformojë tërësisht sistemin e ndihmës shoqërore dhe unë jam këtu për t’ju dhënë ju fjalën se brenda këtij mandate nuk do të ketë shqiptarë që të marrë më pak se 2 dollarë në ditë. Po, po Shqipëria duhet të ketë fytyrë njerëzore, Shqipëria duhet të ndahet nga polarizimet, Shqipëria duhet të arkivojë njëherë e përgjithmonë mjerimin. Dhe ne qëndrojmë plotësisht në zotimet tona!

Delegate dhe delegatë të Kuvendit të 9, qytetarë dhe qytetare shqiptarë!

Jeta, siguria e jetës tuaj, pronës tuaj, veprimtarisë tuaj, do të jetë një nga përparësitë më madhore të kësaj qeverisje, ne këtë zotim solemn nisëm ta shndërrojmë ta vazhdojmë dhe ta konsolidojmë çdo ditë e më shumë. Në katër vitet që shkuan, ne shpartalluam dhe vendosëm para ligjit bandat më agresive, më të rrezikshme, më të pamëshirshme, të Shqipërisë, rajonit dhe më gjerë. Por ne, një betejë e madhe na pret dhe kjo është beteja me mafien, me më të pashpirtën, me më shpirtkazmën, me më të rrezikshmen. Ndaj edhe qëndrojmë këtu më të vendosur se kurrë për t’i rezervuar asaj darët dhe gërshërët e ligjit, kudo që ndodhet. Kjo maxhorancë, është sot më e vendosur se kurrë të zbatojë me vendosmëri ligjin, të përdorë të gjithë pushtetin që I ka dhënë sovrani në zgjedhjet e 28 qershorit për t’i dhënë përgjigjen më të merituar mafies, e cila nxin çdo ditë, imazhin vendit, e cila pengon çdo ditë me veprimtarinë e saj kriminale zhvillimin e vendit, e cila gllabëron çdo ditë pasuritë e këtij vendi. Në këtë luftë, në këtë betejë, në këtë përpjeke, në mënyrë absolute nuk ka dhe nuk do të ketë as edhe tendencën më të vogël politike. Ka dhe do të ketë interesin jetik të qytetarit shqiptar, ka dhe do të ketë interesin jetik të zhvillimit të vendit, të lirisë së tregut, të sigurisë së jetës. Por në qoftë se mafia pushton rrugët e kryeqytetit, po në qoftë se mafia gllabëron pronat publike në zemër të Tiranës, ku është shteti, ku është ligji? Ligji dhe shteti, të dashur qytetarë dhe qytetare, kanë përfunduar në shpellat e saj. Nuk do të tolerohet kurrë më!.

Edhe një herë nga kjo platformë dua t’u bëj thirrje avokatëve, të cilët çdo orë, çdo ditë akuzojnë qeverinë. Në Shqipëri, cilido do mund të ketë të drejtën e avokatit. Po ju që akuzoni politikisht mund t’u faktoni qytetarëve shqiptarë qoftë edhe një rast të vetëm të veprimit të njëanshëm? A mund t’u faktoni qytetarëve shqiptarë qoftë edhe një rast të vetëm të pallateve mbi rrugë dhe rrugica, ndaj të cilëve qeveria ime nuk do të ketë përgjigje tjetër përveç fadromave të ligjit? A mund të faktoni qoftë edhe një rast të vetëm, që kjo qeveri, ka heshtur para gllabërimeve të qindra mijërave, mos miliona metër katror tokë troje publike në zemër të Tiranës, në brigjet më të bukura të vendit, apo në qytete të tjera, atëherë ju këshilloj se jeni avokatë të pashpresëve. Harrojeni se ne do të pranonim një kompromis, i cili është bërë në emër të interesave më madhore të vendit.

Por unë jam Sali Berisha. Jam sot këtu para jush, se gjatë gjithë karrierës time politike, në të gjitha rrethanat dhe situatat jam përpjekur që në emër të tuaj dhe të interesave të qytetarëve shqiptarë të dalloj se kush është interesi kryesor. Por, ta dini ju të dashur delegatë dhe delagate se nuk ka pasur interes më madhor, për ju që jeni sot këtu, për ata që na ndjekin nga kjo sallë dhe për mbarë qytetarët shqiptarë se sa zgjedhjet e lira, zgjedhjet e ndershme. Nuk mund të pranoja unë me asgjë, që të komprometoja këtë proces historik, që nxori Shqipërinë nga lista e zezë e zgjedhjeve të pandershme.

Të dashur delegate dhe delegatë!

