Mesazhi i Moisiut për vitin e ri 2004

[dodoni]

PËRSHËNDETJA E PRESIDENTIT TË REPUBLIKËS, ALFRED MOISIU, ME RASTIN E VITIT TË RI.



31 Dhjetor 2003

Të dashur bashkëqytetarë,

Duke hedhur shikimin mbi vitin që lamë pas, kujtojmë ditët e bukura, por dhe momentet e vështira që kaluam. Sonte të gjithë bashkohemi me shpresën dhe urimin: për një vit të ri të mbarë, të lumtur e në paqe.

Shqipëria, gjatë vitit 2003 ka njohur jo pak ndryshime. Janarin e kaluar nisëm udhën e bisedimeve për Marrëveshjen e Asociim-Stabilizimit me Bashkimin Europian.

Në mars u bashkuam pa hezitim me SHBA-në në luftën kundër terrorizmit ndërkombëtar. Ne dërguam në Irak 70 ushtarë, të cilët me sjelljen shembullore dhe me aftësinë profesionale, janë ambasadorë të Shqipërisë në botë. Urimi ynë më i ngrohtë shkon tek këta djem të mrekullueshëm dhe kolegët e tyre në Afganistan e Bosnje, që edhe në këtë natë të ndërrimit të viteve janë në detyrë në mbrojtje të paqes e sigurisë në botë.

Krahas arritjeve edhe këtë vit u ndeshëm me vështirësi e shfaqje që lidhen me mentalitete dhe gabime të së kaluarës. Politika në shumë raste i mbeti borxh stabilitetit dhe zhvillimit. Patëm disa probleme me zgjedhjet, me zhvillimin e dialogut dhe me qeverisjen. Nga debatet nuk vjen asgjë e keqe, por debatet të mos bëhen si mulliri që bluan pa kokrra. Uroj që viti i ri të sjellë një frymë të re qytetare e demokratike, e cila të bazohet në njohjen e zbatimin e ligjit, uljen e toneve të politikës, ringritjen e moralit politik dhe bashkëpunimin për zgjidhjen e problemeve.

Shumë prej jush me të drejtë shpresojnë më shumë vende pune, shanse për arsim, më shumë siguri dhe furnizim me ujë e drita. Ekonomia ka nevojë për nxitjen e biznesit, veçanarisht atij të vogël dhe rritjen e investimeve të huaja. Të flasim më pak për politikë dhe të bëjmë sa më shumë punë për zgjidhjen e halleve të qytetarëve.

Vëllezër e motra,

Ditën e Krishtlindjeve pata fatin e madh të pajtoj dy familje në hasmëri. Nuk mund të kishte dhuratë më të mirë për Krishtlindje sesa duart e shtrënguara të dy burrave, lotët e tyre dhe urimi që të njëjtin akt fisnik ta bëjnë edhe të tjerë. Apeli është; të gjithë kemi nevojë të falim e të duam më shumë njeri-tjetrin.

Këtë vit shqiptarja e madhe, Nënë Tereza, u lumturua. Porosia e saj, “ne mund të bëjmë punë të vogla, por me dashuri të madhe”, le të na udhëheqë në rrugën e progresit dhe demokracisë.

Në këtë moment feste dëshiroj t’i uroj përzemërsisht të gjithë shqiptarët në rajon dhe kudo që ndodhen 2004 qoftë vit i mbarë në realizimin e ëndrrave dhe aspiratave të tyre. Urime në veçanti për qytetarët në emigracion. Ata kanë nevojë për dashurinë e familjeve dhe atdheut të tyre.

Urimet më të mira edhe për shtresat e rrezikuara sociale të shoqërisë dhe ish të përndjekurit politik.

Urime të veçanta edhe për ata që sonte janë në detyrë në shërbim ndaj qytetarëve dhe vendit.

Duke pritur urime dhe duke u bashkuar në urimet për të tjerët, ne marrim forcë për përballimin e sfidave që kemi përpara; kultivojmë dashurinë, harmoninë dhe solidaritet njerëzor; krijojmë shpresë e besim në një të ardhme më të mirë e më të begatë.

Edhe njëherë gëzuar Vitin e Ri 2004; mbarësi e suksese në familjet tuaja.

Qoftë e bekuar Shqipëria dhe shqiptarët!
Zoti na ndihmoftë!

Marrë nga http://www.president.al/shqip/default.asp

Më pëlqeu urimi i Moisiut dhe nuk kam asnjë koment.