Në prill të këtij viti ju në këtë sallë miratuat projektin e Shqipërisë Evropiane. Qytetarët shqiptarë me një betejë njerëzore, votëbesuan këtë projekt, si projektin më të mirë më të shkëlqyer për të ardhmen e tyre. Në një hark kohor tre mujor, kjo qeveri, kjo mazhorancë, mbarë qytetarët shqiptarë, ata që e votuan dhe ata që nuk e votuan, kanë shënuar arritje historike, në procesin e Shqipërisë Evropiane. Vendimin e madh të Brukselit më 16 nëntor për të pranuar kërkesën tuaj dhe të mbarë shqiptarëve për t’u anëtarësuar në Bashkimin Evropian, rezolutën e Parlamentit Evropian për të përparësuar me emergjencë heqjen e vizave për qytetarët shqiptarë, sepse qeveria shqiptare, autoritet shqiptare po bëjnë çdo gjë që ky moment të jetë sa më i afërt, po bëjnë reformat më serioze, po marrin vendimet më të rëndësishme që qytetarët e këtij vendi të lëvizin të lirë.

Reforma të tjera janë ndërmarrë dhe do të ndërmerren. Asgjë vrapin në ndërtimin e Shqipërisë Evropiane nuk do të mund ta ndalojë. Shqipëria evropiane nuk mund të jetë tjetër veçse Shqipëria me infrastrukturë më moderne në rajon. Në këtë kontekst, unë ju garantoj ju se investime të mëdha, se projektet e premtuara para shqiptarëve, rruga e Arbrit, Boshti i Jugut, tuneli i Elbasanit, rruga Qafë Plloçë - Qukës, Fierzë - Koman dhe 700 mijë kilometër rrugë do të asfaltohen dhe ndërtohen në mbarë vendin. Ne duhet të vrapojmë për të kapur kohën e humbur, ecja për ne është vendnumëro, për të vrapuar na duhen rrugë të mira, na duhen tunele, na duhen autostrada, na duhet shpejtësia që meritojmë. Shqipëria evropiane do të jetë Shqipëria e qytetarëve me furnizimin me ujë 24 orë. Ne që garantuam furnizimin me energji 24 orë për mbarë qytetarët shqiptarë, ne kemi projekt ne kemi financime, ne kemi vullnetin për të shndërruar këtë projekt të madh në realitet.

Shqipëria evropiane, nuk mund të jetë tjetër përveçse Shqipëria e idealeve evropiane të rinisë shqiptare. Janë ata të cilët e shpalosën aq madhërishëm në dhjetor të viti ‘90 idealin e tyre. Jemi ne sot me detyrimin më madhor, që të bëjmë çdo gjë për të rinjtë shqiptarë. Ky mandat do të jetë mandati i rinisë shqiptare, i shkollimit të saj, i punësimit të saj, i rolit të saj madhor në mbarë shoqërinë shqiptare. Shqipëria dixhitale është Shqipëria e moshës së tyre dhe unë kam kënaqësinë t’u informoj ju se këtë projekt të madh, për të rinjtë shqiptarë para së gjithash, por për mbarë Shqipërinë, se ne ulemi sot pasi inauguruam internetin në të gjitha shkollat e vendit; ne vijmë sot këtu me zotimin solemn për internet me bandë të gjerë në çdo familje shqiptare; ne vijmë sot këtu me zotimin solemn për t’i dhënë mundësi që të ketë kompjuter çdo të riu shqiptar. Ne që në vitin 2010 5-fishuam buxhetin për moshën dixhitale, në vitin 2011 do të 10-fishojmë, në 2012 do të 50-fishojmë që Shqipëria të dalë në krye të listës për përdorimin e internetit në Evropë dhe në botë.

Të dashur delegatë dhe delegate!

Ne sot sërish kemi një armik për njerëzit e lirë dhe ky armik është varfëri dhe akoma më I keq është mjerimi. Ne sot sërish kemi mijëra familje të cilat jetojnë në varfëri të skajshme apo mjerim, ne sot kemi rreth 12 për qind të shoqërisë shqiptare, e cila jeton në varfëri. Nuk mund të ketë objektiv me fisnik, më madhor se luftën e pamëshirshme ndaj kësaj, se mobilizimin e të gjitha mjeteve tona në luftën kundër varfërisë dhe mjerimit, zhdukjen brenda 2 viteve të mjerimit të Shqipërisë,luftën me efiçencë kundër varfërisë. Së pari e theksova objektivin 2 dollarë për frymë, por natyrisht kjo është një luftë mekanike, pasi promotori kryesor i luftës kundër varfërisë është punësimi i qytetarëve shqiptarë. Ndaj edhe ne zotohemi të përshtatim të gjitha politika tona, të gjithë stimujt fiskalë, të gjithë incentivët, në funksion të punësimit të qytetarëve shqiptarë. Zotimi i ynë për 160 mijë qytetarë të punësuar në fund të këtij mandati po jetësohet çdo ditë e më shumë në Tiranë dhe në qendra të tjera të mëdha të vendit.

Vetëm këtë vit ne jemi i vetmi vend me rritje prej 59 për qind të investimeve të huaja. Ne do të bëjmë gjithçka që kjo rritje të shumëfishohet gjatë viteve që vijnë, që kjo rritje të orientohet drejt sektorëve të punësimit më të madh. Dhe ne jemi të bindur se krahas kësaj, lëvizja e lirë është gjithashtu një faktor madhor që mundëson shkollimin dhe punësimin e qytetarëve shqiptarë në rajon dhe në mbarë Evropën.

Të dashur delegatë dhe delegate!

Ky është mandati ynë i dytë. Në këtë mandat ne jemi në koalicion me një partner të majtë, me një anëtar të koalicionit, i cili në programin e tij, si shtyllë kryesore ka integrimin e vendit në Bashkimin Evropiane dhe Shqipërinë sociale. Ne ndjehemi të vendosur të jetësojmë çdo ditë krahas programit tonë, programin e partnerëve tanë sepse aspirata e integrimit, ideali evropian, nuk është monopol vetëm i ynë. Këtë ideal e mbështetin 94 për qind e shqiptarëve, pavarësisht nga spektri politik. Ndjehemi shumë krenar, që qëndrojmë në këtë ideal, jemi shumë të kënaqur që në këtë koalicion kemi një parti që përfaqëson interesat e vërteta të elektoratit të majtë. Të vendosur të ecim së bashku në zgjedhjet e 2011, të ecim së bashku në zgjedhjet e 2013, të ecim së bashku në zgjedhjet e 2024.

E kemi ne sekretin e suksesit, e kemi ne suksesin e vazhdimësisë. Ai qëndron në pasion tonë për lirinë, në përkushtimin tonë për lirinë, për të garantuar liritë dhe të drejtat e qytetarëve. Këtu qëndron sekreti i fitores tonë, këtu qëndron sekreti i suksesit tonë. Rrofshi ju, rroftë Shqipëria!”

nga bota sot

[morrison]

Ne historine shqiptare vec Sala dhe Xhaxhi kane nga kto votimet 99% pro....

[[Perla]]

Pse kishit ndonje dyshim ju ?

[Edvin83]

Cfar mendimi keni juve per kete refim?
Eshte e mundur qe nje person te jete i vetmi kandidat?

Eshte e mundur, ne vitet 1945-1990 kishte gjithmone vetem nje kandidat ne zgjedhje

[☆Angie☆]

Të na rrojë sa malet udhëheqësi ynë i dashur!

[[Perla]]

Kush tjeter ishte ne konkurim?

Zgjedhjet per kreun e Partise Demokratike ne Kuvendin e IX-te te saj, ashtu sic edhe pritej rimandatuan kryetar, Sali Berishen, i cili ishte edhe kandidati i vetem ne keto zgjedhje me 1204 vota pro.

Per cfare votohet kur kandidati eshte nje? Apo kujt ja mbante te dilte rival me prijesin lol

[juanito02]

Fashizem i gjalle o djema.
Me dolen ne retrospektive Stalini, Ducja, Hitleri, Enveri, Kastro, Mobutu, Sadami, Llukashenko, Pinochet etj etj.
Nje surrat si ta ka edhe Saliu jone.
Kur qe para zgjedhjeve vura foton e Saliut ne nje postim timin me gjithe fotot e atyre lart ehu mu pergjigjen te tere cpune kemi ne me diktaturat.
Kemi fatkeqsine qe diktatura e gjate komuniste prodhoi nje mase te madhe njeriu "te ri" skllav te shtetit diktatorial mase e cila ushqen edhe diktaturen e sotme.
Duken shume kjo mase po ne fakt jane shume pak se shumica e shqipove e ka kaluar pas shpine diktaturen dhe kerkon rrugen e lirise dhe demokracise.
Prandaj oburra ta hedhim murin tone te Berlinit se kemi 20 vjet qe nuk e hedhim dot.

[gesti_7]

ahh mjere ne thuaj se cfare populli i duruar paskemi qene.
erdhi Enveri dhe me moton qe ai i vetem luftoi dhe deboi armikun nazi-fashist, ne e mbajtem si hero per 45 vjet.
erdhi Saliu dhe me moton qe ai i vetem luftoi dhe deboi komunizmin, ne po e mbajme dhe me duket do e mbajme edhe per nja 25 vjet te tjera (qe te barazohet ose ta kaloje paraardhesin).
populli yne vertet qe e dashka diktaturen.

...

urime urime, fitoi kandidatura me e mire.

[mia@]

Si shpjegohet qe Sala ka qene i vetmi kantidat per kryetar te PD-se per shume vite? Nuk paska njerez te denje, te rinj, energjitik, intelektual Pd-ja per ta zevendesuar, apo s'ja mban njeri te konkuroje Salen? S'le njeri Sala ti zere vendin, se...

[Nice_Boy]

Të uroj edhe për 20 vjet të tjera të jesh në krye të shtetit dhe partis i madhi dr. SALI BERISHA.