[Albo]

2003 ishte viti ku presidenti Moisiu deshtoi per te vene ne vend autoritetin e institucionit qe ai perfaqeson. Nese pak muaj me pare ai qendronte mbi krizen dhe shqiptaret + opinioni nderkombetar besonin tek garancia kushtetuese e presidentit, sot ai e gjen veten si pjese e krizes ne vend.

Zhgenjimi me i madh i jetes politike ne vend ne 2003 eshte pikerisht presidenti Moisiu i cili me apo pavetedije kreu vetevrasje politike. Fajtore perpara ligjit nuk jane vetem ata qe shkelin ligjin por edhe ata qe deshtojne ta vene ne vend autoritetin e ligjit kushtetues.

Albo

[Idmon]

Mesazhin me te mire presidenti duhet ta bente me mos dekretimin e disa ministrave te akuzuar per korupsion nga pashai i nano. Nuk e kuptoj si mund te dekretosh nje qeveri ku brenda saj ka ministra hajdut te koruptuar sipas te thenave te kryetarit te partise dhe kryeministrit zoti Nano, pas pak kohesh ky kryetar partie dhe ky kryeminister kujtohet dhe keta ministra dikur te koruptuar sot kane nderruar nuk jane me hajdut se keshtu tha pashai nano. Keta pinjolle po tallen me popullin e tyre mjere populli ne duart e kujt ka rene dhe presidenti behet ortak me keta batakzhinj duke na kujtuar kushtetuten .Te na thot zoti president ne c vend te botes vihen ne qeveri njerz te koruptuar njerz hajdut e himoral pianec te pa pergjegjshem keto jane lojra kalamanjsh .E kuptoj zotin gjeneral pasi kjo eshte Bote e Madhe einteresave dhe halleve te medha me kete qe beri tregoj se nuk shikon drejt por shikon majtas ose djathtas .SHQIPERIA po ben rreth 6 muaj qe nuk ka qeveri kurse zoti president mban sehir se cfar do i thot fatos nano ose sali berisha me gjith se kete te fundit nuk e pyet shume se nuk eshte ne pushet.

Zoti e ndimofte ate popullin .

[dodoni]

Mendoj që dekretimi i qeverisë nga ana e Moisiut është kushtetuese sepse në kushtetutë nuk sanksionohet dekretimi i ministrave të përfolur. Pra, për këtë nga ana ligjore nuk mund të fajësohet Moisiu sepse nuk ka bazë ligjore një fajësim i tillë.
Nga ana tjetër edhe unë pajtohem që Nano dhe Angjeli e ata që miqësohen me antishqiptar të përbetuar duhet të ikin nga politika shqiptare. Shpresojmë që shqiptarët do ta bëjnë shpejt pastrimin e politikës nga element të tillë.
Përshëndetje

[Randi]

Postuar më parë nga dodoni
Mendoj që dekretimi i qeverisë nga ana e Moisiut është kushtetuese sepse në kushtetutë nuk sanksionohet dekretimi i ministrave të përfolur. Pra, për këtë nga ana ligjore nuk mund të fajësohet Moisiu sepse nuk ka bazë ligjore një fajësim i tillë.
Nga ana tjetër edhe unë pajtohem që Nano dhe Angjeli e ata që miqësohen me antishqiptar të përbetuar duhet të ikin nga politika shqiptare. Shpresojmë që shqiptarët do ta bëjnë shpejt pastrimin e politikës nga element të tillë.
Përshëndetje

Ndoshta ju keni te drejte per sa shkruani me siper,por une megjithese nuk jam jurist dhe njohurite e mija ne kete drejtim lene per te "desheruar",mendoj qe asnje kushtetute ne asnje vend te botes nuk e detyron presidentin e nje shteti te miratoje dhe dekretoje ministra te perfolur dhe aq me keq per rastin tone te akuzuar.(po te marim parasysh faktin se eshte i njejti person qe i ka akuzuar dhe i njejti person qe i ben ministra,mendoj qe kushtetuta jone ka vetem nje ligj dhe ky ligj eshte Fatos Nano)
Duke ditur qe njeriu me i forte eshte ai qe ka "kusheri"ligjin dhe ku ky ligj per shqiptaret eshte Nano,presidentit tone babaxhan si ngelet qe tjeter vecse te lidhe krushqi me te, gje qe presidenti jone e ka kuptuar me kohe.

Randi